முதுமைக்கால மறதி நோயை (டிமென்ஷியா) புரிந்துகொள்ளுதல் - DementiaHub.SG

எண்ணிக்கைகளில் முதுமைக்கால மறதி நோய்: உள்ளூர் மற்றும் உலகளாவிய புள்ளிவிவரங்கள்

shekinah — Wed, 08 Oct 2025 08:23:18 +0000

கவனமாகக் கேளுங்கள்

6 நிமிட வாசிப்பு

https://www.dementiahub.sg/wp-content/uploads/speaker/post-73662.mp3?cb=1770866802.mp3

முதுமைக்கால மறதி நோய் என்பது முதுமைக்கால மறதி நோயுடன் வாழும் நபர்கள், அவர்களது குடும்பங்கள் மற்றும் பல்வேறு சமூகப் பங்காளர்களுக்கு நீண்டகால தாக்கங்களைக் கொண்ட ஒரு முக்கியமான பொது சுகாதாரப் பிரச்சினையாகும். நிகழ்வுகளும் கதைகளும் இந்த நிலை குறித்த மதிப்புமிக்க ஆழமான கண்ணோட்டங்களை வழங்கினாலும், முதுமைக்கால மறதி நோயின் சிக்கல்களைப் புரிந்துகொள்வதற்கு உள்ளூர் மற்றும் உலகளாவிய புள்ளிவிவரங்களை முழுமையாக ஆய்வு செய்வதும் அவசியம்.

இந்தக் கட்டுரை முதுமைக்கால மறதி நோயின் புள்ளிவிவரங்கள் பற்றிய விரிவான பகுப்பாய்வை வழங்குவதையும், பரவலான நிலை, தாக்கம் மற்றும் தலையீட்டிற்கான சாத்தியமான வழிகள் குறித்து வெளிச்சம் போட்டுக் காட்டுவதையும் நோக்கமாகக் கொண்டுள்ளது.

இந்த கட்டுரையில்

உள்ளூர் புள்ளிவிவரங்கள்

பரவலான நிலை
அனைத்து வயதினருக்குமான கவலை
பராமரிப்பின் யதார்த்தங்கள்
சிங்கப்பூரில் முதுமைக்கால மறதி நோய் பொருளாதார ரீதியாக ஏற்படுத்தும் தாக்கம்

உலகளாவிய புள்ளிவிவரங்கள்

பரவலான நிலை
பராமரிப்பாளர்களின் அனுபவங்கள்
உலகளவில் முதுமைக்கால மறதி நோய் பொருளாதார ரீதியாக ஏற்படுத்தும் தாக்கம்

உள்ளூர் புள்ளிவிவரங்கள்

பரவலான நிலை

சிங்கப்பூரில், பல்வேறு வயதினரைச் சேர்ந்த மக்களைப் பாதிக்கும் முதுமைக்கால மறதி நோயின் பரவலான நிலை ஒரு குறிப்பிடத்தக்க கவலையாக உள்ளது.

மனநலக் கழகம் (IMH) நடத்திய சிங்கப்பூர் மூத்தோர் நல்வாழ்வு (WiSE) 2023 ஆய்வின்படி, 60 வயது மற்றும் அதற்கு மேற்பட்ட 11 நபர்களில் 1 நபர் முதுமைக்கால மறதி நோயுடன் வாழ்கிறார். இந்தச் சதவீதம் வயதுக்கு ஏற்ப அதிகரிக்கும், அதிர்ச்சியூட்டும் வகையில் 85 வயது மற்றும் அதற்கு மேற்பட்ட 2 பேரில் 1 பேருக்கு முதுமைக்கால மறதி நோய் இருப்பது கண்டறியப்பட்டுள்ளது. 2013 ஆம் ஆண்டு நடத்தப்பட்ட முந்தைய ஆய்விற்குப் பிறகு முதுமைக்கால மறதி நோயின் பரவலான நிலை சற்று குறைந்துள்ளதாகத் தெரிகிறது.

இந்த நிலையின் தாக்கம், சிங்கப்பூரின் மூப்படையும் மக்கள்தொகையை நோக்கிய மக்கள்தொகைசார் மாற்றத்தால் அதிகரிக்கிறது. 2021 ஆம் ஆண்டில் சுகாதார அமைச்சு தெரிவித்துள்ளபடி, அதிகரித்து வரும் ஆயுட்காலம் மற்றும் வேகமாக மூப்படையும் சமூகம் ஆகியவற்றின் மூலம், சிங்கப்பூரில் முதுமைக்கால மறதி நோயால் பாதிக்கப்பட்டவர்களின் எண்ணிக்கை 2030 ஆம் ஆண்டுக்குள் 152,000 ஐ எட்டக்கூடும் என்று கணிப்புகள் தெரிவிக்கின்றன. 2015 ஆம் ஆண்டின் United Nations World Health Prospects (UNWPP) என்பவற்றில் கோடிட்டுக் காட்டப்பட்டுள்ளபடி, 2017 ஆம் ஆண்டில் “மூப்படைந்த சமூகம்” என சிங்கப்பூர் வகைப்படுத்தப்பட்டதிலிருந்து அவற்றின் மக்கள்தொகை மாற்றம் தெளிவாகத் தெரிகிறது, இது 2026 ஆம் ஆண்டுக்குள் “மிகவும் மூப்படைந்த சமூகம்” என்ற அந்தஸ்தை அடையுமென எதிர்பார்க்கப்படுகிறது. அதிகரித்து வரும் முதுமைக்கால மறதி நோயின் பரவல் நிலையை நிவர்த்திச் செய்வதற்கும், இந்த நிலையை உடையவர்களுக்கு ஆதரவளிப்பதற்கும் “விரிவான உத்திகள் அவசரமாகத் தேவை” என்பதை இந்த மக்கள்தொகைப் போக்கு அடிக்கோடிட்டுக் காட்டுகிறது.

அனைத்து வயதினருக்குமான கவலை

சிங்கப்பூரில், முதுமைக்கால மறதி நோய் என்பது வயது வரம்புகளைக் கடந்த பன்முகக் கவலையாக உள்ளது, இது இளம் வயதிற்குள் ஏற்படும் முதுமைக்கால மறதி நோய் (YOD) உள்ளவர்கள் உட்பட அனைத்து வயதினரையும் பாதிக்கிறது. முதுமைக்கால மறதி நோய் முதன்மையாக வயதானவர்களை பாதிக்கிறது என்று பொதுவாக தவறான கருத்து இருந்தபோதிலும், தேசிய நரம்பியல் கழகத்தின் (NNI) புள்ளிவிவரங்கள் பல்வேறு வயதினரிடையே YOD வழக்குகளின் பரவல் நிலையை வெளிச்சம் போட்டுக் காட்டுகின்றன. NNIயில் ஒவ்வொரு ஆண்டும் 100க்கும் மேற்பட்ட YOD அல்லது இளம் வயதிலேயே ஏற்படும் இலேசான அறிவுத்திறன் குறைபாடு (Mild Cognitive Impairment, MCI) கண்டறியப்படுகிறது, இது இளையவர்களிடையே இந்த நிலை அதிகரித்து வருவதைக் குறிக்கிறது.

Source: National Neuroscience Institute, Singhealth.

கடந்த பத்தாண்டு காலத்தில், NNI ஆனது புதிதாக கண்டறியப்படும் YOD வழக்குகளில் நிலையான அதிகரிப்பு நிலவுவதைக் கண்டறிந்துள்ளது, NNI இல் முதுமைக்கால மறதி நோயுடன் வாழும் சுமார் 30 சதவீத நபர்களுக்கு YOD இருப்பது கண்டறியப்பட்டது, மேலும் இந்நிலை கண்டறியப்பட்ட அந்த இளைய நபருக்கு வெறும் 40 வயதுதான். விகிதாசார ரீதியாக, 65 வயதுக்கு மேற்பட்டவர்களுக்கு இந்நிலை கண்டறியப்பட்டதை விட, பக்கவாதம் மற்றும் அதிர்ச்சிகரமான மூளைக் காயத்துடன் தொடர்புடைய காரணிகளால் YOD இன் அதிகமான நிகழ்வுகள் ஏற்படுகின்றன.

2019 ஆம் ஆண்டில், NNI ஆனது 245 புதிய YOD நிகழ்வுகளைக் கண்டது, இது 2013 இல் 60 நிகழ்வுகள் என்பதிலிருந்து குறிப்பிடத்தக்க அளவு அதிகரித்துள்ளது, 2023 முதல் காலாண்டில் தோராயமாக 75 புதிய நிகழ்வுகள் பதிவாகியுள்ளன. இந்த புள்ளிவிவரங்கள், YOD உடன் வாழும் நபர்களுக்கு விழிப்புணர்வை ஏற்படுத்துவது மற்றும் ஆதரவை வழங்குவதன் அவசரத்தை எடுத்துக்காட்டுகின்றன, இது அனைத்து வயதினர் மத்தியிலும் முதுமைக்கால மறதி நோயுடன் வாழும் நபர்களின் பல்வேறு தேவைகளை நிவர்த்தி செய்வதற்காக வடிவமைக்கப்பட்ட விரிவான சுகாதார உத்திகளின் அவசியத்தை வலியுறுத்துகின்றன.

YOD உடன் வாழ்பவர்களுக்கு NNI ஒரு முக்கிய நோயறிதல் மையமாகச் செயல்பட்டாலும், இந்தப் புள்ளிவிவரங்கள் சிங்கப்பூரில் YOD இன் பரவல் நிலையை முழுமையாகப் பிரதிநிதித்துவப்படுத்தாமல் போகலாம் என்பதைக் கவனத்தில் கொள்ள வேண்டும்

பராமரிப்பின் யதார்த்தங்கள்

Caregiving Transitions Among Family Caregivers of Elderly Singaporeans (TraCE) என்ற ஆய்வில் தெரிவிக்கப்பட்டுள்ளபடி, பராமரிப்பாளர்கள் சராசரியாக 62 வயதுடையவர்களாக உள்ளனர், இதில் பெரும்பான்மையானவர்கள் பெண்கள். கூடுதலாக, கணிசமான பகுதியினர் (73%) அவர்கள் பராமரிக்கும் நபரின் பிள்ளைகள் அல்லது மருமகன்(மகள்)களாக உள்ளனர், மற்றவர்களில் வாழ்க்கைத் துணைவர்கள், உடன்பிறந்தவர்கள் மற்றும் பேரக்குழந்தைகளும் அடங்குவர். குறிப்பாக, பராமரிப்பாளர்களில் மூன்றில் ஒருவர் திருமணம் செய்து கொள்ளவில்லை, இது முதுமைக்கால மறதி நோயின் பராமரிப்புப் பொறுப்புகளில் பல்வேறு மக்கள் பிரிவினர் ஈடுபட்டுள்ளதை வலியுறுத்துகிறது.

பராமரிப்பாளர்களின் வாழ்க்கையில் முதுமைக்கால மறதி நோய் பராமரிப்பின் தாக்கம் ஆழமானது, இது அவர்களின் உணர்ச்சி ரீதியான நல்வாழ்வு, நிதி நிலைத்தன்மை மற்றும் ஒட்டுமொத்த வாழ்க்கைத் தரத்தையும் பாதிக்கிறது. 2023 ஆம் ஆண்டில் Milieu மற்றும் Dementia Singapore நடத்திய கூட்டு ஆய்வின்படி, 10 பராமரிப்பாளர்களில் 7க்கும் மேற்பட்டோர் (74%) தங்களின் அதிகப்படியான பொறுப்புகளால் திணறுகின்றனர். நிதி நிலைத்தன்மையைப் பொறுத்தவரை, LIEN (Foundation) அறநிறுவனம் 2018 ஆம் ஆண்டு நடத்திய ஆய்வில், முதுமைக்கால மறதி நோயின் பராமரிப்பானது வழக்கமான சமூக அல்லது பகல்நேர பராமரிப்பை விட கணிசமான அளவு அதிகம் செலவாகும், தோராயமாக 40% அதிகம் செலவாகும் என்று தெரியவந்துள்ளது. அதே நேரத்தில், பல பராமரிப்பாளர்கள் தங்கள் அன்பிற்குரியவர்களைப் பராமரிப்பதற்காக தங்கள் வேலையை விட்டுவிட வேண்டிய கட்டாயத்தில் உள்ளனர், இதன் விளைவாக வருமானம் குறைந்து மன அழுத்தம் அதிகரிக்கும்.

சராசரியாக வாரத்திற்கு 33 மணிநேரம் பராமரிப்பிற்காக அர்ப்பணித்த போதிலும், பராமரிப்பாளர்கள் வரையறுக்கப்பட்ட முறையான பயிற்சி மற்றும் ஆதரவைப் பெறுகிறார்கள், இதில் 5% பேர் மட்டுமே எந்தவொரு பராமரிப்பாளர் பயிற்சியிலும் கலந்து கொள்கிறார்கள் மற்றும் 38% பேர் மட்டுமே பராமரிப்பாளர் பாடப்பயிற்சிகளுக்கான மானியங்கள் குறித்து அறிந்திருக்கிறார்கள். அதிலும், அவர்களில் ஒரு சிறிய சதவீதத்தினர் (28%) மட்டுமே வேலையில் இருந்தால் மூத்தோர் பராமரிப்பு விடுப்பைப் பெறுகிறார்கள், இது பராமரிப்பாளர்களுக்கு மிகவும் வலுவான ஆதரவு அமைப்புகள் அவசியம் தேவை என்பதை எடுத்துக்காட்டுகிறது.

சிங்கப்பூரில் முதுமைக்கால மறதி நோய் பொருளாதார ரீதியாக ஏற்படுத்தும் தாக்கம்

சிங்கப்பூரில் முதுமைக்கால மறதி நோய்க்கான பராமரிப்பு குடும்பங்களுக்கும் சமூகத்திற்கும் ஒரு குறிப்பிடத்தக்க பொருளாதார சவாலை முன்வைக்கிறது. சிங்கப்பூரில் முதுமைக்கால மறதி நோய் உள்ளவர்களின் குடும்பப் பராமரிப்புக்கான பணச் செலவு குறித்த ஆய்வின்படி, 2015 ஆம் ஆண்டில் உத்தேசிக்கப்பட்ட செலவு தோராயமாக S$2.8 பில்லியனாக இருந்தது, 2030 ஆம் ஆண்டுக்குள் இந்த எண்ணிக்கை மூன்று மடங்காக அதிகரிக்கும் என்று மதிப்பீடுகள் தெரிவிக்கின்றன.

வயதானவர்களுக்கு முதுமைக்கால மறதி நோய் ஏற்படுத்தும் செலவை விட மொத்த செலவு கிட்டத்தட்ட இரட்டிப்பாகும் YOD நிகழ்வுகளில் பொருளாதார நெருக்கடி குறிப்பாக அதிகமாக உள்ளது. YOD உடன் சமூகத்தில் வசிக்கும் நபர்கள் சராசரி ஆண்டு செலவாக SGD 21,391 ஐ எதிர்கொள்கின்றனர், இது முதுமைக்கால மறதி நோய் உள்ள வயதானவர்களுக்கு ஏற்படும் SGD 11,356 ஐ விட கணிசமான அளவு அதிகமாகும். வருமான இழப்பு மற்றும் பராமரிப்பு தொடர்பான செலவுகள் உள்ளிட்ட மறைமுக செலவுகள், YOD இன் பொருளாதாரச் சுமைக்கு கணிசமாக பங்களிக்கின்றன. மேலும், முதுமைக்கால மறதி நோய் உள்ளவர்களைப் பராமரிப்பதற்கு பராமரிப்பாளர்கள் செலவிடும் நேரம் உட்பட முதுமைக்கால மறதி நோயின் நிகர முறைசாரா பராமரிப்புச் செலவு கணிசமான அளவு அதிகமாக உள்ளது மற்றும் இது தீவிரமாக அதிகரிக்கிறது. இந்தக் கண்டுபிடிப்புகள், சிங்கப்பூரில் முதுமைக்கால மறதி நோய் சிகிச்சையின் அதிகரித்து வரும் பொருளாதார தாக்கத்தை நிவர்த்தி செய்வதற்கு பயனுள்ள உத்திகள் தேவை என்பதை அடிக்கோடிட்டுக் காட்டுகின்றன.

உலகளாவிய புள்ளிவிவரங்கள்

பரவலான நிலை

2015 ஆம் ஆண்டின் World Alzheimer Report, ஒவ்வொரு 3 வினாடிக்கும் உலகில் யாரோ ஒருவருக்கு முதுமைக்கால மறதி நோய் ஏற்படுவதாகவும், 2020 ஆம் ஆண்டு நிலவரப்படி 55 மில்லியனுக்கும் அதிகமான மக்கள் இந்த நிலையைக் கொண்டிருப்பர் என்றும் மதிப்பிட்டுள்ளது. கவலையளிக்கும் விதமாக, இந்த எண்ணிக்கை ஒவ்வொரு 20 வருடங்களுக்கும் கிட்டத்தட்ட இரட்டிப்பாகும் என்றும், 2030 ஆம் ஆண்டு வாக்கில் 78 மில்லியனை எட்டும் என்றும், 2050 ஆம் ஆண்டு வாக்கில் 139 மில்லியனை எட்டும் என்றும் எதிர்பார்க்கப்படுகிறது. 60% பேர் குறைந்த மற்றும் நடுத்தர வருமானம் உள்ள நாடுகளில் வசிக்கின்றனர் – இந்த எண்ணிக்கை 2050 ஆம் ஆண்டுக்குள் 71% ஆக உயரும் என்று எதிர்பார்க்கப்படுகிறது.

இந்தப் போக்கு குறிப்பாக, சீனா, இந்தியா மற்றும் தெற்காசியா மற்றும் மேற்கு பசிபிக் பகுதிகளில் உள்ள அவற்றின் அண்டை நாடுகள் போன்று விரைவான மக்கள்தொகைசார் மாற்றங்களை விரைவாக அனுபவிக்கும் பகுதிகளில் காணப்படுகிறது.

முதுமைக்கால மறதி நோயுடன் வாழும் பெரும்பாலான நபர்களுக்கு இந்நோய் இருப்பது முறையாக கண்டறியப்படவில்லை என்று ஆராய்ச்சி சுட்டிக்காட்டுகிறது. பாதிக்கப்பட்டவர்களில் ஏறத்தாழ முக்கால்வாசி பேர் இந்நோய் கண்டறியப்படாத நிலையிலேயே உள்ளனர், இதனால் அவர்களுக்கு முறையான நோயறிதலின் மூலம் வழங்கக்கூடிய அத்தியாவசிய சிகிச்சை, பராமரிப்பு மற்றும் ஒழுங்கமைக்கப்பட்ட ஆதரவு கிடைப்பதில்லை. இந்தப் புள்ளிவிவரங்கள் உலகளாவிய அளவில் முதுமைக்கால மறதி நோயின் நிலையை அடிக்கோடிட்டுக் காட்டுகின்றன, மேலும் உலகளவில் தனிநபர்கள் மற்றும் சமூகங்கள் மீதான அதன் தாக்கத்தை நிவர்த்திச் செய்வதற்கான விரிவான உத்திகளின் அவசரத் தேவையை எடுத்துக்காட்டுகின்றன.

பராமரிப்பாளர்களின் அனுபவங்கள்

2019 ஆம் ஆண்டு World Alzheimer Report, உலகளவில் முதுமைக்கால மறதி நோயுள்ளோரின் பராமரிப்பாளர்கள் பல்வேறு அனுபவங்களை எதிர்கொள்கின்றனர். சவால்கள் இருந்தபோதிலும், அவர்களில் பாதிக்கும் மேற்பட்டவர்கள் தங்கள் பராமரிப்பின் பங்கு குறித்து நேர்மறையான உணர்வுகளை வெளிப்படுத்துகிறார்கள், இது அவர்களின் அன்பிற்குரியவர்களின் நல்வாழ்வுக்கு அவர்கள் நல்கும் பங்களிப்பின் முக்கியத்துவத்தை அடிக்கோடிட்டுக் காட்டுகிறது. இருப்பினும், பராமரிப்பின் மூலம் பாதிப்பும் ஏற்படுகிறது, இதில் 50%க்கும் அதிகமானோர் உடல் மற்றும் மன அழுத்தம் உட்பட அவர்களின் உடல்நலத்தில் பாதகமான விளைவுகள் இருப்பதாக தெரிவிக்கின்றனர்.

அது மட்டுமின்றி, ஒரு குறிப்பிடத்தக்க பகுதியினர், சுமார் 35% பேர், தங்கள் அன்பிற்குரியவர்களுக்கு முதுமைக்கால மறதி நோய் இருப்பதைக் கண்டறிவதை மறைக்கத் தேர்ந்தெடுத்துள்ளனர், இது இந்த நிலையின் உணர்வு சார்ந்த சிக்கலான இயக்கவியலை பிரதிபலிக்கிறது.

மேலும், பராமரிப்பாளர்களின் வாழ்க்கையின் பல்வேறு அம்சங்களை பராமரிப்பாளர் பொறுப்புகள் பாதிக்கின்றன, இதில் 60%க்கும் அதிகமானோர் அவர்களின் சமூக வாழ்க்கையில் இடையூறுகளை அனுபவிக்கின்றனர். அத்துடன், பராமரிப்பாளர்களில் கிட்டத்தட்ட பாதி பேர், பராமரிப்புக் கோரிக்கைகள் காரணமாக தங்கள் பணி பாதிக்கப்பட்டுள்ளதாகக் குறிப்பிடுகின்றனர், உயர் நடுத்தர வருமானம் உள்ள நாடுகளில்தான் இந்த விகிதங்கள் அதிகம் காணப்படுகின்றன.

உலகளவில் முதுமைக்கால மறதி நோய் பொருளாதார ரீதியாக ஏற்படுத்தும் தாக்கம்

2015 ஆம் ஆண்டில் உலகளவில் முதுமைக்கால மறதி நோயின் செலவு 818 பில்லியன் அமெரிக்க டாலர்களாக இருந்ததாக 2015 World Alzheimer Report தெரியவந்துள்ளது, இது அந்தக் காலக்கட்டத்தில் உலக மொத்த உள்நாட்டு உற்பத்தியில் 1.09% ஆகும். தற்போதைய நிலையில், வருடாந்திர உலகளாவிய செலவு 1.3 டிரில்லியன் அமெரிக்க டாலர்களைத் தாண்டியுள்ளது, மேலும் 2030 ஆம் ஆண்டுக்குள் இது 2.8 டிரில்லியன் அமெரிக்க டாலர்களாக அதிகரிக்கும் என்று எதிர்பார்க்கப்படுகிறது. இந்த உத்தேசிப்பு பல்வேறு செலவுகளை உள்ளடக்குகிறது, இவற்றில் முறைசாரா பராமரிப்பு (குடும்பத்தினர் மற்றும் பிறரின் கட்டணம் அளிக்கப்படாத ஆதரவு), நேரடி சமூகப் பராமரிப்புச் செலவுகள் (சமூகப் பராமரிப்பு வழங்குநர்கள் மற்றும் குடியிருப்பு வசதிகளால் வழங்கப்படுவது) மற்றும் நேரடி மருத்துவப் பராமரிப்புச் செலவுகள் (முதன்மை மற்றும் இரண்டாம் நிலை சுகாதாரப் பராமரிப்பு அமைப்புகளில் மேற்கொள்ளப்படும் சிகிச்சை செலவுகள்) ஆகியவை அடங்கும்

முதுமைக்கால மறதி நோயின் பரவல் நிலையை உலகளவிலும் நமது உள்ளூர் சமூகங்களுடனும் ஒப்பிடுவதன் மூலமும், நேரம் மற்றும் நிதிநிலை அடிப்படையில் செலவைப் பற்றிய சிறந்த கண்ணோட்டத்தைப் பெறுவதன் மூலமும், நமது சமூகத்திலும், ஆராய்ச்சி அல்லது மானியங்கள் அதிகம் தேவைப்படும் இடங்களிலும் முதுமைக்கால மறதி நோயின் சமூக தாக்கத்தை இன்னும் துல்லியமாக மதிப்பிட முடியும்.

இந்தக் கட்டுரை பயனுள்ளதாக இருந்ததா?

ஆம் இல்லை

அடுத்து படிக்கவும்

Institute of Mental Health. (2024, August 28). IMH Study shows decrease in prevalence of dementia and improvement in treatment gap among older adults in Singapore over the past decade. [Press release].
Dr Chiew, H.J. (2021, July 10). Young-Onset Dementia: Improving Outcomes With Early Recognition at Primary Care. National Neuroscience Institute. https://www.nni.com.sg/news/defining-med/young-onset-dementia
The Straits Times. (2023, June 10). Significant share of caregivers to elderly face health woes themselves: Duke-NUS study. https://www.straitstimes.com/singapore/significant-share-of-caregivers-to-elderly-face-health-woes-themselves-duke-nus-study
Dementia Singapore. (2023, September 21). https://dementia.org.sg/wp-content/uploads/2023/11/FINAL-Dementia-SG-x-Milieu-Media-Release.pdf
Woo, L. L., Thompson, C. L., & Magadi, H. (2017). Monetary cost of family caregiving for people with dementia in Singapore. Archives of gerontology and geriatrics, 71, 59–65. https://doi.org/10.1016/j.archger.2017.03.006
Alzheimer’s Disease International, World Alzheimer Report 2015. The Global Impact of
Dementia: An Analysis of Prevalence, Incidence, Cost and Trends. https://www.alzint.org/u/WorldAlzheimerReport2015.pdf
Alzheimer’s Disease International, World Alzheimer Report 2019. Attitudes to dementia. https://www.alzint.org/u/WorldAlzheimerReport2019.pdf
Alzheimer’s Disease International, World Alzheimer Report 2024. Global changes in attitudes to dementia. https://www.alzint.org/u/World-Alzheimer-Report-2024.pdf

The post எண்ணிக்கைகளில் முதுமைக்கால மறதி நோய்: உள்ளூர் மற்றும் உலகளாவிய புள்ளிவிவரங்கள் appeared first on DementiaHub.SG.

அறிவுசார் இயலாமையுடன் முதுமைக்கால மறதி நோய் உள்ளவர்களைப் புரிந்துகொள்வது

shekinah — Mon, 03 Nov 2025 06:50:59 +0000

கவனமாகக் கேளுங்கள்

8 நிமிட வாசிப்பு

https://www.dementiahub.sg/wp-content/uploads/speaker/post-74441.mp3?cb=1770867253.mp3

அறிவுசார் இயலாமை உள்ளவர்கள் (PWIDகள்) தனித்துவமான சவால்களை எதிர்கொள்கின்றனர், குறிப்பாக அவர்கள் வயதாகி, முதுமைக்கால மறதி நோய் போன்ற உடல்நலப் பிரச்சினைகளுக்கு ஆளாகும்போது, இது அவர்களின் பராமரிப்பை சிக்கலாக்குகிறது.

இந்தக் கட்டுரை முதுமைக்கால மறதி நோய்க்கும் அறிவுசார் இயலாமைக்கும் இடையிலான முக்கியமான தொடர்பை வெளிச்சம் போட்டுக் காட்டுகிறது, ஆபத்து காரணிகள், அடையாளங்கள் மற்றும் அறிகுறிகள் மற்றும் நோயறிதலின் சவால்கள் பற்றிய ஆழ்ந்த கண்ணோட்டத்தை வழங்குகிறது. இது நடைமுறை ரீதியான உத்திகளையும் பராமரிப்பாளர்களுக்கு மதிப்புமிக்க ஆதரவையும் வழங்குகிறது. விழிப்புணர்வை ஏற்படுத்துவதன் மூலமும், பயனுள்ள தகவல்களைப் பகிர்வதன் மூலமும், அறிவுசார் இயலாமை மற்றும் முதுமைக்கால மறதி நோய் உள்ள நபர்கள் தங்கள் கண்ணியத்தையும் சுயாதீனத்தையும் பேணும் அதே வேளையில், அவர்கள் பெறுவதற்குத் தகுதியுடைய பரிவு மிகுந்த கவனிப்பைப் பெறுவதை உறுதி செய்வதே இந்தக் கட்டுரையின் நோக்கமாகும்.

இந்த கட்டுரையில்

முதுமைக்கால மறதி நோயும் அறிவுசார் இயலாமையும்

முதுமைக்கால மறதி நோய் மற்றும் அறிவுசார் இயலாமை என்றால் என்ன?
பரவல் நிலை மற்றும் ஆபத்து காரணிகள்
அறிவுசார் இயலாமை உள்ளவர்களிடத்தில் ஏற்படும் முதுமைக்கால மறதி நோயின் அடையாளங்களும் அறிகுறிகளும்
அறிவுசார் இயலாமை உள்ளவருக்கு முதுமைக்கால மறதி நோயறிதலைப் பெறுதல்

முதுமைக்கால மறதி நோய்க்கு உகந்த அணுகுமுறை
குடும்பங்கள் மற்றும் பராமரிப்பாளர்களுக்கான ஆதரவு

நிதி ரீதியான ஆதரவு
பராமரிப்பாளர் ஆதரவு

முடிவுரை

முதுமைக்கால மறதி நோயும் அறிவுசார் இயலாமையும்

முதுமைக்கால மறதி நோய் மற்றும் அறிவுசார் இயலாமை என்றால் என்ன?

முதுமைக்கால மறதி நோய் என்பது மூளையைப் பாதிக்கும் அறிகுறிகளின் தொகுப்பைக் குறிக்கிறது, இது நினைவாற்றல், கற்றல், சூழ்நிலைக்கு ஏற்றவாறு மாற்றிக்கொள்ளும் திறன், மொழி, புரிதல் மற்றும் முடிவெடுக்கும் திறன் உள்ளிட்ட அறிவுசார் செயல்பாடுகள் படிப்படியாகக் குறைவதற்கு காரணமாகிறது.¹ இதேபோல், அறிவுசார் இயலாமை இருப்பது கண்டறியப்பட்ட ஒருவர் தங்கள் அறிவாற்றல் செயல்பாடு மற்றும் சுயாதீன வாழ்க்கைத் திறன்களில் கட்டுப்பாடுகளை அனுபவிக்கக்கூடும். மனநல கோளாறுகளைக் கண்டறிதல் மற்றும் அவற்றின் புள்ளிவிவர கையேட்டின் படி, அறிவுசார் இயலாமை என்பது நரம்பியல் வளர்ச்சிக் கோளாறு ஆகும், இது 18 வயதிற்கு முன்னர், அன்றாட வாழ்வில் சுயாதீனமாக செயல்படுவது போன்று அறிவுசார் செயல்பாடு மற்றும் தகவமைப்புத் திறன்களின் வளர்ச்சியில் பொதுவான தாமதம் அல்லது குறைபாடாக வெளிப்படுகிறது.²

முதுமைக்கால மறதி நோயின் அறிகுறிகள் சில சமயங்களில் அறிவுசார் குறைபாட்டின் விளைவுகளென்று தவறாக நினைத்துக் கொள்ளப்படலாம், மேலும் தேவைப்படும் ஆதரவு ஆனது பெரியோர்களுக்கு பொதுவாக வழங்கப்படுவதிலிருந்து வேறுபட்டிருக்கலாம். இந்த இரண்டு மருத்துவ நிலைகளின் சிக்கல்களையும் புரிந்துகொள்வது, பொருத்தமான பராமரிப்பை உறுதி செய்வதற்கும், வாழ்க்கைத் தரத்தை மேம்படுத்துவதற்கும், அதிகம் கவனிக்கப்படாத இத்தகைய மக்களின் தேவைகளை நிவர்த்தி செய்வதற்கும் மிக முக்கியமானது.

பரவல் நிலை மற்றும் ஆபத்து காரணிகள்

2024 ஆம் ஆண்டில் மனநலக் கழகம் வெளியிட்ட ஒரு கட்டுரையில், சிங்கப்பூரில் 60 முதல் 74 வயதுடைய 33 பேரில் ஒருவருக்கு முதுமைக்கால மறதி நோய் இருப்பதாக மதிப்பிடப்பட்டுள்ளது.³ பொது மக்களுடன் ஒப்பிடும்போது, அறிவுசார் இயலாமை உள்ளவர்களுக்கு (கூடுதல் மனநல நோயறிதல் இல்லாமல்) முதுமைக்கால மறதி நோய் வருவதற்கான வாய்ப்பு கணிசமாக வித்தியாசப்படவில்லை⁴ கூடுதலாக, 2023 ஆம் ஆண்டு நடத்தப்பட்ட ஓர் ஆய்வில், 60 முதல் 69 வயதுடைய அறிவுசார் இயலாமை உள்ள 25 நபர்களிடத்தில் 2 பேருக்கும் (டவுன் சிண்ட்ரோம் உள்ளவர்களைத் தவிர) முதுமைக்கால மறதி நோயும், 70 முதல் 79 வயதுடைய அறிவுசார் இயலாமை உள்ள 25 நபர்களிடத்தில் 5 பேருக்கும் (டவுன் சிண்ட்ரோம் உள்ளவர்களைத் தவிர) முதுமைக்கால மறதி நோய் இருப்பதாகக் காட்டுகிறது.⁵ இருப்பினும் மனநலிவு நோய் (Down Syndrome) அல்லது ஆட்டிசம் ஸ்பெக்ட்ரம் கோளாறு (Autism Spectrum Disorder) போன்ற வேறு எந்த மருத்துவ நிலைகளும் இல்லாத அறிவுசார் இயலாமை உள்ளவர்களுக்கு மட்டுமே இது அறியப்பட்டுள்ளது என்பதைக் கவனத்தில் கொள்ள வேண்டும்.

அறிவுசார் இயலாமை உள்ளவர்களிடத்தில் முதுமைக்கால மறதி நோய் ஏற்படுவதற்கான அறியப்பட்ட ஆபத்து காரணிகள், நரம்பியல் வகை மக்கள்தொகையில் உள்ளதைப் போலவே இருக்கின்றன. பிறவற்றுக்கு மத்தியில், இவற்றில் அதிகரித்த வயது, உயர் இரத்த அழுத்தம், மனச்சோர்வு, பக்கவாதம் ⁵, மற்றும் பல மருந்துகளை உட்கொள்ளுதல்¹⁰ உள்ளிட்டவை அடங்கும். இருப்பினும், மனநலிவு நோய் (Down Syndrome) அல்லது ஆட்டிசம் ஸ்பெக்ட்ரம் கோளாறு (Autism Spectrum Disorder) இருப்பது கண்டறியப்படுவது கூடுதல் ஆபத்து காரணிகளை ஏற்படுத்துகிறது.

மனநலிவு நோய் (Down Syndrome) உள்ளவர்களுக்கு 40⁷ வயதிலிருந்தே முதுமைக்கால மறதி நோய் வருவதற்கான வாய்ப்புகள் அதிகம் என்றும், மனநலிவு நோய் (Down Syndrome) உள்ள பெரியவர்களுக்கு ஆல்சைமர் நோய் வருவதற்கான ஆபத்து கணிசமாக அதிகமாக இருப்பதாகவும் ஆய்வுகள் கண்டறிந்துள்ளன.⁸ மனநலிவு நோய் (Down Syndrome) என்பது ஒரு மரபணு நிலை ஆகும், இந்நிலை உள்ள நபருக்கு குரோமோசோம் 21 இன் கூடுதல் நகல் இருக்கும்.⁶ உடலின் செல்களில் உள்ள குரோமோசோம் 21 இன் கூடுதல் நகலானது உடல் வளர்ச்சி அடையும் மற்றும் செயல்படும் விதத்தைப் பாதிக்கிறது.⁶60 வயதிற்குப் பிறகு, மனநலிவு நோய் (Down Syndrome) உள்ள பெரியவர்களில் சுமார் 50-70% பேர் முதுமைக்கால மறதி நோயால் பாதிக்கப்படுவார்கள் என்று மதிப்பிடப்பட்டுள்ளது, ஏனெனில் அவர்களுக்கு பொது மக்களை விட சுமார் 20 ஆண்டுகளுக்கு முன்பே உடல் மற்றும் அறிவாற்றல் சார்ந்த மாற்றங்கள் ஏற்படுகின்றன.^9,11

உயர்கல்விக்கான குறைவான அணுகல் மற்றும் சமூக மற்றும் பொழுதுபோக்கு நடவடிக்கைகளில் குறைவான சமூக ஈடுபாடுகள் போன்ற வரம்புகள் காரணமாக, 65 வயதுக்குட்பட்ட ஆட்டிசம் ஸ்பெக்ட்ரம் கோளாறு (Autism spectrum Disorder) உள்ள பெரியவர்களுக்கு சாதாரண மக்களை விட முதுமைக்கால மறதி நோய் கண்டறியப்படுவதற்கான வாய்ப்பு தோராயமாக 2.6 மடங்கு அதிகமாக உள்ளது.¹²

அறிவுசார் இயலாமை உள்ளவர்களிடத்தில் ஏற்படும் முதுமைக்கால மறதி நோயின் அடையாளங்களும் அறிகுறிகளும்

அறிவுசார் இயலாமைகள் மற்றும் முதுமைக்கால மறதி நோயின் நடைமுறைகள் குறித்த தேசிய பணிக்குழுவின் கூற்றுப்படி¹³, முதுமைக்கால மறதி நோய் இருக்கக்கூடிய அறிவுசார் இயலாமை உள்ளவர்கள், கவனம் செலுத்துதல், பழக்கமான சூழல்களில் தங்கள் வழியைக் கண்டறிதல், மக்களின் பெயர்களை நினைவில் வைத்திருத்தல், காட்சி மற்றும் இயக்க ஒருங்கிணைப்பு மற்றும் தூக்கத்தின் தரம் போன்ற விஷயங்களில் கூடுதல் சவால்களை சந்திப்பார்கள். அவர்கள் தங்களின் அன்றாட வழக்கத்திலும், தூக்கம் அல்லது உணவுப் பழக்கத்திலும் மாற்றங்களை வெளிப்படுத்தக்கூடும், மேலும் அவர்களுக்கு சுய பராமரிப்புப் பணிகளை நிர்வகிப்பதற்கு கூடுதல் உதவி தேவைப்படலாம். உணர்ச்சிகளைக் கட்டுப்படுத்துவதில் உள்ள சிரமங்கள், ஆக்ரோஷமான நடத்தைகளாகவும் ஆதாரமற்ற பயங்களாகவும் வெளிப்படலாம். மேலே குறிப்பிடப்பட்ட அறிகுறிகள் பொதுவாக நடத்தைகளின் தொகுப்பாகக் காணப்படுகின்றன.⁹

அறிவுசார் இயலாமை உள்ளவருக்கு முதுமைக்கால மறதி நோயறிதலைப் பெறுதல்

சிங்கப்பூரில், பொதுவாக முதுமைக்கால மறதி நோய் உள்ளவர்களைக் கண்டறியும் சுகாதார நிபுணர்கள் நரம்பியல் நிபுணர்கள், முதியோர் மருத்துவர்கள் மற்றும் முதியோர் மனநல மருத்துவர்கள் ஆவர். பொது மக்களுக்குப் பயன்படுத்தப்படும் நோயறிதல் அல்லது மதிப்பீட்டு கருவிகள் பெரும்பாலும் அறிவுசார் இயலாமை உள்ளவர்களுக்குப் பொருத்தமற்றதாக உள்ளன, ஏனெனில் இந்த மக்கள் பிரிவினர், அவர்களின் குறைந்த அறிவாற்றல் செயல்பாடு காரணமாக, முதுமைக்கால மறதி நோய் இல்லாவிட்டாலும், அறிவாற்றல் சோதனைகளில் மோசமாகச் செயல்படுவதற்கு வாய்ப்புள்ளது. எனவே, அறிவுசார் இயலாமை உள்ளவர்களிடத்தில் முதுமைக்கால மறதி நோயைக் கண்டறிவதற்கு அவர்களின் வழக்கமான அறிவாற்றல் மற்றும் செயல்பாட்டு நிலைகளில் சரிவு ஏற்பட்டிருப்பதைக் காட்ட வேண்டியிருக்கும்.¹⁴இருப்பினும், அறிவுசார் இயலாமை உள்ளவர்களில் பலர் குறிப்பிடத்தக்க சரிவுகளை வெளிப்படுத்துவதற்கு முன்னர் அடிப்படை மதிப்பீட்டை மேற்கொள்ளாமல் இருக்கலாம்.

எண்ணற்ற மருத்துவ நிலைமைகள் முதுமைக்கால மறதி நோயைப் போன்ற அறிகுறிகளை வெளிப்படுத்தக்கூடும், மேலும் பொது மக்களுடன் ஒப்பிடும்போது அறிவுசார் இயலாமை உள்ளவர்களுக்கு ஏற்கனவே உடல் ரீதியான ஆரோக்கியப் பிரச்சினைகள் அதிகமாக இருக்கக்கூடும். அறிவுசார் இயலாமை உள்ளவர்களிடத்தில் கணிசமான எண்ணிக்கையிலான உடல்நல மற்றும் உணர்வு குறைபாடுகள் கண்டறியப்படாத நிலையிலேயே உள்ளன.¹⁵ எனவே, முதுமைக்கால மறதி நோய் இருப்பதை உறுதி செய்வதற்கு முன்பு சிகிச்சையளிக்கக்கூடிய பிற மருத்துவ நிலைமைகளை கண்டறிவது மிகவும் முக்கியம்.

அறிவுசார் இயலாமை உள்ளவர்களிடத்தில் முதுமைக்கால மறதி நோயைக் கண்டறிவது சவாலானதாக இருக்கலாம், ஏனெனில் அறிவாற்றலில் ஏற்படும் மாற்றங்களை மதிப்பிடுவது பெரும்பாலும் பராமரிப்பாளர்களை பெரிதும் சார்ந்துள்ளது, ஏனெனில் அவர்களே முதுமைக்கால மறதி நோயின் அறிகுறிகளைக் கவனித்துக் குறிப்பிடுவர். முதுமைக்கால மறதி நோயின் அறிகுறிகளும் அறிவுசார் இயலாமையின் அறிகுறிகளும் பெரும்பாலும் ஒன்று போல் இருக்கும், எனவே காலப்போக்கில் நபரிடம் ஏற்படும் ஏதேனும் மாற்றங்களைக் கண்காணிக்க அவரின் நடத்தை மற்றும் அறிவாற்றல் திறன்களின் அடிநிலையை நிறுவுவது முக்கியம். இதை ஆதரிக்கும் வகையில், தேசிய பணிக்குழு, முதுமைக்கால மறதி நோயை ஆரம்பத்திலேயே கண்டறியும் சோதனையை (EDSD) உருவாக்கியுள்ளது, இதனை குறிப்பிட்ட பல ஆண்டுகளாக அறிவுசார் இயலாமை உள்ள நபரை அறிந்த எவரும் நிறைவு செய்யலாம்.

முதுமைக்காலமறதிநோயைஆரம்பத்திலேயேஅடையாளம்கண்டு, அறிவது பராமரிப்பாளர்கள் மற்றும் சுகாதார வல்லுநர்கள் பராமரிப்பு, ஆதரவு மற்றும் சிகிச்சையை சரிசெய்வது குறித்து தகவலறிந்த முடிவுகளை எடுக்க உதவுகிறது. அறிவுசார் இயலாமை உள்ளவர்களிடத்தில் ஏற்படும் முதுமைக்கால மறதி நோயின் அடையாளங்களும் அறிகுறிகளும் என்ற பிரிவில் குறிப்பிடப்பட்டுள்ளபடி, அறிவுசார் இயலாமை உள்ளவர்கள் தங்களின் அடிநிலையிலிருந்து விலகி குறிப்பிட்ட விதமான நடத்தைகளை வெளிப்படுத்தினால், பராமரிப்பாளர்கள் பலதுறை மருந்தகத்தைப் பார்வையிட்டு ஒரு நிபுணரிடம் பரிந்துரை பெறுமாறு பரிந்துரைக்கப்படுகிறது.

முதுமைக்கால மறதி நோய்க்கு உகந்த அணுகுமுறை

முதுமைக்கால மறதி நோய் உள்ள ஒருவரைப் பராமரிப்பது சவாலானதாக இருக்கலாம், அத்துடன் அறிவுசார் இயலாமை இருப்பது பராமரிப்பில் சிக்கலை இன்னும் அதிகரிக்கிறது, ஏனெனில் அறிவுசார் இயலாமை உள்ளவர்களுக்கும் சுய பராமரிப்புத் திறன்கள், தகவல் பரிமாற்ற திறன்கள் மற்றும் அறிவாற்றல் செயல்பாடு குறைவாக இருக்கும். அறிவுசார் இயலாமை உள்ளவர்களுடன் நேர்மறையான ஊடாடல்களில் ஈடுபடுவது மிக முக்கியம், அன்புக்குரியவர்களுடன் திறம்பட ஈடுபடும் அவர்களின் திறன் குறைந்துவிட்டாலும் கூட. தகவல் பரிமாற்றம் மிகவும் கடினமாகும்போது அல்லது தேவைகள் பூர்த்தி செய்யப்படாமல் போகும்போது, அது மனநிலை மற்றும் நடத்தையில் மாற்றங்கள் நிகழுவதற்கு வழிவகுக்கும், இது பராமரிப்பாளர்களுக்கு மன அழுத்தத்தை ஏற்படுத்தி அன்றாட வழக்கங்களை சீர்குலைக்கும்.^16,17

முதுமைக்கால மறதி நோய்க்கு உகந்த அணுகுமுறையில் ஐந்து உத்திகள் இடம்பெற்றுள்ளன, இவை பயனுள்ள இருவழி தகவல் பரிமாற்றத்தை எளிதாக்குகின்றன, இரு தரப்பினருக்கும் விரக்தியையும் மன அழுத்தத்தையும் குறைக்க உதவும். இந்த உத்திகள் சிறந்த புரிதலையும் தொடர்பையும் வளர்ப்பதன் மூலம் பராமரிப்பு அனுபவத்தை நன்கு மேம்படுத்தலாம், இறுதியில் முதுமைக்கால மறதி நோய் உள்ள அறிவுசார் இயலாமை உள்ளவர்களின் பராமரிப்புத் தரத்தை மேம்படுத்தலாம்.

பராமரிப்பு ஆதரவு

முதுமைக்கால மறதி நோயுடன் வாழும் நபர்கள் குளித்தல் அல்லது உடை அணிதல் போன்ற அன்றாடப் பணிகளைச் செய்வதில் சிரமங்களைச் சந்திக்கும் அதே வேளையில், அவர்களிடத்தில் இருக்கும் திறன்கள் மற்றும் திறமைகளைப் பயன்படுத்த ஊக்குவிப்பது அவர்களின் சுயாதீனத்தைப் பராமரிக்க உதவும். பராமரிப்பாளர்கள் அவர்களின் அன்றாடப் பணிகளுக்கு ஆதரவையும் வழிகாட்டுதலையும் வழங்கும் விதத்தில் இலகுவாக இருப்பதன் மூலம் இதை அடைய முடியும். உதாரணமாக, அறிவுசார் இயலாமை உள்ளவர்கள் திணறாமல் நடவடிக்கைகளில் பங்கேற்க அவர்களுக்கு ஆதரவான சூழலை உருவாக்கலாம்¹⁷, மற்றும் முறையான அறிவுறுத்தல்களை வழங்கி பணிகளை சிறிய படிநிலைகளாகப் பிரித்து செய்யலாம்.

அங்கீகரித்தல்

முதுமைக்கால மறதி நோயுடன் வாழ்பவர்கள், கடந்த கால நிகழ்வுகளை நினைவு கூர்வது அல்லது தங்களுக்கு இன்னும் சில திறன்கள் இருப்பதாக நம்புவது போன்ற விஷயங்களில் மற்றவர்களிடமிருந்து வேறுபட்ட ஒரு யதார்த்தத்தை அனுபவிக்கலாம். அங்கீகரித்தலில் அவர்கள் நம்பும் சவால்களுக்கு ஒத்துணர்வைத் தெரிவிப்பதன் மூலமும், அவர்களின் யதார்த்தத்தை ஏற்றுக்கொள்வதன் மூலமும் அவர்களின் உணர்வுகளையும் நம்பிக்கைகளையும் ஒப்புக்கொள்வது அடங்கும்.¹⁸அவர்களின் உணர்ச்சி மற்றும் உணர்வை நேர்மறையான முறையில் அங்கீகரிப்பது அவர்களுக்கு ஏற்படக்கூடிய கிளர்ச்சியைக் குறைக்கலாம்.¹⁹

வாழ்க்கைக் வரலாறு

வாழ்க்கை வரலாறு தொகுப்புகள், அறிவுசார் இயலாமை உள்ளவர்கள் வாழ்ந்த அனுபவங்களையும் முக்கிய நினைவுகளையும் ஒரு கோப்புறையில் சேகரிப்பதன் மூலம் உருவாக்கப்படுகின்றன. இந்த வளஆதாரம் அவர்கள் தங்களின் கடந்த கால நிகழ்வுகளை நினைத்துப் பார்க்கவும், அர்த்தமுள்ள உரையாடல்களுக்கான வாய்ப்புகளை உருவாக்கவும் உதவும். வாழ்க்கைக் கதைகளை உருவாக்குவது தகவல் பரிமாற்றங்களை மேம்படுத்துவதோடு, தனிநபருக்கும் அவர்களின் பராமரிப்பாளர்களுக்கும் இடையிலான உறவுகளை வலுப்படுத்துகிறது என்பதை இத்தகைய மக்களிடம் மேற்கொள்ளப்பட்ட ஆய்வுகள் காட்டுகின்றன. வாழ்க்கைக் கதைகளும் நினைவாற்றல் சிகிச்சையின் ஒரு முக்கிய அங்கமாகும், இது நினைவுகளைப் பாதுகாக்கவும் உணர்ச்சி ரீதியான தொடர்புகளை வளர்க்கவும் உதவும்.

திசைத்திருப்புதல்

முதுமைக்கால மறதி நோய் உள்ள ஒருவருக்கு எதிர்மறையான எண்ணங்கள் அல்லது உணர்வுகள் ஏற்படும்போது, நேர்மறையான தூண்டுதலுக்குத் திசைத்திருப்பிவிடுவது அவர்களின் கவனத்தை மிகவும் இனிமையான நினைவுகளுக்கு மாற்ற உதவும். கடினமான தருணங்களில், பராமரிப்பாளர்கள் அமைதியாகப் பேசுவதும், அந்த நபர் சூழ்நிலையைச் சமாளித்து, நிம்மதியாக உணரவும் உதவும் வகையில் தெளிவான, படிப்படியான வழிமுறைகளை வழங்குவதும் முக்கியம்.⁹

குடும்பங்கள் மற்றும் பராமரிப்பாளர்களுக்கான ஆதரவு

நிதி ரீதியான ஆதரவு

பராமரிப்பது என்பது ஒரு தொடர்ச்சியான கற்றல் பயணம். ஒருவரைப் பராமரிக்கும் பணி என்பது முதலில் சவாலாகத் தோன்றலாம், ஆனால் அதற்குத் தயாராக இருப்பது உங்கள் அன்புக்குரியவருக்கு சிறந்ததை வழங்கிட உங்களுக்குச் சக்தியளிக்கும். சிறப்புத் தேவைகள் உள்ள தங்கள் அன்புக்குரியவர்களைப் பராமரிப்பதன் விளைவாக நிதி சொத்துக்கள் குறைந்து வருவதாலும், செலுத்த வேண்டிய மருத்துவச் செலவுகள் அதிகரிப்பதாலும் பராமரிப்பாளர்கள் சில நேரங்களில் நிதி நெருக்கடியை எதிர்கொள்கின்றனர்.²¹சிங்கப்பூரில் பராமரிப்பாளர்களுக்கு பல நிதி உதவித் திட்டங்கள் உள்ளன. இந்த விருப்பங்கள் பற்றி இங்கே மேலும் தெரிந்துகொள்ளுங்கள்.

பராமரிப்பாளர் ஆதரவு

பராமரிப்பாளர் ஆதரவு என்பது நாள்பட்ட நோய், இயலாமை அல்லது முதுமை தொடர்பான பிரச்சினைகள் உள்ள ஒருவரைப் பராமரிக்கும் பொறுப்புள்ள நபர்களுக்கு வழங்கப்படும் வளஆதாரங்கள் மற்றும் உதவியைக் குறிக்கிறது. இந்த ஆதரவு பராமரிப்பாளர்கள் அடிக்கடி எதிர்கொள்ளும் உணர்ச்சி, உடல் மற்றும் நிதி ரீதியான சவால்களைக் குறைக்க உதவும்.

கீழே சில பொதுவான பராமரிப்பாளர் ஆதரவு வகைகள் கொடுக்கப்பட்டுள்ளன, இவை உங்களை நீங்கள் கவனித்துக் கொள்ள ஒரு வழிகாட்டி என்பதைத் தழுவியது.

ஒட்டுமொத்தமாக, பராமரிப்பாளர் ஆதரவு என்பது பராமரிப்பாளர்கள் மற்றும் அவர்கள் கவனித்துக்கொள்பவர்களின் நல்வாழ்வை மேம்படுத்துவதை நோக்கமாகக் கொண்டுள்ளது, மேலும் இது பராமரிப்பாளர்கள் தங்கள் பொறுப்புகளையும் உணர்ச்சிகளையும் திறம்பட நிர்வகிக்க உதவுகிறது.

இடை ஓய்வுப் பராமரிப்பு

வல்லுநர் அல்லது வேறு பராமரிப்பாளர் பராமரிப்பை வழங்கும் வேளையில், பராமரிப்பாளர்கள் இடை ஓய்வு எடுக்க அனுமதிக்கும் தற்காலிக நிவாரணம். இடை ஓய்வுப் பராமரிப்பு சேவைகள் பகல்நேர பராமரிப்பு நிலையங்கள், பெரியோர் குடியிருப்பு இல்லங்கள் மற்றும் வீட்டு இடை ஓய்வு சேவைகள் என பல்வேறு அமைப்புகளில் வழங்கப்படுகின்றன.

ஆதரவுக் குழுக்கள்

இதே போன்ற சூழ்நிலைகளில் உள்ள பராமரிப்பாளர்கள் தங்களின் அனுபவங்கள், ஆலோசனைகள் மற்றும் உணர்ச்சிபூர்வமான ஆதரவை மற்றவர்களுடன் பகிர்ந்து கொள்ளக்கூடிய சந்திப்புகள் அல்லது இணையவழி மன்றங்கள்.

பயிற்சி மற்றும் கற்பிப்பு

மருத்துவத் தேவைகளை நிர்வகித்தல் அல்லது கவலைக்குரிய நடத்தைகளைக் கையாளுதல் போன்ற குறிப்பிட்ட பராமரிப்புத் திறன்கள் குறித்த பயிற்சியை வழங்கும் பயிற்சிபட்டறைகள் அல்லது வளஆதாரங்கள்

ஆலோசனை சேவைகள்

பராமரிப்பாளர்கள் தங்கள் பராமரிப்புப் பணியுடன் தொடர்புடைய மன அழுத்தம், மனக்கவலை அல்லது மனச்சோர்வைச் சமாளிக்க உதவும் வல்லுநர் ஆதரவு.

நீண்ட கால பராமரிப்புத் திட்டமிடல்

குறைபாடுகள் உள்ள உங்கள் குடும்ப உறுப்பினர் மன அமைதியுடன் தொடர்ச்சியான கவனிப்பைப் பெறுவதை உறுதி செய்ய எதிர்கால பராமரிப்பு திட்டமிடல் அவசியம். FutureReady என்பது டிஜிட்டல் கருவித்தொகுப்பாகும், இது மேம்பட்ட பராமரிப்பு திட்டம், பிரதிநிதித்துவம், நீடித்த வழக்கறிஞர் அதிகாரம் மற்றும் வாழ்க்கை ஏற்பாடுகள் உள்ளிட்ட தொடர்ச்சியான தொகுதிகள் மூலம் எதிர்கால பராமரிப்பு திட்டமிடலுக்கு உதவுகிறது.

முடிவுரை

முதுமைக்கால மறதி நோயுடன் வாழும் அறிவுசார் இயலாமை உள்ளவர்களைப் பராமரிப்பதற்கு, இரண்டு மருத்துவ நிலைகளையும் அவற்றின் சிக்கலான தொடர்புகளையும் நன்கு புரிந்துகொள்வது அவசியம். அறிவுசார் இயலாமை உள்ளவர்களுக்கு வயதாகும்போது, அவர்கள் முதுமைக்கால மறதி நோய் போன்ற உடல்நலப் பிரச்சினைகளுக்கு ஆளாக நேரிடும், இது பராமரிப்பை மேலும் சிக்கலாக்கும், அத்துடன் இவற்றின் அறிகுறிகள் பெரும்பாலும் ஒன்று போல் இருப்பதால் கண்டறியப்படாமல் இருக்கும். சரியான நேரத்தில், பயனுள்ள ஆதரவை வழங்குவதற்கு இந்த அறிகுறிகளை முன்கூட்டியே அடையாளம் காண்பது அவசியம்.

அறிவாற்றல் மற்றும் நடத்தை ரீதியான மாற்றங்களைக் கண்டறிவதில் பராமரிப்பாளர்கள் முக்கிய பங்கு வகிக்கின்றனர், மேலும் அவர்கள் பரிவுடனான பராமரிப்பை வழங்க சரியான கருவிகள் மற்றும் உத்திகளை அறிந்து வைத்திருக்க வேண்டும். தெளிவான தகவல் பரிமாற்றம், அங்கீகரிப்பு மற்றும் வாழ்க்கை கதை தொகுப்புகள் போன்று முதுமைக்கால மறதி நோய்க்கு உகந்த அணுகுமுறைகள் முதுமைக்கால மறதி நோய் உள்ள அறிவுசார் இயலாமை உள்ளவர்களின் வாழ்க்கைத் தரத்தை மேம்படுத்தலாம். அது மட்டுமின்றி, குடும்பங்கள் மீதான உணர்ச்சி மற்றும் நிதிச் சுமைகளைக் குறைக்க நிதி ரீதியான ஆதரவு மற்றும் பராமரிப்பாளர் வளஆதாரங்களை அணுகுவது மிக முக்கியம்.

சுகாதார வழங்குநர்கள், பராமரிப்பாளர்கள் மற்றும் ஆதரவுக் கட்டமைப்புகளுக்கு இடையே ஒத்துழைப்பை வளர்ப்பதன் மூலம், முதுமைக்கால மறதி நோயைக் கொண்டிருக்கும் அறிவுசார் இயலாமை உள்ளவர்களுக்கு அவர்கள் பெறுவதற்குத் தகுதியுடைய பராமரிப்பு மற்றும் மரியாதை கிடைப்பதை நாம் உறுதிசெய்து, அவர்களின் கண்ணியம், சுதந்திரம் மற்றும் ஒட்டுமொத்த நல்வாழ்வைப் பாதுகாக்கலாம்.

ஆசிரியரின் சுயசரிதை

Movement for the Intellectually Disabled of Singapore (MINDS)

இந்தக் கட்டுரை MINDS AHPHub இல் உள்ள முதுமைக்கால மறதி நோய்க்கான பணிக்குழுவால் வழங்கப்பட்டது: சங் ஜிங் நிங், மூத்த தொழில்சார் சிகிச்சை நிபுணர்; நாடியா லோக் யி ஜென், தொழில்சார் சிகிச்சை நிபுணர்; வோங் ஜீ குய், தொழில்சார் சிகிச்சை நிபுணர்; மோஃபியானா, முஹம்மது சலீம் அவர்களின் மகள், சமூகப் பணி பங்காளி; மற்றும் வேல்முருகன் அமிர்தம்பிகை, உடற்பயிற்சி மருத்துவர். முதுமைக்கால மறதி நோய்க்கான பராமரிப்பில் உள்ள சவால்களை நிவர்த்தி செய்ய இவர்கள் ஒன்றிணைந்து தங்கள் நிபுணத்துவத்தைப் பயன்படுத்துகிறார்கள்.

Website

இந்தக் கட்டுரை பயனுள்ளதாக இருந்ததா?

ஆம் இல்லை

அடுத்து படிக்கவும்

மற்றும் சேவைகள்

மேலும் வாசிக்க »

முதுமைக்கால மறதி நோயுடன் வாழும் நபர்களுடன் உரையாடுவதற்கான உதவிக்குறிப்புகள்

மேலும் வாசிக்க »

முதுமைக்கால மறதி நோயின் வெவ்வேறு நிலைகளில் பராமரிப்பு வழங்குதல்

மேலும் வாசிக்க »

Alzheimer’s Disease International (2009) World Alzheimer’s 568 Report: The Global Prevalence of Dementia. Available online: 569 http://www.alz.co.uk/research/world-report-2009
American Psychiatric Association. (2013). Diagnostic and statistical manual of mental disorders (5th ed.). American Psychiatric Association.
Institute of Mental Health. (2024). IMH study shows decrease in prevalence of dementia and improvement in treatment gap among older adults in Singapore over the past decade. Retrieved September 2, 2024, from https://www.imh.com.sg/Newsroom/News-Releases/Documents/WISE%202%20Press%20Release_28Aug_IMHFINAL.pdf
Zigman, W.B., Schupf, N., Devenny, D., Miezejeski, C., Ryan, R., Urv, T.K., Schubert, R., & Silverman, W. (2004). Incidence and prevalence of dementia in elderly adults with mental retardation without Down syndrome. American Journal on Mental Retardation, 109, 126–141. doi:10.1352/0895-8017(2004)109.
Takenoshita, S., Terada, S., Inoue, T., Kurozumi, T., Yamada, N., Kuwano, R., & Suemitsu, S. (2023). Prevalence and modifiable risk factors for dementia in persons with intellectual disabilities. Alzheimer’s Research & Therapy, 15(1), 125.
S. Centers for Disease Control and Prevention. (2024). Down Syndrome. Retrieved October 10, 2024, from https://www.cdc.gov/birth-defects/about/down-syndrome.html#cdc_disease_basics_overview-what-it-is
Bayen, E., Possin, K. L., Chen, Y., de Langavant, L. C., & Yaffe, K. (2018). Prevalence of aging, dementia, and multimorbidity in older adults with Down syndrome. JAMA neurology, 75(11), 1399-1406.
Holland, A. J., & Oliver, C. (1995). Down’s syndrome and the links with Alzheimer’s disease. Journal of Neurology, Neurosurgery, and Psychiatry, 59, 111–114.
National Task Group on Intellectual Disabilities and Dementia Practice. (2012). ‘My thinker’s not working’: A national strategy for enabling adults with intellectual disabilities affected by dementia to remain in their community and receive quality supports. Retrieved October 9, 2024, from aadmd.org/ntg/thinker
Margolis, S. A., Kelly, D. A., Daiello, L. A., Davis, J., Tremont, G., Pillemer, S., Denby, C., & Ott, B. R. (2021). Anticholinergic/sedative drug burden and subjective cognitive decline in older adults at risk of Alzheimer’s disease. The Journals of Gerontology: Series A, 76(6), 1037–1043. https://doi.org/10.1093/gerona/glaa222
Matthew P. Janicki & Arthur J. Dalton (2000) Prevalence of Dementia and Impact on Intellectual Disability Services. Mental Retardation: June 2000, Vol. 38, No. 3, pp. 276-288
Vivanti, G., Tao, S., Lyall, K., Robins, D. L., & Shea, L. L. (2021). The prevalence and incidence of early‐onset dementia among adults with autism spectrum disorder. Autism Research, 14(10), 2189-2199.
National Task Group on Intellectual Disabilities and Dementia Practices. (n.d.). Facts About Dementia. Retrieved September 10, 2024, from https://www.the-ntg.org/facts-about-dementia
Torr, J. (2016). Dementias. In C. Hemmings & N. Bouras (Eds.), Psychiatric and Behavioral Disorders in Intellectual and Developmental Disabilities (pp. 55–64). chapter, Cambridge: Cambridge University Press.
Beange, H., McElduff, A., & Baker, W. (1995). Medical disorders of adults with mental retardation: a population American journal of mental retardation : AJMR, 99(6), 595–604.
Cleary, J., & Doody, O. (2017). Nurses’ experience of caring for people with intellectual disability and dementia. Journal of Clinical Nursing, 26(5–6), 620–631. https://doi.org/10.1111/jocn.13431
Judd M. (2017). Communication strategies for patients with dementia. Nursing, 47(12), 58–61. https://doi.org/10.1097/01.NURSE.0000524758.05259.f7
Teitelman, J., Raber, C., & Watts, J. (2010). The Power of the Social Environment in Motivating Persons with Dementia to Engage in Occupation: Qualitative Findings. Physical & Occupational Therapy in Geriatrics, 28(4), 321–333. https://doi.org/10.3109/02703181.2010.532582
Tible, O. P., Riese, F., Savaskan, E., & von Gunten, A. (2017). Best practice in the management of behavioural and psychological symptoms of dementia. Therapeutic Advances in Neurological Disorders, 10(8), 297–309. https://doi.org/10.1177/1756285617712979
Subramaniam, P., Thillainathan, P., Mat Ghani, N. A., & Sharma, S. (2023). Life Story Book to enhance communication in persons with dementia: A systematic review of reviews. PloS one, 18(10), e0291620. https://doi.org/10.1371/journal.pone.0291620
Goh, W. (2023). Addressing Financial Challenges In Special Needs Families: The Importance Of Early Planning And Trusts. Singapore Family Physician, 48(7), 5. https://doi.org/10.33591/sfp.48.7.u5

The post அறிவுசார் இயலாமையுடன் முதுமைக்கால மறதி நோய் உள்ளவர்களைப் புரிந்துகொள்வது appeared first on DementiaHub.SG.

வாஸ்குலர் டிமென்ஷியா

Peter Cher — Thu, 14 Dec 2023 04:41:02 +0000

கவனமாகக் கேளுங்கள்

9 நிமிட வாசிப்பு

https://www.dementiahub.sg/wp-content/uploads/speaker/post-74734.mp3?cb=1770867273.mp3

சிங்கப்பூரில் இரத்தநாளம் சார்ந்த முதுமைக்கால மறதி நோய் (வாஸ்குலர் டிமென்ஷிய) மிகவும் பொதுவான முதுமைக்கால மறதி நோய் வகைகளில் ஒன்றாகும். உண்மையில், சிங்கப்பூரில் முதுமைக்கால மறதி நோய் உள்ளவர்களில் 45.5% அல்லது கிட்டத்தட்ட பாதி பேர் இந்த நோய் நிலையைக் கொண்டுள்ளனர்.¹அது என்ன, அதன் அறிகுறிகள் மற்றும் ஆபத்து காரணிகள் என்ன மற்றும் இந்த வகை முதுமைக்கால மறதி நோயை உருவாக்கும் அபாயத்தை எவ்வாறு குறைப்பது என்பது பற்றி மேலும் அறிய தொடர்ந்து படியுங்கள்.

இரத்தநாளம் சார்ந்த முதுமைக்கால மறதி நோய் என்றால் என்ன?

இரத்தநாளம் சார்ந்த முதுமைக்கால மறதி நோய் என்பது இரத்த ஓட்டம் தொடர்பான மூளை பாதிப்பால் ஏற்படும் ஒரு வகை முதுமைக்கால மறதி நோயாகும். ‘வாஸ்குலர்’ என்ற சொல் இரத்த நாளங்களைக் குறிக்கிறது.

இரத்தநாளம் சார்ந்த முதுமைக்கால மறதி நோய் எவ்வளவு பொதுவானது?

சிங்கப்பூர் உட்பட உலகின் பல பகுதிகளில், ஆல்சைமர் நோய்க்குப் பிறகு இரத்தநாளம் சார்ந்த முதுமைக்கால மறதி நோய் இரண்டாவது பொதுவான முதுமைக்கால மறதி நோய் வகையாகும். தேசிய நரம்பியல் கழகத்தின்படி (NNI), 2013 முதல் 2017 வரை NNI-இல் சிகிச்சை பெற்ற, 65 வயதுக்கு மேல் இருந்தபோது முதுமைக்கால மறதி நோய் ஏற்பட்ட நோயாளிகளில் 16% பேரும், அதே காலகட்டத்தில் NNI-இல் சிகிச்சை பெற்ற, 65 வயதுக்குக் குறைவாக இருந்தபோது முதுமைக்கால மறதி நோய் ஏற்பட்ட நோயாளிகளில் 19% பேரும் இரத்தநாளம் சார்ந்த முதுமைக்கால மறதி நோயைக் கொண்டிருந்தனர்.²

இரத்தநாளம் சார்ந்த முதுமைக்கால மறதி நோயின் முக்கிய அறிகுறிகள்

இரத்தநாளம் சார்ந்த முதுமைக்கால மறதி நோயின் அறிகுறிகள் மற்ற வகை முதுமைக்கால மறதி நோயாளிகள் அனுபவிப்பதைப் போலவே இருக்கும். வழக்கமான அறிகுறிகளில் அடங்குவன:

மெதுவான சிந்தனை
திட்டமிடுவதில் சிரமம்
புரிந்துகொள்வதில் சிரமம்
கவனம் செலுத்துவதில் பிரச்சினைகள்
மனநிலை மற்றும்/அல்லது நடத்தை மாற்றங்கள்
நினைவாற்றல் மற்றும் மொழிப் பிரச்சினைகள்
இயக்கம் மற்றும்/அல்லது சமநிலையில் பிரச்சினைகள்

அனுபவிக்கப்படும் அறிகுறிகள் சேதமடைந்த குறிப்பிட்ட மூளைப் பகுதிகளைப் பொறுத்ததாகும். உதாரணமாக, மொழியைப் புரிந்துகொள்ளத் தேவையான மூளைப் பகுதிகள் சேதமடைந்தால், இந்த வகையான மூளைப் பாதிப்பு உள்ள ஒருவருக்கு மற்றவர்கள் சொல்வதைக் கேட்பது அல்லது அவர்கள் படிப்பதைப் புரிந்துகொள்வதில் பிரச்சினை இருக்கலாம்.

நிகழக்கூடிய அறிகுறிகளின் குறிப்பிட்ட குழுக்களைப் பற்றிய கூடுதல் தகவல்களுக்கு, கீழே உள்ள பிரிவுகளில் இரத்தநாளம் சார்ந்த முதுமைக்கால மறதி நோயின் காரணங்கள் பற்றி மேலும் படிக்கவும்.

அறிகுறிகள் எவ்வளவு விரைவாக உருவாகின்றன?

அறிகுறி உருவாகும் வேகமானது இரத்தநாளம் சார்ந்த முதுமைக்கால மறதி நோயின் காரணம், வகை மற்றும் தீவிரத்தைப் பொறுத்தது.

இரத்தநாளம் சார்ந்த முதுமைக்கால மறதி நோயின் அறிகுறிகள் காலப்போக்கில் மெதுவாக உருவாகலாம், இது பொதுவாக நாள்பட்ட, மெதுவாக வளரும் இரத்த நாள சேதத்தால் முதுமைக்கால மறதி நோய் ஏற்படும் போது நிகழ்கிறது.

மற்றவகையில், முதல் பக்கவாதம் மற்றும் அதைத் தொடர்ந்து வரும் பக்கவாதங்களுக்குப் பிறகு, அறிகுறிகள் திடீரென தோன்றலாம் அல்லது மோசமடையலாம்.

ஆல்சைமர் நோய் போன்ற பிற வகை முதுமைக்கால மறதி நோயின் அறிகுறிகளிலிருந்து இந்த அறிகுறிகள் வேறுபடுகின்றனவா?

இரத்தநாளம் சார்ந்த முதுமைக்கால மறதி நோயின் அறிகுறிகள் சிந்தனை வேகம் மற்றும் பிரச்சினைகளைத் தீர்க்கும் திறன் ஆகியவற்றால் வகைப்படுத்தப்படுகின்றன.
நினைவாற்றல் இழப்பு மற்றும் மொழிப் பிரச்சினைகள் போன்ற சில அறிகுறிகள், இரத்தநாளம் சார்ந்த முதுமைக்கால மறதி நோயை விட ஆல்சைமர் நோயால் ஏற்படும். முதுமைக்கால மறதி நோயில் அதிகமாகக் காணப்படுகின்றன, எனினும் இரத்தநாளம் சார்ந்த முதுமைக்கால மறதி நோயுடன் வாழும் நபர்களும் அவற்றை அனுபவிக்கலாம்.

இரத்தநாளம் சார்ந்த முதுமைக்கால மறதி நோயின் அறிகுறிகளுக்கும் பிற வகையான முதுமைக்கால மறதி நோயின் அறிகுறிகளுக்கும் இடையிலான வேறுபாடுகள் முதுமைக்கால மறதி நோயின் லேசான நிலைகளில் மிகவும் தெளிவாகத் தெரியலாம். முதுமைக்கால மறதி நோய் முற்றும்போது, அனுபவிக்கப்படும் அறிகுறிகளின் வகைகள் விரிவடையக்கூடும், மேலும் இரத்தநாளம் சார்ந்த முதுமைக்கால மறதி நோயின் அறிகுறிகளுக்கும் பிற வகையான முதுமைக்கால மறதி நோயிற்கும் இடையிலான வேறுபாடுகள் குறைவாகவே வெளியில் தெரியும்.

கலவையான முதுமைக்கால மறதி நோய்: ஒன்றுக்கும் மேற்பட்ட வகையான முதுமைக்கால மறதி நோய்

ஒருவருக்குக் கலவையான முதுமைக்கால மறதி நோயும் ஏற்படலாம், இது ஒருவருக்கு ஒன்றுக்கு மேற்பட்ட வகையான முதுமைக்கால மறதி நோய் இருக்கும்போது ஏற்படுகிறது. கலப்பு முதுமைக்கால மறதி நோயின் பெரும்பாலான நிகழ்வுகள் ஆல்சைமர் மற்றும் இரத்தநாளம் சார்ந்த முதுமைக்கால மறதி நோயுடன் நிகழ்கின்றன, ஏனெனில் இவை இரண்டும் முதுமைக்கால மறதி நோயின் மிகவும் பொதுவான இரண்டு வகைகளாகும். கலப்பு முதுமைக்கால மறதி நோய் உள்ளவர்களுக்கு இரண்டு வகையான முதுமைக்கால மறதி நோயின் அறிகுறிகளும் இருக்கும், ஒரு வகை முதுமைக்கால மறதி நோய் பெரும்பாலும் ஆதிக்கம் செலுத்தும்.

காரணங்கள்

நமது உடலின் உயிரணுக்கள் செயல்படவும் உயிருடன் இருக்கவும் தேவையான ஊட்டச்சத்துக்கள் மற்றும் ஆக்ஸிஜனை இரத்தம் கொண்டு செல்கிறது. இரத்த ஓட்டத்தில் ஏற்படும் பிரச்சனைகள் காரணமாக இரத்தம் சில மூளை திசுக்களை அடைய முடியாதபோது, இந்த திசுக்கள் தங்களுக்குத் தேவையான ஆக்ஸிஜன் மற்றும் ஊட்டச்சத்துக்களைப் பெற முடியாமல் சேதமடைகின்றன. இந்த இரத்த ஓட்டமின்மை நீண்ட காலத்திற்கு நீடித்தால், இந்த திசுக்கள் இறந்து, மீள முடியாத சேதத்தை ஏற்படுத்தலாம்.

இரத்தநாளம் சார்ந்த முதுமைக்கால மறதி நோயை ஏற்படுத்தக்கூடிய சில பொதுவான இரத்தநாளப் பிரச்சினைகள் பின்வருமாறு:

இஸ்கெமிக் ஸ்ட்ரோக் (இரத்தவோட்டக் குறை சார்ந்த பக்கவாதம்)

‘இஸ்கெமியா’ என்ற வார்த்தையின் அர்த்தம் ‘இரத்த ஓட்டம் இல்லாமை’ என்பதாகும். இரத்தவோட்டக் குறை சார்ந்த பக்கவாதம் என்பது மூளையில் உள்ள இரத்த நாளத்தில் ஏற்படும் அடைப்பு ஆகும். ஒற்றை இரத்தவோட்டக் குறை சார்ந்த பக்கவாதம் அல்லது பல பக்கவாதங்கள், மூளைத் திசுக்களை இரத்தம் சென்றடைவதைத் தடுக்கலாம்.

ஹெமரேஜிக் ஸ்ட்ரோக் (இரத்தக்கசிவு சார்ந்த பக்கவாதம்)

‘ஹெமோரேஜ்’ என்ற சொல்லுக்கு இரத்தக்கசிவு என்று பொருள். மூளையில் இரத்தக்கசிவு அல்லது இரத்தக்கசிவு சார்ந்த பக்கவாதமானது, மூளையின் இரத்த நாளங்களில் ஏற்படலாம், மேலும் இது நிகழும்போது உயிருக்கு ஆபத்தானதாக இருக்கும். மூளையில் இரத்தக்கசிவு ஏற்படுவதற்கு தலையில் ஏற்படும் காயம், இரத்த நாளங்களின் சுவர்களை பலவீனப்படுத்தும் உயர் இரத்த அழுத்தம் மற்றும் இரத்தக்கலன் புடைப்புகள் (அனீரிசம்) (இரத்த நாளங்களின் சுவர்களில் அசாதாரண வீக்கம்) உள்ளிட்ட பல காரணங்கள் இருக்கலாம்.

நாள்பட்ட இரத்த நாள சேதம்

நாள்பட்ட இரத்த நாள சேதம் என்பது நீண்ட காலத்திற்கு நீடிக்கின்ற, இரத்த நாளங்களுக்கு ஏற்படுகின்ற சேதத்தைக் குறிக்கிறது.

இரத்த நாளங்கள் குறுகுதல் போன்ற இரத்த நாளங்களுக்கு ஏற்படும் சேதமானது, அது கடுமையாக இருக்கும்போது, மூளை திசுக்களுக்கு இரத்தம் செல்வதைத் தடுக்கலாம். காலப்போக்கில், இந்த அடைப்பு இரத்தநாளம் சார்ந்த முதுமைக்கால மறதி நோயாக உருவாகலாம்.

இரத்தநாளம் சார்ந்த முதுமைக்கால மறதி நோயின் வகைகள்

இரத்தநாளம் சார்ந்த முதுமைக்கால மறதி நோயின் அறிகுறிகளும், முதுமைக்கால மறதி நோய் முற்றும்போது அவை உருவாகும் வரிசையும், ஒரு நபருக்கு உருவாகும் இரத்தநாளம் சார்ந்த முதுமைக்கால மறதி நோயின் வகையைப் பொறுத்தது. முதுமைக்கால மறதி நோயின் வகைகள் வெவ்வேறு காரணங்களால் வரையறுக்கப்படுகின்றன.

இரத்தநாளம் சார்ந்த முதுமைக்கால மறதி நோயின் முக்கிய வகைகள் பின்வருமாறு:

சப்கார்டிகல் வாஸ்குலர் டிமென்ஷியா

மூளையின் ஆழத்தில் உள்ள சிறிய இரத்த நாளங்கள் சேதமடையும் போது சப்கார்டிகல் வாஸ்குலர் டிமென்ஷியா ஏற்படுகிறது.
இந்த வகை முதுமைக்கால மறதி நோயில் சேதமடைந்த பெரும்பாலான திசுக்கள் மூளையின் ஆழமான பகுதியில் உள்ள சப்கார்டெக்ஸ் (புறணியடி) எனப்படும் பகுதியில் நிகழ்கின்றன.

பக்கவாதத்திற்குத் தொடர்புடைய முதுமைக்கால மறதி நோய்

பக்கவாதம் தொடர்பான முதுமைக்கால மறதி நோயானது, மூளையில் ஒரு பக்கவாதம் அல்லது பல பக்கவாதங்கள் ஏற்படும் போது ஏற்படுகிறது. ஒரு பக்கவாதம் மூளை திசுக்களை இரத்தம் அடைவதைத் தடுக்கிறது, இதனால் திசு இறப்பு ஏற்படுகிறது. குறைந்த இரத்த விநியோகம் காரணமாக இறந்த திசுக்கள் இருக்கும் இடம் ‘இரத்தநசிவு’ என்று அழைக்கப்படுகிறது.

ஸ்ட்ராட்டிஜிக்-இன்ஃபார்க்ட் டிமென்ஷியா

- ஒரு பெரிய பக்கவாதத்தால் முதுமைக்கால மறதி நோய் ஏற்படும்போது, ஸ்ட்ராடஜிக்-இன்ஃபார்க்ட் டிமென்ஷியா ஏற்படுகிறது.
- இந்த வகையான முதுமைக்கால மறதி நோயில், சிந்தனை மற்றும் நடத்தையில் திடீர் மற்றும் கடுமையான மாற்றம் ஏற்படுகிறது, இருப்பினும் பொருத்தமான ஆதரவுடன், அறிகுறிகளை நிலைப்படுத்த முடியும்.

மல்டி-இன்ஃபார்க்ட் டிமென்ஷியா
- படிப்படியாக மூளை திசுக்களை சேதப்படுத்துகின்ற பக்கவாதங்களின் ஓர் தொடரால் முதுமைக்கால மறதி நோய் ஏற்படும் போது மல்டி-இன்ஃபார்க்ட் டிமென்ஷியா ஏற்படுகிறது.
- சில பக்கவாதங்கள் சிறியதாகவும் சிறிய அறிகுறிகளைக் கொண்டதாகவும் இருக்கலாம். அவை குறிப்பிடத்தக்க அறிகுறிகள் இல்லாமலேயே கூட நிகழலாம், இந்நிலையில் அவை ‘அமைதியான’ பக்கவாதங்கள் என்று அழைக்கப்படுகின்றன.
- சிறிய பக்கவாதங்கள் மினி ஸ்ட்ரோக்குகள் அல்லது மாறுநிலையான இரத்தவோட்டக் குறை சார்ந்த தாக்குதல்கள் (Transient Ischemic Attacks, TIAs) என்றும் அழைக்கப்படுகின்றன.
- சில நிமிடங்களுக்கு நீடிக்கலாம், மேலும் அவற்றின் மிகவும் வெளிப்படையான அறிகுறிகள் ஒரு மணிநேரம் முதல் ஒரு நாள் வரை நீடிக்கலாம்.
- காலப்போக்கில் அதிக பக்கவாதங்கள் ஏற்படுவதால், முதுமைக்கால மறதி நோயின் அறிகுறிகள் உருவாகி மோசமடையக்கூடும். ஒவ்வொரு சிறிய பக்கவாதத்திற்குப் பிறகும் அறிகுறிகள் மோசமடைவது உடனடியாகக் கவனிக்கத்தக்கதாக இருக்கலாம், அதன் பிறகு அறிகுறிகள் நிலைபெறும்.

பக்கவாத நோய்க்குறிகள்

ஸ்ட்ராடஜிக்-இன்ஃபார்க்ட் மற்றும் மல்டி-இன்ஃபார்க்ட் டிமென்ஷியா இரண்டிலும், பக்கவாதத்தால் சேதமடைந்த குறிப்பிட்ட மூளைப் பகுதிகள் ஒரு நபர் அனுபவிக்கும் அறிகுறிகளின் வகையை (அறிகுறிகளின் குழு) தீர்மானிக்கின்றன. இரத்தநாளம் சார்ந்த முதுமைக்கால மறதி நோய் உள்ள உங்களுக்கோ அல்லது உங்கள் அன்புக்குரியவருக்கோ என்ன பக்கவாத நோய்க்குறிகள் இருக்கலாம் என்பதை அறிந்துகொள்வது இரத்தநாளம் சார்ந்த முதுமைக்கால மறதி நோயின் அறிகுறிகளை சிறப்பாக நிர்வகிக்கவும், பொருத்தமான ஆதரவைப் பெறவும் உதவலாம்.

பல பக்கவாதங்கள், ஹால்மார்க் பக்கவாத அறிகுறிகளுடன் ஏற்படும்:
முகத்தின் ஒரு பக்கம் தொங்குதல்
ஹெமிபரேசிஸ் (பாதி முகம் தளர்ச்சி): உடலின் ஒரு பக்கத்தில் பலவீனம்
உணர்வின்மை, வழக்கமாக உடலின் ஒரு பக்கத்தில்
டைசர்த்ரியா (நாக்குழறல்): பேசுவதில் சிரமம் மற்றும்/அல்லது தெளிவற்ற பேச்சு
டிஸ்ஃபேசியா, அல்லது மொழிக் குறைபாடு: பேசும் மற்றும் எழுதப்பட்ட மொழியைப் புரிந்துகொள்ளும் திறன் குறைபாடு
குழப்பம்: பேசுவதிலும் பேச்சைப் புரிந்துகொள்வதிலும் சிரமம்
ஏதேனும் ஒரு கண்ணில் அல்லது இரண்டு கண்களிலும் பார்வைப் பிரச்சினைகள்
இயக்கப் பிரச்சினைகள்: நடப்பதில் சிரமம்; கிறுகிறுப்பு; உடல் சமநிலை மற்றும் ஒருங்கிணைப்பில் சிரமங்கள்
அறியப்பட்ட காரணம் எதுவுமின்றி கடுமையான தலைவலி

இந்த ஹால்மார்க் அறிகுறிகள் எப்போதும் பக்கவாதத்தில் ஏற்படாமல் போகலாம், அல்லது பக்கவாதத்தின் வகையைப் பொறுத்து பிற நோய்க்குறிகளுடன் ஏற்படக்கூடும். பக்கவாதத்தின் வகையானது, மூளையின் பக்கவாட்டுப் பகுதி (வலது அல்லது இடது) உட்பட, மூளையின் பாதிக்கப்பட்ட பகுதியைப் பொறுத்தது.

பக்கவாதம் முதலில் ஏற்பட்டவுடன் சில அறிகுறிகள் உடனடியாகத் தோன்றும், மற்றவை சிறிது நேரத்திற்குப் பிறகு தோன்றக்கூடும். கூடுதலாக, சில அறிகுறிகள் நீண்ட காலம் நீடிக்கும், அதே சமயம் திறன் இழப்பு (உதாரணமாக பேச்சு, பார்வை) சம்பந்தப்பட்ட சில அறிகுறிகள் சில நேரங்களில் பகுதியளவு குணமாகலாம்.

பக்கவாத நோய்க்குறிகள் பற்றிய கூடுதல் தகவல்களை, கூடுதல் தகவல் பிரிவில் காணலாம்: பக்கவாத நோய்க்குறிகள் பற்றி கட்டுரையின் இறுதியில் குறிப்பிடப்பட்டுள்ளன.

சிகிச்சை மற்றும் ஆதரவு

இரத்தநாளம் சார்ந்த முதுமைக்கால மறதி நோயானது, இரத்தநாளம் சார்ந்த உடல்நலப் பிரச்சினைகளுடன் அதிகம் தொடர்புடையது என்பதால், இரத்தநாளம் சார்ந்த முதுமைக்கால மறதி நோயுடன் வாழ்பவர்கள் தங்கள் உணவுமுறை மற்றும் உடல் செயல்பாடுகளின் அளவை மேம்படுத்துவதன் மூலம் அவர்களின் ஒட்டுமொத்த இதய ஆரோக்கியத்தை மேம்படுத்த்துவதற்கு நடவடிக்கை எடுக்க அறிவுறுத்தப்படலாம்.

முதுமைக்கால மறதி நோய் தொடர்பான ஆரோக்கிய நிலைமைகளுக்குச் சிகிச்சையளித்தல் மற்றும் ஆதரித்தல்

இரத்தநாளம் சார்ந்த முதுமைக்கால மறதி நோயின் நோயறிதலுக்குப் பிறகு சிகிச்சை மற்றும் ஆதரவானது, முதுமைக்கால மறதி நோயை ஏற்படுத்திய ஆரோக்கிய நிலைமைகளுக்கான சிகிச்சையுடன் சேர்த்து அளிக்கப்படலாம். உதாரணமாக, ஒருவருக்கு பக்கவாதம் ஏற்பட்டு அது இரத்தநாளம் சார்ந்த முதுமைக்கால மறதி நோயை ஏற்படுத்தியிருந்தால், அந்த நபர் பக்கவாதத்திற்குப் பிந்தைய பிரச்சினைகளைச் சரிசெய்ய, உடல் ரீதியான சிகிச்சை, பேச்சு சிகிச்சை மற்றும் தொழில்வழிச் சிகிச்சை போன்ற மறுவாழ்வுச் சிகிச்சைகளை எடுத்துக்கொள்ளும்போது பக்கவாதத்திற்குப் பிந்தைய சிகிச்சைக்கான மருந்துகளை எடுத்துக்கொள்ளக்கூடும்.

நடைமுறை, உளவியல் மற்றும் மனவுணர்வு சார்ந்த ஆதரவு

இரத்தநாளம் சார்ந்த முதுமைக்கால மறதி நோயை அனுபவிப்பதும் அதற்கு ஏற்ப மாறுவதும் இந்த நிலையை அனுபவிக்கும் நபருக்கும், அவர்களது குடும்பத்தினருக்கும், நண்பர்களுக்கும் எளிதானதல்ல. எனவே, ஆதரவைப் பெறுவது முக்கியமாகும். உங்கள் சமூகத்தின் ஆதரவைத் தவிர, ஆதரவுச் சேவைகளும் கிடைக்கின்றன. உதாரணமாக, முதுமைக்கால மறதி நோய் இருப்பதாகக் கண்டறியப்பட்ட நபர்களுக்கும் குடும்பப் பராமரிப்பாளர்களுக்கும் நோயறிதலுக்குப் பிறகு ஒரு குறிப்பிட்ட காலத்திற்கு வழிகாட்ட உதவும் நோயறிதலுக்குப் பிந்தைய ஆதரவுத் திட்டங்கள் உள்ளன.

கிடைக்கக்கூடிய ஆதரவுச் சேவைகள் பற்றிய கூடுதல் தகவல்களுக்கு, மக்கள்தொடர்புக் குழுவை (CREST) தொடர்பு கொள்ளவும்.

அபாயங்கள்

இரத்தநாளம் சார்ந்த முதுமைக்கால மறதி நோய் உருவாகும் ஆபத்தானது, ஒருவரின் இரத்தநாளம் சார்ந்த ஆரோக்கியத்தைப் பாதிக்கும் விஷயங்களுடன் நெருக்கமாகத் தொடர்புடையது. இரத்தநாளம் சார்ந்த முதுமைக்கால மறதி நோய் உருவாவதற்கான சில ஆபத்து காரணிகள் பின்வருமாறு:

உயர் இரத்த அழுத்தம்
உயர் இரத்தக் கொழுப்பு
நீரிழிவு நோய்
உடற்பருமன்
புகைப்பிடித்தல்
வயது மூப்பு

எனக்கு இரத்தநாளம் சார்ந்த முதுமைக்கால மறதி நோய் உருவாகும் அபாயத்தை நான் எவ்வாறு குறைக்கலாம்?

பொதுவாக, ஒருவரின் இரத்தநாள அமைப்பை ஆரோக்கியமாக வைத்திருப்பதும், ஆரோக்கியமான வாழ்க்கை முறையைப் பராமரிப்பதும் இரத்தநாளம் சார்ந்த முதுமைக்கால மறதி நோய் உருவாகும் அபாயத்தைக் குறைக்க உதவுகிறது.

ஒருவரின் இரத்தநாள அமைப்பை ஆரோக்கியமாக வைத்திருப்பதற்கான வழிகள்:

சமச்சீர் உணவுமுறையைப் பின்பற்றுங்கள்

உப்பு, சர்க்கரை மற்றும் கொழுப்பு ஆகியவற்றை மிதமாக உட்கொள்ளுங்கள்
போதுமான பழங்கள் மற்றும் காய்கறிகளை சாப்பிடுங்கள்
வெள்ளை அரிசி அல்லது மைதா ரொட்டி போன்ற சுத்திகரிக்கப்பட்ட மாவுச்சத்துக்களுக்கு பதிலாக முழு தானியங்களை அதிகம் உட்கொள்ளுங்கள்
இரத்தமுள்ள இறைச்சிக்குப் பதிலாக மீன் மற்றும் பீன்ஸ் போன்ற ஆரோக்கியமான கொழுப்புகள் கொண்ட புரதம் நிறைந்த உணவுகளை அதிகம் உட்கொள்ளுங்கள்

உடல்ரீதியாக சுறுசுறுப்பாக இருங்கள்

வாரத்திற்கு 150 நிமிடங்கள் மிதமான தீவிரம் கொண்ட உடல்ரீதியான நடவடிக்கையில் ஈடுபட வேண்டும் என்று பரிந்துரைக்கப்படுகிறது
ஏரோபிக் உடற்பயிற்சி (உங்கள் இதயத் துடிப்பு மற்றும் சுவாசத்தை விரைவுபடுத்தும் உடற்பயிற்சி), வலுவேற்றும் உடற்பயிற்சி (தசை நிறையைப் பராமரிக்கின்ற மற்றும் உருவாக்குகின்ற உடற்பயிற்சி), நீட்சிப் பயிற்சி மற்றும் உடல் சமநிலைப் பயிற்சிகளை கலந்து மேற்கொள்ளுங்கள்

போதுமான தூக்கம் கிடைக்கும்

பொதுவாக, போதுமான தூக்கம் பெறுவது கடுமையான உடல்நலப் பிரச்சினைகளுக்கான ஆபத்தைக் குறைக்கிறது

மனஉளைச்சலை நிர்வகியுங்கள்

மன உளைச்சலை, குறிப்பாக நீண்டகால மன உளைச்சலை நிர்வகிப்பது இதய ஆரோக்கியத்தையும் மனநிலையையும் மேம்படுத்தலாம், இது இரத்தநாளம் சார்ந்த முதுமைக்கால மறதி நோய் ஏற்படும் அபாயத்தைக் குறைக்கிறது.

புகைபிடிப்பதைத் தவிர்க்கவும் அல்லது குறைக்கவும்

புகைபிடித்தல் இரத்த நாளங்களைச் சேதப்படுத்துகிறது, இது இரத்தநாளம் சார்ந்த முதுமைக்கால மறதி நோய் ஏற்படும் வாய்ப்பை அதிகப்படுத்தலாம்.

சமூக ஈடுபாட்டுடனும் தொடர்பிலும் இருங்கள்

மற்றவர்களுடன் தொடர்பில் இருப்பது மன உளைச்சல் அளவைக் கட்டுப்படுத்த உதவுகிறது, இது இரத்தநாளத்தின் ஆரோக்கியத்திற்கு நல்லது.
நீங்கள் தொடர்பில் இருக்கக்கூடிய சில வழிகளில் அடங்குவன: துடிப்புடன் மூப்படைதற்கான நிலையங்களுக்குச் செல்வது, மற்றவர்களுடன் சேர்ந்து உங்கள் சமூகத்தில் தொண்டூழியம் புரிவது, சேர்ந்து சாப்பிடுவதற்கான சந்தர்ப்பங்களை ஏற்பாடு செய்தல் அல்லது நண்பர்கள் மற்றும்/அல்லது குடும்பத்தினரை ஒன்றாக ஓய்வு நேர நடவடிக்கைகளில் ஈடுபடுமாறு கேட்டல்

மனரீதியாக சுறுசுறுப்புடன் இருங்கள்

உங்களுக்கு நீங்களே மனதளவில் சவால் விடும் செயல்களில் ஈடுபடுங்கள். எடுத்துக்காட்டுக்கு:

உங்கள் படைப்பாற்றலை வெளிப்படுத்தும் விஷயங்களைச் செய்தல் (கலை நடவடிக்கைகள், தோட்ட வேலை போன்றவை)
புதிய திறன்களைக் கற்றுக்கொள்ளுதல்
விளையாட்டுகளை விளையாடுதல்
மற்றவர்களுடன் கலந்துரையாடுதல்

இரத்தநாளம் சார்ந்த முதுமைக்கால மறதி நோய் ஏற்படும் அபாயத்தைக் குறைப்பது பற்றி மேலும் அறிய சுகாதார மேம்பாட்டு வாரியத்தின் இந்தக் காணொளியைப் பாருங்கள்.

முதுமைக்கால மறதி நோய் ஏற்படும் அபாயத்தைக் குறைப்பது பற்றி இங்கே மேலும் அறிக.

எப்படி உதவி பெறுவது:
உங்களுக்கோ அல்லது உங்களுக்குத் தெரிந்த ஒருவருக்கோ இரத்தநாளம் சார்ந்த முதுமைக்கால மறதி நோய் இருந்தால், ஆதரவு அல்லது தகவல்கள் தேவைப்பட்டால், ஆதரவைப் பெறுவது பற்றி மேலும் அறிய மக்கள்தொடர்புக் குழு (CREST)-ஐத் தொடர்பு கொள்ளவும் அல்லது 6377 0700 என்ற டிமென்ஷியா சிங்கப்பூரின் உதவித் தொலைப்பேசி எண்ணை அழைக்கவும்.

கூடுதல் தகவல்கள்: பக்கவாத நோய்க்குறிகள்

பக்கவாத நோய்க்குறி என்பது பக்கவாதத்தால் ஏற்படும் அறிகுறிகளின் தொகுப்பாகும்.

சிறுமூளை சார்ந்த பக்கவாத நோய்க்குறி

இரத்தநாள அடைப்பு அல்லது இரத்தப்போக்கானது சிறுமூளையின் ஒரு பகுதிக்கு இரத்த ஓட்டத்தைத் தடுக்கும்போது சிறுமூளை சார்ந்த பக்கவாதம் ஏற்படுகிறது.
சிறுமூளை சார்ந்த பக்கவாதம் அரிதானது, மேலும் இது 10% -க்கும் குறைவான பக்கவாதங்களையே ஏற்படுத்துகிறது³
சிறுமூளை சார்ந்த பக்கவாதத்தின் அறிகுறிகள் பின்வருமாறு:
- ஒரு பக்கமாக விழுவது போன்ற உணர்வுடன் கிறுகிறுப்பு மற்றும் தலைச்சுற்றல் (சிறுமூளை சார்ந்த பக்கவாதத்தால் பாதிக்கப்பட்ட 75% பேரிடம் இது நிகழ்கிறது)⁴
- குமட்டல் மற்றும் வாந்தி (50% நிகழ்வுகளில் ஏற்படுகிறது ⁴
- நடப்பதில் சிரமம்
- உடல் ஒருங்கிணைப்பில் சிரமம்
- நடுக்கம்
- தலைவலிகள்
- தெளிவற்ற பேச்சு
- பேசுவதற்குச் சிரமம்
- இரட்டைப் பார்வை

பான்ட்டைன் ஸ்ட்ரோக் நோய்க்குறி

மூளைத் தண்டின் மூளைப்பாலம் (போன்ஸ்) எனப்படும் பகுதிக்கு இரத்த ஓட்டம் தடைபடுவதால், இரத்தநாள அடைப்பு அல்லது இரத்தப்போக்கு ஏற்படும் போது, பான்ட்டைன் ஸ்ட்ரோக் ஏற்படுகிறது.
பான்ட்டைன் பக்கவாதம் பொதுவானது, இது சுமார் 7% பக்கவாதங்களுக்குக் காரணமாக உள்ளது. ⁵
மூளைப்பாலம் மற்றும் மூளைத் தண்டு பக்கவாத அறிகுறிகள், ஹால்மார்க் பக்கவாத அறிகுறிகளில் இருந்து வேறுபடலாம், மேலும் பின்வருவனவற்றை உள்ளடக்கியிருக்கலாம்:
- கிறுகிறுப்பு, தலைச்சுற்றல் மற்றும் கடுமையான உடல் சமநிலை பிரச்சினைகள்
- இரட்டைப் பார்வை
- தெளிவற்ற பேச்சு
- விழுங்குவதில் சிரமங்கள்
- குறைந்த விழிப்புணர்வு
- உடலியக்கம் மற்றும்/அல்லது உணர்திறன் குறைபாடு
- ஹெமிபரேசிஸ் (பாதி முகம் தளர்ச்சி): உடலின் ஒரு பக்கத்தில் உள்ள முகம், கரங்கள் மற்றும் கால்களில் பலவீனம் மற்றும் விகாரம்

ஃப்ரண்டல் லோப் ஸ்ட்ரோக் நோய்க்குறி

மூளையின் பெருமூளைப் புறணியின் முன்பக்க மடல்களுக்கு இரத்த ஓட்டத்தை இரத்த நாள அடைப்பு அல்லது இரத்தக்கசிவு தடுக்கும்போது ஃப்ரண்டல் லோப் ஸ்ட்ரோக் ஏற்படுகிறது.
ஃப்ரண்டல் ஸ்ட்ரோக்கின் அறிகுறிகள் பின்வருமாறு:
- ஹெமிபரேசிஸ் (பாதி முகம் தளர்ச்சி)
- பேச்சுப் பிரச்சினைகள்
- விழுங்குவதில் சிரமங்கள்
- கட்டுப்பாடின்மை
- இடஞ்சார்ந்த பகுத்தறிவில் உள்ள சிரமங்கள்
- நடத்தை மற்றும் ஆளுமையில் ஏற்படும் மாற்றங்கள்
- பகுத்தறிவு, தீர்மானிப்புத் திறன், முடிவெடுத்தல் மற்றும் பிரச்சினையைத் தீர்க்கும் திறன் போன்ற நிர்வாக செயல்பாட்டுத் திறன்களில் சிரமங்கள்

டெம்போரல் லோப் ஸ்ட்ரோக் நோய்க்குறி

மூளையின் பெருமூளைப் புறணியின் மூளைப்பக்க மடல்களுக்கு இரத்த ஓட்டத்தை இரத்த நாள அடைப்பு அல்லது இரத்தக்கசிவு தடுக்கும்போது டெம்போரல் லோப் ஸ்ட்ரோக் ஏற்படுகிறது.
டெம்போரல் லோப் ஸ்ட்ரோக்கின் அறிகுறிகள் பின்வருமாறு:
- பேச்சுப் பிரச்சினைகள்
  - வெர்னிக்கின் அஃபாசியா (பேச்சிழப்பு): ஒரு நபர் தன்னிடம் பேசப்படும் மொழியின் அர்த்தத்தைப் புரிந்து கொள்ளவோ அல்லது அர்த்தமுள்ள மொழியை உருவாக்கவோ முடியாத ஒரு நிலை.
- கேட்குந்திறன் பிரச்சினைகள்
  - கேட்கும் திறன் குறைபாடானது, லேசான கேட்கும் திறன் இழப்பு முதல் அரிதான முழுமையாகக் கேட்கும் திறன் இழப்பு வரை இருக்கலாம்
  - ஒலிகளைச் செயலாக்குவதில் சிரமங்கள்
  - கேட்டல் சார்ந்த மாயைகள்
- கோபம் அல்லது ஆக்ரோஷம், அல்லது ஆர்வமின்மை போன்ற உணர்ச்சி சார்ந்த மாற்றங்கள்
- நினைவாற்றல் குறைபாடுகள்

பாரியட்டல் லோப் ஸ்ட்ரோக் நோய்க்குறி

மூளையின் பெருமூளைப் புறணியின் மண்டை உச்சிப் பக்க மடல்களுக்கு இரத்த ஓட்டத்தை இரத்த நாள அடைப்பு அல்லது இரத்தக்கசிவு தடுக்கும்போது பாரியட்டல் லோப் ஸ்ட்ரோக் ஏற்படுகிறது.
பாரியட்டல் லோப் ஸ்ட்ரோக்கின் அறிகுறிகளானது, இடது அல்லது வலது மண்டை உச்சிப் பக்க மடல் பாதிக்கப்பட்டுள்ளதா, மேலும் தனிநபரின் மூளையின் எந்தப் பக்கம் சில செயல்பாடுகளுக்கு (எ.கா. மொழி, மனக் கணக்கீடுகள்) அதிக ஆதிக்கம் செலுத்துகிறது என்பதைப் பொறுத்தது.
பெரும்பாலான சந்தர்ப்பங்களில், வலது பக்க பாரிட்டல் லோப் ஸ்ட்ரோக் இதற்கு வழிவகுக்கிறது:
- உடலின் இடது பக்கத்தில் பரேஸ்தீசியா (வற்றுணர்வு), அல்லது அசாதாரண உணர்வுகள்
- உடலின் இடது பக்கத்தில் பலவீனம்
- அரைக்கோள புறக்கணிப்பு: உடலின் இடது பக்கம் மற்றும் இடது பக்கச் சுற்றுச்சூழல் குறித்த விழிப்புணர்வு குறைதல்
- உடலின் இடது பக்கத்தில் சுற்றுச்சூழலைப் பற்றிய இடஞ்சார்ந்த விழிப்புணர்வு குறைபாடு
- வரைபடங்களை நகலெடுப்பதில் உள்ள சிரமங்கள்
- திசை உணர்விலும், காட்சி மற்றும் இடஞ்சார்ந்த நினைவாற்றலிலும் சிரமங்கள்
- அனோசோக்னோசியா (குறை அறியாமை): பக்கவாத அறிகுறிகள் குறித்த விழிப்புணர்வு இல்லாமை, அல்லது பக்கவாதம் ஏற்பட்டிருக்கிறதா என்பது கூட அறியாமல் இருத்தல்
பெரும்பாலான சந்தர்ப்பங்களில், இடது பக்க பாரிட்டல் லோப் ஸ்ட்ரோக் இதற்கு வழிவகுக்கிறது:
- உடலின் இடது பக்கத்தில் பரேஸ்தீசியா (வற்றுணர்வு), பலவீனம், அரைக்கோளப் புறக்கணிப்பு மற்றும்/அல்லது பலவீனமான இடஞ்சார்ந்த விழிப்புணர்வு
- வலது-இடது குழப்பம்: ஒருவரின் உடல் அல்லது சூழலின் இடது அல்லது வலது பக்கங்களுக்கு சுயத்தை நோக்குநிலைப்படுத்துவதில் சிரமம்
- அக்னோசியா (நுண்ணுணர்விழப்பு): பொருட்களை அடையாளம் காண்பதில் சிரமம்
- அகால்குலியா (கணிப்பாற்றல் இழப்பு): எண்ணுவதில் சிரமம்
- அஃபாசியா (பேச்சிழப்பு): பேச்சு மற்றும் மொழிப் பிரச்சினைகள்; பாரிட்டல் லோப் (மண்டை உச்சிப் பக்க மடல்) சேதமானது மற்றவர்களின் பேச்சை திரும்பச் சொல்ல இயலாமைக்கும் வழிவகுக்கலாம்
- அக்ராஃபியா (எழுத இயலாமை): எழுதுவதில் சிரமம்

ஆக்ஸிபிடல் லோப் ஸ்ட்ரோக் நோய்க்குறி

மூளையின் பெருமூளைப் புறணியின் பின்மடல்களுக்கு இரத்த ஓட்டத்தை இரத்த நாள அடைப்பு அல்லது இரத்தக்கசிவு தடுக்கும்போது ஆக்ஸிபிடல் லோப் ஸ்ட்ரோக் ஏற்படுகிறது.
மூளையின் பிற மடல்களில் (மூளைப்பக்க, மண்டை உச்சிப் பக்க மற்றும் முன்பக்க மடல்கள்) ஏற்படும் பக்கவாதங்களை விட, ஆக்ஸிபிடல் லோப் ஸ்ட்ரோக்குகள் அரிதாகவே ஏற்படுகின்றன.
ஒரு நபரின் காட்சி மற்றும் இடஞ்சார்ந்த தகவல்களை உணர்கின்ற, செயலாக்குகின்ற மற்றும் நினைவில் கொள்கின்ற திறனில் ஆக்ஸிபிடல் லோப்கள் முக்கியமான செயல்பாடுகளைச் செய்வதால், மூளையின் இந்தப் பகுதியைப் பாதிக்கும் பக்கவாதங்கள் இந்தத் திறன்களைக் கடுமையாகப் பாதிக்கலாம்
- ஆக்ஸிபிடல் லோப் ஸ்ட்ரோக்கின் அறிகுறிகள் பின்வருமாறு:
- பார்வை இழப்பு:
  - ஹீயானோபியா: ஒருவரின் பார்வைப் புலத்தின் ஒரு பக்கத்தில் குருட்டுத்தன்மை
    - பின்மடலின் ஒரு பக்கத்தைப் பாதிக்கும் ஒரு பக்கவாதமானது, பாதிக்கப்பட்ட மூளைப் பகுதிக்கு எதிரே உள்ள பார்வைப் புலத்தைப் பாதிக்கும்; எடுத்துக்காட்டாக, இடது பின்மடலுக்கு ஏற்படும் சேதமானது பார்வைப் புலத்தின் வலது பாதியில் பார்வை இழப்பை ஏற்படுத்துகிறது.

- - குவாட்ரான்டனோபியா (கால் பார்வைக் குறை): ஒரு நபரின் பார்வைப் புலத்தில் ஒரு கால் பகுதியில் குருட்டுத்தன்மை
  - மையப் பார்வை இழப்பு: உங்கள் பார்வைப் புலத்தின் மையத்தில் (நடுவில்) பார்வையிழப்பு
  - முழுமையான புறணிக் குருடு: புறணிக் குருடு என்பது மூளையின் புறணிப் பகுதியில் ஏற்படும் சேதத்தின் காரணமாக ஏற்படும் முழுமையான பார்வை இழப்பு என்று அர்த்தமாகும்; இந்தப் பார்வை இழப்பு கண்களில் ஏற்படும் மாற்றங்களால் ஏற்படுவதில்லை.
    - ஆண்டன் நோய்க்குறி: சில அரிதான சந்தர்ப்பங்களில், புறணி குருடு உள்ளவர்களுக்கு, அதற்கான சான்றுகள் காட்டப்பட்டாலும், அவர்கள் பார்வையற்றவர்கள் என்பது அவர்களுக்குத் தெரியாமல் இருக்கலாம்
- காட்சிசார் நுண்ணுணர்விழப்பு: பார்வையால் பொருட்களை அடையாளம் காணும் திறன்
- ப்ரோசோபக்னோசியா (முகங்களை அடையாளம் காண இயலாமை), அல்லது முகக் குருட்டுத்தன்மை: மக்களின் முகங்களை அடையாளம் காணும் திறன்
  - வார்த்தைக் குருட்டுத்தன்மை: சிலரால் எழுத்துக்களை அடையாளம் காணவும் வார்த்தைகளை உச்சரிக்கவும் முடியும், ஆனால் வார்த்தைகளை அடையாளம் காண முடியாது
- காட்சிசார் மாயத்தோற்றங்கள்: அரிதாக இருந்தாலும், தீப்பொறிகள் மற்றும் விளக்குகள் போன்ற உண்மையான காட்சிசார் தூண்டுதல்களிலிருந்து உருவாகாத படங்களை மக்கள் தங்கள் சூழலில் காணலாம்
- அக்ராஃபியா (எழுத இயலாமை) இல்லாத அலெக்ஸியா (வாசிக்க இயலாமை): எழுதும் திறனில் சிரமங்கள் இல்லாமல் வாசிக்க இயலாமை
- கண் இயக்கத்தில் சிரமம்
  - நிஸ்டாக்மஸ் (அலையும் விழி): கட்டுப்பாடற்ற, நிலையான மற்றும் விரைவான கண் அசைவுகள்
  - கண் அசைவுகளைக் கட்டுப்படுத்துதல்: வெவ்வேறு கண் பாகங்களின் இயக்கங்களை நிர்வகிக்கின்ற தசைகளைக் கட்டுப்படுத்தும் நரம்புகள் பாதிக்கப்படலாம், இதனால் கண் தவறான சீரமைப்பு மற்றும் இரட்டைப் பார்வை, பொருட்களைப் பின்தொடர்வதில் சிரமங்கள், ஒளி தீவிரத்தன்மையில் ஏற்படும் மாற்றங்களுக்கு ஏற்ப தழுவுவதில் சிரமங்கள் மற்றும் கண் இமை தொங்குதல் ஆகியவை ஏற்படலாம்.

இந்தக் கட்டுரை பயனுள்ளதாக இருந்ததா?

ஆம் இல்லை

அடுத்து படிக்கவும்

முதுமைக்கால மறதி நோயின் மாறுபட்ட வகைகள்

மேலும் வாசிக்க »

மாற்றக்கூடிய ஆபத்து காரணிகள் மற்றும் ஆபத்தைக் குறைத்தல்

மேலும் வாசிக்க »

முதுமைக்கால மறதி நோயைக் கண்டறிவதற்கான சோதனையைச் செய்துகொள்வதன் நன்மைகள்

மேலும் வாசிக்க »

Health Promotion Board. (n.d.). Let’s talk about Vascular Dementia. HealthHub. https://www.healthhub.sg/programmes/mindsg/vascular-dementia
Chiew, H. J. (2021, July 5). Young-onset dementia: Improving outcomes with early recognition at Primary Care. SingHealth. https://www.singhealth.com.sg/news/defining-med/Young-Onset-Dementia
Ng, Z. X., Yang, W. R. E., Seet, E., Koh, K. M., Teo, K. J., Low, S. W., Chou, N., Yeo, T. T., & Venketasubramanian, N. (2015). Cerebellar strokes: A clinical outcome review of 79 cases. Singapore Medical Journal, 56(03), 145–149. https://doi.org/10.11622/smedj.2014195
Ioannides K, Tadi P, Naqvi IA. Cerebellar Infarct. [Updated 2022 May 8]. In: StatPearls [Internet]. Treasure Island (FL): StatPearls Publishing; 2023 Jan-. Available from: https://www.ncbi.nlm.nih.gov/books/NBK470416/
Huang, J., Qiu, Z., Zhou, P., Li, J., Chen, Y., Huang, R., Li, C., Ouyang, X., Feng, H., Xu, H., Liu, D., Dai, Z., Zhu, J., Liu, X., Chen, H., & Jiang, Y. (2019). Topographic location of unisolated pontine infarction. BMC Neurology, 19(1), 1-6. https://doi.org/10.1186/s12883-019-1411-6

The post வாஸ்குலர் டிமென்ஷியா appeared first on DementiaHub.SG.

ஆல்சைமர் நோய்

aleene.chow — Thu, 27 Feb 2025 01:12:54 +0000

கவனமாகக் கேளுங்கள்

6 நிமிட வாசிப்பு

https://www.dementiahub.sg/wp-content/uploads/speaker/post-74074.mp3?cb=1770867407.mp3

ஆல்சைமர் நோய் என்பது மிகவும் நன்கு தெரிந்த மற்றும் ஆராய்ச்சி செய்யப்பட்ட முதுமைக்கால மறதி நோயின் வகையாகும், இது நியோகார்டெக்ஸில் உள்ள செல்லுலார் மட்டத்தில் நிகழும் மாற்றங்களால் ஏற்படுகிறது. நாங்கள் ஆல்சைமர் நோய் ஏற்படுவதற்கான காரணங்கள், அறிகுறிகள், பரவலான நிலை மற்றும் ஆபத்து பற்றிய பொதுவான விளக்கத்தை வழங்குகிறோம்.

இந்த கட்டுரையில்

ஆல்சைமர் நோய் என்றால் என்ன?
ஆல்சைமர் நோய் எவ்வளவு பொதுவானது?
ஆல்சைமர் நோயின் முக்கிய அறிகுறிகள்
ஆல்சைமர் நோய்க்கான மரபணு ஆபத்து
அபாயத்தை நிர்வகித்தல்
நோயறிதல் சோதனை
எனக்கோ அல்லது என் அன்புக்குரியவருக்கோ நான் எவ்வாறு ஆதரவைப் பெறுவது?
கூடுதல் வளஆதாரங்கள்

ஆல்சைமர் நோய் என்றால் என்ன?

ஆல்சைமர் நோய் (AD) என்பது முதுமைக்கால மறதி நோயின் மிகவும் பொதுவான வகையாகும், கண்டறியப்படும் அனைத்து முதுமைக்கால மறதி நோய் வகைகளில் இந்த ஆல்சைமர் நோய் (AD) 60-80% இடம் வகிப்பதாக மதிப்பிடப்பட்டுள்ளது ¹. இது வீரியம் அடையக்கூடிய நரம்பியல் மற்றும் அறிவாற்றல் சார்ந்த நோயாகும், அதாவது மற்ற உடல்நலப் பிரச்சனைகள் இருப்பதைத் தவிர்த்து காலப்போக்கில் இதன் அறிகுறிகள் படிப்படியாக மோசமடையும். மூளையில் செல்லுலார் மட்டத்தில் மாற்றங்கள் ஏற்படுவதாலும், வயதுக்கு ஏற்பவும் இது மெதுவாக வீரியமடைகிறது. ஆல்சைமர் நோயின் முக்கிய அறிகுறி மூளையில் உள்ள நியூரான்களைச் சுற்றி அமிலாய்டு-பீட்டா புரதங்கள் அசாதாரண முறையில் படிவது ஆகும்.

அமிலாய்டு-பீட்டா புரதங்கள் ஆல்சைமர் நோய்க்கு எவ்வாறு வழிவகுக்கிறது?

(படம்: ஆரோக்கியமான மூளையின் அமைப்பும் ஆல்சைமர் நோயின்போது அவதானிக்கப்பட்ட மூளையின் அமைப்பும், adapted from Brejyeh and Karaman, 2020)

பொதுவாக, இந்தப் புரதங்கள் கழிவுகளாக அப்புறப்படுத்தப்படுகின்றன, ஆனால் இந்தச் செயல்முறைக்கு புரதங்களை வெட்டும் மூன்று நொதிகளின் (α-, β- மற்றும் γ-செக்ரெடேஸ்) முறையான ஈடுபாடு தேவைப்படுகிறது. இந்த நொதிகளில் ஏதேனும் ஒன்று அசாதாரண செயல்பாட்டை வெளிப்படுத்தும்போது, பீட்டா-அமிலாய்டு புரதங்கள் நியூரான்களின் வெளிப்புறத்தைச் சுற்றி படிந்து, படலங்களை உருவாக்குகின்றன, இவை நியூரான்களுக்கு இடையிலான தகவல்தொடர்புக்கு இடையூறாக இருக்கின்றன. இது இறுதியில் நியூரான்களின் செல் இறப்புக்கும், மொழி, நினைவகம் மற்றும் திட்டமிடலுக்குத் தேவையான பகுதிகளில் உள்ள கார்டெக்ஸ் எனப்படும் புறணி (மூளைத் திசு) சுருங்குவதற்கும் வழிவகுக்கிறது.

கூடுதல் தகவல்கள் ஆல்சைமர் நோய்க்கான டௌ விளக்கம்

மற்றொரு பொதுவான விளக்கம் என்னவென்றால், நியூரான் செல்களுக்குள் டௌ புரதத்தால் ஆன நச்சுக் கட்டிகள் உருவாகுவதாகும். இந்த நச்சுக்கட்டிகள் நியூரோஃபைப்ரிலரி டேங்கிள்கள் (மூளையிலுள்ள நியூரான்களுக்குள் உருவாகும் புரதங்களின் நச்சுக்கட்டிகள்) என்று அழைக்கப்படுகின்றன, இவை இரண்டும் ஒரு நபருக்கு ஆல்சைமர் நோய் இருக்கிறதா என்பதைக் குறிக்கும் உயிரியல் குறிகாட்டிகளாகக் கருதப்பட்டாலும், ஆல்சைமர் நோய் இல்லாத வயதானவர்களின் மூளைகளில் அமிலாய்டு புரத படலங்கள் சிதறிய நிலையில் பொதுவாகக் காணப்படுகின்றன. நியூரோஃபைப்ரில்லரி நச்சுக்கட்டிகள் சிதைக்கப்பட்ட நியூரைட்டுகளில் அமிலாய்டு புரதம் அதிக அடர்த்தியாக நிரம்பியிருக்கும் நியூரிடிக் படலங்கள் ஆனது ஆல்சைமர் நோய்க்கான மிகவும் குறிப்பிட்ட குறிப்பானாகக் கருதப்படுகின்றன.

ஆல்சைமர் நோய் எவ்வளவு பொதுவானது?

படம்: வயது வாரியாக அமிலாய்டு-பீட்டா தொடர்பான ஆல்சைமர் நோயின் உலகளாவிய பரவல் நிலை, adapted from Gustavsson et. al)

முறையான நோயறிதலுக்கான அளவுகோலை விட அறிகுறியின் தீவிரம் குறைவாக உள்ளவர்களைத் தவிர்த்து (மருத்துவ ரீதியான அறிகுறிகளுக்கு முந்தைய ஆல்சைமர் நோய்), உலகளவில் சுமார் 32 மில்லியன் மக்களுக்கு ஆல்சைமர் நோயுள்ளதாக மதிப்பிடப்பட்டுள்ளது³.

ஆல்சைமர் நோயின் பரவல் நிலை குறித்து பார்க்கும்போது, வயது என்பது மிக முக்கியமான காரணியாக உள்ளது. 65 வயதைத் தாண்டி ஒவ்வொரு 5 வயது அதிகரிப்பிலும், ஆல்சைமர் நோயின் பரவல் நிலை தோராயமாக இரட்டிப்பாகிறது. 85 வயது மற்றும் அதற்கு மேற்பட்டவர்களிடத்தில் குறைந்தது 25% பேருக்கு ஆல்சைமர் நோய் இருப்பதாக மதிப்பிடப்பட்டுள்ளது.

ஆயுட்காலத்தில் காணப்படும் பாலின ரீதியான வித்தியாசங்களைக் கருத்தில் கொண்டு பார்த்தாலும் கூட, ஆண்களை விட பெண்களுக்கு ஆல்சைமர் நோய் வருவதற்கான வாய்ப்புகள் அதிகமாக உள்ளது.²

ஆல்சைமர் நோயின் முக்கிய அறிகுறிகள்

ஆல்சைமர் நோய் வீரியமடையும் செயல்பாட்டு மற்றும் அறிவாற்றல் குறைபாட்டை ஏற்படுத்துகிறது. பொதுவாக, நோயின் ஆரம்ப கட்டத்தில், இந்நோயுள்ள நபர் மருத்துவ ரீதியான அறிகுறிகளுக்கு முந்தைய நிலை எனப்படும் ஒரு கட்டத்திற்கு உட்படுவார், அதன்போது அறிகுறிகள் எதுவும் தோன்றாமல் இருக்கும் அல்லது மிகவும் லேசானதாக இருக்கும், அந்த நபருக்கு லேசான மறதி இருக்கும், ஆனால் அன்றாட நடவடிக்கைகளில் செயல்பாட்டு ரீதியான குறைபாடு எதுவும் தென்படாமல் இருக்கலாம்.

லேசான நிலையில், அந்த நபருக்கு ஒரு விஷயத்தில் கவனம் செலுத்துவதிலும் விஷயங்களை நியாபகம் வைத்துக் கொள்வதிலும் சிரமங்கள் இருக்கலாம். அவர்கள் தான் இருக்கும் இடம் மற்றும் நேரம் குறித்து புரிந்து கொள்ள முடியாத நிலையிலும் இருக்கலாம், மேலும் அவர்கள் மனநிலையில் ஏற்ற இறக்கங்கள் அல்லது சோர்வான மனநிலையையும் அனுபவிக்கக்கூடும்.

ஆல்சைமர் நோயின் மிதமானது முதல் தீவிரமான நிலையில், அந்த நபருக்கு நினைவுத்திறன் இழப்பு அதிகமாகும், அவருக்கு தனது குடும்பம் மற்றும் நண்பர்களை அடையாளம் காண்பதில் சிரமம் இருக்கலாம். அவரது உந்துசக்தி கட்டுப்பாடு, வாசிப்பு, எழுத்து மற்றும் பேச்சுத்திறன் பாதிக்கப்படலாம். இறுதியில், மூளையின் இயக்கச் செயல்பாட்டிற்கான பகுதிகள் பாதிக்கப்படும்போது மற்றும் விழுங்குவதிலும் சிறுநீர் கழிப்பதிலும் சிரமம் ஏற்படும்போது அவர் படுக்கையில் இருக்க நேரிடலாம்.

65 வயதிற்கு முன்பே அறிகுறிகள் தோன்றினால், அந்த நபருக்கு இளவயது ஆல்சைமர் நோய் இருப்பதாகக் கூறப்படுகிறது. பெரும்பாலான சூழல்களில் 65 வயதிற்குப் பிறகே இந்நோய் கண்டறியப்படுகின்றன, இது தாமதமாகத் தொடங்கும் ஆல்சைமர் நோய் என்று அழைக்கப்படுகிறது. தாமதமாகத் தொடங்கும் ஆல்சைமர் நோயில், கார்டெக்ஸ் மற்றும் ஹிப்போகாம்பஸில் (நினைவாற்றலுக்குப் பொறுப்பான மூளைப் பகுதி) கட்டமைப்பு மாற்றங்கள் லேசான அறிவாற்றல் குறைபாட்டுடன் மட்டுமே காணப்படுகின்றன. இந்நிலையில், அறிகுறிகளை சமாளித்து, அதிலிருந்து மீளவும் முடியும், அதனால்தான் ஆல்சைமர் நோய்க்கான முன்கூட்டியே பரிசோதிப்பது முன்கணிப்பில் பெரிய தாக்கத்தை ஏற்படுத்தும்

கலப்பு முதுமைக்கால மறதி நோய்: ஒன்றுக்கும் மேற்பட்ட முதுமைக்கால மறதி நோய்

ஒருவருக்கு கலப்பு முதுமைக்கால மறதி நோயும் ஏற்படலாம், இது ஒருவருக்கு ஒன்றுக்கும் மேற்பட்ட வகை முதுமைக்கால மறதி நோய் இருக்கும்போது ஏற்படுகிறது. கலப்பு முதுமைக்கால மறதி நோயின் பெரும்பாலான நிகழ்வுகள் ஆல்சைமர் மற்றும் இரத்தநாளம் சார்ந்த முதுமைக்கால மறதி நோயுடன் ஏற்படுகின்றன, ஏனெனில் இவை இரண்டும் முதுமைக்கால மறதி நோயின் மிகவும் பொதுவான இரண்டு வகைகளாக காணப்படுகின்றன. கலப்பு முதுமைக்கால மறதி நோய் உள்ளவர்களுக்கு இரண்டு வகை முதுமைக்கால மறதி நோயின் அறிகுறிகளும் இருக்கும், அவற்றுள் ஒரு வகை முதுமைக்கால மறதி நோயின் அறிகுறிகள் பெரும்பாலும் அதிகமாக

ஆல்சைமர் நோய்க்கான மரபணு ஆபத்து

தாமதமாகத் தொடங்கும் ஆல்சைமர் நோயுடன் ஒப்பிடுகையில், இளவயது ஆல்சைமர் நோய் ஆனது பரம்பரை மரபணு ஆபத்து காரணிகளால் ஏற்பட அதிக வாய்ப்புள்ளது. இதன் பொருள், உயிரியல் ரீதியாக உங்களுக்கு தொடர்புடைய ஒருவருக்கு இளவயது ஆல்சைமர் நோய் இருந்தால், உங்களுக்கு அந்த நோய் உருவாக அதிக வாய்ப்பு இருக்கலாம். ஆல்சைமர் நோயின் மரபணு ஆபத்து குறித்து ஒருவர் பரிசோதிக்கப்படும்போது, அவர் பின்வருவனவற்றிற்காக பரிசோதிக்கப்படுவார்:

இறுதியில் அமிலாய்டு-பீட்டா புரதங்களை உருவாக்குகின்ற புரதங்களுக்கான குறியீட்டு மரபணுக்களில் ஏற்படும் பிறழ்வுகள்.
அமிலாய்டு புரதத்தை அகற்றுவதில் ஈடுபடும் செக்ரெடேஸ் நொதிகளின் செயல்பாட்டைக் கட்டுப்படுத்தும் புரதங்களில் ஏற்படும் பிறழ்வுகள்.

நியூரான்களின் செல் சவ்வுக்கு அருகிலுள்ள கொலஸ்டிரால் (Cholesterol) அளவுகள், இவை செக்ரெடேஸ் நொதிகளின் செயல்பாட்டையும் பாதிக்கின்றன. அதிக கொலஸ்டிரால் அளவு நியூரான்களில் உள்ள லிப்பிட் வளர்சிதை மாற்ற மண்டலத்தின் (கொழுப்புகளின் சேமிப்பகம் மற்றும் செரிமான மண்டலம்) சமநிலையை சீர்குலைக்கிறது, இது அமிலாய்டு படலங்கள் விரைவாக உருவாவதை ஊக்குவிக்கிறது. இதன் காரணமாக, லிப்பிட் வளர்சிதை மாற்றத்தில் ஈடுபடும் அபோலிபோபுரோட்டீன் E (ApoE) எனப்படும் நியூரான்களுக்குள் இருக்கும் ஒரு புரதம், ஆல்சைமர் நோய் அபாயத்துடனான அதன் தொடர்பு குறித்தும் ஆராய்ச்சியாளர்களால் தீவிரமாக ஆய்வு செய்யப்படுகிறது. இந்தப் புரதத்தில் பல வடிவங்கள் உள்ளன, ஆனால் நம்மில் பெரும்பாலோருக்கு இதன் மூன்று பொதுவான வடிவங்களில் ஒன்றினுடைய மரபணுவே உள்ளது. ApoE2 மரபணு உள்ள நபர்களுக்கு ஆல்சைமர் நோய் ஏற்படுவதற்கான ஆபத்து குறைவாக உள்ளதாக கருதப்படுகிறது, அதே நேரத்தில் ApoE4 மரபணு உள்ள நபர்களுக்கு இளவயது அல்லது தாமதமாகத் தொடங்கும் ஆல்சைமர் நோய் ஏற்படுவதற்கான ஒட்டுமொத்த ஆபத்து அதிகமாக உள்ளது.

இந்தக் குறிப்பிட்ட மரபணுக்களைக் கொண்டிருப்பது ஆல்சைமர் நோய்க்கான அபாயத்தை அதிகரிக்கிறது என்கிறபோதிலும் இந்நோய் கண்டிப்பாக ஏற்படும் என்ற உத்தரவாதம் கிடையாது என்பதைக் கவனத்தில் கொள்ள வேண்டும். இத்தகைய மரபணு பரிசோதனைகள், ஆல்சைமர் நோய் ஏற்படும் அபாயத்தில் உள்ள நபர்களுக்கு ஆலோசனை வழங்க உதவுகின்றன, இதன் மூலம் அவர்கள் வாழ்க்கை முறை மாற்றங்களைச் செய்து இந்நோயின் அபாயத்தை நிர்வகிக்கலாம். இந்த மரபணு ஆபத்து காரணிகள் இளவயது ஆல்சைமர் நோய் ஏற்படுவதில் ஆதிக்கம் செலுத்துகின்றன, ஆனால் தாமதமாகத் தொடங்கும் ஆல்சைமர் நோயை உருவாக்கும் அபாயத்தில் கூடுதல் விளைவைக் கொண்டிருப்பதாகத் தோன்றும் 20க்கும் மேற்பட்ட மரபணுக்கள் உள்ளன.

அபாயத்தை நிர்வகித்தல்

ஆல்சைமர் நோய் லிப்பிட் வளர்சிதை மாற்றத்துடன் தொடர்புடையது என்பதால், உடல் பருமன், உயர் இரத்த அழுத்தம் மற்றும் டிஸ்லிபிடெமியா போன்ற பல நாள்பட்ட மருத்துவ நோய்களும் ஆல்சைமர் நோயுடன் தொடர்புடையதாக உள்ளன. எனவே, ஒருவரின் வாழ்க்கை முறை பழக்கவழக்கங்கள் இந்த நோய் ஏற்படுவதற்கான அபாயத்தை அதிகரிக்கக்கூடும். இவற்றுள் அடங்குவன:

போதிய உடற்பயிற்சி இல்லை
அடிக்கடி அல்லது அதிகம் மது அருந்துவது
புகைப்பழக்கம்
அதிக கொழுப்புள்ள அல்லது அதிக சர்க்கரையுள்ள உணவுமுறையைக் கொண்டிருப்பது
போதிய தூக்கம் இல்லை

வாழ்க்கை முறை மற்றும் மரபணு காரணிகளைத் தவிர, தலையில் காயம் மற்றும் காற்று மாசுபாடு மற்றும் கன உலோக வெளிப்பாடு போன்ற சுற்றுச்சூழல் காரணிகளும் ஆல்சைமர் நோய் ஏற்படுவதற்கான ஒருவரின் அபாயத்தை அதிகரிக்கக்கூடும். ஆல்சைமர் நோய் மற்றும் பிற வகை முதுமைக்கால மறதி நோய் ஏற்படுவதற்கான அபாயத்தை நிர்வகிப்பது பற்றி நீங்கள் இங்கே மேலும் படிக்கலாம்.

நோயறிதல் சோதனை

நோயறிதல் செயல்முறை பெரும்பாலும் அந்த நபரின் மருத்துவ வரலாறு மற்றும் கவனிக்கப்படும் அறிவாற்றல் மற்றும் நடத்தை ரீதியான மாற்றங்களை பரிசீலனை செய்வதன் மூலம் தொடங்குகிறது. அந்த நபர் எடுத்துக்கொள்ளும் மருந்துகள் பற்றியும், குடும்பத்தில் உள்ள பிறருக்கு ஆல்சைமர் நோய் இருப்பது கண்டறியப்பட்டதா என்பது குறித்தும் மருத்துவர் கேட்பார். அறிவாற்றல் மற்றும் நடத்தை அறிகுறிகள் கவலைக்குரியவையா என்பதையும், அவை தினசரி செயல்பாட்டைக் கணிசமாகப் பாதிக்கின்றனவா என்பதையும் தீர்மானிக்க, மினி-மென்டல் ஸ்டேட் எக்ஸாம் (MMSE) மற்றும் மாண்ட்ரீல் அறிவாற்றல் மதிப்பீடு (MoCA) போன்ற அறிவாற்றல், செயல்பாட்டு மற்றும் நடத்தை பரிசோதனைகளை மேற்கொள்ளுமாறு அந்த நபரிடம் கேட்கப்படலாம்.

இதைத் தொடர்ந்து பெரும்பாலும் மேக்னெட்டிக் ரெசோனன்ஸ் இமேஜிங் (MRI) அல்லது கம்ப்யூட்டட் டோமோகிராபி (CT) போன்ற மூளைக்கான இமேஜிங் ஸ்கேன்கள் செய்யப்படும். இது நோயறிதலை ஆதரிக்கும் வகையில், கார்டெக்ஸில் சுருக்கம் போன்ற கட்டமைப்பு மாற்றங்கள் ஏற்பட்டுள்ளதா, அல்லது ஆல்சைமர் நோயால் பாதிக்கப்பட்டவர்களுக்கு ஏற்படுவதைப் போன்ற அறிகுறிகளை ஏற்படுத்தக்கூடிய பிற மருத்துவ நோய்கள், அதாவது பக்கவாதம் அல்லது மூளைக் கட்டிகள் உள்ளதா என்பதை மருத்துவர் மதிப்பிட அனுமதிக்கிறது.

ஆல்சைமர் நோயுடன் தொடர்புடைய அமிலாய்டு-பீட்டா அல்லது டௌ போன்ற அசாதாரண புரத அளவுகளைச் சரிபார்க்க, மூளைத் தண்டுவட திரவம் மற்றும் இரத்தப் பரிசோதனைகள் உள்ளிட்ட கூடுதல் பரிசோதனைகளும் மேற்கொள்ளப்படலாம்.

முழு நோயறிதல் செயல்முறை பற்றிய கூடுதல் தகவலுக்கு, இந்தக் கட்டுரையைப் படித்திடுங்கள்.

எனக்கோ அல்லது என் அன்புக்குரியவருக்கோ நான் எவ்வாறு ஆதரவைப் பெறுவது?

உங்களுக்குத் தெரிந்த ஒருவருக்கு அல்லது உங்களுக்கே ஆல்சைமர் நோய் ஏற்படும் அபாயம் இருப்பதாக நீங்கள் கவலைப்பட்டால், உங்கள் பொது மருத்துவர் (GP) அல்லது குடும்ப மருத்துவரைப் பரிந்துரைக்காக அணுகலாம் அல்லது நோயறிதலைப் பெறுமாறு அவர்களை ஊக்குவிக்கலாம். பின்வருவனவற்றின் மூலம் நோயறிதலைப் பற்றி மேலும் அறிந்திடுங்கள்:

நீங்கள் சமூகத்தைச் சென்றடையும் குழுவையும்(CREST) தொடர்பு கொள்ளலாம். ஆதரவைப் பெற, 6377 0700 என்ற எண்ணில் டிமென்ஷியா சிங்கப்பூர் உதவி எண்ணை அழைத்திடுங்கள்.

Video: I Was An SAF Commando. Alzheimer’s Won’t Stop The Fighter In Me

Source: CNA Insider

சிங்கப்பூர் ஆயுதப்படை (SAF) முன்னாள் அதிகாரி பீட்டர் எஸ்ட்ராப், 61 வயதில் மிகவும் பொதுவான முதுமைக்கால மறதி நோய் வகைகளில் ஒன்றான ஆல்சைமர் நோயால் பாதிக்கப்பட்டுள்ளார். முன்னாள் அதிகாரியான இவர் அறிவாற்றல் வீழ்ச்சியை எதிர்கொள்கிறார், இது அவரது நினைவாற்றலைப் பாதிக்கிறது. இந்தக் காணொளியில், அவரும் அவரது மனைவி எவோனும் நோயறிதலுக்குப் பிறகு முதுமைக்கால மறதி நோயுடன் வாழ்வதற்கு எவ்வாறு அவர்களின் சூழலை மாற்றியமைத்துக் கொண்டனர் என்பது பற்றிப் பேசுகிறார்கள்.

கூடுதல் வளஆதாரங்கள்

Understanding Different Types of Dementia (PDF)
Source: National Institute on Aging

இந்தச சுவரொட்டி நான்கு பொதுவான முதுமைக்கால மறதி நோய் வகைகளை அவற்றின் பண்புகள் மற்றும் வேறுபாடுகள் அடிப்படையில் சுருக்கமாகக் கூறுகிறது.

Alzheimer’s disease and dementia: what everyone needs to know by Sabat, Steven R.
Available for loan from the National Library Board

இந்த வழிகாட்டியில், முதுமைக்கால மறதி நோயை ஒரு நோயாக வரையறுத்து, அதன் அறிகுறிகள், முதுமைக்கால மறதி நோய் ஒருவரின் வாழ்க்கையை (அகநிலை அனுபவம், உணர்ச்சி நல்வாழ்வு மற்றும் சமூக வாழ்க்கை உட்பட) எவ்வாறு மாற்றும், முதுமைக்கால மறதி நோயின் உயிரியல் அம்சங்கள், அது எவ்வாறு கண்டறியப்படுகிறது மற்றும் முதுமைக்கால மறதி நோயுடன் வாழும் நபருடன் நேர்மறையான உறவைப் பேணுவதற்கு பராமரிப்பு கூட்டாளர்கள் என்ன செய்யலாம் என்பதை சபாத் கோடிட்டுக் காட்டுகிறார்.

இந்தக் கட்டுரை பயனுள்ளதாக இருந்ததா?

ஆம் இல்லை

ஃப்ரெண்டொடெம்போரல் டிமென்ஷியா (Frontotemporal Dementia, FTD)

Peter Cher — Wed, 28 Jun 2023 09:12:02 +0000

கவனமாகக் கேளுங்கள்

5 நிமிட வாசிப்பு

https://www.dementiahub.sg/wp-content/uploads/speaker/post-80529.mp3?cb=1771464451.mp3

ஃப்ரெண்டொடெம்போரல் டிமென்ஷியா (Frontotemporal Dementia, FTD) என்பது மூளையின் முன்புற மடல் (நெற்றிக்குப் பின்னால்) மற்றும் மூளைப்பக்க மடல் (காதுக்கு அடுத்ததாக) ஆகியவற்றில் ஏற்படும் மாற்றங்களால் ஏற்படும் ஒரு அசாதாரண வகை முதுமைக்கால மறதி நோய் ஆகும்.

இந்த அரிய நோய் நிலையை அறிய எங்களுடன் பயணம் செய்யுங்கள்.

இந்த கட்டுரையில்

ஃப்ரெண்டொடெம்போரல் முதுமைக்கால மறதி நோய் (Frontotemporal Dementia/FTD) என்பது என்ன?

FTD-யும் வயதும் எவ்வாறு தொடர்புடையது?
HFTD எவ்வளவு பொதுவானது?
அபாயங்கள்
FTD-இன் முக்கிய அறிகுறிகள்
FTD-இன் வகைகள்
அறிகுறிகள் மற்றும் கட்டங்கள்
நோயறிதல் சோதனை

குடும்பங்கள் மற்றும் பராமரிப்பாளர்களுக்கான ஆதரவு
நமது சமூகத்தில் FTD-ஐக் கொண்டிருக்கக்கூடியவர்களைப் பராமரித்தல்
எப்படி உதவி பெறுவது

ஃப்ரெண்டொடெம்போரல் முதுமைக்கால மறதி நோய் (Frontotemporal Dementia/FTD) என்பது என்ன?

முதுமைக்கால மறதி நோயின் அறிகுறிகள் மூளையில் மாற்றங்கள் எங்கு நிகழ்கின்றன என்பதைப் பொறுத்தது. FTD-யில், முன்பக்க மற்றும் மூளைப்பக்க மடல்களில் மாற்றங்கள் நிகழ்கின்றன.

மூளையின் முன்புற மற்றும் பக்கவாட்டுப் பகுதிகளில் முறையே முன்பக்க மற்றும் மூளைப்பக்க மடல்கள் உள்ளன.

முன்பக்க மற்றும் மூளைப்பக்க மடல்களில் உள்ள நரம்பணுக்கள் சேதமடைவது அல்லது சுருங்குவது FTD-க்குக் குறிப்பான அறிகுறிகளை ஏற்படுத்தலாம்.

முன்பக்க மடல் சேதமானது பகுத்தறிவு, பணி நினைவகம், முடிவெடுத்தல், கவனம் செலுத்தல் மற்றும் நடத்தை சார்ந்த தடுப்பு போன்ற நிர்வாகச் செயல்பாடுகளை பாதிக்கலாம்.

மூளைப்பக்க மடல் சேதமானது காட்சிசார் பொருட்களை அடையாளம் அறிவது, ஒலி மற்றும் மொழியைப் பெறுவது மற்றும் செயலாக்குவது, மற்றும் பேசுவது போன்ற செயல்பாடுகளைப் பாதிக்கலாம்.

FTD-யும் வயதும் எவ்வாறு தொடர்புடையது?

மிகவும் பொதுவானவையாக உள்ள ஆல்சைமர் அல்லது வாஸ்குலர் டிமென்ஷியா போன்ற பிற வகையான முதுமைக்கால மறதி நோய்களுடன் ஒப்பிடும்போது, FTD வழக்கமாக இளைஞர்களிடம் உருவாகிறது.

இந்த வயது வரம்பை விட இளையவர்கள் அல்லது பெரியவர்களுடன் ஒப்பிடும்போது 45-65 வயதுடையவர்களிடத்தில் FTD ஏற்படுவது மிகவும் பொதுவானதாக உள்ளது தென்கிழக்கு ஆசியாவில் 2013 நடத்தப்பட்ட FTD ஆய்வில் கருத்தாய்வு செய்யப்பட்டவர்களில் FTD நோயறிதலின் சராசரி வயது 58.9 ஆக இருந்தது. ¹

இதன் பொருள், முதுமைக்கால மறதி நோயுடன் வாழ்கின்ற 65 வயதுக்கு மேற்பட்டவர்களை விட, இளம் வயதிற்குள் ஏற்படும் முதுமைக்கால மறதி நோயுடன் வாழ்பவர்களிடத்தில் FTD பொதுவாகக் காணப்படுகிறது.

2013 முதல் 2017 வரை சிங்கப்பூரின் தேசிய நரம்பியல் கழகத்தில் (National Neuroscience Institute, NNI) காணப்பட்ட முதுமைக்கால மறதி நோயுடன் வாழ்பவர்களில், YOD-ஐக் கொண்டிருந்த 17% பேருக்கு FTD இருந்தது, 65 வயதில் அல்லது அதற்குப் பிறகு FTD தொடங்கியவர்களில் 7% பேர் மட்டுமே FTD நோயால் பாதிக்கப்பட்டிருந்தனர்.²

2013 முதல் 2017 வரை NNI-இல் காணப்பட்ட முதுமைக்கால மறதி நோயுடன் வாழ்பவர்களை விவரிக்கும் தேசிய நரம்பியல் கழகத்தின் (NNI) தரவுகள்.

FTD எவ்வளவு பொதுவானது?

FTD என்பது முதுமைக்கால மறதி நோயின் ஒப்பீட்டளவில் அரிதான ஒரு வடிவமாகும்.

முதுமைக்கால மறதி நோய்க்கான நோயறிதல்களில் எத்தனை சதவீதம் FTD நோயறிதல்கள் என்பதற்கான மதிப்பீடுகள் வேறுபடுகின்றன, மேலும் முதுமைக்கால மறதி நோய் நிகழ்வுகள் அனைத்திலும் 2.6 முதல் 5% ^{3, 4} வரை உள்ளன.

அமெரிக்காவில், பொது மக்களிடம் ஒவ்வொரு ஆண்டும் FTD உருவாகும் மக்களின் எண்ணிக்கை ஒவ்வொரு 100,000 பேருக்கும் சுமார் 15 முதல் 22 பேர் என மதிப்பிடப்பட்டுள்ளது.^{3, 5}

அபாயங்கள்

FTD-க்கான ஒரே அறியப்பட்ட ஆபத்துக் காரணி, அந்த நோய் நிலையின் குடும்ப வரலாறு மட்டுமே. மூன்று நிகழ்வுகளில் ஒவ்வொன்றிலும் FTD பரம்பரையாக வருவதாக மதிப்பிடப்பட்டுள்ளது.⁶

FTD-இன் முக்கிய அறிகுறிகள்

மூளையில் ஏற்படும் மாற்றங்கள் பின்வருவனவற்றை உள்ளடக்கிய அறிகுறிகளை ஏற்படுத்துகின்றன:

மற்றவர்களிடம் பச்சாதாபம் காட்டுவதில் சிரமங்கள், சமூகச் சூழ்நிலைகளில் முறையாக நடந்துகொள்வது மற்றும் கட்டாய மற்றும் திரும்பத் திரும்ப மேற்கொள்ளும் நடத்தைகள் போன்ற நடத்தை மற்றும் ஆளுமை சார்ந்த மாற்றங்கள்
மொழி மற்றும் பேச்சுப் பிரச்சினைகள்
நிர்வாகச் செயல்பாட்டு திறன்களில் பிரச்சினைகள், eg. திட்டமிடல், தீர்மானிப்புத் திறன், பகுத்தறிவு மற்றும் தேர்ந்தெடுக்கப்பட்ட கவனம் செலுத்தல்
பொருட்களையும் மக்களையும் அடையாளம் காண்பதில் பிரச்சினைகள்
நடமாட்டத்தில் பிரச்சினைகள் (FTD-இன் பிந்தைய கட்டங்களில்)
நினைவாற்றலில் பிரச்சினைகள் (குறிப்பாக FTD வளர்ச்சியடையும்போது)

தென்கிழக்கு ஆசியாவில் 2013-இல் FTD உள்ளவர்களிடம் நடத்தப்பட்ட ஆய்வில், மேற்கொண்டு வேலை செய்யாத அல்லது ஓய்வு பெற்ற FTD நோயாளிகளின் மிகவும் பொதுவான அறிகுறிகளானது, நிர்வாகச் செயல்பாட்டுக் குறைபாடு மற்றும் தகவல் செயலாக்கத் திறன்களில் பிரச்சினைகள் (அதாவது i.e பணி நினைவகப் பிரச்சினைகள்) இருந்தன. நடத்தை மாறுபாடு FTD உள்ள ஆய்வுப் பங்கேற்பாளர்களுக்கான பொதுவான அறிகுறிகளாக, நுண்ணறிவு இழப்பு மற்றும் சமூக விழிப்புணர்வு இழப்பு இருந்தது; மொழி மாறுபாடு FTD உள்ள பங்கேற்பாளர்களில் அதிகம் பேர் சொற்களைக் கண்டுபிடிப்பதில் சிரமத்தை அனுபவித்தனர்.¹

FTD-இன் வகைகள்

முதுமைக்கால மறதி நோய் முற்றும்போது FTD-இன் அறிகுறிகளும் அவற்றின் வளர்ச்சியின் வரிசையும், ஒரு நபருக்கு உருவாகும் FTD வகையைப் பொறுத்தது.

மூன்று முக்கியமான FTD வகைகள் உள்ளன:

நடத்தை மாறுபாட்டு ஃப்ரெண்டொடெம்போரல் டிமென்ஷியா (Behavioural Variant Frontotemporal Dementia, bvFTD)
முதன்மையான படிப்படியாக ஏற்படுகின்ற பேச்சிழப்பு (Primary Progressive Aphasia, PPA)
இயக்கக் கோளாறுகளுடன் தொடர்புடைய ஃப்ரெண்டொடெம்போரல் டிமென்ஷியா

நடத்தை மாறுபாட்டு ஃப்ரெண்டொடெம்போரல் டிமென்ஷியா (Behavioural Variant Frontotemporal Dementia, bvFTD)

ஃப்ரெண்டொடெம்போரல் டிமென்ஷியாவின் நடத்தை மாறுபாடு, அல்லது bvFTD என்பது மிகவும் பொதுவான வகை FTD ஆகும். 1892-இல் இந்த நோய் நிலையை விவரித்த ஒரு செக்கோஸ்லோவாக்கிய மருத்துவரின் நினைவாக இது முன்னர் பிக்’ஸ் நோய் என்று அழைக்கப்பட்டது.

இந்த நோய் நிலையின் ஆரம்பக் கட்டங்களில் உருவாகும் நடத்தை சார்ந்த மாற்றங்கள் தான் bvFTD-இன் மிகவும் பொதுவான அறிகுறிகளில் ஒன்றாகும். பிந்தைய கட்டங்களில் நடத்தை சார்ந்த மாற்றங்கள் பெரும்பாலும் நிகழ்கின்ற ஆல்சைமர் நோய் போன்ற முதுமைக்கால மறதி நோயின் பிற வடிவங்களுடன் இது முரண்படுகிறது.

முதன்மையான படிப்படியாக ஏற்படுகின்ற பேச்சிழப்பு (Primary Progressive Aphasia, PPA)

முதன்மையான படிப்படியாக ஏற்படுகின்ற பேச்சிழப்பு என்பது FTD-இன் இரண்டாவது பொதுவான வடிவமாகும், மேலும் இது படிப்படியாக ஏற்படுகின்ற மொழி குறைபாட்டால் வகைப்படுத்தப்படுகிறது. அஃபாசியா (பேச்சிழப்பு) என்ற வார்த்தையின் அர்த்தம், பேச்சு மற்றும் மொழியில் சிரமங்கள் உள்ளது என்பதாகும்.

இயக்கக் கோளாறுகளுடன் தொடர்புடைய ஃப்ரெண்டொடெம்போரல் டிமென்ஷியா

நரம்புச் சிதைவால் ஏற்படும் இயக்கக் கோளாறுகளுடன் சில சமயங்களில் FTD ஏற்படலாம், எனினும் இயக்கக் கோளாறுகள் உள்ளவர்களுக்கு எப்போதும் FTD ஏற்படுவதில்லை.

FTD உடன் பெரும்பாலும் தொடர்புடைய சில இயக்கக் கோளாறுகள் பின்வருமாறு:

அமியோட்ரோபிக் லேட்டரல் ஸ்க்லரோசிஸ் (Amyotrophic lateral sclerosis, ALS), அல்லது லூ கெஹ்ரிக்’ஸ் நோய்
கார்டிகோபாசல் நோய்க்குறி (Corticobasal syndrome, CBS)
படிப்படியாக ஏற்படுகின்ற சூப்பர்நியூக்ளியர் பால்சி (Progressive Supranuclear Palsy, PSP)

அறிகுறிகள் மற்றும் கட்டங்கள்

FTD-இன் ஆரம்பக் கட்டங்களில், FTD-க்கும் பிற வகையான முதுமைக்கால மறதி நோயிற்கும் இடையே அறிகுறிகளில் வேறுபாடுகள் இருக்கலாம். உதாரணமாக, ஆல்சைமர் நோய் உள்ளவர்கள் ஆரம்பக் கட்டங்களில் FTD உள்ளவர்களை விட நினைவாற்றல் இழப்பை அதிகமாக அனுபவிக்கின்றனர்; FTD உள்ளவர்கள் ஆல்சைமர் நோய் உள்ளவர்களை விட நடத்தை சார்ந்த மாற்றங்களை வெளிக்காட்டலாம் அல்லது மொழிப் பிரச்சினைகளை அனுபவிக்கலாம்.

இந்த ஆரம்பக் கட்டங்களில், FTD துணை வகைகளுக்கு இடையிலான வேறுபாடுகளும் மிகவும் வெளிப்படையானவை. உதாரணமாக, bvFTD உள்ளவர்களுக்கு நடத்தை சார்ந்த மாற்றங்கள் ஏற்படலாம், ஆனால் PPA உள்ளவர்களுக்கு அது வெளியில் தெரியாமலும் இருக்கலாம், மேலும் PPA உள்ளவர்களுக்கு மொழிச் சிரமங்கள் இருக்கலாம், ஆனால் bvFTD உள்ளவர்களுக்கு அது இல்லாமலும் இருக்கலாம்.

எனினும், நோய் நிலை வளர்ச்சியடையும்போதும், மூளையில் அதிகப் பகுதிகளில் மூளை மாற்றங்கள் ஏற்படும்போதும், வெவ்வேறு FTD துணை வகைகளைக் கொண்ட நபர்களால் அனுபவிக்கப்படும் அறிகுறிகள் விரிவடைந்து, ஒன்றோடொன்று இணைகின்றன.

அறிகுறிகளானது ஆல்சைமர் போன்ற பிற வகையான முதுமைக்கால மறதி நோயின் அறிகுறிகளைப் போலவே மாறுகின்றன. உதாரணமாக, பெரும்பாலான வகை முதுமைக்கால மறதி நோயின் பிந்தைய கட்டங்களில் நினைவாற்றல் இழப்பு மற்றும் நடத்தை சார்ந்த மாற்றங்கள் மிகவும் பொதுவானதாக மாறுகின்றன.

முதுமைக்கால மறதி நோயின் பொதுவான அறிகுறிகள் பற்றிய கூடுதல் தகவல்களை இங்கே காணலாம்.

நோயறிதல் சோதனை

FTD-க்கான நோயறிதல் செயல்முறை சில காரணங்களால் நீண்டதாக இருக்கலாம்:

பிற நிலைகள்: FTD-இன் அறிகுறிகளானது, மனச்சோர்வு, பெருவிருப்பக் கட்டாய மனப்பிறழ்வு, மனநோய் அல்லது பக்கவாதம் உள்ளிட்ட பிற மனநலம் அல்லது நரம்பியல் சார்ந்த நிலைகளுடன் ஒன்றுடன் ஒன்று இணையலாம்.
முதுமைக்கால மறதி நோயின் வகை: ஆல்சைமர் போன்ற பிற வகையான முதுமைக்கால மறதி நோய்களிலிருந்து FTD அறிகுறிகளை வேறுபடுத்திப் பார்ப்பது கடினமாக இருக்கலாம்.
வயது: பெரும்பாலான முதுமைக்கால மறதி நோயாளிகளைக் காட்டிலும் FTD ஆனது இளவயதினரிடத்தில் உருவாகலாம்; FTD-க்காகப் பரிசோதனை செய்வதற்கு முன்பு, இதே போன்ற அறிகுறிகளைக் கொண்டிருக்கக்கூடிய பிற சாத்தியமான நிலைமைகளுக்காக மருத்துவர்கள் மற்றும் நிபுணர்கள் சரிபார்க்கலாம்.

குடும்பங்கள் மற்றும் பராமரிப்பாளர்களுக்கான ஆதரவு

நடத்தை சார்ந்த மாறுபாடு FTD-இல் குறிப்பிடத்தக்க நடத்தை சார்ந்த மாற்றங்கள் அல்லது முதன்மையான படிப்படியாக ஏற்படுகின்ற பேச்சிழப்பில் உள்ள தகவல்தொடர்பு தொடர்பான பிரச்சினைகள் போன்ற FTD-க்குக் குறிப்பான அறிகுறிகளால் குடும்பங்கள் மற்றும் பராமரிப்பாளர்களுக்கு FTD குறிப்பாகச் சிரமமாக இருக்கலாம்.

FTD உள்ள ஒரு நபருடன் வாழும் குடும்பங்களும், FTD உள்ள நபர்களும், இளம் வயதிற்குள் ஏற்படும் முதுமைக்கால மறதி நோய் தொடர்பான சவால்களை, அதாவது வேலை அல்லது வருமான மாற்றங்களை எதிர்கொள்ள நேரிடலாம். முதுமைக்கால மறதி நோயுடன் வாழும் நபர்களுக்குச் சார்ந்திருப்பவர்கள் இருந்தால், நோய் நிலை முற்றும்போது அதே பணிப் பொறுப்புகளை அவர்களால் செய்ய முடியாமல் போகலாம், அல்லது பராமரிப்பாளர்கள் தங்கள் அன்புக்குரியவர்களைப் பராமரிக்க வேலையில் இருந்து விடுப்பு எடுக்க வேண்டியிருக்கலாம். கூடுதலாக, சார்ந்திருப்பவர்களும் அன்புக்குரியவர்களும் FTD உள்ள நபருடனான தங்கள் மாறிவரும் உறவை வழிநடத்த வேண்டும்.

FTD உள்ளவர்களுக்கும் அவர்களின் அன்புக்குரியவர்களுக்கும் வழிகாட்டுதல் மற்றும் ஆதரவைப் பெறுவது முக்கியமாகும்.

நீங்கள் முதுமைக்கால மறதி நோயால் பாதிக்கப்பட்ட ஒருவரின் குடும்ப உறுப்பினராக இருந்தால், அல்லது அவர்களை பராமரிப்பவராக இருந்தால்: உங்களை நீங்களே கவனித்துக் கொள்வது, ஆதரவை நாடுவது மற்றும் சகாக்களுடன் தொடர்பு கொள்வது ஆகியவை உங்கள் நல்வாழ்வுக்கு மிகவும் உதவலாம். ஆதரவுக் குழுக்கள் அல்லது சேவைகள் பற்றிய கூடுதல் தகவல்களுக்கு, இங்கே கிளிக் செய்யவும்.

நமது சமூகத்தில் FTD-ஐக் கொண்டிருக்கக்கூடியவர்களைப் பராமரித்தல்speaker-break time="1s" strength="medium"]

நம்மிடையே வாழும் FTD உள்ளவர்கள், குறிப்பாக இளையர்கள், பெரும்பாலும் அவர்களைச் சுற்றியுள்ள மக்களால் புரிந்து கொள்ளப்படுவதில்லை, ஏனெனில் FTD பற்றிய பொதுவான விழிப்புணர்வும் புரிதலும் ஒப்பீட்டளவில் குறைவாகவே உள்ளதே இதற்குக் கராணமாகும்.

இந்த நபர்கள் தங்கள் அறிகுறிகளைப் பற்றிய புரிதல் இல்லாததால் சமூகத் தனிமைப்படுத்தலுக்கு ஆளாகும் அதிக ஆபத்தில் இருக்கக்கூடும், இதில் கடினமானதாகத் தோன்றும் நடத்தைகள் அல்லது பேச்சிழப்பு போன்ற தகவல்தொடர்புக் குறைபாடுகள் அடங்கலாம்.

அதே நேரத்தில், இந்த நபர்கள் தங்கள் சொந்தக் கதைகளைக் கொண்ட தனிநபர்களாக ஆதரிக்கப்பட வேண்டும், புரிந்து கொள்ளப்பட வேண்டும், அரவணைக்கப்பட வேண்டும் மற்றும் நடத்தப்பட வேண்டும்.

எனினும், FTD உள்ள நபர்களின் குடும்ப உறுப்பினர்கள் மற்றும் பராமரிப்பாளர்களுக்கு, குறிப்பாக FTD உள்ள ஒருவருடன் வாழ்வதற்கான அவர்களின் தனித்துவமான பயணத்தில் ஆதரவும் புரிதலும் தேவை.

FTD உள்ள ஒருவரை, அல்லது FTD உள்ள ஒருவரின் பராமரிப்பாளர் அல்லது குடும்ப உறுப்பினரை உங்களுக்குத் தெரியும் என்றால், உங்களால் முடிந்த வழிகளில் அவர்களுக்கு ஆதரவு அளிப்பதையும், நட்புறவு கொள்வதையும், அவர்கள் சொல்வதைக் கவனமாகக் கேட்பதையும் தொடரவும்.

எப்படி உதவி பெறுவது

உங்களுக்கோ அல்லது உங்களுக்குத் தெரிந்தவருக்கோ முதுமைக்கால மறதி நோய் இருந்தால், ஆதரவு அல்லது தகவல்கள் தேவைப்பட்டால், ஆதரவை எவ்வாறு பெறுவது என்பது பற்றி மேலும் அறிய மக்கள்தொடர்புக் குழு (CREST)-ஐத் தொடர்பு கொள்ளவும் அல்லது 6377 0700 என்ற டிமென்ஷியா சிங்கப்பூரின் உதவித் தொலைப்பேசி எண்ணை அழைக்கவும்.

இந்தக் கட்டுரை பயனுள்ளதாக இருந்ததா?

ஆம் இல்லை

என் அன்புக்குரியவரை அவரது மருத்துவ நிலையை ஏற்றுக்கொள்ள ஊக்குவித்தல்

Admin — Sun, 16 Oct 2022 19:58:50 +0000

கவனமாகக் கேளுங்கள்

2 நிமிட வாசிப்பு

https://www.dementiahub.sg/wp-content/uploads/speaker/post-74160.mp3?cb=1770867699.mp3

முதுமைக்கால மறதி நோய் இருப்பதை ஏற்றுக்கொள்வது கடினமாக இருக்கலாம், மேலும் அன்புக்குரியவர் தனக்கு நோய் இருப்பதை மறுப்பதற்குப் பின்னால் உள்ள காரணத்தைப் புரிந்துகொள்வது முக்கியம், அப்போதுதான் அவருக்கு உதவும் விதமான உத்திகளைக் கொண்டு வர முடியும்.

முதுமைக்கால மறதி நோய் இருப்பதை அறிவது வேதனையளிக்கும் விதமாக இருக்கலாம் – நோய் கண்டறியப்பட்டிருக்கும் நபர் சோகம் முதல் விரக்தி வரை பலவிதமான எதிர்மறை உணர்ச்சிகளுக்கு உள்ளாகலாம் அல்லது அதனை முற்றிலும் மறுக்கலாம், இவை அனைத்தும் இயல்பே.

தனக்கு இருக்கும் நோயைத் தொடர்ந்து மறுப்பது சிக்கல்களை ஏற்படுத்தக்கூடும், உதாரணத்திற்கு உங்கள் அன்புக்குரியவர் எதிர்காலத்தில் உதவியை ஏற்க மறுக்கும்போது அல்லது வாகனம் ஓட்டுவது அவருக்குப் பாதுகாப்பற்றதாக மாறும் நிலையிலும், அவர் வாகனம் ஓட்டுவது போன்ற செயல்களைத் தொடரும்போது சிக்கல்கள். நினைவுத்திறன் அல்லது அறிவாற்றல் சார்ந்த விஷயங்களில் அவருக்குக் குறைபாடுகள் இருப்பதை ஒப்புக்கொள்ள மறுப்பதற்கு சில சமயங்களில் பயம் காரணமாக இருக்கலாம் அல்லது தனக்குப் பிரச்சனை இருப்பதைப் புரிந்து கொள்ள அவருக்கு இருக்கும் உண்மையான இயலாமை காரணமாக இருக்கலாம். உங்கள் அன்புக்குரியவர் தனக்கு முதுமைக்கால மறதி நோய் இருப்பதை மறுப்பதற்கான காரணத்தைக் கண்டறிவது முக்கியம், அப்போதுதான் அந்தப் பிரச்சினையை எப்படி சமாளிப்பது என்பதை நீங்கள் அறிந்து கொள்ளலாம்.

அனோசோக்னோசியா (குறைபாட்டை அறியாமை)

சில சந்தர்ப்பங்களில், உங்கள் அன்புக்குரியவர் தனது நிலையை ஒப்புக்கொள்ள சிரமப்படுவது, அவருக்கு இருக்கும் அறிகுறிகளைத் தீவிரமாக மறுப்பது காரணமாக இருக்காது, மாறாக இது தனக்கு ஒரு குறைபாடு இருப்பதைப் புரிந்து கொள்ள இயலாத காரணத்தினால் ஏற்படுகிறது. அனோசாக்னோசியா (குறைபாட்டை அறியாமை) என்று அழைக்கப்படும் மூளையில் ஏற்படும் மாற்றங்களால் ஒரு நபர் தனக்கு எந்தச் பிரச்சனையும் இல்லை என்று உண்மையாகவே நம்புவார். ஒரு பராமரிப்பு வல்லுநராக இதைச் சமாளிப்பது வெறுப்பாக இருக்கலாம், ஆனால் இது உங்கள் அன்புக்குரியவரின் தவறோ வேறு யாருடைய தவறோ அல்ல என்பதை நீங்கள் ஒப்புக்கொள்வதும், எதார்த்தத்தை ஏற்றுக்கொள்வதும் முக்கியம்.

அனோசாக்னோசியா (குறைபாட்டை அறியாமை) இருப்பதினால், உங்கள் அன்புக்குரியவர் எந்த ஆதாரத்தைக் காட்டினாலும் அவருக்கு இருக்கும் நோயை ஏற்றுக்கொள்ள மாட்டார். அதற்குப் பதிலாக, இதைக் கையாளுவதற்கு ஏதுவான பரிமாரிப்பு உத்திகளை நீங்கள் தயார் செய்ய வேண்டியிருக்கும். பாதுகாப்புப் பிரச்சினை எதுவும் இல்லாத வரை, அவரை வீட்டு வேலையில் அல்லது அவரது பகல் நேர செயல்பாட்டு நிலையத்தில் உள்ள விஷயங்களில் உதவி செய்ய அனுமதிப்பது சரியே.

உங்கள் அன்புக்குரியவருக்கு அனோசாக்னோசியா (குறைபாட்டை அறியாமை) இருப்பதாக நீங்கள் நம்பினால், உங்கள் அன்புக்குரியவரைப் பார்த்து வரும் உளவியலாளரை அணுகி, அவர் முறையான நோயறிதலைப் பெறுவதை உறுதி செய்வது முக்கியம். உங்கள் அன்புக்குரியவரின் மருத்துவ வல்லுநர்கள், இதுபோன்ற சூழ்நிலைகளில் எவ்வாறு செயல்படலாம் என்பது குறித்து சிறப்பாக ஆலோசனை வழங்குவார்கள்.

பயம்

முதுமைக்கால மறதி நோய் இருப்பதை மறுப்பதற்கு பெரும்பாலும் பயம் காரணமாக இருக்கலாம் – இந்த நிலையை ஏற்றுக்கொள்வதில் ஏதோ ஒன்று இருக்கிறது என்றும், அதுவே உண்மையென்றும் அவர்களுக்குத் தோன்றும்.

ஒரு நபர் தனக்கு முதுமைக்கால மறதி நோய் இருப்பதை அறிந்த உடனேயே, அதைப் பற்றியும், அவர்கள் சூழ்நிலையை எவ்வாறு அணுக விரும்புகிறார்கள் அல்லது தொடர விரும்புகிறார்கள் என்பதைப் பற்றியும் சிந்திக்க அவர்களுக்கு சிறிது நேரம் கொடுங்கள். அவர் தனது அன்புக்குரியவர்களிடம் பேச சிறிது நேரம் கொடுங்கள். இருப்பினும், அவர் தனக்கு இருக்கும் நிலையை தொடர்ந்து மறுத்துவந்தால், அமைதி காத்து, அவருக்குத் தொடர்ந்து ஆதரவளியுங்கள்.

நீங்கள் செய்யக்கூடிய விஷயங்களில் ஒன்று, டிமென்ஷியா சிங்கப்பூர் (DSG) அல்லது பிற அமைப்புகள் நடத்தி வரும் முதுமைக்கால மறதி நோய் ஆதரவு குழுக்கள் அல்லது சிகிச்சைகள் பற்றி மேலும் அறிந்துகொள்வதும், முதுமைக்கால மறதி நோய் உள்ளவர்கள் அல்லது பராமரிப்பாளர்கள் அவற்றில் கலந்து கொள்ள அவர்களை ஊக்குவிப்பதும் ஆகும். நீங்களும் உங்கள் அன்புக்குரியவரும் இந்த அமர்வுகளில் மற்ற பராமரிப்பாளர்கள் மற்றும் முதுமைக்கால மறதி நோய் உள்ளவர்களுடன் கலந்து கொண்டால், அத்தகைய நபர்கள் அர்த்தமுள்ள வாழ்க்கையை எப்படி வாழ்கிறார்கள், எப்படி மகிழ்ச்சியாய் இருக்கிறார்கள் என்பதை அவர்கள் காண முடியும். இது அவருக்கு இருக்கும் பயங்களைத் தணிக்கவும், அவருக்கு இருக்கும் மருத்துவ நிலையை ஏற்றுக்கொள்ளவும் உதவும்.

அமைதியுடனும் ஆதரவுடனும் நடந்து கொள்வது மிகவும் முக்கியம். முதுமைக்கால மறதி நோய் உள்ளவர்கள், குறிப்பாக ஆரம்ப கட்டங்களில் உள்ளவர்கள், உங்கள் ஆதரவுடன் முழுமையான மற்றும் நிறைவான வாழ்க்கையை வாழ முடியும். டிமென்ஷியா சிங்கப்பூரின் நம்பிக்கைக்கான குரல்கள் திட்டத்தின் முதுமைக்கால மறதி நோய் ஆதரவாளர்கள் மற்றும் முதுமைக்கால மறதி நோயை உடைய கேட் ஸ்வாஃபர் மற்றும் ஜார்ஜ் சோங் போன்ற ஊக்கமளிக்கும் நபர்களின் கதைகளைப் பார்வையிடுங்கள், அவர்கள் முதுமைக்கால மறதி நோய் இருப்பதால் வாழ்க்கை முடிந்துவிடுவதில்லை என்றும், மாறாக, அது ஒரு புதிய சாகசம் என்றும் பறைச்சாற்றும் நபர்களாகும்.

முதுமைக்கால மறதி நோயறிதல் தொடர்பாக உதவி பெற ஒருவரை நான் எவ்வாறு ஊக்குவிப்பது?

ஆதாரம்: Dementia-Friendly Singapore

இந்தக் கட்டுரை பயனுள்ளதாக இருந்ததா?

ஆம் இல்லை

The post என் அன்புக்குரியவரை அவரது மருத்துவ நிலையை ஏற்றுக்கொள்ள ஊக்குவித்தல் appeared first on DementiaHub.SG.

இளம் வயதிற்குள் ஏற்படும் முதுமைக்கால மறதி நோய் என்றால் என்ன?

Admin — Tue, 27 Sep 2022 23:18:41 +0000

கவனமாகக் கேளுங்கள்

3 நிமிட வாசிப்பு

https://www.dementiahub.sg/wp-content/uploads/speaker/post-65304.mp3?cb=1748586068.mp3

இளம் வயதிற்குள் ஏற்படும் முதுமைக்கால மறதி நோய் என்பது 65 வயதிற்குட்பட்டவர்களுக்கு ஏற்படும் ஏதேனும் வகை முதுமைக்கால மறதி நோயைக் குறிக்கிறது. முதுமைக்கால மறதி நோயின் அறிகுறிகள் ஆனது வயது முதிர்ந்த பெரியவர்களிடத்து காணப்படும் முதுமைக்கால மறதி நோயுடன் ஒப்பிடும்போது, இளம் வயதினர்களிடம் வித்தியாசமாகத் தோன்றலாம்.

ஆதாரம்: CNA

முதுமைக்கால மறதி நோய் வயது முதிர்ந்த பெரியவர்களை மட்டுமே பாதிக்கிறது என்பது ஒரு மூடநம்பிக்கை. 2020 ஆம் ஆண்டில் உலகளவில் 50 மில்லியனுக்கும் அதிகமான மக்கள் முதுமைக்கால மறதி நோயுடன் வாழ்கின்றனர், மேலும் இந்த எண்ணிக்கை 2030 இல் 82 மில்லியனாகவும், 2050 இல் 152 மில்லியனாகவும் அதிகரிக்கும் என்று எதிர்பார்க்கப்படுகிறது.¹ இதில் சுமார் 5% முதல் 6% பேர் இளம் வயதிற்குள் ஏற்படும் முதுமைக்கால மறதி நோயுடையவர்கள், 2021 ஆம் ஆண்டு நிலவரப்படி, இளம் வயதிற்குள் ஏற்படும் முதுமைக்கால மறதி நோயுடன் வாழ்பவர்களின் எண்ணிக்கை சுமார் 3.9 மில்லியன் ஆகும்.²

கடந்த சில ஆண்டுகளில், முதுமைக்கால மறதி நோய் இருப்பது கண்டறியப்பட்ட இளம் சிங்கப்பூரர்களின் எண்ணிக்கை ஆபத்தான விகிதத்தில் அதிகரித்து வருகிறது. ஒவ்வொரு ஆண்டும் தேசிய நரம்பியல் கழகத்தில் 100க்கும் மேற்பட்ட நபர்களுக்கு இளம் வயதிற்குள் ஏற்படும் முதுமைக்கால மறதி நோய் இருப்பது கண்டறியப்படுகிறது.³

இளம் வயதிற்குள் ஏற்படும் முதுமைக்கால மறதி நோயின் பல்வேறு விதமான அறிகுறிகள்

முதுமைக்கால மறதி நோயுடன் வாழும் வயது முதிர்ந்த பெரியவர்களுடன் ஒப்பிடுகையில், இளம் வயதினரிடத்து அறிகுறிகள் வித்தியாசமாக வெளிப்படுவது மட்டுமல்லாமல், இந்த நோய்நிலை இளம் வயதினரின் வாழ்க்கை, அவரைச் சுற்றியிருக்கும் குடும்பம் மற்றும் சமூகத்தில் அதிக தாக்கத்தை ஏற்படுத்துகிறது.^2,4

அறிகுறிகளில் பின்வருபவை அடங்கும்:^2,4
• இளம் வயதிற்குள் ஏற்படும் முதுமைக்கால மறதி நோயுடன் வாழும் நபர்கள், அவர்களின் அசைவு மற்றும் ஒருங்கிணைப்பு உட்பட அவர்களின் தசை இயக்கத் திறன்களில் சிக்கல்கள் ஏற்படும் வாய்ப்பு அதிகம்.
• மூளையின் முன்புற மற்றும் பக்கப் பகுதிகளைப் பாதிக்கும் முதுமைக்கால மறதி நோய், இளம் வயதினரிடம் வழக்கமாக காணப்படுகிறது, இது திட்டமிடல் மற்றும் நிர்வாகச் செயல்பாடுகளைப் பாதிக்கிறது.

இளம் வயதினரிடத்தில் முதுமைக்கால மறதி நோய் ஏற்படுத்தும் தாக்கம்

வயது முதிர்ந்த பெரியவர்களுடன் ஒப்பிடும்போது, இளம் நபர்கள் வெவ்வேறு வாழ்க்கை நிலைகளில் இருப்பார்கள். இதனால் முதுமைக்கால மறதி நோய் குறித்த அவர்களின் அனுபவம் பெரியவர்களிடமிருந்து தனித்துவமாக வித்தியாசப்படுகின்றது. இந்தச் சூழ்நிலைகளில் சில பின்வருவனவற்றை உள்ளடக்கியிருக்கக்கூடும்:^2,4

• முதுமைக்கால மறதி நோய் ஏற்படும் நேரத்தில், இளம் நபர்கள் வேலையில் இருப்பதற்கான வாய்ப்புகள் அதிகம், அநேகமாக அவர்கள் கூடுதல் பொறுப்புகளுடன் அவர்களின் வேலையில் உயர்ந்த பதவியில் கூட இருக்கக்கூடும். அவர்களுக்கு ஏற்படக்கூடிய முதுமைக்கால மறதி நோயின் அறிகுறிகள் வேலையில் வெளிப்படையாகத் தெரியலாம், இதனால் அவர்கள் வேலையை இழக்க நேரிடும். இதனால் அவர்களின் குடும்பங்களுடைய நிதி ரீதியான நல்வாழ்வையும் இழக்க நேரிடும்.
• இளம் வயதினர் சிறு குழந்தைகளுடன் பெற்றோராக இருப்பதற்கான வாய்ப்புகள் அதிகம். இதனால், அவர்கள் அதிக சவால்களை எதிர்கொள்வார்கள் மற்றும் பிள்ளை வளர்ப்பின் பொறுப்புகளை இழக்க நேரிடும், ஏனெனில் அவர்கள் கொஞ்சம் கொஞ்சமாக தங்கள் சிறு குழந்தைகளை பராமரிக்க முடியாமல் போகலாம்.

அதே நேரத்தில், சிங்கப்பூரில் தற்போதுள்ள பெரும்பாலான முதுமைக்கால மறதி நோய் பராமரிப்பு சேவைகள் மற்றும் திட்டங்கள் வயது முதிர்ந்த பெரியவர்களுக்காக வடிவமைக்கப்பட்டுள்ளன, அனுபவத்தில் காணப்படும் வித்தியாசத்தைக் கருத்தில் கொண்டு பார்க்கும்போது, இவை இளம் வயதினருக்கு ஏற்றதாக இருக்காது. இத்தகைய இளம் நபர்களுக்குப் பயனுள்ள மற்றும் வயதுக்கு ஏற்ற சேவைகளும் திட்டங்களும் குறைந்தளவே உள்ளன.⁵

ஜார்ஜின் கதை

ஜார்ஜுக்கு முதுமைக்கால மறதி நோய் இருப்பது தெரிந்தபோது, அவருக்கு வயது 46தான். வேதியியல் பாடத்தின் முன்னாள் ஆசிரியராகவும், வேதியியல் பாடப்புத்தகங்களை எழுதியவராகவும், எப்போது நல்ல முறையில் ஆரோக்கியத்தைப் பராமரித்து சுறுசுறுப்பான ஓட்டப்பந்தய வீரராகவும் இருக்கும் அவருக்கும், அவரது மனைவி மற்றும் அவர்களது மூன்று குழந்தைகளுக்கும் இது அதிர்ச்சியாக இருந்தது.

CNA மேற்கொண்ட முழு நேர்காணலைப் படியுங்கள்

நீங்களோ அல்லது உங்களுக்குத் தெரிந்த யாரேனும் ஒருவரோ முதுமைக்கால மறதி நோயின் அறிகுறிகளை அனுபவித்தால், குடும்ப மருத்துவர் அல்லது பலதுறை மருந்தக மருத்துவரிடம் கலந்தாலோசிக்கவும், அவரால் பரிசோதனைகள் மற்றும் நோய்க்கண்டறியும் செயல்முறை குறித்து வழிகாட்ட முடியும்.

இந்தக் கட்டுரை பயனுள்ளதாக இருந்ததா?

ஆம் இல்லை

Dementia statistics. (n.d.). Alzheimer’s Disease International. Retrieved 24 March, 2021, from https://www.alzint.org/about/dementia-facts-figures/dementia-statistics/
Hendriks, S., Peetoom, K., Bakker, C., van der Flier, W. M., Papma, J. M., Koopmans, R., Verhey, F., de Vugt, M., Köhler, S., Young-Onset Dementia Epidemiology Study Group, Withall, A., Parlevliet, J. L., Uysal-Bozkir, Ö., Gibson, R. C., Neita, S. M., Nielsen, T. R., Salem, L. C., Nyberg, J., Lopes, M. A., Dominguez, J. C., … Ruano, L. (2021). Global prevalence of young-onset dementia: A Systematic Review and Meta-analysis. JAMA Neurology, 78(9), 1080–1090. https://doi.org/10.1001/jamaneurol.2021.2161
Chiew, H. J. (2021, July 5). Young-onset dementia: Improving outcomes with early recognition at primary care. SingHealth. https://www.singhealth.com.sg/news/defining-med/Young-Onset-Dementia
Channel News Asia. (2024, September 4). Survey reveals half of Singaporeans resist young-onset dementia testing, even with symptoms. Channel News Asia. https://www.channelnewsasia.com/singapore/dementia-young-onset-below-65-survey-screening-test-4585526
Alzheimer Society of Calgary. (n.d.). Young-onset dementia. Retrieved 5 March, 2020, from https://www.alzheimercalgary.ca/learn/types-of-dementia/young-onset-dementia
Siew, W. J. W. (2021). Support programmes for people with young-onset dementia. Lee Kuan Yew Centre for Innovative Cities. https://lkycic.sutd.edu.sg/wp-content/uploads/2022/07/LKYCIC-LLMAU-Webpost-Oct-2021-Support-Programmes-for-PYOD-Final.pdf

The post இளம் வயதிற்குள் ஏற்படும் முதுமைக்கால மறதி நோய் என்றால் என்ன? appeared first on DementiaHub.SG.

முதுமைக்கால மறதி நோயின் மாறுபட்ட வகைகள்

Admin — Wed, 10 Aug 2022 01:25:40 +0000

கவனமாகக் கேளுங்கள்

3 நிமிட வாசிப்பு

https://www.dementiahub.sg/wp-content/uploads/speaker/post-60178.mp3?cb=1748583111.mp3

முதுமைக்கால மறதி நோய் என்பது ஒற்றை நோயல்ல, அது அறிகுறிகளின் ஓர் தொகுப்பாகும். மூளையில் ஏற்படும் பல்வேறு மாற்றங்களால் ஏற்படுகின்ற பல்வேறு வகையான முதுமைக்கால மறதி நோய்கள் உள்ளன.

ஆல்சைமர் நோய்

ஆல்சைமர் நோய் என்பது முதுமைக்கால மறதி நோயின் மிகவும் பொதுவான வகையாகும். இது மூளையின் உயிரணுக்கள் மற்றும் அதைச் சுற்றியுள்ள சில வகையான புரதங்கள் திரள்வதால் ஏற்படுகிறது. இது ஒரு மெல்ல வளர்ச்சியடைகின்ற (மெதுவான) தொடக்கத்தைக் கொண்டுள்ளது, மேலும் இது ஒரு வளர்ச்சியடைகின்ற நோயாகும், இதனால் அறிகுறிகள் பல ஆண்டுகளாகப் படிப்படியாக மோசமடைகின்றன. AD என்பது மீளமுடியாத, நினைவாற்றல் மற்றும் சிந்தனைத் திறன்களை மெதுவாக பாதிக்கின்ற நோயாகும், மேலும் இது இறுதியாக உணவு உண்ணுதல் போன்ற எளிய வேலைகளை மேற்கொள்ளும் திறனைப் பாதிக்கலாம். தற்போது, இந்த நோயைக் குணப்படுத்துவதற்கு எந்தச் சிகிச்சையும் இல்லை, ஆனால் சில சிகிச்சைகள் AD-இன் அறிகுறிகளை கட்டுபடுத்த உதவலாம்.

இரத்தநாள முதுமைக்கால மறதி நோய்

இரத்தநாளம் சார்ந்த முதுமைக்கால மறதி நோய் என்பது ஒரு வகையான முதுமைக்கால மறதி நோயாகும், இது மூளையில் உள்ள இரத்த நாளங்களில் ஏற்படும் அடைப்பு அல்லது காயத்தால் ஏற்படுகிறது. இந்த வகையான முதுமைக்கால மறதி நோயின் ஆரம்பம் திடீரென இருக்கலாம், இரத்தநாளம் சார்ந்த முதுமைக்கால மறதி நோயைக் கொண்ட ஒரு நபர் மூளை ஸ்கேன்களில் அறிகுறிகள் இல்லாத பக்கவாதம் ஏற்பட்டதற்கான ஆதாரத்தையும் வெளிப்படுத்தலாம். இரத்தநாளம் சார்ந்த முதுமைக்கால மறதி நோய் மீளக்கூடியதாக இல்லை என்றாலும், அதன் ஆபத்துக் காரணிகளுக்குச் சிகிச்சையளிப்பது முக்கியமாகும். உயர் இரத்த அழுத்தம், நீரிழிவு நோய், அதிக இரத்தக் கொழுப்பு மற்றும் புகைபிடிக்கும் பழக்கம் போன்ற ஆபத்துக் காரணிகளைக் கட்டுப்படுத்துவது நோயின் வளர்ச்சியை மெதுவாக்கி, பக்கவாதம் மீண்டும் ஏற்படுவதைக் குறைக்கலாம்.

லெவி பாடி டிமென்ஷியா

லெவி பாடி டிமென்ஷியா என்பது ஒரு வகையான முதுமைக்கால மறதி நோயாகும், இது மூளையின் உயிரணுக்களுக்குள் லெவி பாடிகள் எனப்படும் அசாதாரண கட்டமைப்புகளின் திரட்சியின் போது ஏற்படுகிறது. இது இயக்கம், சிந்தனை மற்றும் நடத்தையில் மாற்றங்களை ஏற்படுத்துகிறது. பார்கின்சன் நோயினாலும் LBD-இன் அறிகுறிகள் சிலநேரங்களில் ஏற்படலாம் – இந்த அறிகுறிகளில் மந்தநிலை, நடுக்கங்கள், கடினமான தசைகள் மற்றும் தெளிவான காட்சிசார் மாயத்தோற்றங்கள் ஆகியவை அடங்கும். மற்ற முக்கிய அறிகுறிகளில் கவனம், ஒழுங்கமைப்பு, பிரச்சினையைத் தீர்த்தல் மற்றும் திட்டமிடல் ஆகியவற்றுடனான பிரச்சினைகளும் அடங்கும். LBD-ஐக் கொண்டிருப்பவர்கள், அவர்களின் அதிகரித்த இறுக்கத்தன்மை, உறுதியற்ற தன்மை மற்றும் மெதுவான நடை போன்றவற்றின் காரணமாக கீழே விழுவதற்கான அதிக அபாயங்களைக் கொண்டுள்ளனர்.¹

ஃப்ரெண்டொடெம்போரல் டிமென்ஷியா

ஃப்ரெண்டொடெம்போரல் டிமென்ஷியா என்பது ஒரு வகை முதுமைக்கால மறதி நோயாகும், இது குறிப்பிடத்தக்க ஆளுமை மாற்றங்கள் மற்றும் சில சந்தர்ப்பங்களில், மொழி சிரமங்களால் வகைப்படுத்தப்படுகிறது. இது மூளையின் முன் மற்றும்/அல்லது பக்கவாட்டுப் பகுதிகளில் படிப்படியாக ஏற்படுகின்ற சேதத்தால் ஏற்படுகிறது. FTD ஆனது அறிவுசார் திறன்கள் மற்றும் ஆளுமை, மனவுணர்வு மற்றும் நடத்தை ஆகியவற்றில் மாற்றங்கள் ஏற்படுவதற்கு வழிவகுக்கலாம், அவை மூளையின் முன் மடல் செயல்பாட்டுடன் தொடர்புடையவை. மூளையின் பக்கவாட்டு மடல்களின் செயல்பாட்டுடன் தொடர்புடைய பொருள்களை அடையாளம் கண்டறிதல், புரிதல் அல்லது மொழி வெளிப்பாடு ஆகியவற்றிலும் FTD சிரமத்தை ஏற்படுத்தலாம்.

FTD பெரும்பாலும் ஆல்சைமர் நோய், பார்கின்சன் நோய் அல்லது மனச்சோர்வு, பெருவிருப்பக் கட்டாய மனப்பிறழ்வு அல்லது ஸ்கிசோஃப்ரினியா போன்ற மனநலக் கோளாறுகள் என்று தவறாகக் கருதப்படுகிறது. FTD-க்கு சிகிச்சை அல்லது குணப்படுத்தல் இல்லை என்றாலும், மருந்துகள் மற்றும் வாழ்க்கைமுறை மாற்றங்கள் அதன் அறிகுறிகளைப் போக்க உதவலாம். FTD பெரும்பாலும் இளம் வயதில், சுமார் 45-65 வயதில் உருவாகிறது. 65 வயதிற்கு குறைவான வயதில் முதுமைக்கால மறதி நோய் உருவாகும் போது, அவர்களுக்கு இளம் வயதிற்குள் ஏற்படும் முதுமைக்கால மறதி நோய் இருப்பதாக கூறப்படுகிறது.

மதுபானம் தொடர்பான முதுமைக்கால மறதி நோய்

மதுபானம் தொடர்பான முதுமைக்கால மறதி நோய் என்பது மதுபானம் தொடர்பான மூளை பாதிப்பால் ஏற்படுகின்ற ஒரு அறிவாற்றல் கோளாறாகும். வைட்டமின் குறைபாடுகள், குறிப்பாக கடுமையான வைட்டமின் B-1 குறைபாடு காரணமாக மூளையின் சில பகுதிகள் சேதமடையக்கூடும், ஏனெனில் மதுபானம் இந்த வைட்டமின் உறிஞ்சுதலையும் பயன்பாட்டையும் தடுக்கிறது. அதிக அளவு மதுபானங்களைத் தொடர்ந்து குடிப்பதே மதுபானம் தொடர்பான முதுமைக்கால மறதி நோய்க்கான ஆபத்துக் காரணியாகும்.²

இந்தக் கட்டுரை பயனுள்ளதாக இருந்ததா?

ஆம் இல்லை

கூடுதல் வளஆதாரங்கள் [/speaker-mute]

60களில் டிமென்ஷியா சிங்கப்பூர்: அத்தியாயம் 1 – முதுமைக்கால மறதி நோய் என்றால் என்ன? அது எவ்வளவு பரவலாக உள்ளது?
ஆதாரம்: டிமென்ஷியா சிங்கப்பூர்

60களில் டிமென்ஷியா சிங்கப்பூரின் முதல் அத்தியாயத்தில், CEO ஜேசன் ஃபூ அவர்கள் முதுமைக்கால மறதி நோய் பற்றிய சில முக்கியமான உண்மைகளையும் புள்ளிவிவரங்களையும் பகிர்ந்து கொண்டு இந்தக் கேள்விகளுக்கான பதில்களைத் தெரிவிக்கிறார்.

முதுமைக்கால மறதி நோயை (டிமென்ஷியா) புரிந்துகொள்ளுதல்
ஆதாரம்: கூ டெக் புவாட் மருத்துவமனை

இந்த உதவித்தொகுப்பு முதுமைக்கால மறதி நோயின் வகைகள், கட்டங்கள் மற்றும் அறிகுறிகள் பற்றிய தகவல்களை உள்ளடக்கியுள்ளது. இன்று முதுமைக்கால மறதி நோய்க்கான தரநிலைப் பராமரிப்பாகப் பரவலாக ஒப்புக் கொள்ளப்படும் நபரை மையமாகக் கொண்ட பராமரிப்பின் தத்துவம் பற்றிய தகவல்களும் இதில் உள்ளடங்கியுள்ளன.

Dementia Australia. (n.d.). Lewy Body Disease. https://www.dementia.org.au/about-dementia/types-of-dementia/lewy-body-disease
Dementia Australia. (n.d.). Alcohol related dementia. https://www.dementia.org.au/about-dementia/types-of-dementia/alcohol-related-dementia

The post முதுமைக்கால மறதி நோயின் மாறுபட்ட வகைகள் appeared first on DementiaHub.SG.

இது முதுமைக்கால மறதி நோயா அல்லது பிற நோய் நிலையா?

Admin — Wed, 10 Aug 2022 01:24:35 +0000

கவனமாகக் கேளுங்கள்

2 நிமிட வாசிப்பு

https://www.dementiahub.sg/wp-content/uploads/speaker/post-64272.mp3?cb=1748583321.mp3

சில நோய் நிலைகள் முதுமைக்கால மறதி நோயுடனான அறிகுறிகளைப் போல இருக்கலாம். முதுமைக்கால மறதி நோய், லேசான அறிவாற்றல் குறைபாடு, மனச்சோர்வு மற்றும் உளக்குழப்பம் ஆகியவற்றுக்கு இடையேயான ஒப்பீடு இங்கே கொடுக்கப்பட்டுள்ளது:

முதுமைக்கால மறதி நோய் மற்றும் இலேசான அறிவுத்திறன் குறைபாடு (Mild Cognitive Impairment, MCI)

முதுமைக்கால மறதி நோய் மற்றும் இலேசான அறிவுத்திறன் குறைபாடு ஆகியவை வெவ்வேறு நிலைமைகளாகும்.

லேசான அறிவாற்றல் குறைபாடு (Mild Cognitive Impairment, MCI) என்பது நினைவாற்றல் மற்றும் சிந்திக்கும் திறன் உள்ளிட்ட அறிவாற்றல் திறன்களில் மிதமான ஆனால் கவனிக்கத்தக்க மற்றும் அளவிடக்கூடிய சரிவைக் கொண்ட ஒரு கோளாறு ஆகும்.

MCI-ஐக் கொண்டிருக்கும் ஒரு நபரால் இன்னும் அவரது வழக்கமான நிலையில் செயல்பட முடியும், ஆனால் முதுமைக்கால மறதி நோய் ஏற்படும் அபாயம் அவருக்கு அதிகமாக உள்ளது.

முதுமைக்கால மறதி நோயைப் போலல்லாமல், MCI ஒரு நபரின் எளிய வழக்கமான பணிகளைச் செய்யும் அல்லது சாதாரண வாழ்க்கையை நடத்தும் திறனைப் பாதிப்பதில்லை.

இதிலிருந்து தழுவப்பட்டது: சிங்ஹெல்த்த்¹

முதுமைக்கால மறதி நோய் மற்றும் மனச்சோர்வு

மனச்சோர்வு மற்றும் முதுமைக்கால மறதி நோய் இரண்டும் ஒரே மாதிரியான அறிகுறிகளான தனிமைப்படுதல், பொழுதுபோக்கில் ஆர்வம் குறைதல், சமூக விலகல் மற்றும் பற்றின்மை போன்ற அறிகுறிகளைப் கொண்டிருப்பதால், இரண்டு நோய் நிலைகளும் எளிதில் குழப்பத்தை ஏற்படுத்தலாம். கடுமையான மனச்சோர்வு சிலநேரங்களில் சூடோடிமென்ஷியா எனப்படும் அறிவாற்றல் குறைபாடு அறிகுறிகளை ஏற்படுத்தலாம், இதனால் மனச்சோர்வுடன் தொடர்புடைய தனது உணர்வுகளை வெளிப்படுத்துவது ஒருவருக்குக் கடினமாகிறது.

முதுமைக்கால மறதி நோய் மற்றும் மனச்சோர்வு ஆகியவற்றுக்கு இடையேயான தொடர்பைப் பற்றிய ஆராய்ச்சி இன்னும் நடைபெற்று வருகிறது என்றாலும், நடு- அல்லது பிந்தைய வாழ்க்கையில் மனச்சோர்வு அறிகுறிகளைக் கொண்டிருப்பது முதுமைக்கால மறதி நோய் ஏற்படுவதற்கான அதிக அபாயத்துடன் தொடர்பைக் கொண்டிருக்கிறது என்று பல ஆதாரங்கள் பரிந்துரைக்கின்றன.² எனினும், மனச்சோர்வுடன் வாழ்பவர்களுக்கு முதுமைக்கால மறதி நோய் ஏற்படும் என்ற அவசியமில்லை.

முதுமைக்கால மறதி நோய் மற்றும் மனச்சோர்வுக்கு இடையே உள்ள சில முக்கிய வேறுபாடுகள்:³

தொடக்கம், கால அளவு மற்றும் போக்கு: முதுமைக்கால மறதி நோயின் தொடக்கம் படிப்படியான மற்றும் மீளமுடியாத சீர்கேட்டுடன் மெதுவாகவும் மறைவாகவும் இருக்கிறது; மனச்சோர்வு மற்றும் மனநிலை மாற்றங்கள் இரண்டு வாரங்கள் முதல் ஆண்டுக்கணக்கில் நீடிக்கலாம், ஆனால் அவை மீளக்கூடியவை.
மனநிலை: தொடக்க முதுமைக்கால மறதி நோயைக் கொண்டவருக்கு மனச்சோர்வடைந்த மனநிலை இருக்கலாம், ஆனால் அவருக்கு அது நிச்சயமாக இருக்கும் என்று கூற முடியாது; மனச்சோர்வை அனுபவிக்கும் ஒருவருக்கு மனச்சோர்வடைந்த மனநிலை நிச்சயமாக இருக்கும்.
• சிந்தித்தல்: முதுமைக்கால மறதி நோயுடன், வார்த்தையைக் கண்டறிதல் மற்றும் புரிதல் ஆகியவற்றில் பெரும்பாலும் சிரமம் உள்ளது, ஆனால் மனச்சோர்வில், சிந்தனை பெரும்பாலும் அப்படியே இருக்கும், இருப்பினும் சிந்தனையின் உள்ளடக்கம் பெரும்பாலும் உதவியற்ற தன்மை மற்றும் நம்பிக்கையற்ற தன்மையைக் கொண்டிருக்கும்.

முதுமைக்கால மறதி நோய் மற்றும் உளக்குழப்பம்

உளக்குழப்பம் என்பது மூளையில் ஏற்படும் திடீர் மாற்றத்தை குறிக்கிறது, இது ஒரு ஒருவரின் சுயஉணர்வு நிலை, உளவியக்கத் தொந்தரவுகள், நினைவுத்திறன் குறைபாடுகள், மனவுணர்வு சார்ந்த மாற்றங்கள் மற்றும் மாற்றப்பட்ட அறிவாற்றல் அல்லது கண்ணோட்டம் ஆகியவற்றால் வகைப்படுத்தப்படுகிறது. இவை பல மணிநேரங்களுக்கு அல்லது நாட்கணக்கில் ஏற்படுகின்றன. ஆபத்துக் காரணிகளில் உடல் ரீதியாக நோய் ஏற்படுதல், உணர்திறன் குறைபாடுகள், சமீபத்திய அறுவைச் சிகிச்சைகள் மற்றும் மருந்துகள் அல்லது போதைமருந்துகளின் பயன்பாடு (பரிந்துரைக்கப்பட்டவை அல்லது சட்டவிரோதமானவை) ஆகியவை அடங்கும். உளக்குழப்பம் வழக்கமாக மீளக்கூடியது.

உளக்குழப்பமானது முதுமைக்கால மறதி நோயுடன் ஏற்படும் என்ற அவசியமில்லை, மேலும் முதுமைக்கால மறதி நோயை கொண்டிருக்காதவர்களுக்கும் உளக்குழப்பம் ஏற்படலாம். உளக்குழப்பம் போலல்லாமல், முதுமைக்கால மறதி நோய் பல ஆண்டுகளாக மெதுவாக வளர்ச்சியடைகிறது, சுயநினைவின் அளவில் மாற்றம் செய்வதில்லை, நிரந்தரமானது மற்றும் ஓரளவு சீரான அடையாளங்களையும் அறிகுறிகளையும் கொண்டுள்ளது. முதுமைக்கால மறதி நோயுடன் வாழ்பவர்களின் நடத்தையும் கூட, தினசரி அடிப்படையில் ஓரளவிற்குச் சீரானதே.

இதிலிருந்து தழுவப்பட்டது: சாங்கி பொது மருத்துவமனை ⁴ மற்றும் HealthXchange.sg ⁵

இந்தக் கட்டுரை பயனுள்ளதாக இருந்ததா?

ஆம் இல்லை

SingHealth. (n.d.) Mild Cognitive Impairment (MCI): Signs and Symptoms. HealthXchange.sg. Retrieved on 5 March, 2021, from https://www.healthxchange.sg/seniors/ageing-concerns/mild-cognitive-impairment-signs-symptoms
Barnes, D. E., Yaffe, K., Byers, A. L., McCormick, M., Schaefer, C., & Whitmer, R. A. (2012). Midlife vs late-life depressive symptoms and risk of dementia: Differential effects for Alzheimer disease and vascular dementia. Archives of general psychiatry, 69(5), 493-498.
Victoria State Government. (n.d.). Differential diagnosis – depression, delirium and dementia. health.vic. Retrieved April 28, 2021, from https://www2.health.vic.gov.au/hospitals-and-health-services/patient-care/older-people/cognition/diff-diagnosis
Changi General Hospital. (2019, January 10). Decoding Delirium. Changi General Hospital. https://www.cgh.com.sg/about-cgh/news/caring/issue2-2022/decoding-delirium.newsdetails
Lim, S. C. (n.d.). Dementia and Delirium: Know the Difference. HealthXchange.sg. Retrieved on 24 March, 2021, from https://www.healthxchange.sg/head-neck/brain-nervous-system/dementia-delirium-difference

The post இது முதுமைக்கால மறதி நோயா அல்லது பிற நோய் நிலையா? appeared first on DementiaHub.SG.

முதுமைக்கால மறதி நோயை (டிமென்ஷியா) புரிந்துகொள்ளுதல் - DementiaHub.SG

எண்ணிக்கைகளில் முதுமைக்கால மறதி நோய்: உள்ளூர் மற்றும் உலகளாவிய புள்ளிவிவரங்கள்

இந்த கட்டுரையில்

உள்ளூர் புள்ளிவிவரங்கள்

பரவலான நிலை

அனைத்து வயதினருக்குமான கவலை

பராமரிப்பின் யதார்த்தங்கள்

சிங்கப்பூரில் முதுமைக்கால மறதி நோய் பொருளாதார ரீதியாக ஏற்படுத்தும் தாக்கம்

உலகளாவிய புள்ளிவிவரங்கள்

பரவலான நிலை

பராமரிப்பாளர்களின் அனுபவங்கள்

உலகளவில் முதுமைக்கால மறதி நோய் பொருளாதார ரீதியாக ஏற்படுத்தும் தாக்கம்

இந்தக் கட்டுரை பயனுள்ளதாக இருந்ததா?

What went wrong?

Tell us how we can improve?

Thank you for your feedback!

Follow us on social media:

அடுத்து படிக்கவும்

அறிவுசார் இயலாமையுடன் முதுமைக்கால மறதி நோய் உள்ளவர்களைப் புரிந்துகொள்வது

இந்த கட்டுரையில்

முதுமைக்கால மறதி நோயும் அறிவுசார் இயலாமையும்

முதுமைக்கால மறதி நோய் மற்றும் அறிவுசார் இயலாமை என்றால் என்ன?

பரவல் நிலை மற்றும் ஆபத்து காரணிகள்

அறிவுசார் இயலாமை உள்ளவர்களிடத்தில் ஏற்படும் முதுமைக்கால மறதி நோயின் அடையாளங்களும் அறிகுறிகளும்

அறிவுசார் இயலாமை உள்ளவருக்கு முதுமைக்கால மறதி நோயறிதலைப் பெறுதல்

முதுமைக்கால மறதி நோய்க்கு உகந்த அணுகுமுறை

குடும்பங்கள் மற்றும் பராமரிப்பாளர்களுக்கான ஆதரவு

நிதி ரீதியான ஆதரவு

பராமரிப்பாளர் ஆதரவு

முடிவுரை ​​

ஆசிரியரின் சுயசரிதை

Movement for the Intellectually Disabled of Singapore (MINDS)

இந்தக் கட்டுரை பயனுள்ளதாக இருந்ததா?

What went wrong?

Tell us how we can improve?

Thank you for your feedback!

Follow us on social media:

அடுத்து படிக்கவும்

வாஸ்குலர் டிமென்ஷியா

இரத்தநாளம் சார்ந்த முதுமைக்கால மறதி நோய் என்றால் என்ன?

இரத்தநாளம் சார்ந்த முதுமைக்கால மறதி நோய் எவ்வளவு பொதுவானது?

இரத்தநாளம் சார்ந்த முதுமைக்கால மறதி நோயின் முக்கிய அறிகுறிகள்

காரணங்கள்

இரத்தநாளம் சார்ந்த முதுமைக்கால மறதி நோயின் வகைகள்

பக்கவாத நோய்க்குறிகள்

சிகிச்சை மற்றும் ஆதரவு

அபாயங்கள்

எனக்கு இரத்தநாளம் சார்ந்த முதுமைக்கால மறதி நோய் உருவாகும் அபாயத்தை நான் எவ்வாறு குறைக்கலாம்?

கூடுதல் தகவல்கள்: பக்கவாத நோய்க்குறிகள்

இந்தக் கட்டுரை பயனுள்ளதாக இருந்ததா?

What went wrong?

Tell us how we can improve?

Thank you for your feedback!

Follow us on social media:

அடுத்து படிக்கவும்

ஆல்சைமர் நோய்

இந்த கட்டுரையில்

ஆல்சைமர் நோய் என்றால் என்ன?

ஆல்சைமர் நோய் எவ்வளவு பொதுவானது?

ஆல்சைமர் நோயின் முக்கிய அறிகுறிகள்

ஆல்சைமர் நோய்க்கான மரபணு ஆபத்து

அபாயத்தை நிர்வகித்தல்

நோயறிதல் சோதனை

எனக்கோ அல்லது என் அன்புக்குரியவருக்கோ நான் எவ்வாறு ஆதரவைப் பெறுவது?

கூடுதல் வளஆதாரங்கள்

Understanding Different Types of Dementia (PDF) Source: National Institute on Aging

Alzheimer’s disease and dementia: what everyone needs to know by Sabat, Steven R. Available for loan from the National Library Board

இந்தக் கட்டுரை பயனுள்ளதாக இருந்ததா?

What went wrong?

Tell us how we can improve?

Thank you for your feedback!

Follow us on social media:

Read Next

ஃப்ரெண்டொடெம்போரல் டிமென்ஷியா (Frontotemporal Dementia, FTD)

இந்த கட்டுரையில்

ஃப்ரெண்டொடெம்போரல் முதுமைக்கால மறதி நோய் (Frontotemporal Dementia/FTD) என்பது என்ன?

மூளையின் முன்புற மற்றும் பக்கவாட்டுப் பகுதிகளில் முறையே முன்பக்க மற்றும் மூளைப்பக்க மடல்கள் உள்ளன.

FTD-யும் வயதும் எவ்வாறு தொடர்புடையது?

FTD எவ்வளவு பொதுவானது?

அபாயங்கள்

முடிவுரை

Understanding Different Types of Dementia (PDF)
Source: National Institute on Aging

Alzheimer’s disease and dementia: what everyone needs to know by Sabat, Steven R.
Available for loan from the National Library Board

முதுமைக்கால மறதி நோயை (டிமென்ஷியா) புரிந்துகொள்ளுதல்
ஆதாரம்: கூ டெக் புவாட் மருத்துவமனை