சுயசார்புடன் வாழ்தல் - DementiaHub.SG https://www.dementiahub.sg/ta/i-live-with-dementia-category/independent-living/ Singapore’s One-Stop Resource Portal on Dementia Fri, 07 Aug 2026 06:19:22 +0000 ta-IN hourly 1 https://www.dementiahub.sg/wp-content/uploads/2022/06/fav.png சுயசார்புடன் வாழ்தல் - DementiaHub.SG https://www.dementiahub.sg/ta/i-live-with-dementia-category/independent-living/ 32 32 FINGER மாதிரி – அறிவுத்திறன் குறைதலைத் தடுத்தல் https://www.dementiahub.sg/ta/living-well-with-dementia/finger-model-to-prevent-cognitive-decline/ Mon, 04 Aug 2025 03:59:10 +0000 https://www.dementiahub.sg/dementia/finger-model-to-prevent-cognitive-decline/ அறிவுத்திறன் குறைபாடு மற்றும் இயலாமையைத் தடுப்பதற்கான பின்னிஷ் முதியோர் சிகிச்சை ஆய்வு (FINGER) மாதிரி என்பது மருந்துகளைக் காட்டிலும் வாழ்க்கை முறை மாற்றங்களில் கவனம் செலுத்தும் ஒரு முழுமையான அணுகுமுறையாகும்.

The post FINGER மாதிரி – அறிவுத்திறன் குறைதலைத் தடுத்தல் appeared first on DementiaHub.SG.

]]>

கவனமாகக் கேளுங்கள்

2 நிமிட வாசிப்பு

FINGER மாதிரியின் முக்கிய கோட்பாடுகள்

FINGER மாதிரியின் முக்கிய கோட்பாடுகள்:

  1. ஊட்டச்சத்து: அறிவுத்திறன் செயல்பாட்டை ஆதரிக்கும் பழங்கள், காய்கறிகள், முழு தானியங்கள் மற்றும் மெலிந்த புரதங்கள் நிறைந்த சமச்சீர் உணவு. 
  2. உடல்ரீதியான செயல்பாடு: நடைபயிற்சி போன்ற வழக்கமான நடவடிக்கைகள் மூளைக்கு இரத்த ஓட்டத்தையும் புதிய நரம்பியல் இணைப்புகளின் வளர்ச்சியையும் மேம்படுத்தும்.
  3. அறிவுத்திறன் பயிற்சி: புதிர்கள் மற்றும் நினைவாற்றல் விளையாட்டுகள் போன்ற நடவடிக்கைகள் மூளையை சுறுசுறுப்பாகவும் ஈடுபாட்டுடனும் வைத்திருக்கும்.
  4. சமூக ஈடுபாடு: இத்தகைய ஈடுபாடு மன தூண்டுதலையும் உணர்ச்சிபூர்வமான ஆதரவையும் வழங்குகிறது, இவை அறிவாற்றல் ஆரோக்கியத்தைப் பேணுவதற்கு அவசியமானவை.
  5. இருதயக் கோளாறுகளுடன் தொடர்புடைய ஆபத்து காரணிகளைக் கண்காணித்தல்: இரத்த அழுத்தம், கொழுப்பு, இரத்த சர்க்கரை மற்றும் உடல் எடை போன்ற இருதய ஆபத்து காரணிகளைக் கட்டுப்படுத்துவதும் மூளையின் ஆரோக்கியத்திற்கு முக்கியம்.

மேலே உள்ள ஒவ்வொரு கூறுகளும் மூளையின் ஆரோக்கியத்தை மேம்படுத்துவதிலும் அறிவுத்திறன் குறைதலைத் தடுப்பதிலும் முக்கிய பங்கு வகிக்கின்றன.

சமூக உறவுகளைப் பேணுவதற்கும் மூளையைச் சுறுசுறுப்பாக ஈடுபடுத்துவதற்கும் வாழ்க்கை முறை நடவடிக்கைகளைச் செயல்படுத்துதல்

அன்றாட வாழ்வில் FINGER மாதிரியை ஒருங்கிணைப்பது என்றால், ஒருவரின் அன்றாட வழக்கத்தை மீண்டும் கண்டுபிடிக்க வேண்டும் என்று அர்த்தமல்ல. அது அவர்களை அச்சுறுத்த வேண்டிய அவசியமில்லை. நீங்கள் சிறிய, சமாளிக்கக்கூடிய மாற்றங்களிலிருந்து தொடங்கலாம். உதாரணமாக, உணவில் அதிக பழங்கள் மற்றும் காய்கறிகளைச் சேர்ப்பது அல்லது அடிக்கடி சுறுசுறுப்பாக நடைப்பயிற்சி செய்வது. இந்த சிறிய

வழிமுறைகள் காலப்போக்கில் குறிப்பிடத்தக்க மாற்றத்தை ஏற்படுத்தும்.

மன ரீதியான மற்றும் சமூக ரீதியான நடவடிக்கைகளுக்கு மேலதிகமாக, ஒருவரின் வழக்கத்தில் உடல் உடற்பயிற்சியை ஒருங்கிணைப்பது ஒட்டுமொத்த நல்வாழ்வைப் பேணுவதில் மிக முக்கியமானது. வழக்கமான உடல் ரீதியான நடவடிக்கை ஆனது, இருதய ஆரோக்கியத்தை மேம்படுத்துவது மட்டுமல்லாமல், மூளைக்கு இரத்த ஓட்டத்தை அதிகரிப்பதன் மூலம் அறிவுத்திறன் செயல்பாட்டை மேம்படுத்துகிறது.

பூங்காவில் சுறுசுறுப்பான நடைப்பயிற்சியாக இருந்தாலும் சரி, யோகா பயிற்சியாக இருந்தாலும் சரி, நடனப் பயிற்சியாக இருந்தாலும் சரி, உங்களுக்குப் பிடித்தமான ஒரு நடவடிக்கையைக் கண்டுபிடித்து, அதில் தொடர்ந்து ஈடுபடுங்கள். உடற்பயிற்சி உடலில் எண்டோர்பின்களை வெளியிடுகிறது, இது மனநிலையை மேம்படுத்தி, மன அழுத்தத்தைக் குறைக்கும், மேலும் அறிவாற்றல் ஆரோக்கியத்தையும் ஆதரிக்கும். சுகாதார நிபுணர்கள் பரிந்துரைப்பதுபடி, ஒருவர் வாரத்திற்கு குறைந்தது 150 நிமிடங்கள் மிதமான அளவு ஏரோபிக் நடவடிக்கையில் ஈடுபடுவதை இலக்காகக் கொள்ள வேண்டும்.

பழங்கள், காய்கறிகள், முழு தானியங்கள், மெலிந்த புரதங்கள் மற்றும் ஆரோக்கியமான கொழுப்புகள் நிறைந்த சீரான உணவு, உங்கள் மூளை உகந்ததாக செயல்பட தேவையான அத்தியாவசிய ஊட்டச்சத்துக்களை வழங்குகிறது. பெர்ரி போன்ற ஆக்ஸிஜனேற்றிகள் மற்றும் சால்மன் போன்ற மீன்களில் காணப்படும் ஒமேகா-3 கொழுப்பு அமிலங்கள் அதிகம் உள்ள உணவுகள் குறிப்பாக நன்மை பயக்கும்.

லேசான நீர்ச்சத்து இழப்பு உங்கள் கவனம் மற்றும் அறிவாற்றல் திறன்களைப் பாதிக்கும் என்பதால், நீர்ச்சத்துடன் இருப்பதும் சமமான அளவுக்கு முக்கியமானது. ஒருவரின் குறிப்பிட்ட தேவைகள் மற்றும் விருப்பங்களைப் பூர்த்தி செய்யும் உணவுத் திட்டத்தை வடிவமைக்கவும், உங்கள் உடலையும் மனதையும் திறம்பட ஊக்குவிக்கவும் ஓர் ஊட்டச்சத்து நிபுணரை அணுகுவது பற்றி பரிசீலிக்க வேண்டும்.

இந்த வாழ்க்கை முறை மாற்றங்களை ஒருங்கிணைப்பது நீண்டகால அறிவுத்திறன் உயிர்ச்சக்திக்கு வலுவான அடித்தளத்தை அமைக்கிறது.

உள்ளூர் முதுமைக்கால மறதி நோய் பராமரிப்புக்கான ஒரு நம்பிக்கைக்குரிய அணுகுமுறை

FINGER மாதிரி பின்லாந்தில் இருந்து தோன்றினாலும், சிங்கப்பூர் உட்பட உலகளவில் பல்வேறு ஆய்வுகளில் இது செயல்படுத்தப்பட்டுள்ளது. இதன் தழுவல் ஓர் ஊக்கமளிக்கும் போக்கைக் குறிக்கிறது, இது உள்ளூர்வாசிகள் மற்றும் குடும்பங்களுக்கான அறிவுத்திறன் ஆதரவுப் பராமரிப்பை மேம்படுத்துவதற்கான அதன் திறனை எடுத்துக்காட்டுகிறது.

எழுத்தாளரின் வாழ்க்கை வரலாறு

ஹோவி கேர் (HoviCare), துடிப்பாக மூப்படைதல் மற்றும் முழுமையான நல்வாழ்வுத் திட்டங்கள் மூலம் உயர்தர வாழ்க்கைத் தரத்தை அடைவதில் மூத்த குடிமக்களை ஆதரிப்பதற்காக வடிவமைக்கப்பட்ட மூத்தோர் மற்றும் அறிவுத்திறன் ஆதரவுப் பராமரிப்புச் சேவைகளை வழங்குகிறார். இச்சேவைகளானது அறிவாற்றல், சமூக மற்றும் உடல் ரீதியான மறுவாழ்வை இணைத்து, தனிநபரின் தேவைகளை ஆதரிப்பதற்கும் பூர்த்தி செய்வதற்கும் உதவுகின்றன.

இணையத்தளம்: http://www.hovicare.sg/

 

  1. Alzheimer’s Society (2025). Anxiety and Dementia. https://www.alzheimers.org.uk/about-dementia/symptoms-and-diagnosis/anxiety-dementia.
  2. Barrell, A. (2020). Stress vs. anxiety: How to tell the difference. Medical News Today. https://www.medicalnewstoday.com/articles/stress-vs-anxiety
  3. Dementia UK. (October, 2022). Managing anxiety and depression in a person living with dementia. https://www.dementiauk.org/information-and-support/health-advice/managing-anxiety-and-depression-in-a-person-living-with-dementia/

இந்தக் கட்டுரை பயனுள்ளதாக இருந்ததா?

ஆம் இல்லை
×

Tell us how we can improve?

×

Thank you for your feedback!

Your feedback will really help us to improve our content to support those living with dementia.

Follow us on social media:

Facebook Pinterest

அடுத்து படிக்கவும்

The post FINGER மாதிரி – அறிவுத்திறன் குறைதலைத் தடுத்தல் appeared first on DementiaHub.SG.

]]> முதுமைக்கால மறதி நோயுடன் சுயசார்புடன் வாழ்தல் https://www.dementiahub.sg/ta/living-well-with-dementia/living-independently-with-dementia/ Sat, 08 Oct 2022 01:57:35 +0000 https://www.dementiahub.sg/dementia/living-independently-with-dementia/ முதுமைக்கால மறதி நோயுடன் சுயசார்புடன் வாழ்வதில் பல மாற்றங்கள் ஏற்படலாம். நீங்கள் தனியாகக் தங்கியிருந்து, தற்போது ஆரம்ப நிலை முதுமைக்கால மறதி நோய் அல்லது லேசான அறிவாற்றல் குறைபாட்டுடன் (Mild Cognitive Impairment, MCI) வாழ்பவராக இருந்தால், உங்களின் சுயசார்பை முடிந்த காலம் வரை பராமரிப்பதற்கான மாற்றங்களைச் சமாளிப்பதற்கான சில உதவிக்குறிப்புகள் இங்கு வழங்கப்பட்டுள்ளன.

The post முதுமைக்கால மறதி நோயுடன் சுயசார்புடன் வாழ்தல் appeared first on DementiaHub.SG.

]]>

கவனமாகக் கேளுங்கள்

5 நிமிட வாசிப்பு

முதுமைக்கால மறதி நோயுடன் சுயசார்புடன் வாழ்வதில் பல மாற்றங்கள் ஏற்படலாம்.

நீங்கள் தனியாகக் தங்கியிருந்து, தற்போது ஆரம்ப நிலை முதுமைக்கால மறதி நோய் அல்லது லேசான அறிவாற்றல் குறைபாட்டுடன் (Mild Cognitive Impairment, MCI) வாழ்பவராக இருந்தால், உங்களின் சுயசார்பை முடிந்த காலம் வரை பராமரிப்பதற்கான மாற்றங்களைச் சமாளிப்பதற்கான சில உதவிக்குறிப்புகள் இங்கு வழங்கப்பட்டுள்ளன.

அன்றாட பணிகளை எளிதாக்குங்கள்

வழக்கமான தினசரி வழக்கத்தைக் கொண்டிருங்கள்
ஒரு வழக்கமான வழக்கத்தை உருவாக்கவும், இது ஒரு நாளில் என்ன செய்ய வேண்டும் என்பதை நீங்கள் நினைவில் கொள்வதை எளிதாக்குகிறது. அன்புக்குரியவரைச் சந்திப்பது மற்றும் மனம் மகிழ்வதற்கு வெளியே செல்வது போன்ற பல்வேறு வகையான நடவடிக்கைகளை சில நாட்களில் மேற்கொள்வதற்கு நீங்கள் கருத்தில் கொள்ளலாம். இந்த நடவடிக்கைகள் உங்கள் நாட்கள் மிகவும் அர்த்தமுள்ளதாகவும், ஈடுபாட்டுடனும் இருக்க உதவும், மேலும் நீங்கள் வெறுமனே இருப்பதை அல்லது உங்களுக்கு சலிப்பு ஏற்படுவதைத் தடுக்கும்.


உங்கள் நாளை ஒழுங்கமைக்கவும்
உங்கள் குளிர்சாதனப்பெட்டியின் கதவு போன்ற நீங்கள் அடிக்கடி பார்க்கக்கூடிய இடத்தில் ஒரு நாள்காட்டியை அல்லது குறிப்பேட்டை வைக்கவும். இந்த நாள்காட்டியில், உங்களின் பின்வரும் விஷயங்களைப் பின்தொடர நீங்கள் இதைப் பயன்படுத்தலாம்:

• அன்றைய தினம் செய்ய வேண்டியவற்றின் பட்டியல்
• மருத்துவ நியமன சந்திப்புகள், உங்கள் குடும்பத்தினர் மற்றும் நண்பர்கள் உடனான சந்திப்பு.
• பணிகள் மற்றும் நியமன சந்திப்புகளை நீங்கள் நிறைவு செய்த உடன் அவற்றை அழித்துவிடவும். ஒவ்வொரு நாளின் முடிவிலும், உங்கள் நாள்காட்டியில் உள்ள தேதியை அழித்துவிடுங்கள், ஏனெனில் இது அடுத்த நாள் நீங்கள் எழுந்திருக்கும் போது அன்றைய தேதியை உறுதியாக அறிந்துகொள்ள உதவுகிறது.
• உங்கள் அன்றாட நடவடிக்கைகளைப் பதிவு செய்ய நீங்கள் ஒரு நாட்குறிப்பையும் வைத்துக் கொள்ளலாம்.
• நீங்கள் என்ன செய்தீர்கள் என்பதைக் குறிக்க சில வாக்கியங்களை எழுதலாம், புகைப்படங்கள் மற்றும் குறிப்புகள் (உணவு ரசீதுகள், மளிகைப் பட்டியல்கள் மற்றும் ரசீதுகள், திரைப்பட நுழைவுச்சீட்டுகள் போன்றவை) ஒட்டி வைக்கலாம். அன்றைய தினத்திற்கான உங்கள் உணர்வுகளையும் நீங்கள் எழுதலாம்.
• அவ்வப்போது, ​​நீங்கள் முன்பு செய்ததை அல்லது உணர்ந்ததை உங்களுக்கு நினைவூட்ட, இந்த நாட்குறிப்பைத் திரும்பிப் பார்க்கலாம்.


விவரச்சீட்டுகள் மற்றும் குறிப்புகளைப் பயன்படுத்தவும்
உள்ளே சேமித்து வைக்கப்பட்டுள்ள பொருட்களைப் பற்றி உங்களுக்கு நினைவூட்டிக்கொள்ள, உங்கள் அலமாரிகள் மீது விவரச்சீட்டுகளை ஒட்டலாம். நீங்கள் வீட்டை விட்டு வெளியே செல்லும் போது உங்கள் சாவி மற்றும் பணப்பையை கொண்டு செல்ல உங்களுக்கு நினைவூட்ட, உங்கள் பிரதான கதவில் குறிப்புகளையும் ஒட்டி வைக்கலாம்.


கட்டணங்களைச் செலுத்துவதை எப்படி நினைவில் வைத்துக் கொள்வது
பணம் செலுத்தத் தவறுவதைத் தவிர்க்க, உங்கள் பில்லிங் நிறுவனங்களுக்கான (பயன்பாட்டு வழங்குநர்கள், தொலைத்தொடர்பு நிறுவனங்கள், காப்பீட்டு நிறுவனங்கள், முதலியன) கட்டணங்களைச் செலுத்துவதற்கு GIRO ஏற்பாடுகளை அமைக்கலாம் . நீங்கள் இணையம்வழி வங்கிப் பரிவர்த்தனை மூலம் GIRO ஏற்பாடுகளுக்கு விண்ணப்பிக்கலாம் அல்லது பில்லிங் நிறுவனங்களின் GIRO விண்ணப்பப் படிவங்களுக்காக அவர்களை அழைப்பதன் மூலம் விண்ணப்பிக்கலாம்.

வங்கிக் கணக்கு மற்றும் GIRO நிலையான அறிவுறுத்தலை நீங்கள் மறந்துவிடலாம் என்று கவலைப்பட்டால், அவ்வப்போது அதை உங்களுக்கு நினைவூட்டுமாறு ஒரு நம்பகமான நபரிடம் கேட்கலாம்.

• நீங்கள் வங்கியைத் தொடர்புகொள்ள வேண்டியிருந்தால், நீங்கள் வழக்கமாக தினமும் பார்க்கும் இடத்தில் வங்கியின் நேரடித் தொலைப்பேசி எண்ணை எழுது வைக்கலாம்.
• மாற்றாக, உங்கள் கட்டணங்களைச் செலுத்த உங்களுக்கு உதவுமாறு நீங்கள் நம்பும் ஒருவரிடம் கேட்கலாம். இந்த நபரால் உங்கள் நிதிநிலை அறிக்கைகளை மீளாய்வு செய்து, ஏதேனும் வழக்கத்திற்கு மாறான செயல்பாட்டைப் பற்றி உங்களுக்குத் தெரிவிக்கவும் உதவலாம்.


மருந்துகளை எவ்வாறு நிர்வகிப்பது
மருந்தளவுகளை ஒழுங்கமைக்கவும் நேரத் திட்டமிடவும் உங்களுக்கு உதவும் பல தயாரிப்புகள் உள்ளன. இந்தத் தயாரிப்புகளில் வாராந்திர மாத்திரைப் பெட்டிகள் மற்றும் அலாரம் கடிகாரத்துடன் கூடிய மின்னணு மாத்திரைப் பெட்டிகள் ஆகியவை அடங்கும். இந்தப் பெட்டிகளை மருந்தகங்கள் அல்லது ஆன்லைன் ஸ்டோர்களில் வாங்கலாம். மாற்றாக, உங்கள் மருந்துகளை எடுத்துக்கொள்ள உங்கள் தொலைபேசி அல்லது கணினியில் நினைவூட்டல்களை உருவாக்கலாம்.

உங்கள் வீடு பாதுகாப்பாக இருப்பதை உறுதிசெய்யுங்கள்

உங்கள் வீட்டில் சிறிய மாற்றங்களைச் செய்வது, முதுமைக்கால மறதி நோயுடன் நீங்கள் தொடர்ந்து சுதந்திரமாக வாழ்வதற்கு பாதுகாப்பான மற்றும் எளிமையான சூழலை உருவாக்க உதவும். எடுத்துக்காட்டுக்கு:


அதிகத் திறந்தவெளிகளை உருவாக்குங்கள்
உங்கள் வீட்டில் உள்ள தேவையற்ற ஆடைகள், உபகரணங்கள் மற்றும் தளபாடங்கள் போன்ற பயன்படுத்தப்படாத பொருட்களை அகற்றவும். உங்கள் சமையலறை மற்றும் குளியலறை(களுக்கு) செல்லும் தாழ்வாரங்கள் போன்ற பொதுவான இடங்களுக்கான பாதைகள் நேரடியாகவும் தடைகள் இல்லாமல் இருப்பதாகவும் இருக்க வேண்டும்.


கீழே விழும் அபாயத்தைக் குறைப்பதற்கு, பொருட்களை அகற்றவும்
வழுக்கி விடுவதைத் தடுக்க, தரைவிரிப்புகள் மற்றும் விரிப்புகளை அகற்றவும் அல்லது சுருட்டி வைக்கவும். கால் இடறி கீழே விழுவதற்கான வாய்ப்பைக் குறைப்பதற்கு, நடைபாதைகளில் இருந்து மின் வடங்கள் மற்றும் கம்பிகளை அகற்றவும் அல்லது அவை (சுவர்களில் அல்லது ஒரு மூலையில்) சேர்த்துக் கட்டப்பட்டிருப்பதை உறுதி செய்யவும். கீழே விழுவது காயம் மற்றும் உடற்குறையை ஏற்படுத்தலாம், மேலும் தனியாக வாழ்வதைச் சிரமமாக்கலாம் அல்லது சவாலானதாக மாற்றலாம்.


வெளிச்சத்தை அதிகரியுங்கள்
உங்கள் வாழறை, படுக்கையறைகள், கழிப்பறைகள் மற்றும்/அல்லது நடைவழிகளில் இரவு விளக்குகளை நிறுவவும். போதுமான வெளிச்சமானது, நீங்கள் இரவில் நன்றாகப் பார்க்கவும் பாதுகாப்பாக நடமாடவும் உதவும். மின்விளக்குகளின் சுவிட்சுகளின் மீது ஒளிரும் நாடாவை ஒட்டுவதன் மூலம் உங்களால் அவற்றை எளிதாகக் கண்டறிய முடியும். இது உங்களால் செய்ய முடியும் மற்றொரு செலவு குறைவான, ஆனால் பயனுள்ள நிறுவலாகும்.


தானாக அணைக்கப்படும் அடுப்பைப் பயன்படுத்துங்கள்
எரிவாயு அடுப்பைப் பயன்படுத்துவதற்குப் பதிலாக, டிஜிட்டல் டைமரைக் கொண்ட நேரத்தைக் கட்டுப்படுத்தும் கேஸ் ஹாபை நிறுவுவதைக் கருத்தில் கொள்ளுங்கள், இது முன்-அமைக்கப்பட்ட நேரம் நேரம் முடிந்த பிறகு தானாகவே எரிவாயு விநியோகத்தைத் துண்டிக்கும். பாதுகாப்பு அம்சங்களைக் கொண்ட கேஸ் ஹாப் குறித்து த ஸ்ட்ரெயிட்ஸ் டைம்ஸில் வெளிவந்துள்ள செய்திக் கட்டுரையைப் படிக்கவும்.

உங்கள் எரிவாயு அடுப்பை அணைக்க மறந்துவிட்டு, அது தொடர்ந்து இயங்குவது மிகவும் ஆபத்தானது. அடுப்பு தொடர்ந்து இயங்கிய பிறகு அது சுற்றுச்சூழலுக்கு மிக எளிதில் தீப்பற்றக்கூடிய வாயுவை வெளியேற்றினால், ஒரு தீப்பொறி எளிதில் எரிவாயுவைத் தீப்பற்ற வைத்து வீட்டில் தீயை ஏற்படுத்தும்.

மாற்றாக, மின்சார அடுப்பு அல்லது இண்டக்‌ஷன் குக்கரைப் பயன்படுத்துவதைக் கருத்தில் கொள்ளுங்கள், அது அதன் மேற்பரப்பில் பாத்திரங்களைக் கண்டறியாதபோது தானாகவே அணைந்துவிடும்.


இல்லத் தீ அலாரச் சாதனத்தை (Home Fire Alarm Device, HFAD) நிறுவுங்கள்
உங்கள் வீட்டில் இல்லத் தீ அலாரச் சாதனம் (HFAD) இல்லாவிட்டால், அதையும் நீங்கள் நிறுவலாம். HFAD ஆனது வீட்டிற்குள் கவனிக்கப்படாத சமையல் அல்லது மின்சாரத் தீயினால் ஏற்படும் தீ அல்லது வெள்ளைப் புகையைக் கண்டறிந்து, குடியிருப்பவரை எச்சரிக்க அலாரத்தை ஒலிக்கும். வீட்டில் தீ பற்றியிருப்பதை ஒருவருக்கு எச்சரிக்கை அளிக்கப்பட்டால், அவரால் சிறிய தீயை அணைக்க முடியும் அல்லது 995-ஐ அழைத்துத் தப்பிக்க முடியும். HFAD பற்றி மேலும் கண்டறியுங்கள்.

HFADகளை வழங்கும் சில்லறை விற்பனையாளர்களின் பட்டியலை SCDF-இன் இணையதளத்தில் கண்டறியுங்கள்.

பிற பாதுகாப்பு சாதனங்களை நிறுவுங்கள்
ஜிபிஎஸ் டிராக்கர்கள், அவசரகால விழிப்பூட்டல் பொத்தான்கள் மற்றும் கீழே விழுவதைக் கண்காணிக்கின்ற சாதனங்கள் ஆகியவை நீங்கள் கருத்தில் கொள்ள விரும்புக்கூடிய பிற பாதுகாப்பு சாதனங்களாகும். சரியான சாதனத்தை வாங்கி உங்களுக்காக அமைக்க உதவுமாறு குடும்பத்தினர் அல்லது நண்பரிடம் கேளுங்கள். இந்தச் சாதனங்கள் பற்றி மேலும் கண்டறியுங்கள்.


360° விர்ச்சுவல் ரியாலிட்டி முதுமைக்கால மறதி நோய்க்கு உகந்த HDB வீட்டு வடிவமைப்பு வழிகாட்டி
முதுமைக்கால மறதி நோயுடன் தொடர்ந்து சார்பின்றி வாழ்வதற்கு, உங்கள் தேவைகள் மற்றும் விருப்பங்களின் அடிப்படையில் உங்கள் வீட்டை எவ்வாறு மாற்றுவது என்பதை அறிய, சமீபத்திய 360° விர்ச்சுவல் ரியாலிட்டி முதுமைக்கால மறதி நோய்க்கு உகந்த HDB வீட்டு வடிவமைப்பு வழிகாட்டியை பார்க்கவும்.

உங்கள் CARA உறுப்பினர் அட்டையை எடுத்துச் செல்லுங்கள்

நீங்கள் தொலைந்துவிட்டால் அல்லது உதவி தேவைப்பட்டால் CARA உறுப்பினர் அட்டை மிகவும் உதவியாக இருக்கும். இது முன்னாள் தேசிய சமூகச் சேவை மன்றத்தின் (NCSS) பாதுகாப்பாகத் திரும்புவதற்கான அட்டைக்குப் பதிலாக இப்போது மேம்படுத்தப்பட்ட அம்சங்களுடன் வருகிறது. CARA உறுப்பினர் அட்டையில் முதுமைக்கால மறதி நோயுடன் வாழும் பதிவு செய்யப்பட்ட நபருக்குத் தனித்துவமான ஒரு QR குறியீடு உள்ளது. நீங்கள் தொலைந்து போனால், பொதுமக்கள் இந்த QR குறியீட்டை ஸ்கேன் செய்து, படிவத்தைச் சமர்ப்பிப்பதன் மூலம் விழிப்பூட்டலைச் செய்யலாம். படிவத்தைச் சமர்ப்பித்தவுடன், உங்கள் கணக்குடன் இணைக்கப்பட்டுள்ள உங்கள் குடும்பத்தினர் அல்லது நண்பருக்குத் தகவல் தெரிவித்து, நீங்கள் பாதுகாப்பாக வீடு திரும்ப உதவ முடியும்.

CARA பற்றி மேலும் கண்டறியுங்கள்.

உங்கள் ஆதரவு அமைப்பு உருவாக்குங்கள்

நீங்கள் நம்பக்கூடிய நபர்களை அடையாளம் காணவும்
நீங்கள் நம்பக்கூடிய குடும்பத்தினர் மற்றும் நண்பர்களை அடையாளம் கண்டறிந்து, அவர்களை உங்கள் அவசரகாலத் தொடர்புகளாக வைத்துக் கொள்ளுங்கள். அவர்களின் தொலைபேசி எண்களை ஒரு காகிதத்தில் எழுதி உங்கள் வீட்டுத் தொலைபேசியின் அருகில் ஒட்டி வைக்கவும் அல்லது அவர்களின் எண்களை உங்கள் கைப்பேசியில் சேமித்து வைக்கவும். உங்கள் வேக அழைப்புத் தொடர்புகளில் அவர்களின் எண்களை உள்ளிடுவதற்குக் கருதுங்கள்.


உங்களுக்குக் கண்டறியப்பட்ட நோயைப் பற்றி நீங்கள் நம்பக்கூடிய அண்டை வீட்டாருடன் பகிர்ந்துகொள்ளுங்கள்
நல்ல அண்டைவீட்டார்களால் குடும்பத்தினரைப் போல இருக்க முடியும், அவர்கள் உங்களுக்கு மிக அருகாமையில் வாழ்பவர்கள். உங்களுக்கு முதுமைக்கால மறதி நோய் இருப்பதை அவர்கள் அறிந்திருந்தால், நீங்கள் தொலைந்து போகும் போது அல்லது உதவி தேவைப்படும்போது அவர்கள் கவனித்து, உங்களுக்கு ஆதரவளிக்க முடியும்.


உங்களின் திட்டமிடப்பட்ட மருத்துவ நியமன சந்திப்புகளில் கலந்துகொள்ளுங்கள்
உங்கள் முதுமைக்கால மறதி நோய் நிலையை மேற்பார்வையிடும் உங்கள் மருத்துவர் உடனான மருத்துவ நியமன சந்திப்புகளைத் தவிர்க்காதீர்கள்.

• உங்கள் மருத்துவர் உங்கள் முதுமைக்கால மறதி நோயுடன் தொடர்புடைய மாற்றங்களைப் பின்தொடர்ந்து கண்காணிக்கலாம், மேலும் உங்களின் சிறந்த நலனைக் கருத்தில் கொள்கின்ற ஒரு பராமரிப்புத் திட்டத்தை உருவாக்கி கண்காணிக்கலாம்.

• உங்களுக்கு கூடுதல் பராமரிப்புச் சேவைகள் (மருந்து மேலாண்மைச் சேவைகள், மருத்துவத் துணைச் சேவைகள், அன்றாட வாழ்க்கை நடவடிக்கைகளுக்கான உதவி போன்றவை) தேவைப்பட்டால் அல்லது சமூகத்தில் சில நிகழ்ச்சிகளில் பங்கேற்பது உங்களுக்குப் பயனளிக்கும் பட்சத்தில் உங்கள் மருத்துவர் உங்களுக்குப் பரிந்துரைகளை வழங்க முடியும்.


ஆதரவுக் குழுக்களில் இணையுங்கள்
டிமென்ஷியா சிங்கப்பூர் ஆனது முதுமைக்கால மறதி நோயுடன் வாழ்பவர்களுக்குப் பல சேவைகளையும் திட்டங்களையும் கொண்டுள்ளது. மேலும் அறிய, டிமென்ஷியா சிங்கப்பூரின் உதவித் தொலைபேசிச் சேவையை 6377 0700 என்ற எண்ணில் அழைக்கலாம் அல்லது இணையதளத்தை பார்க்கவும். ஒத்த கருத்துடைய  நபர்களுடன் இணைவது மற்றும் அவர்களிடமிருந்து உணர்ச்சி மற்றும் சமூக ரீதியான ஆதரவைப் பெறுவது உங்கள் முதுமைக்கால மறதி நோய் பயணத்தில் நீங்கள் தனியாக இல்லை என்பதை அறிந்து கொள்வதில் உங்களுக்கு பலத்தை அளிக்கலாம்.

உங்கள் மனதையும் உடலையும் ஆரோக்கியமாக வைத்துக்கொள்ளுங்கள்

முதுமைக்கால மறதி நோயுடன் சார்பின்றி வாழ்வது ஆரோக்கியமான வாழ்க்கைமுறையைப் பின்பற்றுவதையும் உள்ளடக்கியது. உடல் ரீதியாகச் சுறுசுறுப்பாக இருப்பது, ஆரோக்கியமான மற்றும் சமச்சீரான உணவை உட்கொள்வது, போதுமான தூக்கம் மற்றும் சமூக நடவடிக்கைகளில் ஈடுபடுவது ஆகியவை முதுமைக்கால மறதி நோய் வளர்ச்சியை மெதுவாக்க உதவுகின்றன.

  • உடற்பயிற்சிகள்
  • ஆரோக்கியமான உணவுச் செய்முறைகள்
  • நன்றாகத் தூங்குங்கள் – ஒவ்வொரு இரவும் குறைந்தது 7 முதல் 8 மணிநேரம் தூங்குவதற்கு முயற்சி செய்யுங்கள்.
  • சமூக நடவடிக்கைகள் – உங்கள் குடும்பத்தினர் மற்றும் நண்பர்களுடன் தொடர்ந்து இணைந்திருங்கள், அவர்களைப் பார்க்கச் சென்று உரையாடுங்கள். நீங்கள் ஒரு டிமென்ஷியா சிங்கப்பூர் திட்டத்திலும் சேரலாம்.

 

உங்கள் முதுமைக்கால மறதி நோய் மிதமான மற்றும் முற்றிய கட்டங்களுக்கு முன்னேறும்போது, ​​மாற்று வாழ்க்கை ஏற்பாடுகள் செய்யப்பட வேண்டும், ஏனென்றால் நீங்கள் சுயசார்புடன் வாழ்வது இனி உங்களுக்குப் பாதுகாப்பாக இருக்காது.

மாற்று வாழ்க்கை ஏற்பாடுகள் பற்றிய இந்தக் கலந்தாலோசனையில் உங்கள் அன்புக்குரியவர்களை (குடும்பத்தினர் மற்றும்/ அல்லது நண்பர்கள்) சேர்ப்பது முக்கியமாகும், இதன் மூலம் நீங்கள் எவ்வாறு பராமரிக்கப்பட வேண்டும் என்று விரும்புகிறீர்கள் என்பதை அவர்கள் புரிந்துகொள்வார்கள். உங்கள் முதுமைக்கால மறதி நோய் பயணத்தில் முடிந்தவரை முன்னதாக இந்தக் கலந்தாலோசனைகளை நீங்கள் தொடங்க வேண்டும். உங்கள் அன்புக்குரியவர்களுடன் நீங்கள் என்ன பேசலாம் என்பதைப் பற்றி மேலும் கண்டறியுங்கள்: நிதி மற்றும் சட்ட ஆதரவு

தொடர்புடைய வளஆதாரங்கள்

முதுமைக்கால மறதி நோயுடன் வாழ்பவர்களுக்கான தெளிவான நாள்காட்டி

இந்த நாள்காட்டியானது, முதுமைக்கால மறதி நோயால் பாதிக்கப்பட்டவர்கள் வாரத்தின் தேதி/நாள் மற்றும் பிற சிறப்புத் தருணங்களுக்குத் தங்களுக்குத் தாங்களே ஒழுங்கமைத்துக் கொள்ளவும், அன்றாட வாழ்க்கை நடவடிக்கைகள், மருந்து எடுத்துக்கொள்வது மற்றும் நியமன சந்திப்புகள் உள்ளிட்ட அவர்களின் பணிகளைப் பின்தொடர்ந்து கண்காணிப்பதன் மூலம் சுய-பராமரிப்புப் பொறுப்புநிலைகளில் சுயசார்பைப் பராமரிக்கவும் அதிகாரமளிக்க உருவாக்கப்பட்டதாகும்.  நாள்காட்டியை எவ்வாறு இணைப்பது என்பது குறித்த படிப்படியான வழிகாட்டிக்குக் காணொளியைப் பார்க்கவும்.

நாள்காட்டியைப் பதிவிறக்குங்கள்
காணொளியைப் பாருங்கள்

இந்தக் கட்டுரை பயனுள்ளதாக இருந்ததா?

ஆம் இல்லை
×

Tell us how we can improve?

×

Thank you for your feedback!

Your feedback will really help us to improve our content to support those living with dementia.

Follow us on social media:

Facebook Pinterest
மேற்கோள்கள்
  1. National Institute on Aging. (2019, November 12). Tips for living alone with early-stage dementia. https://www.nia.nih.gov/health/tips-living-alone-early-stage-dementia
  2. Alzheimer’s Society. (n.d.). Staying independent. https://www.alzheimers.org.uk/get-support/staying-independent
  3. Alzheimer’s Society. (2017). The memory handbook: A practical guide to living with memory problems. https://www.alzheimers.org.uk/sites/default/files/pdf/the_memory_handbook.pdf

The post முதுமைக்கால மறதி நோயுடன் சுயசார்புடன் வாழ்தல் appeared first on DementiaHub.SG.

]]> முதுமைக்கால மறதி நோயும் ஓட்டுநர் பாதுகாப்பும் https://www.dementiahub.sg/ta/living-well-with-dementia/dementia-and-driving-safety/ Fri, 07 Oct 2022 20:17:40 +0000 https://www.dementiahub.sg/dementia/dementia-and-driving-safety/ வாகனம் ஓட்டுவது ஒரு நபரின் சுயசார்பையும் சுதந்திரத்தையும் குறிக்கலாம். தங்கள் அன்புக்குரியவருக்கு முதுமைக்கால மறதி நோய் இருப்பது கண்டறியப்பட்டால், அவர் வாகனம் ஓட்டலாமா, வேண்டாமா என்பதுதான் பராமரிப்பாளர்களுக்கு இருக்கும் முதல் கவலையாகும்.

The post முதுமைக்கால மறதி நோயும் ஓட்டுநர் பாதுகாப்பும் appeared first on DementiaHub.SG.

]]>

கவனமாகக் கேளுங்கள்

4 நிமிட வாசிப்பு

வாகனம் ஓட்டுவது ஒரு நபரின் சுயசார்பையும் சுதந்திரத்தையும் குறிக்கலாம். தங்கள் அன்புக்குரியவருக்கு முதுமைக்கால மறதி நோய் இருப்பது கண்டறியப்பட்டால், அவர் வாகனம் ஓட்டலாமா, வேண்டாமா என்பதுதான் பராமரிப்பாளர்களுக்கு இருக்கும் முதல் கவலையாகும்.

அடிக்கடி வாகனம் ஓட்டுபவர்களுக்கு இது எளிதான மற்றும் தன்னியக்கச் செயலாகத் தோன்றினாலும், பாதுகாப்பாக வாகனம் ஓட்டுவது என்பது ஒரு சிக்கலான வேலையாகும், இதற்குப் பின்வருவன போன்ற பலவிதமான அறிவாற்றல் திறன்கள் தேவை,1-4:

• கவனிப்புத் திறன் மற்றும் மனதை ஒருமுகப்படுத்தல்:
சாலையைப் ‘படிக்கின்ற’ வேளையில் வெவ்வேறு ஓட்டுநர் பணிகளில் கவனம் செலுத்துவது மற்றும் அவற்றுக்கு இடையே மாறுவது;

• காட்சி சார்ந்த தகவல்களைத் தொடர்புபடுத்தும் திறன்கள்:  
சரியான வேகம், இடைவெளி மற்றும் சாலையின் நிலைப்பாடு ஆகியவற்றைப் பின்பற்றுவது;

• பிரச்சினையைத் தீர்ப்பதற்கான திறன்கள்:  
சாலையில் ஏற்படும் ஏதேனும் சம்பவங்கள் மற்றும் சவால்களையும், திசைதிருப்பல்கள் அல்லது தடைகளையும் சமாளிப்பது;

• தீர்மானிப்புத் திறன் மற்றும் முடிவெடுத்தல்:
உதாரணமாக, மற்ற ஓட்டுநர்களின் நடத்தைகளைப் புரிந்துகொண்டு தயாராக இருப்பது;

• விரைவான எதிர்செயல் மற்றும் திறன்கள்:
உதாரணமாக, விபத்தைத் தவிர்க்க விரைவாகச் செயல்படுவது; மற்றும்

• நினைவுத்திறன்:  
உதாரணமாக, ஒரு வழித்தடத்தை நினைவில் வைத்துக்கொள்வது.3,4

ஒரு நபர் வாகனம் ஓட்டுவதை எப்போது நிறுத்த வேண்டும்?

முதுமைக்கால மறதி நோயைக் கொண்டிருப்பது என்பது எப்போதும் ஒரு நபர் உடனடியாக வாகனம் ஓட்டுவதை நிறுத்த வேண்டும் என்று அர்த்தமல்ல. சிலர் முதுமைக்கால மறதி நோயின் தொடக்கக் கட்டங்களில் உள்ளவர்கள் அல்லது லேசான அறிவுத்திறன் குறைபாடு (Mild Cognitive Impairment, MCI) உள்ளவர்கள் இன்னமும் வாகனம் ஓட்டுகிறார்கள்.5

எனினும், முதுமைக்கால மறதி நோய் என்பது ஒரு நபரின் அறிவாற்றல் சார்ந்த செயல்பாடுகளைப் பாதிக்கின்ற, படிப்படியாக ஏற்படும் நிலையாகும். இது படிப்படியாக உங்களின் மற்றும் மற்றவர்களின் பாதுகாப்பை பாதிக்கலாம் மற்றும் பாதுகாப்பாக வாகனம் ஓட்டும் உங்களின் திறனையும்  பாதிக்கலாம். நீங்களும் உங்களைச் சுற்றியுள்ளவர்களும் நீங்கள் பாதுகாப்பற்ற வாகனம் ஓட்டுவதற்கான அடையாளங்களைக் கண்டால், நீங்கள் இனி வாகனம் ஓட்டுவது சாத்தியமில்லை, நீங்கள் கண்டிப்பாக நிறுத்த வேண்டும்.

பாதுகாப்பற்ற முறையில் வாகனம் ஓட்டுவதற்கான அறிகுறிகள்

  1. உங்களுக்கு நன்கு தெரிந்த இடங்களுக்குப் பரிச்சயமான வழித்தடங்களில் செல்லும்போது தொலைந்து போவது
  2. பாதையில் சீராகச் செல்லாமல் இருப்பது (பாதைகளுக்கு இடையே சறுக்கி மாறுவது)
  3. பிரேக் மற்றும் கேஸ் பெடல்களுக்கு இடையே குழும்புவது
  4. போக்குவரத்து அடையாளக் குறியீடுகளைக் கவனிக்கத் தவறுவது
  5. போக்குவரத்தில் மெதுவான அல்லது மோசமான முடிவுகளை எடுப்பது
  6. சாலையோர வரிசைக் கற்கள் மீது மோதுவது அல்லது மனதளவில் குழப்பமடைந்து ஒரே இடத்தைச் சுற்றி வருவது
  7. சாலையில் மற்ற வாகனங்களுக்கு வழிவிடாமல் இருப்பது அல்லது அதிவேகமாக வாகனம் ஓட்டுவது
  8. சாலையில் செல்லும் போது எளிதாகவும், அடிக்கடியும் கோபமடைவது அல்லது குழப்பமடைவது
  9. சிறிய விபத்துக்களில் ஈடுபடுவது அல்லது விபத்திலிருந்து நூலிழையில் தப்புவது
  10. அதிக போக்குவரத்து அபராதங்களைப் பெறுவது

 

வாகனம் ஓட்டுவதை நிறுத்த முடிவுசெய்வது கடினமான முடிவாகும், ஆனால் அது உங்கள் சுயசார்பு மற்றும் சுதந்திரத்தின் முடிவைக் குறிப்பதில்லை.

உங்கள் பாதுகாப்பிற்காகவும், சாலையில் செல்லும் மற்றவர்களின் பாதுகாப்பிற்காகவும், உங்கள் மருத்துவர் மற்றும் அன்புக்குரியவர்களிடம் உங்கள் நிலையைப் பற்றி நேர்மையாகவும் வெளிப்படையாகவும் இருப்பது முக்கியமாகும். உங்கள் உரிமத்தை வைத்திருப்பதற்காக உங்கள் மருத்துவரிடம் தகவல்களை மறைக்காதீர்கள், ஏனெனில் இது உங்களுக்கும் மற்றவர்களுக்கும் ஆபத்தை ஏற்படுத்தக்கூடும்.1

மாற்றுப் போக்குவரத்து விருப்பத்தேர்வுகளைத் தேடவும்

புதிய, பாதுகாப்பாக வாகனம் ஓட்டுவதற்கான ஏற்பாட்டை உருவாக்கவும்

உங்களால் இன்னமும் வாகனம் ஓட்ட முடியும் என்றால், உங்கள் அன்புக்குரியவர்கள் மற்றும் மருத்துவரிடம் பேசி, நீங்கள் சாலையில் பாதுகாப்பாக வாகனம் ஓட்ட அனுமதிக்கும் புதிய ஏற்பாட்டைச் செய்துகொள்ளவும்.

நோயறிதலுக்குப் பிறகு வாகனம் ஓட்டுதல்

ஆதாரம்: ஆல்சைமர்ஸ் WA

முதுமைக்கால மறதி நோயுடன் வாழ்கின்ற டாம் அவர்களைச் சுதந்திரமாக வாகனம் ஓட்ட அனுமதிக்கின்ற, அதே நேரத்தில் அவரது மற்றும் சாலையில் உள்ள மற்றவர்களின் பாதுகாப்பை உறுதி செய்கின்ற ஒரு புதிய ஓட்டுநர் ஏற்பாட்டை அவரும் அவரது குடும்பத்தினரும் செய்துகொள்கின்ற பயணத்தை இந்தக் காணொளி காண்பிக்கிறது.

பொறுப்புநிலைகளை மாற்றிக் கொள்ளவும் - பயணி இருக்கையில் அமரவும்

ஓட்டுநர் இருக்கையில் இருந்து பயணிகள் இருக்கைக்கு மாறுவதை மிகவும் சகிப்புத்தன்மை கொண்டதாக மாற்ற, சிங்கப்பூரில் ஒரு பராமரிப்பாளர் முதுமைக்கால மறதி நோயால் பாதிக்கப்பட்ட தனது அன்புக்குரியவருடன் எவ்வாறு இணைந்து செயல்பட்டார் என்பதற்கான உதாரணம் இங்கு கொடுக்கப்பட்டுள்ளது:

ஸ்டீவன் & லாய் குவெனின் கதை

58 வயதில் இளம் வயதிற்குள் ஏற்படும் முதுமைக்கால மறதி நோய் இருப்பது கண்டறியப்பட்ட தனது கணவர் ஸ்டீவனுக்கு லாய் குவென் அவர்கள் தான் முதன்மைப் பராமரிப்பாளராக உள்ளார். ஸ்டீவன் தனது முதுமைக்கால மறதி நோயின் லேசான கட்டத்தில், தனது நோயறிதலுக்குப் பிறகும் சுயசார்புடனும் பாதுகாப்பாகவும் வாகனம் ஓட்ட முடிந்தது. எனினும், அவருக்கு 64 வயதாக இருந்தபோது, அவர் காரை ஓட்டும் வேளையிலும், நிறுத்துமிடத்தில் நிறுத்தும் போதும் அவரது இடஞ்சார்ந்த விழிப்புணர்வு மற்றும் மனநிலையில் குறிப்பிடத்தக்க மாற்றத்தை லாய் குவென் கவனித்தார். லாய் குவென் ஓட்டுநர் இருக்கையில் இருந்த சமயங்களில் கூட, காருக்கு மிக அருகாமையில் வாகனம் ஓட்டும் ஓட்டுநர்களைத் தவிர்க்கச் சொல்வது போன்ற ஸ்டீவனின் அறிவுறுத்தல்கள், சாலையில் உண்மையில் என்ன நடக்கிறது என்பதுடன் ஒத்துப் பார்க்கவில்லை என்பதை அவர் கவனித்திருந்தார். இது ஸ்டீவன் வாகனம் ஓட்டுவதை முற்றிலுமாக நிறுத்துவதே நல்லது என்ற முடிவுக்கு லாய் குவென் இட்டுச் சென்றது. இந்த முடிவு பின்னர் அவரது மருத்துவரால் சரியென ஒப்புக்கொள்ளப்பட்டது.

ஓட்டுநர் இருக்கையில் இருந்து பயணி இருக்கைக்கு மாறுவது இருவருக்குமே கடினமான ஒன்றாக இருந்தது. தான் எப்போதும் செய்யக்கூடிய ஒரு வேலையைத் தான்னால் இனி செய்ய முடியாது என்பதால் ஸ்டீவன் விரக்தியடைந்தார். அதே நேரத்தில், லாய் குவென் மன உளைச்சலுக்கு ஆளானார், ஏனெனில் அவர் ஸ்டீவனின் விரக்தியை சமாளித்து, அவரது ஓட்டுநர் இருக்கையில் அமருவதற்கு முன் ஆக்கப்பூர்வமான வழிகளைக் கண்டுபிடிக்க வேண்டியிருந்தது. 6 மாத காலத்திற்குப் பிறகு, ஸ்டீவன் பயணியாகத் தனது புதிய நிரந்தரப் பொறுப்புநிலையை ஏற்றுக்கொண்டார்.

இப்போது, ​​இந்த ஏற்பாடு பின்வருமாறு இருந்தது:

• லாய் குவென் இருக்கும் போது, ​​அவர் ஸ்டீவனை பயணி இருக்கையில் அமர வைத்துக்கொண்டு காரை ஓட்டுகிறார். ஒரு இயல்பான உரையாடலாளரான ஸ்டீவன் தனது வழித்தடங்களை இன்னும் நன்கு அறிந்திருப்பதால் கவனமாகச் செல்ல வேண்டிய இடங்களைப் பற்றி லாய் குவெனுக்குத் தெரிவிக்கிறார். சிங்கப்பூரைச் சுற்றியுள்ள அடையாளக் குறியீடுகள் மற்றும் பகுதிகள் பற்றிய அவரது நினைவுத்திறன் இன்னும் அப்படியே இருப்பதால் லாய் குவென் இதை ஊக்குவிக்கிறார்.

• எனினும், அவர் வாகனம் ஓட்டும்போது பின்பற்ற வேண்டிய தொடர் அறிவுரைகளை அவருக்குக் கொடுக்கும் பழக்கத்தை ஸ்டீவன் கொண்டிருக்கிறார். இதற்குத் தடைபோட, லாய் குவென் அவர் சொல்வதைக் கேட்பதாக தலையசைக்கிறார், அவரது அறிவுறுத்தல்கள் பொருத்தமானதாக இருந்தால் அவற்றுக்குச் செவிசாய்க்கிறார் அல்லது அவர்களைச் சுற்றியுள்ள சூழலைப் பற்றி உரையாடலில் அவரை ஈடுபடுத்துகிறார்.

மொத்தத்தில், லாய் குவென் கார் சாவியைத் தன்னிடம் வைத்திருந்தாலும், ஓரிடத்திலிருந்து இன்னொரு இடத்திற்குச் செல்லும் செயல்பாட்டில் ஸ்டீவனை ஈடுபடுத்த தன்னால் முடிந்தவரை முயற்சி செய்கிறார்.

பொதுப் போக்குவரத்து

நல்வாய்ப்பாக, சிங்கப்பூரின் பொதுப் போக்குவரத்து அமைப்பு உலகிலேயே சிறந்ததாக உள்ளது. பல்வேறு போக்குவரத்து முறைகளான டாக்சி, தனியார் வாடகைக் கார், பெருவிரைவு இரயில் மற்றும்/அல்லது பேருந்து மூலம் சிங்கப்பூரைச் சுற்றிலும் நீங்கள் எளிதாகப் பயணம் செல்லலாம்.

உங்கள் நிலைமாற்றத்திற்கு உதவ, உங்களுக்கு வாகனம் ஓட்டும் திறன் இருக்கும் போதே நீங்கள் பொதுப் போக்குவரத்தை அடிக்கடி பயன்படுத்தத் தொடங்கலாம். உதாரணமாக, மளிகைப் பொருட்களை வாங்குவதற்கு உங்கள் அக்கம்பக்கத்திற்குச் செல்ல, சமூக நிலையத்திற்குச் செல்ல அல்லது வணிக மையத்திற்குச் செல்ல நீங்கள் பொதுப் போக்குவரத்தைப் பயன்படுத்தலாம்.

படிக்கவும்: முதுமைக்கால மறதி நோயுடன் வாழ்பவர்களுக்கான நடைமுறை சார்ந்த பொது போக்குவரத்தைப் பயன்படுத்துவதற்கான உதவிக்குறிப்புகள்.

GrabAssist (கிராப்அசிஸ்ட்)

GrabAssist என்பது Grab நிறுவனத்தின் ஒரு போக்குவரத்து விருப்பத்தேர்வாகும், இது மூத்தோர்கள் மற்றும் உடற்குறையுள்ள நபர்களுக்குக் கூடுதல் உதவியை வழங்குகிறது.

இந்தப் போக்குவரத்து விருப்பத்தேர்வின் கீழ், நடமாடுவதில் குறைபாடுகளைக் கொண்ட பயணிகளுக்கு உதவ ஓட்டுநர்களுக்குப் பயிற்சி அளிக்கப்படுகிறது. உதாரணமாக, ஒரு நபரைச் சக்கர நாற்காலியில் இருந்து கார் இருக்கைக்கு பாதுகாப்பாக மாற்றுவதற்கு அவர்களால் உதவ முடியும்.

கூடுதலாக, GrabAssist Plus என்பது Grab நிறுவனத்தின் மற்றொரு போக்குவரத்து விருப்பத்தேர்வாகும், இச்சேவை தினமும் காலை 8 மணி முதல் இரவு 8 மணி வரை கிடைக்கிறது. இந்த விருப்பத்தேர்வின் கீழ், பயணிகள் தங்கள் சக்கர நாற்காலிகளில் இருந்து இறங்காமல் பயணிக்கலாம், ஏனெனில் இந்த விருப்பத்தேர்வில் உள்ள வாகனங்கள் சரிவுப்பாதை அணுகலைக் கொண்டிருக்கின்றன. Grab செயலியில் ஒரு சவாரிரை முன்பதிவு செய்யும் போது, ​​’மதிப்பு-கூட்டப்பட்ட’ தாவலைக் கிளிக் செய்வதன் மூலம் பயனர்கள் இந்தச் சேவையை அணுகலாம்.

இந்தக் கட்டுரை பயனுள்ளதாக இருந்ததா?

ஆம் இல்லை
×

Tell us how we can improve?

×

Thank you for your feedback!

Your feedback will really help us to improve our content to support those living with dementia.

Follow us on social media:

Facebook Pinterest
மேற்கோள்கள்

  1. UBC eHealth Strategy Office. (2011). Getting to know dementia: A patient’s guide to diagnosis, treatment, and care. https://www.fraserhealth.ca/-/media/Project/FraserHealth/FraserHealth/Health-Topics/Mental-Health-Substance-Use/Getting_to_know_dementia_a_patient_guide_to_diagnosis_treatment_and_care.pdf?la=en&hash=11C5366B58CAB0628DC4979E9E91976F1EBBF615
  2. Dementia Australia. (n.d.). Dementia and driving. https://www.dementia.org.au/resources/dementia-and-driving
  3. Alzheimer’s Society. (n.d.). Driving and Dementia. https://www.alzheimers.org.uk/get-support/staying-independent/driving-dementia 
  4. Alzheimer’s Society. (2020). Driving and dementia. https://www.alzheimers.org.uk/sites/default/files/2018-10/439LP%20Driving%20and%20dementia.pdf
  5. Alzheimer Scotland. (2016). Driving and dementia. https://www.eddn.org.uk/wp-content/uploads/2018/01/Driving-and-Dementia.pdf
  6. Mayo Clinic. (2019, July 3). Alzheimer’s and dementia: When to stop driving. https://newsnetwork.mayoclinic.org/discussion/alzheimers-and-dementia-when-to-stop-driving/.
  7. Alzheimer’s Association. (n.d.). Dementia and driving. https://www.alz.org/help-support/caregiving/safety/dementia-driving

The post முதுமைக்கால மறதி நோயும் ஓட்டுநர் பாதுகாப்பும் appeared first on DementiaHub.SG.

]]> முதுமைக்கால மறதி நோயுடன் வாழ்பவர்கள் பொதுப் போக்குவரத்தைப் பயன்படுத்துவதற்கான உதவிக்குறிப்புகள் https://www.dementiahub.sg/ta/living-well-with-dementia/tips-on-taking-public-transport-for-persons-with-dementia/ Wed, 07 Sep 2022 03:51:34 +0000 https://www.dementiahub.sg/dementia/tips-on-taking-public-transport-for-persons-with-dementia/ பொதுப் போக்குவரத்து என்பது சிங்கப்பூரில் உள்ள மக்களின் பொதுவான போக்குவரத்து முறையாகும். போக்குவரத்தை எளிதாக அணுகும் வசதி முதுமைக்கால மறதி நோயுடன் வாழும் நபர்கள் தங்கள் நண்பர்கள், குடும்பங்கள் மற்றும் சமூகத்துடன் தொடர்பில் இருக்க உதவுகிறது. மருத்துவமனை போன்ற சுகாதாரச் சேவை இடங்களுக்கு செல்வதற்கான வசதியையும் இது வழங்குகிறது.

The post முதுமைக்கால மறதி நோயுடன் வாழ்பவர்கள் பொதுப் போக்குவரத்தைப் பயன்படுத்துவதற்கான உதவிக்குறிப்புகள் appeared first on DementiaHub.SG.

]]>

கவனமாகக் கேளுங்கள்

< 1 நிமிட வாசிப்பு

பொதுப் போக்குவரத்து என்பது சிங்கப்பூரில் உள்ள மக்களின் பொதுவான போக்குவரத்து முறையாகும். போக்குவரத்தை எளிதாக அணுகும் வசதி முதுமைக்கால மறதி நோயுடன் வாழும் நபர்கள் தங்கள் நண்பர்கள், குடும்பங்கள் மற்றும் சமூகத்துடன் தொடர்பில் இருக்க உதவுகிறது. மருத்துவமனை போன்ற சுகாதாரச் சேவை இடங்களுக்கு செல்வதற்கான வசதியையும் இது வழங்குகிறது.

முதுமைக்கால மறதி நோய்நிலை அதிகரிக்கையில், ​​சிக்கலான பொதுப் போக்குவரத்து கட்டமைப்பைப் பயன்படுத்துவது முதுமைக்கால மறதி நோயுடன் வாழும் நபர்களுக்கு மிகவும் சிக்கலானதாக ஆகிவிடக்கூடும். இந்தச் சவாலை சமாளிப்பதற்கான ஒரு வழி, உங்கள் அன்பிற்குரியவருக்கென சொந்த போக்குவரத்தை ஏற்பாடு செய்வதாகும், அதே சமயம் முதுமைக்கால மறதி நோயுடன் வாழும் நபர்களை அவர்களால் முடிந்தவரை பிறரைச் சாராமல் வாழ வசதி  அளிப்பதும்  முக்கியமாகும். எனவே பராமரிப்பாளர்கள், தங்கள் சமூகத்தில் கிடைக்கப்பெறும் போக்குவரத்து குறித்தும், முதுமைக்கால மறதி நோயுடன் வாழும் தங்கள் அன்பிற்குரியவர்களுக்கு பொதுப் போக்குவரத்தில் பயணத்தை பாதுகாப்பான அனுபவமாக மாற்றுவதற்கான வழிகள் குறித்தும் அறிந்திருப்பது அவசியம்.

முதுமைக்கால மறதி நோயுடன் வாழ்பவர்கள் எதிர்கொள்ளும் சவால்கள்

முதுமைக்கால மறதி நோய், உங்கள் அன்புக்குரியவர் போக்குவரத்தை  பயன்படுத்துவது சவாலானதாக இருக்கலாம். சில காரணங்கள் பின்வருமாறு:

  • போக்குவரத்து வழிகளை நினைவில் வைத்துக் கொள்ள சிரமப்படுவது
  • நேரம் மற்றும் இடம் பற்றிய குழப்பங்கள்
  • பயணத்தின் போது பொருட்களை (எ.கா. ezlink அட்டை, பை) எங்கேனும் வைத்து விடுவது
  • முடிவெடுப்பதில் சிரமம் , இதனால் போக்குவரத்து குறித்த திட்டமிடல் மற்றும் ஏற்பாடுகளில் சிரமம் ஏற்படுவது
  • போக்குவரத்து ஓட்டுநர்களிடம்  அவர்கள் செல்ல விரும்பும் பயண வழியைத் தெரியப்படுத்த சிரமப்படுவது
  • பொதுப் போக்குவரத்தைப் பயன்படுத்தும் போது மனநிலை அல்லது நடத்தையில் மாற்றங்கள் ஏற்படுவது

• முதுமைக்கால மறதி நோயுடன் வாழும் நபர் தனியாகப் பயணம் செய்வதை வசதியாகக் கருத மாட்டார்கள் என்பதால், அவருடன் பராமரிப்பாளர் ஒருவர் துணையாகச் செல்ல வேண்டும். முதுமைக்கால மறதி நோயுடன் வாழும் ஒருவரை வெளியே செல்ல அனுமதிக்காதது அவரை சமூக ரீதியாக தனிமைப்படுத்தி, மனச்சோர்வடையும் நிலைக்கு ஆழ்த்தக்கூடும்.

உங்கள் அன்பிற்குரியவர்களுடன் பொதுப் போக்குவரத்தில் பாதுகாப்பாக பயணம் செய்வதற்கான உதவிக்குறிப்புகள்

1. அவர்கள் பயணம் செய்வதற்கு முன் பாதையை கவனமாகத் திட்டமிடுங்கள்

உங்கள் அன்பிற்குரியவருடன் சேர்ந்து பயணத்தை முன்கூட்டியே திட்டமிடுங்கள், மேலும் அவர்களுக்குப் பழக்கமான அடையாளங்களைச் சுட்டிக்காட்டுங்கள், இதனால் அவர்கள் எங்கு செல்கிறார்கள் என்ற எதிர்பார்ப்பு அவர்களுக்கு இருக்கும்.

2. பயணம் செய்வதற்குப் போதுமான நேரத்தை வழங்கிடுங்கள்

உங்கள் அன்பிற்குரியவர்கள் அவர்களின் பயணத்தை சுமூகமான முறையில்  பயணிக்க அதிக நேரத்தை ஒதுக்குவது உதவியாக இருக்கும், மேலும் ஒரு இடத்திலிருந்து இன்னொரு இடத்திற்குச் செல்ல அவசரப்பட வேண்டாம்.

3. உங்கள் அன்பிற்குரியவரை அசௌகரியமாக உணரக்கூடிய சூழ்நிலைகளைக் கவனியுங்கள்

 முடிந்ந அளவில் மக்கள் கூட்டம் அதிகமிருக்கும் நேரங்கள் மற்றும் பரபரப்பான பகுதிகளில் பயணம் செய்வதைத் தவிருங்கள், இது உங்கள் அன்பிற்குரியவருக்கு குழப்பத்தை  ஏற்படுத்தும்.

4. தேவைப்பட்டால் கூடுதல் ஆதரவிற்காக நண்பர் அல்லது உறவினரை அழைத்துச் செல்லுங்கள்

5. மாற்றுப் போக்குவரத்து விருப்பத்தேர்வுகளைக் கருத்தில் கொள்ளுங்கள்

6. உங்கள் அன்பிற்குரியவர் தொலைந்துப் போகக்கூடிய சூழ்நிலைக்கு உங்களையும் உங்கள் அன்பிற்குரியவரையும் தயார்படுத்துங்கள்

உள்ளூர் போக்குவரத்து வழங்குநர்களின் முனைப்புத் திட்டங்கள்

நமது பொதுப் போக்குவரத்து அமைப்புகளை முதுமைக்கால மறதி நோய் உள்ளவர்களுக்கு உகந்ததாகவும், முதுமைக்கால மறதி நோய் உள்ளவர்களை உள்ளடக்கியதாகவும் மாற்றுவதற்காக, முதுமைக்கால மறதி நோய் உள்ளவர்கள் பொதுப் போக்குவரத்துக் கட்டமைப்பில் பாதுகாப்பாகச் செல்ல உதவுவதற்காக, நமது உள்ளூர் போக்குவரத்து வழங்குநர்கள் பல குறிப்பிடத்தக்க முயற்சிகளை மேற்கொண்டுள்ளனர். பராமரிப்பாளர்கள் கவனிக்க வேண்டிய உதவிகரமான வளமைகள் இவை.

டிமென்ஷியா கோ-டு பாயிண்ட்ஸ் (Go-To Points)

கோ-டு SMRT (Go-To SMRT)

ஆதாரம்: • SMRT கார்பரேஷன் (SMRT Corporation)

இந்த வீடியோ SMRT இன் கோ-டு (Go-To) முனைப்புத் திட்டத்தைக் காட்டுகிறது. நமது பொதுப் போக்குவரத்து வசதிகளை முதுமைக்கால மறதி நோய் உள்ளவர்களுக்கு இன்னும் உகந்ததாக மாற்றும் முயற்சியில், சிறப்புத் தேவைகள் மற்றும் முதுமைக்கால மறதி நோய் உள்ள மூத்தோர்கள் மற்றும் பயணிகளுக்கு உதவும் வகையில் முன் வரிசை ஊழியர்கள் பயிற்சி பெற்றுள்ளனர். இந்த முனைப்புத் திட்டம் டிமென்ஷியா கோ-டு-பாயிண்ட்ஸ், வீகேர் அறைகள் உள்ளிட்டவற்றை உள்ளடக்குகிறது. 

கோ-டு முனைப்புத் திட்டம் ஏப்ரல் 2021 இல் SMRT நெட்வொர்க் முழுவதும் தொடங்கப்பட்டது, இது முதலுதவி, காணாமல் போன குழந்தைகள் அல்லது பெரியவர்களைக் கண்டறிவதற்கு உதவி மற்றும் அதன் பேருந்து பரிமாற்ற மற்றும் ரயில் நிலைய வளாகத்தில் பிற வகையான ஆதரவுகளை வழங்குகிறது. இந்த முனைப்புத் திட்டத்தின் ஒரு பகுதியாக, MRT பரிமாற்ற நிலையங்கள் மற்றும் பேருந்து பரிமாற்ற நிலையங்கள் டிமென்ஷியா கோ-டு பாயிண்ட்ஸ் (GTPs) என்பதாக நியமிக்கப்பட்டுள்ளன. இந்த கோ-டு பாயிண்ட்ஸ், ‘பாதுகாப்பாக திரும்பும்’ இடங்களாகச் செயல்படுகின்றன, இங்கு பொதுமக்கள் முதுமைக்கால மறதி நோயுடன் தாங்கள் செல்ல வேண்டிய வழியைக் கண்டுபிடிக்க இயலாமல் அல்லது தாங்களைப் பராமரிப்பவர்களைக் கண்டுபிடிக்க இயலாமல் இருப்பவர்களை அழைத்து வரலாம். முதுமைக்கால மறதி நோய் பற்றிய தகவல்கள் மற்றும் வளமைகளை மக்கள் அணுகக்கூடிய இடமாகவும், முதுமைக்கால மறதி நோய் தொடர்பான சேவைகளுடன் மக்களை இணைக்கும் இடமாகவும் கோ-டு பாயிண்ட்ஸ் (GTPs) செயல்படுகின்றன.

இந்த கோ-டு பாயிண்ட்ஸில் உள்ள முதல் வரிசை ஊழியர்கள், மூத்தோர்கள், சிறப்புத் தேவைகள் மற்றும் இயலாமைகள் உள்ளவர்கள் மற்றும் முதுமைக்கால மறதி நோயுடன் வாழும் நபர்கள் உள்ளிட்ட சில குழுக்களைச் சேர்ந்த நபர்கள் சம்பந்தப்பட்ட சூழ்நிலைகளைக் கையாள பயிற்சி பெற்றுள்ளனர். தேவைப்பட்டால் முதலுதவி அளிப்பதற்கும் அவர்கள் உதவலாம். உங்கள் அன்பிற்குரியவர்கள் காணாமல் போனால், அருகில் உள்ள கோ-டு பாயிண்ட்டிற்குச் சென்று, பிறர் உங்கள் அன்பிற்குரியவரை அழைத்து வந்திருக்கிறார்களா என்றுப் பார்க்கவும். கோ-டு பாயிண்ட்ஸ் ‘பாதுகாப்பாக திரும்பும் இடங்களாக’ செயல்படுகின்றன, இங்கு பொதுமக்கள் முதுமைக்கால மறதி நோயுடன் வழி தெரியாமல் தொலைந்து நிற்பவர்களை அழைத்து வரலாம். கோ-டு பாயிண்ட்ஸில் உள்ள ஊழியர்கள் முதுமைக்கால மறதி நோயுடன் வாழும் நபர்களைக் கண்டறிந்து, அவர்கள் செல்ல வேண்டிய இடத்தை கண்டுபிடிப்பதற்கு அல்லது பராமரிப்பாளர்களுடன் மீண்டும் ஒன்றிணைவதற்குப் பயிற்சி அளிக்கப்படுகிறார்கள்.

உங்கள் திட்டமிட்ட பயணத்தில் உள்ள நிலையங்கள் கோ-டு பாயிண்ட்ஸ்களா என்பதைச் சரிபார்க்க, பட்டியலிடப்பட்ட கோ-டு பாயிண்ட்ஸ் கோப்பகத்தைப் பயன்படுத்தி அவற்றைத் தேடலாம். மாற்றாக, வரிசைப்படுத்தப்பட்ட கோ-டு பாயிண்ட்ஸ் பட்டியலைக் கண்டறிய கீழே உள்ள பட்டன்களைக் கிளிக் செய்யலாம்.

வீகேர் அறைகள்

உங்கள் அன்பிற்குரியவர் பெரிய பேருந்து பரிமாற்ற நிலையங்கள் வழியாகப் பயணம் செய்யும்போது சோர்வாகத் தோன்றினால், அங்கு  உள்ள பேருந்து வரிசைகளிலும், ரயில் நிலையங்களில் உள்ள முன்னுரிமைப் போர்டிங் வரிசைகளிலும் முன்பதிவு செய்யப்பட்ட இருக்கைகளைத் தேடுங்கள், இவை உங்கள் அன்பிற்குரியவருக்கு நடமாடுவதில் சிரமம் இருந்தால் அல்லது  அவர் சர்க்கர நாற்காலியைப் பயன்படுத்தினால், பயணத்தை மிகவும் சௌகரியமாக்க உதவும்.
 

நிலையங்கள் வழியாகப் பயணிக்கும்போது உங்கள் அன்பிற்குரியவர் மன உளைச்சலில் இருப்பதாகத் தோன்றினால், நீங்கள் அவர்களை அமைதியான வீகேர் அறைக்கு அழைத்துச் செல்ல விரும்பலாம். எந்தெந்த நிலையங்களில் வீகேர் அறைகள் உள்ளன என்பதைப் பார்க்க, கீழே உள்ள பட்டியலை விரிவாக்கவும். 

பெருவிரைவு ரயில் நிலையங்கள்
  • அங் மோ கியோ
  • அல்ஜுனிட்
  • பூகிஸ்
  • புவன விஸ்தா
  • பீஷான்
  • கென்பரா
  • ஜூரோங்
  • யீஷூன்
  • சிமெய்
  • நொவீனா
  • கெண்ட் ரிட்ஜ்
  • கெம்பாங்கான்
  • லேக்சைட்
  • லவண்டர்
  • பாய லேபார்
  • குவீன்ஸ்டவுன்
  • ரெட்ஹில்
• பேருந்து பரிமாற்ற நிலையங்கள்
  • யீஷூன் ஒருங்கிணைக்கப்பட்ட போக்குவரத்து நடுவம்
  • உட்லண்ட்ஸ் ஒருங்கிணைக்கப்பட்ட போக்குவரத்து நடுவம்
  • புக்கிட் பாஞ்சாங் போக்குவரத்து நடுவம்
  • செம்பவாங் பேருந்து பரிமாற்ற நிலையம்
  • சுவா சூ காங் பேருந்து பரிமாற்ற நிலையம்

‘உங்கள் வழியைக் கண்டறிந்திடுங்கள்’ முனைப்புத் திட்டம்

உங்கள் வழியைக் கண்டறிந்திடுங்கள் முனைப்புத் திட்டம், பேருந்து பரிமாற்ற நிலையங்கள் மற்றும் பெருவிரைவு ரயில் நிலையங்களில் முதுமைக்கால மறதி நோயுள்ளவர்கள் எளிதில் பயணிக்க உதவ நினைவூட்டல் அணுகுமுறையைப் பயன்படுத்துகிறது. இந்த முனைப்புத் திட்டம் முதுமைக்கால மறதி நோயுடன் வாழும் நபர்களுடன் இணைந்து உருவாக்கப்பட்டது, இவர்களிடம் சுவரோவிய வடிவமைப்புகள், பேருந்து நிறுத்தங்களின் அமைவிடம் மற்றும் வண்ணக் குறியீட்டு முறை குறித்து ஆலோசிக்கப்பட்டது.

இந்தச் சுவரோவியங்களில் வெவ்வேறு வெளியேறும் பாதைகளைக் குறிப்பதற்கு சிறுவயது விளையாட்டுகள் அல்லது மூத்தோர்களுக்கான செயல்பாடுகளின் பரிச்சயமான படங்கள் பயன்படுத்தப்படுகின்றன. முதுமைக்கால மறதி நோயுடன் வாழும் உங்கள் அன்பிற்குரியவர், தொடர்புடைய சுவரோவியம் மற்றும் வண்ணத்துடன், வழிக்காட்டும் தள அடையாளங்களையும் பயன்படுத்தி, பேருந்து நிலையத்தை எளிதில் அடையாளம் காண முடியும். ‘உங்கள் வழியைக் கண்டறிந்திடுங்கள்’ முனைப்புத் திட்டத்தின் கீழ் உள்ள சில அக்கம்பக்கங்களும் நிலையங்களும் வழிக் கண்டறியும் சுவரோவியங்களைக் கொண்டுள்ளன. உதாரணமாக, உங்கள் அன்புக்குரியவர் தோ பாயோவிற்குப் பயணித்தால், பேருந்து பரிமாற்ற நிலையம் இடதுபுறத்தில் உள்ள படத்தில் உள்ளது போல தொடர்புடைய பழமையான நினைவுச் சுவரோவியங்களுடன் கூடிய ‘வட்டாரமாக’ இருக்கும்.

பட ஆதாரம்: SBS டிரான்ஸிட் (SBS Transit)

‘உங்கள் வழியைக் கண்டறிந்திடுங்கள்’ முனைப்புத் திட்டம்

“உங்கள் வழியைக் கண்டறியுங்கள்” என்பது SBS டிரான்ஸிட் லிமிடெட் மற்றும் டிமென்ஷியா சிங்கப்பூர் வழங்கும் முனைப்புத் திட்டமாகும், இது முதுமைக்கால மறதி நோயுடன் வாழுபவர்கள் பேருந்து பரிமாற்ற நிலையங்கள் மற்றும் MRT நிலையங்களில் மிகவும் எளிதாகவும் நம்பிக்கையுடனும் பயணித்து, தங்களது வழிகளைக் கண்டறிய உதவுகிறது. 

இரண்டு பாகங்கள் கொண்ட தொடரின் முதல் பகுதியில், முதுமைக்கால மறதி நோய்க்காக முக்கியமாக வாதிடுபவரும் முதுமைக்கால மறதி நோயுடன் வாழுபவருமான எமிலி ஓங் அவர்கள் பயணம் செய்கிறார், அவர் மூலோபாய ரீதியாக நிறுவப்பட்ட சுவரோவியங்களைப் பயன்படுத்தி ஆங் மோ கியோ பேருந்து பரிமாற்ற நிலையத்தில் தனது வழியைக் கண்டறிகிறார்.

ஆதாரம்: டிமென்ஷியா சிங்கப்பூர்

இரண்டு பாகங்கள் கொண்ட தொடரின் இந்தப் பகுதியில், முதுமைக்கால மறதி நோய்க்காக வாதிடுபவரும் முதுமைக்கால மறதி நோயுடன் வாழுபவருமான அஞ்சாங், கோவன் பெருவிரைவு ரயில் நிலையத்தில் உலாவுகிறார். அவர் தனது அன்பிற்குரியவரைக் கண்டுபிடித்துச் சென்றடைய அவர் நம்பியிருக்கும் சுவரோவியத்தை உங்களால் அடையாளம் காண முடியுமா?

ஆதாரம்: டிமென்ஷியா சிங்கப்பூர்

எனக்கு இருக்கை கிடைக்குமா’ முனைப்புத் திட்டம்

பராமரிக்கும் சிங்கப்பூர் பயணிகள் குழு (Caring SG Commuters Committee) வழங்கும் எனக்கு இருக்கை கிடைக்குமா முனைப்புத் திட்டமானது, கண்ணுக்குத் தெரியாத மருத்துவ நிலைமைகளைக் கொண்ட பயணிகள், தங்களுக்குப் பொதுப் போக்குவரத்தில் இருக்கை வேண்டுவதைச் சக பயணிகளுக்கு விழிப்பூட்ட உதவுவதை நோக்கமாகக் கொண்டுள்ளது.

முதுமைக்கால மறதி நோயுடன் வாழும் நபர்கள், பெருவிரைவு ரயில் நிலையங்கள், பேருந்து பரிமாற்ற நிலையங்கள் அல்லது TransitLink பயணச்சீட்டு அலுவலகங்களில் உள்ள பயணிகள் சேவை நிலையங்களில் இருந்து சிறப்பாக வடிவமைக்கப்பட்ட அட்டை மற்றும் லேன்யார்டைப் பெறலாம்.

பட ஆதாரம்: போக்குவரத்து அமைச்சு

உங்கள் அன்பிற்குரியவர் தொலைந்துப் போகக்கூடிய சூழ்நிலைக்கு உங்களையும் உங்கள் அன்பிற்குரியவரையும் தயார்படுத்திக் கொள்ளுங்கள்

CARA கைப்பேசி செயலி

உங்கள் அன்பிற்குரியவர் பொதுப் போக்குவரத்தில் செல்வதற்கு முன், நீங்கள் அவர்களின் அடையாள அட்டை  மற்றும் பிற தேவையான அடையாள ஆவணங்களின் நகல்களை எடுத்து வைத்துக்கொண்டு, அசல் நகலை உங்கள் நபரிடம் கொடுத்துவிடலாம். உங்கள் அன்பிற்குரியவர் அடையாள ஆவணத்தை வைத்திருப்பது (CARA உருப்பினருரிமை அட்டை போன்றவை), உங்கள் அன்பிற்குரியவர் தொலைந்துப் போனால் மற்றவர்கள் உங்களை எவ்வாறு தொடர்புகொள்வது அல்லது அவர்களை வீட்டிற்குத் திரும்ப அழைத்து வருவது என்பதை அறிய உதவும்.

பட ஆதாரம்: CARA

Image Source: CARA

ஈஸி-லிங்க் மொபைல் செயலியில் குடும்பக் கணக்கு

பொதுப் போக்குவரத்து அமைப்பில் சொந்தமாகச் செல்ல விரும்புகிற முதுமைக்கால மறதி நோயுடன் வாழும் நபர்களுக்கு, பராமரிப்பாளர்கள் தங்கள் போக்குவரத்து நகர்வுகளைக் கண்காணிக்கும் அதே வேளையில் அவர்களின் சமூக ஈடுபாடுகளை ஆதரிக்க தொழில்நுட்பங்களின் கலவையைப் பரிசீலிக்கலாம்.  

ஈஸி-லிங்க் ஆனது, ஈஸி-லிங்க் செயலியில் குடும்பக் கணக்கு அம்சத்தை உருவாக்கியுள்ளது,
இது பராமரிப்பாளர்கள் தங்களைச் சார்ந்திருப்பவர்களைக் கண்காணிக்க, SimplyGo ஈஸி-லிங்க் அட்டைகளில் இணைக்கப்பட்ட குடும்பக் கணக்கு மூலம் அவர்களின் விரிவான போக்குவரத்து வரலாற்றின் இடங்களை அறிய உதவுகிறது.

தேவை ஏற்பட்டால், அவர்களின் அன்பிற்குரியவர்களின் தேடல் கண்ணோட்டத்தைச் சுருக்குவதற்கு இது உதவியாக இருக்கும். உங்கள் அன்பிற்குரியவர்களின் உங்கள் கண்ணில் புலப்படாமல் போனால் அல்லது அவர்களிடமிருந்து வேறு திசையில் பிரிந்தால், அமைதியாக இருந்து அவர்கள் கடைசியாக அறியப்பட்ட இடத்தைக் கண்காணிக்க முயற்சி செய்யுங்கள். குடும்பக் கணக்கு அம்சத்தின் மூலம் அவர்களின் அட்டையை நீங்கள் தொலைநிலை மூலமாகவும் பண நிரப்புதல் செய்யலாம்.

உங்கள் அன்பிற்குரியவர் வழக்கமான ஈஸி-லிங்க் அட்டையைப் பயன்படுத்தும் நிலையில், அவரிடம் திறன்பேசி இல்லை என்றால், உங்கள் சொந்தக் கணக்கில் அவரது ஈஸி-லிங்க் அட்டையைச் சேர்த்த பிறகு அவரது போக்குவரத்து வரலாற்றையும் நீங்கள் பார்க்கலாம். உங்கள் அன்பிற்குரியவரின் ஈஸி-லிங்க் அட்டையின் பின்புறத்தில் காணப்படும் 16 இலக்க CAN ஐடியைப் பயன்படுத்தி SimplyGo செயலியில் “அட்டையை புதிய அட்டையாகச் சேருங்கள்”. நீங்கள் அவர்களின் ஈஸி-லிங்க் அட்டையை SimplyGo ஈஸி-லிங்க் என்பதற்கு, பேருந்து பரிமாற்ற நிலையங்கள் அல்லது பெருவிரைவு ரயில் நிலையங்களில் உள்ள எந்த ஒரு பயணச்சீட்டு இயந்திரம் மூலமாகவும் மேம்படுத்தலாம்.

மாற்றுப் போக்குவரத்து விருப்பங்களைக் கருத்தில் கொள்ளுதல்

நீங்கள் மக்கள் கூட்டம் அதிகமிருக்கும் நேரங்களில் பயணம் செய்ய வேண்டியிருந்தால் அல்லது பொதுப் போக்குவரத்தைப் பயன்படுத்துவது உங்களுக்கும் உங்கள் அன்புபிற்குரியவருக்கும் கடினமாக இருந்தால், GrabAssist (கிராப்அசிஸ்ட்) போன்ற மாற்றுப் போக்குவரத்து விருப்பங்களை நீங்கள் பரிசீலிக்கலாம்.

GrabAssist (கிராப்அசிஸ்ட்) ஓட்டுநர்கள், சக்கர நாற்காலியில் இருந்து நபரை இறக்கி கார் இருக்கைக்கு பாதுகாப்பாக ஏற்றுவது போன்ற நடமாட்டம் சிரமம் உள்ள பயணிகளுக்கு உதவ பயிற்சி பெற்றுள்ளனர். GrabAssist Plus (கிராப்அசிஸ்ட் பிளஸ்) என்பது Grab மூலம் தொடங்கப்பட்ட ஒரு புதிய முனைப்புத் திட்டமாகும், இது பயணிகள் தங்கள் சக்கர நாற்காலிகளில் இருந்து இறங்காமல் பயணிக்க அனுமதிக்கிறது, ஏனெனில் இந்த வாகனங்களில் சாய்வான அணுகல் வசதி பொருத்தப்பட்டுள்ளன. GrabAssist Plus (கிராப்அசிஸ்ட் பிளஸ்) பயணங்கள் காலை 8 மணி முதல் இரவு 8 மணி வரை மட்டுமே கிடைக்கும். செயலியில் உங்கள் பயணத்தை முன்பதிவு செய்யும்போது, ​​’மதிப்புக் கூட்டப்பட்டது’ என்ற தாவலின் கீழ் இந்தச் சேவைகளை நீங்கள் காணலாம்.

இந்தக் கட்டுரை பயனுள்ளதாக இருந்ததா?

ஆம் இல்லை
×

Tell us how we can improve?

×

Thank you for your feedback!

Your feedback will really help us to improve our content to support those living with dementia.

Follow us on social media:

Facebook Pinterest
மேற்கோள்கள்

  1. (2021, April 26). SMRT Media Release – SMRT demonstrates firm commitment to serve community through Go-To SMRT initiative.SMRT.
    https://www.smrt.com.sg/Announcements/articleid/1321. 
  2. Yong, C. (2021, April 26). Smrt Mrt stations and bus interchanges to be turned into care centres. The Straits Times. https://www.straitstimes.com/singapore/smrt-to-train-staff-so-mrt-stations-and-bus-interchanges-can-be-first-place-of-call-for.
  3. (2022, April 1). SMRT Media Release – SMRT wins UITP Award for Go-To initiative. SMRT.
    http://blog.smrt.com.sg/smrt-wins-uitp-award-for-go-to-initiative/
  4. (2022, February 27). SMRT Media Release – Media Release – SMRT and AIC Enhance Dementia-Friendly Transport in Singapore. SMRT.
    https://www.smrt.com.sg/Announcements/articleid/smrt-and-aic-enhance-dementia-friendly-transport-in-singapore
  5. Tan, A. (2022, February 27). Help for those with dementia who appear lost at all SMRT train stations by year-end. The Straits Times.
    https://www.straitstimes.com/singapore/transport/all-smrt-train-stations-will-be-able-by-year-end-to-help-those-with-dementia-who-appear-lost
  6. (2019, October 29). 5 Ways Yishun Integrated Transport Hub is Senior and Dementia friendly. AIC.
    https://www.aic-blog.com/5-ways-yishun-integrated-transport-hub-senior-and-dementia-friendly
  7. (2019, 30 April) Meet the Designers Of The “May I Have A Seat Please?” Lanyard. Caring SG Commuters Committee.
    https://www.caringcommuters.gov.sg/in-the-spotlight/meet-the-designers-of-the-may-i-have-a-seat-please-lanyard

The post முதுமைக்கால மறதி நோயுடன் வாழ்பவர்கள் பொதுப் போக்குவரத்தைப் பயன்படுத்துவதற்கான உதவிக்குறிப்புகள் appeared first on DementiaHub.SG.

]]> முதுமைக்கால மறதி நோய்க்கான மருந்துகளை நிர்வகிப்பதற்கான உதவிக்குறிப்புகள் https://www.dementiahub.sg/ta/living-well-with-dementia/tips-to-manage-dementia-medications/ Thu, 08 Sep 2022 01:34:28 +0000 https://www.dementiahub.sg/dementia/tips-to-manage-dementia-medications/ முதுமைக்கால மறதி நோயுடன் வாழும் பெரும்பாலான நபர்களால் தங்களது நோய்நிலையின் ஆரம்பக் கட்டங்களில் தங்கள் மருந்துகளை சொந்தமாக நிர்வகித்துக் கொள்ள முடியும், ஆனால் அவர்களின் முதுமைக்கால மறதி நோய் முற்றுகையில் மருந்துகளை நிர்வகிப்பது மிகவும் கடினமாக இருக்கலாம். மருந்துகளின் தவறான கலவை, மருந்தளவை உட்கொள்வது அல்லது சரியான நேரத்தில் மருந்தை உட்கொள்ள மறப்பது அவர்களை கடுமையான ஆபத்தில் ஆழ்த்தலாம். எனவே, முதுமைக்கால மறதி நோயுடன் வாழும் நபர்களும் அவர்களைப் பராமரிப்பவர்களும் பயனுள்ள மருந்து நிர்வாகத்துக்கான அடிப்படைத் திறன்களைக் கொண்டிருப்பது முக்கியம்.

The post முதுமைக்கால மறதி நோய்க்கான மருந்துகளை நிர்வகிப்பதற்கான உதவிக்குறிப்புகள் appeared first on DementiaHub.SG.

]]>

கவனமாகக் கேளுங்கள்

7 நிமிட வாசிப்பு

முதுமைக்கால மறதி நோயுடன் வாழும் பெரும்பாலான நபர்களால் தங்களது நோய்நிலையின் ஆரம்பக் கட்டங்களில் தங்கள் மருந்துகளை சொந்தமாக நிர்வகித்துக் கொள்ள முடியும், ஆனால் அவர்களின் முதுமைக்கால மறதி நோய் முற்றுகையில் மருந்துகளை நிர்வகிப்பது மிகவும் கடினமாக இருக்கலாம். மருந்துகளின் தவறான கலவை, மருந்தளவை உட்கொள்வது அல்லது சரியான நேரத்தில் மருந்தை உட்கொள்ள மறப்பது அவர்களை கடுமையான ஆபத்தில் ஆழ்த்தலாம். எனவே, முதுமைக்கால மறதி நோயுடன் வாழும் நபர்களும் அவர்களைப் பராமரிப்பவர்களும் பயனுள்ள மருந்து நிர்வாகத்துக்கான அடிப்படைத் திறன்களைக் கொண்டிருப்பது முக்கியம்.

மருந்து நிர்வாகம் குறித்த பொது உதவிக்குறிப்புகள்

தவறவிட்ட மருந்துகள்

முதுமைக்கால மறதி நோயால் பாதிக்கப்பட்ட ஒருவர் மருந்தை உட்கொள்ள மறந்து விட்டால், கூடிய விரைவில் மருந்தைக் கொடுத்திட வேண்டும். இருப்பினும், அடுத்த மருந்தளவிற்கான நேரம் நெருங்கிவிட்டால், தவறவிட்ட மருந்தைத் தவிர்த்திட வேண்டும். தவறவிட்ட மருந்தளவை ஈடுசெய்ய மருந்தளவை இரட்டிப்பாக்கக்கூடாது. பராமரிப்பாளர்கள் மற்றும் பராமரிப்பு நிபுணர்கள் தவறவிட்ட அல்லது ஒழுங்கற்ற மருந்தளவுகளைக் குறித்து வைத்துக் கொண்டு, முதுமைக்கால மறதி நோயுடன் வாழும் நபரைப் கவனித்து  வரும் மருத்துவக் குழுவுடன் இந்தத் தகவலைப் பகிர்ந்து கொள்ள வேண்டும்.

மருந்துகள் அல்லது பிற தயாரிப்புகளை உட்கொள்வது பற்றி மருத்துவக் குழுவுடன் வெளிப்படையாக இருத்தல்

முதுமைக்கால மறதி நோயுடன் வாழும் நபர் பின்வருவனவற்றை எடுத்துக்கொள்கிறாரா என்பது குறித்து பராமரிப்பாளர்கள், பராமரிப்பு வல்லுநர்கள் மற்றும் முதுமைக்கால மறதி நோயுடன் வாழும் நபர், முதுமைக்கால மறதி நோயுடன் வாழும் நபரைப் பார்த்துக்கொள்ளும் மருத்துவர்(கள்) மற்றும் மருந்தாளர்(கள்) அனைவருடனும் வெளிப்படையாக இருக்க வேண்டும்:

  • முன்னர் பரிந்துரைக்கப்பட்ட ஏதேனும் மருந்துகள் அல்லது துணைநிறைவு மருந்துகள்
  • பாரம்பரிய மருந்துகள் உட்பட பிற மருத்துவர்கள் பரிந்துரைத்த மருந்துகள்
  • மூலிகை தயாரிப்புகள், துணைநிறைவு மருந்துகள் அல்லது ஊட்டச்சத்துத் தயாரிப்புகள்.

 

இவற்றுள் அடங்குவன:

  • நபரின் முதுமைக்கால மறதி நோய் மற்றும் பிற நோக்கங்களுக்காகப்பரிந்துரைக்கப்படும் மருந்துகள்
  • மாத்திரைகள், ஊசி மருந்துகள், உள்ளிழுக்கும் மருந்துகள் மற்றும் மேற்பூசும் மருந்துகள் மற்றும் கிரீம்கள் (தோலில் தடவப்பட்டவை) உள்ளிட்ட பல்வேறு வடிவங்களில் பரிந்துரைக்கப்படும் மருந்துகள்.

 

மருந்துகளின் தீங்கு விளைவிக்கும் குறுக்கீடுகளைத் தவிர்க்க இந்தக் குழுக்கள் மத்தியில் வெளிப்படைத்தன்மை இருக்க வேண்டும். மருந்துகளைக் கண்காணிப்பது பற்றிய கூடுதல் தகவலுக்கு நோயாளியின் மருந்துப் பட்டியல் குறித்து கீழே உள்ள பகுதியைப் பார்க்கவும்.

மருந்தளிப்பு அறிவுறுத்தல்களில் கவனம் செலுத்தி, அவற்றைப் பின்பற்றுதல்

மருத்துவர் அல்லது மருந்துகளை வழங்கும் மருந்தாளர் தெரிவிக்கும் சிறப்பு அறிவுறுத்தல்களைக் கவனித்து, அவற்றைப் பின்பற்றுங்கள். அறிவுறுத்தல்களின் எடுத்துக்காட்டுகள் பின்வருமாறு:

  • ஒரு நாளைக்கு மருந்தை எத்தனை முறை எடுத்துக் கொள்ள வேண்டும், ஒவ்வொரு உட்கொள்ளலின்போதும் எவ்வளவு மருந்து எடுக்க வேண்டும் மற்றும் மருந்துச் சீட்டில் உள்ள மருந்துகளை எவ்வளவு காலம் உட்கொள்ள வேண்டும்
  • அந்த நபர் மருந்தை சாப்பாட்டுக்கு முன்பு எடுத்துக் கொள்ள வேண்டுமா அல்லது பின்பு எடுத்துக் கொள்ள வேண்டுமா
  • மருந்தை எடுத்துக்கொள்ளும்போது என்னென்ன உணவைத் தவிர்க்க வேண்டும்
  • மருந்தை எப்படி எடுத்துக்கொள்ள வேண்டும்

பக்க விளைவுகளைக் கவனித்தல்

மருந்துகளை எடுக்கும்போது, குறிப்பாக புதிதாக பரிந்துரைக்கப்பட்ட மருந்துகளை எடுத்துக் கொள்ளும்போது, மருந்தின் பக்கவிளைவுகள் எதுவும் ஏற்படுகின்றனவா எனக் கவனியுங்கள். முதுமைக்கால மறதி நோயுடன் வாழும் நபர், அவர்கள் அனுபவிக்கும் பக்க விளைவுகளைப் பற்றி மற்றவர்களுக்கு எச்சரிக்கும் வார்த்தைகளைக் கண்டுபிடிக்க சிரமப்படலாம். பக்க விளைவுகள் குறித்து உடனடியாக மருத்துவரிடம் தெரிவிப்பதில் கவனமாக இருங்கள்.

தலைச்சுற்றல்

தலைச்சுற்றலை ஏற்படுத்தக்கூடிய மருந்துகளைக் குறித்து வைத்துக் கொள்ளுங்கள், ஏனெனில் இது கீழே விழும் அபாயத்தை அதிகரிக்கலாம், குறிப்பாக வயதான பெரியவர்கள் மத்தியில் கீழே விழும் அபாயத்தை அதிகரிக்கலாம்.

பத்திரப்படுத்தும் வழிமுறைகளில் கவனம் செலுத்துதல்

மருந்துகள் பற்றி அறிந்துகொள்ளுங்கள்: பத்திரப்படுத்துதல் மற்றும் காலாவதி குறித்து அறிந்துகொள்ளுங்கள்

ஆதாரம்: சுகாதார அமைச்சு

நோயாளிகளும் பராமரிப்பாளர்களும் தங்களின் மருந்தை முறையாகச் பத்திரப்படுத்தி  வைப்பதற்கு பின்பற்ற வேண்டிய வழிமுறைகள் மற்றும் காலாவதியான அல்லது இனி பயன்படுத்தப்படக் கூடாத மருந்துகளை எப்படிக் கண்டறிவது என்பதை இந்தக் குட்டி வீடியோ விவரிக்கிறது.

நேரடி சூரிய வெளிச்சம் மற்றும் வெப்பம் இல்லாத, குளிர்ச்சியான மற்றும் உலர்வான இடத்தில் மருந்துகளைச் பத்திரப்படுத்தி  வைப்பது முக்கியம். சில மருந்துகளை குளிரூட்டப்பட்ட  இடங்களில் வைக்க வேண்டியிருக்கலாம். முதுமைக்கால மறதி நோயுடன் வாழும் ஒருவர் பகல்நேரப் பராமரிப்பு நிலையம் அல்லது பல்வேறு சமூக நடவடிக்கைகளுக்காக பகலில் வெவ்வேறு இடங்களுக்குச் சென்றால், மருந்துகள் பொருத்தமான நிலையில் வைக்கப்படுவதற்கான ஏற்பாடுகள் செய்யப்பட வேண்டும்.

மருத்துவரின் அறிவுறுத்தலின்படி மருந்தளித்தல்

மருத்துவர் அல்லது மருந்தாளரிடம் முதலில் கலந்தாலோசிக்காமல் பயன்படுத்தும் எந்த மருந்தையும் நிறுத்தாதீர்கள். உங்களுக்கு ஏதேனும் சந்தேகம் இருந்தால், மருத்துவர் அல்லது மருந்தாளரைத் தொடர்புகொண்டு தெளிவுபடுத்திக் கொள்ளுங்கள். மருத்துவ நிபுணர்களின் ஆலோசனையைப் பின்பற்றுங்கள். பராமரிப்பாளர்கள் மற்றும் முதுமைக்கால மறதி நோயுடன் வாழும் நபர்கள் தங்கள் மருந்துப் பரிந்துரைகள் குறித்து தாங்களாகவே முடிவெடுக்கக் கூடாது. மருந்து செயல்படுவதற்கு நேரம் எடுக்கும், எனவே சிறிது நேரம் பலன்கள் எதுவும் தென்படாவிட்டாலும், பரிந்துரைக்கப்படும் மருந்தைப் பின்பற்றுவது முக்கியம். கூடுதலாக, மருந்தின் விளைவுகள் நபருக்கு நபர் வித்தியாசப்படும், எனவே மற்றவர்களுக்கு அம்மருந்து வித்தியாசமாக செயல்பட்டாலும், பராமரிப்பாளர்களும் அதை எடுத்துக்கொள்பவர்களும் தங்கள் மருந்தின் அளவை மாற்றுவதற்கு சுயாதீனமாக முடிவு செய்யக்கூடாது.

ஒருங்கிணைந்த மருந்து உதவி

முதுமைக்கால மறதி நோயுடன் வாழும் நபர் வெவ்வேறு பராமரிப்பாளர்கள் மற்றும் பராமரிப்பு நிபுணர்களால் பராமரிக்கப்படலாம், எனவே இந்த வெவ்வேறு நபர்களிடமிருந்து மருந்து நினைவூட்டல்கள் அல்லது உதவித் தேவைப்படலாம். பராமரிப்பாளர்கள் மற்றும் பராமரிப்பு நிபுணர்கள் அனைவரும் அந்த நபரின் மருந்துப் பரிந்துரைகளைச் சரியாகப் பின்பற்றுவதும், தேவைப்பட்டால் உதவி வழங்கத் தயாராக இருப்பதும் முக்கியம்.

மருந்துப் பதிவுகள்: நோயாளியின் மருந்துப் பட்டியல்

எடுத்துவரும் அனைத்து மருந்துகளின் புதுப்பிக்கப்பட்ட பட்டியலை வைத்திருப்பது முக்கியம். இந்தப் பட்டியல் நோயாளியின் மருந்துப் பட்டியல் (PML) என்று அழைக்கப்படுகிறது.

இந்தப் பட்டியல் பல்வேறு சுகாதார நிபுணர்களுக்கு இடையேயான தகவல் பரிமாற்றத்தை எளிதாக்குகிறது, மேலும் முதன்முறையாக முதுமைக்கால மறதி நோயுடன் வாழும் நபர்களைப் பார்க்கும்போது சுகாதார நிபுணர்கள் பயன்படுத்தக்கூடிய முக்கியத் தகவல்களையும் இது கொண்டுள்ளது. மருந்து உடலில் தீவிரமாகச் செயல்பட்டால் அல்லது மருந்தை அதிகளவு உட்கொண்டுவிட்டால், அதைச் சமாளிக்க தயாராக இருப்பதற்கும் இது உதவுகிறது.

நோயாளியின் மருந்துப் பட்டியலில் பின்வருவன இடம்பெற்றிருக்க வேண்டும்:

  • இரண்டு அடையாளங்கள் எ.கா. பெயர் மற்றும் NRIC எண்
  • நாட்பட்ட நோய்  நிலைமைகள்
  • ஏதேனும் மருந்து அல்லது உணவு ஒவ்வாமை மற்றும் ஒவ்வாமை எதிர்வினை பற்றிய விளக்கம்
  • அனைத்து மருந்துகள்/துணைநிறைவு மருந்துகள்/ஊட்டச்சத்துக்களின் பெயர்கள் பரிந்துரைக்கப்பட்ட மருந்துகள் (பிராண்டு பெயர் மற்றும் செயலில் உள்ள மூலப்பொருள்), சக்தி, மருந்தளவு அறிவுறுத்தல்கள் மற்றும் பயன்பாட்டிற்கான காரணம்
  • கடைசியாகப் புதுப்பிக்கப்பட்ட தேதி

 

மருத்துவ நிலையம், மருத்துவமனை அல்லது மருந்தகத்திற்கு ஒவ்வொரு முறை வருகைப்புரியும்போதும் புதுப்பிக்கப்பட்ட பட்டியலைக் கொண்டுவந்து, அதை சுகாதார நிபுணரிடம் காட்டவும். பட்டியலில் எளிதாக அடையாளம் காண மருந்து மற்றும் அதன் பாட்டிலின் படத்தையும் சேர்ப்பது உதவியாக இருக்கும்.

சுகாதார அமைச்சால் வழங்கப்பட்ட நோயாளிகளுக்கான மருந்துப் பட்டியலின் டெம்ப்ளேட்டை இங்கே பதிவிறக்கம் செய்யலாம்.

மருந்துகளை எடுத்துக்கொள்வதை நினைவில் கொள்ளுதல்

சரியான நேரத்தில் மருந்தளவை தொடர்ந்து எடுத்துக் கொள்ள மறப்பது மருந்தின் செயல்திறனைக் குறைக்கும். முதுமைக்கால மறதி நோயுடன் வாழும் நபர்கள் சரியான நேரத்திலும் சீரான முறையிலும் தங்கள் மருந்துகளை எடுத்துக்கொள்வதை உறுதி செய்வதற்கான வழிகளை பராமரிப்பாளர்கள் மற்றும் பராமரிப்பு நிபுணர்கள் கண்டுபிடிப்பது முக்கியம்.

நாளின் வெவ்வேறு நேரங்களில் எடுத்துக் கொள்ள வேண்டிய மருந்துகளைக் கண்காணிப்பது பராமரிப்பாளர்களுக்கும் முதுமைக்கால மறதி நோயுடன் வாழுபவர்களுக்கு போராட்டமாக இருக்கலாம், குறிப்பாக நாள் முழுவதும் உணவுக்கு முன்னும் பின்னும் பல்வேறு மருந்துகள் எடுக்க வேண்டியிருக்கும்போது. முதுமைக்கால மறதி நோயுடன் வாழும் ஒருவருக்கு இது இன்னும் சவாலானதாக இருக்கலாம்.

இருப்பினும், சில எளிய நினைவூட்டல்கள் மற்றும் பிற மருந்து நிர்வாக கருவிகள் மூலம், மருந்துகளை திறம்பட அளித்திட முடியும். இவ்வாறு செய்வதன் மூலம் ஆரம்பக் கட்ட முதுமைக்கால மறதி நோய் உள்ளவர்கள் தங்கள் மருந்துகளை தொடர்ந்து பிறர் உதவியை நாடாமல் எடுத்துக்கொள்ளலாம்.

இதைச் செய்ய பல்வேறு முறைகளைப் பயன்படுத்தலாம். இந்த முறைகளில் சில முதுமைக்கால மறதி நோயுடன் வாழும் நபர் முதுமைக்கால மறதி நோயின் ஆரம்பக் கட்டங்களில் பிறரின் உதவியை நாடாமல் இருக்க முடியும்.

மருந்துப் பெட்டிகளைப் பயன்படுத்துதல்

மருந்துகள் பற்றி அறிந்துகொள்ளுங்கள்: மருந்துப் பெட்டியை எப்படிப் பேக் செய்வது

ஆதாரம்: சுகாதார அமைச்சு

இந்தச் சிறிய வீடியோ, மாத்திரை பெட்டியைப் பேக்கிங் செய்யும் போது நோயாளிகள் மற்றும் பராமரிப்பாளர்கள் மேற்கொள்ள வேண்டிய வழிமுறைகள் மற்றும் தவிர்க்க வேண்டிய தவறுகள் பற்றி விவரிக்கிறது.

மாத்திரை வடிவில் மருந்துகளைக் கண்காணிப்பதற்கான எளிய வழிகளில் ஒன்று மாத்திரைப் பெட்டிகளைப் பயன்படுத்துவதாகும். ஒவ்வொரு மருந்தையும் பெட்டியின் வெவ்வேறு பிரிவில் வைப்பதன் மூலம், மருந்தை உட்கொள்ளும் நபர் சரியான நேரத்தில் அதைக் கண்டறிந்து உட்கொள்வது எளிது. பெட்டியின் ஒவ்வொரு பிரிவிலும் ஒவ்வொரு மருந்தளவும் எடுக்கப்பட வேண்டிய நாளின் நேரத்தைக் குறிப்பிடுவது, இப்பணியை இன்னும் எளிதாகிறது. இவ்வாறு குறிப்பது மருந்து தவறவிடப்பட்டுள்ளதா என்பதை ஒரு பார்வையில் எளிதாகக் கண்டுபிடிக்கும் கூடுதல் நன்மையையும் கொண்டுள்ளது.

மற்றொரு தீர்வு தானியங்கி மாத்திரை விநியோகிப்பு சாதனங்களைப் பயன்படுத்துவது. இத்தகைய மாத்திரை விநியோகிப்பு சாதனங்களில் அலாரம் இருக்கலாம், இவை மருந்துகளை உட்கொள்ளும் நேரத்தில் பயனருக்கு அதனை நினைவூட்டுகின்றன, மேலும் அந்த நாளின் அந்தந்த நேரத்திற்கு தானாகவே மருந்தை வழங்கும். வெவ்வேறு விலைகளுக்கு சற்றே வித்தியாசமான செயல்பாடுகளை வழங்கும் பல்வேறு வகையான சாதனங்கள் வெவ்வேறு தேவைகளுக்கு ஏற்றவாறு உள்ளன.

நினைவூட்டல்களை அமைத்தல்

சாப்பிடுவதற்கு பல வேறுபட்ட மருந்துகள் இல்லை என்றால், முதுமைக்கால மறதி நோயுடன் வாழும் நபருக்கு சரியான நேரத்தில் மருந்துகளை எடுத்துக் கொள்ள ஒரு எளிய நினைவூட்டல் தேவைப்பட்டால், எளிய விளக்கங்களுடன் அலாரங்களை அமைக்க தொலைபேசியைப் பயன்படுத்துவது பொருத்தமான தீர்வாக இருக்கும். டிஜிட்டல் கடிகாரத்திற்கு அடுத்ததாக தினசரி அட்டவணையை வைப்பதன் மூலம் முதுமைக்கால மறதி நோயுடன் வாழும் நபர் எந்த மருந்துகளை எடுத்துக் கொள்ள வேண்டும் என்பதை எளிதாகத் தெரிந்துகொள்ளலாம்.

கால அட்டவணையைப் பயன்படுத்துதல்

முதுமைக்கால மறதி நோயுடன் வாழும் நபர்கள் மற்றும் அவர்களைப் பராமரித்து வருபவர்கள் மருந்துகளை எப்போது எடுத்துக்கொள்ள வேண்டும் என்பதைக் கவனத்தில் கொள்ள கால அட்டவணையைப் பயன்படுத்தலாம். பல வகையான மருந்துகள் இருந்தால் இது மிகவும் பயனுள்ளதாக இருக்கும். பராமரிப்பாளர்கள் இல்லாதபோது மற்றவர்களிடம் பராமரிப்புக் கடமைகளை ஒப்படைக்கும்போது அல்லது முதுமைக்கால மறதி நோயுடன் நபர் இல்லம் சார்ந்த பராமரிப்புச் சேவைப் பணியாளர்கள் அல்லது நிலையம் அடிப்படையிலான பராமரிப்பு ஊழியர்களிடமிருந்து மருந்து எடுத்துக்கொள்ளும் உதவிச் சேவைகளைப் பெற்றால் இது உதவியாக இருக்கும்.

மருந்து நிர்வாகச் சேவைகள்

முதுமைக்கால மறதி நோயுடன் வாழும் நபர்கள் மற்றும் பராமரிப்பாளர்களுக்கு கூடுதல் மருந்து நிர்வாகச் சேவைகள் தேவைப்படலாம்.

மருந்து நிர்வாகச் சேவைகள் தேவைப்படுவதற்கான சில காரணங்கள் பின்வருமாறு:

  • முற்றும் முதுமைக்கால மறதி நோய்: நோயின் பிந்தைய கட்டங்களில், முதுமைக்கால மறதி நோயுடன் வாழும் நபர்களால் மருந்துகளை பிறர் உதவியை நாடாமல் எடுத்துக்கொள்ள முடியாது.
  • வாழ்க்கை ஏற்பாடுகள்: முதுமைக்கால மறதி நோயுடன் வாழும் சிலர் தனியாக வாழலாம் அல்லது மருந்து கொடுக்க வேண்டிய நாளின் சில நேரங்களில் குடும்பத்தினர் அல்லது பராமரிப்பாளர்கள் அவர்களோடு இல்லாமல் இருக்கலாம்.
  • மருந்தின் வகை: சில மருந்துகளை தானே எடுத்துக் கொள்வது மிகவும் கடினமாக இருக்கலாம், குறிப்பாக முதுமைக்கால மறதி நோயின் பிற்கால கட்டங்களில் ஊசி, இன்ஹேலர்கள், நெபுலைசர்கள் போன்றவற்றை தானே எடுத்துக் கொள்ள கடினமாக இருக்கலாம்.
  • பல மருந்துகள் மற்றும் உட்கொள்ளும் நேரங்கள்: நாளின் பல்வேறு நேரங்களில் பல மருந்துகளை எடுத்துக்கொள்வது ஒருங்கிணைக்க கடினமாக இருக்கலாம்.

 

முதுமைக்கால மறதி நோயுடன் வாழும் நபர்களுக்கு மருந்து தொடர்பான சேவைகளை வழங்க பொது மற்றும் தனியார் சேவை வழங்குநர்கள் உள்ளன. இந்தச் சேவைகள் மருந்துகளை நிர்வகிப்பதை எளிதாக்குகின்றன. சேவைகளில் அடங்குவன:

  • மருந்துகளைப் பேக் செய்தல்
  • கிளையண்ட்டுகள் மற்றும்/அல்லது பராமரிப்பாளர்களால் மருந்துகளை எடுத்துக் கொள்ள முடியாவிட்டால் மருந்துகளை வழங்குதல்
  • மருந்துகளை மேற்பார்வை செய்தால்
  • மருந்துகளை எடுத்துக்கொள்ள நினைவூட்டுதல்
  • மருந்துகளின் இணக்கம் மற்றும் மருந்துகளை சரியாக எடுத்துக்கொள்வது குறித்து கண்காணித்தல்
  • மருந்தகத்தில் இருந்து மருந்துகளைச் சேகரித்தல்
  • பிற சேவைகளாவன: வேறு சில சேவைகள் கீழே உள்ள “கூடுதல் வளமைகள்” பிரிவில் பட்டியலிடப்பட்டுள்ளன.

மருந்து நிர்வாகச் சேவைகளை எங்குப் பெறுவது

இந்தச் சேவைகளில் ஈடுபடுவதற்கான சில வழிகள் பின்வருமாறு:

  • முதுமைக்கால மறதி நோயுடன் வாழும் நபரின் நோய்நிலைமைகள் மற்றும் தேவைகளை நன்கு அறிந்த மருத்துவமனை, பலதுறை மருந்தகம் அல்லது பொது மருத்துவரிடமிருந்து பரிந்துரையைப் பெறவும்.
  • பராமரிப்புச் சேவைகள் மற்றும் திட்டங்கள் குறித்த ஆலோசனைக்கு, உங்களுக்கு அருகிலுள்ள AIC இணைப்பு இருப்பிடத்தைப் பார்வையிடலாம்.
  • உங்களுக்கு அருகிலுள்ள சேவை வழங்குநர்களைக் கண்டறிய இணையவழி ஈ-கேர் இடமறியும் கருவியையும் நீங்கள் பயன்படுத்தலாம்.

 

பணவசதிச் சோதனை மானியத்திற்கு முன், சேவையின் சராசரி விலை ஒரு மணி நேரத்திற்கு $20 ஆகும். பராமரிப்பாளர்கள் மற்றும் முதுமைக்கால மறதி நோயுடன் வாழும் நபர்களுக்கு சேவைக்கான நிதி உதவி தேவைப்பட்டால், அவர்கள் மருத்துவமனை அல்லது பலதுறை மருந்தகத்தில் உள்ள சேவை வழங்குநர் அல்லது மருத்துவ சமூக சேவையாளரிடம் பேசலாம்.

கூடுதல் வளமைகள்

HealthHub சேவைகள்: மருந்துச் சீட்டுகளைச் சரிபார்த்து, இணையவழியில் மருந்துச் சீட்டுகளில் உள்ள மருந்துகளை மீண்டும் கோருதல்

HealthHub இணையதளம் மற்றும் மொபைல் செயலி நோயாளிகள் தங்கள் கடந்தகால மருந்துச் சீட்டுகளைச் சரிபார்த்து, இணையவழியில் மருந்துச் சீட்டுகளில் உள்ள மருந்துகளை மீண்டும் கோர அனுமதிக்கிறது.

HealthHub இணையதளம் அல்லது மொபைல் செயலியில் இந்தச் சேவைகளை அணுக நீங்கள் SingPass ஐப் பயன்படுத்த வேண்டும்.

ஆண்ட்ராய்டு செயலியைப் பதிவிறக்கம் செய்க
Apple செயலியைப் பதிவிறக்கம் செய்க

சிங்ஹெல்த் பலதுறை மருந்தகம் வழங்கும் PILBOX & MDS

சிங்ஹெல்த் பலதுறை(SHP) மருந்தகம் லாக்கர் பெட்டியில் மருந்துச்சீட்டு (Prescription In Locker Box, PILBOX) மற்றும் மருந்து விநியோகச் சேவை (Medication Delivery Service, MDS) இரண்டையும் வழங்குகிறது.

PILBOX நோயாளிகள் அல்லது அவர்களைப் பராமரிப்பவர்கள் வரிசையில் நிற்காமல் எந்த நேரத்திலும் திரும்பக் கோரும் மருந்துச் சீட்டில் உள்ள மருந்துகளைப் பெற்றுக்கொள்ள அனுமதிக்கிறது.

இது பின்வரும் இடங்களில் கிடைக்கிறது:

1. SHP-பிடோக்
2. SHP-மரீன் பரேட்
3. SHP-செங்காங்
4. SHP-பொங்கோல்
5. SHP-தெம்பனிஸ்

மருந்து விநியோகச் சேவை (Medication Delivery Service, MDS) நோயாளிகள் அல்லது அவர்களைப் பராமரிப்பவர்கள், பலதுறை மருந்தகத்திற்கு நேரடியாகச் செல்லாமல், அவர்களுக்கு விருப்பமான முகவரிக்கு திரும்பக் கோரும் மருந்துச் சீட்டு மருந்துகளை விநியோகிக்க அனுமதிக்கிறது.

இந்த விநியோகச் சேவை தற்போது அனைத்து SHP மருந்தகங்களிலும் கிடைக்கிறது.

தேசிய சுகாதாரப் பராமரிப்புக் குழு (NHG) மருந்தகம் வழங்கும் ConviDose™

ConviDose™ என்பது தேசிய சுகாதாரப் பராமரிப்புக் குழு (NHG) மருந்தகம் வழங்கும் பல மருந்தளவு பேக்கேஜிங் இணக்கச் சேவையாகும், இது நோயாளிகள் மற்றும் பராமரிப்பாளர்களுக்கு அவர்களின் மருந்துகளை ஏற்பாடு செய்ய உதவுகிறது.

மருந்துகளை எடுத்துக்கொள்ள வேண்டிய நேரத்திற்கு ஏற்ப சரியான அளவு மருந்துகள் ஒவ்வொரு பாக்கெட்டிலும் பேக் செய்யப்பட்டிருக்கும்.

ConviDose™ என்பது எளிதாகப் பின்பற்றுவதற்கான அமைப்பாகும், இது நோயாளிகள் அல்லது பராமரிப்பாளர்கள் மருந்துகளை எளிதாக நிர்வகிக்கவும், தவறவிட்ட அளவைக் கண்டறியவும் அனுமதிக்கிறது.

தற்போது, ​​ConviDose™ சேவை பின்வரும் பலதுறை மருந்தகங்களில் கிடைக்கிறது:

1. அங் மோ கியோ பலதுறை மருந்தகம் 
2. கேலாங் பலதுறை மருந்தகம்
3. ஹவ்காங் பலதுறை மருந்தகம்
4. காலாங் பலதுறை மருந்தகம்
5. தோ பாயோ பலதுறை மருந்தகம்
6. உட்லண்ட்ஸ் பலதுறை மருந்தகம்
7. யீஷூன் பலதுறை மருந்தகம்    

தேசிய சுகாதாரப் பராமரிப்புக் குழு (NHG) மருந்தகத்தின் ConviDose™ சேவை

ஆதாரம்: தேசிய சுகாதாரப் பராமரிப்புக் குழு (NHG) மருந்தகம்

ConviDose™ என்பது உங்கள் மருந்துகளை ஏற்பாடு செய்ய உதவும் ஒரு சேவையாகும். இது நீங்கள் அல்லது உங்கள் பராமரிப்பாளர் மருந்துகளை எளிதாக நிர்வகிக்க அனுமதிக்கும் எளிதாகப் பின்பற்றக்கூடிய அமைப்பாகும். 

‘Ask-a-Pharmacist’ by NHG Pharmacy

தேசிய சுகாதாரப் பராமரிப்புக் குழு (NHG) மருந்தகம் வழங்கும் ‘மருந்தாளரிடம் கேளுங்கள் (Ask-a-Pharmacist)’ .

நோயாளிகள் மற்றும் பராமரிப்பாளர்கள் கேள்விகளை அவர்களின் இணையதளத்தில் இடுகையிடலாம் ..

உங்களுக்கு உடனடி ஆலோசனை தேவைப்பட்டால், மருத்துவரை அணுகவும் அல்லது 6355 3000 என்ற எண்ணில் தேசிய சுகாதாரப் பராமரிப்புக் குழு (NHG) பலதுறை மருந்தகங்களை தொடர்பு நிலையம் வழியாக தேசிய சுகாதாரப் பராமரிப்புக் குழு (NHG) மருந்தாளரை அழைக்கவும். 

சுகாதார அமைச்சின் ‘உங்கள் மருந்துகளை அறிந்து கொள்ளுங்கள்’

சுகாதார அமைச்சு வழங்கும் ‘உங்கள் மருந்துகளை அறிந்து கொள்ளுங்கள்’ என்பது நோயாளிகள் மற்றும் பராமரிப்பாளர்களுக்கு அவர்களின் மருந்துகளை திறம்பட நிர்வகிப்பதற்கான அடிப்படை திறன்களை கற்பிப்பதை நோக்கமாகக் கொண்ட வீடியோக்கள் மற்றும் விளக்கப்படங்களின் தொடர் ஆகும்.

இந்தத் தொடரில் உள்ளடக்கப்படும் திறன்கள்:

1. மருந்தின் லேபிள் குறித்து அறிந்துகொள்ளுதல்
2. உங்கள் மருந்துகளை எப்படி எடுத்துக்கொள்வது என்பதை எப்படி நினைவில் கொள்வது என்று தெரிந்து கொள்ளுதல்
3. உங்களிடம் போதுமான மருந்து இருக்கிறதா என்று தெரிந்து கொள்ளுதல்
4. சேமிப்பகம் மற்றும் காலாவதி குறித்து அறிந்துகொள்ளுதல்
5. மருந்தகப் பட்டியலை எப்படி உருவாக்குவது என்று அறிந்துகொள்ளுதல்
6. மருந்துப் பெட்டியை எப்படிப் பேக் செய்வது

இந்தக் கட்டுரை பயனுள்ளதாக இருந்ததா?

ஆம் இல்லை
×

Tell us how we can improve?

×

Thank you for your feedback!

Your feedback will really help us to improve our content to support those living with dementia.

Follow us on social media:

Facebook Pinterest
மேற்கோள்கள்
  1. Teo, J., & Tan, C. (2021, March 5). Budget debate: Central national pharmacy being set up to deliver medications to patients’ homes. The Straits Times. https://www.straitstimes.com/singapore/politics/budget-debate-central-national-pharmacy-being-set-up-to-deliver-medications-to.
  2. Speech By Dr Koh Poh Koon, Senior Minister Of State For Health, At The Ministry Of Health Committee Of Supply Debate 2021, On Friday 5 March 2021. Ministry of Health. (2021, March 5). https://www.moh.gov.sg/news-highlights/details/speech-by-dr-koh-poh-koon-senior-minister-of-state-for-health-at-the-ministry-of-health-committee-of-supply-debate-2021-on-friday-5-march-2021.

The post முதுமைக்கால மறதி நோய்க்கான மருந்துகளை நிர்வகிப்பதற்கான உதவிக்குறிப்புகள் appeared first on DementiaHub.SG.

]]> அன்றாட வழக்கத்தை வடிவமைத்தல் https://www.dementiahub.sg/ta/living-well-with-dementia/designing-a-daily-routine/ Wed, 07 Sep 2022 23:01:14 +0000 https://www.dementiahub.sg/dementia/designing-a-daily-routine/ முதுமைக்கால மறதி நோயுடன் வாழ்பவர்கள் பெரும்பாலும் குழப்பத்தை உணர்கிறார்கள், குறிப்பாக அவர்களின் நினைவுகள் மங்கத் தொடங்கும் போதும் அவர்களின் செயல்பாடுகள் மோசமடையத் தொடங்கும் போதும் அவ்வாறு உணர்கிறார்கள். முதுமைக்கால மறதி நோயுடன் வாழும் உங்கள் அன்புக்குரியவரின் நோய் நிலை முற்றும்போது, அவரது வழக்கமான பணிகளைச் செய்வதில் அவர் சிரமங்களை எதிர்கொள்ளலாம். அன்றாட வழக்கத்தை வடிவமைப்பது அவருக்குச் சில கட்டமைப்பை வழங்குவதற்கான ஒரு சிறந்த வழியாகும். அவர் அனுபவிக்கும் திட்டமிடல் நடவடிக்கைகள் மனக்கிளர்ச்சியைக் குறைப்பதற்கும் அவரது மனநிலையை மேம்படுத்துவதற்கும் உதவியாக இருக்கலாம்.

The post அன்றாட வழக்கத்தை வடிவமைத்தல் appeared first on DementiaHub.SG.

]]>

கவனமாகக் கேளுங்கள்

< 1 நிமிட வாசிப்பு

முதுமைக்கால மறதி நோயுடன் வாழ்பவர்கள் பெரும்பாலும் குழப்பத்தை  உணர்கிறார்கள், குறிப்பாக அவர்களின் நினைவுகள் மங்கத் தொடங்கும் போதும் அவர்களின் செயல்பாடுகள் மோசமடையத் தொடங்கும் போதும் அவ்வாறு உணர்கிறார்கள். முதுமைக்கால மறதி நோயுடன் வாழும் உங்கள் அன்புக்குரியவரின் நோய் நிலை முற்றும்போது, ​​அவரது வழக்கமான பணிகளைச் செய்வதில் அவர் சிரமங்களை எதிர்கொள்ளலாம். அன்றாட வழக்கத்தை வடிவமைப்பது அவருக்குச் சில கட்டமைப்பை வழங்குவதற்கான ஒரு சிறந்த வழியாகும். அவர் அனுபவிக்கும் திட்டமிடல் நடவடிக்கைகள் மனக்கிளர்ச்சியைக் குறைப்பதற்கும் அவரது மனநிலையை மேம்படுத்துவதற்கும் உதவியாக இருக்கலாம்.

வீட்டு வேலைகள்
உணவருந்தும் நேரங்கள்
சுயபராமரிப்பு
ஆக்கப்பூர்வமான நடவடிக்கைகள்
உடல்ரீதியான நடவடிக்கைகள்
சமூக நடவடிக்கைகள்
ஆன்மீக நடவடிக்கைகள்

அன்றாட வழக்கத்தை வடிவமைப்பதற்கு முன், உங்கள் அன்புக்குரியவரைப் பற்றிய பின்வரும் விஷயங்களைக் கருத்தில் கொள்வது, அவருக்கான வழக்கத்தைத் தனிப்பயனாக்க உதவும்:

  • அவருடைய விருப்பு, வெறுப்பு, பலம், திறன்கள் மற்றும் ஆர்வங்கள்
  • அவர் தனது நாட்களை வழக்கமாக எப்படித் திட்டமிடுகிறார்
  • அவர் ஒரு நாளில் அதிக விழிப்புணர்வை உணரும் நேரங்கள்
  • உணவு உண்ண, குளிக்க, உடை உடுத்தப் போதுமான நேரத்தைக் கொண்டிருப்பது
  • அவரை வழக்கமான நேரத்தில் விழித்தெழுப்புவதன் மூலமும், படுக்கைக்குச் செல்ல வைப்பவதன் மூலமும் அவர் ஒரு நல்ல தூக்கச் சுழற்சியைப் பராமரிப்பதை உறுதி செய்வது.

முதுமைக்கால மறதி நோயின் தொடக்கக் கட்டம் முதல் மிதமான கட்டம் வரைக்கும் ஏற்ற அன்றாட வழக்கத்திற்கான உதாரணம்

ஒரு வழக்கத்தை அமைப்பது, விஷயங்களை தொடர்ந்து கண்காணிக்க வைக்கிறது

அனிதாவின் தாய் முதுமைக்கால மறதி நோய் மற்றும் மனக்கவலைகளுடன் வாழ்ந்தார். தனது தாயுடனான அனிதாவின் பயணமானது, உறுதியுடன் இருப்பது எவ்வளவு ஆறுதலாக இருக்கும் என்பதையும், ஒரு கட்டமைக்கப்பட்ட வழக்கம் அவரைச் சுற்றியுள்ள பராமரிப்பாளர்களுக்கு எவ்வாறு பயனுள்ளதாக இருக்கும் என்பதையும் அனிதாவிற்கு உணர்த்தியது.

ஆதாரம்: ForgetUsNot என்பது லியன் ஃபவுண்டேஷன், கூ டெக் புவாட் மருத்துவமனை மற்றும் டிமென்ஷியா சிங்கப்பூர் ஆகியவற்றின் முனைப்பாகும்

இந்தக் கட்டுரை பயனுள்ளதாக இருந்ததா?

ஆம் இல்லை
×

Tell us how we can improve?

×

Thank you for your feedback!

Your feedback will really help us to improve our content to support those living with dementia.

Follow us on social media:

Facebook Pinterest

The post அன்றாட வழக்கத்தை வடிவமைத்தல் appeared first on DementiaHub.SG.

]]>