முதுமைக்கால மறதி நோய் இருப்பது கண்டறியப்பட்ட பிறகும் பயணம் வாழ்வின் அங்கமாக இருக்கலாம். சிந்தனைமிக்க ஆயத்தம் மற்றும் எளிமையான சரியமைப்புகளுடன், முதுமைக்கால மறதி நோயுடன் வாழும் நபர்களும், அவர்களைப் பராமரிப்பவர்களும் கிடைக்க வேண்டிய விடுமுறையின் உற்சாகத்தையும் மகிழ்ச்சியையும் தொடர்ந்து அனுபவிக்க முடியும். நீங்கள் பிடித்தமான ஓர் இடத்திற்கு மீண்டும் சென்றாலும் சரி அல்லது ஒன்றாக சேர்ந்து ஒரு புதிய இடத்திற்குச் சென்றாலும் சரி, நடைமுறை ரீதியான உதவிக்குறிப்புகளுக்கு தொடர்ந்து படியுங்கள், இது முதுமைக்கால மறதி நோயுடன் வாழ்பவர்களுக்கும் பராமரிப்பாளர்களுக்கும் சுமூகமான மற்றும் மறக்கமுடியாத பயணத்தை உருவாக்கிட உதவும்.
இந்தக் கட்டுரையில், இலேசான முதுமைக்கால மறதி நோயுடன் வாழும் தனது கணவர் டின் அவர்களைப் பராமரிப்பாளரும் பயணத்தின் மீது அதீத ஆர்வமுள்ளவருமான மாயா அவர்களின் நடைமுறை ரீதியான உதவிக்குறிப்புகளும் ஆழ்ந்த கண்ணோட்டங்களும் இடம்பெற்றுள்ளன.
- Health Promotion Board. (n.d.). Let’s talk about Vascular Dementia. HealthHub. https://www.healthhub.sg/programmes/mindsg/vascular-dementia
- Chiew, H. J. (2021, July 5). Young-onset dementia: Improving outcomes with early recognition at Primary Care. SingHealth. https://www.singhealth.com.sg/news/defining-med/Young-Onset-Dementia
- Ng, Z. X., Yang, W. R. E., Seet, E., Koh, K. M., Teo, K. J., Low, S. W., Chou, N., Yeo, T. T., & Venketasubramanian, N. (2015). Cerebellar strokes: A clinical outcome review of 79 cases. Singapore Medical Journal, 56(03), 145–149. https://doi.org/10.11622/smedj.2014195
- Ioannides K, Tadi P, Naqvi IA. Cerebellar Infarct. [Updated 2022 May 8]. In: StatPearls [Internet]. Treasure Island (FL): StatPearls Publishing; 2023 Jan-. Available from: https://www.ncbi.nlm.nih.gov/books/NBK470416/
- Huang, J., Qiu, Z., Zhou, P., Li, J., Chen, Y., Huang, R., Li, C., Ouyang, X., Feng, H., Xu, H., Liu, D., Dai, Z., Zhu, J., Liu, X., Chen, H., & Jiang, Y. (2019). Topographic location of unisolated pontine infarction. BMC Neurology, 19(1), 1-6. https://doi.org/10.1186/s12883-019-1411-6
பயணிப்பதற்கு முன்பு
பயணத்தின் மீதான ஆர்வம் மற்றும் சௌகரியம் குறித்து விவாதியுங்கள்
எந்தவொரு பயண ஏற்பாடுகளையும் செய்வதற்கு முன், முதுமைக்கால மறதி நோயுடன் வாழும் உங்கள் அன்புக்குரியவரிடம் பயணம் செய்வது பற்றி அவர்கள் எப்படி உணருகிறார்கள் என்பது குறித்து வெளிப்படையான உரையாடலை மேற்கொள்வது முக்கியம். இந்தக் கலந்துரையாடல் அவர்களின் சௌகரியத்தை அளவிடவும், புதிய சூழல்கள் அல்லது ஏற்படக்கூடிய சாத்தியமான மனக்கவலை குறித்து அவர்களுக்கு இருக்கும் ஏதேனும் ஐயரவுகளைத் தீர்க்கவும் உதவும்.
அவர்களின் உணர்வுகளைப் புரிந்துகொள்ள நேரம் ஒதுக்குவதன் மூலம், அவர்களின் நல்வாழ்வுக்கு முன்னுரிமை அளிக்கும் வகையில் விஷயங்கள் அறிந்து நீங்கள் முடிவுகள் எடுக்கலாம் மற்றும் உங்கள் இருவருக்கும் மிகவும் மகிழ்ச்சிகரமான பயண அனுபவத்தை உருவாக்கலாம்.
உங்கள் அன்புக்குரியவரிடம் பின்வரும் கேள்விகளைக் கேட்பது குறித்து கருத்தில் கொள்ளுங்கள்:
- பயணத்திற்குச் செல்வதற்கு நீங்கள் எப்படி உணருகிறீர்கள்?
- நீங்கள் ஏதேனும் ஒரு குறிப்பிட்ட இடத்திற்குச் செல்ல விரும்புகிறீர்களா?
- நீங்கள் பழக்கப்பட்ட இடத்திற்குச் செல்ல விரும்புகிறீர்களா அல்லது ஏதேனும் புதிய இடத்திற்குச் சென்று பார்க்க விரும்புகிறீர்களா?
- பயணத்தின்போது நீங்கள் செய்ய விரும்பும் ஏதேனும் நடவடிக்கைகள் உள்ளனவா?
- நாம் பயணம் செய்யும்போது வேறு ஏதேனும் விஷயத்தை நான் மனதில் கொள்ள வேண்டுமென விரும்புகிறீர்களா?
முன்கூட்டியே திட்டமிடுங்கள்
பயணம் செய்யலாமென நீங்கள் இருவரும் முடிவெடுத்த பிறகு, அதற்குத் திட்டமிடத் தொடங்குவது அவசியம். சுமூகமான பயணத்தை உறுதி செய்ய பின்வரும் அம்சங்களை மனதில் கொள்ளுங்கள்:
சமாளிக்கக்கூடிய, பழக்கமான அல்லது ஆதரவான இடங்களைத் தேர்வுசெய்யவும். அதிக நெரிசல் உள்ள அல்லது மனதில் அதிகம் தூண்டல் உணர்ச்சியை ஏற்படுத்தும் சூழல்களான இரவு சந்தைகள் போன்றவற்றைத் தவிர்ப்பது நல்லது, இவை இன்னலை ஏற்படுத்தக்கூடும். புதிய இடங்களை முயற்சி செய்துப் பார்ப்பது பலனளிக்கும் அனுபவமாக இருக்கும், குறிப்பாக அது நன்கு திட்டமிட்டிருந்தால். உங்களுக்கும் உங்கள் அன்புக்குரியவருக்கும் பயணம் எளிதாக இருக்க, வசதியான போக்குவரத்து விருப்பங்கள் மற்றும் தேவையான வசதிகளுடன், எளிதில் அணுகக்கூடிய பகுதிகளைச் சென்று பார்க்க நேரம் ஒதுக்குங்கள்.
மிகவும் சௌகரியமான மற்றும் அணுகக்கூடிய பயண முறையைத் தேர்ந்தெடுக்கவும். குழப்பத்தையும் மனக்கவலையையும் குறைக்க சிலர் குறுகிய பயணங்கள் அல்லது நேரடி வழிகளை விரும்பலாம். கூடுதலாக, நேரடியான பயண விருப்பங்களைத் தேர்ந்தெடுப்பதும், சிக்கலான இணைப்புப் பாதைகளைத் தவிர்ப்பதும் பயணத்தை மேலும் சமாளிக்கக்கூடியதாக ஆக்கும், மன உளைச்சலைக் குறைக்க உதவும்.
கடவுச்சீட்டு, மருத்துவ பதிவுகள் மற்றும் அவசரகால தொடர்புகள் போன்ற தேவையான அனைத்து பயண ஆவணங்களையும் உங்களிடம் வைத்திருப்பதை உறுதி செய்து கொள்ளுங்கள்
முதுமைக்கால மறதி நோயுடன் வாழும் நபர் பயணம் செய்வதற்கு ஏற்ற உடற்தகுதியுடன் உள்ளாரா என்பதை உறுதிப்படுத்திக் கொள்ள சுகாதார வல்லுநரிடம் ஆலோசனை பெறுங்கள். தேவையான தடுப்பூசிகள், மருந்துகள் மற்றும் பயணத்திற்கான ஏதேனும் சிறப்புப் பரிசீலனைகள் குறித்து அவர்கள் குறிப்பிட்ட ஆலோசனைகளை வழங்கக்கூடும்.
மாயாவின் உதவிக்குறிப்புகள்
• ஏற்கனவே உள்ள மருத்துவ நோய்களை உள்ளடக்கும் பயணக் காப்பீட்டை வாங்கிக் கொள்ளுங்கள்.
• உங்கள் அன்புக்குரியவரின் நிலையைப் புரிந்துகொண்டு தேவைப்பட்டால் உதவக்கூடிய ஒருவருடன் அல்லது ஒரு குழுவுடன் பயணம் செய்யுங்கள்.
அத்தியாவசியப் பொருட்களை பேக் செய்தல்
சௌகரியத்தை உறுதி செய்யும் மற்றும் மனக்கவலையைக் குறைக்கும் விதமான அத்தியாவசியப் பொருட்களை ஒரு பையில் எடுத்துச் செல்லுங்கள். பின்வரும் பொருட்களை எடுத்துச் செல்வதைக் கருத்தில் கொள்ளுங்கள்:
- மருந்துகள், தேவைப்பட்டால் கூடுதல் மருந்துகளுடன்.
- பிடித்த போர்வை அல்லது புகைப்படம் போன்ற ஆறுதல் அளிக்கும் பொருட்கள்
- எழுதப்பட்ட பயணத்திட்டம் அல்லது பயணத்தின் காட்சி வழிகாட்டி போன்று நியாபகத்திற்கு உதவும் விதமான பொருட்கள்
- அவசரகால தொடர்புகளின் பட்டியல் மற்றும் ஏதேனும் தொடர்புடைய மருத்துவ விவரங்கள்
மாயாவின் உதவிக்குறிப்புகள்
• குடியேற்றம் அல்லது பாதுகாப்பு சோதனைகளின்போது வழங்குவதற்கு உங்கள் அன்புக்குரியவரின் மருத்துவரிடமிருந்து பெற்ற முறையான மருத்துவக் கடிதம் அல்லது குறிப்பின் பல நகல்களை தயார் செய்து வைத்துக் கொள்ளுங்கள். இந்தக் கடிதம் அவர்களின் மருத்துவ நிலைமையை விளக்கவும், எல்லையைக் கடக்கும்போது அமர்ந்திருப்பது போன்ற சிறப்பு வசதிகளைப் பெறவும் உதவும்.
• மருத்துவர் பரிந்துரைத்த அனைத்து மருந்துகளின் விரிவான பட்டியலைத் தயாரிக்கவும், மருந்தின் அளவுகள் மற்றும் கால அட்டவணைகள் உட்பட. தேவைப்படும்போது மருந்துகளை எளிதாகப் பெறும் வகையில் அவற்றின் பொதுவான மற்றும் பிராண்டு பெயர்கள் இரண்டையும் அதில் குறிப்பிடுங்கள்.
பயணிக்கும்போது
உங்கள் அன்புக்குரியவருக்கு நீங்கள் எங்கு செல்கிறீர்கள், என்ன செய்யப் போகிறீர்கள் என்பது குறித்துத் தொடர்ந்து தெரிவிப்பது, அவர்கள் விழிப்புடன் இருக்கவும் பாதுகாப்பாக உணரவும் உதவும். பயணத்தின்போது குறிப்புக்கு காட்சி ரீதியான உதவிகள் அல்லது புகைப்படங்களுடன் கூடிய எழுதப்பட்ட எளிய பயணத்திட்டம் அவர்களுக்கு உதவியாக இருக்கும்.
உணவு நேரங்கள், படுக்கை நேரங்கள் மற்றும் மருந்து அட்டவணைகளில் வழக்கங்களைப் பேணுவது மன அழுத்தத்தைக் குறைத்து, நிலைத்தன்மை உணர்வை அளிக்கும். பயணத்திற்கு எடுத்துச் செல்லும் விதமான அலாரம் கடிகாரம் மற்றும் மாத்திரை ஒழுங்கமைப்பு பெட்டி போன்று இந்த வழக்கங்களை ஆதரிக்கும் எந்தவொரு பொருட்ளையும் உங்களுடன் கொண்டுச் செல்லுங்கள்.
விமான நிலையங்கள் போன்ற பரபரப்பான அல்லது சத்தம் நிறைந்த இடங்கள் மன அமைதிக்கு இடையூறாக இருக்கலாம். நீங்கள் விமானத்தில் பயணம் செய்கிறீர்கள் என்றால், சத்தத்தை குறைக்கும் ஹெட்ஃபோன்கள் மற்றும் பழக்கமான இசை போன்றவை முதுமைக்கால மறதி நோயுடன் வாழும் உங்கள் அன்புக்குரியவருக்கு ஆறுதல் அளிக்க உதவும்.
பயணத்தின்போது நடவடிக்கைகளைத் திட்டமிடும்போது, உங்கள் அன்புக்குரியவரின் ஆர்வங்கள் மற்றும் திறன்களுடன் பொருந்தக்கூடியவற்றைத் தேர்ந்தெடுப்பது முக்கியம். நடவடிக்கைகளை மகிழ்ச்சிகரமானதாக மாற்ற பின்வரும் முக்கிய காரணிகளைக் கருத்தில் கொள்ளுங்கள்.
மாயாவின் உதவிக்குறிப்புகள்
•நீங்கள் விமானத்தில் பயணித்தால், சிறப்புத் தேவைகளைக் கொண்ட நபர்களுக்கான அணுகக்கூடிய கழிப்பறைகள் அல்லது வசதிகள் குறித்து கேபின் குழுவினரிடம் சரிபார்க்கவும்.
• செல்ல வேண்டிய இடத்திற்கு வந்தவுடன், அவசரநிலை ஏற்பட்டால் நீங்கள் தயாராக இருப்பதை உறுதிசெய்யும் வகையில், உங்கள் தங்குமிடத்திற்கு அருகிலுள்ள மருத்துவமனை அல்லது மருந்தகத்தைக் கண்டறியவும்.
•அந்தப் பகுதியைப் பற்றியும் போக்குவரத்து விருப்பங்களைப் பற்றியும் நன்கு தெரிந்துகொள்ள நேரம் ஒதுக்குங்கள். உதாரணமாக, ஹாலந்து பயணத்தின்போது, சக்கர நாற்காலியைப் பயன்படுத்தும் டின் அவர்களுக்கு இந்த ரயில் நிலையம் பொருத்தமானதா என்பதை மதிப்பிடுவதற்காக மாயா அவர்கள் ரயில் நிலையத்தில் அமர்ந்தார்.
•பயணத்தின்போது உங்கள் அன்புக்குரியவருக்கு புகைப்படங்களைக் காண்பிப்பதன் மூலமோ அல்லது பழக்கமான இடங்களுக்கு இதற்கு முன்பு சென்றிருப்பதை நினைவூட்டுவதன் மூலமோ அவர்களுக்குத் தெரியப்படுத்துங்கள்.
•பழக்கமான வழக்கங்களைக் கடைபிடிக்க முயற்சி செய்யுங்கள். உதாரணமாக, டின் அவர்களுக்கு குறுக்கெழுத்துப் புதிர்கள் விளையாடுவதும், டேப்லெட்டில் குர்ஆனைப் படிப்பதும் பிடிக்கும், இவற்றை மாயா அவர்களின் பயணங்களின்போது சேர்க்க முயற்சிக்கிறார்.
முடிவுரை
முதுமைக்கால மறதி நோயுடன் வாழும் நபர்களுடன் பயணம் செய்வதற்கு கூடுதல் கவனம் தேவை, இருப்பினும் அது நன்கு பலன்மிக்கதாகவும் உற்சாகமூட்டும் விதமாகவும் இருக்கும். வெளிப்படையான தகவல் பரிமாற்றம், கவனமான திட்டமிடல் மற்றும் தகவமைப்புத் திறன் மூலம், முதுமைக்கால மறதி நோய் உள்ளவர்களும் அவர்களைப் பராமரிப்பவர்களும் சௌகரியத்தையும் பாதுகாப்பையும் மனதில் கொள்ளும் அதே வேளையில் அர்த்தமுள்ள நினைவுகளை ஒன்றாகச் சேர்ந்து உருவாக்கலாம்.
