முதுமைக்கால மறதி நோய் பற்றிய அனைத்துத் தகவல்கள் Archives - DementiaHub.SG https://www.dementiahub.sg/ta/pcp-category/all-about-dementia/ Singapore’s One-Stop Resource Portal on Dementia Wed, 01 Jul 2026 07:46:21 +0000 ta-IN hourly 1 https://www.dementiahub.sg/wp-content/uploads/2022/06/fav.png முதுமைக்கால மறதி நோய் பற்றிய அனைத்துத் தகவல்கள் Archives - DementiaHub.SG https://www.dementiahub.sg/ta/pcp-category/all-about-dementia/ 32 32 செவிப்புலன் இழப்பு: முதுமைக்கால மறதி நோய்க்கான மறைவான ஆபத்து காரணி https://www.dementiahub.sg/ta/what-is-dementia/hearing-loss-a-hidden-risk-factor-for-dementia/ Thu, 20 Nov 2025 00:34:34 +0000 https://www.dementiahub.sg/dementia/hearing-loss-a-hidden-risk-factor-for-dementia/ செவிப்புலன் இழப்பு என்பது முதுமைக்கால மறதி நோயின் மாற்றக்கக்கூடிய ஆபத்து காரணியாக உள்ளது. இந்தக் கட்டுரை இந்த இரண்டுக்கும் இடையே உள்ள தொடர்பைப் பற்றி ஆராய்ந்து, செவிப்புலன் இழப்பு பற்றிய ஆழமான புரிதலையும், அதன் அடையாளங்களையும் அறிகுறிகளையும், செவிப்புலன் இழப்பு ஏற்பட வாய்ப்பு இருக்கும்போது அதனைத் தடுக்க என்ன செய்யலாம் மற்றும் அதற்கு எப்படி சிகிச்சையளிக்கலாம் என்பதைப் பற்றிய தகவல்களையும் வழங்குகிறது.

The post செவிப்புலன் இழப்பு: முதுமைக்கால மறதி நோய்க்கான மறைவான ஆபத்து காரணி appeared first on DementiaHub.SG.

]]>

கவனமாகக் கேளுங்கள்

6 நிமிட வாசிப்பு

செவிப்புலன் இழப்பு என்பது முதுமைக்கால மறதி நோயின் மாற்றக்கக்கூடிய ஆபத்து காரணியாக உள்ளது. இந்தக் கட்டுரை இந்த இரண்டுக்கும் இடையே உள்ள தொடர்பைப் பற்றி ஆராய்ந்து, செவிப்புலன் இழப்பு பற்றிய ஆழமான புரிதலையும், அதன் அடையாளங்களையும் அறிகுறிகளையும், செவிப்புலன் இழப்பு ஏற்பட வாய்ப்பு இருக்கும்போது அதனைத் தடுக்க என்ன செய்யலாம் மற்றும் அதற்கு எப்படி சிகிச்சையளிக்கலாம் என்பதைப் பற்றிய தகவல்களையும் வழங்குகிறது.

தொடக்கவுரை

2050-ஆம் ஆண்டு வாக்கில், கிட்டத்தட்ட 2.5 பில்லியன் மக்கள் ஏதோ ஒரு வகையான செவிப்புலன் இழப்பால் (காது கேளாமையால்) பாதிக்கப்படுவார்கள் என்று கணிக்கப்பட்டுள்ளது.1 லான்செட் ஆய்வின்படி (2020), செவிப்புலன் இழப்பு முதுமைக்கால மறதி நோயினுடைய ஆபத்து காரணியாக அடையாளம் காணப்பட்டுள்ளது.2 லான்செட் ஆய்வானது (2024), உலகளவில் முதுமைக்கால மறதி நோய் தொடர்பான பாதிப்புகளில் சுமார் 7% செவிப்புலன் இழப்பினால் ஏற்பட்டதாக மதிப்பிட்டுள்ளது.3 மூத்த குடிமக்களிடையே இது மிகவும் பரவலாக இருந்தாலும், செவிப்புலன் இழப்பு பொதுவாக கண்டறியப்படுவதில்லை அல்லது நன்கு கண்டறியப்படுவதில்லை, இது முதுமைக்கால மறதி நோய்த் தடுப்பு மற்றும் பராமரிப்பில் ஒரு முக்கியமான பிரச்சினையாக உள்ளது.

செவிப்புலன் இழப்பு மற்றும் முதுமைக்கால மறதி நோய்க்கு இடையில் உள்ள தொடர்பு என்ன?

முதுமைக்கால மறதி நோய்க்கான சாத்தியமான ஆபத்து காரணியாக செவிப்புலன் இழப்பு சமீபத்திய ஆண்டுகளில் அதிக முக்கியத்துவம் பெற்றுள்ளது.  செவிப்புலன் இழப்பானது மக்கள்தொகை சார்ந்த விளைவுப் பங்கை (PAF) அதிகமாகக் கொண்டிருப்பதாக 2017 லான்செட் அறிக்கை கண்டறிந்துள்ளது – ஒரு குறிப்பிட்ட ஆபத்து காரணியை அகற்றினால், அது நோய் பாதிப்பு எண்ணிக்கைகளை எவ்வளவு தடுக்க முடியும் என்பதை மதிப்பிடுவதே இந்த அளவீடு. இந்த விஷயத்தில், தடுக்கக்கூடிய சாத்தியமான முதுமைக்கால மறதி நோய் பாதிப்புகளில் 23% செவிப்புலன் இழப்பே காரணமாக உள்ளது, இது மனச்சோர்வு (10.1%), புகைபிடித்தல் (13.9%), சமூக தனிமை (5.9%), உயர் இரத்த அழுத்தம் (5.1%) அல்லது நீரிழிவு நோய் (3.2%) போன்ற வேறு எந்தத் தனிப்பட்ட ஆபத்து காரணிகளையும் விட அதிகம்.4
படம்: மனித மூளை உடற்கூறியல் விளக்கம்

செவிப்புலன் இழப்புக்கு சிகிச்சையளிக்கப்படவில்லை என்றால், அது சமூக ரீதியாக அதிகம் தனிமைப்படுத்தப்படுவதற்கும், ஒருவரின் மூளை அமைப்பில் மாற்றங்கள் ஏற்படுவதற்கும் வழிவகுக்கும். ஏனென்றால் மூளையின் பின்வரும் இரண்டு முக்கிய பகுதிகள் செவிப்புலன் இழப்பால் பாதிக்கப்படுகின்றன: நெற்றிப்பொட்டு மடல் மற்றும் முன்பக்க புறணி:  

  • நெற்றிப்பொட்டு மடல் (Temporal Lobe): ஒலி செயலாக்கம் மற்றும் பிற செயல்பாடுகளுக்கு உதவி புரிகிறது.

 

  • முன்பக்க புறணி (Frontal Coretex): முடிவெடுத்தல் மற்றும் திட்டமிடல் போன்ற கவனம் செலுத்தும் செயல்பாடுகள் மற்றும் நிர்வாக செயல்பாடுகளுக்கு உதவி புரிகிறது. 
  •  

செவிப்புபுலன் இழப்பு இந்தச் செயல்பாடுகளை மெதுவாக்குகிறது, இதனால் இந்த பகுதிகளில் மூளையின் அறிவாற்றல் சார்ந்த செயல்பாடு விரைவாக மோசமடைகிறது. 

அதிகரித்த சமூக ரீதியான தனிமை  செவிப்புலன் இழப்பு உள்ள வயதானவர்களுக்கு தகவல் பரிமாற்றத்தில் பிரச்சனை இருக்கும், இதனால் சமூக சூழ்நிலைகளில் இருந்து விலகிச் செல்ல வேண்டிய கட்டாயம் ஏற்படுகிறது.5ஆரம்பத்தில் நோயின்றி இருந்த நபர்கள், அவர்கள் பிற ஆபத்து காரணிகளை மாற்றியமைத்த பிறகும் கூட, குறைவான சமூக வட்டாரங்கள், கம்மியான சமூக ஆதரவு மற்றும் தனிமை ஆகியவை அவர்களுக்கு முதுமைக்கால மறதி நோய் ஏற்படும் ஆபத்தை அதிகரிக்கும் என்பதை மற்ற ஆய்வுகள் கண்டறிந்துள்ளன.6 செவிப்புலன் இழப்புக்கும் சமூக ரீதியான தனிமைக்கும் இடையிலான தொடர்பு அறிவாற்றல் தூண்டுதலுக்கான வாய்ப்புகளைக் குறைக்கிறது. தனிநபர்கள் உரையாடல்களில் குறைவாக ஈடுபடும்போது, ​​அவர்கள் தூண்டுதலூட்டும் தகவல்களைக் குறைவாக செயலாக்குகிறார்கள், இது அவர்களின் மூளை செயல்பாட்டைப் பாதிக்கும். காலப்போக்கில், இந்தக் குறைக்கப்பட்ட அறிவாற்றல் ரீதியான ஈடுபாடு, குறைந்து வரும் தகவல் பரிமாற்ற திறன்களுடன் சேர்ந்து, அறிவாற்றல் இழப்புக்கு பங்களித்து இறுதியில் முதுமைக்கால மறதி நோய்க்கு வழிவகுக்கக்கூடும்.
மூளை அமைப்பில் ஏற்படும் மாற்றங்கள் செவிப்புலன் இழப்பு, அறிவாற்றல் ரீதியான செயலாக்கத்தின் தூண்டுதலைக் குறைப்பதற்கும் வழிவகுத்துள்ளது.7 இது பேச்சு மற்றும் மொழி உள்ளீட்டின் பற்றாக்குறைக்கு வழிவகுக்கிறது, இது மூளையின் அமைப்பையும் செயல்பாட்டையும் எதிர்மறையாக பாதித்து, இறுதியில் மூளைத் திசுக்கள் சுருங்குவதற்கு காரணமாகிறது. கூடுதலாக, செவிப்புலன் இழப்பானது மூளையில் அறிவாற்றல் ரீதியான சுமையை அதிகரித்து வேலை செய்யும் நினைவகம் போன்ற நுட்பமான அறிவாற்றல் வீழ்ச்சியை துரிதப்படுத்துகிறது. குறிப்பாக, இது ஆல்சைமர் நோயுடன் பொதுவாக தொடர்புடைய பகுதிகளை பலவீனப்படுத்துவதாகத் தெரிகிறது.8

செவிப்புலன் இழப்பின் வகைகள்

செவிப்புலன் இழப்பு என்பது நாம் ஒலிகளைக் கேட்கும் விதத்தைப் பாதிக்கும் ஒரு மருத்துவ நிலை ஆகும், மேலும் இது பல காரணங்களினால் ஏற்படலாம். மூன்று வகையான செவித்திறன் இழப்பு உள்ளன: (a) கடத்தும் செவிப்புலன் இழப்பு மற்றும் (b) சென்சார்நியூரல் செவிப்புலன் இழப்பு மற்றும் (c) கலப்பு செவிப்புலன் இழப்பு.9
கடத்தும் செவிப்புலன் இழப்பு

செவிகளின் வெளிப்புற மற்றும் நடுத்தர பகுதிகள் வழியாக ஒலி திறன்மிக்க பயணித்து செவியின் உட்பகுதியை (கோக்லியா) அடைய முடியாதபோது இந்த வகையான செவிப்புலன் இழப்பு ஏற்படுகிறது. 

பொதுவான காரணங்களில் அடங்குவன: 

  • செவி அடைப்பு: மெழுகு படிதல், வெளிப் பொருட்கள் அல்லது தொற்றுகள் (ஓடிடிஸ் எக்ஸ்டெர்னா போன்றவை). 
  • துளையிடப்பட்ட செவிப்பறை: அதிர்ச்சி அல்லது நாள்பட்ட தொற்றுகளால் ஏற்படும் செவிப்பறையில் துளை அல்லது கிழிதல் ஏற்படுதல். 
  • செவியின் நடுப்பகுதியில் சேதமடைந்த எலும்புகள் (சிற்றெழும்புகள்): செவியின் நடுப்பகுதியில் உள்ள எலும்புகள் காயம் அல்லது ஓட்டோஸ்கிளிரோசிஸ் (செவி எலும்பு கடினமாதல்) போன்ற நோய்கள் காரணமாக இடம்பெயர்ந்திருக்கலாம், சேதமடைந்திருக்கலாம் அல்லது இடத்தில் அசையாத நிலையில் இருக்கலாம். 
  • செவியின் நடுப்பகுதி நோய்த்தொற்றுகள் (ஓடிடிஸ் மீடியா எனப்படும் நடுச்செவி அழற்சி) செவியின் நடுப்பகுதியில் தொற்று ஏற்படுவதும் திரவம் சுரப்பதும் ஒலி பரிமாற்றத்தில் குறுக்கிடலாம்.  
சென்சார்நியூரல் செவிப்புலன் இழப்பு

மூளைக்கு ஒலி சமிக்ஞைகளை அனுப்பும் செவியின் உட்பகுதி (கோக்லியா) அல்லது செவிப்புலன் நரம்புக்கு சேதம் ஏற்படும்போது இது நிகழ்கிறது. இது பொதுவாக நிரந்தரமான பாதிப்பாகும், மேலும் இதற்குச் சிகிச்சையளிப்பது மிகவும் சிக்கலானது. 

பொதுவான காரணங்களில் அடங்குவன: 

  • மூப்படைதல்: வயதாகையில் இயற்கையாக நிகழும் படிப்படியான செவிப்புலன் இழப்பு. 
  • சத்தம் நிறைந்த சூழலில் இருத்தல்: உரத்த சத்தங்களை நீண்ட நேரம் கேட்பது செவியின் உட்பகுதியில் (கோக்லியாவில்) உள்ள உணர்வு ரீதியான அணுக்களை சேதப்படுத்தும். 
  • செவியின் உட்பகுதி நோய்த்தொற்றுகள்: பொன்னுக்கு வீங்கி அல்லது சளிக்காய்ச்சல் போன்ற வைரஸ்கள் மற்றும் பாக்டீரியாக்களால் ஏற்படும் நோய்த்தொற்றுகள். 
  • மெனியர் நோய்: செவிகளில் ரீங்கார சத்தம் (டின்னிடஸ்), செவிப்புலன் இழப்பு மற்றும் தலைச்சுற்றலை ஏற்படுத்தும் ஒரு மருத்துவ நிலை. 
  • ஓட்டோடாக்ஸிக் மருந்துகள்: சில மருந்துகள் செவிப்புலன் நரம்புகள் அல்லது செவியின் உட்பகுதியைச் சேதப்படுத்தும், இந்த மருந்துகளில் அடங்குவன: 
  • நுண்ணுயிர் எதிர்ப்பு மருந்துகள்: ஜென்டாமைசின் மற்றும் வான்கோமைசின் போன்றவை 
  • புற்றுநோய் மருந்துகள்: சில கீமோதெரபி மருந்துகள் 
கலப்பு செவிப்புலன் இழப்பு

ஒருவருக்கு கடத்தும் செவிப்புலன் இழப்பு மற்றும் சென்சார்நியூரல் செவிப்புலன் இழப்பு இரண்டும் இருக்கும்போது கலப்பு செவிப்புலன் இழப்பு ஏற்படுகிறது, அதாவது செவியின் நடுப்பகுதி (எ.கா. திரவம் சுரத்தல் அல்லது அடைப்பு) மற்றும் செவியின் உட்பகுதி அல்லது நரம்பு இரண்டிலும் பிரச்சனை உள்ளது என்று அர்த்தம். 

நீண்டகாலம் சென்சார்நியூரல் செவிப்புலன் இழப்பு இருக்கும் ஒருவருக்கு செவியில் தொற்று ஏற்படும்போது அல்லது நீண்டகாலம் செவியில் தொற்று இருக்கும் ஒருவருக்கு சென்சார்நியூரல் செவிப்புலன் இழப்பு ஏற்படும்போது இது நிகழலாம். 

பொதுவான காரணங்கள்: 

  • செவியில் நாட்பட்ட தொற்றுகள் மற்றும் வயது தொடர்பான செவிப்புலன் இழப்பு 
  • செவிகளின் வெவ்வேறு பகுதிகளைப் பாதிக்கக்கூடிய தலைக் காயம் 
  • நீண்ட காலம் சத்தம் நிறைந்த சூழலில் இருத்தல் 
படம்: செவி உட்பகுதியின் படம்

செவிப்புலன் இழப்பின் ஆரம்ப அறிகுறிகள்

செவித்திறன் இழப்பு திடீரென்றோ படிப்படியாகவோ ஏற்படலாம், இது ஒற்றை அல்லது இரண்டு செவிகளையும் பாதிக்கக்கூடும். அறிகுறிகளில் பின்வருபவை அடங்கும்: 

  • இரைச்சலான சூழலில் பேச்சைப் புரிந்துகொள்வதில் சிரமம் 
  • மக்கள் முணுமுணுப்பது போன்ற உணர்வு  
  • உங்களுக்காக அவற்றை மீண்டும் சொல்ல வேண்டிய தேவை 
  • ஒருவர் பேசுவதை நேரடியாகப் பார்க்காமல் இருக்கும்போது அவர் பேசுவதைப் புரிந்துகொள்வதில் சிரமம் 
  • உரையாடல்களில் இருந்து விலகுதல் 
  • செவித் தொற்றுகள் காரணமாக செவி வலி மற்றும் செவிக் கசிவு போன்ற தொடர்புடைய செவி பாதிப்பு அறிகுறிகள். 

இந்த அறிகுறிகள் உங்களுக்கு ஏற்பட்டால் மருத்துவரை அணுகுங்கள். 

தடுப்பு மற்றும் சிகிச்சைக்கான உதவிக்குறிப்புகள்

செவிப்புலன் இழப்பால் ஏற்படும் முதுமைக்கால மறதி நோயின் ஆபத்தைக் குறைப்பதற்கான சிறந்த வழி, அடிக்கடி மற்றும் வழக்கமான செவிப்புலன் பரிசோதனைகளை மேற்கொள்வதாகும். மூத்தோர்கள் தங்கள் உடல்நலம் குறித்து முன்கூட்டியே எச்சரிக்கையாக இருக்க 1-2 வருடங்களுக்கு ஒருமுறை சுகாதாரப் பரிசோதனைகளைச் செய்துக் கொள்வது பரிந்துரைக்கப்படுகிறது.12
தடுப்பு சுகாதார நடுவம் செயல்பாடு ரீதியான பரிசோதனைத் தளங்கள்  புராஜெக்ட் சில்வர் ஸ்க்ரீன் (Project Silver Screen) என்பது 60 வயது மற்றும் அதற்கு மேற்பட்ட சிங்கப்பூரர்களுக்கான மலிவு விலை, நாடு தழுவிய செயல்பாட்டுப் பரிசோதனைத் திட்டமாகும். சுகாதார நடுவம் தளமானது வரவிருக்கும் செயல்பாட்டுப் பரிசோதனைகளின் விரிவான பட்டியலை வழங்குகிறது. உங்கள் சுகாதாரப் பரிசோதனை: செயல்பாட்டு ரீதியான பரிசோதனைத் தளங்களில் பதிவு செய்ய இந்த இணைப்பைக் கிளிக் செய்யுங்கள் பாதுகாப்பான செவியேற்கும் உத்திகளைப் பயிற்சி செய்வது செவிப்புலன் இழப்பு ஏற்படும் அபாயத்தையும் குறைக்கும்.13 செவிப்புலன் இழப்பைத் தடுப்பதற்கான சில உதவிக்குறிப்புகள் இதோ இங்கே:
  1. ஒலியின் அளவைக் கம்மியாக வைத்திருங்கள். உங்கள் சாதனத்தின் ஒலி அளவை அதிகபட்ச ஒலியளவில் 60%க்கு மிகாமல் அமைத்திடுங்கள்.
  2. நன்கு பொருந்தக்கூடிய மற்றும் சத்தத்தைக் குறைக்கும் செவிப்பொறிகள்/செவிபேசிகளைப் பயன்படுத்துங்கள்.
  3. சத்தம் அதிகமாக இருக்கும் இடங்களில், செவிச்செருகிகள் போன்ற செவிப் பாதுகாப்புப் பொருட்களைப் பயன்படுத்துங்கள்.
  4. ஒலிபெருக்கிகள், சத்தமிடும் இயந்திரங்கள் போன்று அதிகப்படியான ஒலியை ஏற்படுத்தும் மூலங்களிலிருந்து எப்போதும் விலகி இருங்கள்.
  5. சத்தம் நிறைந்த செயல்பாடுகளில் ஈடுபடும் நேரத்தைக் கட்டுப்படுத்துங்கள். உரத்த ஒலிகளிலிருந்து உங்கள் செவிகளுக்கு அடிக்கடி இடைவேளை கொடுங்கள். இது செவிகளுக்குள் இருக்கும் உணர்வு ரீதியான அணுக்களை மீட்டெடுக்க உதவுகிறது.
  6. ஒலி அளவுகளைக் கண்காணித்திடுங்கள். சத்தம் நிறைந்த சூழலில் நீங்கள் எவ்வளவு நேரம் இருக்கிறீர்கள் என்பதைக் கண்காணிக்க அனுமதிக்கும் வகையில், உள்ளமைக்கப்பட்ட பாதுகாப்பான செவியேற்கும் அம்சங்களைக் கொண்ட சாதனங்களைத் தேர்வுசெய்யுங்கள்.

உதவிக்குறிப்பு

70dBக்கும் அதிகமான சத்தங்கள் காலப்போக்கில் செவியேற்கும் திறனைப் பாதிக்கக்கூடும் என்பதால், 70dBக்கும் குறைவான சத்தத்தைப் பராமரியுங்கள்.15

சிகிச்சை

கூடுதலாக, சிகிச்சையின் மூலம் செவிப்புலன் இழப்பை ஒருவர் விரைவாக கையாளுவதை உறுதி செய்ய முடியும். 

  • செவிப்புலன் இழப்பை நிர்வகிப்பதற்கான சில சிகிச்சை மற்றும் மாற்று விருப்பத்தேர்வுகள் இதோ இங்கே: 

    • செவிப்புலன் கருவிகள்: உங்கள் காதில் அல்லது காதின் பின்னால் அணியக்கூடிய ஒரு சிறிய மின்னணு சாதனம். இது சில ஒலிகளை சத்தமாக எழுப்புவதனால் செவிப்புலன் குன்றிய ஒருவர் கேட்கவும், தொடர்பு கொள்ளவும், அன்றாட நடவடிக்கைகளில் முழுமையாக பங்கேற்கவும் முடியும்.

    செவியின் உட்பகுதி செருகல்கள்: இது அறுவை சிகிச்சை மூலம் பொருத்தப்படும் நியூரோ-ப்ரோஸ்தெடிக், இது மிதமானது முதல் கடுமையான சென்சார்நியூரல் செவிப்புலன் இழப்பைக் கொண்ட ஒரு நபருக்கு ஒலி உணர்வை வழங்குகிறது.

உங்களுக்கோ அல்லது உங்கள் அன்புக்குரியவருக்கோ எது சிறந்த வழி என்பதைத் தீர்மானிக்க, ஒரு செவித்திறன் நிபுணரை அணுகுவது சிறந்தது. 

சர்வதேச சத்த விழிப்புணர்வு தினத்தின் தரவு பொதுவான இரைச்சல் அளவுகள் - எவ்வளவு சத்தம் அதிக சத்தமாக கருதப்படுகிறது.

முடிவுரை

செவிப்புலன் இழப்பிற்கு சிகிச்சையளிப்பது முதுமைக்கால மறதி நோய் ஏற்படும் அபாயத்தைக் குறைக்க உதவும். உங்களுக்குத் தெரிந்த ஒருவருக்கு அல்லது உங்களுக்கே செவிப்புலன் இழப்பு ஏற்படும் அபாயம் இருப்பதாக நீங்கள் கவலைப்பட்டால், உங்கள் பொது மருத்துவர் (GP) அல்லது குடும்ப மருத்துவரைப் பரிந்துரைக்காக அணுகலாம்.

இந்தக் கட்டுரை பயனுள்ளதாக இருந்ததா?

ஆம் இல்லை
×

Tell us how we can improve?

×

Thank you for your feedback!

Your feedback will really help us to improve our content to support those living with dementia.

Follow us on social media:

Facebook Pinterest
References

  1. World Health Organization. (2025, 26 February). Deafness and hearing loss. https://www.who.int/news-room/fact-sheets/detail/deafness-and-hearing-loss 

  2. Livingston, G., Huntley, J., Sommerlad, A., Ames, D., Ballard, C., Banerjee, S., Brayne, C., Burns, A., Cohen-Mansfield, J., Cooper, C., Costafreda, S. G., Dias, A., Fox, N., Gitlin, L. N., Howard, R., Kales, H. C., Kivimäki, M., Larson, E. B., Ogunniyi, A., Orgeta, V., … K. (2020). Dementia prevention, intervention, and care: 2020 report of the Lancet Commission. The Lancet, 396(10248), 413–446. https://doi.org/10.1016/S0140-6736(20)30367-6 

  3. Livingston, G., Huntley, J., Liu, K. Y., Costafreda, S. G., Selbæk, G., Alladi, S., Ames, D., Banerjee, S., Burns, A., Brayne, C., Fox, N. C., Ferri, C. P., Gitlin, L. N., Howard, R., Kales, H. C., Kivimäki, M., Larson, E. B., Nakasujja, N., Rockwood, K., … Mukadam, N. (2024). Dementia prevention, intervention, and care: 2024 report of the Lancet Standing Commission. The Lancet, 403(10300), 1-40. https://doi.org/10.1016/S0140-6736(24)00345-6 

  4. Livingston, G., Sommerlad, A., Orgeta, V., Costafreda, S. G., Huntley, J., Ames, D., … & Mukadam, N. (2017). Dementia prevention, intervention, and care. The lancet, 390(10113), 2673-2734. 

  5. Bott, A., & Saunders, G. (2021). A scoping review of studies investigating hearing loss, social isolation and/or loneliness in adults. International Journal of Audiology, 60(sup2), 30–46. https://doi.org/10.1080/14992027.2021.1915506 

  6. Chern, A., & Golub, J. S. (2019). Age-related Hearing Loss and Dementia. Alzheimer disease and associated disorders, 33(3), 285–290. https://doi.org/10.1097/WAD.0000000000000325 

  7. Griffiths, T. D., Lad, M., Kumar, S., Holmes, E., McMurray, B., Maguire, E. A., Billig, A. J., & Sedley, W. (2020). How Can Hearing Loss Cause Dementia?. Neuron, 108(3), 401–412. https://doi.org/10.1016/j.neuron.2020.08.003 

  8. Ford, H. A., Hankey. J. G., Yeap. B. B., Golledge, J., Flicker, L. & Almeida, P. O. (2018). Hearing loss and the risk of dementia in later life. Maturitas Vol (112), pg 1-11.  https://doi.org/10.1016/j.maturitas.2018.03.004 

  9. Cleveland Clinic. (2023, August 24). Hearing loss: Types, symptoms, causes & treatment. Cleveland Clinic. https://my.clevelandclinic.org/health/diseases/17673-hearing-loss 

  10. NHS 24. (2024). What does tinnitus sound like? Ringing, crackling, buzzing examples [Video]. Youtube. https://www.youtube.com/watch?v=kgIrfiyK4x8 

  11. FreeMedEducation. (2017). What is Vertigo? [Video]. Youtube. https://www.youtube.com/watch?v=j04qNXaCm0Y 

  12. World Health Organization. (2025, 21 March). Deafness and hearing loss: Safe listening. https://www.who.int/news-room/questions-and-answers/item/deafness-and-hearing-loss-safe-listening 

  13. CPF Board. (2025, March 25). How often should you go for a health screening? CPF. https://www.cpf.gov.sg/member/infohub/educational-resources/how-often-should-you-go-for-a-health-screening 

  14. International Noise Awareness Day (n.d). Common Noise Levels- How Loud Is Too Loud?. https://noiseawareness.org/info-center/common-noise-levels/ 

  15. Hearing Health Foundation. (n.d.). What are safe decibels? Hearing Health Foundation. https://hearinghealthfoundation.org/keeplistening/decibels 

Read Next

The post செவிப்புலன் இழப்பு: முதுமைக்கால மறதி நோய்க்கான மறைவான ஆபத்து காரணி appeared first on DementiaHub.SG.

]]> மற்றும் சேவைகள் https://www.dementiahub.sg/ta/living-well-with-dementia/programmes-and-services/ Thu, 09 Apr 2026 02:45:47 +0000 https://www.dementiahub.sg/dementia/programmes-and-services/ டிமென்ஷியாவுடன் வாழும் நபர்கள் மற்றும் பராமரிப்பாளர்கள் சமூகத்தில் நன்றாக வாழ உதவும் வகையில் ஒரு ஒருங்கிணைந்த மனநல வலையமைப்பால் ஆதரிக்கப்படுகிறார்கள்.

The post மற்றும் சேவைகள் appeared first on DementiaHub.SG.

]]>

கவனமாகக் கேளுங்கள்

15 நிமிட வாசிப்பு

ஒருங்கிணைந்த மனநல வலையமைப்பின் காரணமாக, சமூகத்தில் ஏராளமான திட்டங்களும் சேவைகளும் கிடைக்கப் பெறுகின்றன. முதுமைக்கால மறதி நோயுடன் வாழ்பவர்கள் மற்றும் அவர்களது பராமரிப்புப் பங்காளர்கள் உட்பட பல்வேறு வாடிக்கையாளர்களுக்கு சேவை செய்கின்ற ஆரோக்கிய, சமூக மற்றும் சமுதாயப் பராமரிப்பு வழங்குநர்களை இந்த வலையமைப்பு ஒன்றிணைக்கிறது.  
 
நீங்கள் முதுமைக்கால மறதி நோயுடன் உங்கள் பயணத்தைத் தொடங்கியுள்ளீர்கள் மற்றும் எங்கு தொடங்குவது என்று சரியாகத் தெரியவில்லை என்றால், இந்தக் கட்டுரை உங்களுக்கானது. கிடைக்கக்கூடிய பல்வேறு திட்டங்கள் மற்றும் சேவைகள், அவை உங்களுக்கு எவ்வாறு உதவலாம் மற்றும் விண்ணப்பிக்கும் முன் நீங்கள் கவனிக்க வேண்டிய தேவைகளைப் பற்றி அறிய மேற்கொண்டு படியுங்கள்.

பராமரிப்பு மற்றும் ஆதரவுச் சேவைகள்

பராமரிப்பு மற்றும் ஆதரவுச் சேவைகளில் முதுமைக்கால மறதி நோயுடன் வாழ்பவர்கள் மற்றும் அவர்களின் பராமரிப்பாளர்களுக்கான நடைமுறை (அதாவது, அன்றாட நடவடிக்கைகளுக்கான ஆதரவு, வாடிக்கையாளர்களைத் தொடர்புடைய பராமரிப்புச் சேவைகளுடன் இணைப்பது), மனவுணர்வு மற்றும் நிதி சார்ந்த ஆதரவு ஆகியவை உள்ளடங்கியுள்ளன. இந்தச் சேவைகள் வீட்டிலோ, ஒரு பகல்நேரப் பராமரிப்பு நிலையத்திலோ வழங்கப்படலாம், வீட்டில் வழங்க முடியாத பராமரிப்பும் ஆதரவும் தேவைப்படும் வாடிக்கையாளர்களுக்குத் தாதிமை இல்லத்தில் வழங்கப்படலாம்.

சமூக நடவடிக்கைகள்/திட்டங்கள்

சமூக நடவடிக்கைகள் மற்றும் திட்டங்கள் சமூகத்தில் மற்றவர்களுடன் தொடர்புகொள்வதற்கான வாய்ப்புகளை உருவாக்குகின்றன. இவை, சமூகத்துடன் குறைவாகப் பழகுவதால் அல்லது குறைவாகத் தொடர்புகொள்வதால் காலப்போக்கில் சமூகத்திடமிருந்து மிகவும் விலகக்கூடிய முதுமைக்கால மறதி நோயுடன் வாழ்பவர்களுக்குக் குறிப்பாகப் பொருத்தமானவை. இந்த நடவடிக்கைகளும் திட்டங்களும் முதுமைக்கால மறதி நோயின் முன்னேற்றத்தை மெதுவாக்ககவும், கட்டமைக்கப்பட்ட கால அட்டவணையை வழங்குவதையும், மேலும் முதுமைக்கால மறதி நோயுடன் வாழ்பவர்களின் மனநிலையை மேம்படுத்துவதையும் நோக்கமாகக் கொண்டுள்ளன.

மருத்துவ மற்றும் உடல்நலப் பராமரிப்புச் சேவைகள்

முதுமைக்கால மறதி நோயுடன் வாழ்பவர்களுக்கான மருத்துவ மற்றும் சுகாதாரப் பராமரிப்புச் சேவைகளில் மருத்துவ மதிப்பீடுகள், மறுவாழ்வுப் பராமரிப்பு, நடத்தை, நினைவுத்திறன் மற்றும் மனநிலைக்கு உதவுவதற்கான மருந்துகளின் பரிந்துரை மற்றும் ஊட்டச்சத்து மதிப்பீடுகள் ஆகியவை அடங்கும். பராமரிப்பைப் பெறுபவரின் வீடு, நிலையங்கள், மருத்துவமனைகள் அல்லது தாதிமை இல்லங்கள் உள்ளிட்ட பல்வேறு அமைப்புகளில் இந்தச் சேவைகள் வழங்கப்படலாம்.

கூடுதல் வளஆதாரம்

முதுமைக்கால மறதி நோய் ஆதரவு மற்றும் சேவைகளின் விவரத் திரட்டுப் பட்டியல்

இந்த வளஆதாரம் சிங்கப்பூரில் உள்ள 4 முக்கிய பகுதிகளால் வகுக்கப்பட்டுள்ள, சமூகத்தில் உள்ள பல்வேறு திட்டங்கள் மற்றும் சேவைகளின் விரிவான பட்டியலை விவரிக்கிறது, எனவே உங்களுக்கு அருகிலுள்ள சேவை வழங்குநரை நீங்கள் எளிதில் கண்டறியலாம்.

பதிவிறக்கவும்

இந்தக் கட்டுரை பயனுள்ளதாக இருந்ததா?

ஆம் இல்லை
×

Tell us how we can improve?

×

Thank you for your feedback!

Your feedback will really help us to improve our content to support those living with dementia.

Follow us on social media:

Facebook Pinterest
மேற்கோள்கள்
  1. Retrieved on 23 November 2023 from https://supportgowhere.life.gov.sg/.
  2. Introduction to Community Care Services. Retrieved on 23 November 2023 from https://www.aic.sg/care-services 

The post மற்றும் சேவைகள் appeared first on DementiaHub.SG.

]]> ஆல்சைமர் நோய் https://www.dementiahub.sg/ta/what-is-dementia/alzheimers-disease/ Thu, 27 Feb 2025 01:12:54 +0000 https://www.dementiahub.sg/dementia/alzheimers-disease/ அல்சைமர் நோய் என்பது மூளையின் ஒரு பகுதியில் செல்லுலார் மட்டத்தில் ஏற்படும் மாற்றங்களால் ஏற்படும் மிகவும் பிரபலமான மற்றும் ஆராய்ச்சி செய்யப்பட்ட டிமென்ஷியா வகையாகும்.

The post ஆல்சைமர் நோய் appeared first on DementiaHub.SG.

]]>

கவனமாகக் கேளுங்கள்

6 நிமிட வாசிப்பு

ஆல்சைமர் நோய் என்பது மிகவும் நன்கு தெரிந்த மற்றும் ஆராய்ச்சி செய்யப்பட்ட முதுமைக்கால மறதி நோயின் வகையாகும், இது நியோகார்டெக்ஸில் உள்ள செல்லுலார் மட்டத்தில் நிகழும் மாற்றங்களால் ஏற்படுகிறது. நாங்கள் ஆல்சைமர் நோய் ஏற்படுவதற்கான காரணங்கள், அறிகுறிகள், பரவலான நிலை மற்றும் ஆபத்து பற்றிய பொதுவான விளக்கத்தை வழங்குகிறோம்.

ஆல்சைமர் நோய் என்றால் என்ன?

ஆல்சைமர் நோய் (AD) என்பது முதுமைக்கால மறதி நோயின் மிகவும் பொதுவான வகையாகும், கண்டறியப்படும் அனைத்து முதுமைக்கால மறதி நோய் வகைகளில் இந்த ஆல்சைமர் நோய் (AD) 60-80% இடம் வகிப்பதாக மதிப்பிடப்பட்டுள்ளது  1. இது வீரியம் அடையக்கூடிய நரம்பியல் மற்றும் அறிவாற்றல் சார்ந்த நோயாகும், அதாவது மற்ற உடல்நலப் பிரச்சனைகள் இருப்பதைத் தவிர்த்து காலப்போக்கில் இதன் அறிகுறிகள் படிப்படியாக மோசமடையும். மூளையில் செல்லுலார் மட்டத்தில் மாற்றங்கள் ஏற்படுவதாலும், வயதுக்கு ஏற்பவும் இது மெதுவாக வீரியமடைகிறது. ஆல்சைமர் நோயின் முக்கிய அறிகுறி மூளையில் உள்ள நியூரான்களைச் சுற்றி அமிலாய்டு-பீட்டா புரதங்கள் அசாதாரண முறையில் படிவது ஆகும்.

அமிலாய்டு-பீட்டா புரதங்கள் ஆல்சைமர் நோய்க்கு எவ்வாறு வழிவகுக்கிறது?

(படம்: ஆரோக்கியமான மூளையின் அமைப்பும் ஆல்சைமர் நோயின்போது அவதானிக்கப்பட்ட மூளையின் அமைப்பும், adapted from Brejyeh and Karaman, 2020)

பொதுவாக, இந்தப் புரதங்கள் கழிவுகளாக அப்புறப்படுத்தப்படுகின்றன, ஆனால் இந்தச் செயல்முறைக்கு புரதங்களை வெட்டும் மூன்று நொதிகளின் (α-, β- மற்றும் γ-செக்ரெடேஸ்) முறையான ஈடுபாடு தேவைப்படுகிறது. இந்த நொதிகளில் ஏதேனும் ஒன்று அசாதாரண செயல்பாட்டை வெளிப்படுத்தும்போது, ​​பீட்டா-அமிலாய்டு புரதங்கள் நியூரான்களின் வெளிப்புறத்தைச் சுற்றி படிந்து, படலங்களை உருவாக்குகின்றன, இவை நியூரான்களுக்கு இடையிலான தகவல்தொடர்புக்கு இடையூறாக இருக்கின்றன. இது இறுதியில் நியூரான்களின் செல் இறப்புக்கும், மொழி, நினைவகம் மற்றும் திட்டமிடலுக்குத் தேவையான பகுதிகளில் உள்ள கார்டெக்ஸ் எனப்படும் புறணி (மூளைத் திசு) சுருங்குவதற்கும் வழிவகுக்கிறது.

கூடுதல் தகவல்கள் ஆல்சைமர் நோய்க்கான டௌ விளக்கம்

மற்றொரு பொதுவான விளக்கம் என்னவென்றால், நியூரான் செல்களுக்குள் டௌ புரதத்தால் ஆன நச்சுக் கட்டிகள் உருவாகுவதாகும். இந்த நச்சுக்கட்டிகள் நியூரோஃபைப்ரிலரி டேங்கிள்கள் (மூளையிலுள்ள நியூரான்களுக்குள் உருவாகும் புரதங்களின் நச்சுக்கட்டிகள்) என்று அழைக்கப்படுகின்றன, இவை இரண்டும் ஒரு நபருக்கு ஆல்சைமர் நோய் இருக்கிறதா என்பதைக் குறிக்கும் உயிரியல் குறிகாட்டிகளாகக் கருதப்பட்டாலும், ஆல்சைமர் நோய் இல்லாத வயதானவர்களின் மூளைகளில் அமிலாய்டு புரத படலங்கள் சிதறிய நிலையில் பொதுவாகக் காணப்படுகின்றன. நியூரோஃபைப்ரில்லரி நச்சுக்கட்டிகள் சிதைக்கப்பட்ட நியூரைட்டுகளில் அமிலாய்டு புரதம் அதிக அடர்த்தியாக நிரம்பியிருக்கும் நியூரிடிக் படலங்கள் ஆனது ஆல்சைமர் நோய்க்கான மிகவும் குறிப்பிட்ட குறிப்பானாகக் கருதப்படுகின்றன.

ஆல்சைமர் நோய் எவ்வளவு பொதுவானது?

படம்: வயது வாரியாக அமிலாய்டு-பீட்டா தொடர்பான ஆல்சைமர் நோயின் உலகளாவிய பரவல் நிலை, adapted from Gustavsson et. al)

முறையான நோயறிதலுக்கான அளவுகோலை விட அறிகுறியின் தீவிரம் குறைவாக உள்ளவர்களைத் தவிர்த்து (மருத்துவ ரீதியான அறிகுறிகளுக்கு முந்தைய ஆல்சைமர் நோய்), உலகளவில் சுமார் 32 மில்லியன் மக்களுக்கு ஆல்சைமர் நோயுள்ளதாக மதிப்பிடப்பட்டுள்ளது3.

ஆல்சைமர் நோயின் பரவல் நிலை குறித்து பார்க்கும்போது, வயது என்பது மிக முக்கியமான காரணியாக உள்ளது. 65 வயதைத் தாண்டி ஒவ்வொரு 5 வயது அதிகரிப்பிலும், ஆல்சைமர் நோயின் பரவல் நிலை தோராயமாக இரட்டிப்பாகிறது. 85 வயது மற்றும் அதற்கு மேற்பட்டவர்களிடத்தில் குறைந்தது 25% பேருக்கு ஆல்சைமர் நோய் இருப்பதாக மதிப்பிடப்பட்டுள்ளது.

ஆயுட்காலத்தில் காணப்படும் பாலின ரீதியான வித்தியாசங்களைக் கருத்தில் கொண்டு பார்த்தாலும் கூட, ஆண்களை விட பெண்களுக்கு ஆல்சைமர் நோய் வருவதற்கான வாய்ப்புகள் அதிகமாக உள்ளது.2

ஆல்சைமர் நோயின் முக்கிய அறிகுறிகள்

ஆல்சைமர் நோய் வீரியமடையும் செயல்பாட்டு மற்றும் அறிவாற்றல் குறைபாட்டை ஏற்படுத்துகிறது. பொதுவாக, நோயின் ஆரம்ப கட்டத்தில், இந்நோயுள்ள நபர் மருத்துவ ரீதியான அறிகுறிகளுக்கு முந்தைய நிலை எனப்படும் ஒரு கட்டத்திற்கு உட்படுவார், அதன்போது அறிகுறிகள் எதுவும் தோன்றாமல் இருக்கும் அல்லது மிகவும் லேசானதாக இருக்கும், அந்த நபருக்கு லேசான மறதி இருக்கும், ஆனால் அன்றாட நடவடிக்கைகளில் செயல்பாட்டு ரீதியான குறைபாடு எதுவும் தென்படாமல் இருக்கலாம்.

லேசான நிலையில், அந்த நபருக்கு ஒரு விஷயத்தில் கவனம் செலுத்துவதிலும் விஷயங்களை நியாபகம் வைத்துக் கொள்வதிலும் சிரமங்கள் இருக்கலாம். அவர்கள் தான் இருக்கும் இடம் மற்றும் நேரம் குறித்து புரிந்து கொள்ள முடியாத நிலையிலும் இருக்கலாம், மேலும் அவர்கள் மனநிலையில் ஏற்ற இறக்கங்கள் அல்லது சோர்வான மனநிலையையும் அனுபவிக்கக்கூடும்.

ஆல்சைமர் நோயின் மிதமானது முதல் தீவிரமான நிலையில், அந்த நபருக்கு நினைவுத்திறன் இழப்பு அதிகமாகும், அவருக்கு தனது குடும்பம் மற்றும் நண்பர்களை அடையாளம் காண்பதில் சிரமம் இருக்கலாம். அவரது உந்துசக்தி கட்டுப்பாடு, வாசிப்பு, எழுத்து மற்றும் பேச்சுத்திறன் பாதிக்கப்படலாம். இறுதியில், மூளையின் இயக்கச் செயல்பாட்டிற்கான பகுதிகள் பாதிக்கப்படும்போது மற்றும் விழுங்குவதிலும் சிறுநீர் கழிப்பதிலும் சிரமம் ஏற்படும்போது அவர் படுக்கையில் இருக்க நேரிடலாம்.

65 வயதிற்கு முன்பே அறிகுறிகள் தோன்றினால், அந்த நபருக்கு இளவயது ஆல்சைமர் நோய் இருப்பதாகக் கூறப்படுகிறது. பெரும்பாலான சூழல்களில் 65 வயதிற்குப் பிறகே இந்நோய் கண்டறியப்படுகின்றன, இது தாமதமாகத் தொடங்கும் ஆல்சைமர் நோய் என்று அழைக்கப்படுகிறது. தாமதமாகத் தொடங்கும் ஆல்சைமர் நோயில், கார்டெக்ஸ் மற்றும் ஹிப்போகாம்பஸில் (நினைவாற்றலுக்குப் பொறுப்பான மூளைப் பகுதி) கட்டமைப்பு மாற்றங்கள் லேசான அறிவாற்றல் குறைபாட்டுடன் மட்டுமே காணப்படுகின்றன. இந்நிலையில், அறிகுறிகளை சமாளித்து, அதிலிருந்து மீளவும் முடியும், அதனால்தான் ஆல்சைமர் நோய்க்கான முன்கூட்டியே பரிசோதிப்பது முன்கணிப்பில் பெரிய தாக்கத்தை ஏற்படுத்தும்

கலப்பு முதுமைக்கால மறதி நோய்: ஒன்றுக்கும் மேற்பட்ட முதுமைக்கால மறதி நோய்

ஒருவருக்கு கலப்பு முதுமைக்கால மறதி நோயும் ஏற்படலாம், இது ஒருவருக்கு ஒன்றுக்கும் மேற்பட்ட வகை முதுமைக்கால மறதி நோய் இருக்கும்போது ஏற்படுகிறது. கலப்பு முதுமைக்கால மறதி நோயின் பெரும்பாலான நிகழ்வுகள் ஆல்சைமர் மற்றும் இரத்தநாளம் சார்ந்த முதுமைக்கால மறதி நோயுடன் ஏற்படுகின்றன, ஏனெனில் இவை இரண்டும் முதுமைக்கால மறதி நோயின் மிகவும் பொதுவான இரண்டு வகைகளாக காணப்படுகின்றன. கலப்பு முதுமைக்கால மறதி நோய் உள்ளவர்களுக்கு இரண்டு வகை முதுமைக்கால மறதி நோயின் அறிகுறிகளும் இருக்கும், அவற்றுள் ஒரு வகை முதுமைக்கால மறதி நோயின் அறிகுறிகள் பெரும்பாலும் அதிகமாக

ஆல்சைமர் நோய்க்கான மரபணு ஆபத்து

தாமதமாகத் தொடங்கும் ஆல்சைமர் நோயுடன் ஒப்பிடுகையில், இளவயது ஆல்சைமர் நோய் ஆனது பரம்பரை மரபணு ஆபத்து காரணிகளால் ஏற்பட அதிக வாய்ப்புள்ளது. இதன் பொருள், உயிரியல் ரீதியாக உங்களுக்கு தொடர்புடைய ஒருவருக்கு இளவயது ஆல்சைமர் நோய் இருந்தால், உங்களுக்கு அந்த நோய் உருவாக அதிக வாய்ப்பு இருக்கலாம். ஆல்சைமர் நோயின் மரபணு ஆபத்து குறித்து ஒருவர் பரிசோதிக்கப்படும்போது, ​​அவர் பின்வருவனவற்றிற்காக பரிசோதிக்கப்படுவார்:

  • இறுதியில் அமிலாய்டு-பீட்டா புரதங்களை உருவாக்குகின்ற புரதங்களுக்கான குறியீட்டு மரபணுக்களில் ஏற்படும் பிறழ்வுகள்.
  • அமிலாய்டு புரதத்தை அகற்றுவதில் ஈடுபடும் செக்ரெடேஸ் நொதிகளின் செயல்பாட்டைக் கட்டுப்படுத்தும் புரதங்களில் ஏற்படும் பிறழ்வுகள்.

நியூரான்களின் செல் சவ்வுக்கு அருகிலுள்ள கொலஸ்டிரால் (Cholesterol) அளவுகள், இவை செக்ரெடேஸ் நொதிகளின் செயல்பாட்டையும் பாதிக்கின்றன. அதிக கொலஸ்டிரால் அளவு நியூரான்களில் உள்ள லிப்பிட் வளர்சிதை மாற்ற மண்டலத்தின் (கொழுப்புகளின் சேமிப்பகம் மற்றும் செரிமான மண்டலம்) சமநிலையை சீர்குலைக்கிறது, இது அமிலாய்டு படலங்கள் விரைவாக உருவாவதை ஊக்குவிக்கிறது. இதன் காரணமாக, லிப்பிட் வளர்சிதை மாற்றத்தில் ஈடுபடும் அபோலிபோபுரோட்டீன் E (ApoE) எனப்படும் நியூரான்களுக்குள் இருக்கும் ஒரு புரதம், ஆல்சைமர் நோய் அபாயத்துடனான அதன் தொடர்பு குறித்தும் ஆராய்ச்சியாளர்களால் தீவிரமாக ஆய்வு செய்யப்படுகிறது. இந்தப் புரதத்தில் பல வடிவங்கள் உள்ளன, ஆனால் நம்மில் பெரும்பாலோருக்கு இதன் மூன்று பொதுவான வடிவங்களில் ஒன்றினுடைய மரபணுவே உள்ளது.  ApoE2 மரபணு உள்ள நபர்களுக்கு ஆல்சைமர் நோய் ஏற்படுவதற்கான ஆபத்து குறைவாக உள்ளதாக கருதப்படுகிறது, அதே நேரத்தில் ApoE4 மரபணு உள்ள நபர்களுக்கு இளவயது அல்லது தாமதமாகத் தொடங்கும் ஆல்சைமர் நோய் ஏற்படுவதற்கான ஒட்டுமொத்த ஆபத்து அதிகமாக உள்ளது.

இந்தக் குறிப்பிட்ட மரபணுக்களைக் கொண்டிருப்பது ஆல்சைமர் நோய்க்கான அபாயத்தை அதிகரிக்கிறது என்கிறபோதிலும் இந்நோய் கண்டிப்பாக ஏற்படும் என்ற உத்தரவாதம் கிடையாது என்பதைக் கவனத்தில் கொள்ள வேண்டும். இத்தகைய மரபணு பரிசோதனைகள், ஆல்சைமர் நோய் ஏற்படும் அபாயத்தில் உள்ள நபர்களுக்கு ஆலோசனை வழங்க உதவுகின்றன, இதன் மூலம் அவர்கள் வாழ்க்கை முறை மாற்றங்களைச் செய்து இந்நோயின் அபாயத்தை நிர்வகிக்கலாம். இந்த மரபணு ஆபத்து காரணிகள் இளவயது ஆல்சைமர் நோய் ஏற்படுவதில் ஆதிக்கம் செலுத்துகின்றன, ஆனால் தாமதமாகத் தொடங்கும் ஆல்சைமர் நோயை உருவாக்கும் அபாயத்தில் கூடுதல் விளைவைக் கொண்டிருப்பதாகத் தோன்றும் 20க்கும் மேற்பட்ட மரபணுக்கள் உள்ளன.

அபாயத்தை நிர்வகித்தல்

ஆல்சைமர் நோய் லிப்பிட் வளர்சிதை மாற்றத்துடன் தொடர்புடையது என்பதால், உடல் பருமன், உயர் இரத்த அழுத்தம் மற்றும் டிஸ்லிபிடெமியா போன்ற பல நாள்பட்ட மருத்துவ நோய்களும் ஆல்சைமர் நோயுடன் தொடர்புடையதாக உள்ளன. எனவே, ஒருவரின் வாழ்க்கை முறை பழக்கவழக்கங்கள் இந்த நோய் ஏற்படுவதற்கான அபாயத்தை அதிகரிக்கக்கூடும். இவற்றுள் அடங்குவன:

  • போதிய உடற்பயிற்சி இல்லை
  • அடிக்கடி அல்லது அதிகம் மது அருந்துவது
  • புகைப்பழக்கம்
  • அதிக கொழுப்புள்ள அல்லது அதிக சர்க்கரையுள்ள உணவுமுறையைக் கொண்டிருப்பது
  • போதிய தூக்கம் இல்லை

வாழ்க்கை முறை மற்றும் மரபணு காரணிகளைத் தவிர, தலையில் காயம் மற்றும் காற்று மாசுபாடு மற்றும் கன உலோக வெளிப்பாடு போன்ற சுற்றுச்சூழல் காரணிகளும் ஆல்சைமர் நோய் ஏற்படுவதற்கான ஒருவரின் அபாயத்தை அதிகரிக்கக்கூடும். ஆல்சைமர் நோய் மற்றும் பிற வகை முதுமைக்கால மறதி நோய் ஏற்படுவதற்கான அபாயத்தை நிர்வகிப்பது பற்றி நீங்கள் இங்கே மேலும் படிக்கலாம்.

நோயறிதல் சோதனை

நோயறிதல் செயல்முறை பெரும்பாலும் அந்த நபரின் மருத்துவ வரலாறு மற்றும் கவனிக்கப்படும் அறிவாற்றல் மற்றும் நடத்தை ரீதியான மாற்றங்களை பரிசீலனை செய்வதன் மூலம் தொடங்குகிறது. அந்த நபர் எடுத்துக்கொள்ளும் மருந்துகள் பற்றியும், குடும்பத்தில் உள்ள பிறருக்கு ஆல்சைமர் நோய் இருப்பது கண்டறியப்பட்டதா என்பது குறித்தும் மருத்துவர் கேட்பார். அறிவாற்றல் மற்றும் நடத்தை அறிகுறிகள் கவலைக்குரியவையா என்பதையும், அவை தினசரி செயல்பாட்டைக் கணிசமாகப் பாதிக்கின்றனவா என்பதையும் தீர்மானிக்க, மினி-மென்டல் ஸ்டேட் எக்ஸாம் (MMSE) மற்றும் மாண்ட்ரீல் அறிவாற்றல் மதிப்பீடு (MoCA) போன்ற அறிவாற்றல், செயல்பாட்டு மற்றும் நடத்தை பரிசோதனைகளை மேற்கொள்ளுமாறு அந்த நபரிடம் கேட்கப்படலாம்.

இதைத் தொடர்ந்து பெரும்பாலும் மேக்னெட்டிக் ரெசோனன்ஸ் இமேஜிங் (MRI) அல்லது கம்ப்யூட்டட் டோமோகிராபி (CT) போன்ற மூளைக்கான இமேஜிங் ஸ்கேன்கள் செய்யப்படும். இது நோயறிதலை ஆதரிக்கும் வகையில், கார்டெக்ஸில் சுருக்கம் போன்ற கட்டமைப்பு மாற்றங்கள் ஏற்பட்டுள்ளதா, அல்லது ஆல்சைமர் நோயால் பாதிக்கப்பட்டவர்களுக்கு ஏற்படுவதைப் போன்ற அறிகுறிகளை ஏற்படுத்தக்கூடிய பிற மருத்துவ நோய்கள், அதாவது பக்கவாதம் அல்லது மூளைக் கட்டிகள் உள்ளதா என்பதை மருத்துவர் மதிப்பிட அனுமதிக்கிறது.

ஆல்சைமர் நோயுடன் தொடர்புடைய அமிலாய்டு-பீட்டா அல்லது டௌ போன்ற அசாதாரண புரத அளவுகளைச் சரிபார்க்க, மூளைத் தண்டுவட திரவம் மற்றும் இரத்தப் பரிசோதனைகள் உள்ளிட்ட கூடுதல் பரிசோதனைகளும் மேற்கொள்ளப்படலாம்.

முழு நோயறிதல் செயல்முறை பற்றிய கூடுதல் தகவலுக்கு, இந்தக் கட்டுரையைப் படித்திடுங்கள்.

எனக்கோ அல்லது என் அன்புக்குரியவருக்கோ நான் எவ்வாறு ஆதரவைப் பெறுவது?

உங்களுக்குத் தெரிந்த ஒருவருக்கு அல்லது உங்களுக்கே ஆல்சைமர் நோய் ஏற்படும் அபாயம் இருப்பதாக நீங்கள் கவலைப்பட்டால், உங்கள் பொது மருத்துவர் (GP) அல்லது குடும்ப மருத்துவரைப் பரிந்துரைக்காக அணுகலாம் அல்லது நோயறிதலைப் பெறுமாறு அவர்களை ஊக்குவிக்கலாம். பின்வருவனவற்றின் மூலம் நோயறிதலைப் பற்றி மேலும் அறிந்திடுங்கள்:

நீங்கள் சமூகத்தைச் சென்றடையும் குழுவையும்(CREST) தொடர்பு கொள்ளலாம். ஆதரவைப் பெற, 6377 0700 என்ற எண்ணில் டிமென்ஷியா சிங்கப்பூர் உதவி எண்ணை அழைத்திடுங்கள்.

Video: I Was An SAF Commando. Alzheimer’s Won’t Stop The Fighter In Me

Source: CNA Insider

சிங்கப்பூர் ஆயுதப்படை (SAF) முன்னாள் அதிகாரி பீட்டர் எஸ்ட்ராப், 61 வயதில் மிகவும் பொதுவான முதுமைக்கால மறதி நோய் வகைகளில் ஒன்றான ஆல்சைமர் நோயால் பாதிக்கப்பட்டுள்ளார். முன்னாள் அதிகாரியான இவர் அறிவாற்றல் வீழ்ச்சியை எதிர்கொள்கிறார், இது அவரது நினைவாற்றலைப் பாதிக்கிறது. இந்தக் காணொளியில், அவரும் அவரது மனைவி எவோனும் நோயறிதலுக்குப் பிறகு முதுமைக்கால மறதி நோயுடன் வாழ்வதற்கு எவ்வாறு அவர்களின் சூழலை மாற்றியமைத்துக் கொண்டனர் என்பது பற்றிப் பேசுகிறார்கள்.

கூடுதல் வளஆதாரங்கள்

Understanding Different Types of Dementia (PDF)
Source: National Institute on Aging

இந்தச சுவரொட்டி நான்கு பொதுவான முதுமைக்கால மறதி நோய் வகைகளை அவற்றின் பண்புகள் மற்றும் வேறுபாடுகள் அடிப்படையில் சுருக்கமாகக் கூறுகிறது.

Alzheimer’s disease and dementia: what everyone needs to know by Sabat, Steven R.
 Available for loan from the National Library Board

இந்த வழிகாட்டியில், முதுமைக்கால மறதி நோயை ஒரு நோயாக வரையறுத்து, அதன் அறிகுறிகள், முதுமைக்கால மறதி நோய் ஒருவரின் வாழ்க்கையை (அகநிலை அனுபவம், உணர்ச்சி நல்வாழ்வு மற்றும் சமூக வாழ்க்கை உட்பட) எவ்வாறு மாற்றும், முதுமைக்கால மறதி நோயின் உயிரியல் அம்சங்கள், அது எவ்வாறு கண்டறியப்படுகிறது மற்றும் முதுமைக்கால மறதி நோயுடன் வாழும் நபருடன் நேர்மறையான உறவைப் பேணுவதற்கு பராமரிப்பு கூட்டாளர்கள் என்ன செய்யலாம் என்பதை சபாத் கோடிட்டுக் காட்டுகிறார்.

இந்தக் கட்டுரை பயனுள்ளதாக இருந்ததா?

ஆம் இல்லை
×

Tell us how we can improve?

×

Thank you for your feedback!

Your feedback will really help us to improve our content to support those living with dementia.

Follow us on social media:

Facebook Pinterest

Read Next

குறிப்புகள்

  1. Alzheimer’s Association. What is Alzheimer’s Disease? (2024, November 10.)
  2. Breijyeh, Z., & Karaman, R. (2020). Comprehensive Review on Alzheimer’s Disease: Causes and Treatment. Molecules (Basel, Switzerland), 25(24), 5789. https://doi.org/10.3390/molecules25245789
  3. Gustavsson A, Norton N, Fast T, et al. Global estimates on the number of persons across the Alzheimer’s disease continuum. Alzheimer’s Dement. 2023; 19: 658–670. https://doi.org/10.1002/alz.12694

  4. Alzheimer’s Disease. Encyclopedia of the Neurological Sciences p. 91-96. Editors: Robert B. Daroff, Michael J. Aminoff Schachter AS, Davis KL. Alzheimer’s disease. Dialogues Clin Neurosci. 2000 Jun;2(2):91-100.

  5. Villamil-Ortiz, B.J.L. Eggen, G.P. Cardona-Gόmez, Chapter 26 – Lipids, beta-secretase 1, and Alzheimer disease. Editor(s): Colin R. Martin, Victor R. Preedy, Rajkumar Rajendram, Factors Affecting Neurological Aging, Academic Press, 2021, Pages 289-299.

  6. The Straits Times. Blood test could detect Alzheimer’s years before symptoms occur (2022,  December 6). https://www.straitstimes.com/world/united-states/blood-test-could-detect-alzheimer-s-years-before-symptoms-occur

The post ஆல்சைமர் நோய் appeared first on DementiaHub.SG.

]]> முதுமைக்கால மறதி நோய் எவ்வாறு கண்டறியப்படுகிறது? https://www.dementiahub.sg/ta/what-is-dementia/how-is-dementia-diagnosed/ Wed, 16 Aug 2023 01:51:43 +0000 https://www.dementiahub.sg/dementia/how-is-dementia-diagnosed/ நோயறிதல் செயல்முறைகளால், சுகாதாரப் பராமரிப்பு நிபுணர்கள் அடங்கிய ஒரு குழுவின் உதவியுடன், இந்த முதுமைக்கால மறதி நோய் போன்ற அறிகுறிகளை நீங்கள் நன்கு புரிந்துகொள்ள முடியும்.

The post முதுமைக்கால மறதி நோய் எவ்வாறு கண்டறியப்படுகிறது? appeared first on DementiaHub.SG.

]]>

கவனமாகக் கேளுங்கள்

5 நிமிட வாசிப்பு

முதுமைக்கால மறதி நோய் போன்ற அறிகுறிகளை அனுபவிக்கின்ற ஒரு நபராக, அல்லது அந்நபரின் நெருங்கிய குடும்ப உறுப்பினர் அல்லது நண்பராக, மருத்துவரைச் சந்திக்கும்போது என்ன நடக்கும் என்று நீங்கள் யோசிக்கலாம்.

நோயறிதல் செயல்முறைகளால்,  சுகாதாரப் பராமரிப்பு நிபுணர்கள் அடங்கிய ஒரு குழுவின் உதவியுடன், இந்த முதுமைக்கால மறதி நோய் போன்ற அறிகுறிகளை நீங்கள் நன்கு புரிந்துகொள்ள முடியும்.

நோயறிதல் செயல்முறையின் கண்ணோட்டம்

இச்செயல்முறையில் சுகாதாரப் பராமரிப்பு நிபுணர்கள் உடனான சில அமர்வுகள் முதல் பல அமர்வுகள் அடங்கியுள்ளன. இது பெரும்பாலும் ஒரு தனியார் மருத்துவர் (GP) அல்லது குடும்ப மருத்துவரைப் பலதுறை மருந்தகம் அல்லது GP சிகிச்சையகத்தில் சந்திப்பதில் இருந்து தொடங்குகிறது. GP அல்லது மருத்துவர் ஒரு தொடக்கத் சோதனை மற்றும் கலந்தாய்வை நடத்துவார். 

GP அல்லது குடும்ப மருத்துவர், முதுமைக்கால மறதி நோய் போன்ற அறிகுறிகளை அனுபவிக்கும் நபரை மேற்கொண்டு கலந்தாலோசனைகள் மற்றும் மதிப்பீடுகளுக்காக ஒரு சிறப்புக் குழுவிடம் அல்லது நரம்பியல் நிபுணர், மூத்தோர் மருத்துவர் அல்லது மனநல மருத்துவர் போன்ற நிபுணர்களிடம் சில அமர்வுகள் முதல் பல அமர்வுகளுக்காகப் பரிந்துரைக்கலாம். 

இந்த அமர்வுகளில், ஒரு நபருக்கு முதுமைக்கால மறதி நோய் இருக்கிறதா என்பதையும், சாத்தியமிருந்தால், அவருக்கு என்ன வகையான முதுமைக்கால மறதி நோய் உள்ளது என்பதையும் கண்டறிய கலந்தாலோசனைகள், மருத்துவ வரலாற்றை விரிவாகக் கேட்டறிவது, இரத்தப் பரிசோதனைகள், அறிவாற்றல் சோதனைகள் மற்றும் மூளை ஸ்கேன் ஆகியவை அடங்கும். 

பல்வேறு வகையான முதுமைக்கால மறதி நோய் பற்றி மேலும் படியுங்கள்.

மருத்துவரைச் சந்திக்க வரும்போது, உங்கள் நம்பிக்கைகுரிய ஒருவரை உடன் அழைத்து வரவும்

நோயறிதல் செயல்முறைக்கு உட்படும் நபர்கள், அவர்களை நன்கு அறிந்த நம்பிக்கைகுரிய ஒருவருடன் வருமாறு நாங்கள் ஊக்குவிக்கிறோம்; அவர் இந்நோய் இருப்பதாகக் கண்டறியப்பட்ட நபருடன் வசிக்கின்ற ஒருவராக அல்லது நெருக்கமாக இருக்கின்ற குடும்ப உறுப்பினர்கள் மற்றும் நண்பர்களாக இருக்கலாம். மருத்துவருடனான முதல் வருகையின் போது இது மிகவும் முக்கியமாகும். 

உடன் வரும் நபர், நோயறிதல் செயல்முறையில் உதவக்கூடிய முக்கியமான தகவல்களை வழங்குகின்ற ஒரு தகவல் அளிப்பவராகச் செயல்படலாம். 

அதோடு, இந்த நபர் நோயறிதல் சோதனை செய்யப்படும் நபருக்கு மேற்கொண்டு நோயறிதல் அமர்வுகளைத் தொடர உதவலாம். இந்தப் பயணம் சவாலானதாக இருப்பதால், நோயறிதல் செயல்முறைக்கு உட்படுகின்ற நபருடன் இணைந்து பயணிக்கும் அவர்கள் ஆதரவின் ஆதாரமாகவும் இருக்கலாம். 

நோயறிதல் செயல்முறைக்கு உட்படும் நபர்கள் தங்களின் நியமன சந்திப்புகளுக்கு ஒருவரை அழைத்து வருவது மிகவும் உதவியாக இருக்கும்.

நோயறிதல் செயல்முறையில் இந்த நடைமுறைகளை உள்ளடங்கியிருக்கலாம்

1. நேர்காணல்கள்

அறிகுறிகளை அனுபவிக்கும் நபரும், அவர்களை நன்கு அறிந்த, குடும்ப உறுப்பினர்களும்,  மருத்துவர் அல்லது செவிலியர் போன்ற சுகாதாரப் பராமரிப்பு நிபுணர்களால் நேர்காணல் செய்யப்படுவார்கள். 

சுகாதாரப் பராமரிப்பு நிபுணர்கள் பெரும்பாலும் பின்வருவன குறித்து மேலும் விரிவான தகவல்களைக் கேட்பார்கள்: 

  • அந்நபர் என்ன அறிகுறிகளை அனுபவித்தார், எப்போது அனுபவித்தார், எவ்வளவு காலத்திற்கு அனுபவித்தார். அறிகுறிகளில் நினைவுத்திறன் இழப்பு, மொழிப் பிரச்சினைகள், போகும் திசை தெரியாமல் தடுமாறுவது, ஒருவரின்  மனநிலை மற்றும் நடத்தையில் ஏற்பட்டுள்ள மாற்றங்கள் மற்றும் திட்டமிடுவதற்கான ஒருவரின் திறனில் உள்ள பிரச்சினைகள் ஆகியவை அடங்கும். 
  • இந்த அறிகுறிகள் அந்நபரின் அன்றாடப் பணிகள் மற்றும் நடைமுறைகளை எவ்வாறு பாதித்தன
  • மருத்துவ வரலாறு, ஏதேனும் நடத்தை மற்றும் உளவியல் சார்ந்த அறிகுறிகளின் இருப்பு மற்றும் அந்நபர் எடுத்துக் கொள்கின்ற மருந்துகள் மற்றும் குறைநிரப்பிகள் உள்ளிட்ட அந்நபரின் பின்னணி 
  • அந்நபரின் கல்வி மற்றும் வேலை சார்ந்த பின்னணி 
 
முதுமைக்கால மறதி நோயின் அறிகுறிகளைப் புரிந்துகொள்ள மேற்கொண்டு படியுங்கள்.

நோயறிதல் செயல்முறையானது அந்நபரின் நிலையைப் பற்றிய நேர்காணல்களை உள்ளடக்கியிருக்கும்.

2. தற்போதுள்ள பிற மருத்துவ நிலைகளுக்கான பரிசோதனைகள்

பிற மருத்துவ நிலைகள் இருப்பதை நிராகரிக்க அல்லது அடையாளம் காண, மருத்துவர்கள் பெரும்பாலும் முதுமைக்கால மறதி நோயைத் தவிர வேறு நோய் நிலைகளுக்காகப் பரிசோதிப்பார்கள். இந்த நோய் நிலைகள் முதுமைக்கால மறதி நோய் போன்ற அறிகுறிகளை இன்னும் கடுமையானதாக ஏற்படுத்தலாம், பங்களிக்கலாம் அல்லது உருவாக்கலாம்.   

இந்த நோய் நிலைகளில் சிலவற்றில் மனச்சோர்வு போன்ற மனநிலைக் கோளாறுகள்; பக்கவாதம்;  தீவிர மூளைக் காயங்கள் (Traumatic Brain Injury, TBI); நரம்பியல் சார்ந்த நோய் நிலைகள்; உளக்குழப்பம்; மற்றும் மனநோய் போன்ற மனநல நோய் நிலைகள் அடங்கும்.  

முதுமைக்கால மறதி நோய் போன்ற அறிகுறிகளை வெளிப்படுத்தும் பிற நோய் நிலைகள் பற்றிய கூடுதல் தகவல்களைக் கண்டறியுங்கள்.

3. அறிவாற்றல் தகுதிச் சோதனை மற்றும் மதிப்பீடுகள்

அறிவாற்றல் குறைபாடு தான் முதுமைக்கால மறதி நோயின் முக்கிய அறிகுறியாக இருப்பதால், அறிவாற்றல் மற்றும் மொழிச்சார்ந்த சோதனைகள் (உதாரணமாக, நோக்குநிலை மற்றும் குறுகிய மற்றும் நீண்டகால நினைவாற்றல் சோதனைகள்) நடத்தப்படுகின்றன. 

4. இரத்தப் பரிசோதனைகள்

அந்நபரின் அறிகுறிகளுக்குப் பங்களிக்கக்கூடிய பிற கோளாறுகளின் குறிப்பான்களைப் பரிசோதிப்பதன் மூலம் பிற நோய் நிலைகளை விலக்க  இரத்தப் பரிசோதனைகள் நடத்தப்படுகின்றன.  

5. மூளைப் படமாக்கல்

இரத்தப் பரிசோதனைகள் பிற சாத்தியமான மருத்துவ நிலைகளை விலக்கிய பிறகு சிலநேரங்களில் மூளை ஸ்கேன் செய்யப்படுகிறது. மூளை ஸ்கேன் செய்யப்படும் போது, அந்​​நபரின் தலை மட்டுமே ஸ்கேன் செய்யப்படுகிறது.  

இந்த மூளை ஸ்கேன்களில் காந்த அதிர்வுப் படமாக்கம் (Magnetic Resonance Imaging, MRI), கம்ப்யூட்டரைஸ்டு டோமோகிரஃபி (Computerized Tomography, CT) அல்லது பாசிட்ரான் எமிஷன் டோமோகிராபி (Positron Emission Tomography, PET) ஸ்கேன் ஆகியவை அடங்கும்.  

சிலநேரங்களில், ஒன்றுக்கும் மேற்பட்ட மூளைப் படமாக்கல் ஸ்கேன் செய்யப்படும், இதன்மூலம் மருத்துவக் குழுவால் வெவ்வேறு மூளை ஸ்கேன்களின் முடிவுகளைப் பயன்படுத்தி அந்நபரின் அறிகுறிகளை நன்கு புரிந்துகொள்ள முடியும்.  

இந்த வெவ்வேறு வகையான மூளை ஸ்கேன்கள்,  அந்நபர் அசையாமல் படுத்திருக்கும் வேளையில் ஸ்கேன் செய்யப்படும். மருத்துவர் எந்த வகையான மூளை ஸ்கேனைப் பயன்படுத்துகிறார் என்பதைப் பொறுத்து, சுமார் 30 நிமிடங்கள் முதல் 90 நிமிடங்கள் வரை எடு க்கும்.

மேலே உள்ள படத்தில், நோயாளி படமாக்கல் செய்யுமுன் படுத்துக் கொள்வார், அப்போது ஒரு சுகாதாரப் பராமரிப்பு நிபுணர் அவரை செய்யு தயார்படுத்துவார். MRI, CT மற்றும் PET ஸ்கேன்களை நடத்தப் பயன்படுத்தப்படும் இயந்திரங்கள் அனைத்தும், மேலே படத்தில் உள்ள வெள்ளையான, வட்டமான பொருளைப் போன்று வடிவத்தில் உள்ளன.

நோயாளிக்குப் பின்வருவன உள்ளதா என்பதை நோயாளி அல்லது அவரைப் பராமரிப்பவர் மருத்துவக் குழுவுக்குத் தெரிவிக்க வேண்டும்: 

  • கர்ப்பமாக இருக்கிறாரா 
  • மூடிய இடம் பற்றிய பீதி, ஏனெனில் நோயாளியின் தலையைச் சுற்றியுள்ள இயந்திரத்தை அவர் ஒரு சிறிய, மூடப்பட்ட இடமாக உணரலாம் 
  • ஸ்கேனிங் இயந்திரங்கள் செயல்படும் போது அவை அவ்வப்போது தட்டும் சத்தங்களை உருவாக்கும் என்பதால், உரத்த ஒலிகளைப் பொறுத்துக்கொள்வதற்குச் சிரமமாக உணர்வது 
  • ஸ்கேன் செய்யும்போது  போது அசையாமல் படுத்திருக்க இயலாமல் போகலாம்

 

நோயாளி மனப்பதற்றத்துடன் இருந்தால் மற்றும் ஸ்கேன் செய்வதற்காக அசையாமல் படுத்திருக்க முடியாவிட்டால், அவருக்கு ஒரு சிறிய அளவிலான மயக்க மருந்து கொடுக்கப்படலாம், அது ஒரு நபரை அமைதிப்படுத்தப் பயன்படும் மருந்தாகும். . 

நோயாளியை ஒரு கதிரியக்கவியல் நிபுணரும் (நோய் நிலைகளைக் கண்டறிந்து சிகிச்சையளிப்பதற்கான மருத்துவப் படமாக்கல் தொழில்நுட்பங்களைப் பயன்படுத்துவதில் நிபுணத்துவம் பெற்ற மருத்துவர்), ஒரு கதிர்வீச்சுப்பட நுட்பரும் (ஸ்கேன் செய்யும் இயந்திரங்களை இயக்குகின்ற ஒரு சுகாதாரப் பராமரிப்பு நிபுணர்) கவனித்துக்கொள்வார்கள்.  

  • MRI, CT மற்றும் PET மூளை ஸ்கேன்கள் பற்றிய தகவல்கள்  
காந்த அதிர்வுப் படமாக்கம் (MRI)

இது மூளையின் படங்களை உருவாக்குவதற்குக் காந்த அலைகளைப் பயன்படுத்துகின்ற ஒரு வலியற்ற, ஊடுருவாத வழியாகும்.  

ஸ்கேனுக்காகத் தயாராதல் 

விதிப்படி நோயாளிகள் MRI ஸ்கேன் அறைக்குள் உலோகப் பொருட்களை அணிந்து செல்லவோ, கொண்டு செல்லவோ அனுமதியில்லை. உலோகப் பொருளை அகற்ற முடியாவிட்டால், உடனடியாக மருத்துவக் குழுவுக்குத் தெரிவிக்க வேண்டும். 

நோயாளிக்குப் பின்வருவன உள்ளதா என்பதைப் பற்றி மருத்துவக் குழுவிடம் கூறுவது முக்கியமாகும்:

  • மருத்துவ உள்வைப்புகள் (உதாரணமாக, கோக்லியர் உள்வைப்புகள், இதயம் சார்ந்த இதயமுடுக்கிகள், மூளை இரத்தக்கலன் புடைப்புக் கவ்விகள், அவர்களின் முதுகுத்தண்டு அல்லது மூட்டுகளில் உள்ள உலோக உள்வைப்புகள்) 
  • பச்சைக் குத்தல்கள், இதில் சிறிய அளவு உலோகங்கள் அடங்கிருக்கலாம்    

நோயாளிகள் பின்வருவனவற்றை அகற்றும்படி கேட்கப்படுவார்கள்:

  • துணைக்கருவிகள் மற்றும் நகைகள் 
  • பொய் பற்கள் 
  • கேட்டலுதவிச் சாதனங்கள் 
  • பொய் தலைமுடி (விஃகுகள்)    

சிறிய அளவிலான உலோகங்களைக் கொண்டிருக்கும் ஒப்பனை, நகப் பூச்சு, வியர்வை அடக்கிகள் அல்லது சன்ஸ்கிரீன்கள் போன்ற தயாரிப்புகளை அகற்றுமாறு அல்லது அவற்றின் பயன்பாட்டைக் குறைக்குமாறு நோயாளி அறிவுறுத்தப்படுவார்.  

ஸ்கேனின் போது 

ஸ்கேனிங் செயல்முறை 30 முதல் 90 நிமிடங்கள் வரை நீடிக்கும். இந்த நேரத்தில், நோயாளிகள் MRI படங்களை எடுக்க அசையாமல் படுத்திருக்க வேண்டும். 

கம்ப்யூட்டரைஸ்டு டோமோகிராஃபி (Computerized Tomography, CT) ஸ்கேன்

இது மூளையின் குறுக்குவெட்டுப் படங்களை ஸ்கேன் செய்து உருவாக்குவதற்கான ஒரு வலியற்ற, ஊடுருவாத வழியாகும். 

ஸ்கேனுக்காகத் தயாராதல் 

தெளிவான படங்கள் எடுக்கப்படுவதை உறுதிசெய்வதற்காக, ஸ்கேன் செய்வதற்குச் சில மணிநேரங்களுக்கு முன்பு நோயாளி எதையும் சாப்பிடாமல் அல்லது குடிக்காமல் இருக்குமாறு அறிவுறுத்தப்படலாம். 

கூடுதலாக, நோயாளிகள் ஸ்கேன் செய்வதுடன் குறுக்கிடக்கூடிய ஏதேனும் உலோகப் பொருட்களை அகற்ற வேண்டும். 

ஸ்கேனின் போது 

CT ஸ்கேன் சுமார் 15 முதல் 30 நிமிடங்களை எடுத்துக் கொள்கிறது. இந்த நேரத்தில், நோயாளிகள் அசையாமல் படுத்திருக்க வேண்டும். குறிப்பிட்ட சில நேரங்களில் அவர் மூச்சைப் பிடித்துக் கொள்ளுமாறு அல்லது மூச்சை உள்ளிழுத்து வெளிவிடுமாறு கேட்டுக்கொள்ளப்படலாம். 

பாசிட்ரான் உமிழ்வு வெட்டுவரைவு (Positron Emission Tomography, PET)

இது மூளையின் படங்களை உருவாக்குகின்ற ஒரு வலியற்ற, ஊடுருவாத வழியாகும். 

ரேடியோடிரேசர் எனப்படும் பொருளால் உற்பத்தி செய்யப்படும் கதிர்வீச்சைக் கண்டறிவதன் மூலம் PET செயல்படுகிறது. ஸ்கேன் செய்வதற்கு முன் நோயாளியின் கரம் அல்லது கையில் உள்ள ஒரு நரம்புக்குள் ரேடியோடிரேசர் உட்செலுத்தப்படுகிறது.

முதுமைக்கால மறதி நோயைக் கண்டறிவதற்கான செயல்முறையில், அமிலாய்ட் மற்றும் டௌ எனப்படும் புரதங்களின் இருப்பைக் கண்டறிய PET ஸ்கேன்கள் பயன்படுத்தப்படுகின்றன. ஒரு நபருக்கு ஆல்சைமர் நோய் உருவாகும் போது அமிலாய்ட் மற்றும் டவு திரட்சி ஏற்படுகிறது, இது முதுமைக்கால மறதி நோயின் மிகவும் பொதுவான காரணமாகும்.

ஸ்கேனுக்காகத் தயாராதல் 

ஸ்கேன் செய்வதற்கு முன் 6 மணிநேரத்திற்குப் பட்டினி இருக்குமாறு நோயாளி அறிவுறுத்தப்படுவார், இருப்பினும் அவர் தண்ணீர் குடிக்கலாம்.  

கூடுதலாக, நோயாளிகள் ஸ்கேன் செய்வதுடன் குறுக்கிடக்கூடிய ஏதேனும் உலோகப் பொருட்களை அகற்ற வேண்டும்.  

ஸ்கேன் செய்வதற்கு சுமார் ஒரு மணிநேரத்திற்கு முன்பு, நோயாளியின் கரம் அல்லது கையில் உள்ள ஒரு நரம்பினுள் ரேடியோடிரேசர் உட்செலுத்தப்படும். ரேடியோடிரேசர் உடலின் வெவ்வேறு பகுதிகளுக்குச் செல்லும்போது நோயாளிகள் அசையாமலும் ஓய்வாகவும் இருப்பார்கள்.   

ஸ்கேனின் போது 

நோயாளிக்கு ரேடியோடிரேசர் கொடுக்கப்பட்டு ஒரு மணிநேரம் கடந்த பிறகு, PET ஸ்கேன் தொடங்கும். 

PET ஸ்கேன்கள் சுமார் 30 முதல் 60 நிமிடங்கள் வரை நீடிக்கும், அப்போது நோயாளிகள் அசையாமல் படுத்திருக்க வேண்டும். 

மேலும் தகவல்கள் மற்றும் ஆதரவை எங்கே பெறுவது

நோயறிதல் செயல்முறையைத் தொடங்குவது அச்சுறுத்துவதாக இருக்கலாம், ஆனால் நோயறிதல் செய்துகொள்வது அறிகுறிகளை அனுபவிக்கும் நபரின் வாழ்க்கை மற்றும் அவரது குடும்பங்களுக்குத் தெளிவை ஏற்படுத்துகிறது. நீங்கள் விரைவில் உதவி பெற்றால், முதுமைக்கால மறதி நோய்க்கான சிகிச்சை மற்றும் ஆதரவு முன்னதாகவே தொடங்கலாம். 

உங்களுக்கோ அல்லது உங்களுக்குத் தெரிந்தவருக்கோ முதுமைக்கால மறதி நோய் இருந்தால், ஆதரவு அல்லது தகவல்கள் தேவைப்பட்டால், ஆதரவை எவ்வாறு பெறுவது என்பது பற்றி மேலும் அறிய மக்கள்தொடர்புக் குழு (CREST)-ஐத் தொடர்பு கொள்ளவும் அல்லது 6377 0700 என்ற டிமென்ஷியா சிங்கப்பூரின் உதவித் தொலைப்பேசி எண்ணை அழைக்கவும். 

மேற்கோள்கள்


1. Kitwood, T. M. (1997). Dementia Reconsidered: The Person Comes First. Open University Press.

இந்தக் கட்டுரை பயனுள்ளதாக இருந்ததா?

ஆம் இல்லை
×

Tell us how we can improve?

×

Thank you for your feedback!

Your feedback will really help us to improve our content to support those living with dementia.

Follow us on social media:

Facebook Pinterest

The post முதுமைக்கால மறதி நோய் எவ்வாறு கண்டறியப்படுகிறது? appeared first on DementiaHub.SG.

]]> ஃப்ரெண்டொடெம்போரல் டிமென்ஷியா (Frontotemporal Dementia, FTD) https://www.dementiahub.sg/ta/what-is-dementia/frontotemporal-dementia/ Wed, 28 Jun 2023 09:12:02 +0000 https://www.dementiahub.sg/dementia/frontotemporal-dementia/ ஃப்ரெண்டொடெம்போரல் டிமென்ஷியா (Frontotemporal Dementia, FTD) என்பது மூளையின் முன்புற மடல் (நெற்றிக்குப் பின்னால்) மற்றும் மூளைப்பக்க மடல் (காதுக்கு அடுத்ததாக) ஆகியவற்றில் ஏற்படும் மாற்றங்களால் ஏற்படும் ஒரு அசாதாரண வகை முதுமைக்கால மறதி நோய் ஆகும்.

The post ஃப்ரெண்டொடெம்போரல் டிமென்ஷியா (Frontotemporal Dementia, FTD) appeared first on DementiaHub.SG.

]]>

கவனமாகக் கேளுங்கள்

5 நிமிட வாசிப்பு

ஃப்ரெண்டொடெம்போரல் டிமென்ஷியா (Frontotemporal Dementia, FTD) என்பது மூளையின் முன்புற மடல் (நெற்றிக்குப் பின்னால்) மற்றும் மூளைப்பக்க மடல் (காதுக்கு அடுத்ததாக) ஆகியவற்றில் ஏற்படும் மாற்றங்களால் ஏற்படும் ஒரு அசாதாரண வகை முதுமைக்கால மறதி நோய் ஆகும். 

இந்த அரிய நோய் நிலையை அறிய எங்களுடன் பயணம் செய்யுங்கள். 

ஃப்ரெண்டொடெம்போரல் முதுமைக்கால மறதி நோய் (Frontotemporal Dementia/FTD) என்பது என்ன?

முதுமைக்கால மறதி நோயின் அறிகுறிகள் மூளையில் மாற்றங்கள் எங்கு நிகழ்கின்றன என்பதைப் பொறுத்தது. FTD-யில், முன்பக்க மற்றும் மூளைப்பக்க மடல்களில் மாற்றங்கள் நிகழ்கின்றன.

மூளையின் முன்புற மற்றும் பக்கவாட்டுப் பகுதிகளில் முறையே முன்பக்க மற்றும் மூளைப்பக்க மடல்கள் உள்ளன.

முன்பக்க மற்றும் மூளைப்பக்க மடல்களில் உள்ள நரம்பணுக்கள் சேதமடைவது அல்லது சுருங்குவது FTD-க்குக் குறிப்பான அறிகுறிகளை ஏற்படுத்தலாம்.  

முன்பக்க மடல் சேதமானது பகுத்தறிவு, பணி நினைவகம், முடிவெடுத்தல், கவனம் செலுத்தல் மற்றும் நடத்தை சார்ந்த தடுப்பு போன்ற நிர்வாகச் செயல்பாடுகளை பாதிக்கலாம். 

மூளைப்பக்க மடல் சேதமானது காட்சிசார் பொருட்களை அடையாளம் அறிவது, ஒலி மற்றும் மொழியைப் பெறுவது மற்றும் செயலாக்குவது, மற்றும் பேசுவது போன்ற செயல்பாடுகளைப் பாதிக்கலாம்.

FTD-யும் வயதும் எவ்வாறு தொடர்புடையது?

மிகவும் பொதுவானவையாக உள்ள ஆல்சைமர் அல்லது வாஸ்குலர் டிமென்ஷியா போன்ற பிற வகையான முதுமைக்கால மறதி நோய்களுடன் ஒப்பிடும்போது, FTD வழக்கமாக இளைஞர்களிடம் உருவாகிறது. 

இந்த வயது வரம்பை விட இளையவர்கள் அல்லது பெரியவர்களுடன் ஒப்பிடும்போது 45-65 வயதுடையவர்களிடத்தில் FTD ஏற்படுவது மிகவும் பொதுவானதாக உள்ளது தென்கிழக்கு ஆசியாவில் 2013 நடத்தப்பட்ட FTD ஆய்வில் கருத்தாய்வு செய்யப்பட்டவர்களில் FTD நோயறிதலின் சராசரி வயது 58.9 ஆக இருந்தது. 1

இதன் பொருள், முதுமைக்கால மறதி நோயுடன் வாழ்கின்ற 65 வயதுக்கு மேற்பட்டவர்களை விட, இளம் வயதிற்குள் ஏற்படும் முதுமைக்கால மறதி நோயுடன் வாழ்பவர்களிடத்தில் FTD பொதுவாகக் காணப்படுகிறது. 

2013 முதல் 2017 வரை சிங்கப்பூரின் தேசிய நரம்பியல் கழகத்தில் (National Neuroscience Institute, NNI) காணப்பட்ட முதுமைக்கால மறதி நோயுடன் வாழ்பவர்களில், YOD-ஐக் கொண்டிருந்த 17% பேருக்கு FTD இருந்தது, 65 வயதில் அல்லது அதற்குப் பிறகு FTD தொடங்கியவர்களில் 7% பேர் மட்டுமே FTD நோயால் பாதிக்கப்பட்டிருந்தனர்.2

2013 முதல் 2017 வரை NNI-இல் காணப்பட்ட முதுமைக்கால மறதி நோயுடன் வாழ்பவர்களை விவரிக்கும் தேசிய நரம்பியல் கழகத்தின் (NNI) தரவுகள். 

FTD எவ்வளவு பொதுவானது?

FTD என்பது முதுமைக்கால மறதி நோயின் ஒப்பீட்டளவில் அரிதான ஒரு வடிவமாகும். 

முதுமைக்கால மறதி நோய்க்கான நோயறிதல்களில் எத்தனை சதவீதம் FTD நோயறிதல்கள் என்பதற்கான மதிப்பீடுகள் வேறுபடுகின்றன, மேலும் முதுமைக்கால மறதி நோய் நிகழ்வுகள் அனைத்திலும் 2.6 முதல் 5% 3, 4 வரை உள்ளன. 

அமெரிக்காவில், பொது மக்களிடம் ஒவ்வொரு ஆண்டும் FTD உருவாகும் மக்களின் எண்ணிக்கை ஒவ்வொரு 100,000 பேருக்கும் சுமார் 15 முதல் 22 பேர் என மதிப்பிடப்பட்டுள்ளது.3, 5

அபாயங்கள்

FTD-க்கான ஒரே அறியப்பட்ட ஆபத்துக் காரணி, அந்த நோய் நிலையின் குடும்ப வரலாறு மட்டுமே. மூன்று நிகழ்வுகளில் ஒவ்வொன்றிலும் FTD பரம்பரையாக வருவதாக மதிப்பிடப்பட்டுள்ளது.6

FTD-இன் முக்கிய அறிகுறிகள்

மூளையில் ஏற்படும் மாற்றங்கள் பின்வருவனவற்றை உள்ளடக்கிய அறிகுறிகளை ஏற்படுத்துகின்றன: 

  • மற்றவர்களிடம் பச்சாதாபம் காட்டுவதில் சிரமங்கள், சமூகச் சூழ்நிலைகளில் முறையாக நடந்துகொள்வது மற்றும் கட்டாய மற்றும் திரும்பத் திரும்ப மேற்கொள்ளும் நடத்தைகள் போன்ற நடத்தை மற்றும் ஆளுமை சார்ந்த மாற்றங்கள்​
  • மொழி மற்றும் பேச்சுப் பிரச்சினைகள் ​
  • நிர்வாகச் செயல்பாட்டு திறன்களில் பிரச்சினைகள், eg. திட்டமிடல், தீர்மானிப்புத் திறன், பகுத்தறிவு மற்றும் தேர்ந்தெடுக்கப்பட்ட கவனம் செலுத்தல் ​
  • பொருட்களையும் மக்களையும் அடையாளம் காண்பதில் பிரச்சினைகள் ​
  • நடமாட்டத்தில் பிரச்சினைகள் (FTD-இன் பிந்தைய கட்டங்களில்)​ ​
  • நினைவாற்றலில் பிரச்சினைகள் (குறிப்பாக FTD வளர்ச்சியடையும்போது) ​

 

தென்கிழக்கு ஆசியாவில் 2013-இல் FTD உள்ளவர்களிடம் நடத்தப்பட்ட ஆய்வில், மேற்கொண்டு வேலை செய்யாத அல்லது ஓய்வு பெற்ற FTD நோயாளிகளின் மிகவும் பொதுவான அறிகுறிகளானது, நிர்வாகச் செயல்பாட்டுக் குறைபாடு மற்றும் தகவல் செயலாக்கத் திறன்களில் பிரச்சினைகள் (அதாவது i.e பணி நினைவகப் பிரச்சினைகள்) இருந்தன. நடத்தை மாறுபாடு FTD உள்ள ஆய்வுப் பங்கேற்பாளர்களுக்கான பொதுவான அறிகுறிகளாக, நுண்ணறிவு இழப்பு மற்றும் சமூக விழிப்புணர்வு இழப்பு இருந்தது; மொழி மாறுபாடு FTD உள்ள பங்கேற்பாளர்களில் அதிகம் பேர் சொற்களைக் கண்டுபிடிப்பதில் சிரமத்தை அனுபவித்தனர்.1  

FTD-இன் வகைகள்

முதுமைக்கால மறதி நோய் முற்றும்போது FTD-இன் அறிகுறிகளும் அவற்றின் வளர்ச்சியின் வரிசையும், ஒரு நபருக்கு உருவாகும் FTD வகையைப் பொறுத்தது. 

மூன்று முக்கியமான FTD வகைகள் உள்ளன: 

  • நடத்தை மாறுபாட்டு ஃப்ரெண்டொடெம்போரல் டிமென்ஷியா (Behavioural Variant Frontotemporal Dementia, bvFTD) ​
  • முதன்மையான படிப்படியாக ஏற்படுகின்ற பேச்சிழப்பு (Primary Progressive Aphasia, PPA) ​
  • இயக்கக் கோளாறுகளுடன் தொடர்புடைய ஃப்ரெண்டொடெம்போரல் டிமென்ஷியா ​
 

நடத்தை மாறுபாட்டு ஃப்ரெண்டொடெம்போரல் டிமென்ஷியா (Behavioural Variant Frontotemporal Dementia, bvFTD)

ஃப்ரெண்டொடெம்போரல் டிமென்ஷியாவின் நடத்தை மாறுபாடு, அல்லது bvFTD என்பது மிகவும் பொதுவான வகை FTD ஆகும். 1892-இல் இந்த நோய் நிலையை விவரித்த ஒரு செக்கோஸ்லோவாக்கிய மருத்துவரின் நினைவாக இது முன்னர் பிக்’ஸ் நோய் என்று அழைக்கப்பட்டது.

இந்த நோய் நிலையின் ஆரம்பக் கட்டங்களில் உருவாகும் நடத்தை சார்ந்த மாற்றங்கள் தான் bvFTD-இன் மிகவும் பொதுவான அறிகுறிகளில் ஒன்றாகும். பிந்தைய கட்டங்களில் நடத்தை சார்ந்த மாற்றங்கள் பெரும்பாலும் நிகழ்கின்ற ஆல்சைமர் நோய் போன்ற முதுமைக்கால மறதி நோயின் பிற வடிவங்களுடன் இது முரண்படுகிறது.

முதன்மையான படிப்படியாக ஏற்படுகின்ற பேச்சிழப்பு (Primary Progressive Aphasia, PPA)

முதன்மையான படிப்படியாக ஏற்படுகின்ற பேச்சிழப்பு என்பது FTD-இன் இரண்டாவது பொதுவான வடிவமாகும், மேலும் இது படிப்படியாக ஏற்படுகின்ற மொழி குறைபாட்டால் வகைப்படுத்தப்படுகிறது. அஃபாசியா (பேச்சிழப்பு) என்ற வார்த்தையின் அர்த்தம், பேச்சு மற்றும் மொழியில் சிரமங்கள் உள்ளது என்பதாகும்.

இயக்கக் கோளாறுகளுடன் தொடர்புடைய ஃப்ரெண்டொடெம்போரல் டிமென்ஷியா

நரம்புச் சிதைவால் ஏற்படும் இயக்கக் கோளாறுகளுடன் சில சமயங்களில் FTD ஏற்படலாம், எனினும் இயக்கக் கோளாறுகள் உள்ளவர்களுக்கு எப்போதும் FTD ஏற்படுவதில்லை.

FTD உடன் பெரும்பாலும் தொடர்புடைய சில இயக்கக் கோளாறுகள் பின்வருமாறு:

  • அமியோட்ரோபிக் லேட்டரல் ஸ்க்லரோசிஸ் (Amyotrophic lateral sclerosis, ALS), அல்லது லூ கெஹ்ரிக்’ஸ் நோய்
  • கார்டிகோபாசல் நோய்க்குறி (Corticobasal syndrome, CBS)
  • படிப்படியாக ஏற்படுகின்ற சூப்பர்நியூக்ளியர் பால்சி (Progressive Supranuclear Palsy, PSP)

அறிகுறிகள் மற்றும் கட்டங்கள்

FTD-இன் ஆரம்பக் கட்டங்களில், FTD-க்கும் பிற வகையான முதுமைக்கால மறதி நோயிற்கும் இடையே அறிகுறிகளில் வேறுபாடுகள் இருக்கலாம். உதாரணமாக, ஆல்சைமர் நோய் உள்ளவர்கள் ஆரம்பக் கட்டங்களில் FTD உள்ளவர்களை விட நினைவாற்றல் இழப்பை அதிகமாக அனுபவிக்கின்றனர்; FTD உள்ளவர்கள் ஆல்சைமர் நோய் உள்ளவர்களை விட நடத்தை சார்ந்த மாற்றங்களை வெளிக்காட்டலாம் அல்லது மொழிப் பிரச்சினைகளை அனுபவிக்கலாம். 

இந்த ஆரம்பக் கட்டங்களில், FTD துணை வகைகளுக்கு இடையிலான வேறுபாடுகளும் மிகவும் வெளிப்படையானவை. உதாரணமாக, bvFTD உள்ளவர்களுக்கு நடத்தை சார்ந்த மாற்றங்கள் ஏற்படலாம், ஆனால் PPA உள்ளவர்களுக்கு அது வெளியில் தெரியாமலும் இருக்கலாம், மேலும் PPA உள்ளவர்களுக்கு மொழிச் சிரமங்கள் இருக்கலாம், ஆனால் bvFTD உள்ளவர்களுக்கு அது இல்லாமலும் இருக்கலாம். 

எனினும், நோய் நிலை வளர்ச்சியடையும்போதும், மூளையில் அதிகப் பகுதிகளில் மூளை மாற்றங்கள் ஏற்படும்போதும், வெவ்வேறு FTD துணை வகைகளைக் கொண்ட நபர்களால் அனுபவிக்கப்படும் அறிகுறிகள் விரிவடைந்து, ஒன்றோடொன்று இணைகின்றன.  

அறிகுறிகளானது ஆல்சைமர் போன்ற பிற வகையான முதுமைக்கால மறதி நோயின் அறிகுறிகளைப் போலவே மாறுகின்றன. உதாரணமாக, பெரும்பாலான வகை முதுமைக்கால மறதி நோயின் பிந்தைய கட்டங்களில் நினைவாற்றல் இழப்பு மற்றும் நடத்தை சார்ந்த மாற்றங்கள் மிகவும் பொதுவானதாக மாறுகின்றன. 

முதுமைக்கால மறதி நோயின் பொதுவான அறிகுறிகள் பற்றிய கூடுதல் தகவல்களை இங்கே காணலாம்.

நோயறிதல் சோதனை

FTD-க்கான நோயறிதல் செயல்முறை சில காரணங்களால் நீண்டதாக இருக்கலாம்:

  • பிற நிலைகள்: FTD-இன் அறிகுறிகளானது, மனச்சோர்வு, பெருவிருப்பக் கட்டாய மனப்பிறழ்வு, மனநோய் அல்லது பக்கவாதம் உள்ளிட்ட பிற மனநலம் அல்லது நரம்பியல் சார்ந்த நிலைகளுடன் ஒன்றுடன் ஒன்று இணையலாம். 
  • முதுமைக்கால மறதி நோயின் வகை: ஆல்சைமர் போன்ற பிற வகையான முதுமைக்கால மறதி நோய்களிலிருந்து FTD அறிகுறிகளை வேறுபடுத்திப் பார்ப்பது கடினமாக இருக்கலாம். 
  • வயது: பெரும்பாலான முதுமைக்கால மறதி நோயாளிகளைக் காட்டிலும் FTD ஆனது இளவயதினரிடத்தில் உருவாகலாம்; FTD-க்காகப் பரிசோதனை செய்வதற்கு முன்பு, இதே போன்ற அறிகுறிகளைக் கொண்டிருக்கக்கூடிய பிற சாத்தியமான நிலைமைகளுக்காக மருத்துவர்கள் மற்றும் நிபுணர்கள் சரிபார்க்கலாம்.

குடும்பங்கள் மற்றும் பராமரிப்பாளர்களுக்கான ஆதரவு

நடத்தை சார்ந்த மாறுபாடு FTD-இல் குறிப்பிடத்தக்க நடத்தை சார்ந்த மாற்றங்கள் அல்லது முதன்மையான படிப்படியாக ஏற்படுகின்ற பேச்சிழப்பில் உள்ள தகவல்தொடர்பு தொடர்பான பிரச்சினைகள் போன்ற FTD-க்குக் குறிப்பான அறிகுறிகளால் குடும்பங்கள் மற்றும் பராமரிப்பாளர்களுக்கு FTD குறிப்பாகச் சிரமமாக இருக்கலாம். 

FTD உள்ள ஒரு நபருடன் வாழும் குடும்பங்களும், FTD உள்ள நபர்களும், இளம் வயதிற்குள் ஏற்படும் முதுமைக்கால மறதி நோய் தொடர்பான சவால்களை, அதாவது வேலை அல்லது வருமான மாற்றங்களை எதிர்கொள்ள நேரிடலாம். முதுமைக்கால மறதி நோயுடன் வாழும் நபர்களுக்குச் சார்ந்திருப்பவர்கள் இருந்தால், நோய் நிலை முற்றும்போது அதே பணிப் பொறுப்புகளை அவர்களால் செய்ய முடியாமல் போகலாம், அல்லது பராமரிப்பாளர்கள் தங்கள் அன்புக்குரியவர்களைப் பராமரிக்க வேலையில் இருந்து விடுப்பு எடுக்க வேண்டியிருக்கலாம். கூடுதலாக, சார்ந்திருப்பவர்களும் அன்புக்குரியவர்களும் FTD உள்ள நபருடனான தங்கள் மாறிவரும் உறவை வழிநடத்த வேண்டும். 

FTD உள்ளவர்களுக்கும் அவர்களின் அன்புக்குரியவர்களுக்கும் வழிகாட்டுதல் மற்றும் ஆதரவைப் பெறுவது முக்கியமாகும். 

நீங்கள் முதுமைக்கால மறதி நோயால் பாதிக்கப்பட்ட ஒருவரின் குடும்ப உறுப்பினராக இருந்தால், அல்லது அவர்களை பராமரிப்பவராக இருந்தால்: உங்களை நீங்களே கவனித்துக் கொள்வது, ஆதரவை நாடுவது மற்றும் சகாக்களுடன் தொடர்பு கொள்வது ஆகியவை உங்கள் நல்வாழ்வுக்கு மிகவும் உதவலாம். ஆதரவுக் குழுக்கள் அல்லது சேவைகள் பற்றிய கூடுதல் தகவல்களுக்கு, இங்கே கிளிக் செய்யவும்.

நமது சமூகத்தில் FTD-ஐக் கொண்டிருக்கக்கூடியவர்களைப் பராமரித்தல்speaker-break time="1s" strength="medium"]

நம்மிடையே வாழும் FTD உள்ளவர்கள், குறிப்பாக இளையர்கள், பெரும்பாலும் அவர்களைச் சுற்றியுள்ள மக்களால் புரிந்து கொள்ளப்படுவதில்லை, ஏனெனில் FTD பற்றிய பொதுவான விழிப்புணர்வும் புரிதலும் ஒப்பீட்டளவில் குறைவாகவே உள்ளதே இதற்குக் கராணமாகும். 

இந்த நபர்கள் தங்கள் அறிகுறிகளைப் பற்றிய புரிதல் இல்லாததால் சமூகத் தனிமைப்படுத்தலுக்கு ஆளாகும் அதிக ஆபத்தில் இருக்கக்கூடும், இதில் கடினமானதாகத் தோன்றும் நடத்தைகள் அல்லது பேச்சிழப்பு போன்ற தகவல்தொடர்புக் குறைபாடுகள் அடங்கலாம். 

அதே நேரத்தில், இந்த நபர்கள் தங்கள் சொந்தக் கதைகளைக் கொண்ட தனிநபர்களாக ஆதரிக்கப்பட வேண்டும், புரிந்து கொள்ளப்பட வேண்டும், அரவணைக்கப்பட வேண்டும் மற்றும் நடத்தப்பட வேண்டும். 

எனினும், FTD உள்ள நபர்களின் குடும்ப உறுப்பினர்கள் மற்றும் பராமரிப்பாளர்களுக்கு, குறிப்பாக FTD உள்ள ஒருவருடன் வாழ்வதற்கான அவர்களின் தனித்துவமான பயணத்தில் ஆதரவும் புரிதலும் தேவை. 

FTD உள்ள ஒருவரை, அல்லது FTD உள்ள ஒருவரின் பராமரிப்பாளர் அல்லது குடும்ப உறுப்பினரை உங்களுக்குத் தெரியும் என்றால், உங்களால் முடிந்த வழிகளில் அவர்களுக்கு ஆதரவு அளிப்பதையும், நட்புறவு கொள்வதையும், அவர்கள் சொல்வதைக் கவனமாகக் கேட்பதையும் தொடரவும்.

எப்படி உதவி பெறுவது

உங்களுக்கோ அல்லது உங்களுக்குத் தெரிந்தவருக்கோ முதுமைக்கால மறதி நோய் இருந்தால், ஆதரவு அல்லது தகவல்கள் தேவைப்பட்டால், ஆதரவை எவ்வாறு பெறுவது என்பது பற்றி மேலும் அறிய மக்கள்தொடர்புக் குழு (CREST)-ஐத் தொடர்பு கொள்ளவும் அல்லது 6377 0700 என்ற டிமென்ஷியா சிங்கப்பூரின் உதவித் தொலைப்பேசி எண்ணை அழைக்கவும்.

இந்தக் கட்டுரை பயனுள்ளதாக இருந்ததா?

ஆம் இல்லை
×

Tell us how we can improve?

×

Thank you for your feedback!

Your feedback will really help us to improve our content to support those living with dementia.

Follow us on social media:

Facebook Pinterest

Read Next

References

  1. Tan, Y. L., Ng, A., & Kandiah, N. (2013). Frontotemporal dementia in southeast Asia: a comparative study. Dementia and Geriatric Cognitive Disorders Extra, 3(1), 1-9. 
  2. Chiew, H. J., Dr (2021, July 5). Young-Onset Dementia: Improving Outcomes With Early Recognition at Primary Care. SingHealth. Retrieved May 15, 2023, from https://www.singhealth.com.sg/news/defining-med/Young-Onset-Dementia   
  3. Leroy, M., Bertoux, M., Skrobala, E., Mode, E., Adnet-Bonte, C., Le Ber, I., … & Lebouvier, T. (2021). Characteristics and progression of patients with frontotemporal dementia in a regional memory clinic network. Alzheimer’s Research & Therapy, 13, 1-11. 
  4. Alzheimer’s Research UK (n.d.). Frontotemporal Dementia. Retrieved June 13, 2023, from https://www.alzheimersresearchuk.org/dementia-information/types-of-dementia/frontotemporal-dementia/  
  5. Knopman, D. S., & Roberts, R. O. (2011). Estimating the number of persons with frontotemporal lobar degeneration in the US population. Journal of Molecular Neuroscience, 45, 330-335. 
  6. Alzheimer’s Association. (2023). Frontotemporal dementia (FTD). In Alzheimer’s Association. Retrieved June 12, 2023, from https://www.alz.org/media/documents/alzheimers-dementia-frontotemporal-dementia-ts.pdf  

The post ஃப்ரெண்டொடெம்போரல் டிமென்ஷியா (Frontotemporal Dementia, FTD) appeared first on DementiaHub.SG.

]]> எனது அன்பிற்குரியவர் நோய்க் கண்டறியும் சோதனைச் செய்துக்கொள்ள மறுக்கிறார் – நான் என்ன செய்வது? https://www.dementiahub.sg/ta/what-is-dementia/my-loved-one-refuses-to-get-a-diagnosis-what-can-i-do/ Fri, 26 May 2023 11:42:06 +0000 https://www.dementiahub.sg/dementia/my-loved-one-refuses-to-get-a-diagnosis-what-can-i-do/ உங்கள் அன்பிற்குரியவரிடம் முதுமைக்கால மறதி நோயுடைய அறிகுறிகளும் அடையாளங்களும் தென்பட்டால், அவர் விரைவில் நோயைக் கண்டறிந்து சிகிச்சைப் பெற வேண்டும் என்று நீங்கள் விரும்புகிறீர்கள் என்பதைப் புரிந்துகொள்கிறோம். இருப்பினும், உங்கள் அன்பிற்குரியவருடன் அவர் அனுபவிக்கும் நினைத்திறன் குறைபாடுகள் மற்றும் குழப்பமாக இருக்கும் தருணங்களைப் பற்றி உரையாடுவது கடினமாக இருக்கலாம். பெரும்பாலும், இந்த அறிகுறிகளை அனுபவிக்கும் ஒருவர் தற்காக்கும் உணர்வு, கவலையுணர்வு அல்லது மறுக்கப்படும் உணர்வுடன் இருக்கக்கூடும்.

The post எனது அன்பிற்குரியவர் நோய்க் கண்டறியும் சோதனைச் செய்துக்கொள்ள மறுக்கிறார் – நான் என்ன செய்வது? appeared first on DementiaHub.SG.

]]>

கவனமாகக் கேளுங்கள்

5 நிமிட வாசிப்பு

உங்கள் அன்பிற்குரியவரிடம் முதுமைக்கால மறதி நோயுடைய அறிகுறிகளும் அடையாளங்களும் தென்பட்டால், அவர் விரைவில் நோயைக் கண்டறிந்து சிகிச்சைப் பெற வேண்டும் என்று நீங்கள் விரும்புகிறீர்கள் என்பதைப் புரிந்துகொள்கிறோம். இருப்பினும், உங்கள் அன்பிற்குரியவருடன் அவர் அனுபவிக்கும் நினைத்திறன் குறைபாடுகள் மற்றும் குழப்பமாக இருக்கும் தருணங்களைப் பற்றி உரையாடுவது கடினமாக இருக்கலாம். பெரும்பாலும், இந்த அறிகுறிகளை அனுபவிக்கும் ஒருவர் தற்காக்கும் உணர்வு, கவலையுணர்வு அல்லது மறுக்கப்படும் உணர்வுடன் இருக்கக்கூடும்.  

இது போன்ற சூழ்நிலையில், உங்கள் அன்பிற்குரியவரை மருத்துவரைச் சந்திக்கும்படி ஊக்குவிக்கலாம். இதற்கிடையில் முதுமைக்கால மறதி நோயின் அறிகுறிகளைத் தொடர்ந்து வெளிப்படுத்தும் உங்கள் அன்பிற்குரியவரைப் பராமரிக்க நீங்கள் என்ன செய்யலாம் என்று பார்ப்போம்

நோயைக் கண்டறிவதற்குச் சுற்றியுள்ள உரையாடலை மாற்றியமைக்க நீங்கள் எடுக்கக்கூடிய படிநிலைகளையும், உங்களது அன்பிற்குரியவர் முறையான நோயறிதலைப் பெற ஒப்புக்கொள்ளும் வரை நீங்களும் உங்கள் அன்பிற்குரியவரும் உதவிக்காகச் செல்லக்கூடிய, சமூகத்தில் கிடைக்கப்பெறும் சேவைகளையும் இந்தக் கட்டுரை எடுத்துக்காட்டுகிறது. 

உரையாடலை மாற்றியமைத்திடுங்கள்

உங்கள் அன்பிற்குரியவருடன் மீண்டும் இன்னொரு உரையாடலை மேற்கொள்வதற்கு முன், அவர்களின் கவலைகளையும் அவர் நோயறிதலைப் பெற விரும்பாமல் இருப்பதற்கான காரணங்களையும் புரிந்துகொள்வது அவசியம். இதைப் புரிந்துகொள்வது, உரையாடலில் அவரது உணர்வுகளும் புரிந்துகொள்ளப்படுகிறது என்று அவரை உணர வைப்பதோடு, அவரின் கவலைகளைப் போக்கவும், வல்லுநர் உதவியை நாடுவதே சிறந்த வழி என்பதை உறுதிப்படுத்தவும் உங்களுக்குச் சிறந்த யோசனையை அளிக்கும்.

மருத்துவர்கள் மற்றும் மருத்துவமனைகள் குறித்த பயம்

  • எப்பொழுதும் ஊக்கமூட்டும் மொழியைப் பயன்படுத்துங்கள். அவர்களை அச்சுறுத்தும் வகையில் பேரழிவைத் தருமென்ற எண்ணத்தை அல்லது பயத்தை ஏற்படுத்தும் அணுகுமுறையைப் பயன்படுத்துவதை விட, ஊக்கமளிக்கும் விதத்தில் சுகாதாரப் பரிசோதனையின் நன்மைகளை விளக்குங்கள்.
  • நீங்கள் நோய்க்கண்டறிதலுக்கான சந்திப்பை ஏற்பாடு செய்யலாம் – ஆனால் நீங்களும் இந்த நோய்க்கண்டறியும் பரிசோதனையை அவர்களுடன் சேர்ந்து செய்துக் கொள்வது அவர்களுக்கு ஆறுதலாக இருக்கும். தனியாகப் பரிசோதனை செய்யும்போது ஏற்படும் மன அழுத்தம் மற்றும் பதட்டத்தை இது குறைக்கிறது.
  • உங்கள் அன்பிற்குரியவருக்கு பரிச்சியமான மருத்துவ ரிடம்  அழைத்துச்செல்வதும் உதவியாக இருக்கும்.
  • மாற்றாக, உங்கள் அன்புக்குரியவரிடம் அவர் வழக்கமான பரிசோதனைக்குச் செல்ல வேண்டும் என்பதையும், நீங்கள் ஏற்கனவே அதற்கான சந்திப்பிற்கு ஏற்பாடு செய்துவிட்டீர்கள் என்பதையும் தெரிவிக்கலாம்

கவலை: தங்களின் சுயாதீனத்தை இழந்து விடுவோமோ என்று பயப்படுதல்

  • உங்கள் அன்பிற்குரியவர், குறிப்பாக அவர் தனியாக வாழ்ந்தால், நோயறிதல் மதிப்பீட்டிற்கு ஒப்புக் கொள்வதற்கான வாய்ப்புகள் குறைவு மற்றும் நோயறிதலுடன் தொடர்புடைய சிறப்பியல்புக் கூறு (stigma) குறித்து அவர்கள் அக்கறை கொள்ளலாம்
  • அவர்கள் முதுமைக்கால மறதி நோயினால் வாகனம் ஓட்டுவது போன்ற செயல்பாடுகள் மற்றும் அவர்கள் பழகிய சுயாதீனம் போன்றவற்றை இழப்பதுடன் தொடர்புபடுத்திப் பார்க்கக்கூடும்.
  • அவர்கள் கவலையுடன் இருக்கலாம் மற்றும் மோசமான சூழ்நிலைகளைப் பற்றி மட்டுமே நினைக்கலாம்.
  • இதுபோன்ற சூழ்நிலைகளில், உங்கள் அன்பிற்குரியவருக்கு அவரது சுயாதீனத்தை முடிந்தவரை தக்கவைப்பதற்கு, அதற்கான மாற்றங்களைச் சமாளிப்பதற்கான வழிகள் உள்ளன என்பதை அவருக்கு உறுதிப்படுத்துவது முக்கியம்.
  • உதாரணத்திற்கு, வாகனம் ஓட்டுவது ஒருவருக்கு சுயாதீனத்தையும் சுதந்திரத்தையும் குறிக்கலாம். நீங்களும் உங்கள் அன்பிற்குரியவரும் உங்கள் மருத்துவருடன் இணைந்து, புதிய விதத்தில் வாகனம் ஓட்டும் ஏற்பாட்டை, அவர்களது மற்றும் சாலையில் உள்ள மற்றவர்களின் பாதுகாப்பை உறுதி செய்யும்.
  •  இது குறித்த கூடுதல் தகவல்களை இங்கே தெரிந்துகொள்ளுங்கள்.
  • அது மட்டுமின்றி, சில சூழ்நிலைகளில், உங்கள் அன்பிற்குரியவரால் இன்னமும் சொந்தமாக வாழ முடியும் (அவரது முதுமைக்கால மறதி நோயின் ஆரம்பக் கட்டத்தில்). எப்படி என்பதை இங்கே தெரிந்துகொள்ளுங்கள்.

கவலை: மறதித்தன்மையை மூப்படைதலின் இயல்பான பகுதியாக நினைத்துக் கொள்ளுதல்

  • முதுமைக்கால மறதி நோய் பற்றியும் அதன் அறிகுறியைப் பற்றியும் அறியாமல் இருப்பது,நோயைக் கண்டறிவதற்கு வலுவான தடையாக இருப்பதாக முந்தைய ஆய்வுகள் காட்டுகின்றன.1
  • குறிப்பாக, அறிவாற்றல் குறைபாடு மற்றும் நினைவுத்திறன் குறைதல் போன்ற முதுமைக்கால மறதி நோயின் அறிகுறிகள், சாதாரண மூப்படைதலின் செயல்முறை என்று ஒரு தனிநபர் கொண்டிருக்கும் நம்பிக்கை, அவர் நோய்க்கண்டறிதலை நாடுவதையும், அந்த நோய் குறித்த கூடுதல் தகவல்களைப் பெறுவதையும் தடுக்கலாம்.2
  • முதுமைக்கால மறதி நோயைக் கண்டறியும் பரிசோதனைகளைச் செய்துக் கொள்வது பற்றிய உங்கள் அன்பிற்குரியவரின் கருத்துக்களிலும் முதுமைக்கால மறதி நோய் குறித்த அவர்களின் தவறான எண்ணங்களிலும் தலையிடுவது முக்கியம். ஆரம்பத்துலேயே நோய் இருப்பதைக் கண்டறிவதன் நன்மைகளை அவர்களுடன் பகிர்ந்து கொள்வதும் பயனுள்ளதாக இருக்கும்.

கவலை: நிதிநிலைகள்

  • அன்பிற்குரியவரின் MediSave ஆனது, நாட்பட்ட நோய்களை நிர்வகிப்பது மற்றும் உடல்நலப் பரிசோதனைகளைச் செய்துக் கொள்வது போன்ற தேர்ந்தெடுக்கப்பட்ட வெளிநோயாளர் சிகிச்சைகளில் ஒரு குறிப்பிட்ட பகுதியை செலுத்த உதவுமென்று குறிப்பிடுங்கள்.
  • நாள்பட்ட நோய் மேலாண்மைத் திட்டத்தின் (CDMP) கீழ் அங்கீகரிக்கப்பட்ட 23 நாள்பட்ட நோய்நிலைகளின் கீழ் முதுமைக்கால மறதி நோய் உள்ளது.
  • இன்னும் சொல்லப்போனால், உங்கள் அன்பிற்குரியவருக்கு முதுமைக்கால மறதி நோய் இருந்தால், நோய்க்கண்டறியும் பரிசோதனைகளைச் செய்வது அதிக நிதி ரீதியாக பயனுள்ளதாக இருக்கும், ஏனெனில் சில நிதித் திட்டங்கள் மற்றும் மானியங்களுக்கான தகுதி அளவுகோல்களில் மற்ற காரணிகளுக்கு மத்தியில், முறைப்படி நோயைக் கண்டறிவதும் பெரும்பாலும் அடங்கும். இதன் நோக்கமானது இந்த உதவிகள் தேவைப்படுபவர்களுக்கு வழங்கப்படுவதை உறுதிசெய்வதற்காகும்.
  • முதுமைக்கால மறதி நோயால் பாதிக்கப்பட்டவர்களுக்கும் அவர்களைப் பராமரிப்பவர்களுக்கும் கிடைக்கப்பெறும் அரசாங்க நிதித் திட்டங்களைப் பற்றி இங்கே மேலும் தெரிந்துகொள்ளுங்கள். ere. 

உங்கள் அன்பிற்குரியவருடன் இது குறித்து எப்படி சிறப்பாக உரையாடுவது என்பது குறித்த படிப்படியான வழிகாட்டியை இங்கே படித்திடுங்கள்.

இதற்கிடையில் எனது அன்பிற்குரியவருக்கு நான் எப்படி உதவுவது?

வீட்டிலேயே

உங்கள் அன்பிறகுரியவரிடம் முதுமைக்கால மறதி நோயின் அறிகுறிகளும் அடையாளங்களும் தொடர்ந்து தென்பட்டால், முதுமைக்கால மறதி நோயுடன் வாழும் ஒருவரை நீங்கள் கவனித்துக்கொள்வது போல் அவரைப் பராமரிக்கலாம்

இதில் தினசரி வழக்கத்தை வடிவமைப்பது அடங்கும், இது அவர்கள் அர்த்தத்துடன் ஈடுபடுவதை உறுதிசெய்வதோடு, முதுமைக்கால மறதி நோயுடன் வாழும் நபர்களின் தேவைகள் மற்றும் யதார்த்தங்கள் குறித்து உங்களுக்குப் பயிற்றுவிக்கும்.

living-with-dementia-book-4-hero

முதுமைக்கால மறதி நோயுடன் வாழ்தல்: பராமரித்தல் (Providing Care )
வளமை: ஒருங்கிணைந்த பராமரிப்பு அமைப்பு (AIC)

முதுமைக்கால மறதி நோயுடன் வாழ்தல்: பராமரித்தல் (Providing Care) என்பது உங்களைப் போன்ற பராமரிப்பாளர்களுக்கு, உங்கள் அன்பிற்குரியவருடன் திறம்பட உரையாடும் விதம், ஈடுபாட்டுடன் கூடிய செயல்பாடுகள் மூலம் தினசரி வழக்கத்தை எப்படி வடிவமைப்பது, மற்றும் முதுமைக்கால மறதி நோய் படிப்படியாக அதிகரிக்கையில் அதை நிர்வகிக்கும் விதம் போன்றவை குறித்த உதவிக்குறிப்புகளைப் பெறுவதற்காக வடிவமைக்கப்பட்ட ஒரு வளமை ஆகும். இது உங்கள் பராமரிப்புப் பயணத்தை சிறப்பாகச் சமாளிக்க உதவுவதோடு, உங்கள் அன்பிற்குரியவர் சிறந்த பராமரிப்பைப் பெறுவதை உறுதிசெய்கிறது.

இங்கே கிளிக் செய்க
living-with-dementia-book-1-hero

முதுமைக்கால மறதி நோயுடன் வாழ்தல்: முதுமைக்கால மறதி நோய் பற்றி தெரிந்துகொள்ளுதல் (Knowing Dementia)

வளமை: ஒருங்கிணைந்த பராமரிப்பு அமைப்பு (AIC)

முதுமைக்கால மறதி நோயுடன் வாழ்தல்: முதுமைக்கால மறதி நோய் பற்றி தெரிந்துகொள்ளுதல் (Knowing Dementia) என்பது பொது மக்களும் உங்களைப் போன்ற பராமரிப்பாளர்களும் முதுமைக்கால மறதி நோய் பற்றி மேலும் தெரிந்துகொள்ளவும், அறிகுறிகள் மற்றும் அடையாளங்களைப் புரிந்து கொள்ளவும், முதுமைக்கால மறதி நோய் உண்டாகுவதற்கான அபாயங்களைக் குறைப்பது எப்படி, இதன் ஆரம்பக் காலக்கட்டத்தில் உரையாடல்களை எவ்வாறு தொடங்குவது, நோய்க்கண்டறிதலை எப்படி செய்ய வேண்டும் மற்றும் எப்போது மருத்துவரை நாட வேண்டும் என்பதைத் தெரிந்து கொள்ளவும் வடிவமைக்கப்பட்ட ஒரு வளமை ஆகும்.

இங்கே கிளிக் செய்க

சமூகத்தில்

இந்தப் பொறுப்புகள் மிகவும் மனஉளைச்சலாக இருக்கும் என்பது அறந்ததே. அதிர்ஷ்டவசமாக, சமூகத்தில் உங்களுக்கு உதவக்கூடிய சேவைகள் உள்ளன, குறிப்பாக நீங்கள் பராமரிப்புப் பயணத்தின் தொடக்கத்தில் இருக்கும்போது உதவுவதற்கு பல சேவைகள் உள்ளன:

1. சமூகத்தைச் சென்றடையும் குழுக்கள் (CREST)

 (CREST) ஆனது மனநல ஆரோக்கியம் மற்றும் முதுமைக்கால மறதி நோய் பற்றிய பொது விழிப்புணர்வை ஏற்படுத்துவதில் கவனம் செலுத்துகிறது, இவை ஏற்படக்கூடய நபர்களை முன்கூட்டியே அடையாளம் காண ஊக்குவிக்கிறது மற்றும் தனிநபர்களுக்கும் அவர்களைப் பராமரிப்பவர்களுக்கும் உணர்வுபூர்வமான ஆதரவை வழங்குகிறது. 

சமூகத்தைச் சென்றடையும் குழுக்கள் (CREST) உங்களுக்கு எவ்விதம் உதவியாக இருக்கும்? 

1. தேவைப்படும்போது தொடர்புடைய சுகாதார மற்றும் சமூகப் பாதுகாப்பு சேவைகளுடன் தனிநபர்களை இணைக்கும். 

2. பயனாளிகளின் நல்வாழ்வுக்கு ஆதரவளிப்பதற்கும் அவர்களின் அறிவாற்றல் செயல்பாடுகளைத் தூண்டுவதற்கும் அர்த்தமுள்ள செயல்பாடுகளை நடத்தும். 

உங்களுக்கு அருகிலுள்ள சேவை வழங்குநர்களை இங்கே கண்டறியுங்கள். 

2. துடிப்புடன் மூப்படையும் நிலையங்கள் (AAC)

AAC என்பது சமூகத்தில் அருகில் வசிக்கும் மூத்தோர்களுக்கு (60 வயது மற்றும் அதற்கு மேற்பட்ட வயதுடையவர்கள்) ஆதரவை வழங்கும் சமூக பொழுதுபோக்கு மையமாகும். 

துடிப்புடன் மூப்படையும் நிலையங்கள் (AAC) உங்களுக்கு எவ்விதம் உதவியாக இருக்கும்? 

  1. உங்கள் அன்பிற்குரியவருக்கு குறைந்தபட்சம் 60 வயது இருந்தால், அவர்கள் தங்கள் வீட்டிற்கு அருகில் உள்ள AACக்கு வருகைத்தந்து வலுவான சமூகத் தொடர்புகளை உருவாக்கிக் கொள்ளலாம், பொழுதுபோக்கு செயல்பாடுகளில் பங்கேற்கலாம் மற்றும் அவர்கள் விரும்பியபடி சமூகத்திற்குப் பங்களிக்கலாம்.
  2. கரோக்கி, கலை மற்றும் கைவினை, சமையல் மற்றும் உடற்பயிற்சி செயல்திட்டங்கள் போன்ற பல்வேறு செயல்பாடுகளை வழங்கவும் ஊக்குவிக்கவும் செய்கிறது.
  3. மூத்தோர்களின் வீட்டிற்கு வருகைத் தருவது மற்றும் தொலைபேசி அழைப்புகளைச் செய்வதன் மூலம் சமூக ஆதரவை வழங்குகிறது.
  4. திட்டங்கள், மானியங்கள் மற்றும் ஆதரவு பற்றிய தகவல்களை வழங்குகிறது.
  5. பொருத்தமான சேவைகளுக்குப் பரிந்துரைச் செய்கிறது. 

 
உங்களுக்கு அருகிலுள்ள AAC ஐ இங்கே கண்டறியுங்கள். 

3. குடும்பச் சேவை நிலையங்கள் (Family Service Centres, FSC)

நோய்க்கண்டறியும் சோதனைகளைச் செய்துக்கொள்ள உங்கள் அன்பிற்குரியவரைத் ஊக்குவிப்பதும் மற்றும் இந்த மாற்றங்களைக் எவ்வாறு கையாள்வது என்பதிலும் உங்களுக்கும் உங்கள் அன்பிற்குரியவருக்கும் மன அழுத்தம் ஏற்படுத்தலாம். இந்த மாற்றங்களால் உங்கள் அன்பிற்குரியவர் மற்றும் உங்கள் குடும்பத்தில் உள்ள மற்றவர்களுடனான உங்கள் உறவில் எதிர்மறையான தாக்கம் ஏற்பட்டிருக்கலாம்.   

இதுபோன்ற சூழ்நிலைகளில், சமூகப் பணியாளர்கள் மற்றும் சேவை வல்லுநர்களை நாடுவது நல்லது. இவர்கள் குடும்பத்தில் பிரச்சனைகளை தணிக்கவும், அவர்களின் பராமரிப்புத் தேவைகளைப் பூர்த்தி செய்யவும் மற்றும் அவர்கள் எதிர்கொள்ளும் சவால்களின் மூலம் மீட்சி அடையவும் உதவுவார்கள்.  

குடும்பச் சேவை நிலையங்கள் (Family Service Centres, FSC) உங்களுக்கு எவ்விதம் உதவியாக இருக்கும்?

  1. தகவல்கள் மற்றும் பரிந்துரை. (மதிப்பீடு செய்யப்பட்ட தேவைகளின் அடிப்படையில்)
  2. குடும்பஆய்வு: முழுமையான  நிர்வாகம் மற்றும் தனிநபர்/குடும்ப ஆலோசனைகள் வழங்குகிறது. முதுமைக்கால மறதி நோயுடன் வாழும் நபர்களைப் பராமரிப்பவர்கள் தனித்துவமான சவால்களை எதிர்கொள்கின்றனர். உங்கள் எண்ணங்கள் மற்றும் சவால்களைப் பகிர்ந்து கொள்ள உங்களுக்குத் தனிப்பட்ட மற்றும் பாதுகாப்பான இடத்தை வழங்குகிறது.
  3. குழுப்பணி: குடும்பங்களின் கவலைகளை நிவர்த்தி செய்வதற்கும் நல்ல மாற்றத்தைக் கொண்டுவருவதற்கும் குடும்பங்களை ஒன்றிணைக்கிறது.
  4. சமூகப்பணி: குடும்பங்கள் ஒன்றுக்கொன்று ஆதரவளிக்கவும் ஊக்குவிக்கவும் சமூக வளமைகளைத் நாடலாம்

உங்களுக்கு அருகிலுள்ள குடும்பச் சேவை நிலையங்கள் (Family Service Centres, FSC) ஐ இங்கே கண்டறியுங்கள். 

4. உதவித் தொலைபேசிச் சேவை

உதவித் தொலைபேசிச் சேவை என்பது தகவல் மற்றும் ஆலோசனையைப் பெறுவதற்கான ஒரு விரைவான மற்றும் வசதியான வழியாகும். நீங்கள் துயரத்தில் இருக்கும்போது இது உணர்வுபூர்வமான ஆதரவாகவும் இருக்கும்.

  1. முதுமைக்கால மறதி நோய் உதவித் தொலைபேசிச் சேவை (டிமென்ஷியா சிங்கப்பூர்)
    முதுமைக்கால மறதி நோய்ப் பராமரிப்பு பற்றிய தகவல்கள் மற்றும் சேவை இணைப்புகளை வழங்குகிறது.
    தொலைபேசி: 6377 0700
  2. SAGE ஆலோசனை நிலையம்
    வயதானவர்கள் மற்றும் அவர்களைப் பராமரிப்பவர்களின் நல்வாழ்வை மேம்படுத்த ஆலோசனைகளை வழங்குகிறது, இது ஆரோக்கியத்தின் உளவியல் மற்றும் சமூக ரீதியான அம்சங்களில் கவனம் செலுத்துகிறது.
    தொலைபேசி: 6354 1191
  3. பராமரிப்பாளர்கள் கூட்டணி லிமிடெட் (CAL)
    முதுமைக்கால மறதி நோய் மற்றும் மனநலப் பிரச்சினைகளுடன் வாழும் நபர்களைப் பராமரிக்கும் பராமரிப்பாளர்களுக்கு உணர்வு சார்ந்த ஆதரவை வழங்குகிறது.
    தொலைபேசி: 6460 4400
  4. ஓ’ ஜாய் (O’ Joy)
    வயதானவர்களைக் கவனித்துக்கொள்வதால் மன அழுத்தத்தை அனுபவிக்கும் பராமரிப்பாளர்களுக்கு ஆங்கிலம், மாண்டரின் அல்லது மலாய் ஆலோசனைகளை வழங்குகிறது.
    தொலைபேசி: 6749 0190

இந்தக் கட்டுரை பயனுள்ளதாக இருந்ததா?

ஆம் இல்லை
×

Tell us how we can improve?

×

Thank you for your feedback!

Your feedback will really help us to improve our content to support those living with dementia.

Follow us on social media:

Facebook Pinterest
மேற்கோள்கள்
  1. Fowler, N. R., Frame, A., Perkins, A. J., Gao, S., Watson, D. P., Monahan, P., & Boustani, M. A. (2015). Traits of patients who screen positive for dementia and refuse diagnostic assessment. Alzheimer’s & dementia (Amsterdam, Netherlands), 1(2), 236–241. https://doi.org/10.1016/j.dadm.2015.01.002 

The post எனது அன்பிற்குரியவர் நோய்க் கண்டறியும் சோதனைச் செய்துக்கொள்ள மறுக்கிறார் – நான் என்ன செய்வது? appeared first on DementiaHub.SG.

]]> இளம் வயதிற்குள் ஏற்படும் முதுமைக்கால மறதி நோய் என்றால் என்ன? https://www.dementiahub.sg/ta/what-is-dementia/what-is-young-onset-dementia/ Tue, 27 Sep 2022 23:18:41 +0000 https://www.dementiahub.sg/dementia/what-is-young-onset-dementia/ இளம் வயதிற்குள் ஏற்படும் முதுமைக்கால மறதி நோய் என்பது 65 வயதிற்குட்பட்டவர்களுக்கு ஏற்படும் ஏதேனும் வகை முதுமைக்கால மறதி நோயைக் குறிக்கிறது. முதுமைக்கால மறதி நோயின் அறிகுறிகள் ஆனது வயது முதிர்ந்த பெரியவர்களிடத்து காணப்படும் முதுமைக்கால மறதி நோயுடன் ஒப்பிடும்போது, இளம் வயதினர்களிடம் வித்தியாசமாகத் தோன்றலாம்.

The post இளம் வயதிற்குள் ஏற்படும் முதுமைக்கால மறதி நோய் என்றால் என்ன? appeared first on DementiaHub.SG.

]]>

கவனமாகக் கேளுங்கள்

3 நிமிட வாசிப்பு

இளம் வயதிற்குள் ஏற்படும் முதுமைக்கால மறதி நோய் என்பது 65 வயதிற்குட்பட்டவர்களுக்கு ஏற்படும் ஏதேனும் வகை முதுமைக்கால மறதி நோயைக் குறிக்கிறது. முதுமைக்கால மறதி நோயின் அறிகுறிகள் ஆனது வயது முதிர்ந்த பெரியவர்களிடத்து காணப்படும் முதுமைக்கால மறதி நோயுடன் ஒப்பிடும்போது, இளம் வயதினர்களிடம் வித்தியாசமாகத் தோன்றலாம்.

ஆதாரம்: CNA

முதுமைக்கால மறதி நோய் வயது முதிர்ந்த பெரியவர்களை மட்டுமே பாதிக்கிறது என்பது ஒரு மூடநம்பிக்கை. 2020 ஆம் ஆண்டில் உலகளவில் 50 மில்லியனுக்கும் அதிகமான மக்கள் முதுமைக்கால மறதி நோயுடன் வாழ்கின்றனர், மேலும் இந்த எண்ணிக்கை 2030 இல் 82 மில்லியனாகவும், 2050 இல் 152 மில்லியனாகவும் அதிகரிக்கும் என்று எதிர்பார்க்கப்படுகிறது.1 இதில் சுமார் 5% முதல் 6% பேர் இளம் வயதிற்குள் ஏற்படும் முதுமைக்கால மறதி நோயுடையவர்கள், 2021 ஆம் ஆண்டு நிலவரப்படி, இளம் வயதிற்குள் ஏற்படும் முதுமைக்கால மறதி நோயுடன் வாழ்பவர்களின் எண்ணிக்கை சுமார் 3.9 மில்லியன் ஆகும்.2 

கடந்த சில ஆண்டுகளில், முதுமைக்கால மறதி நோய் இருப்பது கண்டறியப்பட்ட இளம் சிங்கப்பூரர்களின் எண்ணிக்கை ஆபத்தான விகிதத்தில் அதிகரித்து வருகிறது. ஒவ்வொரு ஆண்டும் தேசிய நரம்பியல் கழகத்தில் 100க்கும் மேற்பட்ட நபர்களுக்கு இளம் வயதிற்குள் ஏற்படும் முதுமைக்கால மறதி நோய் இருப்பது கண்டறியப்படுகிறது.3

இளம் வயதிற்குள் ஏற்படும் முதுமைக்கால மறதி நோயின் பல்வேறு விதமான அறிகுறிகள்

முதுமைக்கால மறதி நோயுடன் வாழும் வயது முதிர்ந்த பெரியவர்களுடன் ஒப்பிடுகையில், இளம் வயதினரிடத்து அறிகுறிகள் வித்தியாசமாக வெளிப்படுவது மட்டுமல்லாமல், இந்த நோய்நிலை இளம் வயதினரின் வாழ்க்கை, அவரைச் சுற்றியிருக்கும் குடும்பம் மற்றும் சமூகத்தில் அதிக தாக்கத்தை ஏற்படுத்துகிறது.2,4 

அறிகுறிகளில் பின்வருபவை அடங்கும்:2,4
• இளம் வயதிற்குள் ஏற்படும் முதுமைக்கால மறதி நோயுடன் வாழும் நபர்கள், அவர்களின் அசைவு மற்றும் ஒருங்கிணைப்பு உட்பட அவர்களின் தசை இயக்கத் திறன்களில் சிக்கல்கள் ஏற்படும் வாய்ப்பு அதிகம்.
• மூளையின் முன்புற மற்றும் பக்கப் பகுதிகளைப் பாதிக்கும் முதுமைக்கால மறதி நோய், இளம் வயதினரிடம் வழக்கமாக காணப்படுகிறது, இது திட்டமிடல் மற்றும் நிர்வாகச் செயல்பாடுகளைப் பாதிக்கிறது.

இளம் வயதினரிடத்தில் முதுமைக்கால மறதி நோய் ஏற்படுத்தும் தாக்கம்

வயது முதிர்ந்த பெரியவர்களுடன் ஒப்பிடும்போது, ​​இளம் நபர்கள் வெவ்வேறு வாழ்க்கை நிலைகளில் இருப்பார்கள். இதனால் முதுமைக்கால மறதி நோய் குறித்த அவர்களின் அனுபவம் பெரியவர்களிடமிருந்து தனித்துவமாக வித்தியாசப்படுகின்றது. இந்தச் சூழ்நிலைகளில் சில பின்வருவனவற்றை உள்ளடக்கியிருக்கக்கூடும்:2,4 

• முதுமைக்கால மறதி நோய் ஏற்படும் நேரத்தில், இளம் நபர்கள் வேலையில் இருப்பதற்கான வாய்ப்புகள் அதிகம், அநேகமாக அவர்கள் கூடுதல் பொறுப்புகளுடன் அவர்களின் வேலையில் உயர்ந்த பதவியில் கூட இருக்கக்கூடும். அவர்களுக்கு ஏற்படக்கூடிய முதுமைக்கால மறதி நோயின் அறிகுறிகள் வேலையில் வெளிப்படையாகத் தெரியலாம், இதனால் அவர்கள் வேலையை இழக்க நேரிடும். இதனால் அவர்களின் குடும்பங்களுடைய நிதி ரீதியான நல்வாழ்வையும் இழக்க நேரிடும்.
• இளம் வயதினர் சிறு குழந்தைகளுடன் பெற்றோராக இருப்பதற்கான வாய்ப்புகள் அதிகம். இதனால், அவர்கள் அதிக சவால்களை எதிர்கொள்வார்கள் மற்றும் பிள்ளை வளர்ப்பின் பொறுப்புகளை இழக்க நேரிடும், ஏனெனில் அவர்கள் கொஞ்சம் கொஞ்சமாக தங்கள் சிறு குழந்தைகளை பராமரிக்க முடியாமல் போகலாம்.

அதே நேரத்தில், சிங்கப்பூரில் தற்போதுள்ள பெரும்பாலான முதுமைக்கால மறதி நோய் பராமரிப்பு சேவைகள் மற்றும் திட்டங்கள் வயது முதிர்ந்த பெரியவர்களுக்காக வடிவமைக்கப்பட்டுள்ளன, அனுபவத்தில் காணப்படும் வித்தியாசத்தைக் கருத்தில் கொண்டு பார்க்கும்போது, இவை இளம் வயதினருக்கு ஏற்றதாக இருக்காது. இத்தகைய இளம் நபர்களுக்குப் பயனுள்ள மற்றும் வயதுக்கு ஏற்ற சேவைகளும் திட்டங்களும் குறைந்தளவே உள்ளன.5

ஜார்ஜின் கதை

ஜார்ஜுக்கு முதுமைக்கால மறதி நோய் இருப்பது தெரிந்தபோது, அவருக்கு வயது 46தான். வேதியியல் பாடத்தின் முன்னாள் ஆசிரியராகவும், வேதியியல் பாடப்புத்தகங்களை எழுதியவராகவும், எப்போது நல்ல முறையில் ஆரோக்கியத்தைப் பராமரித்து சுறுசுறுப்பான ஓட்டப்பந்தய வீரராகவும் இருக்கும் அவருக்கும், அவரது மனைவி மற்றும் அவர்களது மூன்று குழந்தைகளுக்கும் இது அதிர்ச்சியாக இருந்தது.  

CNA மேற்கொண்ட முழு நேர்காணலைப் படியுங்கள்   

நீங்களோ அல்லது உங்களுக்குத் தெரிந்த யாரேனும் ஒருவரோ முதுமைக்கால மறதி நோயின் அறிகுறிகளை அனுபவித்தால், குடும்ப மருத்துவர் அல்லது பலதுறை மருந்தக மருத்துவரிடம் கலந்தாலோசிக்கவும், அவரால் பரிசோதனைகள் மற்றும் நோய்க்கண்டறியும் செயல்முறை குறித்து வழிகாட்ட முடியும்.

இந்தக் கட்டுரை பயனுள்ளதாக இருந்ததா?

ஆம் இல்லை
×

Tell us how we can improve?

×

Thank you for your feedback!

Your feedback will really help us to improve our content to support those living with dementia.

Follow us on social media:

Facebook Pinterest
மேற்கோள்கள்

  1. Dementia statistics. (n.d.). Alzheimer’s Disease International. Retrieved 24 March, 2021, from https://www.alzint.org/about/dementia-facts-figures/dementia-statistics/
  2. Hendriks, S., Peetoom, K., Bakker, C., van der Flier, W. M., Papma, J. M., Koopmans, R., Verhey, F., de Vugt, M., Köhler, S., Young-Onset Dementia Epidemiology Study Group, Withall, A., Parlevliet, J. L., Uysal-Bozkir, Ö., Gibson, R. C., Neita, S. M., Nielsen, T. R., Salem, L. C., Nyberg, J., Lopes, M. A., Dominguez, J. C., … Ruano, L. (2021). Global prevalence of young-onset dementia: A Systematic Review and Meta-analysis. JAMA Neurology, 78(9), 1080–1090. https://doi.org/10.1001/jamaneurol.2021.2161
  3. Chiew, H. J. (2021, July 5). Young-onset dementia: Improving outcomes with early recognition at primary care.  SingHealth. https://www.singhealth.com.sg/news/defining-med/Young-Onset-Dementia
  4. Channel News Asia. (2024, September 4). Survey reveals half of Singaporeans resist young-onset dementia testing, even with symptoms. Channel News Asia. https://www.channelnewsasia.com/singapore/dementia-young-onset-below-65-survey-screening-test-4585526
  5. Alzheimer Society of Calgary. (n.d.). Young-onset dementia. Retrieved 5 March, 2020, from https://www.alzheimercalgary.ca/learn/types-of-dementia/young-onset-dementia
  6. Siew, W. J. W. (2021). Support programmes for people with young-onset dementia. Lee Kuan Yew Centre for Innovative Cities. https://lkycic.sutd.edu.sg/wp-content/uploads/2022/07/LKYCIC-LLMAU-Webpost-Oct-2021-Support-Programmes-for-PYOD-Final.pdf

The post இளம் வயதிற்குள் ஏற்படும் முதுமைக்கால மறதி நோய் என்றால் என்ன? appeared first on DementiaHub.SG.

]]> முதுமைக்கால மறதி நோயின் மாறுபட்ட வகைகள் https://www.dementiahub.sg/ta/what-is-dementia/different-types-of-dementia/ Wed, 10 Aug 2022 01:25:40 +0000 https://www.dementiahub.sg/dementia/different-types-of-dementia/ முதுமைக்கால மறதி நோய் என்பது ஒற்றை நோயல்ல, அது அறிகுறிகளின் ஓர் தொகுப்பாகும். மூளையில் ஏற்படும் பல்வேறு மாற்றங்களால் ஏற்படுகின்ற பல்வேறு வகையான முதுமைக்கால மறதி நோய்கள் உள்ளன.

The post முதுமைக்கால மறதி நோயின் மாறுபட்ட வகைகள் appeared first on DementiaHub.SG.

]]>

கவனமாகக் கேளுங்கள்

3 நிமிட வாசிப்பு

முதுமைக்கால மறதி நோய் என்பது ஒற்றை நோயல்ல, அது அறிகுறிகளின் ஓர் தொகுப்பாகும். மூளையில் ஏற்படும் பல்வேறு மாற்றங்களால் ஏற்படுகின்ற பல்வேறு வகையான முதுமைக்கால மறதி நோய்கள் உள்ளன.

ஆல்சைமர் நோய்

ஆல்சைமர் நோய் என்பது முதுமைக்கால மறதி நோயின் மிகவும் பொதுவான வகையாகும். இது மூளையின் உயிரணுக்கள் மற்றும் அதைச் சுற்றியுள்ள சில வகையான புரதங்கள் திரள்வதால் ஏற்படுகிறது. இது ஒரு மெல்ல வளர்ச்சியடைகின்ற (மெதுவான) தொடக்கத்தைக் கொண்டுள்ளது, மேலும் இது ஒரு வளர்ச்சியடைகின்ற நோயாகும், இதனால் அறிகுறிகள் பல ஆண்டுகளாகப் படிப்படியாக மோசமடைகின்றன. AD என்பது மீளமுடியாத, நினைவாற்றல் மற்றும் சிந்தனைத் திறன்களை மெதுவாக பாதிக்கின்ற நோயாகும், மேலும் இது இறுதியாக உணவு உண்ணுதல் போன்ற எளிய வேலைகளை மேற்கொள்ளும் திறனைப் பாதிக்கலாம். தற்போது, ​​இந்த நோயைக் குணப்படுத்துவதற்கு எந்தச் சிகிச்சையும் இல்லை, ஆனால் சில சிகிச்சைகள்  AD-இன் அறிகுறிகளை கட்டுபடுத்த உதவலாம்.

இரத்தநாள முதுமைக்கால மறதி நோய்

இரத்தநாளம் சார்ந்த முதுமைக்கால மறதி நோய் என்பது ஒரு வகையான முதுமைக்கால மறதி நோயாகும், இது மூளையில் உள்ள இரத்த நாளங்களில் ஏற்படும் அடைப்பு  அல்லது காயத்தால் ஏற்படுகிறது. இந்த வகையான முதுமைக்கால மறதி நோயின் ஆரம்பம் திடீரென இருக்கலாம், இரத்தநாளம் சார்ந்த முதுமைக்கால மறதி நோயைக் கொண்ட ஒரு நபர் மூளை ஸ்கேன்களில் அறிகுறிகள் இல்லாத  பக்கவாதம் ஏற்பட்டதற்கான ஆதாரத்தையும் வெளிப்படுத்தலாம். இரத்தநாளம் சார்ந்த முதுமைக்கால மறதி நோய் மீளக்கூடியதாக இல்லை என்றாலும், அதன் ஆபத்துக் காரணிகளுக்குச் சிகிச்சையளிப்பது முக்கியமாகும். உயர் இரத்த அழுத்தம், நீரிழிவு நோய், அதிக இரத்தக் கொழுப்பு மற்றும் புகைபிடிக்கும் பழக்கம் போன்ற ஆபத்துக் காரணிகளைக் கட்டுப்படுத்துவது நோயின் வளர்ச்சியை மெதுவாக்கி, பக்கவாதம் மீண்டும் ஏற்படுவதைக் குறைக்கலாம்.

லெவி பாடி டிமென்ஷியா

லெவி பாடி டிமென்ஷியா என்பது ஒரு வகையான முதுமைக்கால மறதி நோயாகும், இது மூளையின் உயிரணுக்களுக்குள் லெவி பாடிகள் எனப்படும் அசாதாரண கட்டமைப்புகளின் திரட்சியின் போது ஏற்படுகிறது. இது இயக்கம், சிந்தனை மற்றும் நடத்தையில் மாற்றங்களை ஏற்படுத்துகிறது. பார்கின்சன் நோயினாலும் LBD-இன் அறிகுறிகள் சிலநேரங்களில் ஏற்படலாம் – இந்த அறிகுறிகளில் மந்தநிலை, நடுக்கங்கள், கடினமான தசைகள் மற்றும் தெளிவான காட்சிசார் மாயத்தோற்றங்கள் ஆகியவை அடங்கும். மற்ற முக்கிய அறிகுறிகளில் கவனம், ஒழுங்கமைப்பு, பிரச்சினையைத் தீர்த்தல் மற்றும் திட்டமிடல் ஆகியவற்றுடனான பிரச்சினைகளும் அடங்கும். LBD-ஐக் கொண்டிருப்பவர்கள், அவர்களின் அதிகரித்த இறுக்கத்தன்மை, உறுதியற்ற தன்மை மற்றும் மெதுவான நடை போன்றவற்றின் காரணமாக கீழே விழுவதற்கான அதிக அபாயங்களைக் கொண்டுள்ளனர்.1

ஃப்ரெண்டொடெம்போரல் டிமென்ஷியா

ஃப்ரெண்டொடெம்போரல் டிமென்ஷியா என்பது ஒரு வகை முதுமைக்கால மறதி நோயாகும், இது குறிப்பிடத்தக்க ஆளுமை மாற்றங்கள் மற்றும் சில சந்தர்ப்பங்களில், மொழி சிரமங்களால் வகைப்படுத்தப்படுகிறது. இது மூளையின் முன் மற்றும்/அல்லது பக்கவாட்டுப் பகுதிகளில் படிப்படியாக ஏற்படுகின்ற சேதத்தால் ஏற்படுகிறது. FTD ஆனது அறிவுசார் திறன்கள் மற்றும் ஆளுமை, மனவுணர்வு மற்றும் நடத்தை ஆகியவற்றில் மாற்றங்கள் ஏற்படுவதற்கு வழிவகுக்கலாம், அவை மூளையின் முன் மடல் செயல்பாட்டுடன் தொடர்புடையவை. மூளையின் பக்கவாட்டு மடல்களின் செயல்பாட்டுடன் தொடர்புடைய பொருள்களை அடையாளம் கண்டறிதல், புரிதல் அல்லது மொழி வெளிப்பாடு ஆகியவற்றிலும் FTD சிரமத்தை ஏற்படுத்தலாம்.

FTD பெரும்பாலும் ஆல்சைமர் நோய், பார்கின்சன் நோய் அல்லது மனச்சோர்வு, பெருவிருப்பக் கட்டாய மனப்பிறழ்வு அல்லது ஸ்கிசோஃப்ரினியா போன்ற மனநலக் கோளாறுகள் என்று தவறாகக் கருதப்படுகிறது. FTD-க்கு சிகிச்சை அல்லது குணப்படுத்தல் இல்லை என்றாலும், மருந்துகள் மற்றும் வாழ்க்கைமுறை மாற்றங்கள் அதன் அறிகுறிகளைப் போக்க உதவலாம். FTD பெரும்பாலும் இளம் வயதில், சுமார் 45-65 வயதில் உருவாகிறது. 65 வயதிற்கு குறைவான வயதில் முதுமைக்கால மறதி நோய் உருவாகும் போது, அவர்களுக்கு இளம் வயதிற்குள் ஏற்படும் முதுமைக்கால மறதி நோய் இருப்பதாக கூறப்படுகிறது.

மதுபானம் தொடர்பான முதுமைக்கால மறதி நோய்

மதுபானம் தொடர்பான முதுமைக்கால மறதி நோய் என்பது மதுபானம் தொடர்பான மூளை பாதிப்பால் ஏற்படுகின்ற ஒரு அறிவாற்றல் கோளாறாகும். வைட்டமின் குறைபாடுகள், குறிப்பாக கடுமையான வைட்டமின் B-1 குறைபாடு காரணமாக மூளையின் சில பகுதிகள் சேதமடையக்கூடும், ஏனெனில் மதுபானம் இந்த வைட்டமின் உறிஞ்சுதலையும் பயன்பாட்டையும் தடுக்கிறது. அதிக அளவு மதுபானங்களைத் தொடர்ந்து குடிப்பதே மதுபானம் தொடர்பான முதுமைக்கால மறதி நோய்க்கான ஆபத்துக் காரணியாகும்.2

இந்தக் கட்டுரை பயனுள்ளதாக இருந்ததா?

ஆம் இல்லை
×

Tell us how we can improve?

×

Thank you for your feedback!

Your feedback will really help us to improve our content to support those living with dementia.

Follow us on social media:

Facebook Pinterest

கூடுதல் வளஆதாரங்கள் [/speaker-mute]

60களில் டிமென்ஷியா சிங்கப்பூர்: அத்தியாயம் 1 – முதுமைக்கால மறதி நோய் என்றால் என்ன? அது எவ்வளவு பரவலாக உள்ளது?
ஆதாரம்: டிமென்ஷியா சிங்கப்பூர்

60களில் டிமென்ஷியா சிங்கப்பூரின் முதல் அத்தியாயத்தில், CEO ஜேசன் ஃபூ அவர்கள் முதுமைக்கால மறதி நோய் பற்றிய சில முக்கியமான உண்மைகளையும் புள்ளிவிவரங்களையும் பகிர்ந்து கொண்டு இந்தக் கேள்விகளுக்கான பதில்களைத் தெரிவிக்கிறார்.

முதுமைக்கால மறதி நோயை (டிமென்ஷியா) புரிந்துகொள்ளுதல்
ஆதாரம்: கூ டெக் புவாட் மருத்துவமனை

இந்த உதவித்தொகுப்பு முதுமைக்கால மறதி நோயின் வகைகள், கட்டங்கள் மற்றும் அறிகுறிகள் பற்றிய தகவல்களை உள்ளடக்கியுள்ளது. இன்று முதுமைக்கால மறதி நோய்க்கான தரநிலைப் பராமரிப்பாகப் பரவலாக ஒப்புக் கொள்ளப்படும் நபரை மையமாகக் கொண்ட பராமரிப்பின் தத்துவம் பற்றிய தகவல்களும் இதில் உள்ளடங்கியுள்ளன.

மேற்கோள்கள்

  1. Dementia Australia. (n.d.). Lewy Body Disease. https://www.dementia.org.au/about-dementia/types-of-dementia/lewy-body-disease
  2. Dementia Australia. (n.d.). Alcohol related dementia. https://www.dementia.org.au/about-dementia/types-of-dementia/alcohol-related-dementia

The post முதுமைக்கால மறதி நோயின் மாறுபட்ட வகைகள் appeared first on DementiaHub.SG.

]]> இது முதுமைக்கால மறதி நோயா அல்லது பிற நோய் நிலையா? https://www.dementiahub.sg/ta/what-is-dementia/is-it-dementia-or-other-conditions/ Wed, 10 Aug 2022 01:24:35 +0000 https://www.dementiahub.sg/dementia/is-it-dementia-or-other-conditions/ சில நோய் நிலைகள் முதுமைக்கால மறதி நோயுடனான அறிகுறிகளைப் போல இருக்கலாம். முதுமைக்கால மறதி நோய், லேசான அறிவாற்றல் குறைபாடு, மனச்சோர்வு மற்றும் உளக்குழப்பம் ஆகியவற்றுக்கு இடையேயான ஒப்பீடு இங்கே கொடுக்கப்பட்டுள்ளது:

The post இது முதுமைக்கால மறதி நோயா அல்லது பிற நோய் நிலையா? appeared first on DementiaHub.SG.

]]>

கவனமாகக் கேளுங்கள்

2 நிமிட வாசிப்பு

சில நோய் நிலைகள் முதுமைக்கால மறதி நோயுடனான அறிகுறிகளைப் போல  இருக்கலாம். முதுமைக்கால மறதி நோய், லேசான அறிவாற்றல் குறைபாடு, மனச்சோர்வு மற்றும் உளக்குழப்பம் ஆகியவற்றுக்கு இடையேயான ஒப்பீடு இங்கே கொடுக்கப்பட்டுள்ளது:

முதுமைக்கால மறதி நோய் மற்றும் இலேசான அறிவுத்திறன் குறைபாடு (Mild Cognitive Impairment, MCI)

முதுமைக்கால மறதி நோய் மற்றும் இலேசான அறிவுத்திறன் குறைபாடு ஆகியவை வெவ்வேறு நிலைமைகளாகும். 

லேசான அறிவாற்றல் குறைபாடு (Mild Cognitive Impairment, MCI) என்பது நினைவாற்றல் மற்றும் சிந்திக்கும் திறன் உள்ளிட்ட அறிவாற்றல் திறன்களில் மிதமான ஆனால் கவனிக்கத்தக்க மற்றும் அளவிடக்கூடிய சரிவைக் கொண்ட ஒரு கோளாறு ஆகும்.

MCI-ஐக் கொண்டிருக்கும் ஒரு நபரால் இன்னும் அவரது வழக்கமான நிலையில்  செயல்பட முடியும், ஆனால் முதுமைக்கால மறதி நோய் ஏற்படும் அபாயம் அவருக்கு அதிகமாக உள்ளது.

முதுமைக்கால மறதி நோயைப் போலல்லாமல், MCI ஒரு நபரின் எளிய வழக்கமான பணிகளைச் செய்யும் அல்லது சாதாரண வாழ்க்கையை நடத்தும் திறனைப் பாதிப்பதில்லை.

இதிலிருந்து தழுவப்பட்டது: சிங்ஹெல்த்த்1

முதுமைக்கால மறதி நோய் மற்றும் மனச்சோர்வு

மனச்சோர்வு மற்றும் முதுமைக்கால மறதி நோய் இரண்டும் ஒரே மாதிரியான அறிகுறிகளான தனிமைப்படுதல், பொழுதுபோக்கில் ஆர்வம் குறைதல், சமூக விலகல் மற்றும் பற்றின்மை போன்ற அறிகுறிகளைப் கொண்டிருப்பதால்,  இரண்டு நோய் நிலைகளும் எளிதில் குழப்பத்தை ஏற்படுத்தலாம். கடுமையான மனச்சோர்வு சிலநேரங்களில் சூடோடிமென்ஷியா எனப்படும் அறிவாற்றல் குறைபாடு அறிகுறிகளை ஏற்படுத்தலாம், இதனால் மனச்சோர்வுடன் தொடர்புடைய தனது உணர்வுகளை வெளிப்படுத்துவது ஒருவருக்குக் கடினமாகிறது.

முதுமைக்கால மறதி நோய் மற்றும் மனச்சோர்வு ஆகியவற்றுக்கு இடையேயான தொடர்பைப் பற்றிய ஆராய்ச்சி இன்னும் நடைபெற்று வருகிறது என்றாலும், நடு- அல்லது பிந்தைய வாழ்க்கையில் மனச்சோர்வு அறிகுறிகளைக் கொண்டிருப்பது முதுமைக்கால மறதி நோய் ஏற்படுவதற்கான அதிக அபாயத்துடன் தொடர்பைக் கொண்டிருக்கிறது என்று பல ஆதாரங்கள் பரிந்துரைக்கின்றன.2 எனினும், மனச்சோர்வுடன் வாழ்பவர்களுக்கு முதுமைக்கால மறதி நோய் ஏற்படும் என்ற அவசியமில்லை.

முதுமைக்கால மறதி நோய் மற்றும் மனச்சோர்வுக்கு இடையே உள்ள சில முக்கிய வேறுபாடுகள்:3

  • தொடக்கம், கால அளவு மற்றும் போக்கு: முதுமைக்கால மறதி நோயின் தொடக்கம் படிப்படியான மற்றும் மீளமுடியாத சீர்கேட்டுடன் மெதுவாகவும் மறைவாகவும் இருக்கிறது; மனச்சோர்வு மற்றும் மனநிலை மாற்றங்கள் இரண்டு வாரங்கள் முதல் ஆண்டுக்கணக்கில் நீடிக்கலாம், ஆனால் அவை மீளக்கூடியவை.
  • மனநிலை: தொடக்க முதுமைக்கால மறதி நோயைக் கொண்டவருக்கு மனச்சோர்வடைந்த மனநிலை இருக்கலாம், ஆனால் அவருக்கு அது நிச்சயமாக இருக்கும் என்று கூற முடியாது; மனச்சோர்வை அனுபவிக்கும் ஒருவருக்கு மனச்சோர்வடைந்த மனநிலை நிச்சயமாக இருக்கும்.
  • • சிந்தித்தல்: முதுமைக்கால மறதி நோயுடன், வார்த்தையைக் கண்டறிதல் மற்றும் புரிதல் ஆகியவற்றில் பெரும்பாலும் சிரமம் உள்ளது, ஆனால் மனச்சோர்வில், சிந்தனை பெரும்பாலும் அப்படியே இருக்கும், இருப்பினும் சிந்தனையின் உள்ளடக்கம் பெரும்பாலும் உதவியற்ற தன்மை மற்றும் நம்பிக்கையற்ற தன்மையைக் கொண்டிருக்கும்.

முதுமைக்கால மறதி நோய் மற்றும் உளக்குழப்பம்

உளக்குழப்பம் என்பது மூளையில் ஏற்படும் திடீர் மாற்றத்தை குறிக்கிறது, இது ஒரு ஒருவரின் சுயஉணர்வு நிலை, உளவியக்கத் தொந்தரவுகள், நினைவுத்திறன் குறைபாடுகள், மனவுணர்வு சார்ந்த மாற்றங்கள் மற்றும் மாற்றப்பட்ட அறிவாற்றல் அல்லது கண்ணோட்டம் ஆகியவற்றால் வகைப்படுத்தப்படுகிறது. இவை பல மணிநேரங்களுக்கு அல்லது நாட்கணக்கில் ஏற்படுகின்றன. ஆபத்துக் காரணிகளில் உடல் ரீதியாக நோய் ஏற்படுதல், உணர்திறன் குறைபாடுகள், சமீபத்திய அறுவைச் சிகிச்சைகள் மற்றும் மருந்துகள் அல்லது போதைமருந்துகளின் பயன்பாடு (பரிந்துரைக்கப்பட்டவை அல்லது சட்டவிரோதமானவை) ஆகியவை அடங்கும். உளக்குழப்பம் வழக்கமாக மீளக்கூடியது. 

உளக்குழப்பமானது முதுமைக்கால மறதி நோயுடன் ஏற்படும் என்ற அவசியமில்லை, மேலும் முதுமைக்கால மறதி நோயை கொண்டிருக்காதவர்களுக்கும் உளக்குழப்பம் ஏற்படலாம். உளக்குழப்பம் போலல்லாமல், முதுமைக்கால மறதி நோய் பல ஆண்டுகளாக மெதுவாக வளர்ச்சியடைகிறது, சுயநினைவின் அளவில் மாற்றம் செய்வதில்லை, நிரந்தரமானது மற்றும் ஓரளவு சீரான அடையாளங்களையும் அறிகுறிகளையும்  கொண்டுள்ளது. முதுமைக்கால மறதி நோயுடன் வாழ்பவர்களின் நடத்தையும் கூட, தினசரி அடிப்படையில் ஓரளவிற்குச் சீரானதே.

இதிலிருந்து தழுவப்பட்டது: சாங்கி பொது மருத்துவமனை 4 மற்றும் HealthXchange.sg 5

இந்தக் கட்டுரை பயனுள்ளதாக இருந்ததா?

ஆம் இல்லை
×

Tell us how we can improve?

×

Thank you for your feedback!

Your feedback will really help us to improve our content to support those living with dementia.

Follow us on social media:

Facebook Pinterest
மேற்கோள்கள்

  1. SingHealth. (n.d.) Mild Cognitive Impairment (MCI): Signs and Symptoms. HealthXchange.sg. Retrieved on 5 March, 2021, from https://www.healthxchange.sg/seniors/ageing-concerns/mild-cognitive-impairment-signs-symptoms
  2. Barnes, D. E., Yaffe, K., Byers, A. L., McCormick, M., Schaefer, C., & Whitmer, R. A. (2012). Midlife vs late-life depressive symptoms and risk of dementia: Differential effects for Alzheimer disease and vascular dementia. Archives of general psychiatry, 69(5), 493-498.
  3. Victoria State Government. (n.d.). Differential diagnosis – depression, delirium and dementia. health.vic. Retrieved April 28, 2021, from https://www2.health.vic.gov.au/hospitals-and-health-services/patient-care/older-people/cognition/diff-diagnosis
  4. Changi General Hospital. (2019, January 10). Decoding Delirium. Changi General Hospital. https://www.cgh.com.sg/about-cgh/news/caring/issue2-2022/decoding-delirium.newsdetails 
  5. Lim, S. C. (n.d.). Dementia and Delirium: Know the Difference. HealthXchange.sg. Retrieved on 24 March, 2021, from https://www.healthxchange.sg/head-neck/brain-nervous-system/dementia-delirium-difference

The post இது முதுமைக்கால மறதி நோயா அல்லது பிற நோய் நிலையா? appeared first on DementiaHub.SG.

]]>