முதுமைக்கால மறதி நோயைக் கண்டறிவதற்கான சோதனை Archives - DementiaHub.SG https://www.dementiahub.sg/ta/dementia-category/dementia-diagnosis/ Singapore’s One-Stop Resource Portal on Dementia Tue, 31 Mar 2026 04:44:35 +0000 ta-IN hourly 1 https://www.dementiahub.sg/wp-content/uploads/2022/06/fav.png முதுமைக்கால மறதி நோயைக் கண்டறிவதற்கான சோதனை Archives - DementiaHub.SG https://www.dementiahub.sg/ta/dementia-category/dementia-diagnosis/ 32 32 முதுமைக்கால மறதி நோய் எவ்வாறு கண்டறியப்படுகிறது? https://www.dementiahub.sg/ta/what-is-dementia/how-is-dementia-diagnosed/ Wed, 16 Aug 2023 01:51:43 +0000 https://www.dementiahub.sg/dementia/how-is-dementia-diagnosed/ நோயறிதல் செயல்முறைகளால், சுகாதாரப் பராமரிப்பு நிபுணர்கள் அடங்கிய ஒரு குழுவின் உதவியுடன், இந்த முதுமைக்கால மறதி நோய் போன்ற அறிகுறிகளை நீங்கள் நன்கு புரிந்துகொள்ள முடியும்.

The post முதுமைக்கால மறதி நோய் எவ்வாறு கண்டறியப்படுகிறது? appeared first on DementiaHub.SG.

]]>

கவனமாகக் கேளுங்கள்

5 நிமிட வாசிப்பு

முதுமைக்கால மறதி நோய் போன்ற அறிகுறிகளை அனுபவிக்கின்ற ஒரு நபராக, அல்லது அந்நபரின் நெருங்கிய குடும்ப உறுப்பினர் அல்லது நண்பராக, மருத்துவரைச் சந்திக்கும்போது என்ன நடக்கும் என்று நீங்கள் யோசிக்கலாம்.

நோயறிதல் செயல்முறைகளால்,  சுகாதாரப் பராமரிப்பு நிபுணர்கள் அடங்கிய ஒரு குழுவின் உதவியுடன், இந்த முதுமைக்கால மறதி நோய் போன்ற அறிகுறிகளை நீங்கள் நன்கு புரிந்துகொள்ள முடியும்.

நோயறிதல் செயல்முறையின் கண்ணோட்டம்

இச்செயல்முறையில் சுகாதாரப் பராமரிப்பு நிபுணர்கள் உடனான சில அமர்வுகள் முதல் பல அமர்வுகள் அடங்கியுள்ளன. இது பெரும்பாலும் ஒரு தனியார் மருத்துவர் (GP) அல்லது குடும்ப மருத்துவரைப் பலதுறை மருந்தகம் அல்லது GP சிகிச்சையகத்தில் சந்திப்பதில் இருந்து தொடங்குகிறது. GP அல்லது மருத்துவர் ஒரு தொடக்கத் சோதனை மற்றும் கலந்தாய்வை நடத்துவார். 

GP அல்லது குடும்ப மருத்துவர், முதுமைக்கால மறதி நோய் போன்ற அறிகுறிகளை அனுபவிக்கும் நபரை மேற்கொண்டு கலந்தாலோசனைகள் மற்றும் மதிப்பீடுகளுக்காக ஒரு சிறப்புக் குழுவிடம் அல்லது நரம்பியல் நிபுணர், மூத்தோர் மருத்துவர் அல்லது மனநல மருத்துவர் போன்ற நிபுணர்களிடம் சில அமர்வுகள் முதல் பல அமர்வுகளுக்காகப் பரிந்துரைக்கலாம். 

இந்த அமர்வுகளில், ஒரு நபருக்கு முதுமைக்கால மறதி நோய் இருக்கிறதா என்பதையும், சாத்தியமிருந்தால், அவருக்கு என்ன வகையான முதுமைக்கால மறதி நோய் உள்ளது என்பதையும் கண்டறிய கலந்தாலோசனைகள், மருத்துவ வரலாற்றை விரிவாகக் கேட்டறிவது, இரத்தப் பரிசோதனைகள், அறிவாற்றல் சோதனைகள் மற்றும் மூளை ஸ்கேன் ஆகியவை அடங்கும். 

பல்வேறு வகையான முதுமைக்கால மறதி நோய் பற்றி மேலும் படியுங்கள்.

மருத்துவரைச் சந்திக்க வரும்போது, உங்கள் நம்பிக்கைகுரிய ஒருவரை உடன் அழைத்து வரவும்

நோயறிதல் செயல்முறைக்கு உட்படும் நபர்கள், அவர்களை நன்கு அறிந்த நம்பிக்கைகுரிய ஒருவருடன் வருமாறு நாங்கள் ஊக்குவிக்கிறோம்; அவர் இந்நோய் இருப்பதாகக் கண்டறியப்பட்ட நபருடன் வசிக்கின்ற ஒருவராக அல்லது நெருக்கமாக இருக்கின்ற குடும்ப உறுப்பினர்கள் மற்றும் நண்பர்களாக இருக்கலாம். மருத்துவருடனான முதல் வருகையின் போது இது மிகவும் முக்கியமாகும். 

உடன் வரும் நபர், நோயறிதல் செயல்முறையில் உதவக்கூடிய முக்கியமான தகவல்களை வழங்குகின்ற ஒரு தகவல் அளிப்பவராகச் செயல்படலாம். 

அதோடு, இந்த நபர் நோயறிதல் சோதனை செய்யப்படும் நபருக்கு மேற்கொண்டு நோயறிதல் அமர்வுகளைத் தொடர உதவலாம். இந்தப் பயணம் சவாலானதாக இருப்பதால், நோயறிதல் செயல்முறைக்கு உட்படுகின்ற நபருடன் இணைந்து பயணிக்கும் அவர்கள் ஆதரவின் ஆதாரமாகவும் இருக்கலாம். 

நோயறிதல் செயல்முறைக்கு உட்படும் நபர்கள் தங்களின் நியமன சந்திப்புகளுக்கு ஒருவரை அழைத்து வருவது மிகவும் உதவியாக இருக்கும்.

நோயறிதல் செயல்முறையில் இந்த நடைமுறைகளை உள்ளடங்கியிருக்கலாம்

1. நேர்காணல்கள்

அறிகுறிகளை அனுபவிக்கும் நபரும், அவர்களை நன்கு அறிந்த, குடும்ப உறுப்பினர்களும்,  மருத்துவர் அல்லது செவிலியர் போன்ற சுகாதாரப் பராமரிப்பு நிபுணர்களால் நேர்காணல் செய்யப்படுவார்கள். 

சுகாதாரப் பராமரிப்பு நிபுணர்கள் பெரும்பாலும் பின்வருவன குறித்து மேலும் விரிவான தகவல்களைக் கேட்பார்கள்: 

  • அந்நபர் என்ன அறிகுறிகளை அனுபவித்தார், எப்போது அனுபவித்தார், எவ்வளவு காலத்திற்கு அனுபவித்தார். அறிகுறிகளில் நினைவுத்திறன் இழப்பு, மொழிப் பிரச்சினைகள், போகும் திசை தெரியாமல் தடுமாறுவது, ஒருவரின்  மனநிலை மற்றும் நடத்தையில் ஏற்பட்டுள்ள மாற்றங்கள் மற்றும் திட்டமிடுவதற்கான ஒருவரின் திறனில் உள்ள பிரச்சினைகள் ஆகியவை அடங்கும். 
  • இந்த அறிகுறிகள் அந்நபரின் அன்றாடப் பணிகள் மற்றும் நடைமுறைகளை எவ்வாறு பாதித்தன
  • மருத்துவ வரலாறு, ஏதேனும் நடத்தை மற்றும் உளவியல் சார்ந்த அறிகுறிகளின் இருப்பு மற்றும் அந்நபர் எடுத்துக் கொள்கின்ற மருந்துகள் மற்றும் குறைநிரப்பிகள் உள்ளிட்ட அந்நபரின் பின்னணி 
  • அந்நபரின் கல்வி மற்றும் வேலை சார்ந்த பின்னணி 
 
முதுமைக்கால மறதி நோயின் அறிகுறிகளைப் புரிந்துகொள்ள மேற்கொண்டு படியுங்கள்.

நோயறிதல் செயல்முறையானது அந்நபரின் நிலையைப் பற்றிய நேர்காணல்களை உள்ளடக்கியிருக்கும்.

2. தற்போதுள்ள பிற மருத்துவ நிலைகளுக்கான பரிசோதனைகள்

பிற மருத்துவ நிலைகள் இருப்பதை நிராகரிக்க அல்லது அடையாளம் காண, மருத்துவர்கள் பெரும்பாலும் முதுமைக்கால மறதி நோயைத் தவிர வேறு நோய் நிலைகளுக்காகப் பரிசோதிப்பார்கள். இந்த நோய் நிலைகள் முதுமைக்கால மறதி நோய் போன்ற அறிகுறிகளை இன்னும் கடுமையானதாக ஏற்படுத்தலாம், பங்களிக்கலாம் அல்லது உருவாக்கலாம்.   

இந்த நோய் நிலைகளில் சிலவற்றில் மனச்சோர்வு போன்ற மனநிலைக் கோளாறுகள்; பக்கவாதம்;  தீவிர மூளைக் காயங்கள் (Traumatic Brain Injury, TBI); நரம்பியல் சார்ந்த நோய் நிலைகள்; உளக்குழப்பம்; மற்றும் மனநோய் போன்ற மனநல நோய் நிலைகள் அடங்கும்.  

முதுமைக்கால மறதி நோய் போன்ற அறிகுறிகளை வெளிப்படுத்தும் பிற நோய் நிலைகள் பற்றிய கூடுதல் தகவல்களைக் கண்டறியுங்கள்.

3. அறிவாற்றல் தகுதிச் சோதனை மற்றும் மதிப்பீடுகள்

அறிவாற்றல் குறைபாடு தான் முதுமைக்கால மறதி நோயின் முக்கிய அறிகுறியாக இருப்பதால், அறிவாற்றல் மற்றும் மொழிச்சார்ந்த சோதனைகள் (உதாரணமாக, நோக்குநிலை மற்றும் குறுகிய மற்றும் நீண்டகால நினைவாற்றல் சோதனைகள்) நடத்தப்படுகின்றன. 

4. இரத்தப் பரிசோதனைகள்

அந்நபரின் அறிகுறிகளுக்குப் பங்களிக்கக்கூடிய பிற கோளாறுகளின் குறிப்பான்களைப் பரிசோதிப்பதன் மூலம் பிற நோய் நிலைகளை விலக்க  இரத்தப் பரிசோதனைகள் நடத்தப்படுகின்றன.  

5. மூளைப் படமாக்கல்

இரத்தப் பரிசோதனைகள் பிற சாத்தியமான மருத்துவ நிலைகளை விலக்கிய பிறகு சிலநேரங்களில் மூளை ஸ்கேன் செய்யப்படுகிறது. மூளை ஸ்கேன் செய்யப்படும் போது, அந்​​நபரின் தலை மட்டுமே ஸ்கேன் செய்யப்படுகிறது.  

இந்த மூளை ஸ்கேன்களில் காந்த அதிர்வுப் படமாக்கம் (Magnetic Resonance Imaging, MRI), கம்ப்யூட்டரைஸ்டு டோமோகிரஃபி (Computerized Tomography, CT) அல்லது பாசிட்ரான் எமிஷன் டோமோகிராபி (Positron Emission Tomography, PET) ஸ்கேன் ஆகியவை அடங்கும்.  

சிலநேரங்களில், ஒன்றுக்கும் மேற்பட்ட மூளைப் படமாக்கல் ஸ்கேன் செய்யப்படும், இதன்மூலம் மருத்துவக் குழுவால் வெவ்வேறு மூளை ஸ்கேன்களின் முடிவுகளைப் பயன்படுத்தி அந்நபரின் அறிகுறிகளை நன்கு புரிந்துகொள்ள முடியும்.  

இந்த வெவ்வேறு வகையான மூளை ஸ்கேன்கள்,  அந்நபர் அசையாமல் படுத்திருக்கும் வேளையில் ஸ்கேன் செய்யப்படும். மருத்துவர் எந்த வகையான மூளை ஸ்கேனைப் பயன்படுத்துகிறார் என்பதைப் பொறுத்து, சுமார் 30 நிமிடங்கள் முதல் 90 நிமிடங்கள் வரை எடு க்கும்.

மேலே உள்ள படத்தில், நோயாளி படமாக்கல் செய்யுமுன் படுத்துக் கொள்வார், அப்போது ஒரு சுகாதாரப் பராமரிப்பு நிபுணர் அவரை செய்யு தயார்படுத்துவார். MRI, CT மற்றும் PET ஸ்கேன்களை நடத்தப் பயன்படுத்தப்படும் இயந்திரங்கள் அனைத்தும், மேலே படத்தில் உள்ள வெள்ளையான, வட்டமான பொருளைப் போன்று வடிவத்தில் உள்ளன.

நோயாளிக்குப் பின்வருவன உள்ளதா என்பதை நோயாளி அல்லது அவரைப் பராமரிப்பவர் மருத்துவக் குழுவுக்குத் தெரிவிக்க வேண்டும்: 

  • கர்ப்பமாக இருக்கிறாரா 
  • மூடிய இடம் பற்றிய பீதி, ஏனெனில் நோயாளியின் தலையைச் சுற்றியுள்ள இயந்திரத்தை அவர் ஒரு சிறிய, மூடப்பட்ட இடமாக உணரலாம் 
  • ஸ்கேனிங் இயந்திரங்கள் செயல்படும் போது அவை அவ்வப்போது தட்டும் சத்தங்களை உருவாக்கும் என்பதால், உரத்த ஒலிகளைப் பொறுத்துக்கொள்வதற்குச் சிரமமாக உணர்வது 
  • ஸ்கேன் செய்யும்போது  போது அசையாமல் படுத்திருக்க இயலாமல் போகலாம்

 

நோயாளி மனப்பதற்றத்துடன் இருந்தால் மற்றும் ஸ்கேன் செய்வதற்காக அசையாமல் படுத்திருக்க முடியாவிட்டால், அவருக்கு ஒரு சிறிய அளவிலான மயக்க மருந்து கொடுக்கப்படலாம், அது ஒரு நபரை அமைதிப்படுத்தப் பயன்படும் மருந்தாகும். . 

நோயாளியை ஒரு கதிரியக்கவியல் நிபுணரும் (நோய் நிலைகளைக் கண்டறிந்து சிகிச்சையளிப்பதற்கான மருத்துவப் படமாக்கல் தொழில்நுட்பங்களைப் பயன்படுத்துவதில் நிபுணத்துவம் பெற்ற மருத்துவர்), ஒரு கதிர்வீச்சுப்பட நுட்பரும் (ஸ்கேன் செய்யும் இயந்திரங்களை இயக்குகின்ற ஒரு சுகாதாரப் பராமரிப்பு நிபுணர்) கவனித்துக்கொள்வார்கள்.  

  • MRI, CT மற்றும் PET மூளை ஸ்கேன்கள் பற்றிய தகவல்கள்  
காந்த அதிர்வுப் படமாக்கம் (MRI)

இது மூளையின் படங்களை உருவாக்குவதற்குக் காந்த அலைகளைப் பயன்படுத்துகின்ற ஒரு வலியற்ற, ஊடுருவாத வழியாகும்.  

ஸ்கேனுக்காகத் தயாராதல் 

விதிப்படி நோயாளிகள் MRI ஸ்கேன் அறைக்குள் உலோகப் பொருட்களை அணிந்து செல்லவோ, கொண்டு செல்லவோ அனுமதியில்லை. உலோகப் பொருளை அகற்ற முடியாவிட்டால், உடனடியாக மருத்துவக் குழுவுக்குத் தெரிவிக்க வேண்டும். 

நோயாளிக்குப் பின்வருவன உள்ளதா என்பதைப் பற்றி மருத்துவக் குழுவிடம் கூறுவது முக்கியமாகும்:

  • மருத்துவ உள்வைப்புகள் (உதாரணமாக, கோக்லியர் உள்வைப்புகள், இதயம் சார்ந்த இதயமுடுக்கிகள், மூளை இரத்தக்கலன் புடைப்புக் கவ்விகள், அவர்களின் முதுகுத்தண்டு அல்லது மூட்டுகளில் உள்ள உலோக உள்வைப்புகள்) 
  • பச்சைக் குத்தல்கள், இதில் சிறிய அளவு உலோகங்கள் அடங்கிருக்கலாம்    

நோயாளிகள் பின்வருவனவற்றை அகற்றும்படி கேட்கப்படுவார்கள்:

  • துணைக்கருவிகள் மற்றும் நகைகள் 
  • பொய் பற்கள் 
  • கேட்டலுதவிச் சாதனங்கள் 
  • பொய் தலைமுடி (விஃகுகள்)    

சிறிய அளவிலான உலோகங்களைக் கொண்டிருக்கும் ஒப்பனை, நகப் பூச்சு, வியர்வை அடக்கிகள் அல்லது சன்ஸ்கிரீன்கள் போன்ற தயாரிப்புகளை அகற்றுமாறு அல்லது அவற்றின் பயன்பாட்டைக் குறைக்குமாறு நோயாளி அறிவுறுத்தப்படுவார்.  

ஸ்கேனின் போது 

ஸ்கேனிங் செயல்முறை 30 முதல் 90 நிமிடங்கள் வரை நீடிக்கும். இந்த நேரத்தில், நோயாளிகள் MRI படங்களை எடுக்க அசையாமல் படுத்திருக்க வேண்டும். 

கம்ப்யூட்டரைஸ்டு டோமோகிராஃபி (Computerized Tomography, CT) ஸ்கேன்

இது மூளையின் குறுக்குவெட்டுப் படங்களை ஸ்கேன் செய்து உருவாக்குவதற்கான ஒரு வலியற்ற, ஊடுருவாத வழியாகும். 

ஸ்கேனுக்காகத் தயாராதல் 

தெளிவான படங்கள் எடுக்கப்படுவதை உறுதிசெய்வதற்காக, ஸ்கேன் செய்வதற்குச் சில மணிநேரங்களுக்கு முன்பு நோயாளி எதையும் சாப்பிடாமல் அல்லது குடிக்காமல் இருக்குமாறு அறிவுறுத்தப்படலாம். 

கூடுதலாக, நோயாளிகள் ஸ்கேன் செய்வதுடன் குறுக்கிடக்கூடிய ஏதேனும் உலோகப் பொருட்களை அகற்ற வேண்டும். 

ஸ்கேனின் போது 

CT ஸ்கேன் சுமார் 15 முதல் 30 நிமிடங்களை எடுத்துக் கொள்கிறது. இந்த நேரத்தில், நோயாளிகள் அசையாமல் படுத்திருக்க வேண்டும். குறிப்பிட்ட சில நேரங்களில் அவர் மூச்சைப் பிடித்துக் கொள்ளுமாறு அல்லது மூச்சை உள்ளிழுத்து வெளிவிடுமாறு கேட்டுக்கொள்ளப்படலாம். 

பாசிட்ரான் உமிழ்வு வெட்டுவரைவு (Positron Emission Tomography, PET)

இது மூளையின் படங்களை உருவாக்குகின்ற ஒரு வலியற்ற, ஊடுருவாத வழியாகும். 

ரேடியோடிரேசர் எனப்படும் பொருளால் உற்பத்தி செய்யப்படும் கதிர்வீச்சைக் கண்டறிவதன் மூலம் PET செயல்படுகிறது. ஸ்கேன் செய்வதற்கு முன் நோயாளியின் கரம் அல்லது கையில் உள்ள ஒரு நரம்புக்குள் ரேடியோடிரேசர் உட்செலுத்தப்படுகிறது.

முதுமைக்கால மறதி நோயைக் கண்டறிவதற்கான செயல்முறையில், அமிலாய்ட் மற்றும் டௌ எனப்படும் புரதங்களின் இருப்பைக் கண்டறிய PET ஸ்கேன்கள் பயன்படுத்தப்படுகின்றன. ஒரு நபருக்கு ஆல்சைமர் நோய் உருவாகும் போது அமிலாய்ட் மற்றும் டவு திரட்சி ஏற்படுகிறது, இது முதுமைக்கால மறதி நோயின் மிகவும் பொதுவான காரணமாகும்.

ஸ்கேனுக்காகத் தயாராதல் 

ஸ்கேன் செய்வதற்கு முன் 6 மணிநேரத்திற்குப் பட்டினி இருக்குமாறு நோயாளி அறிவுறுத்தப்படுவார், இருப்பினும் அவர் தண்ணீர் குடிக்கலாம்.  

கூடுதலாக, நோயாளிகள் ஸ்கேன் செய்வதுடன் குறுக்கிடக்கூடிய ஏதேனும் உலோகப் பொருட்களை அகற்ற வேண்டும்.  

ஸ்கேன் செய்வதற்கு சுமார் ஒரு மணிநேரத்திற்கு முன்பு, நோயாளியின் கரம் அல்லது கையில் உள்ள ஒரு நரம்பினுள் ரேடியோடிரேசர் உட்செலுத்தப்படும். ரேடியோடிரேசர் உடலின் வெவ்வேறு பகுதிகளுக்குச் செல்லும்போது நோயாளிகள் அசையாமலும் ஓய்வாகவும் இருப்பார்கள்.   

ஸ்கேனின் போது 

நோயாளிக்கு ரேடியோடிரேசர் கொடுக்கப்பட்டு ஒரு மணிநேரம் கடந்த பிறகு, PET ஸ்கேன் தொடங்கும். 

PET ஸ்கேன்கள் சுமார் 30 முதல் 60 நிமிடங்கள் வரை நீடிக்கும், அப்போது நோயாளிகள் அசையாமல் படுத்திருக்க வேண்டும். 

மேலும் தகவல்கள் மற்றும் ஆதரவை எங்கே பெறுவது

நோயறிதல் செயல்முறையைத் தொடங்குவது அச்சுறுத்துவதாக இருக்கலாம், ஆனால் நோயறிதல் செய்துகொள்வது அறிகுறிகளை அனுபவிக்கும் நபரின் வாழ்க்கை மற்றும் அவரது குடும்பங்களுக்குத் தெளிவை ஏற்படுத்துகிறது. நீங்கள் விரைவில் உதவி பெற்றால், முதுமைக்கால மறதி நோய்க்கான சிகிச்சை மற்றும் ஆதரவு முன்னதாகவே தொடங்கலாம். 

உங்களுக்கோ அல்லது உங்களுக்குத் தெரிந்தவருக்கோ முதுமைக்கால மறதி நோய் இருந்தால், ஆதரவு அல்லது தகவல்கள் தேவைப்பட்டால், ஆதரவை எவ்வாறு பெறுவது என்பது பற்றி மேலும் அறிய மக்கள்தொடர்புக் குழு (CREST)-ஐத் தொடர்பு கொள்ளவும் அல்லது 6377 0700 என்ற டிமென்ஷியா சிங்கப்பூரின் உதவித் தொலைப்பேசி எண்ணை அழைக்கவும். 

மேற்கோள்கள்


1. Kitwood, T. M. (1997). Dementia Reconsidered: The Person Comes First. Open University Press.

இந்தக் கட்டுரை பயனுள்ளதாக இருந்ததா?

ஆம் இல்லை
×

Tell us how we can improve?

×

Thank you for your feedback!

Your feedback will really help us to improve our content to support those living with dementia.

Follow us on social media:

Facebook Pinterest

The post முதுமைக்கால மறதி நோய் எவ்வாறு கண்டறியப்படுகிறது? appeared first on DementiaHub.SG.

]]> எனது அன்பிற்குரியவர் நோய்க் கண்டறியும் சோதனைச் செய்துக்கொள்ள மறுக்கிறார் – நான் என்ன செய்வது? https://www.dementiahub.sg/ta/what-is-dementia/my-loved-one-refuses-to-get-a-diagnosis-what-can-i-do/ Fri, 26 May 2023 11:42:06 +0000 https://www.dementiahub.sg/dementia/my-loved-one-refuses-to-get-a-diagnosis-what-can-i-do/ உங்கள் அன்பிற்குரியவரிடம் முதுமைக்கால மறதி நோயுடைய அறிகுறிகளும் அடையாளங்களும் தென்பட்டால், அவர் விரைவில் நோயைக் கண்டறிந்து சிகிச்சைப் பெற வேண்டும் என்று நீங்கள் விரும்புகிறீர்கள் என்பதைப் புரிந்துகொள்கிறோம். இருப்பினும், உங்கள் அன்பிற்குரியவருடன் அவர் அனுபவிக்கும் நினைத்திறன் குறைபாடுகள் மற்றும் குழப்பமாக இருக்கும் தருணங்களைப் பற்றி உரையாடுவது கடினமாக இருக்கலாம். பெரும்பாலும், இந்த அறிகுறிகளை அனுபவிக்கும் ஒருவர் தற்காக்கும் உணர்வு, கவலையுணர்வு அல்லது மறுக்கப்படும் உணர்வுடன் இருக்கக்கூடும்.

The post எனது அன்பிற்குரியவர் நோய்க் கண்டறியும் சோதனைச் செய்துக்கொள்ள மறுக்கிறார் – நான் என்ன செய்வது? appeared first on DementiaHub.SG.

]]>

கவனமாகக் கேளுங்கள்

5 நிமிட வாசிப்பு

உங்கள் அன்பிற்குரியவரிடம் முதுமைக்கால மறதி நோயுடைய அறிகுறிகளும் அடையாளங்களும் தென்பட்டால், அவர் விரைவில் நோயைக் கண்டறிந்து சிகிச்சைப் பெற வேண்டும் என்று நீங்கள் விரும்புகிறீர்கள் என்பதைப் புரிந்துகொள்கிறோம். இருப்பினும், உங்கள் அன்பிற்குரியவருடன் அவர் அனுபவிக்கும் நினைத்திறன் குறைபாடுகள் மற்றும் குழப்பமாக இருக்கும் தருணங்களைப் பற்றி உரையாடுவது கடினமாக இருக்கலாம். பெரும்பாலும், இந்த அறிகுறிகளை அனுபவிக்கும் ஒருவர் தற்காக்கும் உணர்வு, கவலையுணர்வு அல்லது மறுக்கப்படும் உணர்வுடன் இருக்கக்கூடும்.  

இது போன்ற சூழ்நிலையில், உங்கள் அன்பிற்குரியவரை மருத்துவரைச் சந்திக்கும்படி ஊக்குவிக்கலாம். இதற்கிடையில் முதுமைக்கால மறதி நோயின் அறிகுறிகளைத் தொடர்ந்து வெளிப்படுத்தும் உங்கள் அன்பிற்குரியவரைப் பராமரிக்க நீங்கள் என்ன செய்யலாம் என்று பார்ப்போம்

நோயைக் கண்டறிவதற்குச் சுற்றியுள்ள உரையாடலை மாற்றியமைக்க நீங்கள் எடுக்கக்கூடிய படிநிலைகளையும், உங்களது அன்பிற்குரியவர் முறையான நோயறிதலைப் பெற ஒப்புக்கொள்ளும் வரை நீங்களும் உங்கள் அன்பிற்குரியவரும் உதவிக்காகச் செல்லக்கூடிய, சமூகத்தில் கிடைக்கப்பெறும் சேவைகளையும் இந்தக் கட்டுரை எடுத்துக்காட்டுகிறது. 

உரையாடலை மாற்றியமைத்திடுங்கள்

உங்கள் அன்பிற்குரியவருடன் மீண்டும் இன்னொரு உரையாடலை மேற்கொள்வதற்கு முன், அவர்களின் கவலைகளையும் அவர் நோயறிதலைப் பெற விரும்பாமல் இருப்பதற்கான காரணங்களையும் புரிந்துகொள்வது அவசியம். இதைப் புரிந்துகொள்வது, உரையாடலில் அவரது உணர்வுகளும் புரிந்துகொள்ளப்படுகிறது என்று அவரை உணர வைப்பதோடு, அவரின் கவலைகளைப் போக்கவும், வல்லுநர் உதவியை நாடுவதே சிறந்த வழி என்பதை உறுதிப்படுத்தவும் உங்களுக்குச் சிறந்த யோசனையை அளிக்கும்.

மருத்துவர்கள் மற்றும் மருத்துவமனைகள் குறித்த பயம்

  • எப்பொழுதும் ஊக்கமூட்டும் மொழியைப் பயன்படுத்துங்கள். அவர்களை அச்சுறுத்தும் வகையில் பேரழிவைத் தருமென்ற எண்ணத்தை அல்லது பயத்தை ஏற்படுத்தும் அணுகுமுறையைப் பயன்படுத்துவதை விட, ஊக்கமளிக்கும் விதத்தில் சுகாதாரப் பரிசோதனையின் நன்மைகளை விளக்குங்கள்.
  • நீங்கள் நோய்க்கண்டறிதலுக்கான சந்திப்பை ஏற்பாடு செய்யலாம் – ஆனால் நீங்களும் இந்த நோய்க்கண்டறியும் பரிசோதனையை அவர்களுடன் சேர்ந்து செய்துக் கொள்வது அவர்களுக்கு ஆறுதலாக இருக்கும். தனியாகப் பரிசோதனை செய்யும்போது ஏற்படும் மன அழுத்தம் மற்றும் பதட்டத்தை இது குறைக்கிறது.
  • உங்கள் அன்பிற்குரியவருக்கு பரிச்சியமான மருத்துவ ரிடம்  அழைத்துச்செல்வதும் உதவியாக இருக்கும்.
  • மாற்றாக, உங்கள் அன்புக்குரியவரிடம் அவர் வழக்கமான பரிசோதனைக்குச் செல்ல வேண்டும் என்பதையும், நீங்கள் ஏற்கனவே அதற்கான சந்திப்பிற்கு ஏற்பாடு செய்துவிட்டீர்கள் என்பதையும் தெரிவிக்கலாம்

கவலை: தங்களின் சுயாதீனத்தை இழந்து விடுவோமோ என்று பயப்படுதல்

  • உங்கள் அன்பிற்குரியவர், குறிப்பாக அவர் தனியாக வாழ்ந்தால், நோயறிதல் மதிப்பீட்டிற்கு ஒப்புக் கொள்வதற்கான வாய்ப்புகள் குறைவு மற்றும் நோயறிதலுடன் தொடர்புடைய சிறப்பியல்புக் கூறு (stigma) குறித்து அவர்கள் அக்கறை கொள்ளலாம்
  • அவர்கள் முதுமைக்கால மறதி நோயினால் வாகனம் ஓட்டுவது போன்ற செயல்பாடுகள் மற்றும் அவர்கள் பழகிய சுயாதீனம் போன்றவற்றை இழப்பதுடன் தொடர்புபடுத்திப் பார்க்கக்கூடும்.
  • அவர்கள் கவலையுடன் இருக்கலாம் மற்றும் மோசமான சூழ்நிலைகளைப் பற்றி மட்டுமே நினைக்கலாம்.
  • இதுபோன்ற சூழ்நிலைகளில், உங்கள் அன்பிற்குரியவருக்கு அவரது சுயாதீனத்தை முடிந்தவரை தக்கவைப்பதற்கு, அதற்கான மாற்றங்களைச் சமாளிப்பதற்கான வழிகள் உள்ளன என்பதை அவருக்கு உறுதிப்படுத்துவது முக்கியம்.
  • உதாரணத்திற்கு, வாகனம் ஓட்டுவது ஒருவருக்கு சுயாதீனத்தையும் சுதந்திரத்தையும் குறிக்கலாம். நீங்களும் உங்கள் அன்பிற்குரியவரும் உங்கள் மருத்துவருடன் இணைந்து, புதிய விதத்தில் வாகனம் ஓட்டும் ஏற்பாட்டை, அவர்களது மற்றும் சாலையில் உள்ள மற்றவர்களின் பாதுகாப்பை உறுதி செய்யும்.
  •  இது குறித்த கூடுதல் தகவல்களை இங்கே தெரிந்துகொள்ளுங்கள்.
  • அது மட்டுமின்றி, சில சூழ்நிலைகளில், உங்கள் அன்பிற்குரியவரால் இன்னமும் சொந்தமாக வாழ முடியும் (அவரது முதுமைக்கால மறதி நோயின் ஆரம்பக் கட்டத்தில்). எப்படி என்பதை இங்கே தெரிந்துகொள்ளுங்கள்.

கவலை: மறதித்தன்மையை மூப்படைதலின் இயல்பான பகுதியாக நினைத்துக் கொள்ளுதல்

  • முதுமைக்கால மறதி நோய் பற்றியும் அதன் அறிகுறியைப் பற்றியும் அறியாமல் இருப்பது,நோயைக் கண்டறிவதற்கு வலுவான தடையாக இருப்பதாக முந்தைய ஆய்வுகள் காட்டுகின்றன.1
  • குறிப்பாக, அறிவாற்றல் குறைபாடு மற்றும் நினைவுத்திறன் குறைதல் போன்ற முதுமைக்கால மறதி நோயின் அறிகுறிகள், சாதாரண மூப்படைதலின் செயல்முறை என்று ஒரு தனிநபர் கொண்டிருக்கும் நம்பிக்கை, அவர் நோய்க்கண்டறிதலை நாடுவதையும், அந்த நோய் குறித்த கூடுதல் தகவல்களைப் பெறுவதையும் தடுக்கலாம்.2
  • முதுமைக்கால மறதி நோயைக் கண்டறியும் பரிசோதனைகளைச் செய்துக் கொள்வது பற்றிய உங்கள் அன்பிற்குரியவரின் கருத்துக்களிலும் முதுமைக்கால மறதி நோய் குறித்த அவர்களின் தவறான எண்ணங்களிலும் தலையிடுவது முக்கியம். ஆரம்பத்துலேயே நோய் இருப்பதைக் கண்டறிவதன் நன்மைகளை அவர்களுடன் பகிர்ந்து கொள்வதும் பயனுள்ளதாக இருக்கும்.

கவலை: நிதிநிலைகள்

  • அன்பிற்குரியவரின் MediSave ஆனது, நாட்பட்ட நோய்களை நிர்வகிப்பது மற்றும் உடல்நலப் பரிசோதனைகளைச் செய்துக் கொள்வது போன்ற தேர்ந்தெடுக்கப்பட்ட வெளிநோயாளர் சிகிச்சைகளில் ஒரு குறிப்பிட்ட பகுதியை செலுத்த உதவுமென்று குறிப்பிடுங்கள்.
  • நாள்பட்ட நோய் மேலாண்மைத் திட்டத்தின் (CDMP) கீழ் அங்கீகரிக்கப்பட்ட 23 நாள்பட்ட நோய்நிலைகளின் கீழ் முதுமைக்கால மறதி நோய் உள்ளது.
  • இன்னும் சொல்லப்போனால், உங்கள் அன்பிற்குரியவருக்கு முதுமைக்கால மறதி நோய் இருந்தால், நோய்க்கண்டறியும் பரிசோதனைகளைச் செய்வது அதிக நிதி ரீதியாக பயனுள்ளதாக இருக்கும், ஏனெனில் சில நிதித் திட்டங்கள் மற்றும் மானியங்களுக்கான தகுதி அளவுகோல்களில் மற்ற காரணிகளுக்கு மத்தியில், முறைப்படி நோயைக் கண்டறிவதும் பெரும்பாலும் அடங்கும். இதன் நோக்கமானது இந்த உதவிகள் தேவைப்படுபவர்களுக்கு வழங்கப்படுவதை உறுதிசெய்வதற்காகும்.
  • முதுமைக்கால மறதி நோயால் பாதிக்கப்பட்டவர்களுக்கும் அவர்களைப் பராமரிப்பவர்களுக்கும் கிடைக்கப்பெறும் அரசாங்க நிதித் திட்டங்களைப் பற்றி இங்கே மேலும் தெரிந்துகொள்ளுங்கள். ere. 

உங்கள் அன்பிற்குரியவருடன் இது குறித்து எப்படி சிறப்பாக உரையாடுவது என்பது குறித்த படிப்படியான வழிகாட்டியை இங்கே படித்திடுங்கள்.

இதற்கிடையில் எனது அன்பிற்குரியவருக்கு நான் எப்படி உதவுவது?

வீட்டிலேயே

உங்கள் அன்பிறகுரியவரிடம் முதுமைக்கால மறதி நோயின் அறிகுறிகளும் அடையாளங்களும் தொடர்ந்து தென்பட்டால், முதுமைக்கால மறதி நோயுடன் வாழும் ஒருவரை நீங்கள் கவனித்துக்கொள்வது போல் அவரைப் பராமரிக்கலாம்

இதில் தினசரி வழக்கத்தை வடிவமைப்பது அடங்கும், இது அவர்கள் அர்த்தத்துடன் ஈடுபடுவதை உறுதிசெய்வதோடு, முதுமைக்கால மறதி நோயுடன் வாழும் நபர்களின் தேவைகள் மற்றும் யதார்த்தங்கள் குறித்து உங்களுக்குப் பயிற்றுவிக்கும்.

living-with-dementia-book-4-hero

முதுமைக்கால மறதி நோயுடன் வாழ்தல்: பராமரித்தல் (Providing Care )
வளமை: ஒருங்கிணைந்த பராமரிப்பு அமைப்பு (AIC)

முதுமைக்கால மறதி நோயுடன் வாழ்தல்: பராமரித்தல் (Providing Care) என்பது உங்களைப் போன்ற பராமரிப்பாளர்களுக்கு, உங்கள் அன்பிற்குரியவருடன் திறம்பட உரையாடும் விதம், ஈடுபாட்டுடன் கூடிய செயல்பாடுகள் மூலம் தினசரி வழக்கத்தை எப்படி வடிவமைப்பது, மற்றும் முதுமைக்கால மறதி நோய் படிப்படியாக அதிகரிக்கையில் அதை நிர்வகிக்கும் விதம் போன்றவை குறித்த உதவிக்குறிப்புகளைப் பெறுவதற்காக வடிவமைக்கப்பட்ட ஒரு வளமை ஆகும். இது உங்கள் பராமரிப்புப் பயணத்தை சிறப்பாகச் சமாளிக்க உதவுவதோடு, உங்கள் அன்பிற்குரியவர் சிறந்த பராமரிப்பைப் பெறுவதை உறுதிசெய்கிறது.

இங்கே கிளிக் செய்க
living-with-dementia-book-1-hero

முதுமைக்கால மறதி நோயுடன் வாழ்தல்: முதுமைக்கால மறதி நோய் பற்றி தெரிந்துகொள்ளுதல் (Knowing Dementia)

வளமை: ஒருங்கிணைந்த பராமரிப்பு அமைப்பு (AIC)

முதுமைக்கால மறதி நோயுடன் வாழ்தல்: முதுமைக்கால மறதி நோய் பற்றி தெரிந்துகொள்ளுதல் (Knowing Dementia) என்பது பொது மக்களும் உங்களைப் போன்ற பராமரிப்பாளர்களும் முதுமைக்கால மறதி நோய் பற்றி மேலும் தெரிந்துகொள்ளவும், அறிகுறிகள் மற்றும் அடையாளங்களைப் புரிந்து கொள்ளவும், முதுமைக்கால மறதி நோய் உண்டாகுவதற்கான அபாயங்களைக் குறைப்பது எப்படி, இதன் ஆரம்பக் காலக்கட்டத்தில் உரையாடல்களை எவ்வாறு தொடங்குவது, நோய்க்கண்டறிதலை எப்படி செய்ய வேண்டும் மற்றும் எப்போது மருத்துவரை நாட வேண்டும் என்பதைத் தெரிந்து கொள்ளவும் வடிவமைக்கப்பட்ட ஒரு வளமை ஆகும்.

இங்கே கிளிக் செய்க

சமூகத்தில்

இந்தப் பொறுப்புகள் மிகவும் மனஉளைச்சலாக இருக்கும் என்பது அறந்ததே. அதிர்ஷ்டவசமாக, சமூகத்தில் உங்களுக்கு உதவக்கூடிய சேவைகள் உள்ளன, குறிப்பாக நீங்கள் பராமரிப்புப் பயணத்தின் தொடக்கத்தில் இருக்கும்போது உதவுவதற்கு பல சேவைகள் உள்ளன:

1. சமூகத்தைச் சென்றடையும் குழுக்கள் (CREST)

 (CREST) ஆனது மனநல ஆரோக்கியம் மற்றும் முதுமைக்கால மறதி நோய் பற்றிய பொது விழிப்புணர்வை ஏற்படுத்துவதில் கவனம் செலுத்துகிறது, இவை ஏற்படக்கூடய நபர்களை முன்கூட்டியே அடையாளம் காண ஊக்குவிக்கிறது மற்றும் தனிநபர்களுக்கும் அவர்களைப் பராமரிப்பவர்களுக்கும் உணர்வுபூர்வமான ஆதரவை வழங்குகிறது. 

சமூகத்தைச் சென்றடையும் குழுக்கள் (CREST) உங்களுக்கு எவ்விதம் உதவியாக இருக்கும்? 

1. தேவைப்படும்போது தொடர்புடைய சுகாதார மற்றும் சமூகப் பாதுகாப்பு சேவைகளுடன் தனிநபர்களை இணைக்கும். 

2. பயனாளிகளின் நல்வாழ்வுக்கு ஆதரவளிப்பதற்கும் அவர்களின் அறிவாற்றல் செயல்பாடுகளைத் தூண்டுவதற்கும் அர்த்தமுள்ள செயல்பாடுகளை நடத்தும். 

உங்களுக்கு அருகிலுள்ள சேவை வழங்குநர்களை இங்கே கண்டறியுங்கள். 

2. துடிப்புடன் மூப்படையும் நிலையங்கள் (AAC)

AAC என்பது சமூகத்தில் அருகில் வசிக்கும் மூத்தோர்களுக்கு (60 வயது மற்றும் அதற்கு மேற்பட்ட வயதுடையவர்கள்) ஆதரவை வழங்கும் சமூக பொழுதுபோக்கு மையமாகும். 

துடிப்புடன் மூப்படையும் நிலையங்கள் (AAC) உங்களுக்கு எவ்விதம் உதவியாக இருக்கும்? 

  1. உங்கள் அன்பிற்குரியவருக்கு குறைந்தபட்சம் 60 வயது இருந்தால், அவர்கள் தங்கள் வீட்டிற்கு அருகில் உள்ள AACக்கு வருகைத்தந்து வலுவான சமூகத் தொடர்புகளை உருவாக்கிக் கொள்ளலாம், பொழுதுபோக்கு செயல்பாடுகளில் பங்கேற்கலாம் மற்றும் அவர்கள் விரும்பியபடி சமூகத்திற்குப் பங்களிக்கலாம்.
  2. கரோக்கி, கலை மற்றும் கைவினை, சமையல் மற்றும் உடற்பயிற்சி செயல்திட்டங்கள் போன்ற பல்வேறு செயல்பாடுகளை வழங்கவும் ஊக்குவிக்கவும் செய்கிறது.
  3. மூத்தோர்களின் வீட்டிற்கு வருகைத் தருவது மற்றும் தொலைபேசி அழைப்புகளைச் செய்வதன் மூலம் சமூக ஆதரவை வழங்குகிறது.
  4. திட்டங்கள், மானியங்கள் மற்றும் ஆதரவு பற்றிய தகவல்களை வழங்குகிறது.
  5. பொருத்தமான சேவைகளுக்குப் பரிந்துரைச் செய்கிறது. 

 
உங்களுக்கு அருகிலுள்ள AAC ஐ இங்கே கண்டறியுங்கள். 

3. குடும்பச் சேவை நிலையங்கள் (Family Service Centres, FSC)

நோய்க்கண்டறியும் சோதனைகளைச் செய்துக்கொள்ள உங்கள் அன்பிற்குரியவரைத் ஊக்குவிப்பதும் மற்றும் இந்த மாற்றங்களைக் எவ்வாறு கையாள்வது என்பதிலும் உங்களுக்கும் உங்கள் அன்பிற்குரியவருக்கும் மன அழுத்தம் ஏற்படுத்தலாம். இந்த மாற்றங்களால் உங்கள் அன்பிற்குரியவர் மற்றும் உங்கள் குடும்பத்தில் உள்ள மற்றவர்களுடனான உங்கள் உறவில் எதிர்மறையான தாக்கம் ஏற்பட்டிருக்கலாம்.   

இதுபோன்ற சூழ்நிலைகளில், சமூகப் பணியாளர்கள் மற்றும் சேவை வல்லுநர்களை நாடுவது நல்லது. இவர்கள் குடும்பத்தில் பிரச்சனைகளை தணிக்கவும், அவர்களின் பராமரிப்புத் தேவைகளைப் பூர்த்தி செய்யவும் மற்றும் அவர்கள் எதிர்கொள்ளும் சவால்களின் மூலம் மீட்சி அடையவும் உதவுவார்கள்.  

குடும்பச் சேவை நிலையங்கள் (Family Service Centres, FSC) உங்களுக்கு எவ்விதம் உதவியாக இருக்கும்?

  1. தகவல்கள் மற்றும் பரிந்துரை. (மதிப்பீடு செய்யப்பட்ட தேவைகளின் அடிப்படையில்)
  2. குடும்பஆய்வு: முழுமையான  நிர்வாகம் மற்றும் தனிநபர்/குடும்ப ஆலோசனைகள் வழங்குகிறது. முதுமைக்கால மறதி நோயுடன் வாழும் நபர்களைப் பராமரிப்பவர்கள் தனித்துவமான சவால்களை எதிர்கொள்கின்றனர். உங்கள் எண்ணங்கள் மற்றும் சவால்களைப் பகிர்ந்து கொள்ள உங்களுக்குத் தனிப்பட்ட மற்றும் பாதுகாப்பான இடத்தை வழங்குகிறது.
  3. குழுப்பணி: குடும்பங்களின் கவலைகளை நிவர்த்தி செய்வதற்கும் நல்ல மாற்றத்தைக் கொண்டுவருவதற்கும் குடும்பங்களை ஒன்றிணைக்கிறது.
  4. சமூகப்பணி: குடும்பங்கள் ஒன்றுக்கொன்று ஆதரவளிக்கவும் ஊக்குவிக்கவும் சமூக வளமைகளைத் நாடலாம்

உங்களுக்கு அருகிலுள்ள குடும்பச் சேவை நிலையங்கள் (Family Service Centres, FSC) ஐ இங்கே கண்டறியுங்கள். 

4. உதவித் தொலைபேசிச் சேவை

உதவித் தொலைபேசிச் சேவை என்பது தகவல் மற்றும் ஆலோசனையைப் பெறுவதற்கான ஒரு விரைவான மற்றும் வசதியான வழியாகும். நீங்கள் துயரத்தில் இருக்கும்போது இது உணர்வுபூர்வமான ஆதரவாகவும் இருக்கும்.

  1. முதுமைக்கால மறதி நோய் உதவித் தொலைபேசிச் சேவை (டிமென்ஷியா சிங்கப்பூர்)
    முதுமைக்கால மறதி நோய்ப் பராமரிப்பு பற்றிய தகவல்கள் மற்றும் சேவை இணைப்புகளை வழங்குகிறது.
    தொலைபேசி: 6377 0700
  2. SAGE ஆலோசனை நிலையம்
    வயதானவர்கள் மற்றும் அவர்களைப் பராமரிப்பவர்களின் நல்வாழ்வை மேம்படுத்த ஆலோசனைகளை வழங்குகிறது, இது ஆரோக்கியத்தின் உளவியல் மற்றும் சமூக ரீதியான அம்சங்களில் கவனம் செலுத்துகிறது.
    தொலைபேசி: 6354 1191
  3. பராமரிப்பாளர்கள் கூட்டணி லிமிடெட் (CAL)
    முதுமைக்கால மறதி நோய் மற்றும் மனநலப் பிரச்சினைகளுடன் வாழும் நபர்களைப் பராமரிக்கும் பராமரிப்பாளர்களுக்கு உணர்வு சார்ந்த ஆதரவை வழங்குகிறது.
    தொலைபேசி: 6460 4400
  4. ஓ’ ஜாய் (O’ Joy)
    வயதானவர்களைக் கவனித்துக்கொள்வதால் மன அழுத்தத்தை அனுபவிக்கும் பராமரிப்பாளர்களுக்கு ஆங்கிலம், மாண்டரின் அல்லது மலாய் ஆலோசனைகளை வழங்குகிறது.
    தொலைபேசி: 6749 0190

இந்தக் கட்டுரை பயனுள்ளதாக இருந்ததா?

ஆம் இல்லை
×

Tell us how we can improve?

×

Thank you for your feedback!

Your feedback will really help us to improve our content to support those living with dementia.

Follow us on social media:

Facebook Pinterest
மேற்கோள்கள்
  1. Fowler, N. R., Frame, A., Perkins, A. J., Gao, S., Watson, D. P., Monahan, P., & Boustani, M. A. (2015). Traits of patients who screen positive for dementia and refuse diagnostic assessment. Alzheimer’s & dementia (Amsterdam, Netherlands), 1(2), 236–241. https://doi.org/10.1016/j.dadm.2015.01.002 

The post எனது அன்பிற்குரியவர் நோய்க் கண்டறியும் சோதனைச் செய்துக்கொள்ள மறுக்கிறார் – நான் என்ன செய்வது? appeared first on DementiaHub.SG.

]]> முதுமைக்கால மறதி நோயைக் கண்டறிவதற்கான சோதனையைச் செய்துகொள்வதன் நன்மைகள் https://www.dementiahub.sg/ta/what-is-dementia/benefits-of-getting-a-dementia-diagnosis/ Wed, 10 Aug 2022 00:50:01 +0000 https://www.dementiahub.sg/dementia/benefits-of-getting-a-diagnosis/ நீங்களோ அல்லது உங்கள் அன்புக்குரியவரோ சிறிது காலமாக நினைவுத்திறன் இழப்புடன் வாழ்கிறீர்களா? உங்களுக்கோ அல்லது உங்கள் அன்புக்குரியவருக்கோ முதுமைக்கால மறதி நோய் இருக்கிறதா, இல்லையா என்று நீங்கள் கவலைப்படுகிறீர்களா? சோதனை செய்துகொள்வது இந்தக் கவலைகளைப் போக்க உதவலாம், மேலும் உங்கள் அன்புக்குரியவர் அனுபவிக்கும் இந்த அறிகுறிகளைப் பற்றி உங்களுக்கு இருக்கும் ஏதேனும் கவலையைக் குறைக்கலாம்.

The post முதுமைக்கால மறதி நோயைக் கண்டறிவதற்கான சோதனையைச் செய்துகொள்வதன் நன்மைகள் appeared first on DementiaHub.SG.

]]>

கவனமாகக் கேளுங்கள்

3 நிமிட வாசிப்பு

நீங்களோ அல்லது உங்கள் அன்புக்குரியவரோ சிறிது காலமாக நினைவுத்திறன் இழப்புடன் வாழ்கிறீர்களா? உங்களுக்கோ அல்லது உங்கள் அன்புக்குரியவருக்கோ முதுமைக்கால மறதி நோய் இருக்கிறதா, இல்லையா என்று நீங்கள் கவலைப்படுகிறீர்களா? சோதனை செய்துகொள்வது இந்தக் கவலைகளைப் போக்க உதவலாம், மேலும் உங்கள் அன்புக்குரியவர் அனுபவிக்கும் இந்த அறிகுறிகளைப் பற்றி உங்களுக்கு இருக்கும் ஏதேனும் கவலையைக் குறைக்கலாம்.

முதுமைக்கால மறதி நோயை எதிர்கொள்ளுதல்: எனக்கு முதுமைக்கால மறதி நோய் உள்ளதா? (அத்தியாயம் 1)

ஆதாரம்: சேனல் நியூஸ் ஏஷியா

ஒருவர் மனதில் உள்ள வேறுபாடுகள் மற்றும் மாற்றங்களைக் கண்டறிந்து அதற்கான காரணத்தைக் கண்டறிய விரும்பும் நபர்களை ஆவணப்படம் பின்தொடர்ந்து காண்பிக்கிறது, மேலும் முதுமைக்கால மறதி நோய்க்கான பரிசோதனைகளைச் செய்துகொள்ளும் செயல்முறையை வெளிப்படுத்துகிறது.

முதுமைக்கால மறதி நோயுடன் வாழும் உங்கள் அன்புக்குரியவருக்கும் உங்களுக்கும் நோயறிதல் சோதனை செய்துகொள்வது ஒரு முக்கியமான முதல் செயற்படியாகும். இதனால்உங்கள் அன்புக்குரியவர் அனுபவிக்கும் அறிகுறிகளுக்கு ஒரு விளக்கத்தை பெறுவதோடு மட்டுமல்லாமல், சிகிச்சை பெறுவது, தொழில்முறை ஆதரவையும் கவனிப்பையும் நாடுவது, எதிர்காலத்திற்காகத் திட்டமிடுவது ஆகியவற்றின் செயல்முறையை துரிதபடுத்தலாம்.

மருந்தியல் மற்றும் மருந்தியல்-அல்லாத சிகிச்சை விருப்பத்தேர்வுகளுக்கான அணுகலைப் பெறுங்கள்

முதுமைக்கால மறதி நோயாயை முற்றிலும் குணப்படுத்த சிகிச்சைகள் எதுவும் இல்லை என்றாலும், மற்ற பல்வேறு மருந்துகளும் உளவியல் சார்ந்த  கிச்சைகளும் உள்ளன, அவை அறிவுத்திறன் குறைவதை தாமதபடுத்த உதவுகின்றன. மேலும் உங்கள் அன்புக்குரியவரின் வாழ்க்கைத்தரத்தை முடிந்த அளவு அதிக காலத்திற்குப் நீடிக்க உதவுகின்றன. முதுமைக்கால மறதி நோயின் ஆரம்பக் கட்டங்களில் சிகிச்சைகள் மிகவும் ஆற்றல் வாய்ந்தவையாக இருக்கும் என்றும் ஆராய்ச்சி காண்பித்துள்ளது.1 

முதுமைக்கால மறதி நோயுடன் வாழும் உங்கள் அன்புக்குரியவருக்கும் உங்களுக்கும் பொருத்தமான ஆதரவுச் சேவைகளையும் நிதியுதவித் திட்டங்கள் உள்ளன

முதுமைக்கால மறதி நோயுடன் வாழ்பவர்களுக்கும் பராமரிப்பாளர்களுக்கும் பல்வேறு திட்டங்கள் வருமாறு :

  • பராமரிப்பு மற்றும் ஆதரவு வலையமைப்பு
  • மக்கள்தொடர்புக் குழுக்கள் (CREST) – சமூக வளஆதார ஈடுபாடு மற்றும் ஆதரவுக் குழு (Community Resource Engagement and Support Team)
  • சமூகத் தலையீட்டு குழுக்கள் (Community Intervention Team, COMIT)
  • பகல்நேரப் பராமரிப்புச் சேவைகள்
  • தாதிமை இல்லங்கள்
  • இடை ஓய்வுப் பராமரிப்பு

மேலும் விவரங்களை இங்கு கண்டறியுங்கள்.

மேலும் , முதுமைக்கால மறதி நோயுடன் வாழ்பவர்களைப் பராமரிப்பது குறிப்பிடத்தக்க மருத்துவப் பராமரிப்புச் செலவுகளை ஏற்படுத்தலாம். நிதிச் சுமையைக் குறைக்கவும், உங்கள் நிதித் திட்டமிடலில் உங்களுக்கு உதவவும் நீங்கள்  நாடக்கூடிய பல நிதியுதவித் திட்டங்கள் உள்ளன:

  • மூத்தோர் நடமாட, இயங்க உதவிநிதி (Senior’s Mobility and Enabling Fund, SMF)
  • நடமாடும்  மூத்தோருக்கான மேம்பாட்டுத் திட்டம் (Enhancement for Active Seniors, EASE)
  • எல்டர்ஷீல்டு
  • கேர்ஷீல்டு லைஃப்
  • Interim Disability Assistance Programme for the
  • இயலாமையுள்ள மூத்தோருக்கான இடைக்கால உதவித் திட்டம் (Interim Disability Assistance Programme for the Elderly, IDAPE)
  • எல்டர்ஃபண்டு
  • நீண்டகால பராமரிப்பிற்கான மெடிசேவ்
  • பராமரிப்பாளர் பயிற்சி மானியம் (Caregiving Training Grant, CTG)

நிதியுதவித் திட்டங்களைப் பற்றி இங்கே மேலும் அறிந்துகொள்ளுங்கள்.

இந்தச் சேவைகள் மற்றும் நிதி உதவிகளுக்கான தகுதி அளவுகோல்களில், மற்ற காரணிகளுடன், முறையாக நோயறிதல் சோதனை செய்யப்படுவதும் அடங்கும் என்பதைக் கவனத்தில் கொள்ள வேண்டும். இந்த உதவிகள் தேவைப்படுபவர்களுக்கு வழங்கப்படுவதை உறுதி செய்வதற்காக இது மேற்கொள்ளப்படுகிறது. உங்கள் அன்புக்குரியவர் இன்னும் தகவலறிந்த முடிவுகளை எடுப்பதற்கான திறனைக் கொண்டிருக்கும்போது அவர்களை யும் இந்த முடிவுகளை எடுப்பதில் சேர் த்துகொள்வது  சிறந்தது.

உங்கள் அன்புக்குரியவருக்குத் தேவையான வாழ்க்கைமுறை மாற்றங்களைச் செய்ய உதவுங்கள், அது அவர்கள் முதுமைக்கால மறதி நோயுடன் நன்றாக வாழ உதவிடும்

உங்கள் அன்புக்குரியவர் இன்னும் வேலை செய்கிறார் என்றால், அவர் தனது வேலை நேரத்தைக் குறைப்பது, தற்போதைய பொறுப்புகளை மீளாய்வு செய்வது அல்லது பணியிடத்தில் மற்ற நியாயமான மாற்றங்களைச் செய்வது பற்றி அவரது முதலாளியுடன் பேசுவதைப் பற்றி அவர் சிந்திக்க வேண்டியிருக்கும். சில சந்தர்ப்பங்களில், வேலைகளை மாற்றுவது அல்லது வேலையில் இருந்து முற்றிலுமாக நின்றுவிடுவது போன்ற முக்கியமான வாழ்க்கைத்தொழில் மாற்றங்கள் செய்ய வேண்டியிருக்கும்.

நீங்கள் இருவரும், வாகனம் ஓட்டுதல் அல்லது அலைந்து திரிதல் போன்ற பாதுகாப்புச் சிக்கல்களைப் பற்றி முன்கூட்டியே கலந்தாலோசிக்கலாம்.

உங்கள் அன்புக்குரியவர் மற்றும் உங்கள் இருவரின் எதிர்காலத்திற்காகத் திட்டமிடுங்கள்

நோயறிதல் சோதனைக்குப் பிறகு, உங்கள் அன்புக்குரியவர் இன்னமும் தனக்காக முடிவெடுப்பதற்கான திறனைக் கொண்டிருக்கும்போது, ​​பிற முக்கியமான விஷயங்களுக்கு மத்தியில், தற்போதைய சட்ட, நிதி மற்றும் பராமரிப்புத் திட்டங்களை மீளாய்வு செய்வது முக்கியமாகும். குடும்பத்தினர் மற்றும் பராமரிப்பு நிபுணர்களுடன் கலந்துரையாடுவதன் மூலம், உங்கள் அன்புக்குரியவரின் முதுமைக்கால மறதி நோயின் ஒவ்வொரு கட்டத்திலும் அவர் என்ன ஏற்பாடுகளை விரும்புகிறார் என்பதைத் தீர்மானிக்க, அவருக்கு அதிகாரம் அளிப்பது முக்கியமாகும். இதைச் செய்வது உங்களுக்கும் உங்கள் அன்புக்குரியவருக்கும் மன அமைதியை அளிக்கும் மற்றும் எதிர்காலத்தில் குடும்பத்தில் கருத்து வேறுபாடுகள் ஏற்படுவதையும் தடுக்கும்.

மேம்பட்ட பராமரிப்புத் திட்டமைப்பு பற்றி இங்கே மேலும் அறிந்துகொள்ளுங்கள்.

முதுமைக்கால மறதி நோயுடன் வாழ்பவர்களுக்கு அன்புக்குரியவர்களால் சிறப்பாக ஆதரவை வழங்க முடியும்

ஒரு தெளிவான நோயறிதலைச் செய்வதற்கு முன், உங்களுக்கும் உங்கள் அன்புக்குரியவருக்கும் இதற்கு முன்னர் வழக்கமான நிகழ்வுகளாக இருந்திருக்காத நினைவுத்திறன் குறைபாடுகள், தகவல்தொடர்புப் பிரச்சினைகள் மற்றும் ஆளுமை மாற்றங்கள் போன்ற நிகழ்வுகளைப் புரிந்துகொள்வது சிரமமாக இருக்கலாம். இந்தப் புரிதல் இல்லாதது பெரும்பாலும் விரக்தியையும் குழப்பத்தையும் ஏற்படுத்துகிறது, ஏனெனில் இந்த மாற்றங்களை எவ்வாறு கையாள்வது என்பது இருதரப்பினருக்கும் தெரியாமல் இருக்கலாம்.

எனினும், ஒரு தெளிவான நோயறிதல் இந்த நிகழ்வுகள் உண்மையில் முதுமைக்கால மறதி நோயின் அறிகுறிகள் என்பதை உணர வைக்கிறது. இது உங்கள் அன்புக்குரியவரின் நிலை மற்றும் அதனுடன் இணைந்துள்ள சவால்களை உங்கள் அன்புக்குரியவர், நண்பர்கள் மற்றும் குடும்பத்தினர் நன்கு புரிந்துகொள்வதை எளிதாக்குகிறது.

முதுமைக்கால மறதி நோயுடன் வாழ்பவர்களின் தேவைகளைப் பற்றி இங்கே மேலும் அறிந்துகொள்ளுங்கள்.

கூடுதல் வளஆதாரங்கள்

நிபுணரிடம் கேளுங்கள்: எனக்கு முதுமைக்கால மறதி நோய் உள்ளதா? எங்கு ஆதரவை நாடுவது?

ஒருங்கிணைந்த பராமரிப்பு அமைப்பு வழங்கும் இந்தக் காணொளியில், முதுமைக்கால மறதி நோய்க்கான ஆதரவாளரான எமிலி ஓங் அவர்களைப் பாருங்கள், நோயறிதல் சோதனையைச் செய்துகொள்வதற்கான உந்துதல்கள் குறித்த அவரது கதையைப் பகிர்ந்து கொள்ளுங்கள்.

இந்தக் கட்டுரை பயனுள்ளதாக இருந்ததா?

ஆம் இல்லை
×

Tell us how we can improve?

×

Thank you for your feedback!

Your feedback will really help us to improve our content to support those living with dementia.

Follow us on social media:

Facebook Pinterest
மேற்கோள்கள்

  1. Prince, M., Bryce, R., Ferri, C., World Alzheimer report 2011: the benefits of early diagnosis and intervention. Alzheimer’s Disease International (2011). https://www.alzint.org/u/WorldAlzheimerReport2011.pdf

The post முதுமைக்கால மறதி நோயைக் கண்டறிவதற்கான சோதனையைச் செய்துகொள்வதன் நன்மைகள் appeared first on DementiaHub.SG.

]]> நோய் இருப்பதை எங்குக் கண்டறிவது? https://www.dementiahub.sg/ta/what-is-dementia/where-to-get-a-diagnosis/ Fri, 01 Jul 2022 01:36:11 +0000 https://www.dementiahub.sg/dementia/where-to-get-a-diagnosis/ டிமென்ஷியாவுக்கான முறையான மதிப்பீடு கீழே பட்டியலிடப்பட்டுள்ள மருத்துவமனைகளில் அல்லது சான்றளிக்கப்பட்ட பொது பயிற்சியாளர்களின் கிளினிக்குகளில் நடத்தப்படலாம்.

The post நோய் இருப்பதை எங்குக் கண்டறிவது? appeared first on DementiaHub.SG.

]]>

கவனமாகக் கேளுங்கள்

2 நிமிட வாசிப்பு

முதுமைக்கால மறதி நோய் இருப்பதை முறையாகக் கண்டறிவது முக்கியமானது, மேலும் முதுமைக்கால மறதி நோயுடன் வாழும் நபர் சிகிச்சைகள், முதுமைக்கால மறதி நோய்ப் பராமரிப்புச் சேவைகள் மற்றும் உதவித் திட்டங்களுக்கு விண்ணப்பிக்க இது தேவைப்படுகிறது. முதுமைக்கால மறதி நோய் உள்ளதா என மதிப்பீடு செய்வதற்கு நீங்கள் தொடர்பு கொள்ளக்கூடிய இடங்கள் மற்றும் நேரடித் தொலைபேசி எண்களின் தொகுக்கப்பட்ட கோப்பகம் இதோ இங்கே.

நிபுணரிடம் கேளுங்கள்: அத்தியாயம் 1 -எனக்கு முதுமைக்கால மறதி நோய் உள்ளதா? எங்கு ஆதரவை நாடுவது?

ஆதாரம்: ஒருங்கிணைந்த பராமரிப்பு அமைப்பு (Agency for Integrated Care, AIC)

“முதுமைக்கால மறதி நோய் பற்றிய அனைத்தும் – நிபுணர்களிடம் கேளுங்கள்” என்ற 6-பகுதி தொடரில், முதுமைக்கால மறதி நோயைக் கண்டறிவது குறித்து நீங்கள் எப்போது பரிசீலிக்க வேண்டும் மற்றும் நோய்க் கண்டறியும் செயல்முறையின் போதும் அதற்குப் பிறகும் நீங்கள் எங்கு ஆதரவைப் பெறலாம் என்பது உட்பட முதுமைக்கால மறதி நோய் இருப்பதைக் கண்டறிவது மற்றும் சிகிச்சை தொடர்பான கேள்விகளுக்கு மருத்துவர் சென் ஷிலிங் மற்றும் திருவாட்டி எமிலி ஓங் பதிலளிக்கின்றனர்.

கீழே பட்டியலிடப்பட்டுள்ள மருத்துவமனைகள் மற்றும் சான்றளிக்கப்பட்ட பொது மருத்துவர்களின் மருத்துவ நிலையங்கள் உட்பட பல இடங்களில் நோய்க் கண்டறிதலை மேற்கொள்ளலாம்.

கீழே பட்டியலிடப்பட்டுள்ள மருத்துவ வசதிகள் மூலம் நீங்கள் தொழில்முறை ரீதியான நோய்க் கண்டறிதலைப் பெறலாம்:

நினைவுத்திறனை சோதிக்குமம் மருந்தகங்கள்

சிங்கப்பூரில் கீழேயுள்ள நினைவுத்திறனை சோதிக்குமம் மருந்தகங்களையும் நீங்கள் தொடர்பு கொள்ளலாம்.

  • Tan Tock Seng Hospital
    Geriatric Medicine Clinic [Basement 1]
    11 Jalan Tan Tock Seng
    Singapore 308433
    Tel: 6359 6100
  • Institute of Mental Health
    Psychogeriatric Clinic
    10 Buangkok View
    Singapore 539747
    Tel: 6389 2200
    *See ‘Downloadable Resources’ below
  • National University Hospital
    Neuroscience Clinic
    5b Lower Kent Ridge Road
    Singapore 119074
    Tel: 6772 4850
  • Changi General Hospital
    Geriatric Clinic
    2 Simei Street 3
    Singapore 529889
    Tel: 6426 8410
  • Ng Teng Fong Hospital
    Geriatric Medicine 1
    Jurong East Street 21
    Singapore 609606
    Tel: 6908 2222 or use the NUHS application
  • Singapore General Hospital
    Department of Neurology
    Outram Road
    Singapore 169036
    Tel: 6321 4377
    Email: appointments@sgh.com.sg
  • NNI @ TTSH Campus
    Neuroscience Clinic, Level 1
    National Neuroscience Institute
    11 Jalan Tan Tock Seng
    Singapore 308433
    Tel: 6330 6363
    Email: appointments@nni.com.sg

பலதுறை மருந்தகங்கள்

நோயைக் கண்டறிவதற்குத் தேவையான மதிப்பீடுகளை வழங்க நீங்கள் பலதுறை மருந்தகங்களை நீங்கள் அணுகலாம்.

கண்காணிப்பு, சிகிச்சை மற்றும் பராமரிப்பாளர் ஆதரவுக்காக நீங்கள் சமூக வளமை ஈடுபாடு மற்றும் ஆதரவுக் குழு (CREST) ​​அல்லது சமூகத் தலையீட்டுக் குழுவை (COMIT) அணுகலாம்.

ஒருங்கிணைந்த பராமரிப்பு அமைப்பின் (AIC இன்) மைண்டு மேட்டர்ஸ் வளமைக் கோப்பகத்தில் பலதுறை மருந்தகங்கள், CREST மற்றும் COMIT குழுக்களின் பட்டியலைக் காணலாம்.

உதவித் தொலைபேசிச் சேவை

கூடுதல் தகவலுக்கு பின்வரும் உதவித் தொலைபேசிச் சேவைகளை அழைக்கலாம்.

  1. Dementia Helpline by Dementia Singapore: 6377 0700
  2. Agency for Integrated Care Hotline: 1800-650-6060
  3. HealthLine by Health Promotion Board (HPB): 1800-223-1313

இந்தக் கட்டுரை பயனுள்ளதாக இருந்ததா?

ஆம் இல்லை
×

Tell us how we can improve?

×

Thank you for your feedback!

Your feedback will really help us to improve our content to support those living with dementia.

Follow us on social media:

Facebook Pinterest

The post நோய் இருப்பதை எங்குக் கண்டறிவது? appeared first on DementiaHub.SG.

]]> கண்டறியப்பட்ட நோய் குறித்த உரையாடல்களைத் தொடங்குதல் https://www.dementiahub.sg/ta/what-is-dementia/starting-a-conversation-about-diagnosis/ Fri, 01 Jul 2022 01:34:17 +0000 https://www.dementiahub.sg/dementia/starting-a-conversation-about-diagnosis/ உங்கள் அன்பிற்குரியவரிடம் முதுமைக்கால மறதி நோயின் அறிகுறிகளும் அடையாளங்களும் தென்படுவதாக நீங்கள் சந்தேகித்தால், அந்த நோயை முறையாகக் கண்டறிந்து சிகிச்சை பெற அவரை ஊக்குவிக்க வேண்டும். இருப்பினும், இந்த உணர்திறன்மிக்க பிரச்சினையைப் பற்றி ஒருவருடன் பேச ஆரம்பிப்பது எளிதான காரியமல்ல.

The post கண்டறியப்பட்ட நோய் குறித்த உரையாடல்களைத் தொடங்குதல் appeared first on DementiaHub.SG.

]]>

கவனமாகக் கேளுங்கள்

3 நிமிட வாசிப்பு

உங்கள் அன்பிற்குரியவரிடம் முதுமைக்கால மறதி நோயின் அறிகுறிகளும் அடையாளங்களும் தென்படுவதாக நீங்கள் சந்தேகித்தால், அந்த நோயை முறையாகக் கண்டறிந்து சிகிச்சை பெற அவரை ஊக்குவிக்க வேண்டும். இருப்பினும், இந்த உணர்திறன்மிக்க பிரச்சினையைப் பற்றி ஒருவருடன் பேச ஆரம்பிப்பது எளிதான காரியமல்ல.

இந்தக் கட்டுரை முதலில் முதுமைக்கால மறதி நோயுடன் வாழும் ஒருவருடன் எப்படி உரையாடலை ஆரம்பிப்பது என்பது பற்றி சிறு வழிகாட்டுதலை வழங்கும், பின்னர் இந்த உரையாடல்களை எவ்வாறு வழிநடத்துவது என்பது பற்றிய சில வழிகாட்டுதல்களை விளக்கிக் கூறும்.

நோயை அறிந்துக்கொள்வது பற்றிய உரையாடலைத் தொடங்குவதற்கான சிறு வழிகாட்டி

ஒருவரின் நினைவுத்திறன் இழப்பு அவர்களை எவ்வாறு பாதித்துள்ளது என்று நீங்கள் கவலைப்படும்போது அவர்களைப் பேசும்படி ஊக்குவிக்க, நீங்கள்:

  1. அவர்களுக்குப் பழக்கமான மற்றும் இளைப்பாறும் இடத்தில் உரையாடலாம்.  
  2. விழிப்புணர்வை ஏற்படுத்த அவர்களது நடத்தைப் பற்றிய உதாரணங்களைக் குறிப்பிடலாம்.
  3. அவர்களின் தேவைகள் மற்றும் பிரச்சனைகளைப் பற்றி விவாதிக்க வெளிப்படையாக உரையாடலாம்.

ஒருமுறை அவர்களிடம் பேசுவதன் மூலமே, நோயைக் கண்டறிய மருத்துவரைச் சந்திக்க வருமாறு அவர்களை நீங்கள் ஒப்புக்கொள்ள வைக்க வேண்டியதில்லை. இது சற்று கடினமான காரியம், அவர்கள் இதற்கு ஒப்புக்கொள்ள சிறிது காலம் பிடிக்கக்கூடும்.

உரையாடலைத் தொடங்க நீங்கள் பயன்படுத்தக்கூடிய சில கேள்விகள்:

  • நீங்கள் கவலையாக இருப்பதைப் போலத் தெரிகிறது, நான் எப்படி உங்களுக்கு உதவுவது?
  • இன்று நீங்கள் நீங்களாகவே இல்லாதது போலத் தெரிகிறது, நீங்கள் எப்படி நினைக்கிறீர்கள்?
  • நீங்கள் நன்றாக இருக்கிறீர்களா? நீங்கள் எதையோ பற்றி கவலைப்படுவது போலத் தெரிகிறது.

யாரேனும் ஒருவருக்கு முதுமைக்கால மறதி நோய் இருப்பது கண்டறியப்பட்டால் முதலில் அது அவருக்கு வியப்பாக  இருக்கக்கூடும். இருப்பினும், தெளிவான நோய்க்கண்டறிதல் மூலம், முதுமைக்கால மறதி நோயுடன் வாழும் நபர்கள் அதன் அறிகுறிகளை நிர்வகிக்கத் தேவையான தகவல்கள், சிகிச்சை, மேலாண்மை மற்றும் ஆதரவைப் பெறலாம்.

ஒரு நபரின் சௌகரிய நிலையைப் பொறுத்து, உரையாடலின் ஆரம்பத்தில் குடும்ப உறுப்பினர்களுடன் கவலைகளைப் பகிர்ந்து கொள்வதன் மூலம்:

  • நோயைக் கண்டறியவும் ஆதரவைப் பெறவும் அந்த நபரிடம் இனிமையாகப் பேசி ஒப்புக்கொள்ள வைக்கலாம்.
  • பராமரிப்பு பணிக்கு குடும்ப உறுப்பினர்களை சீக்கிரமே தயார் செய்யலாம்.
  • சம்பந்தப்பட்ட நபரும் பராமரிப்பாளரும் எதிர்காலத்தைத் திட்டமிட உதவலாம்.

முதல் தடை

மோசமான செய்திகளைப் பெறும்போது நமது முதல் எதிர்வினை, பெரும்பாலும் கவலையாகவோ, உதவியற்றவர்களாக உணர்வதாகவோ, நிராகரிப்பதாகவோ இருக்கும். முதுமைக்கால மறதி நோயின் லேசான மற்றும் அதிகரிக்கும் தன்மை, அதனை மூப்படைதலின் இயற்கையான சிரமமாக கருதி அறிகுறிகளை அலட்சியப்படுத்த மக்களுக்கு வசதியாக உள்ளது. இது ஏதோ கவனிக்க வேண்டியதன் அறிகுறி என்றோ, முதுமைக்கால மறதி நோயின் சாத்தியமான அறிகுறி என்றோ நாம் பேசினால் அது நிராகரிக்கப்படும் அல்லது நமது விளக்கம் மறுக்கப்படும். வீட்டில் அடிக்கடி பொருட்களைத் தவறாக வைப்பது “எனக்கு மிகவும் மறதி வந்துவிட்டது” என்ற பதிலைத் தூண்டலாம், மேலும் ஒரு வயதான நபரின் மனநிலை மாற்றங்கள் சிலருக்கு அவர்கள் நியாயமின்றி நடந்துக் கொள்வதைப் போல அல்லது பிறரின் கவனத்தைத் தேடுவது போல தோன்றலாம்.

முதுமைக்கால மறதி நோயைக் கண்டறிவதன் முக்கியத்துவத்தை அளிக்கும் வகையில் அதனை ‘வரையறுக்கும் ஒரு சம்பவத்திற்காக’ காத்திருப்பதற்குப் பதிலாக, அவர்களிடம் உண்மையை மெதுவாக எடுத்துக் கூறுங்கள். அவற்றிற்கு சாக்குப்போக்கு சொல்வதையும் அறிகுறிகளைக் அற்பமாகச் சொல்வதையும் நிறுத்துங்கள். நீங்கள் கவனிக்கும் அனைத்து அறிகுறிகளையும் அடையாளங்களையும் சுட்டிக்காட்டாமல், அவர்கள் விஷயங்களை இணைத்துப் பார்க்க அவர்களுக்கு உதவ முயற்சியுங்கள். முன்கூட்டியே அறிகுறிகளை அடையாளம் கண்டு, நோயறிதலை நோக்கி அவர்களை வழிநடத்தும் நோக்கத்துடன், முதுமைக்கால மறதி நோயின் அறிகுறிகளைப் பற்றிய தகவலை நுட்பமாக அவர்களிடம் சொல்லுங்கள், அது அவர்கள் மறுக்க முயற்சிப்பதை படிப்படியாக அவர்களுக்கு உணர வைக்கலாம்.

வாய்ப்பைப் பயன்படுத்திக் கொள்ளுங்கள்

பெரும்பாலும், ஒரு நபர் மருத்துவரைப் பார்ப்பதற்கு தயக்கம் காட்டுவதற்கு பயம், மறுப்பு அல்லது அவர்களால் முடிந்தவரை அவர்களின் முடிவெடுக்கும் திறன்களைத் தக்க வைத்துக்கொள்ளும் ஆசை ஆகியவையே காரணமாகும். அவர்களின் உணர்வுகள் மற்றும் பயங்களுக்கு மதிப்பளியுங்கள். அவர்களின் உண்மையான உணர்வுகளுக்கு மதிப்பளித்து அவர்களுக்கு நேரம் கொடுங்கள், ஆனால் அவர்களை மருத்துவரிடம் கொண்டு வருவதற்கான வாய்ப்புகளைப் பயன்படுத்துங்கள். உதாரணத்திற்கு, அவர்கள் ஒப்புக்கொள்ளும் அறிவாற்றல் அறிகுறிகள் அல்லது பிற உடல்நல அறிகுறிகளைப் பற்றிய கவலைகளை வெளிப்படுத்தினால், முதுமைக்கால மறதி நோய் தொடர்பான அறிகுறிகளைத் தெரிவிக்கக்கூடிய மருத்துவரின் ஆலோசனையைப் பெறுமாறு அவர்களை ஊக்குவிக்க இந்த வாய்ப்புகளைப் பயன்படுத்திக் கொள்ளலாம்.

உங்களது அணுகுமுறையை மாற்றியமைத்துக் கொள்ளுங்கள்

உங்கள் அன்பிற்குரியவர் முன்கூட்டியே நோயைக் கண்டறிய விடாமல், அவரைத் தடுக்கும் தடைகளை அறிவது மட்டும் போதாது. இந்தத் தடைகளை அவர்களுடன் சேர்ந்து ஆராய்வதன் மூலம் அவர்களின் கவலைகளை லேசாக்குங்கள் மற்றும் ஆறுதல் வார்த்தைகளைக் கூறி அவர்களின் உணர்ச்சிகளுக்கு அனுதாபம் கொள்ள முயற்சியுங்கள். மருத்துவரைப் பார்ப்பதே சிறந்த வழி என்பதை அவர்களிடம் பகிருங்கள். 

ஆரம்பத்துலேயே நோயைக் கண்டறிவதன் முக்கியத்துவத்தை மீண்டும் மீண்டும் வலியுறுத்துவதற்குப் பதிலாக, அவர்களிடம் அதை உதவியாகக் கேட்டுப் பார்க்க முயற்சியுங்கள். சில சமயங்களில், அன்பிற்குரியவர்கள் தங்களுக்காகச் செய்யாத ஒன்றை மற்றவர்களுக்காகச் செய்வார்கள். அவர்கள் உங்களுக்காக மருத்துவரைச் சந்திப்பதை உதவியாக மாற்றுவது ஒரு நல்ல உத்தியாக இருக்கலாம். வருகையின் நோக்கத்தை மாற்றியமைப்பது முதுமைக்கால மறதி நோயுடன் வாழும் உங்களது அன்பிற்குரியவர்களுக்குத் தெளிவை வழங்கவும், அவர்களுக்கு ஏற்படும் பயத்தைக் குறைக்கவும் உதவும். 

டெக்சாஸ் ஹெல்த் ப்ரெஸ்பைடிரியன் மருத்துவமனை டல்லாஸின் முதியோர் மருத்துவத்தின் தலைவரும், டெக்சாஸ் ஆல்சைமர் மற்றும் நினைவுத்திறன் கோளாறுகளின் இயக்குநருமான டயானா கெர்வின், எம்டி, அவர்களின் கருத்துப்படி, முதுமைக்கால மறதி நோயுள்ள நபர்களின் குடும்ப உறுப்பினர்களுக்கு கொலோனோஸ்கோபி அல்லது எலும்பு அடர்த்தி சோதனை போன்ற மற்றொரு மருத்து சிகிச்சையாக மருத்துவரின் சந்திப்பைப் பாவிப்பது உதவியாக இருக்கும். இந்தச் சந்திப்பை மூளைச் சோதனை என்றும் விவரித்துக்கொள்ளலாம்.2

அன்பிற்குரியவருக்கு முதுமைக்கால மறதி நோய் அல்லது ஆல்சைமர் நோய் இருப்பதைப் பார்க்க யாரும் விரும்பமாட்டார்கள். ஆனால் எவ்வளவு சீக்கிரம் அவர்கள் அதைச் சோதனை செய்துக் கொள்கிறார்களோ, அதற்கு ஏற்ற முன்கூட்டியே பராமரிப்பும் ஆதரவும் வழங்கப்படலாம். மறுபுறம், சோதனையில் அப்படி எதுவும் இல்லை என்று கண்டறியப்பட்டால், அது இன்னும் ஆறுதலாக இருக்கும். நிச்சயமான விஷயம் என்னவென்றால், தன்னைப் பரிசோதித்துக்கொள்வதன் மூலம் ஒருவர் எதையும் ஒருபோதும் இழக்கமாட்டார் – மேலும் இது அனைத்தும் மருத்துவரிடம் சென்றார் மட்டுமே நடக்கும்.

முதுமைக்கால மறதி நோய் இருப்பதாக சந்தேகிக்கப்படும் உங்கள் அன்புக்குரியவருக்கு நோய்க்கண்டறிவதில் சிரமம் இருந்தால், உதவி பெற அவரை ஊக்குவிப்பது குறித்து மருத்துவர் ஜோஸுவா குவாவின் ஆலோசனையைப் பாருங்கள்:

ஆதாரம்: ஒருங்கிணைந்த பராமரிப்பு அமைப்பு (AIC)

இந்தக் கட்டுரை பயனுள்ளதாக இருந்ததா?

ஆம் இல்லை
×

Tell us how we can improve?

×

Thank you for your feedback!

Your feedback will really help us to improve our content to support those living with dementia.

Follow us on social media:

Facebook Pinterest
மேற்கோள்கள்
  1. Agency for Integrated Care. (n.d.). Living with Dementia, A Resource Kit for Caregivers, Knowing Dementia. https://www.aic.sg/resources/Documents/Brochures/Mental%20Health/4%20Books/Book%201%20-%20KNOWING%20DEMENTIA.pdf
  2. Johnson, L. (April 18, 2019). Dementia Care: Navigating a Doctor’s Visit with Your Loved One. Retrieved May 4, 2021, from https://www.healthline.com/health/dementia-care-visiting-the-doctor-with-your-loved-one
  3. Dementia Singapore. (2017, October 24). Dealing with Dementia: The First Step. https://dementia.org.sg/2017/10/24/dealing-with-dementia-the-first-step/

The post கண்டறியப்பட்ட நோய் குறித்த உரையாடல்களைத் தொடங்குதல் appeared first on DementiaHub.SG.

]]>