நான் பங்கு வகிக்க விரும்புகிறேன் Archives - DementiaHub.SG

செவிப்புலன் இழப்பு: முதுமைக்கால மறதி நோய்க்கான மறைவான ஆபத்து காரணி

shekinah — Thu, 20 Nov 2025 00:34:34 +0000

கவனமாகக் கேளுங்கள்

6 நிமிட வாசிப்பு

https://www.dementiahub.sg/wp-content/uploads/speaker/post-83270.mp3?cb=1775696850.mp3

செவிப்புலன் இழப்பு என்பது முதுமைக்கால மறதி நோயின் மாற்றக்கக்கூடிய ஆபத்து காரணியாக உள்ளது. இந்தக் கட்டுரை இந்த இரண்டுக்கும் இடையே உள்ள தொடர்பைப் பற்றி ஆராய்ந்து, செவிப்புலன் இழப்பு பற்றிய ஆழமான புரிதலையும், அதன் அடையாளங்களையும் அறிகுறிகளையும், செவிப்புலன் இழப்பு ஏற்பட வாய்ப்பு இருக்கும்போது அதனைத் தடுக்க என்ன செய்யலாம் மற்றும் அதற்கு எப்படி சிகிச்சையளிக்கலாம் என்பதைப் பற்றிய தகவல்களையும் வழங்குகிறது.

இந்த கட்டுரையில்

தொடக்கவுரை
செவிப்புலன் இழப்பு மற்றும் முதுமைக்கால மறதி நோய்க்கு இடையில் உள்ள தொடர்பு என்ன?
செவிப்புலன் இழப்பின் வகைகள்
செவிப்புலன் இழப்பின் ஆரம்ப அறிகுறிகள்
தடுப்பு மற்றும் சிகிச்சைக்கான உதவிக்குறிப்புகள்
முடிவுரை

தொடக்கவுரை

2050-ஆம் ஆண்டு வாக்கில், கிட்டத்தட்ட 2.5 பில்லியன் மக்கள் ஏதோ ஒரு வகையான செவிப்புலன் இழப்பால் (காது கேளாமையால்) பாதிக்கப்படுவார்கள் என்று கணிக்கப்பட்டுள்ளது.¹ லான்செட் ஆய்வின்படி (2020), செவிப்புலன் இழப்பு முதுமைக்கால மறதி நோயினுடைய ஆபத்து காரணியாக அடையாளம் காணப்பட்டுள்ளது.² லான்செட் ஆய்வானது (2024), உலகளவில் முதுமைக்கால மறதி நோய் தொடர்பான பாதிப்புகளில் சுமார் 7% செவிப்புலன் இழப்பினால் ஏற்பட்டதாக மதிப்பிட்டுள்ளது.³ மூத்த குடிமக்களிடையே இது மிகவும் பரவலாக இருந்தாலும், செவிப்புலன் இழப்பு பொதுவாக கண்டறியப்படுவதில்லை அல்லது நன்கு கண்டறியப்படுவதில்லை, இது முதுமைக்கால மறதி நோய்த் தடுப்பு மற்றும் பராமரிப்பில் ஒரு முக்கியமான பிரச்சினையாக உள்ளது.

செவிப்புலன் இழப்பு மற்றும் முதுமைக்கால மறதி நோய்க்கு இடையில் உள்ள தொடர்பு என்ன?

முதுமைக்கால மறதி நோய்க்கான சாத்தியமான ஆபத்து காரணியாக செவிப்புலன் இழப்பு சமீபத்திய ஆண்டுகளில் அதிக முக்கியத்துவம் பெற்றுள்ளது. செவிப்புலன் இழப்பானது மக்கள்தொகை சார்ந்த விளைவுப் பங்கை (PAF) அதிகமாகக் கொண்டிருப்பதாக 2017 லான்செட் அறிக்கை கண்டறிந்துள்ளது – ஒரு குறிப்பிட்ட ஆபத்து காரணியை அகற்றினால், அது நோய் பாதிப்பு எண்ணிக்கைகளை எவ்வளவு தடுக்க முடியும் என்பதை மதிப்பிடுவதே இந்த அளவீடு. இந்த விஷயத்தில், தடுக்கக்கூடிய சாத்தியமான முதுமைக்கால மறதி நோய் பாதிப்புகளில் 23% செவிப்புலன் இழப்பே காரணமாக உள்ளது, இது மனச்சோர்வு (10.1%), புகைபிடித்தல் (13.9%), சமூக தனிமை (5.9%), உயர் இரத்த அழுத்தம் (5.1%) அல்லது நீரிழிவு நோய் (3.2%) போன்ற வேறு எந்தத் தனிப்பட்ட ஆபத்து காரணிகளையும் விட அதிகம்.⁴

செவிப்புலன் இழப்புக்கு சிகிச்சையளிக்கப்படவில்லை என்றால், அது சமூக ரீதியாக அதிகம் தனிமைப்படுத்தப்படுவதற்கும், ஒருவரின் மூளை அமைப்பில் மாற்றங்கள் ஏற்படுவதற்கும் வழிவகுக்கும். ஏனென்றால் மூளையின் பின்வரும் இரண்டு முக்கிய பகுதிகள் செவிப்புலன் இழப்பால் பாதிக்கப்படுகின்றன: நெற்றிப்பொட்டு மடல் மற்றும் முன்பக்க புறணி:

நெற்றிப்பொட்டு மடல் (Temporal Lobe): ஒலி செயலாக்கம் மற்றும் பிற செயல்பாடுகளுக்கு உதவி புரிகிறது.

முன்பக்க புறணி (Frontal Coretex): முடிவெடுத்தல் மற்றும் திட்டமிடல் போன்ற கவனம் செலுத்தும் செயல்பாடுகள் மற்றும் நிர்வாக செயல்பாடுகளுக்கு உதவி புரிகிறது.

செவிப்புபுலன் இழப்பு இந்தச் செயல்பாடுகளை மெதுவாக்குகிறது, இதனால் இந்த பகுதிகளில் மூளையின் அறிவாற்றல் சார்ந்த செயல்பாடு விரைவாக மோசமடைகிறது.

அதிகரித்த சமூக ரீதியான தனிமை செவிப்புலன் இழப்பு உள்ள வயதானவர்களுக்கு தகவல் பரிமாற்றத்தில் பிரச்சனை இருக்கும், இதனால் சமூக சூழ்நிலைகளில் இருந்து விலகிச் செல்ல வேண்டிய கட்டாயம் ஏற்படுகிறது.⁵ஆரம்பத்தில் நோயின்றி இருந்த நபர்கள், அவர்கள் பிற ஆபத்து காரணிகளை மாற்றியமைத்த பிறகும் கூட, குறைவான சமூக வட்டாரங்கள், கம்மியான சமூக ஆதரவு மற்றும் தனிமை ஆகியவை அவர்களுக்கு முதுமைக்கால மறதி நோய் ஏற்படும் ஆபத்தை அதிகரிக்கும் என்பதை மற்ற ஆய்வுகள் கண்டறிந்துள்ளன.⁶ செவிப்புலன் இழப்புக்கும் சமூக ரீதியான தனிமைக்கும் இடையிலான தொடர்பு அறிவாற்றல் தூண்டுதலுக்கான வாய்ப்புகளைக் குறைக்கிறது. தனிநபர்கள் உரையாடல்களில் குறைவாக ஈடுபடும்போது, அவர்கள் தூண்டுதலூட்டும் தகவல்களைக் குறைவாக செயலாக்குகிறார்கள், இது அவர்களின் மூளை செயல்பாட்டைப் பாதிக்கும். காலப்போக்கில், இந்தக் குறைக்கப்பட்ட அறிவாற்றல் ரீதியான ஈடுபாடு, குறைந்து வரும் தகவல் பரிமாற்ற திறன்களுடன் சேர்ந்து, அறிவாற்றல் இழப்புக்கு பங்களித்து இறுதியில் முதுமைக்கால மறதி நோய்க்கு வழிவகுக்கக்கூடும்.

மூளை அமைப்பில் ஏற்படும் மாற்றங்கள் செவிப்புலன் இழப்பு, அறிவாற்றல் ரீதியான செயலாக்கத்தின் தூண்டுதலைக் குறைப்பதற்கும் வழிவகுத்துள்ளது.⁷ இது பேச்சு மற்றும் மொழி உள்ளீட்டின் பற்றாக்குறைக்கு வழிவகுக்கிறது, இது மூளையின் அமைப்பையும் செயல்பாட்டையும் எதிர்மறையாக பாதித்து, இறுதியில் மூளைத் திசுக்கள் சுருங்குவதற்கு காரணமாகிறது. கூடுதலாக, செவிப்புலன் இழப்பானது மூளையில் அறிவாற்றல் ரீதியான சுமையை அதிகரித்து வேலை செய்யும் நினைவகம் போன்ற நுட்பமான அறிவாற்றல் வீழ்ச்சியை துரிதப்படுத்துகிறது. குறிப்பாக, இது ஆல்சைமர் நோயுடன் பொதுவாக தொடர்புடைய பகுதிகளை பலவீனப்படுத்துவதாகத் தெரிகிறது.⁸

செவிப்புலன் இழப்பின் வகைகள்

செவிப்புலன் இழப்பு என்பது நாம் ஒலிகளைக் கேட்கும் விதத்தைப் பாதிக்கும் ஒரு மருத்துவ நிலை ஆகும், மேலும் இது பல காரணங்களினால் ஏற்படலாம். மூன்று வகையான செவித்திறன் இழப்பு உள்ளன: (a) கடத்தும் செவிப்புலன் இழப்பு மற்றும் (b) சென்சார்நியூரல் செவிப்புலன் இழப்பு மற்றும் (c) கலப்பு செவிப்புலன் இழப்பு.⁹

கடத்தும் செவிப்புலன் இழப்பு

செவிகளின் வெளிப்புற மற்றும் நடுத்தர பகுதிகள் வழியாக ஒலி திறன்மிக்க பயணித்து செவியின் உட்பகுதியை (கோக்லியா) அடைய முடியாதபோது இந்த வகையான செவிப்புலன் இழப்பு ஏற்படுகிறது.

பொதுவான காரணங்களில் அடங்குவன:

செவி அடைப்பு: மெழுகு படிதல், வெளிப் பொருட்கள் அல்லது தொற்றுகள் (ஓடிடிஸ் எக்ஸ்டெர்னா போன்றவை).

துளையிடப்பட்ட செவிப்பறை: அதிர்ச்சி அல்லது நாள்பட்ட தொற்றுகளால் ஏற்படும் செவிப்பறையில் துளை அல்லது கிழிதல் ஏற்படுதல்.

செவியின் நடுப்பகுதியில் சேதமடைந்த எலும்புகள் (சிற்றெழும்புகள்): செவியின் நடுப்பகுதியில் உள்ள எலும்புகள் காயம் அல்லது ஓட்டோஸ்கிளிரோசிஸ் (செவி எலும்பு கடினமாதல்) போன்ற நோய்கள் காரணமாக இடம்பெயர்ந்திருக்கலாம், சேதமடைந்திருக்கலாம் அல்லது இடத்தில் அசையாத நிலையில் இருக்கலாம்.

செவியின் நடுப்பகுதி நோய்த்தொற்றுகள் (ஓடிடிஸ் மீடியா எனப்படும் நடுச்செவி அழற்சி) செவியின் நடுப்பகுதியில் தொற்று ஏற்படுவதும் திரவம் சுரப்பதும் ஒலி பரிமாற்றத்தில் குறுக்கிடலாம்.

சென்சார்நியூரல் செவிப்புலன் இழப்பு

மூளைக்கு ஒலி சமிக்ஞைகளை அனுப்பும் செவியின் உட்பகுதி (கோக்லியா) அல்லது செவிப்புலன் நரம்புக்கு சேதம் ஏற்படும்போது இது நிகழ்கிறது. இது பொதுவாக நிரந்தரமான பாதிப்பாகும், மேலும் இதற்குச் சிகிச்சையளிப்பது மிகவும் சிக்கலானது.

பொதுவான காரணங்களில் அடங்குவன:

மூப்படைதல்: வயதாகையில் இயற்கையாக நிகழும் படிப்படியான செவிப்புலன் இழப்பு.

சத்தம் நிறைந்த சூழலில் இருத்தல்: உரத்த சத்தங்களை நீண்ட நேரம் கேட்பது செவியின் உட்பகுதியில் (கோக்லியாவில்) உள்ள உணர்வு ரீதியான அணுக்களை சேதப்படுத்தும்.

செவியின் உட்பகுதி நோய்த்தொற்றுகள்: பொன்னுக்கு வீங்கி அல்லது சளிக்காய்ச்சல் போன்ற வைரஸ்கள் மற்றும் பாக்டீரியாக்களால் ஏற்படும் நோய்த்தொற்றுகள்.

மெனியர் நோய்: செவிகளில் ரீங்கார சத்தம் (டின்னிடஸ்), செவிப்புலன் இழப்பு மற்றும் தலைச்சுற்றலை ஏற்படுத்தும் ஒரு மருத்துவ நிலை.

ஓட்டோடாக்ஸிக் மருந்துகள்: சில மருந்துகள் செவிப்புலன் நரம்புகள் அல்லது செவியின் உட்பகுதியைச் சேதப்படுத்தும், இந்த மருந்துகளில் அடங்குவன:

நுண்ணுயிர் எதிர்ப்பு மருந்துகள்: ஜென்டாமைசின் மற்றும் வான்கோமைசின் போன்றவை

புற்றுநோய் மருந்துகள்: சில கீமோதெரபி மருந்துகள்

கலப்பு செவிப்புலன் இழப்பு

ஒருவருக்கு கடத்தும் செவிப்புலன் இழப்பு மற்றும் சென்சார்நியூரல் செவிப்புலன் இழப்பு இரண்டும் இருக்கும்போது கலப்பு செவிப்புலன் இழப்பு ஏற்படுகிறது, அதாவது செவியின் நடுப்பகுதி (எ.கா. திரவம் சுரத்தல் அல்லது அடைப்பு) மற்றும் செவியின் உட்பகுதி அல்லது நரம்பு இரண்டிலும் பிரச்சனை உள்ளது என்று அர்த்தம்.

நீண்டகாலம் சென்சார்நியூரல் செவிப்புலன் இழப்பு இருக்கும் ஒருவருக்கு செவியில் தொற்று ஏற்படும்போது அல்லது நீண்டகாலம் செவியில் தொற்று இருக்கும் ஒருவருக்கு சென்சார்நியூரல் செவிப்புலன் இழப்பு ஏற்படும்போது இது நிகழலாம்.

பொதுவான காரணங்கள்:

செவியில் நாட்பட்ட தொற்றுகள் மற்றும் வயது தொடர்பான செவிப்புலன் இழப்பு

செவிகளின் வெவ்வேறு பகுதிகளைப் பாதிக்கக்கூடிய தலைக் காயம்

நீண்ட காலம் சத்தம் நிறைந்த சூழலில் இருத்தல்

செவிப்புலன் இழப்பின் ஆரம்ப அறிகுறிகள்

செவித்திறன் இழப்பு திடீரென்றோ படிப்படியாகவோ ஏற்படலாம், இது ஒற்றை அல்லது இரண்டு செவிகளையும் பாதிக்கக்கூடும். அறிகுறிகளில் பின்வருபவை அடங்கும்:

இரைச்சலான சூழலில் பேச்சைப் புரிந்துகொள்வதில் சிரமம்

மக்கள் முணுமுணுப்பது போன்ற உணர்வு

உங்களுக்காக அவற்றை மீண்டும் சொல்ல வேண்டிய தேவை

ஒருவர் பேசுவதை நேரடியாகப் பார்க்காமல் இருக்கும்போது அவர் பேசுவதைப் புரிந்துகொள்வதில் சிரமம்

உரையாடல்களில் இருந்து விலகுதல்

செவித் தொற்றுகள் காரணமாக செவி வலி மற்றும் செவிக் கசிவு போன்ற தொடர்புடைய செவி பாதிப்பு அறிகுறிகள்.

டின்னிடஸ் (செவிகளில் ரீங்கார சத்தம்)

வெர்டிகோ (தலைச்சுற்றும் உணர்வுகள்)

இந்த அறிகுறிகள் உங்களுக்கு ஏற்பட்டால் மருத்துவரை அணுகுங்கள்.

தடுப்பு மற்றும் சிகிச்சைக்கான உதவிக்குறிப்புகள்

செவிப்புலன் இழப்பால் ஏற்படும் முதுமைக்கால மறதி நோயின் ஆபத்தைக் குறைப்பதற்கான சிறந்த வழி, அடிக்கடி மற்றும் வழக்கமான செவிப்புலன் பரிசோதனைகளை மேற்கொள்வதாகும். மூத்தோர்கள் தங்கள் உடல்நலம் குறித்து முன்கூட்டியே எச்சரிக்கையாக இருக்க 1-2 வருடங்களுக்கு ஒருமுறை சுகாதாரப் பரிசோதனைகளைச் செய்துக் கொள்வது பரிந்துரைக்கப்படுகிறது.¹²

தடுப்பு சுகாதார நடுவம் செயல்பாடு ரீதியான பரிசோதனைத் தளங்கள் புராஜெக்ட் சில்வர் ஸ்க்ரீன் (Project Silver Screen) என்பது 60 வயது மற்றும் அதற்கு மேற்பட்ட சிங்கப்பூரர்களுக்கான மலிவு விலை, நாடு தழுவிய செயல்பாட்டுப் பரிசோதனைத் திட்டமாகும். சுகாதார நடுவம் தளமானது வரவிருக்கும் செயல்பாட்டுப் பரிசோதனைகளின் விரிவான பட்டியலை வழங்குகிறது. உங்கள் சுகாதாரப் பரிசோதனை: செயல்பாட்டு ரீதியான பரிசோதனைத் தளங்களில் பதிவு செய்ய இந்த இணைப்பைக் கிளிக் செய்யுங்கள் பாதுகாப்பான செவியேற்கும் உத்திகளைப் பயிற்சி செய்வது செவிப்புலன் இழப்பு ஏற்படும் அபாயத்தையும் குறைக்கும்.¹³ செவிப்புலன் இழப்பைத் தடுப்பதற்கான சில உதவிக்குறிப்புகள் இதோ இங்கே:

ஒலியின் அளவைக் கம்மியாக வைத்திருங்கள். உங்கள் சாதனத்தின் ஒலி அளவை அதிகபட்ச ஒலியளவில் 60%க்கு மிகாமல் அமைத்திடுங்கள்.
நன்கு பொருந்தக்கூடிய மற்றும் சத்தத்தைக் குறைக்கும் செவிப்பொறிகள்/செவிபேசிகளைப் பயன்படுத்துங்கள்.
சத்தம் அதிகமாக இருக்கும் இடங்களில், செவிச்செருகிகள் போன்ற செவிப் பாதுகாப்புப் பொருட்களைப் பயன்படுத்துங்கள்.
ஒலிபெருக்கிகள், சத்தமிடும் இயந்திரங்கள் போன்று அதிகப்படியான ஒலியை ஏற்படுத்தும் மூலங்களிலிருந்து எப்போதும் விலகி இருங்கள்.
சத்தம் நிறைந்த செயல்பாடுகளில் ஈடுபடும் நேரத்தைக் கட்டுப்படுத்துங்கள். உரத்த ஒலிகளிலிருந்து உங்கள் செவிகளுக்கு அடிக்கடி இடைவேளை கொடுங்கள். இது செவிகளுக்குள் இருக்கும் உணர்வு ரீதியான அணுக்களை மீட்டெடுக்க உதவுகிறது.
ஒலி அளவுகளைக் கண்காணித்திடுங்கள். சத்தம் நிறைந்த சூழலில் நீங்கள் எவ்வளவு நேரம் இருக்கிறீர்கள் என்பதைக் கண்காணிக்க அனுமதிக்கும் வகையில், உள்ளமைக்கப்பட்ட பாதுகாப்பான செவியேற்கும் அம்சங்களைக் கொண்ட சாதனங்களைத் தேர்வுசெய்யுங்கள்.

உதவிக்குறிப்பு

70dBக்கும் அதிகமான சத்தங்கள் காலப்போக்கில் செவியேற்கும் திறனைப் பாதிக்கக்கூடும் என்பதால், 70dBக்கும் குறைவான சத்தத்தைப் பராமரியுங்கள்.¹⁵

சிகிச்சை

கூடுதலாக, சிகிச்சையின் மூலம் செவிப்புலன் இழப்பை ஒருவர் விரைவாக கையாளுவதை உறுதி செய்ய முடியும்.

செவிப்புலன் இழப்பை நிர்வகிப்பதற்கான சில சிகிச்சை மற்றும் மாற்று விருப்பத்தேர்வுகள் இதோ இங்கே:
- செவிப்புலன் கருவிகள்: உங்கள் காதில் அல்லது காதின் பின்னால் அணியக்கூடிய ஒரு சிறிய மின்னணு சாதனம். இது சில ஒலிகளை சத்தமாக எழுப்புவதனால் செவிப்புலன் குன்றிய ஒருவர் கேட்கவும், தொடர்பு கொள்ளவும், அன்றாட நடவடிக்கைகளில் முழுமையாக பங்கேற்கவும் முடியும்.
செவியின் உட்பகுதி செருகல்கள்: இது அறுவை சிகிச்சை மூலம் பொருத்தப்படும் நியூரோ-ப்ரோஸ்தெடிக், இது மிதமானது முதல் கடுமையான சென்சார்நியூரல் செவிப்புலன் இழப்பைக் கொண்ட ஒரு நபருக்கு ஒலி உணர்வை வழங்குகிறது.

உங்களுக்கோ அல்லது உங்கள் அன்புக்குரியவருக்கோ எது சிறந்த வழி என்பதைத் தீர்மானிக்க, ஒரு செவித்திறன் நிபுணரை அணுகுவது சிறந்தது.

முடிவுரை

செவிப்புலன் இழப்பிற்கு சிகிச்சையளிப்பது முதுமைக்கால மறதி நோய் ஏற்படும் அபாயத்தைக் குறைக்க உதவும். உங்களுக்குத் தெரிந்த ஒருவருக்கு அல்லது உங்களுக்கே செவிப்புலன் இழப்பு ஏற்படும் அபாயம் இருப்பதாக நீங்கள் கவலைப்பட்டால், உங்கள் பொது மருத்துவர் (GP) அல்லது குடும்ப மருத்துவரைப் பரிந்துரைக்காக அணுகலாம்.

இந்தக் கட்டுரை பயனுள்ளதாக இருந்ததா?

ஆம் இல்லை

முதுமைக்கால மறதி நோய்க்கு நபரை மையப்படுத்திய மொழியையும் படங்களையும் பயன்படுத்தி மாற்றத்தை ஏற்படுத்துதல்

Peter Cher — Fri, 31 Oct 2025 06:51:28 +0000

கவனமாகக் கேளுங்கள்

5 நிமிட வாசிப்பு

https://www.dementiahub.sg/wp-content/uploads/speaker/post-76054.mp3?cb=1775803955.mp3

முதுமைக்கால மறதி நோய் அல்லது முதுமைக்கால மறதி நோயுடன் வாழும் மக்களைப் பற்றிப் பேசும்போது சரியான மொழியைத் தொடர்ந்து பயன்படுத்துவது எதிர்மறையான சமூக மனப்பான்மைகளை எதிர்த்துப் போராடுவதிலும், உண்மையில் அனைவரையும் உள்ளடக்கிய சமூகத்தை உருவாக்குவதிலும் குறிப்பிட்டுச் சொல்லும் அளவுக்கு சாதகமான தாக்கத்தை ஏற்படுத்தும். இதனை அடையாளம் கண்டு, டிமென்ஷியா ஆஸ்திரேலியா (Dementia Australia) 2018-இல் மொழி வழிகாட்டிகளின் தொகுப்பை வெளியிட்டது. அப்போதிலிருந்து, அதிகரித்து வரும் பல அமைப்புகளும் சமூக சேவை நிறுவனங்களும் முதுமைக்கால மறதி நோயுடன் வாழும் மக்களைப் பற்றிப் பேசும்போது நபர்களை மையப்படுத்திய மொழியைப் பயன்படுத்துவதை ஆதரித்து வருகின்றன. இருப்பினும், போதுமான அளவு பொது விழிப்புணர்வு இல்லாமை அல்லது நீண்ட சொற்களைப் பயன்படுத்துவதில் உள்ள சிரமம் காரணமாக, நபர்களை மையப்படுத்திய மொழியை ஏற்றுக்கொள்வது இன்னும் குறைவாகவே உள்ளது.

இந்த கட்டுரையில்

நபரை மையப்படுத்திய மொழியைப் பயன்படுத்துவது ஏன் முக்கியம்?
முதுமைக்கால மறதி நோய் குறித்து களங்கப்படுத்தும் வகையில் உள்ளூரில் பேசப்படும் பொதுவான சொற்கள்
முதுமைக்கால மறதி நோயைச் சித்தரிக்க பயன்படுத்தப்படும் களங்கப்படுத்தும் படங்கள்
முதுமைக்கால மறதி நோயுடன் வாழும் நபர்களைக் குறிப்பிடும்போது நாம் எவ்வாறு பொருத்தமான மொழியைப் பயன்படுத்துவது?
கூடுதல் வளஆதாரங்கள்:

நபரை மையப்படுத்திய மொழியைப் பயன்படுத்துவது ஏன் முக்கியம்?

மொழி பயன்பாடு, முதுமைக்கால மறதி நோய் உள்ளவர்களை மற்றவர்கள் பார்க்கும் அல்லது நடத்தும் விதத்தில் மட்டுமல்லாமல், முதுமைக்கால மறதி நோய் உள்ளவர்கள் தங்களைப் பற்றியும் மற்றவர்களுடனான தங்கள் உறவைப் பற்றியும் எப்படி உணர்கிறார்கள் என்பதிலும் குறிப்பிடத்தக்க தாக்கத்தை ஏற்படுத்துகிறது. முதுமைக்கால மறதி நோய் மற்றும் முதுமைக்கால மறதி நோய் உள்ளவர்களை விவரிக்கப் பயன்படுத்தப்படும் பல சொற்கள் நோயைப் பற்றிய காலாவதியான அல்லது தவறான புரிதலை அடிப்படையாகக் கொண்டதாக உள்ளன.

முதுமைக்கால மறதி நோய் குறித்து களங்கப்படுத்தும் வகையில் உள்ளூரில் பேசப்படும் பொதுவான சொற்கள்

முதுமைக்கால மறதி நோயை ஒரு நோயாகவும் அதன் மூல காரணங்களையும் நாம் புரிந்துகொள்ள மொழி உதவுகிறது. அதன் காரணங்களைத் தவறாக விவரிக்கும் அல்லது பழிக்கூறும் சொற்களை அடிக்கடி பயன்படுத்துவது பக்கச்சார்பை உருவாக்குகிறது, இது களங்கத்தையும் தூண்டுகிறது. கலாச்சார களங்கம் என்பது ஒரு சமூகத்தால் பகிர்ந்து கொள்ளப்படும் “எதிர்மறை நம்பிக்கைகள், தப்பெண்ணங்கள் மற்றும் பாகுபாடு காட்டும் கட்டமைப்புகளின்” தொகுப்பாகும் (லிங்க் மற்றும் பலர், 2001). முதுமைக்கால மறதி நோயை மறைக்க வேண்டிய ஒன்று என்ற கருத்து, நோயறிதலைத் தேடும் ஒரு நபரின் விருப்பத்தைப் பாதிக்கிறது, இது பராமரிப்பு விருப்பங்கள் மற்றும் ஆதரவிற்கான அவர்களின் அணுகலைக் கட்டுப்படுத்துகிறது. இது கவலைக்குரியது, ஏனெனில் ஆரம்பகால நோயறிதல் மற்றும் சிகிச்சையானது முதுமைக்கால மறதி நோய்க்கான விளைவுகளை பெரிதும் மேம்படுத்தும்.

முதுமைக்கால மறதி நோயுடன் வாழும் மக்கள் தங்கள் நோய்நிலை குறித்த களங்கத்தை உள்வாங்கிக் கொள்ளலாம், இது அவர்களின் சுயமதிப்பு மற்றும் நல்வாழ்வைப் பாதிக்கிறது. இது அவர்களை சமூக தொடர்புகளிலிருந்து விலகச் செய்யலாம், இது முதுமைக்கால மறதி நோயின் வளர்ச்சியை மோசமாக்கும். அதற்குப் பதிலாக, நபரை மையப்படுத்திய மொழியைப் பயன்படுத்துவது, முதுமைக்கால மறதி நோயுடன் வாழும் நபர்கள் தங்களின் நோய்நிலையை சமாளிக்க ஊக்குவிக்கிறது.

முதுமைக்கால மறதி நோயைச் சித்தரிக்க பயன்படுத்தப்படும் களங்கப்படுத்தும் படங்கள்

புத்தகங்கள், திரைப்படங்கள், தொலைக்காட்சி நிகழ்ச்சிகள், சமூக ஊடகங்கள் மற்றும் செய்தி ஆவணங்கள் குறித்து 2017 இல் நடத்தப்பட்டு, ஜனவரி 2019 இல் புதுப்பிக்கப்பட்ட பெரிய அளவிலான கருப்பொருள் பகுப்பாய்வு, முதுமைக்கால மறதி நோயின் சித்தரிப்புகளில் கலாச்சார களங்கத்தை நிலைநிறுத்தக்கூடிய பல பொதுவான கருப்பொருள்களை வெளிப்படுத்தியது. முதுமைக்கால மறதி நோய் ஒரு நபரின் வாழ்க்கை அனுபவத்தை எவ்வாறு மாற்றுகிறது என்பதற்கான முழுமையான பார்வையுடன் ஒப்பிடும்போது, பெரும்பாலும் நோயின் உயிரி மருத்துவ கட்டமைப்பிலும் மூளைச் சிதைவிலும் முக்கியத்துவம் கொடுக்கப்படுகிறது. முதுமைக்கால மறதி நோய் ஒரு நீண்டகால நோய்நிலை என்பதால், “ஆல்சைமர் நோயாளி” என்பதை விட “முதுமைக்கால மறதி நோயுடன் வாழும் நபர்” என்று குறிப்பிடுவது விரும்பத்தக்கது. முதுமைக்கால மறதி நோய்க்கான சிகிச்சை தற்போது எதுவும் இல்லாததால், நோயாளியாக அவர்களின் நோய்நிலையில் கவனம் செலுத்துவதை விட, அவர்களுக்கு முதுமைக்கால மறதி இருப்பது கண்டறியப்பட்ட பிறகு, அவற்றுடன் அவர்கள் நலமாக வாழ்வதற்கு என்ன செய்யலாம் என்பதில் கவனம் செலுத்துவது மிகவும் உதவியாக இருக்கும்.

முதுமைக்கால மறதி நோய் பெரும்பாலும், “சீரி வரும் அலை” போன்ற உருவகங்கள் மற்றும் பிற அழிவைக் குறிக்கும் சொற்களைப் பயன்படுத்தி இயற்கை பேரழிவு அல்லது தொற்றுநோயுடன் ஒப்பிடப்படுகிறது. இது முதுமைக்கால மறதி நோய்க்கு அஞ்ச வேண்டும் என்ற கருத்தையும், முதுமைக்கால மறதி நோயுடன் வாழும் மக்கள் இந்த நோய்நிலைக்கு மறைமுக பாதிப்பாளர்கள் என்ற கருத்தையும் வலியுறுத்துகிறது, ஆனால் உண்மையில் சமூக தொடர்பு மற்றும் அறிவாற்றல் சார்ந்த ஈடுபாட்டின் மூலம் இந்நோய் அதிகரிப்பதைத் தடுக்க முடியும். “தொற்றுநோய்” என்ற சொல் முதுமைக்கால மறதி நோய் தொற்றக்கூடியது என்பதையும் குறிக்கிறது, இது முதுமைக்கால மறதி நோயைப் பற்றிய தவறான புரிதலையும் முதுமைக்கால மறதி நோயுடன் வாழும் நபர்களைத் தவிர்ப்பதையும் ஊக்குவிக்கிறது.

முதுமைக்கால மறதி நோயின் சில உள்ளூர் கலாச்சார சித்தரிப்புகள் மத அல்லது ஆன்மீக நம்பிக்கைகளிலிருந்து எழுகின்றன, இவை முதுமைக்கால மறதி நோயை தவிர்க்க முடியாததாகவோ, கர்ம விளைவுகளாகவோ அல்லது தீய சக்திகளால் பீடிக்கப்பட்டதாகவோ கூட முன்வைக்கின்றன. இது முதுமைக்கால மறதி நோயுடன் வாழும் நபர்களைப் பற்றி பொதுமக்களிடையே தேவையற்ற பயத்தை ஏற்படுத்துவதோடு மட்டுமல்லாமல், அந்த நபரையே குற்றம் சாட்டுகிறது மற்றும் முதுமைக்கால மறதி நோய் தடுப்புக்கான பொது விழிப்புணர்வு முயற்சிகளையும் குறைமதிப்பிற்கு உட்படுத்துகிறது.

பெரும்பாலும் பயன்படுத்தப்படும் பிற சொற்களில் “பாதிக்கப்பட்டவர்கள்” அல்லது “வேதனைப்படுபவர்கள்” ஆகியவை அடங்கும். இந்தச் சொற்கள், முதுமைக்கால மறதி நோயுடன் வாழும் மக்களைப் பற்றிய நமது பார்வையை அர்த்தமுள்ள வகையில் பங்களிக்கச் செய்வதற்குப் பதிலாக, பரிதாபம் அல்லது இரக்கம் காட்டுவது மட்டுமே தேவை என்பதாகக் கட்டுப்படுத்துகின்றன. முதுமைக்கால மறதி நோயைச் சித்தரிக்கப் பயன்படுத்தப்படும் படங்கள் பெரும்பாலும் முதுமைக்கால மறதி நோய் உள்ளவர்களை ‘வெற்று நபராக’ அல்லது உடலற்ற கைகளின் தொகுப்பாக சித்தரிக்கின்றன, இது முதுமைக்கால மறதி நோயுடன் வாழும் நபரின் மனிதத்தன்மையைப் பறிக்கிறது மற்றும் அவர்களுடனான உணர்ச்சி ரீதியான தொடர்பைக் குறைக்கிறது.

இலேசான முதுமைக்கால மறதி நோயுடன் வாழும் நபர்களிடம் செய்யப்பட்ட ஒரு கருத்துக்கணிப்பில், 46% பேர் “தாங்கள் ஒரு மனிதரே இல்லாதது போல் பேசப்படுவோம்” என்ற கவலைகள் காரணமாக தங்கள் நோயறிதலைப் பகிர்ந்து கொள்ள தயங்கினர், (பர்கெனர் மற்றும் பக்வால்டர், 2018). மக்கள் முதுமைக்கால மறதி நோயைப் புரிந்து கொள்ளாதபோது, அவர்கள் முதுமைக்கால மறதி நோயுடன் வாழும் நபர்களை உரையாடல்களிலிருந்து விலக்கி, பராமரிப்பாளர்களிடம் மட்டுமே நேரடியாகப் பேசுவதற்கான வாய்ப்புகள் அதிகம். எனவே, பொது விழிப்புணர்வை அதிகரிப்பது முதுமைக்கால மறதி நோயுடன் வாழும் மக்களையும் கருத்தில் கொள்வதை அதிகரிக்கும் என்று நாம் எதிர்பார்க்கலாம். முதுமைக்கால மறதி நோயுடைய மக்களின் தனிப்பட்ட கதைகளையும், நோயறிதலுக்கு முன்னும் பின்னும் அவர்களின் வாழ்க்கை எப்படி இருந்தது என்பதையும் வெளியிட்ட “முதுமைக்கால மறதி நோயுடைய மக்கள் (People of Dementia)” வலைப்பதிவைப் பார்வையிட்டவர்களில் 65% பேர், இந்த வலைப்பதிவைப் படித்த பிறகு முதுமைக்கால மறதி நோயுள்ளவர்களுடன் தொடர்புகொள்வது மிகவும் சௌகரியமாக இருப்பதாக ஒப்புக்கொண்டனர் (ஜேமிசன் மற்றும் பலர், 2017).

தவிர்க்க வேண்டிய சொற்கள்	விருப்பமான சொற்கள்	ஏன் இந்தச் சொற்களை மாற்ற வேண்டும்
Orang gila (மலாய் மொழியில் “பைத்தியக்காரர்” என்று பொருள்)	டிமென்ஷியா உள்ளவர்கள்	முதுமைக்கால மறதி நோய் என்பது ஒரு விதமான மனநோய் அல்ல, இருப்பினும் சில வகையான முதுமைக்கால மறதி நோய் மக்களுக்கு மாயத்தோற்றங்களை ஏற்படுத்தக்கூடும்.
Demented	முதுமைக்கால மறதி நோயுடன் வாழ்தல்
‘கைவிட்ட கேஸ்’	மாறியிருக்கும் நடத்தைகள்	நோய்க்குறிகளை உண்மையில் பராமரிப்பு மூலம் சமாளிக்க முடியும் என்றாலும், முதுமைக்கால மறதி நோயுடன் வாழும் நபர் உதவி செய்தலுக்கும் அப்பாற்பட்டவர் என்பதை இது குறிக்கிறது.
Menggila (மலாய் மொழியில் “கட்டுப்பாட்டை இழந்தவர்” என்று பொருள்)	பூர்த்தி செய்யப்படாத தேவைகளை வெளிப்படுத்துதல்	நடத்தை ரீதியான நோய்க்குறிகள் பெரும்பாலும் பூர்த்தி செய்யப்படாத தேவைகளை வெளிப்படுத்த இயலாமையால் ஏற்படலாம்.
கணிக்க இயலாமை
‘siao’ (மாண்டரின் மொழியில் “பைத்தியக்காரத்தனமாக நடந்துக்கொள்வது” என்று பொருள்)
Senile	முதுமைக்கால மறதி நோய் இருப்பது கண்டறியப்பட்டது	இந்தச் சொல் மூப்படைதல் காரணமாக முதுமைக்கால மறதி நோய் ஏற்படுகிறது என்று தவறாகக் குறிக்கிறது.
痴呆症 (மாண்டரின் மொழியில் முதுமைக்கால மறதி நோயை விவரிக்கப் பயன்படுத்தப்படும் ஒரு இழிவான சொல்)	முதுமைக்கால மறதி நோய்	இந்தச் சொல் முதுமைக்கால மறதி நோயுடன் வாழும் மக்கள் அறிவற்றவர்களாகவும், கவனக்குறைவானவர்களாகவும் இருப்பதைக் குறிக்கிறது. குறிப்பாக முதுமைக்கால மறதி நோயின் ஆரம்ப கட்டத்தில், தன்னிலையிழத்தல் என்பது ஒரு சிறப்பியல்பு அல்ல, மாறாக இது அவ்வப்போது ஏற்படும் ஒரு நிலையாகும்.

முதுமைக்கால மறதி நோயுடன் வாழும் நபர்களைக் குறிப்பிடும்போது நாம் எவ்வாறு பொருத்தமான மொழியைப் பயன்படுத்துவது?speaker-break time="1s" strength="medium"]

முதுமைக்கால மறதி நோயுள்ளவர்களைப் பற்றிப் பயன்படுத்தப்படும் மொழி தெளிவானதாகவும், இயல்பானதாகவும், வார்த்தைப் பிரயோகங்கள் இல்லாததாகவும், அனைவரையும் உள்ளடக்கியதாகவும், நோயை மையப்படுத்தி இல்லாமல், நபரை மையப்படுத்தி இருக்க வேண்டும். கூடுதலாக, மொழியை முதுமைக்கால மறதி நோயை இன்னுமதிகம் உள்ளடக்கியதாகயும் பின்வரும் விதத்தில் மாற்றலாம்:

நபரை மையப்படுத்திய மொழியைப் பயன்படுத்துவது
எதிர்மறை அர்த்தங்களைக் கொண்ட அவதூறான சொற்களை நீக்குவது
அனைவரையும் உள்ளடக்கிய மொழியைத் தேர்ந்தெடுப்பது – ஒருவரின் சூழ்நிலைகளை ஒப்புக்கொள்வது, ஆனால் பலவீனப்படுத்தும் கதைகளைத் தவிர்ப்பது (எ.கா. சக்கர நாற்காலியில் முடங்கியிருப்பவர் என்று சொல்வதற்குப் பதிலாக சக்கர நாற்காலியைப் பயன்படுத்துபவர் என்று கூறலாம்)
அடையாளப்படுத்திச் சொல்வதைத் தவிர்ப்பது
சமூக அடையாளங்காட்டிகளால் (எ.கா. இனம் அல்லது மொழி) வழிநடத்துவதைத் தவிர்ப்பது
ஒருவரின் நோய்நிலைக்கு அவரே பொறுப்பு என்று கூறும் மொழியைத் தவிர்ப்பது
நோயைப் பற்றிய நபரின் அனுபவத்தைக் குறைமதிப்பிற்கு உட்படுத்தும் வினைச்சொற்களைத் தவிர்ப்பது

(ஹீலி மற்றும் பலர், 2022 என்பதிலிருந்து தழுவி எடுக்கப்பட்டது)

நீண்ட கால அடிப்படையில், களங்கப்படுத்தும் மொழிக்குப் பதிலாக நபரை மையப்படுத்திய மொழியைப் பயன்படுத்துவது, முதுமைக்கால மறதி நோய் குறித்த பொதுமக்களின் கருத்தைச் சரிசெய்து, முதுமைக்கால மறதி நோயுடன் வாழும் நபர்களை மரியாதையுடன் நடத்த வேண்டும் என்ற கருத்தை வலுப்படுத்தும். இதில் மருத்துவ ரீதியான விவாதங்கள், பராமரிப்பு சிகிச்சைத் திட்டங்கள் மற்றும் திட்டப்பணிகள் வடிவமைப்பில் அவர்களைச் சேர்த்துக் கொள்வது மற்றும் ஆராய்ச்சியில் இணை பங்கேற்பாளராக இடம்பெறச் செய்வது உள்ளிட்டவை அடங்கும்.

முதுமைக்கால மறதி நோய் மற்றும் முதுமைக்கால மறதி நோயுள்ளவர்களைப் பற்றிப் பேசும்போது நாம் பயன்படுத்தும் சொற்கள் மற்றும் படங்களை கவனமாகக் கையாளுவது என்பது, முதுமைக்கால மறதி நோயை உள்ளடக்கிய ஒரு சமூகத்தை உருவாக்க தனிநபர்களாக நாம் எடுக்கக்கூடிய மிக முக்கியமான படிநிலைகளில் ஒன்றாகும்.

கூடுதல் வளஆதாரங்கள்:

முதுமைக்கால மறதி நோய்க்கான மொழி வழிகாட்டி புத்தகம்

டிமென்ஷியா சிங்கப்பூர் (Dementia Singapore) மற்றும் LIEN அறநிறுவனம் (Lien Foundation) இணைந்து டிமென்ஷியா ஆஸ்திரேலியாவின் (Dementia Australia) டிமென்ஷியா மொழி வழிகாட்டுதல்களை முன்மாதிரியாகக் கொண்டு வார்த்தைகளை மாற்றுதல் (Changing Words), வாழ்வுகளை எட்டுதல் (Touching Lives) என்ற தலைப்பில் முதுமைக்கால மறதி நோய்க்கான மொழி வழிகாட்டி புத்தகத்தை உருவாக்கின. இது நமது உள்ளூர் சூழலில் முதுமைக்கால மறதி நோயை விவரிப்பதற்கு விரும்பப்படும் சொற்கள் மற்றும் சொற்றொடர்களையும், எல்லா சூழ்நிலைகளிலும் பொருந்தக்கூடிய வகையில் தவிர்க்க வேண்டிய சொற்களையும் பட்டியலிடுகிறது. இதில் சாதாரண உரையாடல் முதல் ஒரு நோயாக முதுமைக்கால மறதி நோய் பற்றியும், முதுமைக்கால மறதி நோயுடன் வாழும் நபர்களைப் பற்றியுமான விளம்பர ஆவணங்கள் வரை இடம்பெற்றுள்ளது.

Healy, M., Richard, A., & Kidia, K. (2022). How to Reduce Stigma and Bias in Clinical Communication: a Narrative Review. Journal of general internal medicine, 37(10), 2533–2540. https://doi.org/10.1007/s11606-022-07609-y
Dementia Australia. (2018). Dementia language guidelines. https://www.dementia.org.au/media/2018-dementia-language-guidelines
Lien Foundation. (2018). Changing words, touching lives: A guide to dementia-inclusive language.
Swaffer, K. (2014). Dementia: Stigma, language, and dementia-friendly. Dementia: The International Journal of Social Research and Practice, 13(6), 709–716. https://doi.org/10.1177/1471301214548143
Tan, W. J., Hong, S. I., Luo, N., Lo, T. J., & Yap, P. (2012). The Lay Public’s Understanding and Perception of Dementia in a Developed Asian Nation. Dementia and geriatric cognitive disorders extra, 2(1), 433–444. https://doi.org/10.1159/000343079
Dementia Australia. (2018). Dementia language guidelines. https://www.dementia.org.au/media/2018-dementia-language-guidelines
Young, J. A., Lind, C., Orange, J. B., & Savundranayagam, M. Y. (2019). Expanding current understandings of epistemic injustice and dementia: Learning from stigma theory. Journal of Aging Studies, 48, 76–84. https://doi.org/10.1016/j.jaging.2019.01.003
Low, L. F., & Purwaningrum, F. (2020). Negative stereotypes, fear and social distance: A systematic review of depictions of dementia in popular culture in the context of stigma. BMC Geriatrics, 20(1), 477. https://doi.org/10.1186/s12877-020-01754-x researchgate.net+6

The post முதுமைக்கால மறதி நோய்க்கு நபரை மையப்படுத்திய மொழியையும் படங்களையும் பயன்படுத்தி மாற்றத்தை ஏற்படுத்துதல் appeared first on DementiaHub.SG.

எண்ணிக்கைகளில் முதுமைக்கால மறதி நோய்: உள்ளூர் மற்றும் உலகளாவிய புள்ளிவிவரங்கள்

shekinah — Wed, 08 Oct 2025 08:23:18 +0000

கவனமாகக் கேளுங்கள்

6 நிமிட வாசிப்பு

https://www.dementiahub.sg/wp-content/uploads/speaker/post-73662.mp3?cb=1770866802.mp3

முதுமைக்கால மறதி நோய் என்பது முதுமைக்கால மறதி நோயுடன் வாழும் நபர்கள், அவர்களது குடும்பங்கள் மற்றும் பல்வேறு சமூகப் பங்காளர்களுக்கு நீண்டகால தாக்கங்களைக் கொண்ட ஒரு முக்கியமான பொது சுகாதாரப் பிரச்சினையாகும். நிகழ்வுகளும் கதைகளும் இந்த நிலை குறித்த மதிப்புமிக்க ஆழமான கண்ணோட்டங்களை வழங்கினாலும், முதுமைக்கால மறதி நோயின் சிக்கல்களைப் புரிந்துகொள்வதற்கு உள்ளூர் மற்றும் உலகளாவிய புள்ளிவிவரங்களை முழுமையாக ஆய்வு செய்வதும் அவசியம்.

இந்தக் கட்டுரை முதுமைக்கால மறதி நோயின் புள்ளிவிவரங்கள் பற்றிய விரிவான பகுப்பாய்வை வழங்குவதையும், பரவலான நிலை, தாக்கம் மற்றும் தலையீட்டிற்கான சாத்தியமான வழிகள் குறித்து வெளிச்சம் போட்டுக் காட்டுவதையும் நோக்கமாகக் கொண்டுள்ளது.

உள்ளூர் புள்ளிவிவரங்கள்

பரவலான நிலை

சிங்கப்பூரில், பல்வேறு வயதினரைச் சேர்ந்த மக்களைப் பாதிக்கும் முதுமைக்கால மறதி நோயின் பரவலான நிலை ஒரு குறிப்பிடத்தக்க கவலையாக உள்ளது.

மனநலக் கழகம் (IMH) நடத்திய சிங்கப்பூர் மூத்தோர் நல்வாழ்வு (WiSE) 2023 ஆய்வின்படி, 60 வயது மற்றும் அதற்கு மேற்பட்ட 11 நபர்களில் 1 நபர் முதுமைக்கால மறதி நோயுடன் வாழ்கிறார். இந்தச் சதவீதம் வயதுக்கு ஏற்ப அதிகரிக்கும், அதிர்ச்சியூட்டும் வகையில் 85 வயது மற்றும் அதற்கு மேற்பட்ட 2 பேரில் 1 பேருக்கு முதுமைக்கால மறதி நோய் இருப்பது கண்டறியப்பட்டுள்ளது. 2013 ஆம் ஆண்டு நடத்தப்பட்ட முந்தைய ஆய்விற்குப் பிறகு முதுமைக்கால மறதி நோயின் பரவலான நிலை சற்று குறைந்துள்ளதாகத் தெரிகிறது.

இந்த நிலையின் தாக்கம், சிங்கப்பூரின் மூப்படையும் மக்கள்தொகையை நோக்கிய மக்கள்தொகைசார் மாற்றத்தால் அதிகரிக்கிறது. 2021 ஆம் ஆண்டில் சுகாதார அமைச்சு தெரிவித்துள்ளபடி, அதிகரித்து வரும் ஆயுட்காலம் மற்றும் வேகமாக மூப்படையும் சமூகம் ஆகியவற்றின் மூலம், சிங்கப்பூரில் முதுமைக்கால மறதி நோயால் பாதிக்கப்பட்டவர்களின் எண்ணிக்கை 2030 ஆம் ஆண்டுக்குள் 152,000 ஐ எட்டக்கூடும் என்று கணிப்புகள் தெரிவிக்கின்றன. 2015 ஆம் ஆண்டின் United Nations World Health Prospects (UNWPP) என்பவற்றில் கோடிட்டுக் காட்டப்பட்டுள்ளபடி, 2017 ஆம் ஆண்டில் “மூப்படைந்த சமூகம்” என சிங்கப்பூர் வகைப்படுத்தப்பட்டதிலிருந்து அவற்றின் மக்கள்தொகை மாற்றம் தெளிவாகத் தெரிகிறது, இது 2026 ஆம் ஆண்டுக்குள் “மிகவும் மூப்படைந்த சமூகம்” என்ற அந்தஸ்தை அடையுமென எதிர்பார்க்கப்படுகிறது. அதிகரித்து வரும் முதுமைக்கால மறதி நோயின் பரவல் நிலையை நிவர்த்திச் செய்வதற்கும், இந்த நிலையை உடையவர்களுக்கு ஆதரவளிப்பதற்கும் “விரிவான உத்திகள் அவசரமாகத் தேவை” என்பதை இந்த மக்கள்தொகைப் போக்கு அடிக்கோடிட்டுக் காட்டுகிறது.

அனைத்து வயதினருக்குமான கவலை

சிங்கப்பூரில், முதுமைக்கால மறதி நோய் என்பது வயது வரம்புகளைக் கடந்த பன்முகக் கவலையாக உள்ளது, இது இளம் வயதிற்குள் ஏற்படும் முதுமைக்கால மறதி நோய் (YOD) உள்ளவர்கள் உட்பட அனைத்து வயதினரையும் பாதிக்கிறது. முதுமைக்கால மறதி நோய் முதன்மையாக வயதானவர்களை பாதிக்கிறது என்று பொதுவாக தவறான கருத்து இருந்தபோதிலும், தேசிய நரம்பியல் கழகத்தின் (NNI) புள்ளிவிவரங்கள் பல்வேறு வயதினரிடையே YOD வழக்குகளின் பரவல் நிலையை வெளிச்சம் போட்டுக் காட்டுகின்றன. NNIயில் ஒவ்வொரு ஆண்டும் 100க்கும் மேற்பட்ட YOD அல்லது இளம் வயதிலேயே ஏற்படும் இலேசான அறிவுத்திறன் குறைபாடு (Mild Cognitive Impairment, MCI) கண்டறியப்படுகிறது, இது இளையவர்களிடையே இந்த நிலை அதிகரித்து வருவதைக் குறிக்கிறது.

Source: National Neuroscience Institute, Singhealth.

கடந்த பத்தாண்டு காலத்தில், NNI ஆனது புதிதாக கண்டறியப்படும் YOD வழக்குகளில் நிலையான அதிகரிப்பு நிலவுவதைக் கண்டறிந்துள்ளது, NNI இல் முதுமைக்கால மறதி நோயுடன் வாழும் சுமார் 30 சதவீத நபர்களுக்கு YOD இருப்பது கண்டறியப்பட்டது, மேலும் இந்நிலை கண்டறியப்பட்ட அந்த இளைய நபருக்கு வெறும் 40 வயதுதான். விகிதாசார ரீதியாக, 65 வயதுக்கு மேற்பட்டவர்களுக்கு இந்நிலை கண்டறியப்பட்டதை விட, பக்கவாதம் மற்றும் அதிர்ச்சிகரமான மூளைக் காயத்துடன் தொடர்புடைய காரணிகளால் YOD இன் அதிகமான நிகழ்வுகள் ஏற்படுகின்றன.

2019 ஆம் ஆண்டில், NNI ஆனது 245 புதிய YOD நிகழ்வுகளைக் கண்டது, இது 2013 இல் 60 நிகழ்வுகள் என்பதிலிருந்து குறிப்பிடத்தக்க அளவு அதிகரித்துள்ளது, 2023 முதல் காலாண்டில் தோராயமாக 75 புதிய நிகழ்வுகள் பதிவாகியுள்ளன. இந்த புள்ளிவிவரங்கள், YOD உடன் வாழும் நபர்களுக்கு விழிப்புணர்வை ஏற்படுத்துவது மற்றும் ஆதரவை வழங்குவதன் அவசரத்தை எடுத்துக்காட்டுகின்றன, இது அனைத்து வயதினர் மத்தியிலும் முதுமைக்கால மறதி நோயுடன் வாழும் நபர்களின் பல்வேறு தேவைகளை நிவர்த்தி செய்வதற்காக வடிவமைக்கப்பட்ட விரிவான சுகாதார உத்திகளின் அவசியத்தை வலியுறுத்துகின்றன.

YOD உடன் வாழ்பவர்களுக்கு NNI ஒரு முக்கிய நோயறிதல் மையமாகச் செயல்பட்டாலும், இந்தப் புள்ளிவிவரங்கள் சிங்கப்பூரில் YOD இன் பரவல் நிலையை முழுமையாகப் பிரதிநிதித்துவப்படுத்தாமல் போகலாம் என்பதைக் கவனத்தில் கொள்ள வேண்டும்

பராமரிப்பின் யதார்த்தங்கள்

Caregiving Transitions Among Family Caregivers of Elderly Singaporeans (TraCE) என்ற ஆய்வில் தெரிவிக்கப்பட்டுள்ளபடி, பராமரிப்பாளர்கள் சராசரியாக 62 வயதுடையவர்களாக உள்ளனர், இதில் பெரும்பான்மையானவர்கள் பெண்கள். கூடுதலாக, கணிசமான பகுதியினர் (73%) அவர்கள் பராமரிக்கும் நபரின் பிள்ளைகள் அல்லது மருமகன்(மகள்)களாக உள்ளனர், மற்றவர்களில் வாழ்க்கைத் துணைவர்கள், உடன்பிறந்தவர்கள் மற்றும் பேரக்குழந்தைகளும் அடங்குவர். குறிப்பாக, பராமரிப்பாளர்களில் மூன்றில் ஒருவர் திருமணம் செய்து கொள்ளவில்லை, இது முதுமைக்கால மறதி நோயின் பராமரிப்புப் பொறுப்புகளில் பல்வேறு மக்கள் பிரிவினர் ஈடுபட்டுள்ளதை வலியுறுத்துகிறது.

பராமரிப்பாளர்களின் வாழ்க்கையில் முதுமைக்கால மறதி நோய் பராமரிப்பின் தாக்கம் ஆழமானது, இது அவர்களின் உணர்ச்சி ரீதியான நல்வாழ்வு, நிதி நிலைத்தன்மை மற்றும் ஒட்டுமொத்த வாழ்க்கைத் தரத்தையும் பாதிக்கிறது. 2023 ஆம் ஆண்டில் Milieu மற்றும் Dementia Singapore நடத்திய கூட்டு ஆய்வின்படி, 10 பராமரிப்பாளர்களில் 7க்கும் மேற்பட்டோர் (74%) தங்களின் அதிகப்படியான பொறுப்புகளால் திணறுகின்றனர். நிதி நிலைத்தன்மையைப் பொறுத்தவரை, LIEN (Foundation) அறநிறுவனம் 2018 ஆம் ஆண்டு நடத்திய ஆய்வில், முதுமைக்கால மறதி நோயின் பராமரிப்பானது வழக்கமான சமூக அல்லது பகல்நேர பராமரிப்பை விட கணிசமான அளவு அதிகம் செலவாகும், தோராயமாக 40% அதிகம் செலவாகும் என்று தெரியவந்துள்ளது. அதே நேரத்தில், பல பராமரிப்பாளர்கள் தங்கள் அன்பிற்குரியவர்களைப் பராமரிப்பதற்காக தங்கள் வேலையை விட்டுவிட வேண்டிய கட்டாயத்தில் உள்ளனர், இதன் விளைவாக வருமானம் குறைந்து மன அழுத்தம் அதிகரிக்கும்.

சராசரியாக வாரத்திற்கு 33 மணிநேரம் பராமரிப்பிற்காக அர்ப்பணித்த போதிலும், பராமரிப்பாளர்கள் வரையறுக்கப்பட்ட முறையான பயிற்சி மற்றும் ஆதரவைப் பெறுகிறார்கள், இதில் 5% பேர் மட்டுமே எந்தவொரு பராமரிப்பாளர் பயிற்சியிலும் கலந்து கொள்கிறார்கள் மற்றும் 38% பேர் மட்டுமே பராமரிப்பாளர் பாடப்பயிற்சிகளுக்கான மானியங்கள் குறித்து அறிந்திருக்கிறார்கள். அதிலும், அவர்களில் ஒரு சிறிய சதவீதத்தினர் (28%) மட்டுமே வேலையில் இருந்தால் மூத்தோர் பராமரிப்பு விடுப்பைப் பெறுகிறார்கள், இது பராமரிப்பாளர்களுக்கு மிகவும் வலுவான ஆதரவு அமைப்புகள் அவசியம் தேவை என்பதை எடுத்துக்காட்டுகிறது.

சிங்கப்பூரில் முதுமைக்கால மறதி நோய் பொருளாதார ரீதியாக ஏற்படுத்தும் தாக்கம்

சிங்கப்பூரில் முதுமைக்கால மறதி நோய்க்கான பராமரிப்பு குடும்பங்களுக்கும் சமூகத்திற்கும் ஒரு குறிப்பிடத்தக்க பொருளாதார சவாலை முன்வைக்கிறது. சிங்கப்பூரில் முதுமைக்கால மறதி நோய் உள்ளவர்களின் குடும்பப் பராமரிப்புக்கான பணச் செலவு குறித்த ஆய்வின்படி, 2015 ஆம் ஆண்டில் உத்தேசிக்கப்பட்ட செலவு தோராயமாக S$2.8 பில்லியனாக இருந்தது, 2030 ஆம் ஆண்டுக்குள் இந்த எண்ணிக்கை மூன்று மடங்காக அதிகரிக்கும் என்று மதிப்பீடுகள் தெரிவிக்கின்றன.

வயதானவர்களுக்கு முதுமைக்கால மறதி நோய் ஏற்படுத்தும் செலவை விட மொத்த செலவு கிட்டத்தட்ட இரட்டிப்பாகும் YOD நிகழ்வுகளில் பொருளாதார நெருக்கடி குறிப்பாக அதிகமாக உள்ளது. YOD உடன் சமூகத்தில் வசிக்கும் நபர்கள் சராசரி ஆண்டு செலவாக SGD 21,391 ஐ எதிர்கொள்கின்றனர், இது முதுமைக்கால மறதி நோய் உள்ள வயதானவர்களுக்கு ஏற்படும் SGD 11,356 ஐ விட கணிசமான அளவு அதிகமாகும். வருமான இழப்பு மற்றும் பராமரிப்பு தொடர்பான செலவுகள் உள்ளிட்ட மறைமுக செலவுகள், YOD இன் பொருளாதாரச் சுமைக்கு கணிசமாக பங்களிக்கின்றன. மேலும், முதுமைக்கால மறதி நோய் உள்ளவர்களைப் பராமரிப்பதற்கு பராமரிப்பாளர்கள் செலவிடும் நேரம் உட்பட முதுமைக்கால மறதி நோயின் நிகர முறைசாரா பராமரிப்புச் செலவு கணிசமான அளவு அதிகமாக உள்ளது மற்றும் இது தீவிரமாக அதிகரிக்கிறது. இந்தக் கண்டுபிடிப்புகள், சிங்கப்பூரில் முதுமைக்கால மறதி நோய் சிகிச்சையின் அதிகரித்து வரும் பொருளாதார தாக்கத்தை நிவர்த்தி செய்வதற்கு பயனுள்ள உத்திகள் தேவை என்பதை அடிக்கோடிட்டுக் காட்டுகின்றன.

உலகளாவிய புள்ளிவிவரங்கள்

பரவலான நிலை

2015 ஆம் ஆண்டின் World Alzheimer Report, ஒவ்வொரு 3 வினாடிக்கும் உலகில் யாரோ ஒருவருக்கு முதுமைக்கால மறதி நோய் ஏற்படுவதாகவும், 2020 ஆம் ஆண்டு நிலவரப்படி 55 மில்லியனுக்கும் அதிகமான மக்கள் இந்த நிலையைக் கொண்டிருப்பர் என்றும் மதிப்பிட்டுள்ளது. கவலையளிக்கும் விதமாக, இந்த எண்ணிக்கை ஒவ்வொரு 20 வருடங்களுக்கும் கிட்டத்தட்ட இரட்டிப்பாகும் என்றும், 2030 ஆம் ஆண்டு வாக்கில் 78 மில்லியனை எட்டும் என்றும், 2050 ஆம் ஆண்டு வாக்கில் 139 மில்லியனை எட்டும் என்றும் எதிர்பார்க்கப்படுகிறது. 60% பேர் குறைந்த மற்றும் நடுத்தர வருமானம் உள்ள நாடுகளில் வசிக்கின்றனர் – இந்த எண்ணிக்கை 2050 ஆம் ஆண்டுக்குள் 71% ஆக உயரும் என்று எதிர்பார்க்கப்படுகிறது.

இந்தப் போக்கு குறிப்பாக, சீனா, இந்தியா மற்றும் தெற்காசியா மற்றும் மேற்கு பசிபிக் பகுதிகளில் உள்ள அவற்றின் அண்டை நாடுகள் போன்று விரைவான மக்கள்தொகைசார் மாற்றங்களை விரைவாக அனுபவிக்கும் பகுதிகளில் காணப்படுகிறது.

முதுமைக்கால மறதி நோயுடன் வாழும் பெரும்பாலான நபர்களுக்கு இந்நோய் இருப்பது முறையாக கண்டறியப்படவில்லை என்று ஆராய்ச்சி சுட்டிக்காட்டுகிறது. பாதிக்கப்பட்டவர்களில் ஏறத்தாழ முக்கால்வாசி பேர் இந்நோய் கண்டறியப்படாத நிலையிலேயே உள்ளனர், இதனால் அவர்களுக்கு முறையான நோயறிதலின் மூலம் வழங்கக்கூடிய அத்தியாவசிய சிகிச்சை, பராமரிப்பு மற்றும் ஒழுங்கமைக்கப்பட்ட ஆதரவு கிடைப்பதில்லை. இந்தப் புள்ளிவிவரங்கள் உலகளாவிய அளவில் முதுமைக்கால மறதி நோயின் நிலையை அடிக்கோடிட்டுக் காட்டுகின்றன, மேலும் உலகளவில் தனிநபர்கள் மற்றும் சமூகங்கள் மீதான அதன் தாக்கத்தை நிவர்த்திச் செய்வதற்கான விரிவான உத்திகளின் அவசரத் தேவையை எடுத்துக்காட்டுகின்றன.

பராமரிப்பாளர்களின் அனுபவங்கள்

2019 ஆம் ஆண்டு World Alzheimer Report, உலகளவில் முதுமைக்கால மறதி நோயுள்ளோரின் பராமரிப்பாளர்கள் பல்வேறு அனுபவங்களை எதிர்கொள்கின்றனர். சவால்கள் இருந்தபோதிலும், அவர்களில் பாதிக்கும் மேற்பட்டவர்கள் தங்கள் பராமரிப்பின் பங்கு குறித்து நேர்மறையான உணர்வுகளை வெளிப்படுத்துகிறார்கள், இது அவர்களின் அன்பிற்குரியவர்களின் நல்வாழ்வுக்கு அவர்கள் நல்கும் பங்களிப்பின் முக்கியத்துவத்தை அடிக்கோடிட்டுக் காட்டுகிறது. இருப்பினும், பராமரிப்பின் மூலம் பாதிப்பும் ஏற்படுகிறது, இதில் 50%க்கும் அதிகமானோர் உடல் மற்றும் மன அழுத்தம் உட்பட அவர்களின் உடல்நலத்தில் பாதகமான விளைவுகள் இருப்பதாக தெரிவிக்கின்றனர்.

அது மட்டுமின்றி, ஒரு குறிப்பிடத்தக்க பகுதியினர், சுமார் 35% பேர், தங்கள் அன்பிற்குரியவர்களுக்கு முதுமைக்கால மறதி நோய் இருப்பதைக் கண்டறிவதை மறைக்கத் தேர்ந்தெடுத்துள்ளனர், இது இந்த நிலையின் உணர்வு சார்ந்த சிக்கலான இயக்கவியலை பிரதிபலிக்கிறது.

மேலும், பராமரிப்பாளர்களின் வாழ்க்கையின் பல்வேறு அம்சங்களை பராமரிப்பாளர் பொறுப்புகள் பாதிக்கின்றன, இதில் 60%க்கும் அதிகமானோர் அவர்களின் சமூக வாழ்க்கையில் இடையூறுகளை அனுபவிக்கின்றனர். அத்துடன், பராமரிப்பாளர்களில் கிட்டத்தட்ட பாதி பேர், பராமரிப்புக் கோரிக்கைகள் காரணமாக தங்கள் பணி பாதிக்கப்பட்டுள்ளதாகக் குறிப்பிடுகின்றனர், உயர் நடுத்தர வருமானம் உள்ள நாடுகளில்தான் இந்த விகிதங்கள் அதிகம் காணப்படுகின்றன.

உலகளவில் முதுமைக்கால மறதி நோய் பொருளாதார ரீதியாக ஏற்படுத்தும் தாக்கம்

2015 ஆம் ஆண்டில் உலகளவில் முதுமைக்கால மறதி நோயின் செலவு 818 பில்லியன் அமெரிக்க டாலர்களாக இருந்ததாக 2015 World Alzheimer Report தெரியவந்துள்ளது, இது அந்தக் காலக்கட்டத்தில் உலக மொத்த உள்நாட்டு உற்பத்தியில் 1.09% ஆகும். தற்போதைய நிலையில், வருடாந்திர உலகளாவிய செலவு 1.3 டிரில்லியன் அமெரிக்க டாலர்களைத் தாண்டியுள்ளது, மேலும் 2030 ஆம் ஆண்டுக்குள் இது 2.8 டிரில்லியன் அமெரிக்க டாலர்களாக அதிகரிக்கும் என்று எதிர்பார்க்கப்படுகிறது. இந்த உத்தேசிப்பு பல்வேறு செலவுகளை உள்ளடக்குகிறது, இவற்றில் முறைசாரா பராமரிப்பு (குடும்பத்தினர் மற்றும் பிறரின் கட்டணம் அளிக்கப்படாத ஆதரவு), நேரடி சமூகப் பராமரிப்புச் செலவுகள் (சமூகப் பராமரிப்பு வழங்குநர்கள் மற்றும் குடியிருப்பு வசதிகளால் வழங்கப்படுவது) மற்றும் நேரடி மருத்துவப் பராமரிப்புச் செலவுகள் (முதன்மை மற்றும் இரண்டாம் நிலை சுகாதாரப் பராமரிப்பு அமைப்புகளில் மேற்கொள்ளப்படும் சிகிச்சை செலவுகள்) ஆகியவை அடங்கும்

முதுமைக்கால மறதி நோயின் பரவல் நிலையை உலகளவிலும் நமது உள்ளூர் சமூகங்களுடனும் ஒப்பிடுவதன் மூலமும், நேரம் மற்றும் நிதிநிலை அடிப்படையில் செலவைப் பற்றிய சிறந்த கண்ணோட்டத்தைப் பெறுவதன் மூலமும், நமது சமூகத்திலும், ஆராய்ச்சி அல்லது மானியங்கள் அதிகம் தேவைப்படும் இடங்களிலும் முதுமைக்கால மறதி நோயின் சமூக தாக்கத்தை இன்னும் துல்லியமாக மதிப்பிட முடியும்.

இந்தக் கட்டுரை பயனுள்ளதாக இருந்ததா?

ஆம் இல்லை

அடுத்து படிக்கவும்

Institute of Mental Health. (2024, August 28). IMH Study shows decrease in prevalence of dementia and improvement in treatment gap among older adults in Singapore over the past decade. [Press release].
Dr Chiew, H.J. (2021, July 10). Young-Onset Dementia: Improving Outcomes With Early Recognition at Primary Care. National Neuroscience Institute. https://www.nni.com.sg/news/defining-med/young-onset-dementia
The Straits Times. (2023, June 10). Significant share of caregivers to elderly face health woes themselves: Duke-NUS study. https://www.straitstimes.com/singapore/significant-share-of-caregivers-to-elderly-face-health-woes-themselves-duke-nus-study
Dementia Singapore. (2023, September 21). https://dementia.org.sg/wp-content/uploads/2023/11/FINAL-Dementia-SG-x-Milieu-Media-Release.pdf
Woo, L. L., Thompson, C. L., & Magadi, H. (2017). Monetary cost of family caregiving for people with dementia in Singapore. Archives of gerontology and geriatrics, 71, 59–65. https://doi.org/10.1016/j.archger.2017.03.006
Alzheimer’s Disease International, World Alzheimer Report 2015. The Global Impact of
Dementia: An Analysis of Prevalence, Incidence, Cost and Trends. https://www.alzint.org/u/WorldAlzheimerReport2015.pdf
Alzheimer’s Disease International, World Alzheimer Report 2019. Attitudes to dementia. https://www.alzint.org/u/WorldAlzheimerReport2019.pdf
Alzheimer’s Disease International, World Alzheimer Report 2024. Global changes in attitudes to dementia. https://www.alzint.org/u/World-Alzheimer-Report-2024.pdf

The post எண்ணிக்கைகளில் முதுமைக்கால மறதி நோய்: உள்ளூர் மற்றும் உலகளாவிய புள்ளிவிவரங்கள் appeared first on DementiaHub.SG.

மற்றும் சேவைகள்

Peter Cher — Thu, 09 Apr 2026 02:45:47 +0000

கவனமாகக் கேளுங்கள்

15 நிமிட வாசிப்பு

https://www.dementiahub.sg/wp-content/uploads/speaker/post-65235.mp3?cb=1741575731.mp3

ஒருங்கிணைந்த மனநல வலையமைப்பின் காரணமாக, சமூகத்தில் ஏராளமான திட்டங்களும் சேவைகளும் கிடைக்கப் பெறுகின்றன. முதுமைக்கால மறதி நோயுடன் வாழ்பவர்கள் மற்றும் அவர்களது பராமரிப்புப் பங்காளர்கள் உட்பட பல்வேறு வாடிக்கையாளர்களுக்கு சேவை செய்கின்ற ஆரோக்கிய, சமூக மற்றும் சமுதாயப் பராமரிப்பு வழங்குநர்களை இந்த வலையமைப்பு ஒன்றிணைக்கிறது.

நீங்கள் முதுமைக்கால மறதி நோயுடன் உங்கள் பயணத்தைத் தொடங்கியுள்ளீர்கள் மற்றும் எங்கு தொடங்குவது என்று சரியாகத் தெரியவில்லை என்றால், இந்தக் கட்டுரை உங்களுக்கானது. கிடைக்கக்கூடிய பல்வேறு திட்டங்கள் மற்றும் சேவைகள், அவை உங்களுக்கு எவ்வாறு உதவலாம் மற்றும் விண்ணப்பிக்கும் முன் நீங்கள் கவனிக்க வேண்டிய தேவைகளைப் பற்றி அறிய மேற்கொண்டு படியுங்கள்.

பராமரிப்பு மற்றும் ஆதரவுச் சேவைகள்

பராமரிப்பு மற்றும் ஆதரவுச் சேவைகளில் முதுமைக்கால மறதி நோயுடன் வாழ்பவர்கள் மற்றும் அவர்களின் பராமரிப்பாளர்களுக்கான நடைமுறை (அதாவது, அன்றாட நடவடிக்கைகளுக்கான ஆதரவு, வாடிக்கையாளர்களைத் தொடர்புடைய பராமரிப்புச் சேவைகளுடன் இணைப்பது), மனவுணர்வு மற்றும் நிதி சார்ந்த ஆதரவு ஆகியவை உள்ளடங்கியுள்ளன. இந்தச் சேவைகள் வீட்டிலோ, ஒரு பகல்நேரப் பராமரிப்பு நிலையத்திலோ வழங்கப்படலாம், வீட்டில் வழங்க முடியாத பராமரிப்பும் ஆதரவும் தேவைப்படும் வாடிக்கையாளர்களுக்குத் தாதிமை இல்லத்தில் வழங்கப்படலாம்.

முதுமைக்கால மறதி நோய்க்கான உதவித் தொலைபேசி

CREST

CREST-CSN

COMIT

நோயறிதலுக்குப் பிந்தைய ஆதரவு (CREST-PDS)

மீல்ஸ்-ஆன்-வீல்ஸ்

மருத்துவ வழித்துணை மற்றும் போக்குவரத்து

தனிப்பட்ட இல்லப் பராமரிப்பு

முதியோர்களை இல்லத்தில் கவனிக்கும் சேவை (Eldersit services)

பகல்நேரப் பராமரிப்பு:

முதுமைக்கால மறதி நோய்க்கான பகல்நேரப் பராமரிப்பு

வார இறுதியில் பகல்நேரப் பராமரிப்பு

சமூகச் சேவை அலுவலகம்

ஒருங்கிணைந்த இல்ல மற்றும் பகல்நேரப் பராமரிப்பு

தாதிமை இல்லம் சார்ந்த இடை ஓய்வுப் பராமரிப்பு

குடும்பச் சேவை நிலையங்கள் (Family Service Centre (FSC))

முதுமைக்கால மறதி நோய்க்கான உதவித் தொலைபேசி

CREST

CREST-CSN

COMIT

நோயறிதலுக்குப் பிந்தைய ஆதரவு (CREST-PDS)

மீல்ஸ்-ஆன்-வீல்ஸ்

மருத்துவ வழித்துணை மற்றும் போக்குவரத்து

தனிப்பட்ட இல்லப் பராமரிப்பு

முதியோர்களை இல்லத்தில் கவனிக்கும் சேவை (Eldersit services)

பகல்நேரப் பராமரிப்பு:

முதுமைக்கால மறதி நோய்க்கான பகல்நேரப் பராமரிப்பு

வார இறுதியில் பகல்நேரப் பராமரிப்பு

சமூகச் சேவை அலுவலகம்

ஒருங்கிணைந்த இல்ல மற்றும் பகல்நேரப் பராமரிப்பு

தாதிமை இல்லம் சார்ந்த இடை ஓய்வுப் பராமரிப்பு

குடும்பச் சேவை நிலையங்கள் (Family Service Centre (FSC))

சமூக நடவடிக்கைகள்/திட்டங்கள்

சமூக நடவடிக்கைகள் மற்றும் திட்டங்கள் சமூகத்தில் மற்றவர்களுடன் தொடர்புகொள்வதற்கான வாய்ப்புகளை உருவாக்குகின்றன. இவை, சமூகத்துடன் குறைவாகப் பழகுவதால் அல்லது குறைவாகத் தொடர்புகொள்வதால் காலப்போக்கில் சமூகத்திடமிருந்து மிகவும் விலகக்கூடிய முதுமைக்கால மறதி நோயுடன் வாழ்பவர்களுக்குக் குறிப்பாகப் பொருத்தமானவை. இந்த நடவடிக்கைகளும் திட்டங்களும் முதுமைக்கால மறதி நோயின் முன்னேற்றத்தை மெதுவாக்ககவும், கட்டமைக்கப்பட்ட கால அட்டவணையை வழங்குவதையும், மேலும் முதுமைக்கால மறதி நோயுடன் வாழ்பவர்களின் மனநிலையை மேம்படுத்துவதையும் நோக்கமாகக் கொண்டுள்ளன.

துடிப்பான முதுமைக்கால நிலையங்கள்/துடிப்பான முதுமைக்கால நிலையங்கள் (பராமரிப்பு)

தொண்டூழியர் நிலையங்கள்/திட்டங்கள்

சமூக நிலையங்கள் (Community Centres, CC)

ஜிம் டானிக்

நம்பிக்கைக்கான குரல்கள்

தொண்டூழியர் நிலையங்கள்/திட்டங்கள்

சமூக நிலையங்கள் (Community Centres, CC)

ஜிம் டானிக்

நம்பிக்கைக்கான குரல்கள்

மருத்துவ மற்றும் உடல்நலப் பராமரிப்புச் சேவைகள்

முதுமைக்கால மறதி நோயுடன் வாழ்பவர்களுக்கான மருத்துவ மற்றும் சுகாதாரப் பராமரிப்புச் சேவைகளில் மருத்துவ மதிப்பீடுகள், மறுவாழ்வுப் பராமரிப்பு, நடத்தை, நினைவுத்திறன் மற்றும் மனநிலைக்கு உதவுவதற்கான மருந்துகளின் பரிந்துரை மற்றும் ஊட்டச்சத்து மதிப்பீடுகள் ஆகியவை அடங்கும். பராமரிப்பைப் பெறுபவரின் வீடு, நிலையங்கள், மருத்துவமனைகள் அல்லது தாதிமை இல்லங்கள் உள்ளிட்ட பல்வேறு அமைப்புகளில் இந்தச் சேவைகள் வழங்கப்படலாம்.

நினைவுத்திறன் மருந்தகங்கள்

நிலையத்தை சார்ந்த தாதிமைச் சேவை

பகல்நேர மறுவாழ்வு நிலையங்கள்

இல்லம் சார்ந்த சிகிச்சை

இல்ல மருத்துவம்

இல்லம் சார்ந்த தாதிமைப் பராமரிப்பு

தாதிமை இல்லம்

நினைவுத்திறன் மருந்தகங்கள்

நிலையத்தை சார்ந்த தாதிமைச் சேவை

பகல்நேர மறுவாழ்வு நிலையங்கள்

இல்லம் சார்ந்த சிகிச்சை

இல்ல மருத்துவம்

இல்லம் சார்ந்த தாதிமைப் பராமரிப்பு

தாதிமை இல்லம்

கூடுதல் வளஆதாரம்

முதுமைக்கால மறதி நோய் ஆதரவு மற்றும் சேவைகளின் விவரத் திரட்டுப் பட்டியல்

இந்த வளஆதாரம் சிங்கப்பூரில் உள்ள 4 முக்கிய பகுதிகளால் வகுக்கப்பட்டுள்ள, சமூகத்தில் உள்ள பல்வேறு திட்டங்கள் மற்றும் சேவைகளின் விரிவான பட்டியலை விவரிக்கிறது, எனவே உங்களுக்கு அருகிலுள்ள சேவை வழங்குநரை நீங்கள் எளிதில் கண்டறியலாம்.

இந்தக் கட்டுரை பயனுள்ளதாக இருந்ததா?

ஆம் இல்லை

Retrieved on 23 November 2023 from https://supportgowhere.life.gov.sg/.
Introduction to Community Care Services. Retrieved on 23 November 2023 from https://www.aic.sg/care-services

The post மற்றும் சேவைகள் appeared first on DementiaHub.SG.

ஆல்சைமர் நோய்

aleene.chow — Thu, 27 Feb 2025 01:12:54 +0000

கவனமாகக் கேளுங்கள்

6 நிமிட வாசிப்பு

https://www.dementiahub.sg/wp-content/uploads/speaker/post-74074.mp3?cb=1770867407.mp3

ஆல்சைமர் நோய் என்பது மிகவும் நன்கு தெரிந்த மற்றும் ஆராய்ச்சி செய்யப்பட்ட முதுமைக்கால மறதி நோயின் வகையாகும், இது நியோகார்டெக்ஸில் உள்ள செல்லுலார் மட்டத்தில் நிகழும் மாற்றங்களால் ஏற்படுகிறது. நாங்கள் ஆல்சைமர் நோய் ஏற்படுவதற்கான காரணங்கள், அறிகுறிகள், பரவலான நிலை மற்றும் ஆபத்து பற்றிய பொதுவான விளக்கத்தை வழங்குகிறோம்.

இந்த கட்டுரையில்

ஆல்சைமர் நோய் என்றால் என்ன?
ஆல்சைமர் நோய் எவ்வளவு பொதுவானது?
ஆல்சைமர் நோயின் முக்கிய அறிகுறிகள்
ஆல்சைமர் நோய்க்கான மரபணு ஆபத்து
அபாயத்தை நிர்வகித்தல்
நோயறிதல் சோதனை
எனக்கோ அல்லது என் அன்புக்குரியவருக்கோ நான் எவ்வாறு ஆதரவைப் பெறுவது?
கூடுதல் வளஆதாரங்கள்

ஆல்சைமர் நோய் என்றால் என்ன?

ஆல்சைமர் நோய் (AD) என்பது முதுமைக்கால மறதி நோயின் மிகவும் பொதுவான வகையாகும், கண்டறியப்படும் அனைத்து முதுமைக்கால மறதி நோய் வகைகளில் இந்த ஆல்சைமர் நோய் (AD) 60-80% இடம் வகிப்பதாக மதிப்பிடப்பட்டுள்ளது ¹. இது வீரியம் அடையக்கூடிய நரம்பியல் மற்றும் அறிவாற்றல் சார்ந்த நோயாகும், அதாவது மற்ற உடல்நலப் பிரச்சனைகள் இருப்பதைத் தவிர்த்து காலப்போக்கில் இதன் அறிகுறிகள் படிப்படியாக மோசமடையும். மூளையில் செல்லுலார் மட்டத்தில் மாற்றங்கள் ஏற்படுவதாலும், வயதுக்கு ஏற்பவும் இது மெதுவாக வீரியமடைகிறது. ஆல்சைமர் நோயின் முக்கிய அறிகுறி மூளையில் உள்ள நியூரான்களைச் சுற்றி அமிலாய்டு-பீட்டா புரதங்கள் அசாதாரண முறையில் படிவது ஆகும்.

அமிலாய்டு-பீட்டா புரதங்கள் ஆல்சைமர் நோய்க்கு எவ்வாறு வழிவகுக்கிறது?

(படம்: ஆரோக்கியமான மூளையின் அமைப்பும் ஆல்சைமர் நோயின்போது அவதானிக்கப்பட்ட மூளையின் அமைப்பும், adapted from Brejyeh and Karaman, 2020)

பொதுவாக, இந்தப் புரதங்கள் கழிவுகளாக அப்புறப்படுத்தப்படுகின்றன, ஆனால் இந்தச் செயல்முறைக்கு புரதங்களை வெட்டும் மூன்று நொதிகளின் (α-, β- மற்றும் γ-செக்ரெடேஸ்) முறையான ஈடுபாடு தேவைப்படுகிறது. இந்த நொதிகளில் ஏதேனும் ஒன்று அசாதாரண செயல்பாட்டை வெளிப்படுத்தும்போது, பீட்டா-அமிலாய்டு புரதங்கள் நியூரான்களின் வெளிப்புறத்தைச் சுற்றி படிந்து, படலங்களை உருவாக்குகின்றன, இவை நியூரான்களுக்கு இடையிலான தகவல்தொடர்புக்கு இடையூறாக இருக்கின்றன. இது இறுதியில் நியூரான்களின் செல் இறப்புக்கும், மொழி, நினைவகம் மற்றும் திட்டமிடலுக்குத் தேவையான பகுதிகளில் உள்ள கார்டெக்ஸ் எனப்படும் புறணி (மூளைத் திசு) சுருங்குவதற்கும் வழிவகுக்கிறது.

கூடுதல் தகவல்கள் ஆல்சைமர் நோய்க்கான டௌ விளக்கம்

மற்றொரு பொதுவான விளக்கம் என்னவென்றால், நியூரான் செல்களுக்குள் டௌ புரதத்தால் ஆன நச்சுக் கட்டிகள் உருவாகுவதாகும். இந்த நச்சுக்கட்டிகள் நியூரோஃபைப்ரிலரி டேங்கிள்கள் (மூளையிலுள்ள நியூரான்களுக்குள் உருவாகும் புரதங்களின் நச்சுக்கட்டிகள்) என்று அழைக்கப்படுகின்றன, இவை இரண்டும் ஒரு நபருக்கு ஆல்சைமர் நோய் இருக்கிறதா என்பதைக் குறிக்கும் உயிரியல் குறிகாட்டிகளாகக் கருதப்பட்டாலும், ஆல்சைமர் நோய் இல்லாத வயதானவர்களின் மூளைகளில் அமிலாய்டு புரத படலங்கள் சிதறிய நிலையில் பொதுவாகக் காணப்படுகின்றன. நியூரோஃபைப்ரில்லரி நச்சுக்கட்டிகள் சிதைக்கப்பட்ட நியூரைட்டுகளில் அமிலாய்டு புரதம் அதிக அடர்த்தியாக நிரம்பியிருக்கும் நியூரிடிக் படலங்கள் ஆனது ஆல்சைமர் நோய்க்கான மிகவும் குறிப்பிட்ட குறிப்பானாகக் கருதப்படுகின்றன.

ஆல்சைமர் நோய் எவ்வளவு பொதுவானது?

படம்: வயது வாரியாக அமிலாய்டு-பீட்டா தொடர்பான ஆல்சைமர் நோயின் உலகளாவிய பரவல் நிலை, adapted from Gustavsson et. al)

முறையான நோயறிதலுக்கான அளவுகோலை விட அறிகுறியின் தீவிரம் குறைவாக உள்ளவர்களைத் தவிர்த்து (மருத்துவ ரீதியான அறிகுறிகளுக்கு முந்தைய ஆல்சைமர் நோய்), உலகளவில் சுமார் 32 மில்லியன் மக்களுக்கு ஆல்சைமர் நோயுள்ளதாக மதிப்பிடப்பட்டுள்ளது³.

ஆல்சைமர் நோயின் பரவல் நிலை குறித்து பார்க்கும்போது, வயது என்பது மிக முக்கியமான காரணியாக உள்ளது. 65 வயதைத் தாண்டி ஒவ்வொரு 5 வயது அதிகரிப்பிலும், ஆல்சைமர் நோயின் பரவல் நிலை தோராயமாக இரட்டிப்பாகிறது. 85 வயது மற்றும் அதற்கு மேற்பட்டவர்களிடத்தில் குறைந்தது 25% பேருக்கு ஆல்சைமர் நோய் இருப்பதாக மதிப்பிடப்பட்டுள்ளது.

ஆயுட்காலத்தில் காணப்படும் பாலின ரீதியான வித்தியாசங்களைக் கருத்தில் கொண்டு பார்த்தாலும் கூட, ஆண்களை விட பெண்களுக்கு ஆல்சைமர் நோய் வருவதற்கான வாய்ப்புகள் அதிகமாக உள்ளது.²

ஆல்சைமர் நோயின் முக்கிய அறிகுறிகள்

ஆல்சைமர் நோய் வீரியமடையும் செயல்பாட்டு மற்றும் அறிவாற்றல் குறைபாட்டை ஏற்படுத்துகிறது. பொதுவாக, நோயின் ஆரம்ப கட்டத்தில், இந்நோயுள்ள நபர் மருத்துவ ரீதியான அறிகுறிகளுக்கு முந்தைய நிலை எனப்படும் ஒரு கட்டத்திற்கு உட்படுவார், அதன்போது அறிகுறிகள் எதுவும் தோன்றாமல் இருக்கும் அல்லது மிகவும் லேசானதாக இருக்கும், அந்த நபருக்கு லேசான மறதி இருக்கும், ஆனால் அன்றாட நடவடிக்கைகளில் செயல்பாட்டு ரீதியான குறைபாடு எதுவும் தென்படாமல் இருக்கலாம்.

லேசான நிலையில், அந்த நபருக்கு ஒரு விஷயத்தில் கவனம் செலுத்துவதிலும் விஷயங்களை நியாபகம் வைத்துக் கொள்வதிலும் சிரமங்கள் இருக்கலாம். அவர்கள் தான் இருக்கும் இடம் மற்றும் நேரம் குறித்து புரிந்து கொள்ள முடியாத நிலையிலும் இருக்கலாம், மேலும் அவர்கள் மனநிலையில் ஏற்ற இறக்கங்கள் அல்லது சோர்வான மனநிலையையும் அனுபவிக்கக்கூடும்.

ஆல்சைமர் நோயின் மிதமானது முதல் தீவிரமான நிலையில், அந்த நபருக்கு நினைவுத்திறன் இழப்பு அதிகமாகும், அவருக்கு தனது குடும்பம் மற்றும் நண்பர்களை அடையாளம் காண்பதில் சிரமம் இருக்கலாம். அவரது உந்துசக்தி கட்டுப்பாடு, வாசிப்பு, எழுத்து மற்றும் பேச்சுத்திறன் பாதிக்கப்படலாம். இறுதியில், மூளையின் இயக்கச் செயல்பாட்டிற்கான பகுதிகள் பாதிக்கப்படும்போது மற்றும் விழுங்குவதிலும் சிறுநீர் கழிப்பதிலும் சிரமம் ஏற்படும்போது அவர் படுக்கையில் இருக்க நேரிடலாம்.

65 வயதிற்கு முன்பே அறிகுறிகள் தோன்றினால், அந்த நபருக்கு இளவயது ஆல்சைமர் நோய் இருப்பதாகக் கூறப்படுகிறது. பெரும்பாலான சூழல்களில் 65 வயதிற்குப் பிறகே இந்நோய் கண்டறியப்படுகின்றன, இது தாமதமாகத் தொடங்கும் ஆல்சைமர் நோய் என்று அழைக்கப்படுகிறது. தாமதமாகத் தொடங்கும் ஆல்சைமர் நோயில், கார்டெக்ஸ் மற்றும் ஹிப்போகாம்பஸில் (நினைவாற்றலுக்குப் பொறுப்பான மூளைப் பகுதி) கட்டமைப்பு மாற்றங்கள் லேசான அறிவாற்றல் குறைபாட்டுடன் மட்டுமே காணப்படுகின்றன. இந்நிலையில், அறிகுறிகளை சமாளித்து, அதிலிருந்து மீளவும் முடியும், அதனால்தான் ஆல்சைமர் நோய்க்கான முன்கூட்டியே பரிசோதிப்பது முன்கணிப்பில் பெரிய தாக்கத்தை ஏற்படுத்தும்

கலப்பு முதுமைக்கால மறதி நோய்: ஒன்றுக்கும் மேற்பட்ட முதுமைக்கால மறதி நோய்

ஒருவருக்கு கலப்பு முதுமைக்கால மறதி நோயும் ஏற்படலாம், இது ஒருவருக்கு ஒன்றுக்கும் மேற்பட்ட வகை முதுமைக்கால மறதி நோய் இருக்கும்போது ஏற்படுகிறது. கலப்பு முதுமைக்கால மறதி நோயின் பெரும்பாலான நிகழ்வுகள் ஆல்சைமர் மற்றும் இரத்தநாளம் சார்ந்த முதுமைக்கால மறதி நோயுடன் ஏற்படுகின்றன, ஏனெனில் இவை இரண்டும் முதுமைக்கால மறதி நோயின் மிகவும் பொதுவான இரண்டு வகைகளாக காணப்படுகின்றன. கலப்பு முதுமைக்கால மறதி நோய் உள்ளவர்களுக்கு இரண்டு வகை முதுமைக்கால மறதி நோயின் அறிகுறிகளும் இருக்கும், அவற்றுள் ஒரு வகை முதுமைக்கால மறதி நோயின் அறிகுறிகள் பெரும்பாலும் அதிகமாக

ஆல்சைமர் நோய்க்கான மரபணு ஆபத்து

தாமதமாகத் தொடங்கும் ஆல்சைமர் நோயுடன் ஒப்பிடுகையில், இளவயது ஆல்சைமர் நோய் ஆனது பரம்பரை மரபணு ஆபத்து காரணிகளால் ஏற்பட அதிக வாய்ப்புள்ளது. இதன் பொருள், உயிரியல் ரீதியாக உங்களுக்கு தொடர்புடைய ஒருவருக்கு இளவயது ஆல்சைமர் நோய் இருந்தால், உங்களுக்கு அந்த நோய் உருவாக அதிக வாய்ப்பு இருக்கலாம். ஆல்சைமர் நோயின் மரபணு ஆபத்து குறித்து ஒருவர் பரிசோதிக்கப்படும்போது, அவர் பின்வருவனவற்றிற்காக பரிசோதிக்கப்படுவார்:

இறுதியில் அமிலாய்டு-பீட்டா புரதங்களை உருவாக்குகின்ற புரதங்களுக்கான குறியீட்டு மரபணுக்களில் ஏற்படும் பிறழ்வுகள்.
அமிலாய்டு புரதத்தை அகற்றுவதில் ஈடுபடும் செக்ரெடேஸ் நொதிகளின் செயல்பாட்டைக் கட்டுப்படுத்தும் புரதங்களில் ஏற்படும் பிறழ்வுகள்.

நியூரான்களின் செல் சவ்வுக்கு அருகிலுள்ள கொலஸ்டிரால் (Cholesterol) அளவுகள், இவை செக்ரெடேஸ் நொதிகளின் செயல்பாட்டையும் பாதிக்கின்றன. அதிக கொலஸ்டிரால் அளவு நியூரான்களில் உள்ள லிப்பிட் வளர்சிதை மாற்ற மண்டலத்தின் (கொழுப்புகளின் சேமிப்பகம் மற்றும் செரிமான மண்டலம்) சமநிலையை சீர்குலைக்கிறது, இது அமிலாய்டு படலங்கள் விரைவாக உருவாவதை ஊக்குவிக்கிறது. இதன் காரணமாக, லிப்பிட் வளர்சிதை மாற்றத்தில் ஈடுபடும் அபோலிபோபுரோட்டீன் E (ApoE) எனப்படும் நியூரான்களுக்குள் இருக்கும் ஒரு புரதம், ஆல்சைமர் நோய் அபாயத்துடனான அதன் தொடர்பு குறித்தும் ஆராய்ச்சியாளர்களால் தீவிரமாக ஆய்வு செய்யப்படுகிறது. இந்தப் புரதத்தில் பல வடிவங்கள் உள்ளன, ஆனால் நம்மில் பெரும்பாலோருக்கு இதன் மூன்று பொதுவான வடிவங்களில் ஒன்றினுடைய மரபணுவே உள்ளது. ApoE2 மரபணு உள்ள நபர்களுக்கு ஆல்சைமர் நோய் ஏற்படுவதற்கான ஆபத்து குறைவாக உள்ளதாக கருதப்படுகிறது, அதே நேரத்தில் ApoE4 மரபணு உள்ள நபர்களுக்கு இளவயது அல்லது தாமதமாகத் தொடங்கும் ஆல்சைமர் நோய் ஏற்படுவதற்கான ஒட்டுமொத்த ஆபத்து அதிகமாக உள்ளது.

இந்தக் குறிப்பிட்ட மரபணுக்களைக் கொண்டிருப்பது ஆல்சைமர் நோய்க்கான அபாயத்தை அதிகரிக்கிறது என்கிறபோதிலும் இந்நோய் கண்டிப்பாக ஏற்படும் என்ற உத்தரவாதம் கிடையாது என்பதைக் கவனத்தில் கொள்ள வேண்டும். இத்தகைய மரபணு பரிசோதனைகள், ஆல்சைமர் நோய் ஏற்படும் அபாயத்தில் உள்ள நபர்களுக்கு ஆலோசனை வழங்க உதவுகின்றன, இதன் மூலம் அவர்கள் வாழ்க்கை முறை மாற்றங்களைச் செய்து இந்நோயின் அபாயத்தை நிர்வகிக்கலாம். இந்த மரபணு ஆபத்து காரணிகள் இளவயது ஆல்சைமர் நோய் ஏற்படுவதில் ஆதிக்கம் செலுத்துகின்றன, ஆனால் தாமதமாகத் தொடங்கும் ஆல்சைமர் நோயை உருவாக்கும் அபாயத்தில் கூடுதல் விளைவைக் கொண்டிருப்பதாகத் தோன்றும் 20க்கும் மேற்பட்ட மரபணுக்கள் உள்ளன.

அபாயத்தை நிர்வகித்தல்

ஆல்சைமர் நோய் லிப்பிட் வளர்சிதை மாற்றத்துடன் தொடர்புடையது என்பதால், உடல் பருமன், உயர் இரத்த அழுத்தம் மற்றும் டிஸ்லிபிடெமியா போன்ற பல நாள்பட்ட மருத்துவ நோய்களும் ஆல்சைமர் நோயுடன் தொடர்புடையதாக உள்ளன. எனவே, ஒருவரின் வாழ்க்கை முறை பழக்கவழக்கங்கள் இந்த நோய் ஏற்படுவதற்கான அபாயத்தை அதிகரிக்கக்கூடும். இவற்றுள் அடங்குவன:

போதிய உடற்பயிற்சி இல்லை
அடிக்கடி அல்லது அதிகம் மது அருந்துவது
புகைப்பழக்கம்
அதிக கொழுப்புள்ள அல்லது அதிக சர்க்கரையுள்ள உணவுமுறையைக் கொண்டிருப்பது
போதிய தூக்கம் இல்லை

வாழ்க்கை முறை மற்றும் மரபணு காரணிகளைத் தவிர, தலையில் காயம் மற்றும் காற்று மாசுபாடு மற்றும் கன உலோக வெளிப்பாடு போன்ற சுற்றுச்சூழல் காரணிகளும் ஆல்சைமர் நோய் ஏற்படுவதற்கான ஒருவரின் அபாயத்தை அதிகரிக்கக்கூடும். ஆல்சைமர் நோய் மற்றும் பிற வகை முதுமைக்கால மறதி நோய் ஏற்படுவதற்கான அபாயத்தை நிர்வகிப்பது பற்றி நீங்கள் இங்கே மேலும் படிக்கலாம்.

நோயறிதல் சோதனை

நோயறிதல் செயல்முறை பெரும்பாலும் அந்த நபரின் மருத்துவ வரலாறு மற்றும் கவனிக்கப்படும் அறிவாற்றல் மற்றும் நடத்தை ரீதியான மாற்றங்களை பரிசீலனை செய்வதன் மூலம் தொடங்குகிறது. அந்த நபர் எடுத்துக்கொள்ளும் மருந்துகள் பற்றியும், குடும்பத்தில் உள்ள பிறருக்கு ஆல்சைமர் நோய் இருப்பது கண்டறியப்பட்டதா என்பது குறித்தும் மருத்துவர் கேட்பார். அறிவாற்றல் மற்றும் நடத்தை அறிகுறிகள் கவலைக்குரியவையா என்பதையும், அவை தினசரி செயல்பாட்டைக் கணிசமாகப் பாதிக்கின்றனவா என்பதையும் தீர்மானிக்க, மினி-மென்டல் ஸ்டேட் எக்ஸாம் (MMSE) மற்றும் மாண்ட்ரீல் அறிவாற்றல் மதிப்பீடு (MoCA) போன்ற அறிவாற்றல், செயல்பாட்டு மற்றும் நடத்தை பரிசோதனைகளை மேற்கொள்ளுமாறு அந்த நபரிடம் கேட்கப்படலாம்.

இதைத் தொடர்ந்து பெரும்பாலும் மேக்னெட்டிக் ரெசோனன்ஸ் இமேஜிங் (MRI) அல்லது கம்ப்யூட்டட் டோமோகிராபி (CT) போன்ற மூளைக்கான இமேஜிங் ஸ்கேன்கள் செய்யப்படும். இது நோயறிதலை ஆதரிக்கும் வகையில், கார்டெக்ஸில் சுருக்கம் போன்ற கட்டமைப்பு மாற்றங்கள் ஏற்பட்டுள்ளதா, அல்லது ஆல்சைமர் நோயால் பாதிக்கப்பட்டவர்களுக்கு ஏற்படுவதைப் போன்ற அறிகுறிகளை ஏற்படுத்தக்கூடிய பிற மருத்துவ நோய்கள், அதாவது பக்கவாதம் அல்லது மூளைக் கட்டிகள் உள்ளதா என்பதை மருத்துவர் மதிப்பிட அனுமதிக்கிறது.

ஆல்சைமர் நோயுடன் தொடர்புடைய அமிலாய்டு-பீட்டா அல்லது டௌ போன்ற அசாதாரண புரத அளவுகளைச் சரிபார்க்க, மூளைத் தண்டுவட திரவம் மற்றும் இரத்தப் பரிசோதனைகள் உள்ளிட்ட கூடுதல் பரிசோதனைகளும் மேற்கொள்ளப்படலாம்.

முழு நோயறிதல் செயல்முறை பற்றிய கூடுதல் தகவலுக்கு, இந்தக் கட்டுரையைப் படித்திடுங்கள்.

எனக்கோ அல்லது என் அன்புக்குரியவருக்கோ நான் எவ்வாறு ஆதரவைப் பெறுவது?

உங்களுக்குத் தெரிந்த ஒருவருக்கு அல்லது உங்களுக்கே ஆல்சைமர் நோய் ஏற்படும் அபாயம் இருப்பதாக நீங்கள் கவலைப்பட்டால், உங்கள் பொது மருத்துவர் (GP) அல்லது குடும்ப மருத்துவரைப் பரிந்துரைக்காக அணுகலாம் அல்லது நோயறிதலைப் பெறுமாறு அவர்களை ஊக்குவிக்கலாம். பின்வருவனவற்றின் மூலம் நோயறிதலைப் பற்றி மேலும் அறிந்திடுங்கள்:

நீங்கள் சமூகத்தைச் சென்றடையும் குழுவையும்(CREST) தொடர்பு கொள்ளலாம். ஆதரவைப் பெற, 6377 0700 என்ற எண்ணில் டிமென்ஷியா சிங்கப்பூர் உதவி எண்ணை அழைத்திடுங்கள்.

Video: I Was An SAF Commando. Alzheimer’s Won’t Stop The Fighter In Me

Source: CNA Insider

சிங்கப்பூர் ஆயுதப்படை (SAF) முன்னாள் அதிகாரி பீட்டர் எஸ்ட்ராப், 61 வயதில் மிகவும் பொதுவான முதுமைக்கால மறதி நோய் வகைகளில் ஒன்றான ஆல்சைமர் நோயால் பாதிக்கப்பட்டுள்ளார். முன்னாள் அதிகாரியான இவர் அறிவாற்றல் வீழ்ச்சியை எதிர்கொள்கிறார், இது அவரது நினைவாற்றலைப் பாதிக்கிறது. இந்தக் காணொளியில், அவரும் அவரது மனைவி எவோனும் நோயறிதலுக்குப் பிறகு முதுமைக்கால மறதி நோயுடன் வாழ்வதற்கு எவ்வாறு அவர்களின் சூழலை மாற்றியமைத்துக் கொண்டனர் என்பது பற்றிப் பேசுகிறார்கள்.

கூடுதல் வளஆதாரங்கள்

Understanding Different Types of Dementia (PDF)
Source: National Institute on Aging

இந்தச சுவரொட்டி நான்கு பொதுவான முதுமைக்கால மறதி நோய் வகைகளை அவற்றின் பண்புகள் மற்றும் வேறுபாடுகள் அடிப்படையில் சுருக்கமாகக் கூறுகிறது.

Alzheimer’s disease and dementia: what everyone needs to know by Sabat, Steven R.
Available for loan from the National Library Board

இந்த வழிகாட்டியில், முதுமைக்கால மறதி நோயை ஒரு நோயாக வரையறுத்து, அதன் அறிகுறிகள், முதுமைக்கால மறதி நோய் ஒருவரின் வாழ்க்கையை (அகநிலை அனுபவம், உணர்ச்சி நல்வாழ்வு மற்றும் சமூக வாழ்க்கை உட்பட) எவ்வாறு மாற்றும், முதுமைக்கால மறதி நோயின் உயிரியல் அம்சங்கள், அது எவ்வாறு கண்டறியப்படுகிறது மற்றும் முதுமைக்கால மறதி நோயுடன் வாழும் நபருடன் நேர்மறையான உறவைப் பேணுவதற்கு பராமரிப்பு கூட்டாளர்கள் என்ன செய்யலாம் என்பதை சபாத் கோடிட்டுக் காட்டுகிறார்.

இந்தக் கட்டுரை பயனுள்ளதாக இருந்ததா?

ஆம் இல்லை

முதுமைக்கால மறதி நோய் எவ்வாறு கண்டறியப்படுகிறது?

Peter Cher — Wed, 16 Aug 2023 01:51:43 +0000

கவனமாகக் கேளுங்கள்

5 நிமிட வாசிப்பு

https://www.dementiahub.sg/wp-content/uploads/speaker/post-64113.mp3?cb=1741575897.mp3

முதுமைக்கால மறதி நோய் போன்ற அறிகுறிகளை அனுபவிக்கின்ற ஒரு நபராக, அல்லது அந்நபரின் நெருங்கிய குடும்ப உறுப்பினர் அல்லது நண்பராக, மருத்துவரைச் சந்திக்கும்போது என்ன நடக்கும் என்று நீங்கள் யோசிக்கலாம்.

நோயறிதல் செயல்முறைகளால், சுகாதாரப் பராமரிப்பு நிபுணர்கள் அடங்கிய ஒரு குழுவின் உதவியுடன், இந்த முதுமைக்கால மறதி நோய் போன்ற அறிகுறிகளை நீங்கள் நன்கு புரிந்துகொள்ள முடியும்.

இந்த கட்டுரையில்

நோயறிதல் செயல்முறையின் கண்ணோட்டம்
மருத்துவரைச் சந்திக்க வரும்போது, உங்கள் நம்பிக்கைகுரிய ஒருவரை உடன் அ
நோயறிதல் செயல்முறையில் இந்த நடைமுறைகளை உள்ளடங்கியிருக்கலாம்

நேர்காணல்கள்
தற்போதுள்ள பிற மருத்துவ நிலைகளுக்கான பரிசோதனைகள்
அறிவாற்றல் தகுதிச் சோதனை மற்றும் மதிப்பீடுகள்
இரத்தப் பரிசோதனைகள்
மூளைப் படமாக்கல்

மேலும் தகவல்கள் மற்றும் ஆதரவை எங்கே பெறுவது

நோயறிதல் செயல்முறையின் கண்ணோட்டம்

இச்செயல்முறையில் சுகாதாரப் பராமரிப்பு நிபுணர்கள் உடனான சில அமர்வுகள் முதல் பல அமர்வுகள் அடங்கியுள்ளன. இது பெரும்பாலும் ஒரு தனியார் மருத்துவர் (GP) அல்லது குடும்ப மருத்துவரைப் பலதுறை மருந்தகம் அல்லது GP சிகிச்சையகத்தில் சந்திப்பதில் இருந்து தொடங்குகிறது. GP அல்லது மருத்துவர் ஒரு தொடக்கத் சோதனை மற்றும் கலந்தாய்வை நடத்துவார்.

GP அல்லது குடும்ப மருத்துவர், முதுமைக்கால மறதி நோய் போன்ற அறிகுறிகளை அனுபவிக்கும் நபரை மேற்கொண்டு கலந்தாலோசனைகள் மற்றும் மதிப்பீடுகளுக்காக ஒரு சிறப்புக் குழுவிடம் அல்லது நரம்பியல் நிபுணர், மூத்தோர் மருத்துவர் அல்லது மனநல மருத்துவர் போன்ற நிபுணர்களிடம் சில அமர்வுகள் முதல் பல அமர்வுகளுக்காகப் பரிந்துரைக்கலாம்.

இந்த அமர்வுகளில், ஒரு நபருக்கு முதுமைக்கால மறதி நோய் இருக்கிறதா என்பதையும், சாத்தியமிருந்தால், அவருக்கு என்ன வகையான முதுமைக்கால மறதி நோய் உள்ளது என்பதையும் கண்டறிய கலந்தாலோசனைகள், மருத்துவ வரலாற்றை விரிவாகக் கேட்டறிவது, இரத்தப் பரிசோதனைகள், அறிவாற்றல் சோதனைகள் மற்றும் மூளை ஸ்கேன் ஆகியவை அடங்கும்.

பல்வேறு வகையான முதுமைக்கால மறதி நோய் பற்றி மேலும் படியுங்கள்.

முதுமைக்கால மறதி நோயின் மாறுபட்ட வகைகள்

மருத்துவரைச் சந்திக்க வரும்போது, உங்கள் நம்பிக்கைகுரிய ஒருவரை உடன் அழைத்து வரவும்

நோயறிதல் செயல்முறைக்கு உட்படும் நபர்கள், அவர்களை நன்கு அறிந்த நம்பிக்கைகுரிய ஒருவருடன் வருமாறு நாங்கள் ஊக்குவிக்கிறோம்; அவர் இந்நோய் இருப்பதாகக் கண்டறியப்பட்ட நபருடன் வசிக்கின்ற ஒருவராக அல்லது நெருக்கமாக இருக்கின்ற குடும்ப உறுப்பினர்கள் மற்றும் நண்பர்களாக இருக்கலாம். மருத்துவருடனான முதல் வருகையின் போது இது மிகவும் முக்கியமாகும்.

உடன் வரும் நபர், நோயறிதல் செயல்முறையில் உதவக்கூடிய முக்கியமான தகவல்களை வழங்குகின்ற ஒரு தகவல் அளிப்பவராகச் செயல்படலாம்.

அதோடு, இந்த நபர் நோயறிதல் சோதனை செய்யப்படும் நபருக்கு மேற்கொண்டு நோயறிதல் அமர்வுகளைத் தொடர உதவலாம். இந்தப் பயணம் சவாலானதாக இருப்பதால், நோயறிதல் செயல்முறைக்கு உட்படுகின்ற நபருடன் இணைந்து பயணிக்கும் அவர்கள் ஆதரவின் ஆதாரமாகவும் இருக்கலாம்.

நோயறிதல் செயல்முறைக்கு உட்படும் நபர்கள் தங்களின் நியமன சந்திப்புகளுக்கு ஒருவரை அழைத்து வருவது மிகவும் உதவியாக இருக்கும்.

நோயறிதல் செயல்முறையில் இந்த நடைமுறைகளை உள்ளடங்கியிருக்கலாம்

1. நேர்காணல்கள்

அறிகுறிகளை அனுபவிக்கும் நபரும், அவர்களை நன்கு அறிந்த, குடும்ப உறுப்பினர்களும், மருத்துவர் அல்லது செவிலியர் போன்ற சுகாதாரப் பராமரிப்பு நிபுணர்களால் நேர்காணல் செய்யப்படுவார்கள்.

சுகாதாரப் பராமரிப்பு நிபுணர்கள் பெரும்பாலும் பின்வருவன குறித்து மேலும் விரிவான தகவல்களைக் கேட்பார்கள்:

அந்நபர் என்ன அறிகுறிகளை அனுபவித்தார், எப்போது அனுபவித்தார், எவ்வளவு காலத்திற்கு அனுபவித்தார். அறிகுறிகளில் நினைவுத்திறன் இழப்பு, மொழிப் பிரச்சினைகள், போகும் திசை தெரியாமல் தடுமாறுவது, ஒருவரின் மனநிலை மற்றும் நடத்தையில் ஏற்பட்டுள்ள மாற்றங்கள் மற்றும் திட்டமிடுவதற்கான ஒருவரின் திறனில் உள்ள பிரச்சினைகள் ஆகியவை அடங்கும்.
இந்த அறிகுறிகள் அந்நபரின் அன்றாடப் பணிகள் மற்றும் நடைமுறைகளை எவ்வாறு பாதித்தன
மருத்துவ வரலாறு, ஏதேனும் நடத்தை மற்றும் உளவியல் சார்ந்த அறிகுறிகளின் இருப்பு மற்றும் அந்நபர் எடுத்துக் கொள்கின்ற மருந்துகள் மற்றும் குறைநிரப்பிகள் உள்ளிட்ட அந்நபரின் பின்னணி
அந்நபரின் கல்வி மற்றும் வேலை சார்ந்த பின்னணி

முதுமைக்கால மறதி நோயின் அறிகுறிகளைப் புரிந்துகொள்ள மேற்கொண்டு படியுங்கள்.

முதுமைக்கால மறதி நோயின் அடையாளங்கள் மற்றும் அறிகுறிகள்

நோயறிதல் செயல்முறையானது அந்நபரின் நிலையைப் பற்றிய நேர்காணல்களை உள்ளடக்கியிருக்கும்.

2. தற்போதுள்ள பிற மருத்துவ நிலைகளுக்கான பரிசோதனைகள்

பிற மருத்துவ நிலைகள் இருப்பதை நிராகரிக்க அல்லது அடையாளம் காண, மருத்துவர்கள் பெரும்பாலும் முதுமைக்கால மறதி நோயைத் தவிர வேறு நோய் நிலைகளுக்காகப் பரிசோதிப்பார்கள். இந்த நோய் நிலைகள் முதுமைக்கால மறதி நோய் போன்ற அறிகுறிகளை இன்னும் கடுமையானதாக ஏற்படுத்தலாம், பங்களிக்கலாம் அல்லது உருவாக்கலாம்.

இந்த நோய் நிலைகளில் சிலவற்றில் மனச்சோர்வு போன்ற மனநிலைக் கோளாறுகள்; பக்கவாதம்; தீவிர மூளைக் காயங்கள் (Traumatic Brain Injury, TBI); நரம்பியல் சார்ந்த நோய் நிலைகள்; உளக்குழப்பம்; மற்றும் மனநோய் போன்ற மனநல நோய் நிலைகள் அடங்கும்.

முதுமைக்கால மறதி நோய் போன்ற அறிகுறிகளை வெளிப்படுத்தும் பிற நோய் நிலைகள் பற்றிய கூடுதல் தகவல்களைக் கண்டறியுங்கள்.

இது முதுமைக்கால மறதி நோயா அல்லது பிற நோய் நிலையா?

3. அறிவாற்றல் தகுதிச் சோதனை மற்றும் மதிப்பீடுகள்

அறிவாற்றல் குறைபாடு தான் முதுமைக்கால மறதி நோயின் முக்கிய அறிகுறியாக இருப்பதால், அறிவாற்றல் மற்றும் மொழிச்சார்ந்த சோதனைகள் (உதாரணமாக, நோக்குநிலை மற்றும் குறுகிய மற்றும் நீண்டகால நினைவாற்றல் சோதனைகள்) நடத்தப்படுகின்றன.

4. இரத்தப் பரிசோதனைகள்

அந்நபரின் அறிகுறிகளுக்குப் பங்களிக்கக்கூடிய பிற கோளாறுகளின் குறிப்பான்களைப் பரிசோதிப்பதன் மூலம் பிற நோய் நிலைகளை விலக்க இரத்தப் பரிசோதனைகள் நடத்தப்படுகின்றன.

5. மூளைப் படமாக்கல்

இரத்தப் பரிசோதனைகள் பிற சாத்தியமான மருத்துவ நிலைகளை விலக்கிய பிறகு சிலநேரங்களில் மூளை ஸ்கேன் செய்யப்படுகிறது. மூளை ஸ்கேன் செய்யப்படும் போது, அந்நபரின் தலை மட்டுமே ஸ்கேன் செய்யப்படுகிறது.

இந்த மூளை ஸ்கேன்களில் காந்த அதிர்வுப் படமாக்கம் (Magnetic Resonance Imaging, MRI), கம்ப்யூட்டரைஸ்டு டோமோகிரஃபி (Computerized Tomography, CT) அல்லது பாசிட்ரான் எமிஷன் டோமோகிராபி (Positron Emission Tomography, PET) ஸ்கேன் ஆகியவை அடங்கும்.

சிலநேரங்களில், ஒன்றுக்கும் மேற்பட்ட மூளைப் படமாக்கல் ஸ்கேன் செய்யப்படும், இதன்மூலம் மருத்துவக் குழுவால் வெவ்வேறு மூளை ஸ்கேன்களின் முடிவுகளைப் பயன்படுத்தி அந்நபரின் அறிகுறிகளை நன்கு புரிந்துகொள்ள முடியும்.

இந்த வெவ்வேறு வகையான மூளை ஸ்கேன்கள், அந்நபர் அசையாமல் படுத்திருக்கும் வேளையில் ஸ்கேன் செய்யப்படும். மருத்துவர் எந்த வகையான மூளை ஸ்கேனைப் பயன்படுத்துகிறார் என்பதைப் பொறுத்து, சுமார் 30 நிமிடங்கள் முதல் 90 நிமிடங்கள் வரை எடு க்கும்.

மேலே உள்ள படத்தில், நோயாளி படமாக்கல் செய்யுமுன் படுத்துக் கொள்வார், அப்போது ஒரு சுகாதாரப் பராமரிப்பு நிபுணர் அவரை செய்யு தயார்படுத்துவார். MRI, CT மற்றும் PET ஸ்கேன்களை நடத்தப் பயன்படுத்தப்படும் இயந்திரங்கள் அனைத்தும், மேலே படத்தில் உள்ள வெள்ளையான, வட்டமான பொருளைப் போன்று வடிவத்தில் உள்ளன.

நோயாளிக்குப் பின்வருவன உள்ளதா என்பதை நோயாளி அல்லது அவரைப் பராமரிப்பவர் மருத்துவக் குழுவுக்குத் தெரிவிக்க வேண்டும்:

கர்ப்பமாக இருக்கிறாரா
மூடிய இடம் பற்றிய பீதி, ஏனெனில் நோயாளியின் தலையைச் சுற்றியுள்ள இயந்திரத்தை அவர் ஒரு சிறிய, மூடப்பட்ட இடமாக உணரலாம்
ஸ்கேனிங் இயந்திரங்கள் செயல்படும் போது அவை அவ்வப்போது தட்டும் சத்தங்களை உருவாக்கும் என்பதால், உரத்த ஒலிகளைப் பொறுத்துக்கொள்வதற்குச் சிரமமாக உணர்வது
ஸ்கேன் செய்யும்போது போது அசையாமல் படுத்திருக்க இயலாமல் போகலாம்

நோயாளி மனப்பதற்றத்துடன் இருந்தால் மற்றும் ஸ்கேன் செய்வதற்காக அசையாமல் படுத்திருக்க முடியாவிட்டால், அவருக்கு ஒரு சிறிய அளவிலான மயக்க மருந்து கொடுக்கப்படலாம், அது ஒரு நபரை அமைதிப்படுத்தப் பயன்படும் மருந்தாகும். .

நோயாளியை ஒரு கதிரியக்கவியல் நிபுணரும் (நோய் நிலைகளைக் கண்டறிந்து சிகிச்சையளிப்பதற்கான மருத்துவப் படமாக்கல் தொழில்நுட்பங்களைப் பயன்படுத்துவதில் நிபுணத்துவம் பெற்ற மருத்துவர்), ஒரு கதிர்வீச்சுப்பட நுட்பரும் (ஸ்கேன் செய்யும் இயந்திரங்களை இயக்குகின்ற ஒரு சுகாதாரப் பராமரிப்பு நிபுணர்) கவனித்துக்கொள்வார்கள்.

MRI, CT மற்றும் PET மூளை ஸ்கேன்கள் பற்றிய தகவல்கள்

காந்த அதிர்வுப் படமாக்கம் (MRI)

இது மூளையின் படங்களை உருவாக்குவதற்குக் காந்த அலைகளைப் பயன்படுத்துகின்ற ஒரு வலியற்ற, ஊடுருவாத வழியாகும்.

ஸ்கேனுக்காகத் தயாராதல்

விதிப்படி நோயாளிகள் MRI ஸ்கேன் அறைக்குள் உலோகப் பொருட்களை அணிந்து செல்லவோ, கொண்டு செல்லவோ அனுமதியில்லை. உலோகப் பொருளை அகற்ற முடியாவிட்டால், உடனடியாக மருத்துவக் குழுவுக்குத் தெரிவிக்க வேண்டும்.

நோயாளிக்குப் பின்வருவன உள்ளதா என்பதைப் பற்றி மருத்துவக் குழுவிடம் கூறுவது முக்கியமாகும்:

மருத்துவ உள்வைப்புகள் (உதாரணமாக, கோக்லியர் உள்வைப்புகள், இதயம் சார்ந்த இதயமுடுக்கிகள், மூளை இரத்தக்கலன் புடைப்புக் கவ்விகள், அவர்களின் முதுகுத்தண்டு அல்லது மூட்டுகளில் உள்ள உலோக உள்வைப்புகள்)
பச்சைக் குத்தல்கள், இதில் சிறிய அளவு உலோகங்கள் அடங்கிருக்கலாம்

நோயாளிகள் பின்வருவனவற்றை அகற்றும்படி கேட்கப்படுவார்கள்:

துணைக்கருவிகள் மற்றும் நகைகள்
பொய் பற்கள்
கேட்டலுதவிச் சாதனங்கள்
பொய் தலைமுடி (விஃகுகள்)

சிறிய அளவிலான உலோகங்களைக் கொண்டிருக்கும் ஒப்பனை, நகப் பூச்சு, வியர்வை அடக்கிகள் அல்லது சன்ஸ்கிரீன்கள் போன்ற தயாரிப்புகளை அகற்றுமாறு அல்லது அவற்றின் பயன்பாட்டைக் குறைக்குமாறு நோயாளி அறிவுறுத்தப்படுவார்.

ஸ்கேனின் போது

ஸ்கேனிங் செயல்முறை 30 முதல் 90 நிமிடங்கள் வரை நீடிக்கும். இந்த நேரத்தில், நோயாளிகள் MRI படங்களை எடுக்க அசையாமல் படுத்திருக்க வேண்டும்.

கம்ப்யூட்டரைஸ்டு டோமோகிராஃபி (Computerized Tomography, CT) ஸ்கேன்

இது மூளையின் குறுக்குவெட்டுப் படங்களை ஸ்கேன் செய்து உருவாக்குவதற்கான ஒரு வலியற்ற, ஊடுருவாத வழியாகும்.

ஸ்கேனுக்காகத் தயாராதல்

தெளிவான படங்கள் எடுக்கப்படுவதை உறுதிசெய்வதற்காக, ஸ்கேன் செய்வதற்குச் சில மணிநேரங்களுக்கு முன்பு நோயாளி எதையும் சாப்பிடாமல் அல்லது குடிக்காமல் இருக்குமாறு அறிவுறுத்தப்படலாம்.

கூடுதலாக, நோயாளிகள் ஸ்கேன் செய்வதுடன் குறுக்கிடக்கூடிய ஏதேனும் உலோகப் பொருட்களை அகற்ற வேண்டும்.

ஸ்கேனின் போது

CT ஸ்கேன் சுமார் 15 முதல் 30 நிமிடங்களை எடுத்துக் கொள்கிறது. இந்த நேரத்தில், நோயாளிகள் அசையாமல் படுத்திருக்க வேண்டும். குறிப்பிட்ட சில நேரங்களில் அவர் மூச்சைப் பிடித்துக் கொள்ளுமாறு அல்லது மூச்சை உள்ளிழுத்து வெளிவிடுமாறு கேட்டுக்கொள்ளப்படலாம்.

பாசிட்ரான் உமிழ்வு வெட்டுவரைவு (Positron Emission Tomography, PET)

இது மூளையின் படங்களை உருவாக்குகின்ற ஒரு வலியற்ற, ஊடுருவாத வழியாகும்.

ரேடியோடிரேசர் எனப்படும் பொருளால் உற்பத்தி செய்யப்படும் கதிர்வீச்சைக் கண்டறிவதன் மூலம் PET செயல்படுகிறது. ஸ்கேன் செய்வதற்கு முன் நோயாளியின் கரம் அல்லது கையில் உள்ள ஒரு நரம்புக்குள் ரேடியோடிரேசர் உட்செலுத்தப்படுகிறது.

முதுமைக்கால மறதி நோயைக் கண்டறிவதற்கான செயல்முறையில், அமிலாய்ட் மற்றும் டௌ எனப்படும் புரதங்களின் இருப்பைக் கண்டறிய PET ஸ்கேன்கள் பயன்படுத்தப்படுகின்றன. ஒரு நபருக்கு ஆல்சைமர் நோய் உருவாகும் போது அமிலாய்ட் மற்றும் டவு திரட்சி ஏற்படுகிறது, இது முதுமைக்கால மறதி நோயின் மிகவும் பொதுவான காரணமாகும்.

ஸ்கேனுக்காகத் தயாராதல்

ஸ்கேன் செய்வதற்கு முன் 6 மணிநேரத்திற்குப் பட்டினி இருக்குமாறு நோயாளி அறிவுறுத்தப்படுவார், இருப்பினும் அவர் தண்ணீர் குடிக்கலாம்.

ஸ்கேன் செய்வதற்கு சுமார் ஒரு மணிநேரத்திற்கு முன்பு, நோயாளியின் கரம் அல்லது கையில் உள்ள ஒரு நரம்பினுள் ரேடியோடிரேசர் உட்செலுத்தப்படும். ரேடியோடிரேசர் உடலின் வெவ்வேறு பகுதிகளுக்குச் செல்லும்போது நோயாளிகள் அசையாமலும் ஓய்வாகவும் இருப்பார்கள்.

ஸ்கேனின் போது

நோயாளிக்கு ரேடியோடிரேசர் கொடுக்கப்பட்டு ஒரு மணிநேரம் கடந்த பிறகு, PET ஸ்கேன் தொடங்கும்.

PET ஸ்கேன்கள் சுமார் 30 முதல் 60 நிமிடங்கள் வரை நீடிக்கும், அப்போது நோயாளிகள் அசையாமல் படுத்திருக்க வேண்டும்.

மேலும் தகவல்கள் மற்றும் ஆதரவை எங்கே பெறுவது

நோயறிதல் செயல்முறையைத் தொடங்குவது அச்சுறுத்துவதாக இருக்கலாம், ஆனால் நோயறிதல் செய்துகொள்வது அறிகுறிகளை அனுபவிக்கும் நபரின் வாழ்க்கை மற்றும் அவரது குடும்பங்களுக்குத் தெளிவை ஏற்படுத்துகிறது. நீங்கள் விரைவில் உதவி பெற்றால், முதுமைக்கால மறதி நோய்க்கான சிகிச்சை மற்றும் ஆதரவு முன்னதாகவே தொடங்கலாம்.

உங்களுக்கோ அல்லது உங்களுக்குத் தெரிந்தவருக்கோ முதுமைக்கால மறதி நோய் இருந்தால், ஆதரவு அல்லது தகவல்கள் தேவைப்பட்டால், ஆதரவை எவ்வாறு பெறுவது என்பது பற்றி மேலும் அறிய மக்கள்தொடர்புக் குழு (CREST)-ஐத் தொடர்பு கொள்ளவும் அல்லது 6377 0700 என்ற டிமென்ஷியா சிங்கப்பூரின் உதவித் தொலைப்பேசி எண்ணை அழைக்கவும்.

1. Kitwood, T. M. (1997). Dementia Reconsidered: The Person Comes First. Open University Press.

முதுமைக்கால மறதி நோயைக் கண்டறிவதற்கான சோதனையைச் செய்துகொள்வதன் நன்மைகள்

மேலும் படிக்க»

நோய் இருப்பதை எங்குக் கண்டறிவது?

மேலும் படிக்க»

இந்தக் கட்டுரை பயனுள்ளதாக இருந்ததா?

ஆம் இல்லை

The post முதுமைக்கால மறதி நோய் எவ்வாறு கண்டறியப்படுகிறது? appeared first on DementiaHub.SG.

ஃப்ரெண்டொடெம்போரல் டிமென்ஷியா (Frontotemporal Dementia, FTD)

Peter Cher — Wed, 28 Jun 2023 09:12:02 +0000

கவனமாகக் கேளுங்கள்

6 நிமிட வாசிப்பு

https://www.dementiahub.sg/wp-content/uploads/speaker/post-80529.mp3?cb=1771464451.mp3

ஃப்ரெண்டொடெம்போரல் டிமென்ஷியா (Frontotemporal Dementia, FTD) என்பது மூளையின் முன்புற மடல் (நெற்றிக்குப் பின்னால்) மற்றும் மூளைப்பக்க மடல் (காதுக்கு அடுத்ததாக) ஆகியவற்றில் ஏற்படும் மாற்றங்களால் ஏற்படும் ஒரு அசாதாரண வகை முதுமைக்கால மறதி நோய் ஆகும்.

இந்த அரிய நோய் நிலையை அறிய எங்களுடன் பயணம் செய்யுங்கள்.

இந்த கட்டுரையில்

ஃப்ரெண்டொடெம்போரல் முதுமைக்கால மறதி நோய் (Frontotemporal Dementia/FTD) என்பது என்ன?

FTD-யும் வயதும் எவ்வாறு தொடர்புடையது?
HFTD எவ்வளவு பொதுவானது?
அபாயங்கள்
FTD-இன் முக்கிய அறிகுறிகள்
FTD-இன் வகைகள்
அறிகுறிகள் மற்றும் கட்டங்கள்
நோயறிதல் சோதனை

குடும்பங்கள் மற்றும் பராமரிப்பாளர்களுக்கான ஆதரவு
நமது சமூகத்தில் FTD-ஐக் கொண்டிருக்கக்கூடியவர்களைப் பராமரித்தல்
எப்படி உதவி பெறுவது

ஃப்ரெண்டொடெம்போரல் முதுமைக்கால மறதி நோய் (Frontotemporal Dementia/FTD) என்பது என்ன?

முதுமைக்கால மறதி நோயின் அறிகுறிகள் மூளையில் மாற்றங்கள் எங்கு நிகழ்கின்றன என்பதைப் பொறுத்தது. FTD-யில், முன்பக்க மற்றும் மூளைப்பக்க மடல்களில் மாற்றங்கள் நிகழ்கின்றன.

மூளையின் முன்புற மற்றும் பக்கவாட்டுப் பகுதிகளில் முறையே முன்பக்க மற்றும் மூளைப்பக்க மடல்கள் உள்ளன.

முன்பக்க மற்றும் மூளைப்பக்க மடல்களில் உள்ள நரம்பணுக்கள் சேதமடைவது அல்லது சுருங்குவது FTD-க்குக் குறிப்பான அறிகுறிகளை ஏற்படுத்தலாம்.

முன்பக்க மடல் சேதமானது பகுத்தறிவு, பணி நினைவகம், முடிவெடுத்தல், கவனம் செலுத்தல் மற்றும் நடத்தை சார்ந்த தடுப்பு போன்ற நிர்வாகச் செயல்பாடுகளை பாதிக்கலாம்.

மூளைப்பக்க மடல் சேதமானது காட்சிசார் பொருட்களை அடையாளம் அறிவது, ஒலி மற்றும் மொழியைப் பெறுவது மற்றும் செயலாக்குவது, மற்றும் பேசுவது போன்ற செயல்பாடுகளைப் பாதிக்கலாம்.

FTD-யும் வயதும் எவ்வாறு தொடர்புடையது?

மிகவும் பொதுவானவையாக உள்ள ஆல்சைமர் அல்லது வாஸ்குலர் டிமென்ஷியா போன்ற பிற வகையான முதுமைக்கால மறதி நோய்களுடன் ஒப்பிடும்போது, FTD வழக்கமாக இளைஞர்களிடம் உருவாகிறது.

இந்த வயது வரம்பை விட இளையவர்கள் அல்லது பெரியவர்களுடன் ஒப்பிடும்போது 45-65 வயதுடையவர்களிடத்தில் FTD ஏற்படுவது மிகவும் பொதுவானதாக உள்ளது தென்கிழக்கு ஆசியாவில் 2013 நடத்தப்பட்ட FTD ஆய்வில் கருத்தாய்வு செய்யப்பட்டவர்களில் FTD நோயறிதலின் சராசரி வயது 58.9 ஆக இருந்தது. ¹

இதன் பொருள், முதுமைக்கால மறதி நோயுடன் வாழ்கின்ற 65 வயதுக்கு மேற்பட்டவர்களை விட, இளம் வயதிற்குள் ஏற்படும் முதுமைக்கால மறதி நோயுடன் வாழ்பவர்களிடத்தில் FTD பொதுவாகக் காணப்படுகிறது.

2013 முதல் 2017 வரை சிங்கப்பூரின் தேசிய நரம்பியல் கழகத்தில் (National Neuroscience Institute, NNI) காணப்பட்ட முதுமைக்கால மறதி நோயுடன் வாழ்பவர்களில், YOD-ஐக் கொண்டிருந்த 17% பேருக்கு FTD இருந்தது, 65 வயதில் அல்லது அதற்குப் பிறகு FTD தொடங்கியவர்களில் 7% பேர் மட்டுமே FTD நோயால் பாதிக்கப்பட்டிருந்தனர்.²

2013 முதல் 2017 வரை NNI-இல் காணப்பட்ட முதுமைக்கால மறதி நோயுடன் வாழ்பவர்களை விவரிக்கும் தேசிய நரம்பியல் கழகத்தின் (NNI) தரவுகள்.

FTD எவ்வளவு பொதுவானது?

FTD என்பது முதுமைக்கால மறதி நோயின் ஒப்பீட்டளவில் அரிதான ஒரு வடிவமாகும்.

முதுமைக்கால மறதி நோய்க்கான நோயறிதல்களில் எத்தனை சதவீதம் FTD நோயறிதல்கள் என்பதற்கான மதிப்பீடுகள் வேறுபடுகின்றன, மேலும் முதுமைக்கால மறதி நோய் நிகழ்வுகள் அனைத்திலும் 2.6 முதல் 5% ^{3, 4} வரை உள்ளன.

அமெரிக்காவில், பொது மக்களிடம் ஒவ்வொரு ஆண்டும் FTD உருவாகும் மக்களின் எண்ணிக்கை ஒவ்வொரு 100,000 பேருக்கும் சுமார் 15 முதல் 22 பேர் என மதிப்பிடப்பட்டுள்ளது.^{3, 5}

அபாயங்கள்

FTD-க்கான ஒரே அறியப்பட்ட ஆபத்துக் காரணி, அந்த நோய் நிலையின் குடும்ப வரலாறு மட்டுமே. மூன்று நிகழ்வுகளில் ஒவ்வொன்றிலும் FTD பரம்பரையாக வருவதாக மதிப்பிடப்பட்டுள்ளது.⁶

FTD-இன் முக்கிய அறிகுறிகள்

மூளையில் ஏற்படும் மாற்றங்கள் பின்வருவனவற்றை உள்ளடக்கிய அறிகுறிகளை ஏற்படுத்துகின்றன:

மற்றவர்களிடம் பச்சாதாபம் காட்டுவதில் சிரமங்கள், சமூகச் சூழ்நிலைகளில் முறையாக நடந்துகொள்வது மற்றும் கட்டாய மற்றும் திரும்பத் திரும்ப மேற்கொள்ளும் நடத்தைகள் போன்ற நடத்தை மற்றும் ஆளுமை சார்ந்த மாற்றங்கள்
மொழி மற்றும் பேச்சுப் பிரச்சினைகள்
நிர்வாகச் செயல்பாட்டு திறன்களில் பிரச்சினைகள், eg. திட்டமிடல், தீர்மானிப்புத் திறன், பகுத்தறிவு மற்றும் தேர்ந்தெடுக்கப்பட்ட கவனம் செலுத்தல்
பொருட்களையும் மக்களையும் அடையாளம் காண்பதில் பிரச்சினைகள்
நடமாட்டத்தில் பிரச்சினைகள் (FTD-இன் பிந்தைய கட்டங்களில்)
நினைவாற்றலில் பிரச்சினைகள் (குறிப்பாக FTD வளர்ச்சியடையும்போது)

தென்கிழக்கு ஆசியாவில் 2013-இல் FTD உள்ளவர்களிடம் நடத்தப்பட்ட ஆய்வில், மேற்கொண்டு வேலை செய்யாத அல்லது ஓய்வு பெற்ற FTD நோயாளிகளின் மிகவும் பொதுவான அறிகுறிகளானது, நிர்வாகச் செயல்பாட்டுக் குறைபாடு மற்றும் தகவல் செயலாக்கத் திறன்களில் பிரச்சினைகள் (அதாவது i.e பணி நினைவகப் பிரச்சினைகள்) இருந்தன. நடத்தை மாறுபாடு FTD உள்ள ஆய்வுப் பங்கேற்பாளர்களுக்கான பொதுவான அறிகுறிகளாக, நுண்ணறிவு இழப்பு மற்றும் சமூக விழிப்புணர்வு இழப்பு இருந்தது; மொழி மாறுபாடு FTD உள்ள பங்கேற்பாளர்களில் அதிகம் பேர் சொற்களைக் கண்டுபிடிப்பதில் சிரமத்தை அனுபவித்தனர்.¹

FTD-இன் வகைகள்

முதுமைக்கால மறதி நோய் முற்றும்போது FTD-இன் அறிகுறிகளும் அவற்றின் வளர்ச்சியின் வரிசையும், ஒரு நபருக்கு உருவாகும் FTD வகையைப் பொறுத்தது.

மூன்று முக்கியமான FTD வகைகள் உள்ளன:

நடத்தை மாறுபாட்டு ஃப்ரெண்டொடெம்போரல் டிமென்ஷியா (Behavioural Variant Frontotemporal Dementia, bvFTD)
முதன்மையான படிப்படியாக ஏற்படுகின்ற பேச்சிழப்பு (Primary Progressive Aphasia, PPA)
இயக்கக் கோளாறுகளுடன் தொடர்புடைய ஃப்ரெண்டொடெம்போரல் டிமென்ஷியா

நடத்தை மாறுபாட்டு ஃப்ரெண்டொடெம்போரல் டிமென்ஷியா (Behavioural Variant Frontotemporal Dementia, bvFTD)

ஃப்ரெண்டொடெம்போரல் டிமென்ஷியாவின் நடத்தை மாறுபாடு, அல்லது bvFTD என்பது மிகவும் பொதுவான வகை FTD ஆகும். 1892-இல் இந்த நோய் நிலையை விவரித்த ஒரு செக்கோஸ்லோவாக்கிய மருத்துவரின் நினைவாக இது முன்னர் பிக்’ஸ் நோய் என்று அழைக்கப்பட்டது.

இந்த நோய் நிலையின் ஆரம்பக் கட்டங்களில் உருவாகும் நடத்தை சார்ந்த மாற்றங்கள் தான் bvFTD-இன் மிகவும் பொதுவான அறிகுறிகளில் ஒன்றாகும். பிந்தைய கட்டங்களில் நடத்தை சார்ந்த மாற்றங்கள் பெரும்பாலும் நிகழ்கின்ற ஆல்சைமர் நோய் போன்ற முதுமைக்கால மறதி நோயின் பிற வடிவங்களுடன் இது முரண்படுகிறது.

முதன்மையான படிப்படியாக ஏற்படுகின்ற பேச்சிழப்பு (Primary Progressive Aphasia, PPA)

முதன்மையான படிப்படியாக ஏற்படுகின்ற பேச்சிழப்பு என்பது FTD-இன் இரண்டாவது பொதுவான வடிவமாகும், மேலும் இது படிப்படியாக ஏற்படுகின்ற மொழி குறைபாட்டால் வகைப்படுத்தப்படுகிறது. அஃபாசியா (பேச்சிழப்பு) என்ற வார்த்தையின் அர்த்தம், பேச்சு மற்றும் மொழியில் சிரமங்கள் உள்ளது என்பதாகும்.

இயக்கக் கோளாறுகளுடன் தொடர்புடைய ஃப்ரெண்டொடெம்போரல் டிமென்ஷியா

நரம்புச் சிதைவால் ஏற்படும் இயக்கக் கோளாறுகளுடன் சில சமயங்களில் FTD ஏற்படலாம், எனினும் இயக்கக் கோளாறுகள் உள்ளவர்களுக்கு எப்போதும் FTD ஏற்படுவதில்லை.

FTD உடன் பெரும்பாலும் தொடர்புடைய சில இயக்கக் கோளாறுகள் பின்வருமாறு:

அமியோட்ரோபிக் லேட்டரல் ஸ்க்லரோசிஸ் (Amyotrophic lateral sclerosis, ALS), அல்லது லூ கெஹ்ரிக்’ஸ் நோய்
கார்டிகோபாசல் நோய்க்குறி (Corticobasal syndrome, CBS)
படிப்படியாக ஏற்படுகின்ற சூப்பர்நியூக்ளியர் பால்சி (Progressive Supranuclear Palsy, PSP)

அறிகுறிகள் மற்றும் கட்டங்கள்

FTD-இன் ஆரம்பக் கட்டங்களில், FTD-க்கும் பிற வகையான முதுமைக்கால மறதி நோயிற்கும் இடையே அறிகுறிகளில் வேறுபாடுகள் இருக்கலாம். உதாரணமாக, ஆல்சைமர் நோய் உள்ளவர்கள் ஆரம்பக் கட்டங்களில் FTD உள்ளவர்களை விட நினைவாற்றல் இழப்பை அதிகமாக அனுபவிக்கின்றனர்; FTD உள்ளவர்கள் ஆல்சைமர் நோய் உள்ளவர்களை விட நடத்தை சார்ந்த மாற்றங்களை வெளிக்காட்டலாம் அல்லது மொழிப் பிரச்சினைகளை அனுபவிக்கலாம்.

இந்த ஆரம்பக் கட்டங்களில், FTD துணை வகைகளுக்கு இடையிலான வேறுபாடுகளும் மிகவும் வெளிப்படையானவை. உதாரணமாக, bvFTD உள்ளவர்களுக்கு நடத்தை சார்ந்த மாற்றங்கள் ஏற்படலாம், ஆனால் PPA உள்ளவர்களுக்கு அது வெளியில் தெரியாமலும் இருக்கலாம், மேலும் PPA உள்ளவர்களுக்கு மொழிச் சிரமங்கள் இருக்கலாம், ஆனால் bvFTD உள்ளவர்களுக்கு அது இல்லாமலும் இருக்கலாம்.

எனினும், நோய் நிலை வளர்ச்சியடையும்போதும், மூளையில் அதிகப் பகுதிகளில் மூளை மாற்றங்கள் ஏற்படும்போதும், வெவ்வேறு FTD துணை வகைகளைக் கொண்ட நபர்களால் அனுபவிக்கப்படும் அறிகுறிகள் விரிவடைந்து, ஒன்றோடொன்று இணைகின்றன.

அறிகுறிகளானது ஆல்சைமர் போன்ற பிற வகையான முதுமைக்கால மறதி நோயின் அறிகுறிகளைப் போலவே மாறுகின்றன. உதாரணமாக, பெரும்பாலான வகை முதுமைக்கால மறதி நோயின் பிந்தைய கட்டங்களில் நினைவாற்றல் இழப்பு மற்றும் நடத்தை சார்ந்த மாற்றங்கள் மிகவும் பொதுவானதாக மாறுகின்றன.

முதுமைக்கால மறதி நோயின் பொதுவான அறிகுறிகள் பற்றிய கூடுதல் தகவல்களை இங்கே காணலாம்.

நோயறிதல் சோதனை

FTD-க்கான நோயறிதல் செயல்முறை சில காரணங்களால் நீண்டதாக இருக்கலாம்:

பிற நிலைகள்: FTD-இன் அறிகுறிகளானது, மனச்சோர்வு, பெருவிருப்பக் கட்டாய மனப்பிறழ்வு, மனநோய் அல்லது பக்கவாதம் உள்ளிட்ட பிற மனநலம் அல்லது நரம்பியல் சார்ந்த நிலைகளுடன் ஒன்றுடன் ஒன்று இணையலாம்.
முதுமைக்கால மறதி நோயின் வகை: ஆல்சைமர் போன்ற பிற வகையான முதுமைக்கால மறதி நோய்களிலிருந்து FTD அறிகுறிகளை வேறுபடுத்திப் பார்ப்பது கடினமாக இருக்கலாம்.
வயது: பெரும்பாலான முதுமைக்கால மறதி நோயாளிகளைக் காட்டிலும் FTD ஆனது இளவயதினரிடத்தில் உருவாகலாம்; FTD-க்காகப் பரிசோதனை செய்வதற்கு முன்பு, இதே போன்ற அறிகுறிகளைக் கொண்டிருக்கக்கூடிய பிற சாத்தியமான நிலைமைகளுக்காக மருத்துவர்கள் மற்றும் நிபுணர்கள் சரிபார்க்கலாம்.

குடும்பங்கள் மற்றும் பராமரிப்பாளர்களுக்கான ஆதரவு

நடத்தை சார்ந்த மாறுபாடு FTD-இல் குறிப்பிடத்தக்க நடத்தை சார்ந்த மாற்றங்கள் அல்லது முதன்மையான படிப்படியாக ஏற்படுகின்ற பேச்சிழப்பில் உள்ள தகவல்தொடர்பு தொடர்பான பிரச்சினைகள் போன்ற FTD-க்குக் குறிப்பான அறிகுறிகளால் குடும்பங்கள் மற்றும் பராமரிப்பாளர்களுக்கு FTD குறிப்பாகச் சிரமமாக இருக்கலாம்.

FTD உள்ள ஒரு நபருடன் வாழும் குடும்பங்களும், FTD உள்ள நபர்களும், இளம் வயதிற்குள் ஏற்படும் முதுமைக்கால மறதி நோய் தொடர்பான சவால்களை, அதாவது வேலை அல்லது வருமான மாற்றங்களை எதிர்கொள்ள நேரிடலாம். முதுமைக்கால மறதி நோயுடன் வாழும் நபர்களுக்குச் சார்ந்திருப்பவர்கள் இருந்தால், நோய் நிலை முற்றும்போது அதே பணிப் பொறுப்புகளை அவர்களால் செய்ய முடியாமல் போகலாம், அல்லது பராமரிப்பாளர்கள் தங்கள் அன்புக்குரியவர்களைப் பராமரிக்க வேலையில் இருந்து விடுப்பு எடுக்க வேண்டியிருக்கலாம். கூடுதலாக, சார்ந்திருப்பவர்களும் அன்புக்குரியவர்களும் FTD உள்ள நபருடனான தங்கள் மாறிவரும் உறவை வழிநடத்த வேண்டும்.

FTD உள்ளவர்களுக்கும் அவர்களின் அன்புக்குரியவர்களுக்கும் வழிகாட்டுதல் மற்றும் ஆதரவைப் பெறுவது முக்கியமாகும்.

நீங்கள் முதுமைக்கால மறதி நோயால் பாதிக்கப்பட்ட ஒருவரின் குடும்ப உறுப்பினராக இருந்தால், அல்லது அவர்களை பராமரிப்பவராக இருந்தால்: உங்களை நீங்களே கவனித்துக் கொள்வது, ஆதரவை நாடுவது மற்றும் சகாக்களுடன் தொடர்பு கொள்வது ஆகியவை உங்கள் நல்வாழ்வுக்கு மிகவும் உதவலாம். ஆதரவுக் குழுக்கள் அல்லது சேவைகள் பற்றிய கூடுதல் தகவல்களுக்கு, இங்கே கிளிக் செய்யவும்.

நமது சமூகத்தில் FTD-ஐக் கொண்டிருக்கக்கூடியவர்களைப் பராமரித்தல்speaker-break time="1s" strength="medium"]

நம்மிடையே வாழும் FTD உள்ளவர்கள், குறிப்பாக இளையர்கள், பெரும்பாலும் அவர்களைச் சுற்றியுள்ள மக்களால் புரிந்து கொள்ளப்படுவதில்லை, ஏனெனில் FTD பற்றிய பொதுவான விழிப்புணர்வும் புரிதலும் ஒப்பீட்டளவில் குறைவாகவே உள்ளதே இதற்குக் கராணமாகும்.

இந்த நபர்கள் தங்கள் அறிகுறிகளைப் பற்றிய புரிதல் இல்லாததால் சமூகத் தனிமைப்படுத்தலுக்கு ஆளாகும் அதிக ஆபத்தில் இருக்கக்கூடும், இதில் கடினமானதாகத் தோன்றும் நடத்தைகள் அல்லது பேச்சிழப்பு போன்ற தகவல்தொடர்புக் குறைபாடுகள் அடங்கலாம்.

அதே நேரத்தில், இந்த நபர்கள் தங்கள் சொந்தக் கதைகளைக் கொண்ட தனிநபர்களாக ஆதரிக்கப்பட வேண்டும், புரிந்து கொள்ளப்பட வேண்டும், அரவணைக்கப்பட வேண்டும் மற்றும் நடத்தப்பட வேண்டும்.

எனினும், FTD உள்ள நபர்களின் குடும்ப உறுப்பினர்கள் மற்றும் பராமரிப்பாளர்களுக்கு, குறிப்பாக FTD உள்ள ஒருவருடன் வாழ்வதற்கான அவர்களின் தனித்துவமான பயணத்தில் ஆதரவும் புரிதலும் தேவை.

FTD உள்ள ஒருவரை, அல்லது FTD உள்ள ஒருவரின் பராமரிப்பாளர் அல்லது குடும்ப உறுப்பினரை உங்களுக்குத் தெரியும் என்றால், உங்களால் முடிந்த வழிகளில் அவர்களுக்கு ஆதரவு அளிப்பதையும், நட்புறவு கொள்வதையும், அவர்கள் சொல்வதைக் கவனமாகக் கேட்பதையும் தொடரவும்.

எப்படி உதவி பெறுவது

உங்களுக்கோ அல்லது உங்களுக்குத் தெரிந்தவருக்கோ முதுமைக்கால மறதி நோய் இருந்தால், ஆதரவு அல்லது தகவல்கள் தேவைப்பட்டால், ஆதரவை எவ்வாறு பெறுவது என்பது பற்றி மேலும் அறிய மக்கள்தொடர்புக் குழு (CREST)-ஐத் தொடர்பு கொள்ளவும் அல்லது 6377 0700 என்ற டிமென்ஷியா சிங்கப்பூரின் உதவித் தொலைப்பேசி எண்ணை அழைக்கவும்.

இந்தக் கட்டுரை பயனுள்ளதாக இருந்ததா?

ஆம் இல்லை

எனது அன்பிற்குரியவர் நோய்க் கண்டறியும் சோதனைச் செய்துக்கொள்ள மறுக்கிறார் – நான் என்ன செய்வது?

Admin — Fri, 26 May 2023 11:42:06 +0000

கவனமாகக் கேளுங்கள்

5 நிமிட வாசிப்பு

https://www.dementiahub.sg/wp-content/uploads/speaker/post-63737.mp3?cb=1736848601.mp3

உங்கள் அன்பிற்குரியவரிடம் முதுமைக்கால மறதி நோயுடைய அறிகுறிகளும் அடையாளங்களும் தென்பட்டால், அவர் விரைவில் நோயைக் கண்டறிந்து சிகிச்சைப் பெற வேண்டும் என்று நீங்கள் விரும்புகிறீர்கள் என்பதைப் புரிந்துகொள்கிறோம். இருப்பினும், உங்கள் அன்பிற்குரியவருடன் அவர் அனுபவிக்கும் நினைத்திறன் குறைபாடுகள் மற்றும் குழப்பமாக இருக்கும் தருணங்களைப் பற்றி உரையாடுவது கடினமாக இருக்கலாம். பெரும்பாலும், இந்த அறிகுறிகளை அனுபவிக்கும் ஒருவர் தற்காக்கும் உணர்வு, கவலையுணர்வு அல்லது மறுக்கப்படும் உணர்வுடன் இருக்கக்கூடும்.

இது போன்ற சூழ்நிலையில், உங்கள் அன்பிற்குரியவரை மருத்துவரைச் சந்திக்கும்படி ஊக்குவிக்கலாம். இதற்கிடையில் முதுமைக்கால மறதி நோயின் அறிகுறிகளைத் தொடர்ந்து வெளிப்படுத்தும் உங்கள் அன்பிற்குரியவரைப் பராமரிக்க நீங்கள் என்ன செய்யலாம் என்று பார்ப்போம்

நோயைக் கண்டறிவதற்குச் சுற்றியுள்ள உரையாடலை மாற்றியமைக்க நீங்கள் எடுக்கக்கூடிய படிநிலைகளையும், உங்களது அன்பிற்குரியவர் முறையான நோயறிதலைப் பெற ஒப்புக்கொள்ளும் வரை நீங்களும் உங்கள் அன்பிற்குரியவரும் உதவிக்காகச் செல்லக்கூடிய, சமூகத்தில் கிடைக்கப்பெறும் சேவைகளையும் இந்தக் கட்டுரை எடுத்துக்காட்டுகிறது.

உரையாடலை மாற்றியமைத்திடுங்கள்

உங்கள் அன்பிற்குரியவருடன் மீண்டும் இன்னொரு உரையாடலை மேற்கொள்வதற்கு முன், அவர்களின் கவலைகளையும் அவர் நோயறிதலைப் பெற விரும்பாமல் இருப்பதற்கான காரணங்களையும் புரிந்துகொள்வது அவசியம். இதைப் புரிந்துகொள்வது, உரையாடலில் அவரது உணர்வுகளும் புரிந்துகொள்ளப்படுகிறது என்று அவரை உணர வைப்பதோடு, அவரின் கவலைகளைப் போக்கவும், வல்லுநர் உதவியை நாடுவதே சிறந்த வழி என்பதை உறுதிப்படுத்தவும் உங்களுக்குச் சிறந்த யோசனையை அளிக்கும்.

மருத்துவர்கள் மற்றும் மருத்துவமனைகள் குறித்த பயம்

எப்பொழுதும் ஊக்கமூட்டும் மொழியைப் பயன்படுத்துங்கள். அவர்களை அச்சுறுத்தும் வகையில் பேரழிவைத் தருமென்ற எண்ணத்தை அல்லது பயத்தை ஏற்படுத்தும் அணுகுமுறையைப் பயன்படுத்துவதை விட, ஊக்கமளிக்கும் விதத்தில் சுகாதாரப் பரிசோதனையின் நன்மைகளை விளக்குங்கள்.
நீங்கள் நோய்க்கண்டறிதலுக்கான சந்திப்பை ஏற்பாடு செய்யலாம் – ஆனால் நீங்களும் இந்த நோய்க்கண்டறியும் பரிசோதனையை அவர்களுடன் சேர்ந்து செய்துக் கொள்வது அவர்களுக்கு ஆறுதலாக இருக்கும். தனியாகப் பரிசோதனை செய்யும்போது ஏற்படும் மன அழுத்தம் மற்றும் பதட்டத்தை இது குறைக்கிறது.
உங்கள் அன்பிற்குரியவருக்கு பரிச்சியமான மருத்துவ ரிடம் அழைத்துச்செல்வதும் உதவியாக இருக்கும்.
மாற்றாக, உங்கள் அன்புக்குரியவரிடம் அவர் வழக்கமான பரிசோதனைக்குச் செல்ல வேண்டும் என்பதையும், நீங்கள் ஏற்கனவே அதற்கான சந்திப்பிற்கு ஏற்பாடு செய்துவிட்டீர்கள் என்பதையும் தெரிவிக்கலாம்

கவலை: தங்களின் சுயாதீனத்தை இழந்து விடுவோமோ என்று பயப்படுதல்

உங்கள் அன்பிற்குரியவர், குறிப்பாக அவர் தனியாக வாழ்ந்தால், நோயறிதல் மதிப்பீட்டிற்கு ஒப்புக் கொள்வதற்கான வாய்ப்புகள் குறைவு மற்றும் நோயறிதலுடன் தொடர்புடைய சிறப்பியல்புக் கூறு (stigma) குறித்து அவர்கள் அக்கறை கொள்ளலாம்
அவர்கள் முதுமைக்கால மறதி நோயினால் வாகனம் ஓட்டுவது போன்ற செயல்பாடுகள் மற்றும் அவர்கள் பழகிய சுயாதீனம் போன்றவற்றை இழப்பதுடன் தொடர்புபடுத்திப் பார்க்கக்கூடும்.
அவர்கள் கவலையுடன் இருக்கலாம் மற்றும் மோசமான சூழ்நிலைகளைப் பற்றி மட்டுமே நினைக்கலாம்.
இதுபோன்ற சூழ்நிலைகளில், உங்கள் அன்பிற்குரியவருக்கு அவரது சுயாதீனத்தை முடிந்தவரை தக்கவைப்பதற்கு, அதற்கான மாற்றங்களைச் சமாளிப்பதற்கான வழிகள் உள்ளன என்பதை அவருக்கு உறுதிப்படுத்துவது முக்கியம்.
உதாரணத்திற்கு, வாகனம் ஓட்டுவது ஒருவருக்கு சுயாதீனத்தையும் சுதந்திரத்தையும் குறிக்கலாம். நீங்களும் உங்கள் அன்பிற்குரியவரும் உங்கள் மருத்துவருடன் இணைந்து, புதிய விதத்தில் வாகனம் ஓட்டும் ஏற்பாட்டை, அவர்களது மற்றும் சாலையில் உள்ள மற்றவர்களின் பாதுகாப்பை உறுதி செய்யும்.
இது குறித்த கூடுதல் தகவல்களை இங்கே தெரிந்துகொள்ளுங்கள்.
அது மட்டுமின்றி, சில சூழ்நிலைகளில், உங்கள் அன்பிற்குரியவரால் இன்னமும் சொந்தமாக வாழ முடியும் (அவரது முதுமைக்கால மறதி நோயின் ஆரம்பக் கட்டத்தில்). எப்படி என்பதை இங்கே தெரிந்துகொள்ளுங்கள்.

கவலை: மறதித்தன்மையை மூப்படைதலின் இயல்பான பகுதியாக நினைத்துக் கொள்ளுதல்

முதுமைக்கால மறதி நோய் பற்றியும் அதன் அறிகுறியைப் பற்றியும் அறியாமல் இருப்பது,நோயைக் கண்டறிவதற்கு வலுவான தடையாக இருப்பதாக முந்தைய ஆய்வுகள் காட்டுகின்றன.¹
குறிப்பாக, அறிவாற்றல் குறைபாடு மற்றும் நினைவுத்திறன் குறைதல் போன்ற முதுமைக்கால மறதி நோயின் அறிகுறிகள், சாதாரண மூப்படைதலின் செயல்முறை என்று ஒரு தனிநபர் கொண்டிருக்கும் நம்பிக்கை, அவர் நோய்க்கண்டறிதலை நாடுவதையும், அந்த நோய் குறித்த கூடுதல் தகவல்களைப் பெறுவதையும் தடுக்கலாம்.²
முதுமைக்கால மறதி நோயைக் கண்டறியும் பரிசோதனைகளைச் செய்துக் கொள்வது பற்றிய உங்கள் அன்பிற்குரியவரின் கருத்துக்களிலும் முதுமைக்கால மறதி நோய் குறித்த அவர்களின் தவறான எண்ணங்களிலும் தலையிடுவது முக்கியம். ஆரம்பத்துலேயே நோய் இருப்பதைக் கண்டறிவதன் நன்மைகளை அவர்களுடன் பகிர்ந்து கொள்வதும் பயனுள்ளதாக இருக்கும்.

கவலை: நிதிநிலைகள்

அன்பிற்குரியவரின் MediSave ஆனது, நாட்பட்ட நோய்களை நிர்வகிப்பது மற்றும் உடல்நலப் பரிசோதனைகளைச் செய்துக் கொள்வது போன்ற தேர்ந்தெடுக்கப்பட்ட வெளிநோயாளர் சிகிச்சைகளில் ஒரு குறிப்பிட்ட பகுதியை செலுத்த உதவுமென்று குறிப்பிடுங்கள்.
நாள்பட்ட நோய் மேலாண்மைத் திட்டத்தின் (CDMP) கீழ் அங்கீகரிக்கப்பட்ட 23 நாள்பட்ட நோய்நிலைகளின் கீழ் முதுமைக்கால மறதி நோய் உள்ளது.
இன்னும் சொல்லப்போனால், உங்கள் அன்பிற்குரியவருக்கு முதுமைக்கால மறதி நோய் இருந்தால், நோய்க்கண்டறியும் பரிசோதனைகளைச் செய்வது அதிக நிதி ரீதியாக பயனுள்ளதாக இருக்கும், ஏனெனில் சில நிதித் திட்டங்கள் மற்றும் மானியங்களுக்கான தகுதி அளவுகோல்களில் மற்ற காரணிகளுக்கு மத்தியில், முறைப்படி நோயைக் கண்டறிவதும் பெரும்பாலும் அடங்கும். இதன் நோக்கமானது இந்த உதவிகள் தேவைப்படுபவர்களுக்கு வழங்கப்படுவதை உறுதிசெய்வதற்காகும்.
முதுமைக்கால மறதி நோயால் பாதிக்கப்பட்டவர்களுக்கும் அவர்களைப் பராமரிப்பவர்களுக்கும் கிடைக்கப்பெறும் அரசாங்க நிதித் திட்டங்களைப் பற்றி இங்கே மேலும் தெரிந்துகொள்ளுங்கள். ere.

உங்கள் அன்பிற்குரியவருடன் இது குறித்து எப்படி சிறப்பாக உரையாடுவது என்பது குறித்த படிப்படியான வழிகாட்டியை இங்கே படித்திடுங்கள்.

இதற்கிடையில் எனது அன்பிற்குரியவருக்கு நான் எப்படி உதவுவது?

வீட்டிலேயே

உங்கள் அன்பிறகுரியவரிடம் முதுமைக்கால மறதி நோயின் அறிகுறிகளும் அடையாளங்களும் தொடர்ந்து தென்பட்டால், முதுமைக்கால மறதி நோயுடன் வாழும் ஒருவரை நீங்கள் கவனித்துக்கொள்வது போல் அவரைப் பராமரிக்கலாம்

இதில் தினசரி வழக்கத்தை வடிவமைப்பது அடங்கும், இது அவர்கள் அர்த்தத்துடன் ஈடுபடுவதை உறுதிசெய்வதோடு, முதுமைக்கால மறதி நோயுடன் வாழும் நபர்களின் தேவைகள் மற்றும் யதார்த்தங்கள் குறித்து உங்களுக்குப் பயிற்றுவிக்கும்.

முதுமைக்கால மறதி நோயுடன் வாழ்தல்: பராமரித்தல் (Providing Care )
வளமை: ஒருங்கிணைந்த பராமரிப்பு அமைப்பு (AIC)

முதுமைக்கால மறதி நோயுடன் வாழ்தல்: பராமரித்தல் (Providing Care) என்பது உங்களைப் போன்ற பராமரிப்பாளர்களுக்கு, உங்கள் அன்பிற்குரியவருடன் திறம்பட உரையாடும் விதம், ஈடுபாட்டுடன் கூடிய செயல்பாடுகள் மூலம் தினசரி வழக்கத்தை எப்படி வடிவமைப்பது, மற்றும் முதுமைக்கால மறதி நோய் படிப்படியாக அதிகரிக்கையில் அதை நிர்வகிக்கும் விதம் போன்றவை குறித்த உதவிக்குறிப்புகளைப் பெறுவதற்காக வடிவமைக்கப்பட்ட ஒரு வளமை ஆகும். இது உங்கள் பராமரிப்புப் பயணத்தை சிறப்பாகச் சமாளிக்க உதவுவதோடு, உங்கள் அன்பிற்குரியவர் சிறந்த பராமரிப்பைப் பெறுவதை உறுதிசெய்கிறது.

முதுமைக்கால மறதி நோயுடன் வாழ்தல்: முதுமைக்கால மறதி நோய் பற்றி தெரிந்துகொள்ளுதல் (Knowing Dementia)

வளமை: ஒருங்கிணைந்த பராமரிப்பு அமைப்பு (AIC)

முதுமைக்கால மறதி நோயுடன் வாழ்தல்: முதுமைக்கால மறதி நோய் பற்றி தெரிந்துகொள்ளுதல் (Knowing Dementia) என்பது பொது மக்களும் உங்களைப் போன்ற பராமரிப்பாளர்களும் முதுமைக்கால மறதி நோய் பற்றி மேலும் தெரிந்துகொள்ளவும், அறிகுறிகள் மற்றும் அடையாளங்களைப் புரிந்து கொள்ளவும், முதுமைக்கால மறதி நோய் உண்டாகுவதற்கான அபாயங்களைக் குறைப்பது எப்படி, இதன் ஆரம்பக் காலக்கட்டத்தில் உரையாடல்களை எவ்வாறு தொடங்குவது, நோய்க்கண்டறிதலை எப்படி செய்ய வேண்டும் மற்றும் எப்போது மருத்துவரை நாட வேண்டும் என்பதைத் தெரிந்து கொள்ளவும் வடிவமைக்கப்பட்ட ஒரு வளமை ஆகும்.

சமூகத்தில்

இந்தப் பொறுப்புகள் மிகவும் மனஉளைச்சலாக இருக்கும் என்பது அறந்ததே. அதிர்ஷ்டவசமாக, சமூகத்தில் உங்களுக்கு உதவக்கூடிய சேவைகள் உள்ளன, குறிப்பாக நீங்கள் பராமரிப்புப் பயணத்தின் தொடக்கத்தில் இருக்கும்போது உதவுவதற்கு பல சேவைகள் உள்ளன:

1. சமூகத்தைச் சென்றடையும் குழுக்கள் (CREST)

(CREST) ஆனது மனநல ஆரோக்கியம் மற்றும் முதுமைக்கால மறதி நோய் பற்றிய பொது விழிப்புணர்வை ஏற்படுத்துவதில் கவனம் செலுத்துகிறது, இவை ஏற்படக்கூடய நபர்களை முன்கூட்டியே அடையாளம் காண ஊக்குவிக்கிறது மற்றும் தனிநபர்களுக்கும் அவர்களைப் பராமரிப்பவர்களுக்கும் உணர்வுபூர்வமான ஆதரவை வழங்குகிறது.

சமூகத்தைச் சென்றடையும் குழுக்கள் (CREST) உங்களுக்கு எவ்விதம் உதவியாக இருக்கும்?

1. தேவைப்படும்போது தொடர்புடைய சுகாதார மற்றும் சமூகப் பாதுகாப்பு சேவைகளுடன் தனிநபர்களை இணைக்கும்.

2. பயனாளிகளின் நல்வாழ்வுக்கு ஆதரவளிப்பதற்கும் அவர்களின் அறிவாற்றல் செயல்பாடுகளைத் தூண்டுவதற்கும் அர்த்தமுள்ள செயல்பாடுகளை நடத்தும்.

உங்களுக்கு அருகிலுள்ள சேவை வழங்குநர்களை இங்கே கண்டறியுங்கள்.

2. துடிப்புடன் மூப்படையும் நிலையங்கள் (AAC)

AAC என்பது சமூகத்தில் அருகில் வசிக்கும் மூத்தோர்களுக்கு (60 வயது மற்றும் அதற்கு மேற்பட்ட வயதுடையவர்கள்) ஆதரவை வழங்கும் சமூக பொழுதுபோக்கு மையமாகும்.

துடிப்புடன் மூப்படையும் நிலையங்கள் (AAC) உங்களுக்கு எவ்விதம் உதவியாக இருக்கும்?

உங்கள் அன்பிற்குரியவருக்கு குறைந்தபட்சம் 60 வயது இருந்தால், அவர்கள் தங்கள் வீட்டிற்கு அருகில் உள்ள AACக்கு வருகைத்தந்து வலுவான சமூகத் தொடர்புகளை உருவாக்கிக் கொள்ளலாம், பொழுதுபோக்கு செயல்பாடுகளில் பங்கேற்கலாம் மற்றும் அவர்கள் விரும்பியபடி சமூகத்திற்குப் பங்களிக்கலாம்.
கரோக்கி, கலை மற்றும் கைவினை, சமையல் மற்றும் உடற்பயிற்சி செயல்திட்டங்கள் போன்ற பல்வேறு செயல்பாடுகளை வழங்கவும் ஊக்குவிக்கவும் செய்கிறது.
மூத்தோர்களின் வீட்டிற்கு வருகைத் தருவது மற்றும் தொலைபேசி அழைப்புகளைச் செய்வதன் மூலம் சமூக ஆதரவை வழங்குகிறது.
திட்டங்கள், மானியங்கள் மற்றும் ஆதரவு பற்றிய தகவல்களை வழங்குகிறது.
பொருத்தமான சேவைகளுக்குப் பரிந்துரைச் செய்கிறது.

உங்களுக்கு அருகிலுள்ள AAC ஐ இங்கே கண்டறியுங்கள்.

3. குடும்பச் சேவை நிலையங்கள் (Family Service Centres, FSC)

நோய்க்கண்டறியும் சோதனைகளைச் செய்துக்கொள்ள உங்கள் அன்பிற்குரியவரைத் ஊக்குவிப்பதும் மற்றும் இந்த மாற்றங்களைக் எவ்வாறு கையாள்வது என்பதிலும் உங்களுக்கும் உங்கள் அன்பிற்குரியவருக்கும் மன அழுத்தம் ஏற்படுத்தலாம். இந்த மாற்றங்களால் உங்கள் அன்பிற்குரியவர் மற்றும் உங்கள் குடும்பத்தில் உள்ள மற்றவர்களுடனான உங்கள் உறவில் எதிர்மறையான தாக்கம் ஏற்பட்டிருக்கலாம்.

இதுபோன்ற சூழ்நிலைகளில், சமூகப் பணியாளர்கள் மற்றும் சேவை வல்லுநர்களை நாடுவது நல்லது. இவர்கள் குடும்பத்தில் பிரச்சனைகளை தணிக்கவும், அவர்களின் பராமரிப்புத் தேவைகளைப் பூர்த்தி செய்யவும் மற்றும் அவர்கள் எதிர்கொள்ளும் சவால்களின் மூலம் மீட்சி அடையவும் உதவுவார்கள்.

குடும்பச் சேவை நிலையங்கள் (Family Service Centres, FSC) உங்களுக்கு எவ்விதம் உதவியாக இருக்கும்?

தகவல்கள் மற்றும் பரிந்துரை. (மதிப்பீடு செய்யப்பட்ட தேவைகளின் அடிப்படையில்)
குடும்பஆய்வு: முழுமையான நிர்வாகம் மற்றும் தனிநபர்/குடும்ப ஆலோசனைகள் வழங்குகிறது. முதுமைக்கால மறதி நோயுடன் வாழும் நபர்களைப் பராமரிப்பவர்கள் தனித்துவமான சவால்களை எதிர்கொள்கின்றனர். உங்கள் எண்ணங்கள் மற்றும் சவால்களைப் பகிர்ந்து கொள்ள உங்களுக்குத் தனிப்பட்ட மற்றும் பாதுகாப்பான இடத்தை வழங்குகிறது.
குழுப்பணி: குடும்பங்களின் கவலைகளை நிவர்த்தி செய்வதற்கும் நல்ல மாற்றத்தைக் கொண்டுவருவதற்கும் குடும்பங்களை ஒன்றிணைக்கிறது.
சமூகப்பணி: குடும்பங்கள் ஒன்றுக்கொன்று ஆதரவளிக்கவும் ஊக்குவிக்கவும் சமூக வளமைகளைத் நாடலாம்

உங்களுக்கு அருகிலுள்ள குடும்பச் சேவை நிலையங்கள் (Family Service Centres, FSC) ஐ இங்கே கண்டறியுங்கள்.

4. உதவித் தொலைபேசிச் சேவை

உதவித் தொலைபேசிச் சேவை என்பது தகவல் மற்றும் ஆலோசனையைப் பெறுவதற்கான ஒரு விரைவான மற்றும் வசதியான வழியாகும். நீங்கள் துயரத்தில் இருக்கும்போது இது உணர்வுபூர்வமான ஆதரவாகவும் இருக்கும்.

முதுமைக்கால மறதி நோய் உதவித் தொலைபேசிச் சேவை (டிமென்ஷியா சிங்கப்பூர்)
முதுமைக்கால மறதி நோய்ப் பராமரிப்பு பற்றிய தகவல்கள் மற்றும் சேவை இணைப்புகளை வழங்குகிறது.
தொலைபேசி: 6377 0700
SAGE ஆலோசனை நிலையம்
வயதானவர்கள் மற்றும் அவர்களைப் பராமரிப்பவர்களின் நல்வாழ்வை மேம்படுத்த ஆலோசனைகளை வழங்குகிறது, இது ஆரோக்கியத்தின் உளவியல் மற்றும் சமூக ரீதியான அம்சங்களில் கவனம் செலுத்துகிறது.
தொலைபேசி: 6354 1191
பராமரிப்பாளர்கள் கூட்டணி லிமிடெட் (CAL)
முதுமைக்கால மறதி நோய் மற்றும் மனநலப் பிரச்சினைகளுடன் வாழும் நபர்களைப் பராமரிக்கும் பராமரிப்பாளர்களுக்கு உணர்வு சார்ந்த ஆதரவை வழங்குகிறது.
தொலைபேசி: 6460 4400
ஓ’ ஜாய் (O’ Joy)
வயதானவர்களைக் கவனித்துக்கொள்வதால் மன அழுத்தத்தை அனுபவிக்கும் பராமரிப்பாளர்களுக்கு ஆங்கிலம், மாண்டரின் அல்லது மலாய் ஆலோசனைகளை வழங்குகிறது.
தொலைபேசி: 6749 0190

இந்தக் கட்டுரை பயனுள்ளதாக இருந்ததா?

ஆம் இல்லை

Fowler, N. R., Frame, A., Perkins, A. J., Gao, S., Watson, D. P., Monahan, P., & Boustani, M. A. (2015). Traits of patients who screen positive for dementia and refuse diagnostic assessment. Alzheimer’s & dementia (Amsterdam, Netherlands), 1(2), 236–241. https://doi.org/10.1016/j.dadm.2015.01.002

The post எனது அன்பிற்குரியவர் நோய்க் கண்டறியும் சோதனைச் செய்துக்கொள்ள மறுக்கிறார் – நான் என்ன செய்வது? appeared first on DementiaHub.SG.

முதுமைக்கால மறதி நோயுடன் வாழும் நபர்களுடன் உரையாடுவதற்கான உதவிக்குறிப்புகள்

Admin — Mon, 24 Oct 2022 04:04:53 +0000

கவனமாகக் கேளுங்கள்

7 நிமிட வாசிப்பு

https://www.dementiahub.sg/wp-content/uploads/speaker/post-64164.mp3?cb=1741576183.mp3

முதுமைக்கால மறதி நோயின் பல்வேறு கட்டங்களில் தகவல்தொடர்பு எவ்வாறு பாதிக்கப்படலாம்

முதுமைக்கால மறதி நோயுடன் வாழும் ஒரு நபரின் நிலை அடுத்தடுத்த கட்டத்திற்குச் செல்கையில், மற்றவர்கள் அவர்களிடம் உரையாடுவதற்கான விதமும் தகவல் பரிமாறிக்கொள்ளும் விதமும் அவர்களின் தேவைகளுக்கு ஏற்பவும், ஒவ்வொரு உரையாடலும் அல்லது கருத்துப் பரிமாற்றமும் அதிகம் பயனளிக்கும் விதமாகவும் மாற வேண்டும்.

ஆரம்ப நிலை

முதுமைக்கால மறதி நோயுடன் வாழும் நபர்

⇒ சில வார்த்தைகளைத் தெளிவாகப் பேசுவதில் சிரமத்துடன் அர்த்தமுள்ள உரையாடல்களைப் பின்பற்றவும் தொடரவும் முடியும்

⇒ அறிவுறுத்தல்கள் வழங்குவதில்/பெறுவதிலும் கடினமான யோசனைகளைப் புரிந்துகொள்வதிலும் சில சிரமங்களை வெளிப்படுத்தக்கூடும்

⇒ தகவலை அடிக்கடி உறுதிப்படுத்திக் கொள்ள கேள்விகள் கேட்கக்கூடும் அல்லது மீண்டும் மீண்டும் அதே விஷயங்களை உரையாடக்கூடும்

⇒ நீண்ட கால சமூக அமைப்புகளில் செயல்படுவதில் சிரமத்துடன் சுருக்கமான சமூகத் தகவல் பரிமாற்றங்கள் தேவைப்படும் இடங்களில் தொடர்புகொள்ள முடியும்

⇒ Difficulty with following lengthy conversations

⇒ சொல்லப்படும் விஷயங்களைப் பின்பற்றக்கூடும், ஆனால் சிறிது காலத்திற்குப் பிறகு அதை மறந்துவிடக்கூடும்

⇒ நகைச்சுவைகள் மற்றும் கிண்டலான கருத்துக்கள் குழப்பமானதாக இருக்கலாம், மேலும் சூழல் உணர்ச்சிகரமான உணர்வுகளைத் தூண்டக்கூடும்

⇒ அதிகப்படியான தூண்டுதலால் உணர்ச்சிவசப்படக்கூடும்

மிதமான நிலை

முதுமைக்கால மறதி நோயுடன் வாழும் நபர்

⇒ எளிமையான ஒரு படிநிலை அறிவுறுத்தல்களைப் பின்பற்றக்கூடும்

⇒ உரையாடல்களைப் பின்பற்றுவதில் அல்லது தொடர்வதில் அதிக சிரமத்தை வெளிப்படுத்தத் தொடங்கக்கூடும்

⇒ எழுதப்பட்டிருக்கும் தகவல்களை ஒவ்வொரு சொல்லாக புரிந்துகொள்ளக்கூடும்

⇒ உரையாடல்களில் சொற்களின் பயன்பாட்டைக் குறைக்கக்கூடும்

⇒ திரும்பத் திரும்ப கேள்விகள் கேட்கக்கூடும்

⇒ தகவல் பரிமாற்றம் அதிகத் தகவல்களை வேண்டுவதாக இருந்தால், தகவல் பரிமாற்றத்திலிருந்து விலகக்கூடும்

⇒ ஆளுமை மற்றும் நடத்தை மாற்றங்களை அனுபவிக்கக்கூடும்; எ.கா. அர்த்தமுள்ள உரையாடல்களுக்கு இடையூறாக இருக்கக்கூடிய சந்தேகம் மற்றும் பிரமைகள்

மேம்பட்ட நிலை

முதுமைக்கால மறதி நோயுடன் வாழும் நபர்

⇒ அர்த்தமுள்ள வாசகங்களைத் தெளிவாகப் பேச முடியாமல் போகக்கூடும்

⇒ உரையாடலில் ஒரு நபர் பேசிய விஷயங்களை மீண்டும் சொல்ல ஆரம்பிக்கக்கூடும்

⇒ சொற்களை நினைவுபடுத்தும் திறன் குறையக்கூடும் என்பதால், வாய்மொழித் தகவல்தொடர்புகளில் சிரமப்படக்கூடும்

⇒ அவரிடம் பேசப்படும் எளிய வார்த்தைகளைப் புரிந்துகொள்ள முடியாமல் போகக்கூடும்

⇒ வார்த்தைகள் மற்றும் ஒலிகளை இணைத்து அல்லது கோர்த்து தனது கருத்தை வாய்மொழியாக வெளிப்படுத்தக்கூடும்

⇒ உரையாடல்களைத் துண்டிக்கக்கூடும்

⇒ அவரை நோக்கிப் பேசப்படும் உரையாடல்கள் பற்றி தெரியாமல் போகக்கூடும், மற்றவர்களுடன் பேசவே முடியாமல் போகக்கூடும்

⇒ பிறர் அவரிடம் தொடர்புகொள்ளும் விஷயங்களைப் புரிந்துகொள்ள காட்சிக் குறிப்புகள், சூழல், குரல் தொனி மற்றும் தொடுதல் போன்றவற்றை அதிகம் நம்பியிருக்கக்கூடும்; சொற்கள் அல்லாத தொடர்பு முறைகளைப் பயன்படுத்த பரிந்துரைக்கப்படுகிறது

⇒ அவரின் சொந்த நாட்டில் பயன்படுத்தக்கூடிய பழக்கமான மொழியில் அல்லது அவரின் தாய்மொழியில் பேச ஆரம்பிக்கக்கூடும்

பின்வருபவற்றைத் தழுவியுள்ளது: கூ டெக் புவாட் மருத்துவமனை மருத்துவமனையின் முதுமைக்கால மறதி நோயுடன் வாழும் நபர்களின் தகவல்தொடர்புத் திறன்கள் மற்றும் ஒருங்கிணைந்த பராமரிப்பு அமைப்பின் (AIC) முதுமைக்கால மறதி நோயுடன் வாழ்தல்: பராமரிப்பாளர்களுக்கான வளமைத் தொகுப்பு (பராமரிப்பு வழங்குதல்)

முதுமைக்கால மறதி நோயுடன் வாழும் நபர்களுடன் எவ்வாறு தொடர்புகொள்வது

பராமரிப்பாளர்களுக்கு

CARE அணுகுமுறை உடன் தகவல் பரிமாற்றம் செய்தல்

ஆதாரம்: முதுமைக்கால மறதி நோய்க்கு உகந்த சிங்கப்பூர் முனைப்புத்திட்டம்

K.I.N.D சைகை மற்றும் C.A.R.E அணுகுமுறை பற்றி மேலும் அறிக K.I.N.D Gesture and C.A.R.E Approach

முதுமைக்கால மறதி நோயுடன் வாழும் நபர்களுடன் பேசுதல்

இந்த வீடியோ முதுமைக்கால மறதி நோயுடன் வாழும் நபர்களுடன் பராமரிப்பாளர்கள் எவ்வாறு பேசலாம் என்பது குறித்த சில ஆலோசனைகளை வழங்குகிறது.

ஆதாரம்: LIEN அறநிறுவனத்தின் எங்களை மறந்துவிடாதீர் (ForgetUsNot) திட்டம்

பொது இடங்களில் பராமரிப்பளித்தல்

ஒரு பெண்ணும் முதுமைக்கால மறதி நோயுடன் வாழும் அவரது தாயும் பொதுமக்களுடன் உரையாடிய கடந்த கால அனுபவத்தைப் பகிரும் பராமரிப்பாளர்.

ஆதாரம்: LIEN அறநிறுவனத்தின் எங்களை மறந்துவிடாதீர் (ForgetUsNot) திட்டம்

முதுமைக்கால மறதி நோயுடன் வாழும் நபர்களுடன் தகவல் பரிமாற்றம் செய்வதற்கான உதவிக்குறிப்புகள்

முதுமைக்கால மறதி நோயுடன் வாழும் ஒரு நபரின் நிலை அடுத்தடுத்த கட்டத்திற்குச் செல்கையில், மற்றவர்கள் அவர்களிடம் உரையாடும் விதமும் தகவல் பரிமாறிக்கொள்ளும் விதமும் அவர்களின் தேவைகளுக்கு ஏற்பவும், ஒவ்வொரு உரையாடலும் அல்லது கருத்துப் பரிமாற்றமும் அதிகம் பயனளிக்கும் விதமாகவும் மாற வேண்டும்.

1. முதுமைக்கால மறதி நோயுடன் வாழும் நபர்கள் சமீபத்தில் என்ன செய்தார்கள் என்று கேட்டு அவர்களின் நினைவுத்திறனைச் சோதிக்கக்கூடாதது

நோயின் காரணமாக, அவர்களால் பல விஷயங்களை நினைவில் வைத்துக் கொள்ள இயலாது. “உங்களுக்கு ஞாபகம் இல்லையா?” என்று கேட்டு அவர்களை விரக்திக்கு ஆளாக்காதீர்கள். அவர்கள் என்ன செய்தார்கள் மற்றும் பின்னர் செய்யப் போகிறார்கள் என்பதை அவர்கள் அறிந்து கொள்ளும் விதமாக, நாட்குறிப்புகள், கடிகாரங்கள் அல்லது காலெண்டர்கள் போன்ற நினைவுத்திறனுக்கான உதவிக் கருவிகளைப் பயன்படுத்துங்கள்.

2. செயல்பாடுகளையும் தகவல்தொடர்பையும் எளிமையாக்குங்கள்.

ஒரு செயல்பாட்டை எளிய, படிப்படியான பணிகளாகப் பிரித்திடுங்கள். அந்த நபரால் ஒரு நேரத்திற்கு ஒரு படிநிலையில் கவனம் செலுத்தவும் செயல்பாட்டை முடிக்கவும் முடியும். வாக்கியங்களை சிறியதாகவும் எளிமையாகவும் பயன்படுத்துங்கள்.

3. ஆறுதல் வார்த்தைகளையும் பாராட்டுகளையும் வழங்குங்கள்

இது நபரின் தன்மதிப்பீட்டை அதிகரிக்கும் மற்றும் நேர்மறையான நடத்தையை வலுப்படுத்தும்.

4. முதுமைக்கால மறதி நோயுடன் வாழும் நபருடன் வாக்குவாதம் செய்யாதீர்.

அவர்கள் பார்ப்பது, கேட்பது அல்லது நினைவுபடுத்துவதும் நீங்கள் பார்த்தது, கேட்டது அல்லது அறிந்ததும் ஒரே மாதிரியாக இருக்காது.

5. பயனளிக்காத நடத்தையைத் தூண்டுபவற்றை அடையாளம் கண்டு, அகற்றுங்கள்.

உதாரணமாக, ஒரு நபர் ஒவ்வொரு முறையும் வாசலில் உள்ள காலணிகளைப் பார்க்கும்போது வீட்டை விட்டு வெளியே செல்ல விரும்பினால், காலணிகளை அவரது பார்வைக்குப் படாத இடத்தில் வைக்கவும்.

6.நடத்தை மாற்றங்களுக்கான அடிப்படை காரணங்களை அடையாளம் காணுங்கள்.

அவர்களால் வெளிப்படுத்த முடியாத அடிப்படைத் தேவைகள் ஏதேனும் உள்ளதா என்பதைக் கண்டறிய முயற்சியுங்கள். உதாரணமாக, அவர்கள் இந்த நடத்தை மாற்றங்களை அவர்கள் மிகவும் சோர்வாகவோ அயர்வாகவோ உணரும்போது வெளிப்படுத்தலாம். அவர்களுக்குப் பருக ஏதேனும் தேவைப்படலாம் அல்லது கழிப்பறையைப் பயன்படுத்த வேண்டியிருக்கலாம். அவர்கள் அசௌகரியமாக இருப்பதைப் போல தென்பட்டால், அது மருத்துவப் பிரச்சனையாக இருக்கலாம்.

7. சமூகச் செயல்பாடுகளைத் தொடருங்கள்.

முதுமைக்கால மறதி நோயுள்ள பெரும்பாலான நபர்கள், அவர்களின் நிலையின் தீவிரத்தைப் பொருட்படுத்தாமல் உடல் அல்லது சமூக ரீதியான செயல்பாடுகளால் பயனடைவார்கள். சமூகச் செயல்பாடுகள் அவர்கள் மற்றவர்களுடன் தொடர்பில் இருப்பதை உறுதிசெய்து, நலமுடன் இருக்கும் உணர்வை அளித்திடும். முதுமைக்கால மறதி நோயின் லேசானது முதல் மிதமானது வரையிலான நிலைகளில் இருப்பவர்கள் குடும்பம் மற்றும் நண்பர்களுடன் சிறிய அளவிலான ஒன்றுகூடல்களில் இருப்பதில் மகிழ்ச்சி அடைவார்கள், ஏனெனில் அவர்கள் இன்னமும் உரையாட முடியும்.

சீட்டாட்டம் மற்றும் இதர பொழுதுபோக்கு செயல்பாடுகள் அவர்களுக்கும் சுவாரஸ்யமாக இருக்கும். இருப்பினும், முதுமைக்கால மறதி நோயின் மிகவும் மேம்பட்ட கட்டத்தில் உள்ளவர்கள், அவர்களுக்கு அதிக காட்சி மற்றும் வாய்மொழிக் குறிப்புகள் தேவைப்படுவதால், ஒருவருக்கொருவர் என்ற முறையிலேயே தொடர்புகொள்ள விரும்புவார்கள் – Recreational activities

8. பாதுகாப்பான, வெளிப்புற செயல்பாடுகளை அனுபவித்து மகிழுங்கள்.

முதுமைக்கால மறதி நோய் உள்ளவர் படிகள், படிக்கட்டுகள், சாலைகள் மற்றும் நெரிசலான வணிக வளாகங்கள் போன்ற பொது இடங்களில் – குறிப்பாக அவருக்கு கீல்வாதம், இதய பிரச்சனைகள் அல்லது பக்கவாதம் இருந்தால், அவர் கீழே விழுந்து விடாமல் இருப்பதில் கவனமாக இருக்க வேண்டும்.

நடைபாதைகள் மற்றும் ஓய்வெடுக்க அமைக்கப்பட்டிருக்கும் இருக்கைகள் கூட இருக்கும் பொது இடங்கள் அவர்கள் பார்வையிட ஏற்ற இடமாக இருக்கும். அவர்கள் பங்கேற்கக்கூடிய சில செயல்பாடுகளில் அக்கம் பக்கத்திலுள்ள பூங்காக்கள் மற்றும் சமூகத் தோட்டங்கள், சமூகக் குழுவுடனான தாய் சி/கிகோங் அல்லது டிமென்ஷியா சிங்கப்பூர் (முன்னர் ஆல்சைமர் நோய் சங்கம் என அழைக்கப்பட்டது) ஏற்பாடு செய்யும் மெமரிஸ் கஃபே அல்லது ஃபேமிலி ஆஃப் விஸ்டம் போன்றவை அடங்கும்.

பின்வருபவற்றைத் தழுவியுள்ளது: HealthHub.sg

முதுமைக்கால மறதி நோயுடன் வாழும் நபர்களுடன் உரையாடுவதற்கான உதவிக்குறிப்புகள்

நேருக்கு நேரான தகவல் பரிமாற்றம்

முகத்திற்ககு எதிரே சென்று நபரை அணுகுங்கள்.

நபரின் கவனத்தை ஈர்த்திடுங்கள்.

கண்ணைப் பார்த்து உரையாடுங்கள்.

குரலின் தொனி மற்றும் ஒலியளவு

மெதுவாகவும் தெளிவாகவும் பேசுங்கள்.

இதமான, அமைதியான மற்றும் ஆறுதலளிக்கும் குரல் தொனியைப் பயன்படுத்துங்கள்.

மனநிலையை லேசாக்க நேர்மறையான மற்றும் நல்ல இயல்புடைய நகைச்சுவையைப் பயன்படுத்துங்கள்.

குரலின் உச்சத்தில் மற்றும் உரத்தக் குரலில் பேசுவதைத் தவிர்த்திடுங்கள்.

முதுமைக்கால மறதி நோயுடன் வாழும் நபருக்கு காது கேளாமை இருந்தால், செவிப்புலன் கருவிகளைப் பயன்படுத்த அவர்களை ஊக்குவிப்பதைக் கருத்தில் கொள்ளுங்கள், மேலும் உரையாடலை எளிதாக்குவதற்கு படங்கள்/வரைபடங்களைப் பயன்படுத்துங்கள்.

உரையாடல் தலைப்புகள் மற்றும் செயல்பாடுகள்

முதுமைக்கால மறதி நோயுடன் வாழும் ஒருவருடன் நீங்கள் உரையாடி கொண்டிருந்தால், நீங்கள் என்ன செய்யலாம் என்பதற்கான சில பரிந்துரைகள் இதோ இங்கே காண்க:

பகிர்ந்துகொண்ட அனுபவங்களைப் பற்றி பேசுங்கள்: ஒரு குறிப்பிட்ட நிகழ்வு அல்லது நினைவு பற்றிய உங்கள் அனுபவத்தை நீங்கள் விவரிக்கலாம். முதுமைக்கால மறதி நோயுடன் வாழும் நபரின் நினைவுகளைத் தூண்டலாம்.

ஒன்றாக சேர்ந்து புகைப்படங்களைப் பார்க்கலாம்: உரையாடலைத் தொடர புத்தகங்கள் மற்றும் செய்தித்தாள்களில் உள்ள புகைப்படங்களைப் பார்க்கலாம்.

நினைவில் கொள்ளக்கூடிய பொருட்களை ஒன்றாகச் சேர்ந்துப் பார்க்கலாம்: முதுமைக்கால மறதி நோயுடன் வாழும் ஒரு நபருக்கு குறிப்பாக விலைமதிப்பற்ற பொருட்கள் எதுவும் இருந்தால், நீங்கள்

அவற்றைப் பார்த்து அவற்றைப் பற்றி பேசலாம்.

ஒன்றாகச் சேர்ந்துப் படியுங்கள்: அந்த நபருக்குப் படிக்கத் தெரிந்தால், அவர்களுக்குப் பிடித்த புத்தகத்தைப் படிக்க விரும்புகிறீர்களா என்று அவர்களிடம் கேட்கலாம். நீங்கள் அவர்களின் புத்தகங்களைப் படித்து, அவற்றைப் பற்றிய உங்கள் எண்ணங்களைப் பகிர்ந்து கொள்ளலாம்.

ஒன்றாக சேர்ந்து இசைக் கேளுங்கள்: பிரபலமான இசை அல்லது அவர்களது வாழ்க்கையின் முந்தைய காலத்தின் இசையை நீங்கள் இயக்கலாம், மேலும் இந்த இசையைப் பற்றி அவர்களுடன் பேசலாம், இசைக்கலைஞர்களின் பெயர்கள் மற்றும் இசை நுணுக்கங்களைக் குறிப்பிடலாம். நீங்கள் ஒன்றாக சேர்ந்துப் பாடலாம் அல்லது இசைக்கலாம்.

வாக்கியங்களின் சொற்றொடர்

எளிமையான, சிறிய அளவிலான மற்றும் நேரடியான வாக்கியங்களைப் பயன்படுத்துங்கள்.

மிகவும் சிந்திக்க வேண்டியிருக்கும் நீண்ட உரையாடல்களைத் தவிர்த்திடுங்கள். பணிகளை, தெளிவான, படிப்படியான வழிமுறைகளாகப் பிரித்திடுங்கள்.

முதுமைக்கால மறதி நோயுடன் வாழும் நபர் புரிந்துகொள்ளக்கூடிய எளிய வார்த்தைகளைப் பயன்படுத்துங்கள்.

பல கேள்விகள் அவர்களை உணர்ச்சிவசப்பட வைக்கும்என்பதால் ஒரு நேரத்திற்கு ஒரு கேள்வியைக் கேளுங்கள்.

“ஆம்” அல்லது “இல்லை” என்று பதிலளிக்கக்கூடிய கேள்விகளைக் கேளுங்கள்.

“உங்களுக்கு காபி வேண்டுமா?” என்று கேளுங்கள்.

“நீங்கள் என்ன குடிக்க விரும்புகிறீர்கள்?” என்று கேட்பதைத் தவிர்த்திடுங்கள்.

நபருக்குத் தேர்வு செய்ய விருப்பங்களை வழங்கும்போது, தேர்வுகளின் எண்ணிக்கையை இரண்டாகக் கட்டுப்படுத்திடுங்கள்.

பொறுமைக் காத்திடுங்கள்

முதுமைக்கால மறதி நோயுடன் வாழும் நபர் பதிலளிப்பதற்கு போதுமான நேரத்தை வழங்குங்கள். ஒரு வாக்கியத்தை முடிக்க உதவி கேட்கும் வரை, நீங்கள் குறுக்கிடவோ வாக்கியங்களை நிறைவு செய்யவோ வேண்டாம்.

அவர்கள் பதிலளிக்கவில்லை என்றால், நீங்கள் சொன்னதை மறுபடியும் மென்மையாகவும், அமைதியாகவும், ஆறுதலளிக்கும் விதமாகவும் சொல்லுங்கள்.

முதுமைக்கால மறதி நோயுடன் வாழும் நபர் என்ன உணர்கிறார், நினைக்கிறார் அல்லது அவருக்கு என்ன தேவைப்படுகிறது என்பதைக் கேட்க நேரம் ஒதுக்குங்கள்.

ஆதரவாக இருங்கள்

ஆறுதலையும் உறுதியையும் அளிப்பது அவர்களின் எண்ணங்களை உங்களுடன் பகிர்ந்து கொள்ள அவர்களை ஊக்குவிக்கும்

சில சமயங்களில், அவர்கள் சொல்வதை விட வெளிப்படுத்தப்படும் உணர்ச்சிகள் முக்கியமானதாக இருக்கும். வார்த்தைகள் அல்லது ஒலிகளுக்குப் பின்னால் நோக்கங்கள் எதுவும் உள்ளனவா எனத் தேடுங்கள். அவர்களின் உடல் பாவனையைக் கவனியுங்கள்.

என்ன செய்வது, சொல்வது என்று உங்களுக்குத் தெரியவில்லை என்றால் பரவாயில்லை; முதுமைக்கால மறதி நோயுடன் வாழும் நபருக்கு உங்கள் இருப்பே ஆதரவின் மிக முக்கியமான அறிகுறியாக இருக்கும்.

முதுமைக்கால மறதி நோயுடன் வாழும் நபரை கண்ணியத்துடனும் மரியாதையுடனும் நடத்துங்கள்

அவர்கள் இல்லாதது போல் கீழே பார்த்துப் பேசுவதையோ அல்லது எங்கோ பார்த்துப் பேசுவதையோ தவிர்த்திடுங்கள்.

முடிந்தவரை கண்ணைப் பார்த்துப் பேசுங்கள், அவர்களின் வெளிப்பாடுகள் மற்றும் வார்த்தைகளை நீங்கள் புரிந்துகொண்டதை அவர்களுக்குத் தெரியப்படுத்துங்கள்.

மற்றவர்களுடன் உரையாடும்போது அவர்களை விலக்கி வைக்காதீர்கள்.

பின்வருபவற்றைத் தழுவியுள்ளது: கூ டெக் புவாட் மருத்துவமனை மருத்துவமனையின் முதுமைக்கால மறதி நோயுடன் வாழும் நபர்களின் தகவல்தொடர்புத் திறன்கள் மற்றும் ஒருங்கிணைந்த பராமரிப்பு அமைப்பின் (AIC) முதுமைக்கால மறதி நோயுடன் வாழ்தல்: பராமரிப்பாளர்களுக்கான வளமைத் தொகுப்பு (பராமரிப்பு வழங்குதல்)

முதுமைக்கால மறதி நோயுடன் வாழ்க்கையில் இறுதிக்கட்டங்களில் வாழும் நபர்களுடன் தொடர்புகொள்ளுதல்

தகவல் பரிமாற்றத்திற்கான உதவிக்குறிப்புகள்

⇒ முதுமைக்கால மறதி நோயுடன் வாழும் நபருடன் முடிந்தவரை கண்ணைப் பார்த்துப் பேசுங்கள்.

⇒ நீங்கள் சொல்வதை அவர்களால் பின்பற்ற முடியாது என்று நீங்கள் நினைக்காவிட்டாலும், அவர்களுக்கு விருப்பமான விஷயங்களைப் பற்றி பேசுங்கள் அல்லது கடந்த கால விஷயங்களை நினைவுபடுத்துங்கள். அவர்கள் உங்கள் குரலின் தொனிக்கு பதிலளிக்கலாம் மற்றும் நீங்கள் என்ன சொல்கிறீர்கள் என்பதை அவர்கள் புரிந்து கொள்ளாவிட்டாலும் அவர்கள் உங்களுடன் ஒரு விதமான தொடர்பு இருப்பதை உணரலாம்.

⇒ நீங்கள் அவர்களுக்காக இருக்கிறீர்கள் என்பதை அவர்களுக்கு உறுதியளிக்க, அவர்களது கைகளைப் பற்றிக்கொள்வது அல்லது கட்டிப்பிடித்துக் கொள்வது போன்ற பொருத்தமான உடல் தொடர்புகளைப் பயன்படுத்துங்கள்.

⇒ உங்கள் நேரத்தை ஒதுக்கி, சொற்கள் அல்லாத சைகைகள் எதனையும் பயன்படுத்துகிறார்களா எனப் பாருங்கள்.

⇒ சைகைகள், உடல் பாவனை, முகபாவனை மற்றும் தொடுதல் போன்ற சொற்கள் அல்லாத தகவல்தொடர்புகள் தகவல் பரிமாற்றத்தை எளிதாக்க உதவும்.

முதுமைக்கால மறதி நோயுடன் வாழும் உறவினர்கள் மற்றும் நண்பர்களைப் பார்க்கச் செல்லுங்கள்

முதுமைக்கால மறதி நோயைப் புரிந்துகொள்ளுங்கள்

முதுமைக்கால மறதி நோய் எப்படி ஏற்படுகிறது என்பதைப் புரிந்துகொள்வது உங்கள் அன்பிற்குரியவர் இந்நோயை எப்படி கடந்து வருகிறார் என்பதை நன்கு புரிந்துகொள்ள அனுமதிக்கும். உங்கள் அன்பிற்குரியவர் அனுபவிக்கும் சில நடத்தைகள் அல்லது உணர்வுகளைப் புரிந்துகொள்ள இது உதவியாக இருக்கும் – how dementia develops.

எப்போதும் உங்களை அறிமுகப்படுத்திக் கொள்ளுங்கள்

உங்கள் பெயரையும் அவர்களுடன் நீங்கள் எவ்வாறு இணைந்திருக்கிறீர்கள் என்பதையும் அறிமுகப்படுத்தி உங்கள் அன்பிற்குரியவரிடம் பேச ஆரம்பியுங்கள். சில சமயங்களில் உங்கள் அன்பிற்குரியவர் உங்களை மறந்திருக்கலாம், மேலும் நீங்கள் யார் என்பதை நினைவுபடுத்த முயற்சிக்கும்போது பதட்டமடையலாம்.

வருகையை வேடிக்கையானதாக ஆக்கிடுங்கள்!

பழைய புகைப்படம், முன்பு ஒன்றாக பயணம் செய்தபோது பகிர்ந்து கொண்ட நினைவுப்பொருள் அல்லது கடந்த நாட்களில் அவர் பயன்படுத்திய பொருள் போன்ற எதையாவது நீங்கள் எடுத்துச் செல்வதன் மூலம் வருகையை வேடிக்கையானதாக ஆக்குங்கள். பத்திரிக்கை அல்லது செய்தித்தாள் படிப்பது உங்கள் அன்பிற்குரியவரையும் ஈடுபடுத்த உதவும் மற்றும் நீங்கள் இருவரும் ஒன்றாகச் சேர்ந்து ஏதாவது செய்யும் வாய்ப்பை வழங்கும். உங்கள் அன்பிற்குரியவரின் மனநிலையை மேம்படுத்த இசையைப் பயன்படுத்துங்கள். இசையானது, அதை CDயில் இருந்தோ அல்லது கருவி மூலமோ இசைத்தாலும், அது ஆசுவாசப்படுத்தும் அல்லது வேடிக்கையான சூழ்நிலையை உருவாக்கிவிடும். இது உங்கள் அன்பிற்குரியவர் கடந்த கால நினைவுகளை நினைவுகூர உதவும், அல்லது அவருக்கு நேரத்தை இன்பகரமானதாக ஆக்கும்!

உங்கள் அன்பிற்குரியவரின் உணர்வுகளை அங்கீகரியுங்கள்

திறந்த மனதுடன் இலகுவாக இருங்கள்: நீங்கள் திட்டமிட்டபடி உங்கள் வருகை அமையாமல் போகலாம், ஆனாலும் பரவாயில்லை. உங்கள் அன்பிற்குரியவருடனான உங்கள் வருகை குறித்து திறந்த மனதுடன் இருங்கள், உங்கள் அன்பிற்குரியவரின் ஆற்றல் நிலைகள், மனநிலை போன்றவற்றுக்கு ஏற்றவாறு உங்களை நீங்கள் மாற்றியமைத்துக்கொள்ளுங்கள். முதுமைக்கால மறதி நோய் உங்கள் அன்பிற்குரியவருக்கு கவலை, கோபம் மற்றும் கிளர்ச்சி போன்ற உணர்வுகளை ஏற்படுத்தும். அவர்களுக்கு ஆறுதல் வழங்க உங்கள் அன்பிற்குரியவர் எப்படி உணருகிறார் என்பதை நீங்கள் புரிந்துகொண்டதை அவர்களுக்குத் தெரியப்படுத்துங்கள்.

உங்கள் தகவல்தொடர்பு பாணியை மாற்றியமைத்துக் கொள்ளுங்கள்

பேசுவதைத் தவிர மற்ற தகவல்தொடர்பு முறைகள் குறித்து ஆராயுங்கள். உங்கள் அன்பிற்குரியவரின் உரையாடலைப் பாராட்ட அல்லது அதற்கு மாற்றீடாக அவரது கையைப் பற்றிக்கொள்ளுங்கள், அவரைக் கட்டி அணைத்திடுங்கள், அவரது தோள்பட்டையில் வருடிக் கொடுங்கள் அல்லது அவரது கையை மசாஜ் செய்யுங்கள்.

நீண்ட பதில்களைக் கொண்ட கேள்விகளுக்குப் பதிலாக ஒரு வார்த்தை பதில்களைக் கொண்ட கேள்விகளைக் கேட்பதன் மூலம் தெளிவாகத் தொடர்பு கொள்ளுங்கள். அவர் சொல்வதைப் பொறுமையாகக் கேளுங்கள், அவர் பதிலளிப்பதற்கு அவருக்கு நேரம் கொடுங்கள். முதுமைக்கால மறதி நோயால், உங்கள் அன்பிற்குரியவரின் சுய வெளிப்பாட்டுத் திறன் பாதிக்கப்படலாம். அவருடைய வாக்கியத்தை நீங்கள் நிறைவு செய்யாமல் இருக்க முயற்சி செய்யுங்கள். அதற்கு மாறாக, அவர் பேசும்போது பொறுமையாகக் கேளுங்கள், சரியான வார்த்தைகளைத் தேடுங்கள்.

தொடர்பில் இருங்கள்

பெரும்பாலும், நினைவுத்திறன் இழப்பினால், அன்பிற்குரியவர்கள் மற்றும் நண்பர்களுடனான தகவல் பரிமாற்றம் சிறிதளவு நோக்கத்தைக் கொண்டிருக்கலாம் அல்லது எந்த நோக்கத்தையும் கொண்டிராமல் இருக்கலாம் என்று கருதப்படுகிறது. இருப்பினும், உங்கள் அன்பிற்குரியவருக்கு உங்கள் நேரத்தையும் இருப்பையும் வழங்குவது அவர்களின் உணர்ச்சி ரீதியான நல்வாழ்வைத் தக்கவைக்க உதவுகிறது! அமைதியாக இருங்கள், அது ஒன்றும் ஒரு மோசமான விஷயம் அல்ல. நீங்கள் இருவரும் ஒன்றாக இருப்பதையும் நீங்கள் செலவிடும் நேரத்தையும் அனுபவித்து மகிழுங்கள்.

பொது இடங்களில் தொலைந்து போவது போல் தோன்றும் முதுமைக்கால மறதி நோயுடன் வாழும் ஒருவருடன் பொதுமக்கள் எவ்வாறு தொடர்பு கொள்ளக்கூடாது என்பதற்கான எடுத்துக்காட்டுகள் பின்வரும் குறும்படத்தில் இடம்பெற்றுள்ளது.

முதுமைக்கால மறதி நோயுடன் வாழும் நபர்களுடன் எவ்வாறு தொடர்புகொள்ளக் கூடாது

ஆதாரம்: சுகாதார மேம்பாட்டு வாரியம்

பின்வரும் காணொளியில் முதுமைக்கால மறதி நோய் இருப்பது போல் தோன்றும் நபருடன் பொது மக்கள் எவ்வாறு தொடர்பு கொள்கிறார்கள் என்பதையும் அவர் இன்னொரு அமைப்புகளில் இருக்கும்போது தொலைந்து போவதையும் காட்டும் எதிர்மறை உதாரணங்கள் இடம்பெற்றுள்ளன. முதுமைக்கால மறதி நோய் வளர்ச்சியின் அடிப்படைகளை அங்கீகரிப்பதன் மூலம் அதே சூழ்நிலைகளில் உள்ள பொது மக்கள் எவ்வாறு உதவலாம் என்பதற்கான மாற்று உதாரணங்களையும் இது வழங்குகிறது.

ஆதாரம்: முதுமைக்கால மறதி நோய்க்கு உகந்த சிங்கப்பூர்

இந்தக் கட்டுரை பயனுள்ளதாக இருந்ததா?

ஆம் இல்லை

Khoo Teck Puat Hospital. (2010). Communication Skills with Persons with Dementia. Retrieved November 21, 2019.
Health Promotion Board (n.d.). How to Communicate With a Loved One With Dementia. HealthHub.sg. Retrieved May 3, 2021, from https://www.healthhub.sg/live-healthy/994/how-to-communicate-with-a-loved-one-with-dementia
Agency for Integrated Care. (2018). Living with Dementia – A Resource Kit for Caregivers, Providing Care. https://www.aic.sg/resources/Documents/Brochures/Mental%20Health/4%20Books/Book%203%20-%20PROVIDING%20CARE.pdf
Agency for Integrated Care. (2018). Living with Dementia – A Resource Kit for Caregivers, Planning Care. https://www.aic.sg/resources/Documents/Brochures/Mental%20Health/4%20Books/Book%202%20-%20PLANNING%20CARE.pdf

The post முதுமைக்கால மறதி நோயுடன் வாழும் நபர்களுடன் உரையாடுவதற்கான உதவிக்குறிப்புகள் appeared first on DementiaHub.SG.

சேவை வழங்குநர்	உடன் இணைந்து
அல்கின் சிங்கப்பூர் Ltd	செங்காங் பொது மருத்துவமனை
அல்கின் சிங்கப்பூர் Ltd	ஆங் மோ கியோ Polyclinic புங்கோல் Polyclinic
டிமென்ஷியா சிங்கப்பூர் Ltd	கூ டெக் பூட் மருத்துவமனை தேசிய நரம்பியல் அறிவியல் நிறுவனம் (NNI) டான் டோக் செங் மருத்துவமனை
ஃபை யூ சமூக சேவைகள்	என்ஜி டெங் ஃபாங் பொது மருத்துவமனை
ஃபை யூ சமூக சேவைகள்	புக்கிட் படோக் Polyclinic புக்கிட் பன்ஜாங் Polyclinic Choa சோவா சூ காங் Polyclinic
ஃபிலோஸ் கம்யூனிட்டி சர்வீசஸ் Ltd	மனநல நிறுவனம் (IMH) உட்லேண்ட்ஸ் சுகாதாரம்
ஃபிலோஸ் கம்யூனிட்டி சர்வீசஸ் Ltd	கெய்லாங் Polyclinic டாம்பைன்ஸ் Polyclinic
மான்ட்ஃபோர்ட் கேர்	சாங்கி பொது மருத்துவமனை
மான்ட்ஃபோர்ட் கேர்	யூனோஸ் Polyclinic
NTUC சுகாதார கூட்டுறவு Ltd	அலெக்ஸாண்ட்ரா மருத்துவமனை தேசிய பல்கலைக்கழக மருத்துவமனை
NTUC சுகாதார கூட்டுறவு Ltd	கிளெமென்டி Polyclinic ஜுராங் Polyclinic பயனியர் Polyclinic குயின்ஸ்டவுன் Polyclinic
ஹுவா குவான் மோரல் சாரிட்டீஸ் Ltd	சிங்கப்பூர் பொது மருத்துவமனை
ஹுவா குவான் மோரல் சாரிட்டீஸ் Ltd	அவுட்ராம் Polyclinic

நான் பங்கு வகிக்க விரும்புகிறேன் Archives - DementiaHub.SG

செவிப்புலன் இழப்பு: முதுமைக்கால மறதி நோய்க்கான மறைவான ஆபத்து காரணி

இந்த கட்டுரையில்

தொடக்கவுரை

செவிப்புலன் இழப்பு மற்றும் முதுமைக்கால மறதி நோய்க்கு இடையில் உள்ள தொடர்பு என்ன?

செவிப்புலன் இழப்பின் வகைகள்

செவிப்புலன் இழப்பின் ஆரம்ப அறிகுறிகள்

தடுப்பு மற்றும் சிகிச்சைக்கான உதவிக்குறிப்புகள்

உதவிக்குறிப்பு

முடிவுரை

இந்தக் கட்டுரை பயனுள்ளதாக இருந்ததா?

What went wrong?

Tell us how we can improve?

Thank you for your feedback!

Follow us on social media:

Read Next

முதுமைக்கால மறதி நோய்க்கு நபரை மையப்படுத்திய மொழியையும் படங்களையும் பயன்படுத்தி மாற்றத்தை ஏற்படுத்துதல்

இந்த கட்டுரையில்

நபரை மையப்படுத்திய மொழியைப் பயன்படுத்துவது ஏன் முக்கியம்?

முதுமைக்கால மறதி நோய் குறித்து களங்கப்படுத்தும் வகையில் உள்ளூரில் பேசப்படும் பொதுவான சொற்கள்

முதுமைக்கால மறதி நோயைச் சித்தரிக்க பயன்படுத்தப்படும் களங்கப்படுத்தும் படங்கள்

கூடுதல் வளஆதாரங்கள்:

எண்ணிக்கைகளில் முதுமைக்கால மறதி நோய்: உள்ளூர் மற்றும் உலகளாவிய புள்ளிவிவரங்கள்

உள்ளூர் புள்ளிவிவரங்கள்

பரவலான நிலை

அனைத்து வயதினருக்குமான கவலை

பராமரிப்பின் யதார்த்தங்கள்

சிங்கப்பூரில் முதுமைக்கால மறதி நோய் பொருளாதார ரீதியாக ஏற்படுத்தும் தாக்கம்

உலகளாவிய புள்ளிவிவரங்கள்

பரவலான நிலை

பராமரிப்பாளர்களின் அனுபவங்கள்

உலகளவில் முதுமைக்கால மறதி நோய் பொருளாதார ரீதியாக ஏற்படுத்தும் தாக்கம்

இந்தக் கட்டுரை பயனுள்ளதாக இருந்ததா?

What went wrong?

Tell us how we can improve?

Thank you for your feedback!

Follow us on social media:

அடுத்து படிக்கவும்

மற்றும் சேவைகள்

பராமரிப்பு மற்றும் ஆதரவுச் சேவைகள்

சமூக நடவடிக்கைகள்/திட்டங்கள்

மருத்துவ மற்றும் உடல்நலப் பராமரிப்புச் சேவைகள்

கூடுதல் வளஆதாரம்

இந்தக் கட்டுரை பயனுள்ளதாக இருந்ததா?

What went wrong?

Tell us how we can improve?

Thank you for your feedback!

Follow us on social media:

ஆல்சைமர் நோய்

இந்த கட்டுரையில்

ஆல்சைமர் நோய் என்றால் என்ன?

ஆல்சைமர் நோய் எவ்வளவு பொதுவானது?

ஆல்சைமர் நோயின் முக்கிய அறிகுறிகள்

ஆல்சைமர் நோய்க்கான மரபணு ஆபத்து

அபாயத்தை நிர்வகித்தல்

நோயறிதல் சோதனை

எனக்கோ அல்லது என் அன்புக்குரியவருக்கோ நான் எவ்வாறு ஆதரவைப் பெறுவது?

கூடுதல் வளஆதாரங்கள்

Understanding Different Types of Dementia (PDF) Source: National Institute on Aging

Alzheimer’s disease and dementia: what everyone needs to know by Sabat, Steven R. Available for loan from the National Library Board

இந்தக் கட்டுரை பயனுள்ளதாக இருந்ததா?

What went wrong?

Tell us how we can improve?

Thank you for your feedback!

Follow us on social media:

Read Next

முதுமைக்கால மறதி நோய் எவ்வாறு கண்டறியப்படுகிறது?

இந்த கட்டுரையில்

நோயறிதல் செயல்முறையின் கண்ணோட்டம்

மருத்துவரைச் சந்திக்க வரும்போது, உங்கள் நம்பிக்கைகுரிய ஒருவரை உடன் அழைத்து வரவும்

நோயறிதல் செயல்முறையில் இந்த நடைமுறைகளை உள்ளடங்கியிருக்கலாம்

1. நேர்காணல்கள்

2. தற்போதுள்ள பிற மருத்துவ நிலைகளுக்கான பரிசோதனைகள்

3. அறிவாற்றல் தகுதிச் சோதனை மற்றும் மதிப்பீடுகள்

4. இரத்தப் பரிசோதனைகள்

5. மூளைப் படமாக்கல்

மேலும் தகவல்கள் மற்றும் ஆதரவை எங்கே பெறுவது

இந்தக் கட்டுரை பயனுள்ளதாக இருந்ததா?

What went wrong?

Tell us how we can improve?

Understanding Different Types of Dementia (PDF)
Source: National Institute on Aging

Alzheimer’s disease and dementia: what everyone needs to know by Sabat, Steven R.
Available for loan from the National Library Board